Ka Nupepa Kuokoa, Volume XXIV, Number 26, 27 Iune 1885 — He Waipuilani weliweli. [ARTICLE]

He Waipuilani weliweli.

Ma ka la 9 o keia mahina ua uhi pu ia iho la kekahi kulanakauhale ma Mekiko e kokoke ana i na kapakai e kekahi waipuilani nui, aua hoopoinoia na waiwai o kela me keia ano, me ka poino pu o kekahi mau ola, a penei kahi moolelo i hoikeia : Ma ka po oka la maluna ae, ua loheia aku la ka halulu ikaika ana o ke kai, a iloko o na minute helu wale no ua pii ae la ka wai iluna me he kumulaau la ke ku, a nona paha ke kiekie i manaoia, he hookahi mile maluna ae o ke kulanakauhale, a e pii puahiohio ana iluna me he niakani la. Iloko oka manawa pokole loa keia ku ana o ka wai, ua haki ae la a haule iho la he popo wai nona paha ke kiekie he eono kapuai mawaenakonu o ke kuUnakauhale me ka ikaika, a uhiia iho la na hale e ka wai. O na hale i loaa kukonukonu i keia popo wai riuf ua hanee pu. Aia ma keia wahi i haule ai ka wai kekahi hale keaka, a e hanaia ana na hana keaka ma ia po no ka hanohano oke kiaaina a me ka Peresidena mua o Mekiko, a ua piha ka hale i na makaikal Ika wa i haule iho ai keia wai maluna o na hale, ua hikilele ae la na kanaka a puhee aku la iwaho me ka nana ole ae i kekahi; ua hehi aku kela me keia mea maluna o kekahi a he mau haneri ona ola i eha a make. Aia ma na alanui e kahe ikaika ana ka wai me he muliwai nui la» e wawahi ana i na ipuka o na halekuai me ka ikaika, a o na mea maikai a pau 1 hanaia, ua hlo i mea ole i ka wai, a o ka hohonu oka wai e lana ana maloko o na haie i hanee ole he eono a hiki i ka eiwa kapaai, 0 ke keena nui kahi e hanaia mai nei na mikini humuhumu lole a Singer» ua lana ta e ka wai a he nui wale na hale 1 like me ia. Oka waiwaī io ona hale ame na poino, aia ma kahi o 100.000 dala.

He 50 ka nui o na halepule Mor?mona ma Colorado, he 60 hoi ma Inidiana, a he 70 ma Aiuona.