Ka Nupepa Kuokoa, Volume XXIV, Number 26, 27 June 1885 — He Hana-lima. [ARTICLE]

He Hana-lima.

Ma ko makou makaikai ana i ka hale kapili-waapa o Kimo Kapiolani (I3ower) maloko aku o ke alanui Puowaina; ma kai o ke Kula Kahunapule, ua hoomakaikai oluolu ia mai makou me na wehewehe pu ana e pili ana i kana oihana, a mai loko o kana mau hoike ana mai, ua ike makou i kekahi mau mea hana, kupono no ka pomaikai o kekahi o na poe e imi nei i ko lakou olama na waapa, I kona kaapuni ana ia Molokai, he nui ka poe ana i aloha ai, no ka hemahema i na mea e hiki ai ke kapili i na poino oko lakou mau waa. Ona umii e kii ia ana iloko o na ululaau, a i ka loaa ana a hana ia īho, ua oi loa aku ke poho o ka manawa a me ka nui o ka lilo mamua ae o ke kupono, a pela no hoi no ka imi ana a hoohana i na wae, ame na mea eae no ka waa. I kona hoike ana mai, ua ike iho la makou i ka oiaio o kana mau olelo, ma na hoohalike ana. He hiki iaia ke hoolako aku i na umii-waapa no ka hapalua dala, a pela iho la no ke ano emi o na mea kapili waapa e waiho nei ma kona lima i na wa a pau, a ua makaukau oia e hooili aku ma ke kauoha ana mai a ka poe e makemake ana i na lako o kela a me keia ano no na waapa o na kanaka Hawaii. Ua kapili no hoi keia kanaka he mau moku a he mau waapa, aaia iloko o na wae o na waapa, ua hoike ia mai makou, he mea ano hou, oia hoi ka hookahi apana wae mai kahi aoao a kekahi, —he hookahi no apana i hoopio ia me ka hookui ole. Ma keia ua lilo ka waa i mea ikaika, i 01 ae mamua o ka mea pakuikui. He nui no mea eae e pili ana i ke kaplli waapa, a ina he pilikia ko ka poe waapa awaa maoli, i ko makou hoomaopopo ana, he pomaikai ke loaa ana ia lakou ma ke kipa ana i kona wahi hana i ikemaka i na mea hou, a i kuhikuhi pono ia mai ma naao maikai a keia hoa'loha maikai.