Ka Nupepa Kuokoa, Volume XXIV, Number 22, 30 Mei 1885 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa

 

No ka Makahiki, @2.00

No Eono Mahina, 1.00

KUIKE KA HULA

Poaono. MEI, 30, 1885

 

Heaha Keia Hana?

Iloko o keia mau makahiki pokole i aui hope ae nei ua ikea iwaena o ka lahui Hawaii he mau hana pili hoomana ano e.  Aole no hoi i neie ka ike maka o kahi hapa o ko makou poe helhelu i keia mea ano hou, a ua kahaha no hoi kahi poe me ke kanalua no na mea i kanaia.  He mau pule wale no i hala ae nei, hele mai la kekahi kanaka i Oahu nei mai ka mokupuni mai o Hawaii.  I hele mai ua kanaka nei e lapaau i na maka, no ka mea, ua makapo oia.  Aohe oia i hele mai a i kekahi o na kauka o Honolulu nei e nana ia kona mau maka e ka poe akamai.  Aka, ua hele ae i ka hale o kekahi kanaka opiopio i ao ole ia mamua i ka oihana lapaau.  Heaha la na laau lapaau a me na hana a keia kanak?  Eia kana hana:  Pipi aku la oia i ka wai ma na, maka o kamea makapoo, a puana ae la i na huaolelo:  “Ma ka inoa o ka Makua a me ke Keiki a me ka Uhane, e ike oe.”  Elua a ekolu paha hana ana o ka la ma keia ano, a hala na pule elua, aole nae ike o ua makapo la.  Ua like pu no ka poeleele o na maka me ka wa mamua.  A molowa iho la oia a haalele iho la i ke kahuna.

 

Ma kekahi mau wahi he lawe ia ka Palapala Hemolele a hoailonaia ka mai.  He wehe wale ia ka Buke, alaila olelo ia o ka aoao akua ka aoao o ke ola, ma ka aoao bema ka make.  Alaila heluhelu ia aku la na pauku a ina e pau pono, aohe hapa pu iwaena, e ola auanei ka mai.  Ina ma ka hema ka hele a loaa na ouli ino, e make ana ia mai, a i ole ke ulia e ae paha he mea makeehewa ka lapaau ana.  A he lehulehu wale aku na hana  e  ae o ia mau ano i awili pu ia me na hana hoomana a lapaau. 

 

He lehulehu no ka poe i haawi ia lakou iho iloko o keia mau hana hoopahele i na hoa kanaka, a he nui wale no hoi ka poe i puni ia lakou ma kekahi mau apana.

 

Ke manao nei ke KUOKOA aohe nui o kona poe heluhelu i haule iloko o keia mau hana naaupo.  O ka hapanui o ka poe a heluhelu nei i @ na kolamu o keia pepa, mai kinohi mai o kona hookumu ana he poe hele lakou ma malamalama, a aohe ma na hana o ka poeleele.  Nolaila aohe makou e hopohopo ana no oukou na pokii o na hana o ka malamalama o keia mau moku, he poe oukou ua maa a ua walea i na hana maalea;  aohe oukou e puni ana i keia “hamabaka,” wahi a ka haole.

 

Aia o ka poe ika ole, a me ka poe puni wale, o lakou ka makou i aloha a i minamina no hoi.  Pehea la e pakele ai lakou i na hoohihia ana o keia mau hoopunipuni i awili pu ia ma ka moa o ka hoomama a me ka lapaau ana?  Eia ka makou hama o ka ninau.  O oukou no ka poe heluhelu i KUOKOA na kukui a hee aku ai keia mau hana poe leele.  Mai Hawaii a hiki aku i Kauai he mau tausani ko oukou heluna nui.  Ua hai aku nei makou i na mea i hoikeia ae la maluna i hanaia ma kekahi mau apana, aohe ma na apana a pau, i lohe oukou.  A ina paha e hoea ae keia kai mimiki o ka pouli imua o ko oukou mau alo, na oukou e popoi iho a pio; aole me na lima ikaika o ka hoeha kino, aole hoi me na leo hauwalaau o ka inaina; aka me ka lamaku o ka malamalama i hoaia e ke aloha.  Aohe hana naaupo ka aina i hiki e ku imua o ka malamalama i hui pu ia me ke aloha.  I nui ke aho e na pokii.

 

I ko Makou Poe Hoa Heluhelu

 

Ua hiki mai nei kakou i ka mahina hope o ka hapa mua o ka makahiki.  E pono e noonoo mua iho ko makou poe makamaka e lawe pakahi nei i ke KUO KOA mailoko aku o ke keena hoopuka, o na makamaka o Honolulu nei a me na mokupuni, e waiho mua mai i na kauoha a oukou a me ke ola pu o ka pepa no ka hapa hope o leia makahiki.  E hoolohe i keia leo paipai a e hoolele mai me ka eleu mamua o ka pau ana o ka manawa, i ole i mel kekahi mea i ka pepa i keia hapa ae.  A ihiki ole mai na kauoha alaila, aole no makou e hooili aku ana i ka pepa.  Aole wale o ka poe lawe pakahi, aka o na luna kekahi hoomakaukau e mai e pono ai.

 

E nan iho no hoi ko makou poe makamaka o Ewa i ka leo paipai a ko makou luna o ai apana, e puka aku nei ma ka pepa o keia la. 

 

Ku ka Puu tini o ua Opiuma

 

Iloko aku la o ka pule i hala, ua hopuia he huina lehulehu loa o na tini opiuma ma ka hale hoahu ukana o na waiwai dute, e na luna kiai awa a me ka haole kiu O’Conner i hookohuia aku e lawelawe i ka hana huli opiuma.

 

O ka mua o na tini opiuma i hopuia, ai ma ke kakahiaka o ka la @@ oia ka Poaha i hala, e haole makai kiu nona ka inoa i hoikeia ae la maluna.  Ua loaa aku la iaia iwaena o na ukana i laweia mai e ke kalepa Irwin kekahi mau pahu i hoailonaia me na hua C. W. K. mawaho.  He ukana hoailona walihini keia i hoea mai ma ka hale hoahu ukana, a ua hoikeia mai no hoi ma ka pepa kuhikuhi o na ukana i ka hale dute, he waiu bata ka waiwai o ua mau pahu la, he eha nae ka nui o na pahu.  Ma ka noonoo akahele ana nae a ke kiu i kulu i ka noii ana i na mea huna ua hooholo iho la ia e huli i ka pahu, ma lia paha o loaa he opiuma e like me na hauli wale ana.  Iaia nea i huli io akuai, ua loaa aku la he 91 tini opiuma o ka pahu hookahi.  Mamua nae o ka huli ia ana o ua mau pahu la, ua miomalu mua ia iho he 14 pahu o ia ano hookahi a ua like me 1,274 tini.

 

He pake ka ona nona keia opiuma ma ka inoa o Chow Wing Kee; ua hopu ia ka pake nana i kii aku i ua mau pahu la a laweia imua o ka aha hoomalu, a ua lohea mai ua hookuuia.

 

Ma ke kakahiaka o ka Poaono mai no ua hopu hou ia no he mau tini opiuma e John Markham, a he mau pahu no hoi keia i hoikeia mai he mau pahu waiu bata e like me na pahu  mua i hopu ia.  Ma ke kakahiaka nui o ua la nei, ua hoomakaia aku la ka huli o ua mau pahu nei, a loaa aku la ka opiuma iloko, a mawaho nae o keia mau pahu ua kauia ka hoailona A. K. Hoea aku la ka mea nona na pahu, he pake, ma ia kakahiaka, a noi aku la ia Markham e hookuu ia kana mau waieai, ua ae ia mai a kii aku la ka pake i ua mau pahu nei, kau ae la ma ke kaa a hoi mai la no ka hale me na mino aka ana o ka pake.  I ke kaa nea e hele nei ma ke alanui no ka hale, ua hoounaia mai lakekahi kanaka mahope no ke kiu ana i kahi e ku ai ke kaa.  Holo loa ae la o Markham no ka halewai no ka palapala huli, a i ka loaa ana, ua hele pololei ia aku a ka hale o ua pake nei, a oia ka manawa e hooleleia iho ana ua ukana la mai ke kaa iho.  Ua huli kokeia a loaa aku la he ekolu haneri tini opiuma maloko o ua mau pahu waiu bata apuni nie.

 

Ua lawelaweia keia hana huli opiuma e na luna kiai awa me ka eleu, a ua mahalo nui ia e ka lehulehu no keia hana eleu a makaala a keia mau paaha na o ke aupuni.

 

O ka waiwai io o keia mau tini opiuma i hopuia iho nei, ua hiki aku no ia i ka ehiku tausani dala a oi.  Manomano no ua opiuma.

 

He mau La Piha Hana.

 

Ma Poalua o keia pule ae, la @ o Iune, e hoomaka ana na halawai o ka Aha Euanelio o keia paeaina, ma Kawaiahao.  O na halawai kekahi o ka Aha Kula Sabati, a me ka Ahahui o ka Poe Opiopio, iloko no o keia pule ae ma Honolulu nei.

 

Ma ka Poalima e hoike ana ke Kula Kaikamahine o Hawaiahao maloko o ka luakini, e hoomaka ana ka hoike i ka hora umi o ke awakea.  I ka Poaono iho e hoike ana ke Kula Kahunapule ma ia wahi hookahi no, a i ke ahiahi Poaono e weheia ai na haiolelo a me na himeni o na haumana o ua kula nei iloko o ka luakini.  E haiolelo ana Paleka i ka po o ka la apopo ma Kaumakapili, a e haiolelo ana o Waiamau i ka po Sabati la 7 o Iune ma Kawaiahao, o na haiolelo makahiki keia a ka Papa Hawaii, no na oihana misionari Kuwaho a Kuloko.

 

Ka La Hoomanao.

 

O keia la a makou e puka aku nei ka la hoomanao o na puuwai Amerika no ka poe koa i molia aku i ko lakou mau ola ma kela kaua kuloko o na mokuaina hui o Amerika, a e hoomanao hoi i na kuakoko a ke kaumaha i haakohi ai iloko o ia mau la omamalu o ke kipi o ka makahiki 1861 – 5 me ka hoomanawanui i na inea he nui ma ka kahua hookahe koko.

 

Ma ke Sabati i hal Mei 24, ua malama ia ae he anaina haipule no ia mau hana hoomanao ma ka luakini o Kaukeano.  Ua hoopiha ia ae ka luakini me na makamaka haole he nui, a me ka pualikoa Honolulu Rifle.  Ma kahi o ka ogana ua hoonaniia me ka hae hoku o Amerika a puni, a e kau kehakeha ana hoi ke kii manu Aeto maluna iho a i kapaia  “Manu o ke Kuokoa.”  Ma kahi o ka awai e kuku ana na kiaha puaniki pua a puni he nui, a mao a maanei o ke keena e luke hoohehalo ana na ka hana lole waihooluu like ole a pau, a ua ku i anoano na mea a pau i hoonaniia.  Ua kiki pu ae no hoi malaila na lala o ka hui Geo. O. De Long Post. G. A. R.

 

“ E alu ka pule ia Hakalau!”

 

Ke kokoke loa mai nei e aui ai na la o ka hapa mua o keia makahiki, a e aui pu auanei me ko kakou ike ana i hiona nani o ke “Kilohana Pookela o ka Lahui Hawaii.”  A aole hoi he hewa ke puana ae penei:  “Iluna no ka ua, waele e no ke pulu o lalo nei”

 

E hoomau aku ana no ko oukou pokii Simeona K. K. Nawaa no ka hapa hope e hiki mai ana, ma kona ano he Olali a he Naita puuwai ahi nou e ua Keonekuilima laula o Ewa nei.  A i mea nae e kohu pono ai oia e lilo io i Olali a i Naita puuwai a@@i, e hookomo mai oukou i kona mau rula penei:

 

1         I ka Poaono ekolu a me Poaono hope o Iune, e hoolele mai ai oukou i ke ola o ka pepa ma ko maua lima, he hookahi poohini no ka hapa hope.

2         Ina aole e loaa mai ke ola o ka pepa a hala na pule i oleloia ae la, a hiki i ka Poaono mua o Iulai, e nele ka mea honpanee i ka nupepa.

3         A ma na ipuka hale i kipa mau ai ka kakou olah, a i haki na rula maluna ae, aole oukou e ike hou mai ana iaia.

 

Nolaila, ma ke ano ua kuluma wale ia KUOKOA, a ua lehia wale kona mau kolamu ia oukou, e hooipo mau no aunei oukou ia Kahanuopaineki, ka olali o na waoakua o Arabia; Mahina-Malamalama, a me kekahi mau iniki eha a o-ku mai.  E hoolele mau mai ka aumakua.

 

A ma ke ano ua noho a ua kamaaina oia me oe mai kinohi mai o kona hoea ana mai a hiki i koia wa, a he ipo mau ia nau e ka Hawaii oiaio, a he hoa kuwili no na kau a kau.

 

O ka poe a pau e makemake ana e lawe hou i keia pepa no keia hapa hope, e haawi mai i ke ola o ka pepa i na mea nona na inoa malalo nei.

 

“ E kui ka mama i loaa o Kaoheli.”

Welina pu kakou,

O maua no me ka oiaio,

 

SIMEON K. K. NAWAA, Luna

SAM. P. K. NAWAA, Pepa.

Waipio, Ewa.

 

Weli na maka o ka Bea i ka Tiga.

 

Oiai ua loaa mai i o kakou nei na lono hope loa o ke kaua mawaena o Enelani a me Rusia, oia no ka manao ia ana e hoopau wale a e kaa na hooponopono ana no keia uluaoa i ala mai mawaena o laua ma ka lawelawe ana a kekahi mau Komisina palena aina, a o ka mea kupanaha loa oia no ka hoomau ia ana o na hoonee ana i na pualikoa imua nolaila, he mea paha ia i hiki a i loaa ina noonoo ana aku aole wale no ia kumu kuee mua keia mau liuliu kaua nui ana, oiai paha ua maopopo no ia laua e ulu mai ana kekahi mau hoopaapaa kuee mai ia kumu hookahi mai am ia mua aku a mahope koke iho paka o ka pau wale ana o ka mole io o na kuee, a no i mea, ke wawa hou ia mai nei, a hoohuli ae ana paha o Rusia i kona mau pualikoa a kaua aku ia Tureke, ma ke ano nana i hoouluulu hou ina m nai uilani kaua o ka Emepera o Rusia a lilo i lala no na kumu uluaoa mua o Enelani me Rusia maluna o na palena aina e pili koke ana i na wahi a laua e hoomalu a hooponopono nei.  Nolaila, ke hoike aku nei makou i keia ma ke ano he lala no ia kuee mau, a he mea pono paha e hoomaikeike iki ia:

 

Iwaena o na uluaoa kaua e pahola ama mawaena o Enelani me Rusia i na la i aui hope aku la, aole loa i nele i na noonoo ana a na aoao a elua ka imi ana i puuhonua ikaika a i kokua ikaika paha e loaa koke ai ia laua he hele’na molaeiae ma ke kahua kaua, ma ia ano ua ike koke o Enelani.  Aia ma Tureke a i ke kai Eleele hoi kona puuhonua maalahi loa e hoonee koke aku ai i kona mau pualikoa ma ka aina a i kona mau aumoku hoi ma ke kai, a ua loaa aku na noi ana ia Tureke e ea ia mai oia e hele aku ma ia wahi me ke keakea ole ia, e like me na mea i hoike ia mona ma na helu i hala.  Aka, ua ike koke o Rusia i keia mau hana a Enelani, a ua koi mai oia ia Tureke e hoopaa loa aku ia Enelani mai ke komo ana i ke kai Eleele, e hoole aku i ko Enelani mau koina a e hoole mau loa aku i ka loaa ana iaia he mau kokua mui ma kona aoao.

 

Ma ia ano ua ike like na aupuni kuee a elua aia o Tureke ka puka nui a ikaikea e loaa koke ai he pono ma kekahi aoao a e poino ai hoi kekahi, a nolaila, hookahi ke koi like ana.  Aka nae ua hoolaha akea ae la o Tureke, aole loa oia e komo pu aku ana iloko o keia lawelawe kaua a Enelani me Rusia a e kuikawa ana ia a ua paa hoi ia manao ona.  Mahope koke iho no ua hoea aku la imua o Tureke na hana apuhi wale a  Enelani me na hooweliweli pu, a ua ae aku oia i na koina ana a pau a Enelani me ka hakalia ole ma ka hana ana i kekahi olelo paa mawaena o laua.  A hiki hoi i ko Rusia lohe ana ua kapae ia kana mau papa imua o Tureke me ka hoolohe ole ia, ua hulili koke ae la kona inaina a nana mai la iaia.  A ma na lono hope loa mai nei ua loheia ua koi aku o Rusia i ko Tureke koena aie iaia ma kela kaua o ke Danupe i hookahe nui ia ai ke koko o na koa Rukini, a o ke koi poho hoi a Rusia iaia.

 

A oiai hoi ke hamau iki mai nei na nune kaua mawaeana o Enelani me Rusia, a ke hamau loa mai paha, alaila e lohe maopopo aku ana no paha kakou i Rusia leo kalakala maluna o Tureke, a ia ole e hookala hou ana paha ka laua mau mea kaua.  Ua lili o Rusia i ko Tureke holo mahope o Enelani, a ina i kukala ia ino nei ke kaua alaila, he mea maopopo e uhalu koke ana ka Bea i ka Liona.  He mea mapopo no hoi eia o Tureke malalo o ke kuapapa nui o ka aie ia Rusia, a ke pono ole mai keia hana mawaena o laua he mea maopopo e kaua ana.

 

Halawai Hoole Waiona

 

Ua malama ia keia halawai e ka Peresidena Mary E. Green ma ka luakini o Kaumakapili i ka hora 30 ka auina la Poaha.  Ua heluhelu mai oia i ke kahi mau pauku Baibala ma Solomona Mokuna XXI XXXI.

“Mai nana i ka waina i kona ulaula ana.  I kona aleale ana ma ke kiaha.  I kona hu ana a maikai.  Mahope iho e nahu mai me ke hahesa la, a e pa mai me he moonihoawa la.”

Mahope iho o ka heluhelu ana, ua noi mai oia i kehahi hoa e kamailio pokole no na mea e pili ana i ka waiona.

Ku mai o J. E. Kahoa a kamailio mai i ka nui o na pilikia no ka waiona, he nui na ohana i hooneleia i ka noho maemae ana, a me noho maluhia ana, a me noho maluhia ana iwaena o na lahui o ke ao nei.

Nolaila, ma ke Kumukanawai o kakou, ua papa loa ia kakou aole e hoopa, aole hoi e inu, no ka mea, he mea maikai ole ia kakou ka hoi hou ana e inu i ka rama, a haalele i ka kakou hoohiki ana; mai hoohalike ia kakou me na ilio ka hoi hou e ka luai.

Nolaila, e noho kakou me ka maluhia malalo o ko kakou Kumukanawai, me he ohana keiki la a na ka makua hookahi iloko @ o ke apo o ke kuikahi.

Ku mai o Elia Kaululaau a kamailio nona iho, he nui ko’u manawa  i hele ai i ka ona me kekahi o ko’u mau hoa, a iloko o keia mau ona ana a’u ,  ua ike au i ka ino o ka waiona; no ka mea, i kuu wai i inu ai a ona hoi aku la au a ka hale, nonoi aku la i ka wahine i mau wahi dala, i mea kuai rama.  A loaa ole mai la, hoomaka aku la e pepehi a eha loa, alaila ki@ aku la e wawahi i ka pahu a lawe mai la i na wahi dala a ka wahine i hoiliili ai no na pilikia a me na hemahema o ke keiki Mamuli o keia mea o ka ona ua eha aku la ka wahine me ka lilo na wahi dala i ka ona.

A pau ae la ka ona, nana aku la i ka wahime, he ano okoa loa kona helehelena, kaumaha mai la ka manao, hu mai la ke aloha no ka wahine a noonoo iho au iloko o’u i ke ino o ka inu rama; nolaila, ua haalele aku au i ka inu rama, ke nonoi aku nei au ia oukou na haipule o ke Akua, e pule oukou i ke Akua no’u.

Ku mai kekahi wahine no Lahaina a kamailio mai, he nui ku  hauoli ka hui pu ana me oukou ma keia halawai, a e lawe ana au i na hana o keia halawai i me na’u e kamailio aku ai i ko’u ohanana a me na hoahanau o ko’u apana, e hoike aku ana wau i ka oukou mau hana maikai.

Ku mai o Miss Johnson a kamailio mai no kona mahalo i keia hana maikai iwaena o na kanaka Hawaii, me kona manaolana e loaa ana i ke kanaka e hooikaika ana e hoole loa i ka waiona, ka noho maikai ana, a na ke Akua e kokua mai, mai haawi oukou i ka ikaika no na ilio, a me ko oukou akamai no na puaa, mahope kepa mai lakou, moku oukou.

Ku mai o Miss Green a kamailio mai no na Ahahui e ku nei i keia manawa; ma ka Moiliili kekahi Ahahui hoole waiona, a aia ma Manoa kekahi, nolaila, o keia mau Ahahui ua lilo lakou i hookahi ma keia hope aku.  Nolaila o ka poe e makemake ana e kakau i ko lakou mau inoa malalo o keia Kumukanawai e hele mai lakou e kakau.  He nui ka poe i hele mai e kakau inoa iloko o keia Ahahui Hoole Waiona.

 

Papa Hoonohonoho o na Hana a

Ka

Ahahui Euanelio Hawaii.

 

SABATI, Mei 31, hora 7:30 p.m. Haiolelo Makahiki Kuloko ma Kawaiahao, Rev. J. Waiamau; a ma Kaukeano, Rev. S. E. Bihopa.

POAKAHI, Iune 1, Ahahui Kula Sabati Pae Aina ma Kawaiahao, hora 10 a. m., a me 1 p. m.  Ahahui Imi Pono Karistiano Pae Aina ma Kaumakapili i ka po hora 7.

POALUA, Iune 2, Ahahui Euanelio, ma Kawaiahoa, hora 10 a. m., a me 1 p. m.  Papa Hawaii, hora 7 p. m.

POAKOLU, Iune, 3, Ahahui Euanelio, hora 9 a. m. Ahahui Kula Sabati, hora 1 p. m.  Ahahui Imi Pono Karistiano ma Kaumakapili, hora 7 p. m.

POAHA, Iune 4, Ahahui Eaunelio, hora 9 a. m. (na hoike makahiki a ka Puuku me ke Kakauleta).  Hora 1 p. m.  Ahaui Euanelio Inu ti ma Kakeano, hora 5 p. m.  Aha Mele ma Kaumakapili, hora 7 p. m.

POALIMA, Iune 5, hora 9 a. m. Hoie ke Kula Kaikamahine o Kawaiahao, ma ka Halekula.  Hora 10 a. m.  Hoike hui o na Kula Sabati o Oahu, ma Kaumakapili.  Hora 7 p. m. Halawai ka Papa Hawaii.

POAONO, Iune 6, hora 9 a. m. Hoike o ke Kula Kahunapule o ka Pakifika Akau, ma Kawaiahoa.  Na Haiolelo a na Haumana o ke Kula Kahunapule, ma Kawaiahao, hora 7:30 p. m.

SABATI, Iune 7, hors 7 p. m.  Haiolelo Makahiki Kuwaho ma Kaumakapili, Rev. H. H. Paleka; a ma Kaukeano, Rev. E. C. Oggel, 7:30 p. m.

 

 

HOOLAHA HOOKAPU KAI LAWAIA.

E ike auanei na kanaka a pau o kela a me keia ano, o makou o ka poe no lakou na inoa malalo iho nei, ke papa o hookapu loa aku nei makou i na Kai Lawaia i @@@ mai ia mmakou ma ka hoolimalima maia C. BERTLERMANN mai o Koolau, Kauai, oia na kai o PUUPUUNOHU, KAMAEAEA, KAOHULE, a me ka pali opini e pili ana ia Waipale.  Ua kapu loa ka lawaia ana, hele ana, a me ka lawe wale ana i na pono a me na pomaikai o ua mau kai la, o ka mea a mau mea paha e kue ana i keia, a hoop@ ia no ma ke kanawai.

D. W. KAHULA, C. KAUHAAHAA, O. REBEKA.  2024.3t*

 

NA HOOLAHA HOU.

 

A HA HOOKOLOKOLO KIEKIE O ko Hawaii Pae Aina.  Ma ka hoopo nopono.  Waiwai ma ka hana o ka Waiwai o JULIUS L. RICHARDSON, o Waianae.  Oahu i make kauoha ole.  Ma ka Keena imua o ka Lunakanawai L. McCULLY.

 

Ma ka heluhelu a me ka waihoia ana mai o ka palapaka noi a AMELIA RICHARDSON, no Waianea, mokupuni o Oahu, e hoike ana @a make kauoha ole o Julius L. Richardsom, no Waianae, Oahu, ma Honolulu, i ka la 8 o Mei, 1883, a ke waiwai kona iloko o keia Aupuni, a e noi ana e hoopuka ia ka paiapala hookohu Luna Hooponopono Waiwai ia H, A Widemann o Honolulu, Oahu.

 

Ua kauohain o ka POAKULU, ka la 24 o IUNE, 2885, ma ka hora 10 kakahiaka, oia ka manawa 1 kohoia no ka hoolohe ana i ua noi la imua o ua Lunakanawai la ma kona Keena, ma ka Hale hookolokolo ma Honolulu, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou e ae ole ia ai ua noi la.  A o keia kauoha e hoolaha ia ma ka olelo Beritania me Hawaii, i ekolu pule maloko o ke KUOKOA me Hawaiian Gazette, he mau nupepa ma Honolulu.

 

Kakauia ma Honolulu, ko Hawaii Pae Aina Mei 25, 1885.  L. McCully.

Lunakanawai o ka Aha Kiekie.

IKEA:  HENRY SMITH

Hope Kakauolelo.  2026-31

 

A HA HOOKOLOKOLO KIEKIE O KO Hawaii Pae Aina, ma ka hooponopono waiwai.  Ma ka hana o ka waiwai o JOS. WELCH, o Waikapu, mokupuni o Maui, he keiki oo ole.

 

Olelo kauoha mamuli o ke noi a ke Kahu Malama Waiwai no ke kuai ana i kekahi Waiwai Paa.

 

Ma ka heluhelu a me ka waihoia ana mai o ka Palapala Noi a L. A. THURSTON, Kahu malama waiwai o Jos. Welch, he keiki oo ole, e noi ana e kauoha oia e kuai hoolilo i kekahi waiwai paa o ua keiki oo ole la i olelo ia, e waiho la ma Haunaukoi, Kapalama, Honolulu, Oahu, i hoomaopopoia ma ka Palapala Sila Nui helu 4518 ia Kukuii, a e hoakaka ana i kekahi mau kumu ku i ke Kanawai, e aeia’i e kuaiia ua waiwai paa la.

 

Ua kauoha ia e hele mai ka poe a pau i pih i ua keiki oo ole la, a me na mea a pau i kuleana i ua waiwai la imua o keia Aha, ma ka POAKOLU ka la 24 o Iune, 1885, ma ka hora 10 kakahiaka, ma ke Keene hookolokolo ma Honolulu, mai ia wa ma ia wahi e hoike mai ai, ina ke kumu kekahi e hoopuka ole ia ai ka olelo kauoha e kuaiia ua waiwai la.

 

A ua kauoha hou ia, e hoolahaia keia olelo kauoha no ekolu pule mamua ae o ka la e hooloheia ai iloko o ke KUOKOA, he nupepa i paiia ma Honolulu i ole’o ia.

 

Hanaia ma Honolulu, ko Hawaii Pae Aina, Mei 25, 1885.

L. McCULLY

Lunakanawai o ka Aha Kiekie.

Ikea:  HENRY SMITH,

Hope Kakauolelo.  2026-31.

 

HOOLAHA KAI LAWAIA.  Mai keia la aku, ke hookapu a ke papa loa ia aku nei na kanaka a pau loa, aole e hele a lawaia maluna o ke kai o ke ahupuaao Pulehunui, a me ke kai o ke ahupuaaa o Waikapu, ma kahi e pili ana me kahi i lilo i ka Waikapu Sugar Co., o hoopii ia ma ke kanawai.  E hoolohe ka pono pilikia auanei.

W. H. CORNWELL.

Luna nui o ka Hui Mahiko o Waikapu.

Waikapu, Maui, Aperila 8 1885.  2023-4t

 

HOOLAHA HOOKO MORAKI ME KE KUAI.  Mamuli o kekahi mana kuai i hoikeia maloko o kekahi palapala moraki i hanaia mawaena o IOSIA OHIA o Waihee, mokupuni o Maui o ka aoao mua, a me H A Widemann o ka’aoao elua, ma ka la 30 o Novemaba 1881 i kakau kopeia ma ke keena o ka Luna kakau kope, ma ka Buke 70 aoao 320-2, a mainuli o ka uhaiia ana o na kumu aelike o kela moraki, nolaila, ke hoolahaia aku nei e ka mea nona ka aoao elua o ua moraki la, e hooko ana oia ia mana kuai, a ma ia hooko ana, e kudala akea ana ia i ka aina i hoikeia ma ia moraki, ma ka POAONO la 13 o Iune 1885, ma ka Keena Kudala o Lyons & Levey ma Honolulu, mokupuni o Oahu maka hora 12 o ke awakea o ia la.

 

O ka waiwai e kudala ia nan oia no kela apana aina e waiho la ma.  Waihee nona ka ili he 2 9-10 eka, a i hoakakaia na palena ma ka Palapala Sila nui Helu 3385, Kuleana Helu 442, a i hooliloia hoi ia Iosia Ohia i ileloia e Lole (w) ma o kekahi palapala kuai i hanaia ma ka la 26 Maraki 1887, a i kopeia ma ka buke 49 aoao 326 a me kekahi aina e waiho ana ma ka aoao mawaho a e kokoke ana i ka aina i hoike mua ia a oia no ka aina i haawiia e C. H. Lewers ia Iosia Ohia i oleloia, ma ke kuapo no kekahi lihi o ka apana aina i hoike ia ma ka Palapala Sila nui Helu 3385 i oleloia a ua hooliloia ua lihi la i alanui i keia manawa.

 

H. A. WIDEMANN,

Mea Moraki.

J.M. Monsarrat, Loio no ka mea moraki.

Honolulu, Mei 9, 1885   2023-4t

 

OLELO HOOLAHA: - Owau o LUUKIA (w) i hoolahaia no ka haalele kumu ole i ka’u kane mare, ke hoike aku nei, aole au i haalele iaia oia no ka i haalele ia’u a me na keiki a maua, no elua manawa.  Ma Nov. 18’3 ma Kina oia, a ma Aperila 1885 hiki ma Honolulu o hoi loa no Hilo me kona hoonoho mai ia’u ma Honolulu imua o ka lehulehu, aia a loaa ka hana, alaila kauoha mai ia’u, ae aku au me ka maikai.

 

Papa mai nei i ka poe mea waiwai aole hoaie mai ia’u, ke hoike hou aku nei au.  Iloko o na mahina piha he 16 o kona kaawale ana’ku, ua nui ka pilikia ma ko u aoao, aole ai, aole i-a, aole dala i waiho ia no ko’u ola a me na keiki, aole nae i loaa iloko o’u ka manao maikai ole e hoaie ma koaa inoa koe na mea i ae ia eia.

 

Ke hoike nei au o ka inoa kamaaina o ka’u kanei mare, elike me ka berita, O AH KI aole o LAM KEE.

MRS. LUUKAI AH KI.

Honolulu, Mei 21th, 1885  2025-2ts*

HOOLAHA HOOKAPU AINA:- Ke papa ia aku nei mea a pau, aole e hookuu wale i ko lakou mau holoholona maluna o ka aina o MRS. C. P. WARD e waiho la moa aku o ka Halemai Lepera ma Kakaako, i ikeia o KALIA.

 

E hoolohe i keia leo o hoopii ia oukou elike me ke Kanawai.  MRS. C. P. WARD

2026-3t

 

HOOLAHA PAP AINA:- I ike auanei no kanaka a pau ke naua mai i keia: O makou o ka poe nona na inoa malalo iho nei, ke hoolaha a hookapu a papa loa aku nei makou i ka poe a pau i kuleana ole maluna o ka apana aina o KAPAU@. I kake, e waiho la ma Wailuku, mokupuni o Maui, nona ka inoa Waikani-kalo, i hoakakaia ma ka Palapala Sila Nui helu 4,588, Kuleana helu 436.  A o kakou hoi na Hooilina oiaio a ka Aha Kaapuni i hooholo ai ma ka la 14 o Mei, 1885.

 

Nolaila ke papa loa ia aku nei na ano kanaka a pau, aole e mahi a lawe wale i na mea ulu o luna o ka aina i oleloia, a hoopoini wale paha i kekahi mau mea e pili ana i ua aina la; aole no hoi e hookuu wale i na holoholona o na ano a pau loa.  A ke hoomana pu ia aku nei o D. Kalani o Puuohala, Wailuku, Maui, i Luna nana e hooponopono i na mea a pau.

 

A ke kauoha pu ia aku nei ka poe e noho la maluna o ka aina, e hookaawale ia lakou iloko o na la ke 10 mai ka la e puka ai o keia Hoolaha, a o ka poe a pau e kue ana i keia, ua hiki no ia D. Kalani ke hoopii ma ke Kanawai.  Ko makou oiaio.

C. W. KAAUWAI, k KAHEINA w. D. W. Ku.

Puuohala, Wailuku, Maui.   2026-4t

 

OLELO HOOLAHA.

 

Mai hoaie mai ia LUUKIA (w) ka’u wahine mare i haalele kumu ole mai ia’u e noho la ma Honolulu, Oahum, a o na poe e hoaie mai ana, me lakou no na poho a me na poino no ka ae wale mai.

 

E hoolohe o poho auanei oukou.

Owau no o

LAM KEE (Pake.)

Kalepolepo, Hilo, Hawaii, Maie 7, 1885  2024-4t

 

AHA HOOKOLOKOLO KIEKIE O KO Hawaii Pae Aina.  Ma ka hooponopono Waiwai.  Ma ka hana o ka Waiwai o A> Kalauli o Honolulu Oahu, a me Kau Hawaii i make kauoha ole.  Ma ke Keena imua o ka Lunakanawai Nui A F JUDD.

 

Ma ka heluhelu a me ka waihoia ana mai o ka Palapala Noi a Charles N. Spencer, Lunahooponopono Waiwai o A Kalauli no kahi i oleloia ae la maluna i make, e noi ana e apono ia na hoolilo he $2285.17, @ e hoike ana e na mea i loaa mai iaia he $2285.17, a e noi ana e nana a e apono ia kela mau mea, a e kauohaia e mahele ia na waiwai e waiho ana ma kona lima i na mea i kuleana malaila, a e hookuu ia oia a me kona mau hope mai ko lakou noho ana ma ia ano.

 

Ua kanohaia, o ka POALUA, KA LA 23 O iune m h 1885, ma ka hora 10 A. M. imua o ua Lunakanawai nui la, ma ka hale hookoa lokolo ma Honolulu, oia kahi me ka m@@awai kohoia no ka hoolohe ana i ua noi la, a me na Papa Hoike i oleloia, a o ka poe a pau i pili malaila e hele mai a e hoike i ke kumu, ina he kumu io ka lakou e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i oleloia.  A o keia kauoha ma ka olelo Hawaii, e pai ia ma ke KUOKOA he nupepa i pai a hoolaha ia ma Honolulu, i ekolu pule mamua ae o ka manawa i oleloia no ka hoolohe ana.

 

Kakauia ma Honolulu. Ko Hawaii Pae Aiua, Mei 7 1885.

 

L. McCULLY,

Lunakanawai o ka Aha Kiekie. Ikea:  HENRY SMITH

Houe Kakauolelo.  2024-3t

 

A HA HOOKOLOKOLO KIEKIE O KO Hawaii Pae Aina.  Ma ka hooponopona waiwai.  Ma ka hana o na waiwai o Kahopuna (k) o Waimanalo, Koolaupoko, Oahu, i make kauoha ma Waimanalo i oleloia ma ka la 20 on Iulai, 1875, a me Kalehua (w) ke kaikamahine a Kahopuna k. i oleloia ua make kauoha no.

 

Olelo Kauoha e koho ana i la e hooiaio ia ai ka Palapala Kauoha, a Kalehua w. i oleloia a no ka hoolaha ana.

 

No ka mea, ma ka la 9 o Mei, 1885, ua waihoia mai imua o ka Aha, kekahi palapala i oleloia, oia no ke kauoha hope loa a Kalehua w. i make aku la; a me ka palapala hoopii e noi ana e hooiaioia @ ela palapala kauoha a e hoopuka ia hoi ka palapala Luna hooponopono no waiwai no ia mea ua waihoia mai e John Kimo.

 

Nolaila, ua kauoha ia o ka POAKOLU, oia ka la 10 o Iune, 1885 ma ka hora 10 kakahiaka, ma ka ru@i hookolokolo o ia Aha ma Aliiolani Hale, Honolulu, oia ka la a me ka hora e hooiaio ia ai ia Palapala Kauoha, a e hoolohe ia ai hoi ia noi ana mai, a me ka poe a pau i pili e kue ana ia Palapala Kauoha, a me ka hoopuka ana i ka palapala Luns hooponopono waiwai.

 

A ua kauoha hou ia e hoolahaia no ia mea no na pule ekolu iloko o ke KOUKOA, he nupepa i paiia a i hoolahaia ma Honolulu.

 

Kakauia ma Honolulu, ko H. P. A.  Mei 12, 1885.  L. McCULLY.

Lunakanawai o ka Aha Kiekie.

IKEA;  HENRY SMITH.

Hope Kakauolelo.  2024-3t

 

A HA KIEKIE O KO HAWAII PAE AINA.  Ma ka Hooponopono Waiwai.  Ma ka hana o ka waiwai o CHARLES TITCOMB o Kilauea, Kauai, i make.  Ma ke Keena, imua o ka Lunakanawai Nui A. F. Judd.

 

Ma ka heluhelu a me ka waihoia ana mai o ka Palapala Noi a me ka Papa Hoike hope loa a ALFRED S. HARTWELL a me WILLIAM O. SMITH na Luna Hooko o ka Palapala Kauiha a CHARLES TITCOMB, o Kilauea, Kauai, i make, e not ana e aponoia na hoolilo ana he $4296.76, a e hoike ana o na mea i loaa mai ia laua he $8060.51, a e noi ana e nana a e aponoia kela mau mea, a e kauohaia e mahele ia na waiwai e waiho ana ma ko laua lima i na mae i kuleana malaila, a e hookuu ia laua a me ko laua mau hope mai ko lakou noho ana ma ia ano.

 

Nolaila, ua kauohaia o ka POALIMA oia ka la 5 o Iune, M. H. 1885, ma ka hora10 kakahiaka, imua o ua Lunakanawai Nui la, ma ke Keena ma ka Hale Hookolokolo ma Honolulu, oia kahi a me ka manawa i kohoia na ka hooloke ana i ua Noi la, a me na Papa Hoike i oleloia, a o ka poe a pau i pili malaila e hele mai a e hoike i ke kumu, ina ke kumu io ko lakou, e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i oleloia.  A  o keia kauoha ma ka olelo Beritania me Hawaii, e paiia maloko o ka Hawaiian Gazette a me ke KUOKOA, he mau nupepa i paiia a hoolahaia ma Honolulu, i ekolu pule mamua ae o ka manawa i oleloia no ka hoolohe ana.

 

Kakauia ma Honolulu, ko Hawaii Pae Aina i keia la 5 o Mei, 1885.

 

A. F. JUDD.

   Lunakanawai Nui o ka Aha Kiekie.

Ikea e HENRY SMITH, hope.  Kakauolelo o ka Aha Kiekie.  2023-3t

 

 

A HA KIEKIE O KO HAWAII PAE AINA,  Ma ka Hooponopono Waiwai.  Ma ka hana o ka Waiwai O EMMA KALELEONALANI MOIWAHINE KANEMAKE i make.

 

Olelo Kauoha e koho ana i la e hooiaio ia ai ka Palapala Kauoha, a no ka hoolaha ana.

 

No ka mea, ma ka la 18 o Mei @ @ 1885, ua waihoia mai imua o ka Aha, kekahi Palapala, i olelo ia, oia no ke Kauoha Hope Loa a Emma Kaleleonalani Moiwahine Kanemake i make aku la: a me ka Palapala Hoopii e noi ana e hooiaioia kela Palapala Kauoha a e hoo puka ia hoi ka Palapala Luna Hooko ia Alexander J. Cartwrihg Senior i o Honlulu ua waihoia mai e ia.

 

Nolaila, ua Kauoha ia o ka POALUA oia ka la 16 o Iune M. H. 1885, ma ka hora 10 kakahiaka ma ka Rumi Hookolokolo oia Aha, ma Aliiolani Hale Honolulu, oia ka la me ka hora, e hooiaio ia ‘i ia Palapala Kauoha, a a hoolohe ia ai hoi la noi ana mai, a me ka poe a pau i pili, e kue ana ia Palapala Kauoha, e me ka hoopuka ana i ka Palapala Luna Hooko.

 

A ua Kauoha  hou ia, e hoolaka no ia mea no na pule ekolu ia, e hoolaha no ia mea no na pule ekolu iloko o ka Hawaiian Gazette a me ke KUOKOA he mau nupepa i pai ia a i hoolaha ia me Honolulu.

 

Kakauia ma Honolulu, ko Hawaii Pae Aina, Mei 18, 1885.

1. F. JUDD,

                          Lunakanawai o ka Aha Kiekie.

Ikea:  HENRY SMITH,

Hope Kakauolelo.

2025-3ts.

 

 

HOOLAHA HOOKAPU AINA:- Ma keia la a mahope aku nei, ua papa a hookapu loa ia ua wahine a me na kane a me na kamalii, aole e komo wale maluna o kuu mau aina kanu raiki ma Waikiki Oahu, a aole hoi e kii a ohi mai inn hua raiki ili i okiia a e waiho ana me na loi.  O ka poe hoolohe ole i keia, a hoopi@ia ma ke Kanawai.  O ke kumu, ua loaa pono aku kekahi poe e aihue ana.  Ke papa pu ia aku nei na poe mea holoholona, aole e hookuu wale ma ua mau aina la.

 

GOO KIM.

Honolulu, Mei 22 1885.  2025-4t.

 

OLELO HOOLAHA :-E ike auanei na kanaka a pau ke nana mai i keia, owau o ka mea nona ka inoa malalo iho, ka moopuna ponoi a Manoha (k.) o Wailua Mokupuni , Oahu i make, ke kauoha ia aku nei ka poe a pau i pili ia Poo (k.) o Wailua, Oahu i oleloia, e launa pu mai me a’u: oiai eia ia’u kekahi apana aina e paa nei i keia wa i ike ia ma ka inoa o Poo laua me Manoha e waiho ana ma Maile Apana o Waialua i oleloia: a i ole e launa mai, e haawi aku ana au ma ke kuai a hoolimalima i ka poe makemake mai.  Ewiki e na pili o Poo, owau no o:

 

KAMALA KAAIAHUA.

Waikele, Ewa, Ohau.  Mei 21, 1885.  2025-3t*

 

OLELO HOOLAHA A KA LUNA HOOPONOPONO WAIWAI O C. WILLIAMS :- E hookaa koke mai poe a pau i aie mai i ka Halekuai o Charles Williams (Kale, Wiliama) ma Kukuihaele, Hamakua, Hawaii, iloko o na pule eha mai keia la aku.  A ina hookaa ole mai iloko oia manawa; alaila hoopiiia lakoa ma ke Kanawai, me ke koi hou ole ai ia lakou.

 

D. F. SANFORD.

No W. C. PARKE.

Luna Hooponopono.

Honokaa Mei 15, 1885                                                                                                   2025-3t.

 

HOOKAPU AINA.

Ke hookapuia aku nei na mea a p@ aole e komo, a mahi, a hana wale maiuna kuu apana aina e waiho ia ma Kak@pah@ Kohala Komohana, Hawaii, a i kapana ma inoa o POHOLUA, oia hoi ka aina o Haam@@ make, oiai, aole no hoi i m@@akua, @@ @ no i hooliloia, aole no hoi i m@rakua , @@, @ no ia’u ke Sila o ua aina nei.  O ka mea @@ i keia e hoopiiia

no ma ke Kanawa.

 

MRS. TAMAKA HAAKE.

 

Kaikamahine ponoi a h@@@ima @ Haapu@@

 

KUAI A KE KOMIS@@@@ WAI PAA:  Ma @@@@@@@  Hon. L. Makale, Kokua M@@@@@@ kie, i hoopukaia i ka la @@ o Apr, @@@@ kuai aku ana ka mea @@@@@@@@@@@ ma ke Kudala akea ma ka.

 

POAHA IUNE 4 188@

Ma ka hora @@ awakea, ma @@@@@@@ Hale Hookolokolo o Wailuku, Maui, @@@@@ a me na pemaikai o JOHN K@@ @@@ wao i make, oia hoe na apana aina @@ @@ like me ia malalo:

 

APANA I – He aina ma Keahua K@@@@ ui, Sila Nui 314, ia Kaman@@@@ @@@@@@ he 10 ¾, a he hale no hoi maiuna.

 

APANA 2 – He aina ma H@@@ H@@@@@ ko, Maui, (he aina no Puh@@ @@@@@@@ eka me ka hale maluna.

 

APANA 3 – He  aina ma Ka@@@ah@@a. H@ nuaula, Maui, Sila Nui 1886, @@@@@ @@@ 58.97 a oi a emi mai paha.

 

APANA 4 -  He aina ma Ka@@@@@ @@ nuaula, Maui, he 22 ½ eka.

 

APANA 5 – He aina ma ke @@@@@ popolo, Makawao, Maui @@@a @@@@@ He kuike ke dala.  Na ka mea @@@@@@@ no na palapala.

 

W. C. PAKK@.

@@@@

 

 

HOOLAHA HOOKO MOKA@@@@ KE KUAI.  Ma keia he @@@@@ nie, mamuli o kekahi mama k@@@@@@@@@ kekahi palapala moraki i kakama @@@@@ Feberuari 1882, i hanaia @ B. @@@@@ Honolulu, mokupuni o Oahu, ia @@@@@@ mann o Wailua, mokupuni o Ka@@@ Hawaii Paeaina, a i kopeia ma ke K@@@@@ ke Aupuni ma ka buke 77 ma @@@@@@@@@ a no ka uhaki ia ana o na kumu @@@@@@@@ palapala moraki la i oleloia, oia @@@@@@@ ia ana o na aina a pau i hoakakua @@@@ pala moraki i oleloia, a no ka @@@@@@@@@ manawa i hoakaka ma ke kanawa, @@@@ aku ana ma ke kudala akea ma Wai@@@@@ ia maluna ae.

 

O ka waiwai e kuai ia aka ana @@@@@@@ mana kuai la i oleloia, aia no ia ma W@@@@  Penei na hoakaka ana:  O ke’a @@@ @@@ aina elua ma Wailua i oleloia a @@@@@@@ ma ka Palapala Sila Nui helu @@@@@ @@@@@ kai a me kekahi mau apana aina @@@ @@@ ma Wailua i oleloia a hoakakaia ma @@@@ pala Sila Nui 4827 ia Noi.

 

E. LINDEMANN

Ma o W. C. PARKE kona loio.

Honolulu, Apr. 16 188@

 

 

HOOLAHA HOOKO MOKAK@ ME KE KUAI.  Ke @@@@ ia aku nei ma keia hoolaha, i keh@@@ @@@@ kahi mana kua i hoikeia ma@@@@ @@@ lapala moraki i kakauia ma ka la @@ @@@@ maba, 1880, i haawiia e SAMUELA K@@@@ kahu hanai o Alfred a me M@@ K@@@@ Honolulu, Mokupuni o Oahu, @@ @@@ @ Lewers, a i kopeia ma ke Keena Ka@@ @@ ma Honolulu, ma ka Buke@@@@@@@@@ muli o ka uhakiia ana o na kun@@ @@@@@ palapala moraki la @oleloia, e @@@@@@@@@ ana ia mana kuai ma ia palapala @@@@@@ loia, na aina, na hale, a @@@ @@@ @@@@@ ia palapala moraki i h@@@@ @@@@ @@@ na pule ekolu o ka hoola@@@ ana ia @@@@ ke Kudala akea, ma ke keena  kudia @@@@@ me Levey, ma Honolulu, ma ka @@@@@@ Iune 20, 1885, a ma ka hora @@@@@@

 

O na waiwai i hoakakaia ma ia palapala @@ raki i oleloia, he elua apana aina.  @@@@@@ apana aina ma alanui Papu, Honolulu @@ hapa hoi no ka apana aina ia hoakak@@ @@@ Sila Nui 1815 – Alua He apana @@@@@@@ H@ mohamo, Waikiki, ili 39 @@@@@@@ kakaia ma ke Sila Nui 4432 ia Kahue.

 

MARY K. LEWERS

Mea @@@

William R. Austin, Loio no ka @@@@@

Kakauia ma Honolulu. Mei 14, 188@

 

 

HOOLAHA HOOKO MORAK@ ME KE KUAI: I ka@@e @@ kekahi mana kuai i hoikeia malok@ @@@@@ moraki i hanaia mawaena o B K @@ @@@ @ E. Lindemann, i kakauia ma ka la @@@@ maba, 1882, i kopeia ma ka buke @@@@@@ me 60, ke hoikeia aku nei ma keia @@@@ hookoia ana ia mana kuai ma ia mora@@@@ loia mamuli o ka uhakiia ana o @@ @@@@@ ke a me ka uku ole ia ana, ma ke k@@@@@ ma ka lihi akua o ka uwapo loihi ma W@@ Kauai, ma ka POAKAHI, la 8 o Iune ma ka hora 12 awakea.  No na mea @@@ ninua ia W. C. PARKE, helu 14 alama K@@ manu, Honolulu.

 

E. LINDEMANN

Mea @@@

 

He mau pa hale e kuai ia aka ana @@@ Wailua, Kauai.  I Elua apana ama@@ @@ ma ke Sila eai helu 4828 ia Naa@@@@@@ elua apana aina i hoakakaia ma @@@

Lu 4827 ia Noi.

 

W. C.@@@

Loio no E Lindemann.  Mei, @@ @@@@

 

 

HOOLAHA HOOKO M@KAK@ @@ KE KUA@.  Mamuli @@@@@@@ kuai i hoikeia maloko o kekahi @@@@ raki i hanaia mawaena o KAH@@@@@ analua, mokupuni o Oahu o ka @@@@@ @@@ la 16 o Mei 1878, i kakau kope@@ @@@@ na o ka Luna kakau hope ma ka @@@@@@ ao 103 & 104, a mamuli o ka uha@a @@@ kumu ailike o kela moraki nola@@ @@@@ haia aku nei e ka mea nona@@@@@ o ua moraki nei, e hooko @@@ mana kuai, a ma ia hooko ana@@@@ @@@@ ana ia ia ka aina i hoikeia ma ia ma @@@ @@@Poaono la 13 o Iune, 1885, make K@@@@@@@ o Lyons & Levey ma Honolulu @@@ o Oahu, ma ka hora 12 o ke awak@@@@@@

 

O na aina e kudalaia aku @@@@@ @@@ apana aina e waiho la ma M@@@@@@ @@@ ni o Oahu i oleloia , nona @@@@@@@ eka, i hoakakaia na palena @@ @@@@@ Sila Nui Helu 425: a me kela ap@@ @@@@@ Puako, Lahina, mokupuni o M@@@@@ ili he 1 ruda a me 34 per@@ @ @@@ lea ia ma ka Palapala Sila Nui Helu@@@@

 

STEPHEN @@@@@@

@@@@@

J. M. Monsarrat, Loio no ka @@@@@

Honolulu, Mei 9, 1885

 

 

HOOLAHA HOOKO MORAKI ME KA KUAI.  Mamuli o kekahi m@@@@@ i hoikeia maloko o kekahi Palapala M@@@@ hanaia mawaena o KAMEO iw@@@@@@@ kana kane mare, o Waiahole, @@@@ Oahu, o ka aoao mua, a me Stephen Spencer o ka aoao elua, ma ka la 19 o N@@@@@ @@@ i kakua kopeia ma ke Keena o la L@@@@@@ kope ma ka Buke 44 aoao 152 4, a @@@@ ka uhaiia ana o na kumu aelike o @@@@ nolaila, ke hoolahaia aku nei e ka mea @@@ ka aoao elua, e hooko ana oia ia mana @@@@ ma ia hooko ana, e kudala akea ana @@ @@ aina i hoikeia ma ia moraki, ma @@@@@ o Iune, 1885 ma ke Keena K@@@@@ Lyons & Levey ma Honolulu, Mokupuni @@@@@@ ka hora 12 o ke awakea o ia la.

 

O na aina e kudalaia aku ana @@@@@@ mau apana aina e waiho la ma Wa@@@@@@@ loia, a i hoakakaia penei: @@@@@@ kalo a me ke kula nona ka ili he 5 @@@@@@ i hoakaka lea ia na palena ma ka Palapala Sila Nui Helu 1426, i haawiia ia N@@@@ makuakane o Kameo (w) i oleloia. @ @@ loi kalo me ke kula nona ka ili ke 98-1@@ @ hoakaka lea ia ma ka Palapala Sila Nui Helu 1091 i haawiia ia Malule (w) ka makuah@@e o Kameo (w) i oleloia.

 

STEPHEN SPENCER

Mea Moraki

J M Monsarrat, Loio no ka mea moraki.

Honolulu, Mei 9, 1885  2023-4@