Ka Nupepa Kuokoa, Volume XXIV, Number 20, 16 Mei 1885 — Miss Annis Montague, Mele Kuke. [ARTICLE]

Miss Annis Montague, Mele Kuke.

Eia hou ma ko kakou mau kaiaulu o Mele Kuke, me kana kane mare o Mr. Chas. Turner, mai ko laua kaawaie ana aku ma na panalaau o ka hema no kekahi mau makahiki loihi i hala ae nei. O Hawaii nei ko Mele Kuke one hanau, a ua kamaaina no paha kekahi hapa o na makamaka heluhelu o keia pepa i kona mau helehelena. Ma na leo mele kona pookela, a ua kui aku kona kaulana ma ia ano ma na wahi a pau ana i kipa aku ai, a he manu leo nahe maopopo oia. Ia laua aku nei ma Kikane, ua wehe ae laua he mau anaina himeni he lehulehu wale, a ua panai pu ia mai laua me na mahalo kiekie e kplaila poe. .Ma kona hiki hou ana mai i ke one hanau, ua noi ia mai makou e e wehe ana oia he aha mele nui ma ke ahiahi o ka Poakahi o keia noa ae, oia ka la 18, a e hoomau ia aku ana paha no kekahi mau po. Maloko oka Hale Mele Hou keia aha mele e malama ia, a e hui pu ae ana me ia kekahi mau hui o na manu leo lea o ke kulanakauhale nei.

Aole keia o ka makamua loa o na aha mele i malama ia e ia ma Hawaii nei, ua lehulehu wale a ua kamaaina na kekahi poe ia mau aha mele. Nolaila, e naue ae e na makamaka e lohe i ka leo o ke kahuli Hawaii no ka mea e haalele hou iho ana oia i ka aina hanau no Amenka paha a hala loa ae i Europa. E nana pu ae i kana hoolaha e puka aku nei ma keia heiu,