Ka Nupepa Kuokoa, Volume XXIV, Number 20, 16 May 1885 — Kekahi Lono. [ARTICLE]

Kekahi Lono.

Ma kekahi lono i loaa mai i na pule i hala hope ae nei, ua hoomaopopoia ke noho hopo nei na kulanakauhale o ka aoao hikina o Amen'ka Hui no ka mai koreia, o hiki mai i o lakou iloko o keia kau iho. Ua lohe mua ia ka pahola ana o kela mai ma kekahi mau kulanakauhale o Europa i ke kau o ka makahiki i haia, a ua nui ka poino o ia mau lahui kanaka. A mamuli oia laha ana ma kela aoao o ka moana, ke manao nui nei kekahi poe e lele mai ana ma keia aoao, a komo iloko o na kulanakauhale o Amenka. A ina e kau mai ma Nu loka, a ma kahi e ae paha o na kapa kai hikina o America Hui, ke olelo nei kekahi poe noonoo aole e paa ana a huli ma keia aoao o Kaleponi. Ina he oiaio keia, alaiia o kona kokoke loa no ia i Hawaii nel Aohe makou he ake hoohikilele i ka manao o ko makou poe heluhelu. Aka, he mea pono no ke paipaiia na mea a pau e makaala pono ana i na loina o ke ola e waiho nei, a me na rula no hoi oka Papa Ola. O kekahi mau ano mai, e like me ke korela, he laha nui ma kahi i kapuluia ai ka noho ana o ke kanaka O ka pelapela ke one e ulu nui ai keia mai, a oke ino o ka wai. E makaalaia na hale noho e pono ai, a me na pa hale me na hale lua, 1 maemae ina wa a pau. E malama pono ina kino, na home ame na wahi moe i maemae. Oia iho la na kokua ma ko kanaka aoao no ke paie ana i ka mai.