Ka Nupepa Kuokoa, Volume XXIV, Number 20, 16 May 1885 — Kula Hanai o Kawaiahao [ARTICLE]
Kula Hanai o Kawaiahao
Ua hapai na haumana a me na makamaka o keia kula kaikamahine i air i mea kokua no kekahi mau hemahema o ke kula. Ua manaoia i kela pule aku nei e wehe ia ka Fair, aka ua hoopanee ia no ka make ana o ka Moiwahine ka ne make, a i keia wa ua hoopanee hou ia aku la a i ka Poaono, la 23 o Mei. He kula maikai keia, a ke hoomanawanui nei na kumu a me na haumana no kekahi mau pilikia, a no ka loaa ole o ke dala i hooholoia e ka Ahaolelo o ke kau o 1884 no ia kula. Ua loheia mai ua haawiia na haawina o kekahi mau kula, aka ua aua ia na haawina o keia kula, no na kumu i ike ole ia. Iloko o keia hemahema, aole e ole ka maliu ana ae o na maka aloha o ka lehulehu o Honolulu nei no keia mau kaikamahine o ka lahui, a e hele nui ae i ka iea a lakou i ka la 23 o keia mahina, maloko no o ko lakou halekula ma Kawaiahao.