Ka Nupepa Kuokoa, Volume XXIV, Number 20, 16 Mei 1885 — Aa ka Bea e ku hookahi imua o ka Liona. [ARTICLE]

Aa ka Bea e ku hookahi imua o ka Liona.

Ma ko Enelani hoomaopopo ana me na mana nui o Europa a puni, u.i oi ae ka makaukau o Rnsia i ke kaua i keia wa mamua o ko kela kaua i ka puali o Kareimea iloko o na makahiki he nui i hala. Iloko no hoi oīa au kaua, ua hiki i ko Enelani mana me kona ikaika ke haawi aku i hookahi kualapaa oolea a Rusia e ku lohaloha koke ai ia, a ua huipa ia aku o Rusia me ka huelo oka liona ia au. A hiki mai nae i keia wa e hoonene kaua nei laua, ua ku ae o Rusia ma kona mau kapuai mai ka noho pio ana o kona ikaika a me kona mana malalo Enelani no na makahiki he nui, a kaena ae nona iho, ua hiki iaia ke hoohaahaa i ko ka liona mana me kona ikaika, ma ka moana a ma ka aina, oiai, wahi a Rusia, ke 0 ae nei kona ohohina, a ke aneane mai nei kona mau la pala-lauhala, ua hiki iaia ke paio hookahi aku ia Enelani me ka wiwo ole. Ma keia mau kumu i maopopo ai :

Ua kaena maoli ae oia, o kona ikaika ma ka ama iloko o keia au kaua a ma keia inua aku paha, ua hiki loa iaia ke hoolawa iloko o na hora he iwakalua kumamaha, a i lako koke me na pono kaua iloko o ka wa pokole no ka nee ana aku ma ke kahua kaūa. O kona ikaika hoi ma ka moana, ua kaena ae oia ia kanakolu kumamakolu moku kaua nunui i hanaia me ka hao kila pale paa loa, a he mau moku holo loa no hoi. Mawaho ae o keia mau moku he iehulehu o na moku kaua e ae ona ma kona mau awa me na kaikuoono i i)ale ia me ka hao kila, a he heluna hoi o na moku liīlii lawe mea hoopahu. Wahi a Rusia, ua aa loa kona mau aumoku kaua ke paio mai me na iiona hae au moana o ' —Aoīei? m L e hiki ai īaia ke kaupalena aku i ko Eneiani mana, aka he aiea okoa no kekahi mawaho ae. Ke hoao nei oia ma na ano a pau e hookuemi hope aku i ko Beritanra kuiana inana nui ma na aina a me na kapakai ma ka hema mai o Rusia, ma ka hooweliweli ana i ka waha.o na pukuniahi, a me ka uwai pu ana mai i kona mahele koa ikaika ma na wahi a na maiuu o ka liona i umii ai

me ka hoike aku imua o ke akea, oia a kuhao ke kulai ia Enelani ma ke kaua. Ma kekahi ano no hoi, ua hoole loa ae oia i ka mana hooponopono a kekahi aha uwao a mau mana nui e ae paha e hoopau 1 keia mau kuee mawaena ona ame Enelani. He mea ole iuiua ona na leo o ka aha uwao, wahi ana, a koe wale no ko Enelani hooko aku i kana noi e like me kona manao ana he poik kana i hana ai. Ua pane hookamani ole ae oia i ke akea» o ko Tureke hoole ana iko Enelani mau moku kaua e komo aku ma ke kai Eleele, he mau hana apuhi wale no ia ana. Oko Tureke leo e kalahea ana no kona kuikawa, he hoopunipuni ia. Oka leo, e hoopuka ana n<> ke kuikawa, aka o na makaleho ana, aia no ia mahope o Beritania. Oke kunou ana o kona poo aia ia Rysia, aka o ka lawelawe ana o kona mau lima aia me Enelani. A wahi ana, ina e hui pu o Enelani, Tureke lialia, a tne na panalaau ikaika a pau o Enelani e kue aku īaia, aole loa oia e mauliawa; e ku hookahi mai oia imua o lakou, a e nana pu mai ina he mea hiki ia lakou ke kaiii aku i ke kauwahi iihi o kona kapa hau keokeo. A wahi hou ana, ua lawa oia i na tima wikani ma ka moana, a ua lako hoi me na kanaka ma ka aina. He wa ke ia i hoolaa ia no ka bea moe hau oka akau e nohoalii maluna o na holoholo na zna kahi o ka liona e make aku ana. Alia nae hoi a loaa hou mai na loao he pio paha a he lanakila paha.