Ka Nupepa Kuokoa, Volume XXIV, Number 18, 2 May 1885 — Ke Kaula El Mahdi, (Madai.) [ARTICLE]

Ke Kaula El Mahdi, (Madai.)

He mea pono paha ia makou e hoike aku i ke ano nui o ke kanaka nona ka inoa kaulana a puni kc ao e kau ae la maluna, a oia no ka hoa paio pu o na koa Beritania nia Soudana iloko o keia mau la, a penei ke ano nui o kona moolelo a makou i lawe mai ai - O Mahomeea Akemeta ka inoa ponoi o keia kanaka, a ua puka mai oia mailoko mai o kekahi ohana Araela, a he koko kona o ka lahui Araela. Ua hanauia oia na kona aau makua mai ma ke kulanakauhale o Dongola, e ku kokoke ana ma na kapa wai o ka muliwai NHe, a he wahi hoi i ane fihi kuna aku me ka waoakua o Nuhia. He mamo paha keia kanaka na Isemaela ke keiki a Aberahama ma kekahi kapaia ana. He kahuna MoseIema kona kupunakane, a mai iaia mai i loaa ai o Abedula kona makuakane ponol Mahope iho o kona hanau ana, ua kaa aku la kona malamaia ana na ke kahu hanai heu, a ua kaawale mai oia mai kona makua a hiki i ke kanaka makua ana. A no ka nui huhu o keia kahu hanai, a me kona hoopai pinepine ia, nolaila, ua mahuka aku la oia mai ko laua alo aku no kekahi wahi okoa, a malaila oia i noho haumana ai no kekahi kula Mahomeda. Malaila oia kahi i hoonaauao ia ai ma na hana a me na loina e pili ana i ka oihana kaula, a ua ikeia ka pii mau ana o ka naauao a rae ka holomua ma na mea a pau, a oia ka oi o na haumana ma ke akamai.

Ua haalele iho la keia Madai ia kula a komo hou aku la ma kekahi kula e, a ma o kona ikeia i ka makaukau a me ka naauao ma na mea a pau, ua hoolilo ia iho la oia i kahuna Mahometa ma ka makahiki 1870. Haalele hou oia ia wahi a noho aku la maluna o kekahi o na mokupuni liilii 0 Aba ma ka muliwai Nile, a malaila oia i hookahua ai i kona noho ana a me kana hana, a hoolilo iho la iaia i kaula hemolele, a ua hana oia i kekahi mau hana kupanaha i kumu e punihei mai ai na kanaka, a penei kana hana mua .

Eli iho la oia i kekahi lua hohonu ma ua mokupuni la, a hoolilo iho la ia i home ponoi nona, a malaila oia kahi i pule naau ai a me ke kahea ana i kona akua, ka hookeai ana, ke puhi ana i na mohai kuni ala, a ua hele mau aku oia iwaena o na kanaka e hoohuli ai, a hele aku ma kona hale pule Moseka ma kela me keia Poalima e haipule ai.

He eono makaK'. J o kona noho ana ma īa lua, a ma ia manawa loihi no hoi oia i hoomau ai ma ka hoohuli ana mai ina kanaka, aua lehulehu loa lakou i punihei mai a lawelawe i ka hoomana Mahometa. Mamua o xa ana o na helehelena o ke kaula wahahee Mahometa mai ka honua aku, ua wanana mua ae oia e hiki mai ana he kaula mahope ona, a nana e lawelawe a hooko aku i ka hana i hiki ole iaia ke lawelawe, no ka mea, ua kaupalenaia kona ikaika a me kona mana nui malu✓na o ka aina mamuli o ka laha ikaika ana o kekahi mau hoomana e ae a hoohaiki aku i kona hoomana Ma"homeda. Nolaila, ma ka manao ana o na kanaka o ke ko ana paha keia o ka wanana a Mahometa ma o keia Madai. Ua oiaio no ia mau noonoo ana, no ka mea ua ku mai keia Madai hou i ka hoomana Mahometa, a huli nui na kanaka mahope ona, a ua lilo oia i kanaka kaulana a mahaloia iwaena o na | kanaka Araba. Hookupu nui lakou i ! keia Madai me na waiwai manawalea, a haawi aku i na wahine a me na kaikamahine ui nana. Ua hoikeia ma kona moolelo, he kaula wae keia ma na wahine waiwai a hanohano wale no kona makemake, a ua lehulehu wale na wahine a keia kaula i mare ai a ua pau i ka haaleleia.

Ma ka makahiki 1881 iho nei i hala, ua hoike mai keia Madai iaia iho imua 0 na kanaka penei : "Owau no o Mahdi, ke kaula a Mahoroeta i wanana ai e hiki mai ana mahope ona, a ua hiki au ke ku aku imua o ke ao holookoa e hooia aku owau no ua kaola nei. Ua hoounaia mai au e hooponopono i na lawelawe aupuni ana o Aigupiu, a malaJo o ka'u mau iawelawe ana e mahuahua aī na pomaikai o ke aupuni a e u!u hou ai ka lahui, —ua hoounaia mai no hoi au i ke ao nei e hooko aku i ka hana i hiki ole ia Mahomeu ke hana, a owau ka mea hookahi i waeia mai e ka anela Gaberiela no ke kupono loa e hana aku ia mau hana, —*Owau ka mea 1 aeia e unahi ae i ka pahi wakawaka o ka manaoio a hoopuehu aku i na hooma na e ae mai ke aupuni aku, a ua laahia ko'u lima no ka hookau aku i ka hoo pai maluna o n% kanstiano a pau, a e kipaku loa aku ia lakou mai ke alo aku oka honua.* n Nolaiia e hoomanao iho e na heluhelu, o ka hoomana kekahi kumu nui nana i hoala mai na manao hli iwaena o na kanaka ma o aa olelo apuhi a keia kaula, a hoala &e la i ke kaoa kipikipi ma Aigupita.