Ka Nupepa Kuokoa, Volume XXIV, Number 18, 2 Mei 1885 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

            Pana e Thos. G. Thrum ma ka Halepai o ka nupepa "Saturday Press." Keena hooponopono, ma na kihi o Alanui moiwahine me Nuuanu.

            E hoouna muaaia mai na Olelo Hoolaha ma ke keena hooponopono mamua ae o ka ho@a @@ ke awakea o na poaha a pau. Aole e hoopukaia na olelo hoolaha ke laweia mai ma hope o ka ho@a i hoikeia maluna E hooko piha aku ana makou i keia @ula maluna.

            E hooili mai i na leta a pau a me na kauoha a me ka uku pepa ia KA NUPEPA KUOKOA ma Honolulu. Ina e loaa pono ole aku keia pepa i kona poe lawe, e hai mai me ka hakalI@ ole i keia Keena.

            O ka uku a keia pepa e haawi ai i kona poe luna, he umi keneta no ke dala, koe ka apana o Kena, Oahu, a me kekahi mau apana e @e kahi nui o ka luhi i ka halihali ana i ka pepa, ma ia mau apana, e hooia ka uku luna.

 

NUHOU KULOKO

Ua make ka Moiwahine Ema Kaleleonalani. Aloha ia alii hanau o ka aina.

I ka hora 3 o keia auina la e holo aku ai ka Hoku Ao no Maikonisia.

Ma ke awakea o nehinei i holo aku ai ka mokuahi Alameda no Kapalakiko me ka piha ukana no ia awa.

Ua wawahiia a hoakea hou ia ka ha le holo kamaa huila ma Huehue, a ke hoomakaukauia nei iloko o keia mau la.

Ua maule loa iho nei ia nupepa haole puka pule o ke kulanakauhale nei, a ua kudalaia ae kona mau pono a pau ma ka Poaono i hala.

Ua hoopaneeia ka Fea o Kaumaka pili a ka la 28 o keia mahina, a ma ia la e weheia ai.

Pakele ka wahine aukai mai kui-palu ia e na lae aa o Honuaula, Maui, ma kana huakai aku nei o ka pule i hala, aka, ua loaa no iaia na manuheu.

E halolaloa mai ana ke kulanakauhale nei i na malihini mai na mokupuni mai, no ka hele ana aku ma ka huakai hoolewa o ka moiwahine kanemake.

Omamalu ka lani a hakumakuma na ao a kapeke na poi wai o kulanihako i keia mau la- heaha na kahoaka, e ke kiai o ka po?

He mau ahiahi paikau keia o na pualikoa no ka puka ana ma ka hua kai hoolewa o ka Moiwahine Ema.

Ua hoea mai nei he hapa wale no o na mea kahiko e malama ia aku ana i ka Fea, ma ka luakini o Kaumakapili.

Ma o na akeakea he nui i hoea koke ole aku ai ka kakou pepa e like me ka maa mau, aka, ina mai no makou imua o oukou ma kona la ponoi e puka ai, a aole no i ulolohi loa.

Me nehinei i hookohuiaai o Geo E. Richardson e ka Aha Kiekie i kakauolelo no ka aha kaapuni Apana Elua, ma kahi o J.W. Girvin i waho mai.

Ma ka po Poalua iho nei i hanaia mai ai e ka hui keaka ma ka Hale Mele Hou ke ano o ka hookauwa kuapaaia ana o na negero i ke au hala o Amerika, a ua nani na mea i hanaia.

He mau biona nani na waihooluu o ke anuenue i ikeia ma ka po o ka la 28 nei e hoopuni ana i ka mahina, a he nui na anuenue e hoopuni ana, a mahope koke iho no ua nalo ae la ia mau hiona a ikeia aku la he lua-kalai.

O na hoaiai ana a a kekahi o na lono no ka loihi o ka manawa e waiho ai ke kino make o ka Moiwahine, he elua pule mai ka la i make ai alaila hoolewa ia, aka, ke wawaia mai nei e hookaulua ili i ana a hala ka mahina.

Ua hookohuia aku ka hui o ka Ona Miliona i mau agena no ka Papa Hoopae Limahana Iapana ma Hawaii nei. Ke upu ia aku nei e ku mai ana maanei he moku me eono haneri a oi mau limaha Iapana iloko o keia mau la.

He mau hiona uani na waihooluu o na anuenue he ia i hoikeia ma ka po o ka la 28 nei. Ua nui na anuenue e hoopuni ana i ka mahani kue ma ka mahina, oia hoi he "Luakalai" ma ka olelo ana.

Ua haule mai ke kaa lio iho a mai make loa o J L Richardson Luna nui o ka mahiko o Waianae. Ua kauohaia mai ke kauka ma ke kulanakauhale nei a ua iho aku oia me ka awiwi, a ma o kana lapaau ana ua loaa iaia ka oluolu. He elua iwi o kona aoao i haki pu.

O olu mau haku, ke noi aku nei au ia onkou ka poe e lawe ana i ke Kilohana Pookela a ka Lahui ka KUAKOA, e hookaa mai i ke dala o ka hapa hope o keia makahiki ma@na ae o ka la i o luaai e hiki mai ana, i maemae kakou. Me ka mahalo, ELIA HELEKUNIHI.

Mai kekahi makamaka mai i loaa mai ai ia makou kekahi nuhou, a oia keia Ma ka Poaono i hala, ua ike oia i kekahi mea malamalama kupaneha ma Puowaia ma ka huli makai nei ma kahi o ka pu kalola i kau ai; a ma kona hoohali@e ana i ua malamalama la, na like me ka a o ka Hoku Loa, a he melemele polu hoi ka waihooluu e hoopuni ana i ua malamalama nei. No elima minute ka loihi o keia malamalama ua hoomaka aku la ke emi liilii ana a hiki i ka nalowale loa ana. Ua ikeia keia mea ano i ka hora 12 ponoi.

            Aia imua o ka na Pukini kulana , ua hoonee mua aku la ka Amia o Afeganitana he ekolu o kona mau mahele koa ikaika a i pani paa aku hoi i ke ala maalahi loa i na Rukini e komo koke ai i Kabula, a aia ma ia wahi ka ha o ma mahele koa kahi i kiai ai. O ka hu@na nui o na koa o ia mau mahele koa ekolu ima o na Rukini, he 27,800 koa hele wawae a me 8,800 o na koa lio, a ke hui pu hoi me na koa ma Kabula, ua like me 67,000, a ua lako wale no lakou a pau me na pono kaua.

            Ua hoouna ae na kanaka kalepa waiwai a pau o ke kulanakauhale o Peteroboro, Rusia, i ke kauoha i ko lakou mau agena ma Parisa, aole e hoouna ia aku na waiwai ma ke ala aku o ke kai Baletiga maluna o na moku Beritania.

            Ua manaoia ma keia mkaua pu ae o Enelani me Rusia, e lele kaua pu ae ana o Tureke i na Rukini ma ko Enelani aoao, aka, ua pale aku o Geremania ia mau manao ana o Tureke e hookala i kana mau mea kaua me na niho o ka bea o ka akau, a ua ano hamau o Tureke i keia mau la.

            Ua hookauia aku ka weli i na makaainana Afegana e noho ana ma ka okana aina o Maruka i ko lakou lohe ana aia na pualikoa Rakini ke hoohahana la ia mau okana aina, a nolaila ua haalele iho kekahi poe ia wahi no kahi e pakele ak@ ai.

            O ka mea hiki i na aupuni nui o Europa ke manao aku aole e hiki i keia mau mana ke kaohi i ko laua mau lima koko, oia no ka hoonee mau ana o Rusia i kona mau mahele koa imua i na wa a pau, me ka maliu ole ia mai o ka Enelani mau hooponopono ana; aia mau na koa Rukini imua, a ua kahua kona pono, a eia hoi na Pelekane ke nee aku nei mahope, a he kulanalana na pono.

SOUDANA

He mau lono hauoli ka i paholaia ʻ e mwaena o na makainana o na okana aina e pili koke ana me Suakima ma Aferika no ka ikeia ana o na hiona maluhia ma ia mau wahi mai no hana inoana a na koa ke kaula Madai, a ua ike pu ia aku ke ano piliwale o ua mau koa paele la. He mau hoike ana keia i ka lanakila loa o na Pelekane maluna o na kipikipi a Madai, a me la o na lono no ia kaua a hoea hou mai oia no ka pulumi pau ana aku o na Pelekane i ua kupueu ino la nana i hoala na hana kuee. Ma ua mau okana aina la, he maluhia loa ka mea i ikeia la.

AOLE AU MA KE KEENA O KA ELELE I KEIA WA.

E na luna o ka Elele Poakolu mai Hawaii a Niihau, e hoouna mau mai nei i na leta ninau ia ʻ u i ka hiki pono mai o ka oukou mau dala ma ke keena Elele, ma ka oukou ana mai ma ka inoa o ka Luna nui, aole nae he loaa aku o ka bila hookaa mai aia aku, a ua okiia ka oukou mau ope nupepa. Ke ninau mai nei oukou ia ʻ u, i ke kumu i hiki ole aku ai o ka oukou mau bila hooaka a mau nupepa. Eia ka pane ia oukou: Ua haalele au ia keena ma na la mua o Feb. o keia makahiki no, no ke kumu maopopo no ia ʻ u. Ua pau loa ko ʻ u kuleana lawelawe ana no ia pepa. A ma ka oukou mau leta mai ia ʻ u, owau ka ka oukou mea i kamaaina a i ikeia na helehelena, a i maa. A me ka oukou mau pane e haalele ana  ka oukou i ka Elele, e like no hoi me ko ʻ u haalele ana; e hoopau ia manao e na hoa, Ua pane @u mai no hoi oukou i ko oukou malahini a me ka ike ole i ka luna nui e noho nei i keia wa, a owua ka ka oukou i maopopo pono, a he hooko pono hoi i ka oukou mau kauoha. A o kekahi mea a oukou i maa mau loa i na makahiki loihi i hala, oia no o Kahikina Kelekona, ka Luna nui a Lunahooponopono mua o ia nupepa. Nolaila, e na hoa a me na makamaka. e hoopau i ko oukou mai ia ʻ u i ka Lona nui no oukou e ninau ae ai, ka mea i hookohu pono ia.

Ua hoolaha mua aku no au i ko ʻ u haalele ia keena, ma ka nupepa a J,U, Kawainui, e hooiaio aku ana i ka hoolaha a ka Luna nui a oukou e hoohewahewa mai nei. A o ka oukou mau dala i hoouna mai ai iaia mahope mai nei o kuu haalele ana, aole au i ike ia mau dala, he ole loa no. A o kau mau dala hoi e J. Kaneaiakala o Lauai, o ka la 21 o Feb. o keia makahiki, aole i loaa mai ia ʻ u. O ka leta hou loa mai nei keia i ninau mai nei. Aole au ia keeua ia mau la, ua pau au. Aia no paha i ka Luna nui. O ka oukou mau koi a me na hooponopono ana me ia wale no ia. Oia ko oukou lohe e na hoaloha, lulu lima pu kakou.

W.S. Lokai

Kaumakapili, Honolulu

 

Ka make ana o S.K. Kaaiai

I ka nupepa Kuokoa

            Ma kalauao, Ewa, Oahu, ua kii mai na lima o ka make i ka hanu ola  S. K. kaaiai a lae aku la oiai na la loihi o ke kaa ana i ka mai. Mamua o kuu hai ana aku i na mea e pili ana i kona make ana, e pono au e hoike aku i kekahi mau mea e pili ana wa i hoonaauaoia ai. Ua hanauia oia na Mr. S. Kaaiai me Mrs. Neimulani ma Kapulena, Hamakua, Hawaii, he keiki makaala mau o Sam. K. Kaaiai i ka hele mau ana i ke kula, a pela pu no me ke Kula Sabati. A mahope mai ua hoouna koke ia oia i ke Kula Hanai o Hilo i ka M.H 1869 ia, a elua one makahili ia kula, ua puka koke mai a komo i Kahainaluna i ka 1871, a puka i ka 1875, a noho makai o Lahaina ma ka hana lima, a mahope iho ua kohoia i kumu no kula e Olowalu, a me ke Kahukula Sabati Nui o Maui Komohana.

            A no ka ikaika loa o ka nawaliwali ma kona kino, nolaila, ua waiho aku oia i ka hana, a ua hoi no Honolulu ma ka hapa hope o ka mak 1883, a ua noho pu me W.O. Smith Esq. i ke ao kanawai. Aka, no ka ikaika mau no o ka mai iaia, ua waiho aku oia i ke ao kanawai, a ua hoi no Kaaawa a me Kahana ma Koolauloa, a hiki i ka nawaliwali loa ana, ua hoihoiia mai no Ewa ma ka malama o Oct. 1884 iho nei, ua mau mai no ka nawe ana o kona ola a hoko i ka wa i paupauaho ai kona ola. Nolaila, ua waiho ma keia ao he mau makua ma ka hanau, me ka wahine e u ana, me kona kaikuahine aloha, a me ka ohana a pau i hooneleia. Me ka naau walohia a luuluu.

Thos. S. K. Nakanelua

Honolulu Apr. 22, 1885.

 

Hale Mele Hou

Ma keia Auwina La Poaono

E haawinaa ka ui Keaka kaulana o Kapalakiko mai he mau hana hoolaulea no na wahine a me keiki, no ka uku he .50 na makua, .25 no na keiki.

Ma ke ahiahi iho,

E hoike hou ia mai ai e ua Hui keaka la kekahi mau hana hoopohihihi noonoo, oia hoi na.

Lio heihei elua ma ke kahua "Kentuck." E hele ae i o J.E. Wiseman ma kona Keena Hana ma alanui Kalepa, a e loaa no na Pepa komo no $1, .75, a me ke .50 keneta.

Na Humuhana o na Haawina Kula Sabati.

Mai Aperia a Dekemba M.H. 1885.

Haawina I.

Apr. 5- Ke paulo holo ana i Roma. Oih. 27; 1,2,14- 26.

Pauku Gula. "Ke manaoio aku nei i ke Akua, e hana ia mai, e like me ka mea i olelo ia mai ai ia ʻ u." Oihana 27; 25;.

Manao nui. Ua hiki i ke Akua e kokua i ka popilikia.

Haawina II.

Apr.12- Ka ili ana o ko Paulo moku. Oih. 27; 27-44.

Pauku Gula. "Alaila, hea aku lakou ia Iehova i ko lakou pilikia ana, a hoopakele mai oia ia lakou mailoko mai o ko lakou popilikia." Hal. 107; 28.

Manao nui. ua hiki i ke Akua e hoopakele mailoko ae o na popilikia.

Haawina III.

Apr.19- Jo Paulo hele ana i Roma. Oih. 28; 1-15

Pauka Gula. "Hoomaikai aku la i ke akua, a hoolana mai." Oih. 28; 15.

Manao nui. Hoolana mau ke akua i ka poe paulele lala.

Haawina IV.

Apr. 26- Paulo ma Roma. Oih. 28; 16- 31.

Pauka Gula. "Ua hoounaia @ku ke ola o ke Akua i ko na aina e." Oihana, 28:28.

Manao nui. Ua paio aku au i ka paio maikai, ua hoopau ae nei au i ka holo ana, ua hoopaa no hoi au i ka manaoio.

Haawina V.

Mei 3- Ka hoolohe ana. Ep. 6; 1-13

Pauka Gula. "E na keiki, e hoolohe i ko oukou mau makua no ka Haku; no ka mea he pono keia."

Manao nui. O ka hoolohe i na makua, oia ke kahua o ka hoolohe ana i na luna aupuni a i ke akua.

Haawina VI.

Mei 10- O Karisto ko kakou kumu hoohalike. Phil. 2; 5-16

Pauka Gula. "I hookahi ka manao ana iloko o oukou, me ia iloko o Kristo lesu." Pi. 2; 5.

Manao nui, I like kanaka me Kristo.

Haawina VII.

Mei 17- Ka maluhia o ko ke Akua poe kanaka. Pil. 4; 4-13.

Pauka Gula. "me oukou hoi ke akua ka mea e malu ai." Pil. 4; 9.

Manao nui. O ka hauoli, ka maluhia a me ka paulele i ke akua, ua loaa ia mau haawina ma ke kula o kristo.

Haawina VIII.

Mei. 24- Ka olelo oiaio. I Tim I; 15-20, 2; 1-6

Pauka Gula. "Eia hoi ka olelo oiaio e pono  e malama nui ia mai, ua hele mai i Iesu Kristo i ke ao nei e hoola i ka poe hewa." 1;15.

Manao nui. O iesu Kristo ka hoola o kanaka a pau.

Haawina IX.

Mai 31.- Ko paulo ao ana ia Timoteo. 2 3; 14-17. 4; 1-8.

Pauka Gula. "o ka Palapala he mooleleka mea e hiki ai iaia ke hoonaauao ia oe e ola ai." 2 Tim. 3;15.

Manao nui. O ka baibala, oia ka ke akua olelo, ka malamalama a me ka alakai o kanaka.

Haawina X.

Iune 7. Ka ke akua kauoha ma kana keiki. Heb1;1-8. 2;1-4.

Pauka Gula. "No ia mea, e hiki mau ai iaia ke hoola i ka poe i hele mai i ke Akua ma ona la, no kona ola mau loa ana e uwao ana no lakou Heb. 7; 25.

Manao nui, O Iesu kristo ke ala e hiki ai i ka lani.

Haawina XIL.

Iune 21, Ka holomua ana o ke Karistiano. 2 Pet. 1; 1-11.

Pauka Gula, " I mahuahua ke aloha ia mai, a me ko oukou ike ana aku i ko oukou Haku a Hoola hoi ia Iesu Kristo. 2 Pet. 3; 18.

Manao nui. Ua holomua ma ka ike ana o Iesu, ma na olelo hoolana o ke Akua, a ma ke ao ana ma na pono Karistiano.

Haawina XIII.

Iune 28.- Haawina hoi hope. Pauka Gula, "Ua paio aku au i ka paio maikai, ua hoopau ae nei au i ka holo ana, ua hoopaa no hoi au i ka manaoio." 2 Tim. 4; 7.

Haawina I.

Iulai 5.- O ke kipi ana o na ohana he umi. 1 Na Lii, 12; 6-17.

Pauka Gula, "O ka mea hele pu me ka poe akamai, akamai no ia; o ka hoalauna o ka poe lapuwale, e mahuahua ka hewa." Sol13; 20.

Manao nui, O ke aloha ole, a me ka haaheo, a me na hoalauna lauwale, na mea e poino ai.

Haawina II.

Iulai 12,- Ka lilo ana o ke aupuni i ka hoomana kii. 1 Na Lii, 12; 25- 33.

Pauka Gula,"Aole ou akua e ae imua o ko ʻ u alo. Puk. 20; 3.

Manao nui, O ka hoolohe ole i ke Akua ka mea e poino nui ai.

Haawina III.

Iulai 19,- Omeri me Anaba. 1 Na I.ii 16; 23-34.

Pauka Gula,"He hoopailua ia Iehova ka aoao o ka mea hewa." Sol. 15; 9.

Manao nui, Mahuahua mau ka ino o ka mea hewa.

Haawina IV.

Iulai 26,- Elia no Tireba. 1 Na Lii 17; 1-16

Pauka Gula, "Hele aku la hoi oia a hana e like me ka olelo a Iehova. I Na Lii, 17; 5

Manao nui, Ua malama no ke Akua i kana mau keiki ponoi, iwaena o na pilikia aupuni.

Haawina V.

Aug. 2- Ka halawai ana Elia me Ahaba Na Lii, 18; 1-18.

Pauka Gula- I ko oukou haalele ana i na kauoha a Iehova, a ua hahai hoi mamuli o na Baala. I Na Lii, 18; 18.

Manao nui, I mea e pakele mai ka hewa. e mihi a e haalele i na hewa.

Haawina VI.

Aug. 9- Na kaula o Baala, i na lii, 18; 19-29.

Pauka Gula.- Ina o Iehova ke Akua, e haihai oukou mamuli ona, aka, a ina o Baala, e hahai mamuli ona. I na lii, 18; 21.

Manao nui, He mea nui ke koho ana i ka mea a kakou e hoomana, a e aloha nui ai.

Haawina VII.

Aug. 16.- Ke kaula o Iehova. i na lii, 18; 30-46.

Pauka ula," O Iehova o ke Akua. I na lii, 18; 39.

Manao nui. He kamahao ko ke Akua hooko ana i na pule o kona poe kanaka

Haawina VIII.

Aug. 23, - Elia ma Horeba, I na lii, 19; 1-18.

Pauka gula," Mahope iho e ke ahi, he kamumu o ke aheahe maile." I na Lii, 19; 12.

Manao nui. Ua launa ke Akua me kona poe kanaka, a ua hoolana ia lakou iloko o na popilikia.

Haawina IX.

Aug. 30.- Ka moolelo o Nabota, i na lii, 21; 4-19.

Pauka Gula," Ua kuai lilo aku oe ia oe iho e hana ma ka hewa imua o Iehova."

Manao nui. Aole nele ko ke Akua uku ana i ka poe kupaa.

Haawina XI.

Sept. 13- Ke keiki o ka wahine o Sunema. @ na lii, 4; 18-37.

Pauka gula, "Owau no ke ala hou ana a me ke ola." Io. 11; 25.

Manao nui. Ma ka lokomaikai e ola ai.

Haawina XII.

Sept. 20.- O Naamana no Suria. 2 na lii, 5; 1-16.

Pauka Gula, "E holoi mai ia ʻ u a e oi aku kuu keokeo i ko ka hau." Hal. 51; 7.

Manao nui. hookahi wale no mea e pono ai ka mea hewa.

Haawina XIII.

Sept. 27. - Hoi hope. Io. 8; 31-36.

Pauka Gula, "E koho oukou i keia la i ka oukou mea e malama aku ai. Iosua, 29; 16.

Manao nui, E haalele i ka ino, a e malama i ka maikai.

Haawina I.

Oct. 4.- Elisai ma Dotana. 2 naa lii, 6; 8-23.

Pauka Gula. "Mai lakau oe, no ka mea, ua oi aku ka poe me kakou mamua o ka poe me lakou." 2 na lii 6; 16.

Manao nui, He nui na mea e kokua ana i ka haipule i ka pale ana i na ino, aole nae ike ia.

Haawina II.

Oct. 11- Ka wi ma Samaria. 2 Na Lii, 7; 1-17.

Pauka Gula," O na mea hiki ole i kanaka, e hiki no ia i ke Akua." Luk. 18; 27.

Manao nui. Hooko no ke Akua i kana mau olelo.

Haawina III.

Oct. 18.- Ko Iehuhooikaika hoopunipuni ana. 2 Na Lii, 10; 15- 31.

Pauka Gula," Pomaikai ka poe i hele ole ma ka aoia o ka poe aia." Hal. I; I.

Manao nui. Ua haawi mai o Iesu Kristo iaia iho no kakou, e hoopakele ia kakou i ka hewa a pau, a e huikala mai nona i lahui ponoi, e hooikaika ana i na hana maikai. Tito, 2; 14.

Haawina IV.

Oct. 25. - Ka hoopaa hou ana i ka luakini. 2 Na Lii, 12; 1-15.

Pauka Gula, "Olioli aku la au ia lakou i olelo mai ai, e hele kakou iloko o ka hale o Iehova." Hal. 122; I.

Manao nui, E hooikaika, a e kokua i ke kukulu ana i ka ekalesia o ke Akua.

Haawina V.

Nov. 1.- Ka make ana o Elisai. 2 Na Lii, 13; 14-25.

pauka Gula. "Ke olelo nei oia ka mea i make." Heb. 11;4.

Manao nui, Elike me ko kakou ma naoio, pela e hana ia mai ia kakou.

Haawina VI.

Nov. 8. Moolelo o Iona. Iona, 1; 1-17.

Pauka Gula, " E ku oe, e hele i Ninewa, i kela kulanakauhale nui, e ka hea aku iaia." Iona, 1;2.

Manao nui. Ka poino, oia ka hope o ka hookuli.

Haawina VII.

Nov. 15, Ka pomaikai o ko Iona haiolelo ana. Ion, 3; 1-10.

pauka Gula, "O na kanaka o Ninewa, e ku e mai lakou i keia hanauna i ka hookolokoloana, a e hoohewa ia lakou, no ka mea, ua mihi no lakou i ke ao ana o Ioua. Eia hoi maanei ka mea i oi aku mamua o Iona. Luk. 11; 32.

Manao nui, "ke manaooi nei au i ke kalaia ana o na hewa."

Haawina VIII.

Nov. 22,- Ko Hezekia noho alii maikai ana. 2 na lii, 18; 1-12.

Pauka Gula. "Hana pono aku la oia imua o Iehova." 2 na lii, 18; 3

Manao nui, O ka pono io, oia ke kahua e paa ai ke aupuni.

Haawina IX.

Nov. 29,- Ka hooko ana i ka Hezekia pule. 2 na lii, 20; 1- 17.

Pauka Gula. "E hoolohe mai o lehova ia oe i ka la popilikia. Hal 20; I.

Manao nui, O ke Akua ke mea hoolohe a hooko i na pule.

Haawina X.

Dec. 6.- Ke aupuni hewa. Is. i, 1-18.

Pauka Gula, "Ua oki ka hana he wa ana, e ao i ka hana maikai. Is. 1; 16, 17.

Manao nui, he mea e make ai ka hewa, a o ka mea e pono ai, ka mihi o kanaka, a e kalaia e ke Akua.

Haawina XI.

Dec. 13,- Ko ka Mesia hoinoia ana. Is. 53; 1-12.

Pauka Gula, Ua kau no o Iehova maluna ona i ka hewa o kakou a pau. Is. 53; 6.

Manao nui, Na Iesu Kristo i hoolaulea i ko ke ao nei ma kona ola a make ana.

Haawina XII.

Dec. 20.- Ke noi lokomaikai. Is. 55; 1-11.

Pauka Gula, Ea i na mea a pau e makewai, e hele mai oukou i na wai. Is. 55; 1.

Manao Nui. ua noi ke Akua i na kanaka a pau e hele i ona la e loaa ke ola.

Haawina XIII.

Dec. 27, - Ko isaia mau wanana no ka hoola.

Pauka Gula, E hoomalamalama i ka poe e noho ana i ka pouli, a iloko hoi o ka malu o ka make, e alakai hoi i ko lakou mau wawae ma ka aoao e maluhia ai. Luka, 1; 7,8.

Manao nui, Ka hoolana o na wa popilikia.

 

M Thompson, (Kamikana)

He loio a kokua ma ke kanawai

            Keena hana malu@a o ka hale pohaku o kamapela, (Campbell ʻ s Block) Rumi helu 8 me9. Puka komo e huli pono la i ke Alanui Kalepa, Hoaololo.

Kanikau no Wiliama Adamu.

I ke ala hoohiki kanawai, a Lono kana

(wai e ---ilaila-----

O kana waiwai iho la no ia, o ka wai-

(maka e kulu nei; o oe----- ia-------

O oe ia e Lele anoano Leahi i ka malie ka ahuane;-----

O ka uhane alualu, wailiula i ke kula, E hopu hewa ana i ka ua pua naiea, oia----

Oia, ua hoopulu i ke kula pua o Waialae

Kuu hoapili i ke kai aloha o Niu e niua aku la.

Oia wahi aloha a makou i luana ai a hala wale oe-----

I puili pu ai me kuu kaikuaana a helewale no----

O oe o ka wahine a kakou o makou o na keiki. A me na moopuna hola kakou i lei ai. Laukanpka i ka noho ana o ia Kaha.

alona wale---- hele wale oe.

O ia Kaha a kakou i pili ai, a------

O ka hala no ia, pee huna aku la iaia. huna i ka maka, huna i ke kula o pee

(kau-----E uweno; e uwe au

Mr. Amelama k.

 

O ke ano aloha o makou hale i Omaonahele, I ka ululauua e ku la i ka aekaiKalihi, Aloha ia wahi i piiliia me kuu makua a hele wale oe, Haalele ia ʻ u he keiki e uwe aku ana ia ia oe, aloha wale oe.

Hoohaili mai ana kona aloha ia ʻ u me he la oia, Oia! o ke kino wailua uwe ole mai, e lohe au.

E uwe aku ana ia oe e ka uhane hale loa.

Aohe ano hala o ka hele ana, o ke ku no ia hoalele.

Haalele ia ʻ u he keiki, a ia makou a pau.

Hala ka uhane o kuu makua i ke ala koi ula a kahai, I ka aina a ke aka lau i Kuaihelani, I kealohilani, i Nuumealani, i ka muliwai o Lena.

Nana ka uhane i ka nawe malie a ka wai, I ka nehe a ka laahia a kiniakua, A kane ma laaa o Kanaloa, E kilohi ana i na waa kapu o poloula, Keehi ka uhane o kuu makua i ke one lau ena o Kane.

E nana ana ka uhane i ka he o na moku, I ke poo o ka la hiki ma Haehae, Haehae au la i ke aloha ia oe e kuu makua, Kuu makua o kuu wa kamalii a nui wale au, Aohe hoi he wa a ai oe i kau wahi loaa. Haalele oe ia ʻ u a i ka wa mau loa.

Auwe no hoi kuu makua e-- Uwe au ia oe- Uwe no.

Mr. Kalakini.

 

O ka uhane kui pua ahihi paha kou inoa, O mai hoi.----

O ke aka o ka uhane kiai makani o Nuuanu, -----

E walea ana i kui pua Kamakahala Uhane lei pua lehua o ka pali i Malailua la, ilaila oe.

I walea paha ka uhane i ka leo kani lea o ke kahuli,-----

I ka hoehoene lea a ka leo o ka pololei kanikuamauna,

E ikuwa ana ka leo o ka pupu- kanioe i Kahaukomo, O ka leo paha o ka uhane o kuu makua aloha kekahi, e hea ana i kona hoa noho o ka wahine kiai makani, Wahine ualo makani o Lanihuli huli mai hoi, O kona hoa ka ia o ka walea ana ia uka anu, O ia uka nahele aloha o Luakaha i noho- a e na lii;

I lau kanaka i ou mau i hala e ku o oe ana kahi.

O ke aka kino lau o kuu makua ka ʻ u e ike nei, O ka ʻ u ia manao nei oia -- Oia no paha; Hoopahaohoa mai ana ia ʻ u kona kino aka, Hoouluku mai ana i kona aloha e uwe au iaia, Uwe au; kaumaka i ka eha iaia, kuhi no au oia,

Auwe no hoi kuu aloha paumako i kuu makua e---- Kuu makua leo ole ia makou a hele wale aku la, Ke uwe nei ia oe, e ka uhane hele loa uew ole mai, I mau hookahi aku la i ke ala a ka weo lani, I ka aina i Nuumealani i ke one lau ena a Kane,

Keehi aku la i ka houpo o ka moku o Kanehunamoku,

E uwe no- E uwe au.--

Mrs. Kaukalialii

 

A Haleolono i ke kaha pili o Hoolehua lono au, E hai ana ka elele leo ole ua hala kuu makua. Hopa hewa ana au i ke aka kino wai lua, aloha ia--------

O ke aka o ua makani kaili makua la ike ole au, Auwe no hoi kuu paumako ia oe e------ auew oe,

Aole hoi o ka noho ʻ na like, a ike i kou hele ana, A waiho pu la hoi ia oe i ka hale ilina,

 

NA HOOLAHA KAMAU.

J.T. Waterhouse (Walakahaui.)

Halekuai kukaa nui me liila

Ua piha pono mena waiwai makamaa hewa ai na maka i ka nui o ka lehua.

Heaha no la hoi la

--malaili--

Na apa Kilika o na ano a pau, Pahoehoe o na ano a pau, Alapai o na an a pau, Huluhipa o na ano a pau, Na huluhulu holoku, Na Keokeo Painu, Lilina lau pau. Werotria, Leponalo, Lainakini, Aliha pelekane, Na kihei o na ano a pau, Na Koloka o na wahine, Na Kihei Huluhuu, Na kalakoa o na ano a pau, Na Kihei uhi moe, Na Koloka o na wahine, Na uhi Kilika, Na uhi Alapia, Na Hainaka nunui a luhi

--Eia hou--

 

He heluna nui ona paa lole o na kane a me na kamalii.

Na Apa paha maikai loa, polu manoanoa a lahilahi, Na Apa huluhulu a pahee,

Na paa lole huluhulu, kane, me kamalii, Na Pililakeke loloa a pokopoko,

Na palule laula o na ano a pau, Na Palule keokeo, Na Palule kalakoa,

Na Paleleili.

Na papale wahine i inohinohila me na pua me na hulu nani, a he heluna nui o na kae a me na kamalii o na ano a pau.

 

He Heluna nui o na kamaa

Na Kamaa buti, na kamaa pihi, na kamaa huka, na kamaa laholo, na kamaa weleweka.

He Heluna nui o na noho @@@@@@@@@@

Na noho Italia, noho pulu mamua, a mahope i kela a me keia ano.

 

Na aila o kela a me keia ano.

Na aila honua helu i he aiai me he wai. aila pena, aila hoomaloo, aila Oliva, aila inu, aila lauhola, waiala maikai.

 

No pena waihooluu like ole.

Keokeo, eleele, Polu melemele

--------

Ina iho ina iho

Na ipuhao, na ipu ti, na koi nui a liilii, na pahi nui a liilii, na pahi olo, pakani, na pahi olo palua

Na tabu nui a liilii, pakeke nui a liilii, na lako kamana, na lako amala, na kamaa lio, na moe hao, na pela awea

 

No lako hao, ma ka aina a me ka wai

No lako pa, pa nui a iilii, na bola, na kiaha aniwai,

na aniani kilohi, na ipukukui o na ano a pau.

 

He heluna na mea ai.

Palena poepoe, palena poepoe pulu,

palena heinaha,

palaoa o na ano a pau,

Na kamano maikai loa ma ka pahu, na kamano tini,

paakai o livapalu,

paakai inu,

paakai hu,

manu kaleponi,

Palani ai a ka lio.

-----

Helunanui o keiamaumaimai aiwaiwa ko ʻ u mau halekuai i pau i ka hualia aku na oukou no e hele mai a kilohi no oukou. Ua waeia keia mau waiwai me ka maiau, ma Pelekane, Farani, a me Amerika, no ka pono a me ka pomaikai o na kanaka Hawaii, me na kauoha mai na mokupuni hookoia me ka eleu loa.

J.T. Waterhouse