Ka Nupepa Kuokoa, Volume XXIV, Number 17, 25 ʻApelila 1885 — Page 4
| This text was transcribed by: | Rob Escuadro |
| This work is dedicated to: | ko'u anakala Walter Kuiee, III o Nanakuli, Oahu |
Ka Nupepa Kuokoa
KE KILOHANA POOKELA NO KA LAHUI HAWAII.
Ka Nupepa Kuokoa
No ka Makahiki, ……………………………$2.00
No Eono Mahina,…………………………… 1.00
- KUIKE KA RULA -
Poaono………………..APERILA, 25, 1885.
KAU LAILAI KA BANA,
(Brightly gleams our Banner.)
G. H. 313.
1
Kau lailai ka bana,
Bana o Iesu,
Bana kuhikuhi
I ke ola mau.
I ka naue ana
Nana oli ae
I ka bana e kau la,
Bana welo lai.
CHO. (Na lalani mua eha,)
Kau lailai ka bana &c.
2
Iesu Haku nani,
Hui no makou
Me ke kuikahi,
Ma ka bana ou.
Nui ka auwana,
Pau no nae ano.
Nau makou o apo,
A e hoopaa mau.
CHO. Iesu Haku nani &c.
3
Oe no ke Kuhi,
Kuhi pololei,
Mai nei a i luna
I ke ao maikai.
Ma ka paio ana,
Nana e haawi mai
I ka lanakila,
I ke ola e.
CHO. Oe no ke Kuhi &c.
4
I ka hui oluna
Me ka poe maikai,
Me na kini mele,
Me Iesu ke Lii,
Pau ka paio ana,
Maha me Iesu,
Malu a mau loa,
A hoonani mau.
CHO. I ka hui oluna &c.
Haawina Kula Sabati.
mei 17, 1885. Kumuhana, Ka hauoli Karistiano.
Pauku Baibala, Pil. 4:4 - 13.
E HAUOLI mau oukou i ka Haku; ke olelo hou aku nai au, e hauoli oukou.
5 I hoikeia hoi ko oukou akahi i na kanaka a pau. Ua kokoke mai ka Haku.
6 Mai manao nui oukou i kekahi mea: aka, i na mea a pau e hoike aku i ko oukou makemake i ke Akua ma ka pule, a me ke noi aku, a me ka hoomaikai aku.
7 A o ka maluhia o ke Akua, ka mea i oi aku i ko ke kanaka manao a pau, e hoomalu mai i ko oukou naau a me ko oukou manao ma o Kristo Iesu la.
8 Eia hoi, e na hoahanau, o na mea oiaio, na mea maikai, na mea pono, na mea hala ole, na mea lokomaikai, na mea lono maikai ia; ina he mea kupono, ina hoi he mea e hoomaikaiiai, e noonoo iho oukou ia mau mea.
9 O na mea a oukou i aoia'i, i loaa hoi, i lohe a i ike hoi ia'u, o keia ka oukou e hana'i; a me oukou hoi ke Akua ka mea e malu ai.
10 Ua olioli nui au i ka Haku, no ka mea, ua kupu hou mai ko oukou manao e kokua ia'u: malaila no oukou i manao ai, aka, aole a oukou mea e hiki ai.
11 Aole au i olelo pela no ka nele; no ka mea, ua aoia hoi au e oluolu iho i na mea a pau i loaa ia'u.
12 Ua ike hoi au i ka noho ilihune, a me ka noho lako: i na wahi a pau, a i na mea a pau, ua aoia mai la au e noho maona a e noho pololi, e noho lako a e noho nele.
13 E hiki no ia'u na mea a pau, ke kokua mai o Kristo ia'u.
Pauku Gula, O na haawina i aoia mai e ke Akua, oia ke kauoha, ka maluhia iloko o ka Haku.
NA HELUHELU LA.
Poakahi, Pil. 3: 1 - 11.
Poalua, Pil. 3: 12 - 21.
Poakolu, Pil. 4: 1 - 23.
Poaha, Mat. 6: 19- 34.
Poalima, Hal. 103: 1 - 22
Poaono, Hal. 107: 1 - 13.
Sabati, 1Tim. 6: 6 - 19.
Mele. "Mele a mau," Hoku Ao Nani 60. Pule.
NA NINAU
He pilikia anei ma ka ekalesia o Pilipi? O ka loaa ana i na pilikia, he mea anei ia e oluolu ai ka manao? He mea hoohauoli anai? Mahea o Paulo i ke kakau ana i keia leta? Heaha ke ano o kona noho ana ma Roma? Ua aoia anei haawina iaia - o ka oluolu i na mea a pau i loaa? Ua kupono paha iaia ke ao ana aku i ko Pilipi no ia mea? Heaha ke kauona ia lakou ma Pil. 4: 4? Pela anei ka Paulo ao ana ma kauwahi e ae? Rom. 12: 12. Pil. 3: 1. 1 Tes. 5: 16. 1 Pet. 4: 13. Ua kulike anei keia me ka Iesu ao ana? Mat. 5: 12. Heaha keia hauoli ana? Hauoli ana i ko ka Haku ano- i kona aloha: no ka lawelawe ana Nana e hauoli oli ana i ka hana ana aku no hai - a no ko ke Akua malama ana mai. He hauoli e mau ana, aole like me ka lealea pau wale o ke ao nei. E mau anei keia hauoli ke komo ma na pilikia? Hauoli mau anei o Paulo i ka Haku iloko o kona mau pilikia he nui?
Heaha ke kauoha ma ka p. 5? Ina hoinoia mai pehea e hana aku ai? Mat. 5: 44. Rom. 12: 14. Ua pono anei e hana ino aku no ka hana ino ia mai? Mat. 5: 39. Rom. 12: 17. 1 Tes. 5: 15. E kala anei i na hewa o hai? Mat. 6: 14, 15. 18: 20, 21. E hoike paha i ka pololei ma na ano hana a pau? Lu. 16: 10, 11. Ua pono anei e lilo ka manao a pau ma na mea o keia ao? 1 Tim. 6: 10, 11, 17. Kol. 3: 2. Owai ka mea kokoke mai? p. 5. Ua hoomanaoia anei ka nana mau ana mai o ke Akua? Ua lilo nui anei i ka hana hewa ina ua hoomanao? Ua maopopo anei ka wa e kiiia mai ai kela me keia? Ke ole i hoomakaukau e ia, hiki anei ke hoomakaukau no kela ao mahope o ka make ana? Hoik. 22: 11. E paulele ia wai? No keaha? 1 Pet. 5: 7. Ia wai e noi ai i na mea e pono ai? E @ @ @ @ aku ia wai? p. 6. Heaha ka pomaikai e loaa mai ana? p. 7. Aole anei hiki ia kakou e malama i ko kakou mau naau? He mea nui ka malama ana i ka naau? Sol. 4: 23. Mar. 7: 21, 22. Ina ino ko loko o ka naau, he maikai anei na mea e hoopukaia ana? Mat. 12: 34.
Heaha ka mea e pono ai? Mat. 23: 26. Ke ole he mau mea maikai i ka nuia ma ka mala ai, aole anei e kupu wale ana ka nahele mai o ao? Nawai e kala i na hewa? Ua hoikeia mai anei ko ke Akua aloha ma o Iesu la? Heaha ka mea mua a ka haumana a Iesu i imi aku ai? O ka oiaio anei ke kahua o na pono a pau? Manao nui ia anei ka oiaio? Ke ole ka oiaio loaa anei na mea maikai? Heaha na mea i heluia ma ka p. 8? Pehea na mea ano ino - ua pono anei e hana? 1Tes. 5: 22. 2 Cor. 6: 17. Pehea e pale aku ai i na mea ino, ke ole ma ka hookipa ana i na mea maikai ma ka naau, e noonoo ai? Pehea e hooauhee aku ai i ka pouli? Aole anei ma ka hoomalamalama ana i kahi pouli?
Ina hookipaia na manao pono ole aole anei e ikeia ana ma na hana? Ua malama anei o Paulo i na mea ana i ao aku ai? p. 9. Heaha ka mea i hauoli ai oia? Ua kokua anei ko Pilipi iaia mamua? 2 Cor. 11: 9. Pil. 4: 14, 15. He mea nui anei ka hoike ana ma na hana i ke aloha? Heaha ka haawina i loaa ia Paulo? p. 11. Pehea ka loaa ana iaia? Nawai i ao iaia? Loaa anei keia haawina i na mea a pau e imi ana? Owai ka mea e kokua ana i hiki na mea a pau? Io 15: 5. 2 Cor. 12: 9.
Mele, "E ka Uhane Mana," Hoku Ao Nani 231. Pule.
Ua maluhia, ua make ke kane.
O ka make ana o ke kane, oia ka mea e maluhia'i ka ohana!
I ka hele ana o Wilama Watta e ike a e kokua i ka poe ilihune, lohe oia i kekahi leo hooho nui mai kela aoao mai o ke alanui. Wikiwiki oia e hele ilaila, a komo iloko o kahi keena pukapuka loa. Aia hoi, ma kahi kihi, he mea e moe ana ma ka bela opala. He kanaka e haalulu ana malalo ae o ka mana o ka rama, e hailiili a hoomainoino weliweli ana i ka inoa o Iehova. Iaia e hana ana pela, lele kona uhane hala wale kona uhane mai ke kino aku a i ke alo o ka Mea nana ia i hana. I ka ike ana o ka wahine ua make kana kane, olelo oia, "E maluhia ana paha ka ohana ma keia hope aku, no ka mea, ua make ke kane." Aole kumakena ka wahine no ka make ana o kana kane. He mea ka ia e hauoli ai oia. Auhea oukou e ka poe i maa i ka ona rama, Makemake anei oukou e make me ka uwe ole ia, me ke aloha ole ia, a minamina ole ia, a hoohauoliia e na pi li kino a e na makamaka a me ke kanu wale ia, a loaa ole ka mea nana e pule kupapau? E wiki i ka haalele ana i ka waiona. Ano e hoohiki e waiho loa ia wai ahi no ka lua ahi mai. Ka wai ahi ia a ka poe kuai rama e kuai nei. Ka wai ahi ia a na aupuni e haawi nei i na laikini e kuai aku i na kanaka. Ka wai ahi ia e poino ae na ohana a e hauoli ai ka haku wahine o ka ohana ke make ka haku kane no ka ona mau ana. M. H.
The Scold. - Mea Nuku mau.
He wahine maikai ke nana aku. Hiki ke aloha a ke alohaia. Aole nae pela. No keaha? No ka mea, no ka nuku mau ana mai ke kakahiaka a po ka la. He leo maikai a nahenahe me he leo mele la kona ke pane aku i ka mea i hele mai e ike iaia. Aka oolea a kalakala ia ke pane oia i kana kane e hookaumaha ana i kona pepeiao, me kona naau. Nui na kumu e nuku ai ma ka ai hookahi ana. Pehea la e hiki ai iaia ke nau a moni miakai i kana ai? He mau mai no kona, a nuku ka wahine iaia no ia mau mai. Nuku oia iaia ke kahu i ke ahi, a nuku ke kahu ole ia. Nuku iaia ke hele iwaho, a nuku iaia ke noho iloko. Nuku iaia ke ohi ole i na ohia, a papa iaia mai ohi ia. Kena oia iaia, e hana i keia, a mai hana i kela, a mai hookuli oe i ka'u. Nui wale na kina ana i kapili ai iaia, na hana ana i hana ole ai, a kapa iaia ma na inoa aikola Aole ae iaia e ai i kahi aina me ka maluhia. Aole ae iaia e inu i ka wai me kana ai, a nuku iaia ke ai a maona pono. Waiho wale oia i kona mau lole ke lepo a nahae. Aole kaulai iwaho i ka ua i maemae. Ina weluwelu loa kona mau lole, a kuai oia i mau lole ke lepo a nahae. Aole kaulai iwaho i ka ua i maemae. Ina weluwelu loa kona mau lole, a kuai oia i mau lole hou, nukuia oia no ia kuai ana. Ke ano keia o ka mea nuku ma ka wa i hala. A ke mau nei no ia ma keia wa, aole ma ka aoao wahine wale no, ma ka aoao kane kekahi, a ma ka aoao o na haku aina a o na mea e hoi. Pili ole ia ia wai? E kiai kakou i ko kakou mau alelo. M. H.
I'll move too. - E nee aku hoi au.
He wahine ui e manao ana e hele aku i kahi e no ka pono ole o kekahi mau mea ma kona wahi noho. Aole i like mea ma kona wahi noho. Aole i like me kona makemake. A olelo kekahi luahine iaia, E kuu dia, aia a loaa ia oe he wahi noho kupono i kou makemake, he wahi noho kuikahi o kanaka, he wahi maikai loa, a nele i na mea ino e hai mai oe, a e nee aku hoi au ilaila.
@ @ @ @ @ @ @ @ @ @ anei? Ma Hilo anei? Ma Kohala anei? Ma Waimea anei? E hai mai na kamaaina. He mau mea maikai no ma keia mau wahi. He mau kane maikai me na wahine maikai e noho oluolu a kuikahi ana He mau hale kuai maikai me na hana maikai. He mau kane a wahine maikai ole kekahi, e noho kue a mokuahana ana, e enemi ana, e hana ino ana kekahi i kekahi me ka olelo ino hoi. He mau halekuai pono ole, halekuai rama, kuai bia, hale tiaka, hale hookamakama, hale hoopahupahu a pili waiwai, me na hana ino he nui wale. Pela ma na wahi a pau a puni ka honua. Ua piha ka honua i ka hewa wahi a Ioane. E nee aku oe ihea i loaa kahi noho kupono i kou makemake? Ina ua ino kou wahi e noho nei, heaha kou pono? E noho wale anei me ka hoohalahala, a iini e like me ke kaula Ieremia me Davida i loaa i mau eheu e lele aku ai i kahi hewa ole? Aole pela. E hui oe me ka poe e hooikaika ana e hoomaikai i ko lakou wahi noho, e hoopau i na ino, e hoolaulea i ka poe kue, e hoolaumania i na alanui wanawana, a e hoonui i na mea maikai, me ka hoomanao nae, aole ma keia ao kahi e malu loa ai, aia no ia ma ka lani. M. H.
Come Home, - E hoi mai oe.
He makuahine ilihune. He kaikamahine kana i haalele i kona home maikai, a hukiia iloko o ka mimilo hookamakama o Ladana.
Kaumaha loa ka makua. A ninau oia i kekahi kauka, Hiki anei ia oe ke kokua mai ia'u i loaa hou mai ka'u kaikamahine i nalowale? Ae, hiki no. Penei oe e hana ai; E hanaia kou kii, a e hanaia i mau kope o kou kii, a haawi mai ia'u. Ua hanaia pela. A ua kakauia malalo iho o na kii, E hoi mai oe. (Come home.) Ua laweia keia mau kii a kaulia ma na hale hookamakama, a ma na hale inu rama a hana lealea.
I kekai po, i ke komo ana o ua kaikamahine nei me kahi hoa ona iloko o kekahi hale lealea, ike oia i ke kii o kona makuahine. Nana oia ia kii a heluhelu i ka olelo kahea, Ei hoi mai oe, akaka iaia, ua kala ka makuahine iaia, a ku oia ma ia po, a hoi aku i kona home ponoi, me kona ano ino, ano mihi nae.
Pela no Iesu Kristo, Ke kahea nei oia i ka mea auwana, ilihune, inoino no, e hoi i ka hale o ka Makua, i ka home ma ka lani. Dome home, come home, leo aloha e kani ana iloko o ka pepeiao o na mea auwana a pau, o ke kane, o ka wahine, o ke kaikamahine, o ke keikikane. He oli, he aloha, he maha, he malu nou ma ka lani. Mai olelo oe, Aole paha hiki ke kalaia. hiki no e hoi me ka mihi nui, me ka olelo,
"Ua hewa au, ua nele no,
Aole wahi pono o'u.
A me ia nele, eia au,
E Iesu e, eia no au."
M. H.
Ka hoike ana o ke anbiani nana helehelena.
Ka wai akaka, a lana malie, he aniani ia e ike ai ke kanaka i kona helehelena. He helehelena maikai paha, a ku i ka mahaloia; he helehelena ino paha, a ku i ka hoowahawahaia.
Ke aniani nana helehelena maoli e kau ana ma ko lakou mau hale, he aniani ia e hoike io ana i ke ano o ka helehelena, he ano maikai paha, he ino paha. He bipi kane ka i ike iaia iho iloko o kahi aniani. Kuhi oia he bipi kane e, a hoomakaukau e hakaka me ia. Lele oia a ku i ke aniani. Ka nahaha a kini wale na apana o ke aniani no ia.
He kanaka me ka helehelena maikai mamua. Ua hoomaka oia e inu pakiko i ka waina. E ano e ana kona maka, e ino ana, e pehu ana, e ula ana. Olelo kahi hoa ona i kekahi la, E kuu hoa, hiki anei ia'u ke kamailio pu me oe? Hiki no. Well, me kou ike ole, ua lilo oe i kanaka ona. Owai he kanaka ona anei au? He kuhihewa ia. Aole he kuhihewa, pane ka hoa. He oiaio no. I akaka ka oiaio, e nana oe i ke aniani. He hoike oiaio ia. Aole e wahahee. Kou maka ino, maka pehu, maka@ @aula ino ka hoike he kanaka ona oe @ He maka maikai kou mamua. H@ @maka ino loa ma keia wa. Aohe me@ @ ae, ka rama wale no nana i hoinoino @ kou maka.
E nana @ @a poe inu pakiko i ka wai ona ma @ @. 23: 29. Ia wai ka uwe ana? - Ia wai na maka ulaula? Alaila, e @ @na i ke aniani nana e hoike pololei i @ @ oukou ano ona. M. H.
Aole h@ @ nice thing ma ka hale.
"O ka @ oino o Iehova ka iloko o ka hale o ka @ nea hewa." Sol. 3: 33. Ka olelo keia @ nana i hoala i ka noonoo o kekahi k@ @ aka hewa. He kanaka inu rama nui@ @u, wahi ana. O ka'u wahine, luhi @ @a oia i ka hana, i ka hanai ana i na @ @eiki mai, hookahi keiki mamua, mahope elua, a mahope iho ekolu keiki e waiho au i ka ona, a kiai i na keiki mai. I mea hoohala manawa, lawe iu a heluhelu i ka baibala. I ka loaa ana o kela pauku, "O ka hoino o Iehova ka iloko o ka hale o ka mea hewa," makau iki au. He mau la ma @ @ @ @ kekahi keiki; a aole liuliu make kekahi keiki hou. @ @ weliweli loa au, a ike, he oiaio, "O ka hoino o Iehova ka iloko o ka hale mea hewa." Eia hoi ia iloko o kauhale. Kuu mihi no ia, a haalele loa i ka ona, a loaa no ke kalaia, me ka hoopomaikaiia mai e ke Akua ma o Iesu la.
M. H.
Is it a curse? - He mea hoino anei?
He kanaka kalepa e kamailio ana i kona hoa olelo, Ua haiia mai ia'u ma ka waea, he moku ka i poholo a pau loa na sela me na ohua i ka make. Pane ke hoa, koe ke ola kino i pau, ua poho kou waiwai he 40 tausani dala. Oia ko'iu waiwai maloko o ia moku.
He mea liilii nae keia, a ma he mau kanaha tausani dala hou ka i poho, olele au i kanaka ilihune loa, he mea liilii no ia, a hiki ia'u ke hoomanawanui malalo iho o ia kaumaha, ke laweia mai kuu naau nahae aku keia kaumaha. A wehe oia i ka puka o kahi keena; aia hoi e moe ana kana wahine me ka ona loa, me he mea make loa la.
Ke ano keia o ka inu rama, ka hookaumaha loa ana i ka naau o na kane, a o na wahine, me ka hana ino i na home he nui. E pau na hale kuai rama, e pau ka inu rama ana, me na laikini kuai rama. NUPEPA LADANA.
He pahu kupapau, aole nae he manele.
Pela ka mea i hoolahaia. He keiki ka i make. E kiai ana ka makuahine i ke kino make, me ke dala ole. Ua hele ka makuakane e noi aku i dala no ka lole kanu me ke kanu ana. Hoi mai oia me na dala he 17. Kuai oia i ka rama me ia mau dala, a hoino i kana wahine me ka olelo, e imi oe ma kahi e loaa'i na lole kupapau no ka hoolewa ana i ke keiki. He pahu kupapau ka i loaa, aole nae he manele kupapau. Ke ano keia o ka rama, ka hoolilo ana i ka makuakane i diabolo. Makau ole ka mea kuai rama i ka lawe ana i ke dala kupapau. Makau ole ke aupuni i ka laikini ana e kuai ia rama nei. M. H.
Mai hele i na hale kuai rama.
Ina makemake oe e hoomauia kou inoa maikai, mai hele oe i na hale kuai rama.
Ina makemake oe e hoomauia kou kulana maikai me na hana mikioi, mai hele oe i na hale kuai rama.
Ina makemake e hoomauia kou helehelena maikai, mai hele oe i na hale kuai rama.
Ina minamina oe i na kenikeni, mai hele oe i na hale kuai rama.
Ina minamina oe i kou ola ino, me kou ola uhane, mai hele oe i na hale kuai rama.
Ina minamina oe e hoopakeleia i ka lima o ka diabolo, mai hele oe i na hale kuai rama.
KAUKA ALFRED AGERS.
Pili Ohana.
Mai hoike i kou mau mea a pau.
Mai hai aku i kou ike a pau.
Mai hooi i kou aie mamua o kou waiwai ponoi.
Ekolu mea nui, ka manaoio, ka manaolana, ke aloha, ke aloha nae ka mea i oi.
Elima huaolelo maikai, Naau, mana olana, home, pomaikai, lani, ka lani ka i oi.
Ina he lumati kou, e hooauau i kahi eha me ka wai wela i bailaia ai ka uala haole, i ka wa e moe ai oe. A i ke ala ana ma ke kakahiaka, aia hoi, ua pau kou eha. Mai poina ka hoao ana.
Ka pule me ka manaoio a kanalua ole kekahi mea e pau ai ka lumati.
E. H.
MOOLELO O KA AHAHUI EUANELIO O KA MOKUPUNI O OAHU.
Halawai ka Ahahui Euanelio o Oahu ma Kaumakapili, Aperila 7, 8, 9, M. H. 1885, hora 10 a.m. Weheia na hana me ka haiao a Rev. J. W. Kaapu, ma 1 Petero 4: 8. Hoomaopopoia na lala.
EKALESIA KAHU ELELE
Kawaiahao Paleka Nalua
Kaumakapili Waiamau D. Waiwaiole
Kalihi & Moanalua Paaluhi Moolehua
Ewa Nawaa Keone
Waianae Kekahuna
Waialua Timoteo
Kahuku
Hauula Kaapu Kauahikaua
Waikane Paikuli Kaoheloahi
Kaneohe Kia
Waimanalo S. Waiwaiole
Na makua misionari, Polepe, Haida a me Binamu. Koho ka Aha ia Waiamau i Lunahoomalu, Paaluhi i Kakauolelo. Koho ka Lunahoomalu i na Komite mau.
Komite Imi Hana Polepe, Timoteo, Nalua. Komite Imi Haawina Haida, Paikuli, Keone. Komite Pai Moolelo Paaluhi.
Heluhelu mai o Polepe, Komite Imi Hana.
1 Hapalua hora haipule.
2 Na Hoike kihapai.
3 Na palapala hoopii.
4 Heluhelu haawina.
5 Na oihana kuwaho.
6 Na oihana kuloko.
7 Kula Kahunapule.
8 Kula Kaikamahine o Kawaiahao.
9 Na ekalesia kahu ole.
10 Na Kahu e noho kihapai ole ana.
11 Ka mea e pono ai na ekalesia
@ @ @ @
12 I ku@a nui no ka kahunapule.
13 Na komite hoike no ka Ahahui Nui, a no na kihapai o Oahu nei imua o ka Ahahui Nui ma Iune 1885.
14 Koho ana i na elele no ka Ahahui Nui.
15 Kahi a me ka manawa e halawai hou ai ka Aha.
Komite{Polepe, Timoteo, Nalua.
Hapai ka aha i ke kumuhana 2. Heluhelu mai o Nalua, Waiwaiole, Kia, Paikuli, i na hoike o ko lakou mau kihapai. Hoomaha ka aha a halawai hou i ka hora 1 p.m. Pule o Nalua.
Halawai hou ka aha, pule o Waiamau. Hapai hou ka aha i ke kumuhana 2. Hoike o Kaapu, Timoteo, Kekahuna, Nawaa, Paaluhi, Waiamau i na kihapai.
Kumuhana 4. E wehewehe ia Heb. 6: 18. Timoteo.
E wehewehe ia 2 Kor. 5: 11. Kaapu.
E wehewehe ia Halelu 51: 17. Paikuli.
E wehewehe ia 1 Ioane 5: 17. Haida.
Hooholo ka aha e hoolahaia ia kumamanao ma ka nupepa. Hoopanee ia a hui hou i ka hora 9 a.m. o ka la apopo. Pule o Kaapu.
La hana 2. Halawai hou ka aha i ka hora i hoopaneeia. Malamaia ka hapalua hora haipule. Heluheluia ka moolelo a aponoia. Hapaiia ke kumuhana 5. Hoike mai o Polepe no ka oihana kuwaho. Hooholoia, Ke ae nei na lala o keia aha e hooikaika aku iwaena o ko lakou mau kihapai a me na haumana Kula Sabati, i hapaha pakahi no ka makahiki, no na lilo o ka Hoku Ao; aole nae e paniia ka palena o luna. Koho ka aha ia Lono a me na haumana Kula Kahunapule i mau hoa kuka.
Kumuhana 6. Hoike mai o Polepe no ka oihana kuloko. Hooholoia, Ua minamina nui keia aha i ka lono i wawaia, e pili ana i na laikini kuai rama i hoomakaukauia no na mokupuni o keia aupuni. Mamuli o ka noonoo pono he kumu keia e hoomahuanua ai i na poino, a me ke poho o keia lahui. Nolaila, ke hoolaha aku nei keia aha i keia olelo hooholo, E ao aku ana i keia hana hoopoino, oiai, ua paa ka manao o na hookele aupuni o keia wa, e hoomahuahua a hhnui i keia ino.
Kumuhana @ Hoike mai o Haida no ke Kula Kahunapule. Waiho mai o Haida i kahi manao, E pono i keia aha e ninau i na haumana Kula Kahunapule, a mahope e haawi i palapala haiolelo no lakou. Hooholo ka e ninau ia lakou i ka la apopo. Hoopanee a hui hou i ka la apopo hora 9 a.m. Pule o S. Kia.
La hana 3. Halawai hou i ka hora 9 a.m. Malamaia ka hapalua hora haipule. Heluheluia ka moolelo a aponoia. Kohoia o Bikanele i hoa kuka. Ninauia na haumana kula S. Kaaloa, W. Kamau, G. W. Kolopapela, E. M. Hanuna, M. Napeahi, R. D. Honuakau. Ua hooholo ka aha e haawi i palapala haiolelo no lakou no hookahi makahiki. Na ka Lunahoomalu a me ke Kakauolelo e haawi i palapala. Ua hoike mai o C. K. Pa i kona manao hele i ko na aina e.
Kumuhana 8. Hoike mai o Haida no ke Kula Kaikamahine o Kawaiahao.
Kumuhana 9. Hooholo ka aha e mahele i ka ekalesia o Kahuku i elua mahele. Mai Waialee a hiki i Kahuku e hoohui aku ia me ka ekalesia o Hauula, o Waimea me ka ekalesia o Waialua Komite no ka hookaawale ana ia ekalesia, Waiwaiole, Timoteo, Kaapu. Hooholoia e haawi ke komite i mau palapala hookuu i na hoahanau o ka ekalesia o Kahuku. Hoomaha a hui hou i ka hora 1 1/2 p.m. Pule o Kaapu. Halawai hou i ka hora i hoopaneeia. Pule o Paaluhi.
Kumuhana 10. Ua hooholoia e hoopau i ka inoa Rev. maluna o na kahunapule e noho kihapai ole ana, ia A. Kaoliko, H Kauaihilo, J. Manuela, D Kekiokalani, no na kumu laulaha.
Kumuhana 11. Koho ka aha i komite e hele e kuka me ka ekalesia o Waikane, Waiamau, Timoteo, Kaapu.
(Nana ma ka aoao ekolu.)
NA HOOLAHA KUMAU.
PAPA! PAPA!
AIA MA KAHI O
LEWERS & COOKE,
(O LUI MA)
ma ke kahua kahiko ma alanui Papu a me Moi E loaa ai na
PAPA NOUAIKI.
o kela a me keia ano.
Na Pani Puka, Na Puka Aniani, Na Olepelepe, Na Pou,
Na O-a, Na Papa Hele, Na Papu Ku,
A me na Papa Moe nui loa
Na Pili o na Hale o na Ano a Pau.
Na pepa Hoonani, Na Pena o na Wai e pau
Na Kui mai ke Nui a ka Makalii, Na Ami Puka,
Na Ami Puka Aniani, Na Ami o na ano a pau,
Na Aila Pena, o @ @ keia ano Na Aila Hoomaloo,
heluhelu wale, Na Aila e ae o na ano a pau.
NA WAI VANIKI
- A ME NA -
WAI HOOHINUHINU NANI!
O NA ANO A PAU LOA.
NA BALAKI ANO NUI WALE.
A ke hai ia aku nei ka lono i na Makamaka a pau,
ua makaukau keia mau makamaka o oukou e hoolawa aku
ma na mea a pau e pili ana ma ka laua oihana
- NO KA -
UKU HAAHAA LOA.
E like me ka mea e holo ana mawaena o LAUA
a me ka MEA KUAI.
E Hele mai! E na Maakamaka
hawa no hoi koo makemake ka olaola ame maikai.
HALEPAI O THOS. G. THRUM
- O KA NUPEPA -
SATURDAY PRESS me KUOKOA
ALANUI KALEPA, HONOLULU
Malaila e paiia ai na ano a pau o na
RUKE,
HOIKE O NA KULA,
HOIKE A NA KMOITE,
NA HAAWINA KUA SABATI,
PAPA KUHIKUHI O NA ANO A PAU,
HOOLAHA NUNUI A LIILII,
HALOTA, LIPINE PAPALE,
TIKETA, WAHI LETA,
BILA PAI HAKAHKA,
HOOLAHA KUDALA,
&c., &c., &c.
Iloko o ka wa pokole a me ka auhau haahaa.
A ma ka halekuai o THOS. G. THRUM
ma ALANUI PAPU, e loaa ai na
kalana kakau o na ano a pau,
Wahi leta " " "
Inika '' " "
Penikala " " "
Mea Hoopilipili, buke hoomanao,
Peni gula a me kumu gula,
Kii, a me na laau,
Buke kii o ka ohana,
Buke kii a na keiki,
Na mea paani a na keiki,
Kaa a na keiki,
Kaa huila lua o na opio.
A he Agena no ke ana lole pepe o na
Keiki a me na wahine
No ka hoailona ana i na lole me na inoa ponoi e hookoia na kanoha a pau no na papa inoa ke waihoia ma keia haleikuai me ka uku pu o ka papa inoa i makemakeia. Uku no ka inoa hookahi me ka inika a me ka hulu, $1.50 ina ma ka papa inoa keleawe, a ina ma ka papa inoa dala, $2.
O na kauoha pau mai na mokupuni e hookoia ina e hoouna pu ia mai me ke dala a me ka moakahi pono o na hoakaka ana.
THOS. G. THRUM
H. L. CHASE. (KEIKI.)
Mea Paikii kaahele ma na mokupuni. E hanaia no na kii me ka maikai a me ka eleu pu no hoi. E paiia no na kii nui a liilii e like me ka makemake o na makamaka. He oluolu he auhau no ke pai ana. 2014-1y.*
NA HOOLAHA KUMAU
KAKELA A KUKE
E laa na pahiolo koi hole,
hamale, koi nui a me liilii, kila,
wili puaa, rula, apuapu, kui o na ano
a pau, kala kaa, hao hoopaa puka
pohaku hoana, kepa, lei ilio, kaula hao ilio,
pahi, upa, pahi umiumi, kalapu,
kope haiu, pulupulu, oepa kalakala lina hao,
ami, keehi, a me ke
-KAULA OPU. -
Palau o na ano a pau,
Oo, ho, kopala, pe, kipikua,
hao kope, au ho a pela aku,
kua bipi, lei bipi,
kaula hao bipi, uwea pa,
uwea keleawa, hao pili
piula, kaa palala, ipuhao, ipu ti
PA-PALAI MAKAU ME KE AHO
Ili wai, papa holoi, kopa ala, kaula
kuaina, hu'akai, ehi wawae,
hulu pena, a pela aku.
Pena wali, kini nui a me liilii o na ano a pau, me ka pepa kuhikuhi,
pena keokeo, aila pena, aila hoomaloo,
vaniki kaa, a me vaniki moe,
PENA HOOMALOO
- a me aniani hale -
AILA MAHU, AILA MIKINI, AILA HAMO ILI,
AILA KAA, INIKA KAMAA.
PAUDA, KUKAEPELE, KIANA PAUDA,
UIKI IPUKUKUI O NA ANO HE NUI A LEHULEHU.
LOLE MAKEPONO
- E laa na -
AHINAHINA, KALAKOA, KEOKEO,
LEPONALO, HULUMANU, UWE-WAHINE,
KUI HUMUHUMU, A ME KA LOPI.
Ke Kuike e loaa no ia ma kahi o
Kakela & Kuke!
NA MEA PIULA,
Mikini Humuhumu
Mokini a WHEELER a me WILSON
MIKINI A WILCOX ME GIBBS
NA MIKINI A
- REMINGTON. -
He nui loa na mea hao me na ukana e ae o na ano a pau,
aole hiki ke hai pau ia aku, hewa i ka wai na maka ke ike.
Laau Lapaau Kaulana Loa
A DR. JAYNE,
LAAU HOOMAEMAE KOKO
LAAU HOOPAU NAIO,
LAAU KUNU, PENIKILA,
HUAALE, PAAKAI,
LAAU HOOPAAHI, A
Me na Laau Hamo a Pela 'ku.
Kakela me Kuke.