Ka Nupepa Kuokoa, Volume XXIV, Number 15, 11 April 1885 — Page 1

BUKE XXIV, HELO 15.  HONOLULU, POAONO, APERILA 11, 1885.  NA HELU A PAU, 2119.

 

NA HOOLAHA KUMAU.

 

W R. KAKELA.

Loio a He Kokua ma ke Kanawai.

He luna Hoolano Palapala.

tf.

A ROSA. (AKONI)

Loio a He Kokua ma ke Kunawai.

He luna Hoolaio Palapala.

Keena Hana: Ma ke Keena Loio Kuhina.

tf.

S B. DOLE

LOIO, LOIO, LOIO.

He Luna Hoolaio Palapala.

Keena Hana: Ma Alanui Kaahumanu.

DILLINGHAM & CO.

 

MAU MEA KUAI LAKO JOO

Alanui Papu, Honolulu.

 

FRANK PAHIA.

ANA AINA!  ANA AINA!!

Keena Hana: Aia ma alanui Moi, Kokoke ka i ka Uwapo a Hooliliamanu.

 

C C. COLEMAN

AMARA A HE MEA HANA MEKINA

Kapili Kapuai hao lio.

A ME KA

 

HANA KAA LIO ana, etc.,

Hale Hana ma Alanui Alii,

  E kokoke la i ke Alanui Papu.

 

J P. HANAAUMOE.

 

He Lola a he Kokua ma ke Kanawai ma na iha Hoomalu a Apana o keia Aupuni.

E loaa no au ma Puna, Hawaii.

 

E. G. WALLER (WALA.)

Mea kai io bipi ma Alanui Puowaina, ma ka hale i kapaia “Kawaiahao Market,” malaila e kaa ai na io bipi momona, a e hoolawa ia a ka makemake o na makamaka.    2006-ty.

CHAS H. PULAA.

 

He LOLO A HE KOKUA MA KE KANAWAI

 

A e loaa no au ma Honomakau, Kohala Akua, Hawaii    20001-tf.

 

JOHN MAHIAI KANEAKUA,

 

LOIO A HE KOKUA MA KE KANAWAI \

MA NA AHA HOOKOLOKOLO A PAU O

KEIA AUPUNI.

 

Keena Hana me Hon. E. Preston (lolo Peekane) ima Alanui Kuahumanu, Honolulu

 

CECIL BROWN.

 

LOIO A HE KOKUA MA KE KANAWAI.na Hoolale Palapala no ka Mekupuni o Oahu

KEEN HANA:  Helu 8 alanui Kaahumanu tf.

 

RICHARD F. BIRKERTON.

       (PEKEKONA.)

LOIO A HE KOKUA M A KE KANAWAI

 

KEENA HANA:  HELU 27 alanui Kalepa.

                                    tf.

 

C BRWER & CO.  (BURUA MA.)

 

Ua makemake i aka poe mea ILI KAO MALOO a me na ILI BIBI, a pela hoi me na ILI MIKO o na ano a pau, e kuai mai i ko lakou mau ILI me makou, a e haawi no makou i ke KUMUMUAI KIEKIE LOA o ko kakou Makeke.    tf.

 

W A. KINI

 

LOIO, LOIO, LOIO.

KEENA HAHA:  Kelu 15 Alanui Kaahumanu, Honolulu.

 

W.C. AKANA (KALAUKI)

He Mahelu a Unihi-elele ma ka elele Pake me ka olelo Hawaii.  Ua makaukau no hei e hana i na Palapala Kuai e Hoolimalima a pela aku mauaena e na Pake a me na Kanaka Hawaii.  E leua no au ma ke Keeua Helu 7, Alanui Mei, ma kahi a kekeke ana i ka uuapoo o Hualiliamanu.

2010-ty

 

WILDER & CO. (WAILA MA.)

Mea kuai papa a me na lake kukulu hale o na ano a pau, a me na me ne pono a pau mo ka hala.

Kihi Alanui Moiwahine me Papu.     tf.

 

WILLIAM AULD

 

Luna Hooiaie Palapala Kepa Paahana ne ke Apana a Kona.

KEENA HANA:  Ma ke Keena Wai o Honolulu.            tf.

 

SH. MEEKAPU.

Tela humuhumu lole.

Hale Hana:  Helu 11 alanui Nuuanu.

 

JNO. M. KEALOHA

 

LUNA Hoolale Palapala Kepa Pauhana no ka @@@@@@ o Kawaihau, Kauai, He A@@@@ no ka Mooiale aua i na Pelepala no ka apena o Kawaikau, Kauai.  He Komioina Palena Aina no he apana o Kauaihau, Kauai, a he Iwae Heeke Mare ne he Pue Aina heleokea.

                                                                                                            1188-1@@

 

 

 

 

 

Ka Nupepa Kuokoa

KE KILOHANA POOKELA NO KA LAHUI HAWAII.

 

HeMoolelo Kaao No

Ka-Mahina

Malamalama

 

Ke Keiki Alii o ka welau anu o ke aupuni o Hinedu, ka Hiapaiole o na waoakua kanaka ole o Puricalia, a o ka naita hoi nana i ulupa na lua huna o na powa.

(Kakauia no ke KUOKOA.)

 

I Ka mao ana ae o na kulu eloelo a na waimaka e hiolo makawalu ana ma ko lakou mau paplina, ua kena ae a kea lii i know haku puuku a kehea aku i na kiai he umi o ke kakela, a ua emoole no hio ua puuku la ma kana apana hana i haawiia aku ai; kani poha poha aku la kana o-le no hookai Manawa, a me he ena la n aka makani, ku ana ua mau eueu nei me ko lakou mau aahu piha, a haawi aku la i hoomaikai ana e like me na rula mau o ka oihana naita.  i kauokaia aku nei oukou e hele mai e ike i ko oukou haku opio, ma o ke kauoha a ka Moi, wahi a ua haku puuku nei, a ia wa no i lele like aku ai lakou a puili ae la i ko lakou alii opio me kel aloha i kuni paa ia i ko lakou mau puuwai pakahi, a hiolo pu aku la me na waimaka.  He wa keia no ka Moi i komohia hou aku ai iloko o na kipona maeele a ke aloha, me ka naau mokumokuahua, a ua hoohala ia he wa loihi ma ka uwe ana nona.

I ke kuu ana iho o na leo haalo’u ua kena hou mai la ka Moi i kona haku puuku e haawi aku i ke kauoha iloko o na lua hunaa pau maloko o kana o-le e hooku iho i na lepa, na hae, a me kahakahana hoailona kanikau e kau ana ma ko lakou mau kakela, a e hoike pu aku i na haoilona e noho lakou me ka hauoli no ka hoi hou ana nai o kana keike aloha.  Ia wa no i eleu koke ae ai ka haku puuku i kana apana hana, a hoopaa iho la i ke ki helu elima o kana o-le, a uwe hone aku la ka leo ma na pai a pohaku o na lua huna, he elua wa ma ke kani phoa, elua ma ke kani palalu ana, a hookah ma ke kani maokioki ana, a iloko o keia mau kani ana a pau, ua hookoia pono  ia ne kauoha a ka Moi i ka wa pokole loa.

E na hooipo o keia nanea, e ae mai i ka mea kakau moolelo e hoakaka pokole aku i na mea e pili ana no ka hoopokoleia o na kauoha iloko o ka Manawa pokole loa, a penei no ia: Aia ma kekahi rumi o ke kakela u ahookaawaleia no keia oihana; aia maloko o laila, ua hanaia kekahi mau ki i hoopaaia me na huahelu mai ke i a i ka 15, a o keia no kahi e hooko koke ia ai na mea a pau e makemake ia.  Mai ka huahelu i a hiki i ka huahelu io, ua like ko lakou kani ana me na huamele himeni e pii ana ma ko lakou mau anuu iho, a mai ka huahelu 11 a hiki i ka 15, aole i like ko lakou mau kani, a o ka huina pau o na huahelu mai ka mua a ka hope, ua hoopaaia me na o-le pahaki a pau i hoohuliia ko lakou mau waha ilalo o na lua huna a me na wahi kiai a puni ke kakela, a e hoomaopopo e na hoa heluhelu, o keia no ka o-le a ka haku puuku e haawi ai i na kauoha a pau a kea lii, a e hooko koke ia ai iloko o ka imo ana a ka maka, koe na o-le a ua puuku la no na kauoha kuwaho; a pela iho la na hoakaka ana.

O ka manawa i hiki aku ai ka naita opio i ke kakela me ka puali pilikua, o na hora ahiahi no ia, a mahope o na kumakena ana ua eleu aku la ka puuku i kana huhui ulili a phui ae la, e kauoha ana i ke kuene e hoomakaukau mai i na mea ai na ke koa opio a me kona puali pilikua, a hele aku la na kuene e hoomakaukau i na mea ai.  Ku ae la ke koa opio a hele aku la ma kahi a kona makuakane e noho ana; hawanawana aku la ioa iaia e hele laua no kekahi mau minute pokole.  Ku ae la kone makua a kuikui hele aku la laua no kekahi keena okoa.  Noho iho la laua ma na noho, a pane aku la ke koa opio i kona makua. E ka makua, eia malalo o’u he hookahi tausani o na naita pilkua i haawi pio mai, a o na powa hio nana i waiho aku i kela hauna newa ikaika maluna o kou kino maloko o ke ana, ma keia huina a pau o na pilikua, he elima o lakou he poe alakai, a me ko lakou alii, a ua makemake au i wahi no lakou e noho ai.  Ua pane aku la kona mkua, n aka puuku e hoomakaukau no lakou, a hoi aku la laua no ke keena hookipa, ike aku la ka Moi i na hiona pahaohao o na naita pilikua oiai lakou e hoolai malie ana me ka makaleho i ke aiwaiwa o na wehi o ke kakela. 

I ka makaukau ana o na papaaina, ua kii ia aku la ke koa opio a me kona makua, a ua kono pu ia aku na naita pilikua a pau e ai pu me ke koa opio, i na kohi kelekele a lakou ike mua ole ai, a i hana mikioi ia e na keiki palai io dia o ka mauna o Alatai. Noho like iho la lakou ma na papaaina, a haupa nui iho la i na ono, a he hora okoa paha keia hoohipa ana i na kipona ehaeha a ka houpo lewalewa, a nohoalii ae la na manaolana o ka hauoli maluna o lakou pakahi, ia wa i uhene mai ai na leo kohaihai o na mea kani, a hilinai like ae la lakou ma nan oho, kalele ia Kau.  Na ia mau leo hoene o na mea kani i hoonanea ia lakou a hiki wale i na hora o ke kulu aumoe. Ia lakou a pau e lu ana i na hauoli ma ia po, aole i hoike ka kakou koa i kona moolelo o ka hele malihini ana ma poai lua huna o na pilikua, aka, ua hoohalaia e lakou ia po a ao, a hele loa i ka piha ana o na la ekolu, a ua hoohalaia e lakou ia mau la no na hauoli kulaia

I kekahi po, oiai na pilikua e moe ana ma ko lakou wahi i hookaawaleia e ka haku puuku, a aia ke koa opio me kona makuakane maloko o kekahi keena okoa, a e hoike ana ke koa opio i kona moolelo a me kana mau mea a pau i hana ai maluna o ka enemi e like me na mea i hoikeia ma na kelu i hala a i ka lohe ana o ka Moi i keia mau olelo a kana  keiki, ua helelei hou mai la kona mau waimaka a puili aku la i kana keiki no kona alo ana i keia puumake me na kokua ole.  i keia wa a laua e kamailio nei, ua komo mai la na naita pukonakona’o ka makakila a noho iho la e hoolohe i na mea a pau, a i ko lakou lohe ana, u aka pakahi ae la lakou a pane aku la:  Ina a makou pu kokahi me oe, ine @@ hauoli makou no ka apahu pu ana i ko lakou mau kania-I me ka oi o ka makou mau pahi.

Mahope iho o ka hamau ana o na leo, ua pane ae la ka Moi e li ia keia poe pilkua a pau me ko lakou alii, a ua hooholo like ae la kone mau naita a ia wa no i ku mai ai ke koa opio a pane aku la: Imua ou e ka makua a me kou mau ukali, o ka hoopai i hooholoia e make keia poe a pau i hahaimai mahope o’u, e hoopau ia, oiai o na awawa kapu a pau a lakou i luakaha ai, aia malalo ou a me kou mau tausani naita; o na pono, na pomaikai, a mei ia aupuni holookoa, aia malalo o ko oukou hoomalu ana, a ina pela ka hoopai i kau mua ia no lakou, ina la ua hoopai mua aki au ia lakou.  E ola lakou a pau, e ka makua a me kou mau ukali, a ina ua lawa ole ia i ko oukou manao, alaila ua hauoli au e auamo i na ahewa ana a pau maluna o’u no ko lakou ola. Imua o oukou me ka maluhia, a e hookahua i na manao maikai ma ko oukou mau puuwai pakahi, a e pale aku i na manao inaina o ka ukiuki, oiai he mau pio lakou na oukou.  He mau naita lakou i lalapaia e ke ahi o ka hopo ole, a ua paio mai lakou imua o’u me ke kuemi ole, aka, na ka ulia laki o ka manawa i haawi i ka lanakila no’u; ano e na hiena o ke kakela Omaomao, o ka uwalu imua o oukou e hoola ia lakou, no ka mea he poe make lakou i na manawa a pau, a maluna iho o’u ke ahewa.  Pane mai la ka Moi, e noonoo au ma keia po, a ia wa lakou i hoi aku e hooluolu no ia koena po, a haule aku la i na hoonanea a Niolopua.

 

 

KA MOOLELO KAAO O

KAHANUOPAINEKI,

 

Ke keiki alii o ke Waoakua o Arabia, Ka Naita nana kuakau na l ua kuna o na Pewa.

 

MAHOPE iho o ka pau ana o ka lakou mau hoomaikai ana imua ao na alii opio, ua ku ae la o Kahanuopaineki a pahola aku la i kona aloha imua o ka ohana alii a me ko laua mau makaainana, a poha aku la kona leo olu waipahe: Imua o oukou e o’u mau makaainana aloha o kuu aupuni nei, a me ka ohana alu o kuu aina i noho a kupa, a no na malihini hoi ko’u aloha pumehana.  Oiai ka oukou huakai makaikai no ko’u home noho kuaihiwi aloha, a ua makuakau hoi no ka nee ana aku imua, aka he au ko ka manawa, ua haule hope iho la ka manaolana no ka hiki ma ia la, mamuli o kekahi mau kumu, a mamuli no hoi o ka au-a ana o lo kakou kahuna nui e noho ka kakou huakei, ua ae aku la au ia noi, oiaia ua ike no kakou, o kona leo he leo mana ia, a aole hoi he alii nui nana e hole kana mau kauoha; aka, ua paa kuu manao e lawe no au i na ohana alii a pau e hoomakaikai i na paia laahia o kuu home aloha.  Nolaila, o ka la apopo e hiki mai ana, oia auanei ka la e hooke @ ai ka makema ke o na alii no ka pii ana aku e makaikai i ua home noho kuahiwi la. Eia nae paha ka mea api@, ina paha kakou e hiki aku ana ilaila, e ano hoohihi auanei paha oukou e noho no, a o ka hoi ole no ia i ko oukou mau aupuni, a o ka ohana ka ohana paha ka mea aloha, ke lohe aku ua hoololohe no na ohana alii i Arabia, a hu ae la ka aka o ke anaina.

I ka puka ana mai o ka la i ke kakahiaka ana ae, ua hoomakaukauia mai la na lio a me na pono kaua no ka hoohiwahiwa ana i ka huakai a na alii.  A i ka makaukau pono ana o na mea a pau, ua hoomaka aku la ka nee ana o ka huakai, a ua hiki aku no hoi ka nui o keia huakai i ka hookah tausani me elima haneri, aohe no ka hoi he nui a ka-e mai, e piha paha o Hawaii a oloolo aku i Molokai, i ka nui o kanaka.  Oiai ka kuakai alii e kokoke aku ana e komo iloko a ka ululaau, ua kauoha ae la ka makuakane o ke koa opio, e komo na mea a pau i ko lakou mau kahiko kaua, aole he hewa o ka hoomakaukau e, oiai aole owau, wale no ke alii powa o keia mau kuahiwi, he elua maua, aia ma kekahi huli o na mauna hui e noho alii ana kekahi keiki Sekotia, o ka Naita Peka kona inoa, me kona mau naita he kanaono tausani.

E huli ae kakou a nana aku i ke koa opio, oiai hoi ka huakai e kamoe la no ka home kuawihi.  @@@@mua ae o ka nee ana aku o ka huakai, ua au-a iho la ke koa opio i kona makuakane Kono Giliko, oiai oia ua olulu main a palapu i ili maluna ona mai ke kahua mokomoko mai, e noho lakou a mahope aku e pii ai, ua ae aku la no hoi kona makua.  Kena ae la ke koa opio i kona mau ukali e hoomakaukau i ko lakou mau aahu, a pii loa aku l no hoi oia iluna o ka aleo; huli aku la kona maka i ke kuahiwi ma kahi a ka huakai i napoo aku ai iloko o ka ululaau, aohe nae he mau hoailona no ko lakou ike ia aku; puiwa ae la nae keia i kona ike ana aku i ke ku mai o ka e-a o ka lepo iluna o ka piko o ke kahiwi, hoomaopopo iho la oia me he mea la he pualikaua nui; kau pono aku la kona mau maka i ke kuahiwi ma kahi ana i ike ai i ka e-a o ka lepo, a hiki i kona ike koliuliu ana aku i kekahi huakai nui, a ma o ka hulali ano e o kekahi mau mea, ua hoomaopopo koke iho la oia he mea oiaio kana mea o ke koho mua ana, ma o kona ike hope ana aku me ka hoomaopopo no nae i ko lakou ano, ua maopopo loa he pualikaua no keia mea ana e ike nei.  Iho awiwi mai la ia ilalo a komo amu la ma ka rumi e noho ana o kana wahine a me ka Wehi o Rusia, ka makuakane Kono Giliko a me na ukali o ke koa opio, a hoike aku la oia i kana mea i ike ai imua o lakou, a pane aku la: E wiki kakou, e nee aku ko kakou mau kapuai no ko kakou home alii e ku kilakila ana mawaena o na mauna hui.  i ka lohe ana o na ukali o ke koa opio i keia mau kauoha ua liuliu koke ae la lakou a kau ae la maluna o ko lakou mau lio, a hele aku la no hoi ka Ui Pua Rose a kau ae la maluna o kona lio keoko, a o kana aikane hoi ka Wehi o Rusia maluna o kona lio poni uliuli, a pela no hoi kea lii powa Kono Giliko i kau ae ai maluna o kona lio kaua.  i ka ike ana o ke koa opio ua makaukau ka huakai, puka aku la oia iwaho a hele loa i ka hale lio, unuhi ae la oia i kana buke kupua, u-ai mai la oia i ke kui kola i hoopaaia ma ke pani o ua wahi buke nei, me he imo ana n aka maka, aia kona lio e ku ana imua ona me ka lako pono i na mea a pau, a o ko ianei kau ae la no ia, a hoomaka aku la ka huakai e nee me ka awiwi.  Ia lakou nei e kaukoe ana ma ke alanui, aole i liuliu, komo aku la lakou e holo me ka puahi nui, emoole, halawai aku la lakou me ka huakai mua.  Holo loa ‘ku la hoi lakou nei a hui amu me ka ma kuakane o ka olali opio, a huai pau ‘ku la o Kahanuopaineki i kana mau mea a pau i ike ai imua o kona makuakane. Ina pela, wahi a kona makuakane, owau o kaua ke holo e mamua, a mahope ae nei oe me ka huakai; - aole pela, owau no ke holo e mamua me ko’u mau ukali, a mahope ae nei oe me ka huakai, no ka mea, ina he oiaio keia mea, eia wale iho no ko’u manao, aohe o’u makemake a hookahe ia na koko o ka kaua mau kanaka, nolaila e hookuu mai ia’u e hole aku e hoopakele ae i ko kaua kalanakauhale @@@@, a ne mai la kona @@@@@@, Kauoha, ae la ka olali opio i kona mau ukali e holo me ka hikiwawe mamua o ka hiki ana mai o na powa i ke kulanakauhale, ua hookoia keia kauoha a nalo aku la lakou.  Liuliu ae la ka olali opio e haalele iho i kana aloha no ka uhai ana aku mahope o kona mau ukali, aka, ua hoohihi pu mai la no hoi oia e hele pu no laua, aka, ua ka-ua ia kona mau manao koi e hele mamuli o na olelo a ka opio, a ua hai pu aku la no hoi oia ‘e hoomanao i na olelo a ke kahuna Pakololato,’ a na keia mau huaolelo, ua ka-ua i aka olali opio e hele, a mamua ae o kona haalele ana iho i kana aloha, ua haawi iho ia he mau muki aloha ma na papalina o kana wahine.

Iloko o keia wa i nalowale ano e iho ai o Kahanuopaineki imua o ka poe e ku ana, a o na alii hoi a pau he mea haohao loa ana o kea lii opio; huli ae la lakou a ninau aku la i ka makuakane: Pehea la i nalowale ano e ai ke alii opio?  No ka nui no hoi paha o ka lio, wahi a ka haina.  i ka haalele ana iho o Kahanuopaineki i ka huakai, ua uhi iho la kana aloha i kone mau maka me ka uhi silica, hui aku la hoi me kana aikane a pane aku la:  Ina e pane mai kekahi ia kaua, mai pane aku kaua, -ae, wahi a kana aikane.  Oiai la opio i hoea aku ai i ke kulanakauhale alii, halawai aku la oia me kona @@@@@@@@ mea a pau e pono ai no ka hoea aku o ka huakai alii, a pane aku la kea lii opio:  E kahea aku i na puali naita a pau e puka mai me ko lakeu mau pono kaua, me ka makaukau i na wa a pau, a hiki i ko’u hoi ana mai.  Hala aku la kea lii opio e lele haaheo ana i ka lewa, a ke kani wawalo la hoi ka o-le kalahea a ka puuku ma na paia anoano o na mauana hui, a emoole, ua puka mai la na puali a pau mailoko mai o ko lakou maul u a huna me ka lako pono me na mea kaua.  Oiai hoi ua olali ua olali nei e kau aheahe ana maluna o ka piko o na kuawihi ma ke ano kiu, a i koa kau pono ana maluna o kekahi awawa, ike iho la oia i kekahi pualikaua nui e nee awiwi mai ana ma ke ala e hiki mai ai i ke kulanakauhale alii o ua opio nei, a i ka hoomaopopo ana iho o Kahanuopaineki me he mea la, ua hiki aku i ke kanakolu tausani ko lakou heluna.  Huli hoi mai la oia no ka hoomakaukau ana mai i ka hale alii, aia kona mau naita helu ekabi e ku mai ana me ka makaukau i’ na manawa a pau me ka makaala hoi no na kauoha a haawi ia aku ana e hana, a e hooko koke no lakou me ka hakalia ole.  Haawi ae la ka opio e nee aku na puali a pau ma ko lakou mau kuahiwi aloha me ka awiwi, a e mahele koke ia keia puali holookoa i eha puali, a e hele kela a me keia puali ma na kukulu, elike me ka poai puni ana i na powa, a i ka wa a’u e ike ai ua kupono, alaila e hoolohe kela a me keia puali i ka leo o ka o-lei kani aku ana no 3 maanwa o ka wa no ia a hui, i hiki ole i na enemi ke holo mahuka aku a hoi aku i ko lakou home.  E wiki!  E wiki oiai ke kokoke mai nein a enemi i na palena o ko kakou mau kuahiwi aloha, a aole hoi o’u makemake e hookah ia ko lakou mau koko maluna o ko kakou aina aloha.  i ka lohe ana o ua mau kae’ae’a nei o na mauna hui, ua haawi ae ka lakou he mau leo huro, a hoomaka aku la ko lakou nee ana imus me ka awiwi, a e haawi ana hoi kela a me keia alakai i kona puali iho me na olelo hoolanalana, a ke ake aku nei lakou o ka hoea koke aku i kahi a ua pualikaua la e hoomoana ana, me ko lakou ike ole mai eia mai ko lakou make ke imi ia aku nei a lo@@ opio hookalakupua.

 

He poo ko’u, maka, ihu, waha, pepeiao, umauma, opu, a nele aku ka puuku lalo; -mumule, kuli a o ka noho wale iho no, aka, ua au i na moana hele ma ka aina, a puni a puni ke ao.  A awau no nei kuailo ia iho.  Owai?

 

 

HE MOOLELO KAAO NO

 

KEAOMELEMELE,

 

---KA PUA NANI IUIU O ---

Kealohilani, Kahiapaiole Nuumealani a me

Kuaihelani; ka mea nana i uneune ia

Konahuanui a kaawale o Waolani ka aina o ka poe eepa a pau i noho ai.

 

Hoopukaia e ka Haku Moolelo kaulana

Mose Mnu no Kuokoa

 

I A Keaomelemele ma e noho ana me Kaulanaikipokii a me Paliuli ma ma Pakaalana i Waipio, a hala kekahi mau la, ua kuka like iho la lakou a pau no kona kaikunane no Kahanaiakekua, a ua holo like ko lakau manao maikai me ke aloha nona; no ka mea, i kona mau la mamua, ua ikeia kona kulana kilakila a me ko laua hui ana me kona pokii kaikuahine Paliuli; aka, aole i liuliu, aia nae ma ia mua iho o ko laua noho ana, ua haule aku la oia i ka hewa me Poliah, ke aliiwaihine nona ka piko o Maunakea, e like me na hoike ma na heli mua i hala o keia moolelo; a ma ia kumu, ua ikeia kona hoohokaia ana e kona muli pokii kaikuahine a me kona kaikuaana Paliuli, aka aole nae i hoomau o Keaomelemele i kana huaolelo i hoopuka no ko laua kaikunane.  Mahope iho o ko lakou kamilio ana, ua makaukau lakou no ka hoi ana mai no Waolani.

Ia lakou i haalele aku ai ia Waipio, ua hoi mai la lakou a hki ma ko Paliuli ma wahi mau me Waka mauka o Olaa, malaila lakou i noho ai no kekahi mau la, me ka hoomakaukau ana i kekahi mau kahiko nani no ka la e hoao ai o Keaomelemele me Kaumailiula imua o Kane ma.  A lako pono keia mau mea, alaila, ua huli hoi like mai la lakou a pau a o Kaulanaikipokii ka mea i hoonohoia ma ko Paliuli ma wahi mau a hiki aku ke kauoha a Keaomelemele e like me kona makemake.

I ka la i haalele aku ai lakou ne ia Olaa, ua hele pu mai o Waka me kela aikane a Paliuli i poai puni ai i Hawaii me Paieie, a ia lakou i hiki ai ma ke kuahiwi o Waolani, a hui pu iho la me Kane me, oia no ka manawa a Keaomelemele i hai aku ai i kona manao iuma o Kane ma a me Keanuenue, e hoomakaukau koke ia ko laua ho a-o ana, a ua ae ia keia manao me ka awiwi o na hoolako ana, a no keia mea, ua hoouna koke k o Kane ma ia Waka a me Keanuenue e hele koke i Kealohilani, e hai aku ia Kamooinanea a me Ku laua me Hiilei ma Kuaihelani, ia Olopana me Hina ma Nuumealani, e hai aku ia lakou e hele mai i ka hoao ana o na alii o Kealohilani.  i ka pau ana o keia mau olelo a Kane ma, ua hooko koke aku la laua nei no ka hele ana.

Ia laua nei i hele ai e like me ka olelo kauoha, he manawa ole hiki ana laua ne iluna o Kealohilani, a ia laua i hiki aku ai malaila, aia no o Kamooiananea e noho mai ana me kona ano mana kupua a kapukapu hoi kona mau ano a pau; a iaia hoi i ike mai ai ia laua nei, ua pa-e koke mai la no kona leo aloha me ka maikai, me ka ninau pu ana mai: “Heaha ko la o Waka ma,”I hoounaia mai nei maua e kii mai ia oe e hele kakou o Keaomelemele me Kaumailiula.” i ka lohe ana o Kamooinanea i keia kauoka, ua ae koke aku la oia; a hoouna aku la oia i Waka e hele aku e hai i na makua o na mea nona keia moolelo.  Iaia i hiki aku ai imua o lakou, ua hai aku oia i na mea i oleloia a Kane ma, a ua ae mai la lakou me ka like o ka manao; a ia Waka no hoi e kamailio ana me lakou, pa-e iho la ko Kamooninanea leo mai lune iho o Kealohilani: “Ano, e makaukau ia oukou iho i keia manawa no ka hele aku no ka paemoku o Hawaii me ke kaulua ole.” No keia mea ua hoomanao ae la o Ku ma no na olelo a Kaumailiula i hai ai imua o lakou na makua, i kona wa i makaukau ae e holo no Oahu nei ne like me ka mea a Kahanaiakekua i kii aku ai iaia e hele mai; nolaila, ua hooko ae la lakou no ia olelo.  Mahope iho o keia manawa, ua liuliu like ae la lakou nei no ka hele ana me ka lawe ole mai i kekahi mea o ko lakou aina aloha, e hele mai la lakou me ka haalele ana aku i na pono o ko lakou aina oiwi.  (Ma keia wahi o ko kakou moolelo, a pono kakou mai a hiki ma Waolanu.)

Mamuli o ka makemake o Kamooinanea, ua haawi mai la oia i mau waa no Ku ma e holo mai ai no Oahu nei, ua hookaawaleia ko Ku me Hiilei, a pela no hoi ko Olopana a me Hina, no ka holo mai.  i keia wa e makaukau nei lakou no ke kau ana maluna o na waa, o ka wa no ia i hiki kino iho ai o Kamooinanea me Keanuenue, mai luna iho o Kealohilani a haawi mai la i mana no lakou no ka holo ana mai mahina o na waa ma ka moana nui akea, oiai maluna o n waa.  A kau lakou manula o na waa, pane mai la o Kamooinanea, “Ke hele nei oukou i keia la, aole oukou e ho hou mai ana i ka aina nei, aole no hoi e ike hou oukou i na helehelena o ko oukou aina nei a hiki i ka la hope.  Aia a hiki oukou ma ka paeaina a na keiki a oukou e noho la ma Hawaii, alaila, na’u no e hoonoho ia oukou ma na hana e pono ai ko oukou noho ana malaila, a na’u no hoi e hele aku mahope nei; a o Waka nei e kau pu aku oia maluna o ko olua waa e Ku ma, a o Keanuenue hoi maluna o ko olua waa e Olopana ma.”  A pau keia mau olelo ana a Kamooinananea o ko lakou holo mai no ia a holo ‘ku la no hoi ua moo nui nei iluna o kona aina.

Ia Ku ma i holo mai ai a hala loa iwahi o ka moana, aia nae, huli aku la lakou a nana i hope, aia hoi ke pu-a iki mai la ko lakou aina makuahine, a ke alw aku la ke kai e nalowale o Kuaihelani, aka, kehiolo la nae ko lakou mau waimaka e hoopulu ana i ko lakou mau paplina.

Ma ia la a po a ma ke kakahiaka nui ana ae, ua pae mai la lakou ma Heeia ma Koolaupoko, a malaila aku lakou i hele ai a hiki iluna o Waolani a halawai pu iho la me Kane ma a me ka lakou mau keiki a pau me ke aloha.  (Ua hiki no hoi ia kakou ke huli, ae a nana aku i koKamooinanea ana mai hui pu me kona mau @@@@@@@).

Ia Ku ma i holo mai ai mai ko lakou aina mai no kea la moana, o ka manawa no ia o Kamooinanea i noonoo pono ai i na mea kupono no kona hele ana ua kupono, nolaila hai ae la oia i na poe a pau i pili iaia, elike me kona ano hapa i ke kanaka maoli a hapa i kea no o ka moo maoli, a he mau kino eepa keia ma ko lakou mau ano iho, e like me ka mana nui i loaa ia Kamooinanea, nolaila ua holo kona manao e hele pu me kona ohana a pau ma kahi i kauohaia oia Mamua nae o kona ku ana ae a haalele aku i kona mau aina, aia hoi, ua paniku ae la oia i na wahi a pau o kona aina me ka hoano e ana i ko lakou mau kulana mua.  Ma Keia mau hana hoololi ano e ana o ua Kamooinanea nei i ha hiohiona o na aina ona, he mea oiaio, ua like me kona manao, a ua maopopo iaia aole he mea nana e noho kona aina mahope iho no paha ka manao o Kane a me Kanaloa e like me ko laua makemake.

I ka holo pono ana o keia mau manao o ua moo nui nei, ua hoonoho iho la oia ia Wewehilani, he mea nana e malama i na aina ekelu, oia hoi kekahi mahele moo i pili iaia, a ua haawi aku oia i na mea a pau a me ka mana mana a pau maluna ona.  A ku o Kamooinanea a hele mai, hai aku la oia i kana huaolelo hope loa.  “Eia au ke hele nei mamuli o ke kauoha a o’u mau kaikunane haku, nolaila, e noho oe e malama i ka Pea kapu o kululu o Kahiki.”

I ka pay ana o keia mau olelo a Kamooinanea, o kona hele mai ia no ia.  Ua oleloia ma keia moolelo, mamua ae o kona hele ana mai, ua uhi paa ia aku na aina e na ao ua me ka pouli nui, a aole he ike ia o na aina ona ma ia po a ao.  Ua hiki mua mau oia ma Puaena Waialua, aia malaila kona wahi i hoonoho pono ai i kana huakai nui, oia hoi ka huakai o na moo.  Aia ma ke kula o Lauhulu ma Waialua, ua pani paa loa ia ia wahi e na moo.  O ka hiki mua ana keia o na moo kupua ma keia paeaina, mamuli no ia o ka makemake o Kamooinanea, e penei e maupopo ai ka nui o na moo.  Ua hoonoho palua i aka hele ana o ka huakai, o ka makamua o na moo, aia i ka pii’na o Kapukaki, a o ka hope no hoi aia no i Lauhulu; a mawaena mai o keia wahi mai Waialua a Ewa, ua pani paa loa ia e na moo.          (Aole i puu.)

 

A puni a puni a puni hou, me ka wawahi ana i ko’o hale e lilo ai ko’u waiwai, a o ua waiwai la, owau no ia e kahea ana i ka wanaao.  Owai au, a heahea ka hale? Ina iho no au ke e ae la.