Ka Nupepa Kuokoa, Volume XXIV, Number 14, 4 April 1885 — Page 1

W K. KAKELA.

LOIO A HE KOKUA MA KE KANAWAI.

He Luna Hooiaio Palapala.

tf

 

A @OSA. (AKONI.)

LOIO A HE KOKUA MA KE K@NAWAI

He  Luna Hooiaio Palapala.

KEENA HANA: Ma ke Keena Loio Kuhina.

tf

 

S B. DOLE.

LOIO, LOIO, LOIO.

He Luna Hooiaio Palapala.

KEENA HANA: Ma Alanui Kaahumanu.

 

DILLINGHAM & CO.

Mau Mea Kuai Lako Hoo

Alanui Papu, Honolulu.

 

FRANK PAHIA.

ANA AINA! ANA AINA!!

KEENA HANA: Aia ma alanui Moi, koko ke loa i ka Uwapo o Hooliliamanu.      tf

 

C C. COLEMAN.

Amara a he mea hana Mekina

Kapili Kapuai hao lio.

A ME KA

Hana Kaa Lio ana, etc.,

Hale Haua ma Alanui Alii,

@ tf            E kokoke la i ke Alanui Papu

 

J@ P. HANAAUMOE.

He loio a he kokua ma ke Kanawai ma na Aha Hoomalu a Apana o keia Aupuni.

E loaa no au ma Puna, Hawaii.

 

E G. WALLER (WALA.)

Mea kuai io bipi ma Alanui Puowaina, ma ka hale a kapaia “Kawaiahao Market,” malaila e @ea ai na io bipi momona, a e hoolawa ia a ke makemake o na makamaka.      2006-1y.

 

CHAS H PULAA.

@OIO A HE KOKUA MA KE KANAWAI

A e loaa no au ma Honomakau, Kohala Akau, Hawaii.    2002-tf.

 

JOHN MAHIAI KANEAKUA.

LOIO A HE KOKUA MA KE KANAWAI MA NA AHA HOOKOLOKOLO A PAU O KEIA AUPUNI.

Keena Hana me Hon. E. Preston (loio l’eekane) ma Alanui Kaahumauu, Honolulul

 

CECIL BROWN.

LOIA A HE KOKUA MA KE KANAWAI.

A he Agena Hooiaio Palapala no ka Mokupuni o Oahu

KEENA HANA: Helu 8 alanui Kaahumanu

tf.

 

RICHARD F. BICKERTON.

(PEKEKONA.)

LOIO A HE KOKUA MA KE KANAWAI.

KEENA HANA: Helu 27 alanui Kalepa.

tf.

 

C BREWER & CO. (BURUA MA.)

  Ua makemake ia ka poe mea ILI KAO MALOO a me na ILI BIRI, a pela hou me na ILI MIKO o na ano a pau, e kuai mai i ke kea i ke KUMUKUAI KIEKIE LOA o kokakou Makeke.   tf.

 

W A. KINI.

LOIO, LOIO, LOIO.

KEENA HANA: Helu 15 Alanui Kaahumanu, Honolulu.  tf.

 

W. C. AKANA (KALAUKI.)

He Makele o Unuhi-olelo ma ka olelo Pake me ka olelo Hawaii. Ua makaukau no hoi @haua i na Palapala Kuni a Hoolimalima a pela aku mmawaena o na Pake a me ha kanaka Hawaii. E loaa no au ma ke Keeua Helu 7, Alanui Moi, ma kahi e kokoke ana i ka @apo o Hooliliamanu.

2010-1y

 

WILDER & CO. (WAILA MA.)

Mea kuai papa a me na lako kukulu hale o ma ano a pau, a me na me ne pono a pau @o ka hale.

Kihi Alanui Moiwahine me Papu.    tf.

 

WILLIAM AULD.

luna Hooiai@ Palapala Kepa P@hene no ka Apono o Kona.

KEENA HANA: Ma ke Keena Wai o Ho nolulu.   tf

 

S H. MEEKAPU.

Tela humuhumu lole.

HALE HANA: Helu 11 aianui Nuuanu.

 

JNO. M. KEALOHA.

LUNA Hooiaio Palapala Kepa Poahana no ka apano o Kawaikau, Kauai. He Ageno no ka Hooioio ana i na Palapala no ka apana o Kawaikau, Kauai. He Ko@iaina Palena Aina no he apana o Kawaikau, Kauai, a ke Luna Hooko Mare no ka Pau Aina holookoa.

   1163-1yr.

 

HE MOOLELO KAAO NO

Ka-Mahina

Malamalama

Ke Keiki Alii o ka welau anu o ke aupuni o Hinedu, ka Hiapaiole o na waoakua kanaka ole o Puricalia, a o ka naita hoi i ulupa na lua huna o na powa.

 

(Kakauie no ke KUOKOA.)

EKA naita kamahao, ua lawa paha kou paio ana mai me a’u ka mea hookahi i kaupalena i kou ikaika, a i aa hoi e paio me kau mau mea eha. Ano, e lawe pio aku ana au ia oe elike me ka’u i hoohiki mua ai, e lawe aku ana au ia oe i kia hoomanao na kuu lahui e poina ole ai no kau mau hana, a o ka inoa hoi o ka mea e ku aku nei imua o kou alo, aole loa ia e haule i ka hoomanao ia e na lahui a pau o ka honua i ike i kana mau hana, a aole no hoi e poina na hoku hele o ka lani i ka hoomanao ia i na lahui ihiihi o ia inoa. Ia wa i hopu aku ai na lima wikani o ka naita opio i ke ‘lii muumuu a hoopaa iho la me na mea e paa ai me ke kue ole mai o na naita o ua alii la e kuku mai ana, oiai ua pua nuanu aku la ko lakou mau koko i ka weli no ke koa opio. I ka wa i paa ai ke pio a ka kakou eueu, kena aku la ia i kona ukali e kiai makaala i ka laua pio, a ua hooko koke ia me ka eleu, ia wa i huli ae o ke alii muumuu e ku ana a pane aku la me ka leo moakaka:

  E na naita nunui e noho ana malalo o ke alii muumuu Wile Do Palado hopo ole i haulehia malalo o’u i keia la, e nana ae iaia e waiho oni ole mai nei, a ina he manao aloha ko oukou nona a o ko oukou amk@a hoi ia, alaila, ua aa hou anei oukou e hapai hou ae i ko ou kou mau lima koko a hookau mai i ka hoopai maluna o’u no kona pono? Ina ua aa oukou, e paio mai me a’u i keia hora. I ka wa a ka opio e kamailio nei ua ikeia aku la na hiohiona mae a makau maluna o lakou, a ua ike pa ia aku la ko lakou pipika hele ana, aka, no ka manawa wale no ia mau hiona i ikeia, oiai ua huli mai la lakou a pau imua o ka opio a pane mai la: Imua o na mana lani a me kona mau tausani anela e mele ana ma kona inoa, a imua no hoi o kou ihiihi kapu e ka opio, ka eu nana i ulupa iho nei i keia lua huna a me ko makou mau alii kiekie, aole loa makou e hapai hou ae i ka makou mau mea kaua a kue aku ia oe no ka pono o ko makou alii a me makou pu. He mau pio makou a pau malalo o kau pahikaua, a eia makou a pau imua ou he poe pio, a o ka hoopai e kau ia mai ana o ka makou ia e hooko aku ai.

  Ia manawa no i pane hou aku ai ka naita opio me ka leo waipahe: Aole au i manao e hookau aku i ka hoopai maluna o oukou, a oiai no hoi ua haawi mai la oukou imua o’u, nolaila, eia wale iho ka’u oukou, e noho oukou me ka maluhia, aole oukou e hana hou i na hana puuwai eleele ma keia mua aku, e malama oukou i ka pono a me ka maemae o ko’u kanawai e kau aku ana maluna o oukou, oia hoi: Aole loa oukou e hookahe hou i ke koko makamae o na kamahele e maalo ana malalo o na malu lau laau ma na palena a puni keia lua huna a me na awawa a pau e hoopuni ana; mai keia la aku e noa ai keia mau awawa a me na ululaau a mau loa aku.

    Kauoha koke ae la ka naita opio e ku laina mai na naita a pau imua ona a me ko lakou mau alakai pu, a me ka hauoli piha lakou i hooko koke ae ai i ke kauoha aka naita opio a ku laina ae la me ka eleu, a ia wa no hoi i poha ae ai kona leo a pane aku la: E hoomanao oukou, o ka mea e ku nei ma kuu aoao hema nei, o ko oukou haku no ia a o kana mau kauoha a pau oia ka oukou e hoolohe, o kona leo, o ko’u leo ia, o kana kauoha, o ka’u kauoha no ia a e hoolohe i kana mau olelo me ka malama ana i ka maluhia.

  I ko lakou lohe ana i keia mau olelo a ka naita opio, haawi ao la lakou i na leo wawalo o ka hauoli a hoonakolo ae la na leo ahiu o ua mau hiena nei i na paia o ko lakou lua huna, a aole no i

mao pono ae keia mau leo wawalo, ua pane aku la ka kakou euou, E hoi ana au no ka home i keia la, a mahope kakou e hui hou ai. I ka lohe hou ana o na naita i keia mapuna leo hou o ka ka naita eueu o Inia, ua ikuwa hou ae la ko lakou leo e hoohihi ana e hele p@ a no ka ikaika loa o ke lakou manao i ka hele nolaila; ua hiki ole iaia ke hoomalielie hou aku la lakou, nolaila hoomakaukau koke ia iho ia na mea a pau no ka hele, a i ka makaukau ana, ua kai aku la ka huakai ma ke ala e hiki aku ai i ka home o ka naita opio.

  Hele aku la lakou nei mawaena o ke kahua kaua kahi a ka eueu o Inia i kaua ai me na mahele pilikua o ke alii muumuu a ike aku la i na heana a kana pahikaua i ulupa ai, a ia wa no i kulu iho ai kona mau waimaka eloelo a hoopulu iho la i kona mau papalina nohea, komo iho la na manao hoonaluea i kona puuwai e hoala ana i na noonoo no kono aina hanau a me kona lahui, nal@ iho la oia ina paha pela na haawina i hanaia maluna o kona home a me ka lahui, alaila, he mea e ka mokumokuahua i ke aloha, a e aho ka make mamua o ka ike ana aku i na mea e hana ia mai ana. ‘Ua laki hoi au,’ wahi ana e nalu ana, no ko’u ike ole ana i na mea i hana ia no kuu aina hanau e na lima pakaha wale o na powa, aka, ke nohoalii la lakou maluna o ka waiwai a lakou i lawe lima ikaika ai, a aia no he wa no lakou e hulihia ai.

  He heluna nui o na naita e hele pu nei me ke koa opio i hiki aku i ke tausani hookahi, oiai ua hao aku la ke kauka Lo i kana hana lapaau me kana laau ola maluna o na haneri naita i mahunehune a mauleule pu, a koe aku ka poe i make i na hauna pahi a ka naita opio. Hele aku la lakou ma na ala kikeekee o ua lua hana nei a hiki i ka puka loa ana iwaho, a hoomaka aku la lakou e pii ma na kualapa, a iho ma na awawa, e huila ana me na hookee’na a o kahi a ka huakai naita e hele nei ua kia pololei ia aku no ia e ka naita opio no ke ana kahi a ka naita opio a me kona makuakane i hoaumoe ai a hiki i ka loaa ana aku i na powa.

  E hoomanao na hoa heluhelu o keia nanea, ma na helu i hala, ua hoike aku ka mea kakau i ka pohala ana o ke alii mai kona hoopoluluhi ia ana e ka hauna newa a ka pilikua, a me kona hoi ana no ke kakela a kauoha aku la i ke aupuni e noho kanikau no kana keiki i nalowale, a me kona kali ana no na la he nui. Nolaila, o ke kumu nui wale no o keia hou hou ana o kana keiki no ke ana, oia no kona manao ana aia no kona makuakane iloko o ke ana e waiho la me ka ehaeha, a i ole, o kona kino make paha ke loaa aku ana iaia, me manao ole ua huli hoi oia no ke kakela, nolaila e nana ae kakou no kona hiki ana aku malaila me ka puali o na pilikua e ukali ana mahope ona.

  Ia lakou e hoomau ana ma ka lakou huakai, ua hoea aku la lakou ma ka waha o ke ana, a ia wa lele iho la ke koa opio mai kona lio iho a komo aku la iloko o ke ana; hele pololei aku la oia e haha poele ana mao a maanei a puni ke ana, aole nae he mau hoailona e hoike ana aia kona makuakane iloko, nolaila hoomaka hou aku la oia no ka lua o ka manawa me ka hoolono ana, a ua nele no nae; ia wa i huli hoi aku ai oia no ka waha o ke aka, a kau ae la ma kona lio. Kena ae la i kena puali naita e hele pu me ia no kona home.

  Holo pololei aku la ka huakai ma ke ala e hiki aku ai no ke kakela malalo o ke alakai ana a ko lakou haku opio, ia lakou no e kainepu aku ana maloko o na ululaau, ua holo e mai la ka mapu aala onaona o na pua o ke kakela, a nowelo ana i ko lakou nei mau puka ihu, moani pu mai la hoi me ke ala lauae o na lau nahele, a kokolo malie ae la na hoomanao ana iloko o ka naita opio no ua kakela aiwaiwa la ana i luakaha ai, a o keia mau hiona a pau o ka aina e ikeia nei, he mea ano e loa ia a pahaohao hoi i ka puali naita pilikua e ukali nei mahope ona. Ia lakou e hookokoke aku ana no ke kakela, ua paumi loa ae la ke ala o na pua a ua nui hoomahuahua pu ia ke pahaohao o na pilikua, a ia wa no lakou i hoea pono aku ai lakou ma kekahi kula palahalaha e waiho mai ana manua pono o lakou, hoikeike aku la ko lakou haku naiia oia kahi e paikau ia ai na puali nai ia o ke kakela Omaomao, a o kahi hoi a lakou e hele aku nei. I ka huakai e nee ana imua, hoea aku la lakou ma kekahi wahi e ike aku ai i ke kakela a na eueu i noho ai, a ikeia aku la kona mau opuu nani e oiliili mai ana iloko o ka lewa, e ku mai ana hoi ua kakela la me ke kilakila, a he mea ano hou loa ia i na pilikua naita.

  Aka, he mea haohao loa i ka naita opio ka ike ana aku i kahakahana lole kanikau e luhe mai ana ma na opuu o kakela nei. a ma na wahine ae no hoi a puni ke kakela, ua luhieh@ wale no me na hoailona kanikau, nolaia, komo hou mai la na noonoo ana ilok@ ona ua make kona makuakane, a a@le iho la he manao pono iloko ona, k@na koke aku la oia i ka huakai e kuupa@i ka holo o na lio no ke kakela. Erioole ku ana ka huakai lio mawaho o ka puka pa o uakela nei; kikeke aku la ke koa opio ma ke pani pohaku, a hole aku la ke o ilalo i kahi o na kiai e no@o ana, a ia wa i oili mai ai ai he elua @ na naita kiai aiwaiwa me na pahi oi @ua ma na lime, a pane mai la, Ku a nai mai i ka hua, owai ka malihihi hele? Ia wa no i pane aku ai ke koa, Owau ka malihihi, o Ka Mahina Malamalama.

  I ka lohe ana o ka luao na kiai o kona moe a make aku la no ia i ka holo, o na lima me na wawa@ ku ana mamua o ka Moi a pane aku la me ka leo pihoihoi, E ka Moi, e hoopau i kou kanikau ana, e hoolana i ko@ manao no ka hauoli, a e makala ia ae hoi kou no ho u ana, kou mau naita, @ me kou aupuni iloko o keia minute, o kau keiki, a o ka mea hoi au i manao ai ua kailiia kona hanu e na pilikua powa, aia oia mawaho o ka puka pa, aole no paha e upu iho ana a hiki mai imua ou.

  1 ka lohe ana o ka Moi i keia mau huaolelo, puili ae la oia i kona mau lima ma kona umauma a pane ae la:

  Auwe kuu keike aloha

  Ka mea a’u i papahi ai i lei

  No ko’u mau la kanikoo;

A i hooiiina alii no na aupuni he 12 e noho alii ole ia nei. Iaia no e nae malie i keia mau olelo kaukau, me na waimaka e lu ia ana e ko, aloha keiki, komo ana kana keiki, a ia wa no i hoohanini iho ai na waimaka o kona makua a me kona puuku oiai lau@ puili ana i ke koa opio, a ua komo pu aku la kakakou koa ma ia haawina hookahi.

 

KA MOOLELO KA @0 0

Kahanuopaineki,

Ke keiki alii o ke aupuni o Italia

Ka Olali o na Waoakua o Arabia,

Ka Naita nana i keukaa na 1 ua huna o na Powa.

 

I KA ike ana o ka makuakane o Kahanuopaineki i keia mau ouli pahaohao, oiai hoi na hiena o Arabia e waiho oni ole ana i ka honua, a e mauliawa ana hoi kekahi, ua ku ae la oia a hele aku la a ku imua o kana keiki, a me ka leo inaina oia i kamailio aku ai: E kuu keiki, ma o kau koho ana, owai la kela puali naita, ka mea nana i hookau aku i ka make mainoino maluna o ko kaua mau naita, a mai hea mai la lakou i hele mai ai? Pane mai la ka kakou koa a o ka mea hoi nona ka la: E kuu makuakane aloha, ma o ka’u ike a hoomaopopo hoi, ke koho nei au, o kou kaikuaana no kela me kona puali naita, a o ke kumu nui o ko’u koho ana pela. oia no ko’u hoomaopopo ana ma ka lakou mau hauna pahi a me ka lakou mau pale ana oiai kau keiki nei maloko o ko laua lua huna e hakoko ana me ko laua mau tausani naita, a ano hoi, ke kau mai nei na hali’a ana ia’u, o kou kaikuaana no kela e like hoi me ka’u i hoike mua ae nei. He mea oiaio oia no kela, wahi a kona makuakane i pane aku ai me ke pihoihoi nui; a no keia ano pihoihoi ona a i awili pu ia me na maawe aloha no ko laua mau naita e mokaki ana i ka honua,ua pane aku la ia, e pono oia a me ka adimarala Poo Hao ke komo pu me ko laua mau naita iloko o ke okoko enaena o ke ahi o na mea kaua, ua ae aku la ka kakou koa. Poha hou aku la kona leo, e kauoha aku i ka puali nana i lawe ka hanohano o ke kahua, e hoomaha i hapalua hora, i hiki ia maua ke komo i ko maua mau aahu, ua hookoia keia mau kauoha, a hoomaha iho la ka puali naita o ua moo-nihoawa nei o na kuahiwi o Rusia.

  Hoi aku la laua a komo awiwi iho la i ko laua mau aahu, a i ka paa pono ana, ua kani pohapoha aku la ka o-le a ka haku puuku, emoole, ike ia aku la kekahi mau naita elua e hoea mai ana mawaena o kekahi owawa, a ua kahi hoi laua me na kahiko piha o ka oihana naita, a ua makaukau pu no hoi me na lako kaua. Hele ae la laua a hui pu aku la me na naita o ka haku Makuisa, a ia wa no i kani kapalili mai ai ka o le dala, a o ka wa no ia i oili aku ai ua mau olo-mana nei me ko laua puali Hele ae la lakou a ku mai la ma kekahi aoao o ke kahua paio me ka ke ano nui: O ka mea e ki a pau na pua he 25 me ka pololei a ku i ka maka akau o ke kii gula ilio e ku mai la. nana ke eo, a e haawi ia no ka makana i hookaawaleia no ia lealea i ka mea nana ke eo. Oiai ua mau naita ki pololei nei e ku ana me ka makaukau e hookuu aku i ka lakou mau pua, a ia wa no i oili pulelo aku ai na pua i ka lewa, a ma keia hoomaka ana e ki a hiki i ka pau ana, he elua wale no mea nana i kaili ka hanohano o ke kahua, oia no ka haku Makuisa a me ka Naita o ka Hulu Omaomao. No ia mea, ua hoohoka hou ia no na moho kaulana o na aupuni a pau o ke ao e na eueu o na mauna hui, a o ka pau hoi ia o na lealea o ka la, a ua hookuuia ke anaina iloko o na leo huro o ka lehulehu, a e panai ia mai hoi e ka leo hone o na mea kani, a huli hoi aku la ka huakai no ka pa alii. Ua noho na Moi a me ke anaina holookoa ma ka pa alii me ka lealea, a iloko o keia wa e hauoli nei o ke anaina, ua hele aku na Moi a pau imua o ka makuakane o Kahanuopaineki e noi ai, he makemake ko lakou e ike maka i ke aupuni o ka mea nana e hokau nei i ka weli ia Europa holookoa, ua ae aku ua olo-mana nei me ka olelo pu aku: E hooko ia no ko oukou makemake ke mai ke alii opio. I ka hiki ana aku o keia lono imua o Kahanuopaineki, he mea oluolu ia i kona manao, ka pii ana aku o na Moi a pau e makaikai i kona kulanakauhale alii a ke aloha i noho ai. No keia pule ae e pii ai ka huakai makaikai a na Moi.

  Hoouna e aku la o Kahanuopaineki i kekahi o kona mau ukali e pii a mamua e hoomakaukau i mau mea e pono ai no ko lakou hoea aku, a e hooko pono ia keia kauoha.

  Hiki mai la i ka la e pii ai, ua makemake e k @@@@, a @ @@@ aku no o @@@@ pii aku no ko laua home alii, a mamua nae o ko laua kau ana iho maluna o ko laua kaa alii, ua hoea mai la ke kahuna Pakololato a noi mai la i ka oluolu o na alii e noho ka huakai aole e pii, a no keia leo kauoha, aole e hiki i na alii opio e hoole oiai he leo mana kona. Mahope iho o ka hooko ia ana o keia kauoha a ua kahuna nei, ua kamailio mai la ua kahuna nei i na alii opio no ke kumu o kona a-u-a ana i ka huakai a na alii, oia no kona makemake e hooko ia kana mea i upu mua ai, a he mea huna hoi.

  Hoi aku la ka huakai a pau iloko o ka hale alii, a o ke kahuna Pakololato hoi lalau mai la ia i na lima o na Moi opio, a huki aku la iloko o kekahi rumi a kukakuka iho la lakou me ka maluhia, a ua papa loa ia hoi na ohana alii aole e hele aku iloko o ua keena la i ko lakou wa e kamailio ai no kekahi mea.

  Oiai hoi e noho kokookolu wale ana no lakoa nei, unuhi ae la ua kahuna la he wahi omole laau, a o kona wa no ia i pane ae ai: Mai loko aku auanei o keia omole e hoea mai no i keia ao ma lamalama he mea kamahao, he pua ala no ko olua puhaka mai, a o ke ko ana hoi ia o ka’u mau wanana. Haawi aku la ua kahuna nei i ka omole i ka Ui Pua Rose a kauoha aku la e hanu iho me ka hoohoho ana i ka makani iloko  no ekolu manawa, a hooko aku la ua ui la i keia kauoha; lalau aku la ua kahuna nei i ka omole a ninini iho la he ekolu kulu ma ka piko o ke poo o ua ui nei, a olelo hou aku la e inu a pau ka wai o loko o ka omole, a ua hooko ia keia kauoha. Pane aku la ua kahuna nei: Ma keia rumi olua e noho ai a hala na la elima mai keia la aku, aole hoi olua e hele mau iwaho, e hele hoi me ka ike ole o kekahi mea, a aole no hoi e ae ia na Moi a me na ohana alii e ike ia olua iloko o keia mau la 5, koe wale iho no ko olua mau kauwa lawelawe, a aole no hoi au e hiki mai ana imua o olua a pau na la elima, a i loaa ia’u na haawina pomaikai, e hele mai no au mahope iho o ka pau ana o ua mau la nei. Nolaila, ke kauoha aku nei au ia olua e hooko pono i keia kauoha mai ko’u waha aku nei, a i hooko ole olua i ka’u e kamailio aku nei, oko olua nele ana no ia i ua pua nei, a pela hoi ko olua mau makaainana, --a e aloha no e na alii, a huli hoi  aku la ia no kona home.

  I ka hala ana o na la elima o ka noho ana o na alii opio me ka hoolohe pono i na kauoha a ke kahuna Pakolotato, ua hoea mai la ua kahuna nei ma ka rumi kahi a laua nei e noho mehameha ana, a mahope iho o ko lakou launa aloha ana, ua pane mai la ua kahuna nei: Ma o’u nei ke kahuna Pakololato, ua hoike mai ke akua o kou mau kapuna ia’u ua hoopomaikai ia ko olua mau puhaka: a o ka puhaka hoi o kau aliiwahine me ka hua iloko o kona opu, oia hoi ua hapai ke aliiwahine a e hanau mai ana he keikikane, a e kapa ia kona inoa o Lameka Puluka, ka inoa o kou kupunakane a me kou makuakane; nolaila. e malama loa oe i ko wahine, aole hoi e holo nui i ka lio ke kupu ae ka manao lealea, a ke hookuu akea ia aku nei olua e ike na mea a pau, ka ohana alii, na makua, a me na makaainana; no ka mea ua ko ka ke Akua ku hikuhi ia’u. Aloha olua. A huli hoi aku la no kona home.

  Nani wale ke aloha o na Lani i ka hoopomaikai ana mai ia kaua oiai ko kaua mau la opio: wahi a ke koa opio e puana ae ai me ka olioli; a puili ae la ia i kona mau lima ma kona umauma, a hookuu aku lai i na waimake e hiolo ana ma kona mau papalina, oiai ua hoea mai la na ao omamalu o ke aloha makua mamuli o ka inoa o kana keiki i hai ia mai e ke kahuna Pakololato, a mahope iho o ka mai ana ae o keia mau ao hoopoluluhi o ke aloha makua me ka hoomanao pu ana hoi i ka laua wahi i alo ai me kona makua Puluka i ke anu hu’i o ka nahele, ua huli hoi aku la laua no ko laua rumi moe, a malaila laua i hoomaopopo loa iho ai, na ka mana o ka omole laau i haawi mai i hua no ko laua puhaka. Oiai laua ma iaila no kekahi mau minute, ua haalele iho la laua i ka rumi a hele aku la e auau, a hoi mai la e hoomakaukau i ko laua mau aahu. Mahope iho o ka malaua mau aahu. Mahope iho o ka makaukau pono ana o laua ua kamoe loa aku la no ka rumi hookipa kahi hoi a ka ohana alii e kali ana o ka hoea aku @@@@ a mahope o kela a @@@ ua nohenohea mahope iho o ka nalo ana o ka laua mau helehelena no na la elima elike me ke kauoka a ko lakou kahua nui.

  I ka ike ana mai o na ohana a pau i ko lakou mau Moi opio, ua ku mai la lakou iluna me ka ilihia nui, oiai na leo o na mea kani e hone ana, a iwaena hoi o ka nui leo hone o ua mau mea kani nei e pu-a mai ana na kileo hone o na lede a me na keonimana hanohano, a ua panai pu ia hoi me ke Mele Lahui.  (Aole i pau.)

He Nane.

  He inoa ko’u a o’u mau wahi luaui i kapa mai ai, oiai ka mahina hiki ahiahi i ka po o Huna e kau hoolai ana i ka maka o ka opua; a he lealea loa ke hea ia mai, a nona na huapalapala he 13. Penei ua wahi inoa nei:

Ko’u 1, Kaulana mai nei o Kikila.

Ko’u 2, Mahimahi o ke kai o Puaena

Ko’u 3, Pehea mai oe e kuu aloha.

Ko’u 4, Eia hoi au ua anu.

Ko’u 5, Aloha kuu lei Melekule.

Ko’u 6, I luhu i ka wai o Iao.

Ko’u 7, A luna au o Waahia.

Ko’u 8, Haa ana ka lehua ia ka wai.

Ko’u 9, Noho aku nei au hoolono.

Ko’u 10, Ka owe a ka wai mapuna.

Ko’u 11, Hu wale mai9 no ke aloha.

Ko’u 12, I ka huikau o ke iaona.

Ko’u 13, Ua mau ke ea o ka aina i ka pono.  Eia ka Nane e na Liona Ahiu o na mauna hui o Arabia, i@iia mai –a i hoohenoia hoi e kekeike o ka waikaulana o Niulii, a i loaa ole ia oukou, telefone ae ia Kimo Pakaka e kiai la i ke awa o Kou, malia aia no ke waiho la iaia ka hokeo makani a Laamaomao, i haiia mai ei ka haina ia oukou. Owai ua? I nui ke aho i loaa o Hokuloa, ka hoku kaulana o ke ao nei.

   JOS. S. KALEIMAMO.

 

PAIKI NALOWALE.

  E ike mai e na hoa’loha a me na makamaka mai Kauahaao o Waiohinu i Kau a hiki mai i na Kona, hui pu mai o Hamakua me na Kohala. Ua Nalowale ko’u paiki lole, aiai kakou ma Waiohinna no ka hoike hui Kula Sabati ma ka la 8 o keia mahina. Mai Waiohinu a hiki Honuapo ko’u ike hope loa ana i kela paiki, he eke mauu nae i kakauia mawaho me ko’u inoa ponoi, penei:

    KEONILIKINI,

    HONUAPO,

   KAU.

  Eia na mea maloko o kela eke: 3 kihei ano like ole, 3 palule ano like ole, 3 muumuu, 2 holoku, 2 lole wawae, 1 kuka keokeo, 2 paa kamaa like ole.

  Ina aia ma ka lima o ka puuwai i piha i ke aloha, e pane mai ia’u ma Haena Kohala Akau nei.

  KEONIILIKINI.

  Haena, Kohala Aku.