Ka Nupepa Kuokoa, Volume XXIV, Number 12, 21 March 1885 — Paa heleuma ia i ka Pohaku. [ARTICLE]

Paa heleuma ia i ka Pohaku.

Ua akaka ke ano o ka heleuma ma'o li. He mea i hookuuia iwaho oka mo ku me kona kaulahao, a komo ia iioko o kahi paa olalo, i paa ka moku. Ina nou ka makani, a popoi mai na nalu, luli iki paha ka moku, aka, aole e herao, ua paa ika heleuma. Ao ka mea e hemo ole ai ka heleuma, oia kona komo ana iloko o kahi paa, kahi aa, kahi ako'ako'a paha olalo. He wahi mea ulu iloko o ke kai. Ulu no mai lalo a hiki i ka ili wai, hoo kahi haneri a elua paha haneri kapuai Lana no ia ma ka ili kai. Ina nou ikaika mai ka makani, a popoi mai na ale, a ooloku, a luliluli ka moku i o a ianei, paa nae ia mea ulu. Kupanaha ! Heaha kona mea i paa ai ? He pohaku paa olalo. Ua pili paa kona mau aa ia pohaku, me he heleuma la. E na haipule, he heleuma ko oukou. Oia ko oukou manaoio. Heaha kona pohaku, kahi e paa ai ? Ke one anei olalo ? Aole; aia no ia iloko oka lani, o lesu Kristo ia. Eia oukou ma ke kai o keia ao, he kai kupikipikio; e nou ana na makani, na mea hooluliluli i ko oukou manaoio, oia hoi na mea hoowalewale he nui loa. Ke huipu nei na enemi, ke kuko, ke diabolo, ke ao nei e hooluliluli a e 'nookahuli ia oukou. Heaha ka mea e paa ai oukou ? Oka pili paa ana ika Pohaku aia i ka lani. o lesu Kristo. E na makani o ka po, Lauwili a halulu no! Paa no makou a malu pu I ka Pohaku la lesu. H. M.