Ka Nupepa Kuokoa, Volume XXIV, Number 12, 21 March 1885 — UA HOI AKU LA I KA HOME MA O. [ARTICLE]

UA HOI AKU LA I KA HOME MA O.

Ma ka po o ka la 14 0 Feberuari i hala, ua lalau mai la na lima palanehe o ka Mea Mana Loa ia Mrs. Kmi Aka muhou, a lawe aku Ia iaia mai ka poli aku o kana kane aloha, ka laua mau keiki, kona mau kaikuaana, na makua, a me na «aakamaka a pau, a waiho mai la i na kipona ehaeha a ke aloha, me ka walohia. Ua hakauia oia ma NawiHwili nei, i ka la 28 o Okatoba, A. D. 1859; a oka nui o kona mau la ma keia ola ana, he 25 makahiki, 3 malama, a me na la he 16. Ma ka la 31 o lanuari, A. D. 1875, ua hookomoia oia iloko oka ekalesia ma Lihue nei, e ka Rev. G. Puuloa; a i ka haia ana o na makahiki elua ma ia hope mai, ua mare oia i ke kane, a na laua mai he mau kaikamahine eha, a eia no lakou a pau ke ola maikai nei. Ua noho pu keia wahine me kana kane me ka oluolu; a ua lilo ka hapa nui o kona manawa 1 ka malama ana i ka laua mau keiki a me na hana e ae ma ko laua home. Oiai keia noho pu ana, ua loohia mau oia i ke ona.waliwaU mahope o kona hanau ana mai i kana mau keiki muli elua, a pela i pili mau mai ai ka mai i kona kino.

Ua hooikaikaia no na lapaau ana laia malalo o Kauka Walter, a ua oluolu mai no i kekahi manawa, a i kekahi manawa hiki hou mai no, a pela no i ukali malie mai ai ka pilikia iaia a hiki waie i ke ko ana o kona makemake. O kekahi keia o na kamaaina niaikai ma Nawiliwili nei; he oluolu, he lokomaikai, a he heahea i na malihini ke kipa mai ma kona home; a he mea hoomanaoīa no hoi kana mau hana aloha.

Nolaila, ua ulu mai ko'u manao aloha nono, a he mea pono no hoi e hoike aku ma ke akea, i mea e ike pu mai ai kona mau hoa'loha, ua pau kona kiai ana ma ko laua home i keia wa, a ua hoi aku la oia 1 ka home ma a Oiai kona mau hora hope e kokoke loa mai ana, aole loa oia i poina i ka heomanao ana i kona makua ma ka lani, a ua hui pu aku no hoi au me īa a ua haipule pu. A o kana mau huaolelo hope l#a i kona minute hope loa i haalele mai ai, "E ka Haku, « a'oha mai oe ia'u i kau kauwa wahine hewa nel" E na wahine, e kupaa oukou ma ka pono, i maemae na home, & me ka inoa maikai a hiki i ka la e kiiia mai ai, alaiia hele me ka pomaikai. J. B. Hanaike.