Ka Nupepa Kuokoa, Volume XXIV, Number 9, 28 Pepeluali 1885 — HE Halawai Keneturi no ke kinai ona. [ARTICLE]

HE Halawai Keneturi no ke kinai ona.

lloko oka makahiki 1785 he kauka o Beniamina Rusa no Piladelepia ka i kakau a pai i palapala e hai ana i ke ano ino o na waiona maluna o ke kino me ka uhane. Ua hoolahaia a heluhelu nui ia keia palapala. A nana i hoala *ka noonoo nui no ka mea'e pau ai keia wai ino. Mailaila mai ka imi ana i ka mea e pau ai ia wai ino, wai ahi, wai make a hiki i keia makahiki 1885. Hookahi haneri makahiki oia hoi ke keneturi okoa i hala. Nolaila, e manao ana ka Aha Kinai Rama Nui e kukuluia iloko 0 1885 i Halawai Keneturi e hoomanao ai ina hana mua no ke kinai ana i keia wai pepehi kino me ka uhane. Aka, kahiko loa ka ike ana i ke ano ino 0 £a waina me na wai ona e ae. Ua kakauia, a paiia, a hoolahaia ma ka Baibala ma Kinohi, Oihana Kahuna, Samuela, Solomona, Hahakuka me Daniela. Eha tausani makahiki aoi aku ka loihi o ka ike ana i ke ano ino o na mea ona, me ka paipai ana e haalele loa ia mau mea. Aole nae i haalele ia. Heaha la ka mea e pau ai ka ona, me na wai ona ? Oia ke kumu manao nui i keia wa ma America, ma Beritariia a ma na wahi e ae, ma na mokupuni naauao kekahi. Ka mea i manao ia e ka poe he lehulehu, eia no ia, Oke kau ana ona aupuni i kanawai hookapu loa i ka hana ana, ike kuai ana, ika haawi ana ina wai ona. Oka pule no keia ona haipule ma na Poaha a pau, a hiki i ka manawa e hookoia al Aia a hookoia, alaila hiki mai ka Milenio.