Ka Nupepa Kuokoa, Volume XXIV, Number 9, 28 February 1885 — Page 4
| This text was transcribed by: | Gordon Rosete |
| This work is dedicated to: | Uncle Charlie Kiaha |
Ka Nupepa Kuokoa
KE KILOHANA POOKELA NO KA LAHUI HAWAII.
Ka Nupepa Kuokoa
No ka makahiki . . . . .$2.00
No Eono Mahima . . . 1.00.
-Kuike Ka Rula-
Poaono . . . Feberuari. 28, 1885
KU AU MAWAHO AE.
(I STOOD OUTSIDE THE GATE.)
G.H. NO. 172
1.
Ku au mawaho ae,
He mea auwana no.
Ua koni kuu puuwai.
Makau ko loko o`u
Ua hala paha e
Ka wa e komo ai.
Haalulu wale au
:A ku a pule no:
2
Aloha, aloha mai,
Ae anei i komo au?
A pane mai, Ae, ae,
E komo oe ano.
Ku au a komo ae.
Pau ae la kuu makau,
Pau kuu kaumaha nei,
:A maluhia no:
3
E na auwana nei,
A ku mawaho ae
E noi a kikeke
Ka wa hoolohe nei.
Ka hea nei Iesu
Wahea ka puka e
E komo ae oukou.
:Me e ka pomaikai:
HAWAII.
Haawina Kula Sabati.
Mar. 22, 1885. Kumuhana, Ka npono ana ia Paulo. Pauku Baibala, Oih. 26: 19--32.
Nolaila, e ke alii, e Ageripa e, aole au i hoole aku ia hoakaku mai ka lani mai.
20 Aka, hoike mua aku la au ia lakou ma Damaseko, a ma Ierusalema, a ma na mokuna a pau ma Iudda, a i ko na aina e, i mihi lakou, a e huli i ke akua, a e hana i na hana e ku i ka mihi.
21 No keia mau mea, lalau mai na Iudaio ia’u maloko o ka luakini, hoao mai la lakou e pepehi mai ia’u a make.
22 No ke kokua ana mai o ke Akua ia`u, ua kupaa no wau, a hiki mai nei i keia la, e hoike aku ana i ka poe liilii, a me ka poe nui, i ka i ana aku i keia mau mea wale no , i na mea a ka poe kaula, a me Mose no hoi i olelo mai ai, e hiki mai ana.
23 E make no ka Mesia e pono ai, oia hoi ka mua o ka poe make i ala hou mai, nana no e hoike aku i ka malamalama i koonei kanaka, a me ko na aina e.
24 A i kana hoakaka ana pela i kona iho, i ae la o Peseto me ka leo nui, E Paulo, ua hehena oe ; na na palapapa he nui oe i hoolilo ai i hehena.
25 I aku la ia, Aole au e hehena e Peseto maikai e, aka, ke olelo aku nei i na olelo oiaio a me ka naauao.
26 Ua ike no hoi ke alii i keia mea, ke olelo wiwo ole aku nei au imua o kona alo ; no ka mea, ke manao nei aole i nalo iaia kekahi o keia mau mea, no ka mea, aole i hanaia keia ma kahi nalo.
27 E ke alii, e Ageripa e, ke manaoio nei anei oe i ka na kaula? Ua ike no au, ua manaoio no oe.
28 Olelo aku la o Ageripa ia Paulo, Ua aneane oe e hoohuli mai ia’u i Karistiano.
29 I mai la o Paulo, Ke pule nei au i ke Akua, i ole oe ma ka aneane wale no, aka, ma ka oiaio e lilo ai oe, a me ka poe a pau e hoolohe mai ia’u i keia la, i mea e like io ai me au nei, ma na mea a pau, o keia paa wale no ke koe.
30 A ku ae la ke alii iluna, a me ke alii kiaaina, a me Berenike, a me ka poe e nohe pu ana me lakou.
31 i ko lakou hoi ana aku, kamailio ae la lakou ia lakou iho no, i ae la, Aole i hana keia kanaka i ka mea ku i ka make a me ka paa.
32 I ae la o Ageripa ia Peseto, Ina aole keia kanaka i hoopii ia Kaisara, ina ua pono ke wehe iaia.
Pauku Gula, No ke kokua ana mai o ke Akua ia`u, ua kupaa no wau a hiki mai i keia la. Oih. 26:22
Manao nui, Kahea ke Akua ia kakou: e hoolohe aku iaia.
NA HELUHELU I.A.
Poakahi Oih. 26: 1-18
Poalua Oih. 26: 19 -32
Poakolu Mat. 3: 1-12
Poaha Is 53: 1-12
Poalima Is. 60: 1-22.
Poaono Is. 10: 1-21
Sabati Lu. 18: 18-30
Mele, “Hele ano ia Iesu.” Hoku Ao Nani 117. Pule, I naau hoolohe i ke Akua.
NA NINAU
Mehea o Paulo? E haiolelo ana imua owai? Heaha kana i hai aku ai? E kamailio ana no ke akaku hea? Ua hoolohe anei o Paulo ia kahea? Aole anei oia i kanalua i ka hahai ana ia Iesu? Ua hoomau anei oia i ka hoolohe koke ana i ke Akua? Heaha kana i hai aku ai i kanaka? P. 20. Ia wai ka hai ana? Ua kauohaia anei na me a pau e mihi? Ua lawa anei ka hai ana aku i ka hewa, ke ole haalele ia hewa a hulii mamuli o Iesu? Ma keaha i maopopo ai ka huli io ana i ke Akua? Ua hoike anei o Paulo i kona mamaooio ma na hana?
No ko Paulo hewa anei ka hopu ana o na Iudaio iaia? Aole anei i makemake iaia e paipai ia lakou e mihi? Ua hoapono anei lakou i ko Paulo hai ana i ka olelo o ke ola i ko na aina e? Ehia makahiki kona paa ana ma Kaisareia me ka hewa ole? Nawai i kokua iaia? P.22. Nawai i hoopakele pinepine iaia mai na poino mai? Imua owai kona hoike ana? Owai ka poe hanohano e noho mai ana? Ua hai mau aku anei i ke ola ma na wahi a pau ana i haiolelo ai?
Ua kue anei kana olelo i na mea i haiia mai ma ke Kauoha Kahiko? Nawau i hai e mai no ia mau mea? Kin. 3: 15. Hal. 16. Is. 33. Jer. 25. Dan 9&c. Heaha kekahi o ia mau wanana? p.23 . Heaha ka Mose ma Kin. 22:18, a ma Is. 42: 5,7. 60: 1-3? Heaha na mea elua i hoikeia no Iesu ma ka p. 23? O ko Iesu ala hou ana, he mea anei ia hoomalamalama ai i nakanaka? Ma kona ala hou ana, ua maopopo he ola hou mahope o ka make ana o ke kino – a ua hoounaia o Iesu e alakai i kanaka i ka lani.
Heaha ka Peseto olelo? p.24. Nawai i hoapono i ka make ana o Iesu? Ua make oia me he la he lawehala ia, a eia o Paulo ke hai aku nei imua o lakou i ka waiwai nui e loaa mai ana i kanaka ma kona make ana – a manao o Peseto ua pupule oia. Wahi a kekahi o ka mea hehena maoli, o ia ka mea i kapa ia Kristo he Haku, aole nae i hoolohe i kana mau olelo. Ua hehena anei o Paulo? Heaha kana ia Peseto? p.25. Oiai he Iudaio ke alii, ua maopopo anei iaia na mea a Paulo i hai aku ai? Aole anei i kamaaina lakou me ka Mose, a me ka na Kaula?
Aole anei i ike oia i na mea e pili ana no Iesu? Ua hana anei o Iesu ma kahi nalo? Pehea hoi no Paulo? Aole anei i kaulana oia no kona hoomaau ana i na haipule? Ma kahi malu anei kona hoohuliia ana i ka pono? Heaha ka ninau ia Ageripa? p. 27. Heaha na mea i haiia mai e na kaula? No Iesu &c. Ua manaoio anei ke alii ia mau mea? Ua hoikeia anei ia manaoio ma na hana? Heaha ka olelo ma Iak. 2:17. Ua pane aku anei o Ageripa? Heaha kana olelo? Ua ikaika anei ko Paulo manao e lilo lakou i Karistiano?
E like lakou me ia koe keaha? Ua loheia anei no Ageripa ina ua lilo i Karistiano? Owai na mea i kuka pu no Paulo? p. 30. Heaha ko lakou manao? p.31. Ua hoopukaia anei he manao kanalua nona? Pehea ka Ageripa olelo ia Peseto? p.32. Heaha ka i keakea i ka hookuu ana ia Paulo? Ua pono nae, no ka mea, o keia hoopii ana i Roma he mea ia e kokua ana iaia i ka hiki pono ana aku ilaila? Nawai i alakai iaia? Nawai i wehe i na ipuka o ke ola? Ia wai nae ka ae ana e komo, a hoole paha i ka pono?
Ua pono paha i na mea a pau i hoohuliia ma ka pono e hoolohe i ka leo o ka Haku? Aole anei he pono i ka mea i loaa ia Iesu, e alakai koke i na mea e ae iaia? Io. 1:37, 41, 45. He aha ka hana mua a ka mea i ike i kona hewa? Ma keaha e maopopo ai ka oiaio o ia mihi ana? Heaha ka mea nui ma ka Euanelio? Heaha ka nu maikai malaila? Mahea ka pupule maoli e like me ka haalele wale ana i ka pono o ka uhane, na ka imi ana i na mea lealea wale o ke kino, a me na hanhano o ke ao nei? He nui anei ka poe manaoio i ka Baibala e like me Ageripa? Hoano hou ia anei na naau me ia manaoio i make? He nui anei ka poe i aneane Karistiano, a make nae mawaho o Ziona? O ka hoomau ia ana o ko Paulo paaia ana, he mea anei ia e hooholo ai imua ka haiia ana o ka nu maikai? Ua oi anei na pono i loaa ia Paulo mamua o kekahi o ia anaina hanohano?
He waiwai pau wale ka lakou, he waiwai paa ma ka lani kana. 2 Ua hoohanohanoia lakou e kanaka, --ua hoaponoia oia e ke Akua. 3 He lealea kino ko lakou : he olioli, he malu, he hauoli kona i oi aku amamua o kani mea a lakou i noonoo ai. 4 He lei alii ko lakou; he lei mae ole kona ma ka lani. 5 He pihoihoi, he makau lakou; he malu loa oia, no ka mea, ua kupaa kona manao. 6 He Moi Roma ka lakou i manao nui ai; o Iesu kona Haku kana i aloha nui ai.
Mele, “Hamau” Hoku Ao Nani 147. Pule, I lilo ka poe, aneane Karistiano a pau i poe Karistiano oiaio.
Ka Waiwai i oi.
He kanaka, Meriama ka inoa, kana oihana ka imi ana i ka mea e waiwai ai. Hoao oia i kekahi hana. Aole nae i waiwai malaila. Hoao i kekahi hana hou, oia ka hoaie ana i ke dala ia hai ma ka uku kuala he nui.
He kanaka heomaloka loa oia nei. Aole hele i ka hale o ke Akua ma na la Sabati. He kaikuahine haipule kona, a hele mau i na halawai. Ua kokoe loa kona hale i ka iuakini. Ua maa kona kaikunana i ka hele makahiki e ike i kona kaikuahine. Ma ka la Sabati nae. Ma kekani Sabati ahiahi e noho ana oia ma kona noho e puhi ana i kona kika. Kani ka bele no ka halawai, a mau ke kani ana me ka hele ana o kanaka i ka halawai. Ukiuki Meriama no ke kani loihi ana o ka bele luakini. Pau ke kani ana, a hoomaka ka halawai. Olelo ke kahuna, o ko`u manao, e kamailio ia oukou ka poe ui no ke ano o na waiwai.
Aia o Meriama ma ka hale o kona kaikuahine. No ke kokoe loa o ia hale i ka luakini, lohe oia i keia manao o ke kahunapule. He kahunapule maikai paha keia, wahi ana, e kamailio ana no na waiwai. Owau kekahi e imi ana i ka waiwai. E hele au i ka halawai e hoolohe i keia kahunapule ano e. A hele pu laua, oia me kona kaikuahine.
Ua pau na himeni me ka pule. Ku ke kahuapule, a olelo, Ina e hoakoakoaia mai maanie ka poe waiwai me ka poe naauao o keia kulanakauhale, a ku lalani lakou, a ninau pakahi ia, ma ko oukou manao, heaha ka mea waiwai nui? E pane mai ana paha oukou, O ka uhane o ke kanaka.
Nolaila, ke lawe nei au Hal. 49:8, i kumi olelo na’u. “O ka hoola ana i ko lakou uhane, he nui ke kumukuai.” E ka poe ui, ka poe e komo ana iloko o kela, o keia ka oihana e loaa ai ka waiwai, e hoomanao mau oukou, aole waiwai e ae i like kona nui me ka uhane o ke kanaka. Wehewehe oia a maopopo, ka uhane ka waiwai nui.
Hoolohe nui Meriama. A pau ka kalawai, a hoi pu oia me kona kaikuahine, olelo oia, no’u paha keia haiolelo.
Ma ke kakahiaka, hoi oia i kona hale kakau palapala. Hoomaka oia e he luhelu i kekahi nupepa, aole hiki. Pihoihoi ko loko, a kupikipikio, aohe malu iki. Pili mau ke kumu olelo, malu iki. Pili mau ke kumu olelo, aole hiki ke hana. Ka uhane oia ka waiwai nui. Ka hoola ana i ka uhane he nui ke kumukuai. Ka huli no ia ma ka uhane. Pau ka manao nui ma ka waiwai o keia ao. A lilo oia i kanaka no ke Akua. Kapili oia ma ka paia o kona hale oihana, i kela pauku. “O ka hoola ana i ka uhane he nui ke kumukuai.”
E ka poe e imi nui ana i ka waiwai o keia ao, me ka waiho wale i ka uhane. E hoopaa. Mat. 16: 26.
He Halawai keneturi no ke kinai ona .
Iloko o ka makahiki 1785 he kauka o Beniamina Rusa no Piladelepia ka ia kakau a pai i palapala e hai ana i ke ano ino o na waiona maluna o ke kino me ka uhane. Ua hoolahaia a heluhelu nui ia keia palapala. A nana i hoala i ka noonoo nui no ka mea e pau ai keia wai ino. Mailaila mai ka imi ana i ka mea e pau ai ia wai ino, wai ahi, wai make a hiki i keia makahiki 1885. Hookahi haneri makahiki oia hoi ke keneturi okoa i hala.
Nolaila, e manao ana ka Aha Kinai Rama Nui e kukuluia iloko o 1885 i Halawai Keneturi e hoomanao ai i na hana mua no ke kinai ana i keia wai pepehi kino me ka uhane.
Aka, kahiko loa ka ike ana i ke ano ino o ka waina me na wai ona e ae. Ua kakauia, a paiia, a hoolahaia ma ka Baibala ma Kinohi, Oihana Kahuna, Sameula, Solomona, Habakuka me Daniela. Eha tausani makahiki a oi aku ka loihi o ka ike ana i ke ano ino o na mea ona, me ka paipai ana e haalele loa ia mau mea. Aole nae i haalele ia.
Heaha la ka mea e pau ai ka ona, me na wai ona? Oia ke kumu manao nui i keia wa na America, ma Beritanaia a ma na wahi e ae, ma na mokupuni naauao kekahi.
Ka mea i manao ia e ka poe he lehulehu, eia no ia. O ke kau ana o na aupuni i kanawai hookapu loa i ka hana ana, i ke kuai ana, i ka haawi ana i na wai ona. O ka pule no keia o na hai pule ma na Poaha a pau, a hiki i ka manawa e hookoia ai. Aia a hookoia alaila hiki mai ka Milenio.
Kiune Makea.
Ka Moi keia o Rosatonega, kekahi moku e kokoe ana i Samoa . He alii ikaika i ke kinai i na mea ona. A kauoha oia i kona mau makai me na luna e ae e hele e hopu i ka poe kuai i na waiona. Aole nae lakou i hane. Mau ke kuai, mau ka ona. Nolaila, ua hoopau oia i na makai kane, a koho i mau wahine i pani no na kane. Malalo ae o ka hana a na wahine, ua pau ke kuai ana. Ua maluhia ka aina.
A peha ke hoaoia na makai wahine ma Hawaii nei? Ke lanakila nei ono ke kuai rama ka ina rama, ka ona me kona mau poino. Aka, e mau ana pa ha ka ona ke mau ka haawi ana o ke aupuni i na laikini e kuai i ka rama me ka bia. E pule mau i hiki mai ka manawa e hookapu loa ia ai ke kuai ana me ka hana ana i na mea ona. N.Y.W.W..
Ka hookahunaia ana o S.P.K.
Nawaii Kaku Ekalesia
no Ewa.
Elike me ka hoolaha ana o ka L.H. ke komite o ka Ahahui Euaneho ku i ka wa o Oahu nei e hoakaka ana i ka wa a me ka la e hooko ia ai ka olelo hooholo o ka la 29 o Okatoba, 1884, i hala, e kukala ana a e hea ana i na lala o ke komite a me na Kahu no a pau e hele mai e hooko i ka lakou olelo hooholo.
Nolaila, ma ka Poaono, Feb. 14,’85, ua hiki mai ka hapanui o ke komite Rev. J. Waiamau,
S. Waiwaiole, Paiakuli; a o na hoa i koe Rev. Haia a me F. S. Timoteo.
A no ia kumu a me ka hiki ole mai no o kekahi poe Kahu e ae, aole i malamaia i na ninaninau ia Nawaa, a ua hooholoa, a ka hora 10 A.M. o ka la Sabati ae.
La Sabati, Feb. 15, hora 10, ua malamaia na ninaninau ana no hookahi hora o oi. Mahope o ko ke komite ninaninau ana, ua noho lakou a noonoo no ka lakou olelo hooholo, a eia ka lakou olelo hooholo i hooholo ai : Mamulli o ko makou ninaninau ana ia S P K Nawaa, no ka makaukau no ka oihana Kahu Ekalesia, mamuli o ko makou ike ana ua kupono a ua makaukau oia ma ka oihana Kahu, nolaila, e poni ia o S P K Nawaa i keia la a i keia mau hora.
Eia ka mahelehele ana o na hana a me ka poe nana i malama :
1 Ia Rev. J. Waiamau ka heluhelu ana i na himeni. Himeni mua, 500 Elua, 503, a me ka heluhelu and i ka laula ma Hev. 7; 1-28, a me ka Haiao, Heb. 7;6.
2 Ia Rev. s. Waiwailoke ka pule hoolaa a me ke kau lima mua a hui pu me Rev. J. Waiamau, a me Paikuli.
3 Ia Rev. Paikuli ka lima akau aloha a me ka oleloa’o i ke Kahu hou.
4 Ia Rev. S Waiwaiole hou ke a`o ana i ka Ekalesia.
5 I ke Kahu hou ka heluhelu ana i ka himeni hookuu a me ka pule hookuu.
O keia iho la na hana o ka la i poniia ai o S P K Nawaa i Kahu Ekalesia no Ewa nei. I keia wa, ua ko ka makemake o ka Ekalesia o Ewa nei, a ua nui ko makou hauoli.
Ma ke ahiahi Poaono Feb. 21, 1885, ua holapu ae la na alelo ana ole o ke ahi i ka hale moe oo T. Aki, Pake lalawai o Ewa nei, mamuli o ke pahu ana o ka ipukukui honohi; ua pau ka hale a me kekahi mau waiwai makemae.
Me ka oiaio
J.K. KAANAANA.
Awa, Waiawa, Ewa.
“He Mana ka lokahi.”
E na Keiki Papa o ka aina, a me na malihini, e noho ana mai ka loko kaulana o ka aina; nona ka olelo ana “Pupuhi ka makani he i`a no Ukoa;” a i ka wai kumu ole e kau mai la ai ka pali, a mai kaupoku hale o Kaala i ke awawa o Kiowea, a hiki i ka ehu a ke kai e kopi ae la i ke one o Maeaea,
ALOHA OUKOU: -
E Malama ia ana ma ka la 8 o Maraki ae nei he la na kakou e lulu dala ai no ko kakou Luakini hou, nolaila, e na makamaka makee pono, a minimina i ka luhi o na makua o oukou i hala e ma o, e nakakaka mai nei na paia a e helelei aku ana ka hopena. E ala like mai kakou me ka manao lokahi, a e noho malalo o ka huaolelo “ He Mana ka lokahi,” a na ke Akua e kokua mai ia kakou elike me Kana olelo: “Aole au e haalele ia oukou a nele.”
E.S. TIMOTEO.
Waialua, Feb. 23 1886. 2013 2ts
Ua make o Ota makua i ke awakea o ka Poakahi nei ma kona wahi noho ma alanui Puoina, i ke kanahiku a oi p kona mau makahiki; ua haalele iho oia he wahine me eha keiki a me ka ohana no a pau ma ka honua nei. Aloha no.
The Lord’s Prayer, in Arabic
@@@ . . .
@@@ . . .
@@@ . . .
In Bulgarian.
@@@ . . .
@@@ . . .
@@@ . . .
@@@ . . .
@@@ . . .
@@@ . . .
@@@ . . .
@@@ . . .
IN HAWAIIAN.
E ko makou Makua iloko o ka lani, e hoanoia kou iuoa. E hiki mai kou supuni; e malamaia kou makemake ma ka honua nei, e like me ia i malamaia ma ka lani la; e haawi mai ia makou i keia la i ai na makou no neia ia; e kala mai hoi ia makou i ka makou lawehala ana, me makou e kala nei i ka poe i lawehala i ka makou. Mai hookuu oe ia makou i ka hoowalewaleia mai; e hoopakele no uae ia makou i ka ino; no ka mea, aou ke aupuni, a me ka mana, a me ka hoonaniia, a mau loa aku. Amene
KA PULE A KA HAKU.
Maluna ae e ike iho ai ko makou mau makamaka heluhelu i na huaolelo kahakaha ano e a pela aku, a no ka poinaikai o na hoa heluhelu, ke hooikeia aku nei makou o kela maluna ae oia no ka Pule a ka Haku i kakauia ma ka Olelo Arabia, Bulegariana, a me ka Olelo Hawaii. He hoomaikeike ana keia i ko ke ao nei, ua kamaililo pu ia mau lahui naaupo me ka Haku ma ka pule. O na huaolelo kahakaha maluna, oia ka olelo Arabia, mawaena iho ko Bulegari, a o ka olelo makauahine iho o ka aina.
Na Leta a na Makamaka
(Na Nuhou o na Mokupuni.)
HOOLAA LUAKINI O PUAKO
Ma ka hora 2 P.M. o ka la 19 o Feb. nei, ua weheia na hana, malalo o ka noho lunahoomalu ana a na Revs. S. C. Luhiau a me S. W. Kekuewa. Ia S.C. Luhiau ka himeni a me ka pule. Pau ia ku mai o S. W. Kekuewa a hai mai i ka himeni. Pau ia, manao hoakaka na S.C. Luhiau. Ia S. W. Kekuewa ka haiolelo. Ma Hagai 2:9. “E oi aku auanei ka nani o keia hale i ko ka mua &c.” Pule o Kekuewa.
Pau ia ku mai o Luhiau o hoakaka mai ma kana Pepa Hoike i ka nui o na dala i hooliloia oia hoi he $176.26. Mahalo piha ke anaina; pau ia, pule o Kekuewa, himeni hou a pule hookuu. Ma kani o S. Kapela i hoopeuia ai ka houpo lewalewa. Me ka welina i ke KUOKOA a me kou L. H.; a he anoi iho hoi ko na’hi paahana. Ua lai no!
Thos. S.K. NAKANELUA
HE HANA HILHILA OLE.
Ma ka la konohi o na Pake i ikeia aku ai kekahi mau kanaka Hawaii ponoi o Hawi me Honomakau e hana ana i na hana maikai ole; malalo no ia o na alakai ana a ke alii o ka po. O kekahi mea maikai ole no, o ko lakou hoolilo ana i ka la kulaia o na Pake, i la no lakou e hana ai i na hana maikai ole. O ka poe no lakou ia la he noho maikai wale mai no ka lakou a nana mai i keia poe e hana ana i na hana maikai ole. O ka hapa uuku o keia poe ka i mikiia ae e na lima lawelawe o ke aupuni koe ka hapa nui, ua pahemo ma ka apua ke ola. He oiaio no paha no na pake kekahi mea inu ma ia la, aka, mai kekahi poe malama coniaca ae no kekahi ma Hawi nei. O kahi o keia poe e kamailioia nei he poe ua hoohiki aole e inu i ka rama, a ua hai hoi i ka olelo a ke Akua.
Kekahi hoike oiaio loa keia o ka’u mea i kamoilio ai ma kekahi mau helu i hala o kou kino, i pili ana ma kahi e olelo ana, “Ke lalapa nei ke ahi o ka rama iwaena o na Hawaii ponoi ma na apana o Hawi a me Honomakau.” Ka mea hoi a kuu hoa kanaka Kaailau e lili ino loa nei a hoolaha pilikino mai nei ia’u ma ka Paeaina.
J. H. KELIINOKAHA.
NA HOOHIALAAI A KA MANAO.
Mamua ae o kuu hoike ana aku i na nuhou hoohialaai manao o kuu aina, ke haawi e aku nei au i ko’u hoomaikai palena ole i o’u mau makamaka kuilima o ka nupepa, aloha oukou. I ka wa o ka la e alohi ana, a e olino pono ana hoi kona malamalama iloko o ka la konohi iho nei o na Pake, aia hoi, ua ike aku la au, ua hookahua iho la na hookialaai uso ole a ka manao maluna o na opio puni waiona o Kohala ke hele la a pulu i ka ua malule o luna.
Iloko o na hana o ia la, ua oi ae ke kiko eleele o na opio Hawaii mamua o ka poe nona ka la. Aloha wale na pua lilia i Wailuki o ka hele ana a luhe i ka wai o Iao, hana uso ole.
Ma keia wahi ua nui kuu mahalo i na kiai o ke aupuni malalo o ka hookele noiau ana a ka Hon. J. Moanauli, Makai Nui, oiai lakou e malama ana i ka maluhia o ka apana, a ua pau ka poe ona i ka paa i ka halepaahao, a ua loaa ka uku o ia hana. “Aloha kahi wai o Kehoi, hoi oe ilaila peha wau la.” L.S. KEANIANI.
NA HOOLAHA KUMAU .
DILLINGHAM & cO.
Mau Mea Kuai Lako Hoo
Alanui Papa, Honolulu.
FRANK PAHIA.
ANA AINA! ANA AINA!!
KEENA HANA: Aia ma alanui Moi, Kokoke loa i ka Uwapo o Hooliliamanu. tf
C C. COLEMAN.
Amara a he mea hana Mekina
Kapili Kapuai hao lio.
A ME KA
Hana Kaa Lio ana , etc.,
Hale Hana ma Alanui Alii
903-tf E koke la i ke Alanui Papu.
PAPA! PAPA!
AIA MA KAHI O
LEWERS & COOKE,
(O LUI MA)
ma ke kahua kahiko ma alanui Papu a me Moi.
E loaa ai na
PAPA NOUAIKI.
o kela a me keia ano.
Na Pani Puka, Na puka Aniani, No Olepelpe, Na Pou, Na O-a, Na Papa Hele, Na Papu Ku, A me na Papa Moe nui loa
Na Pili o na Hale o ns. Ano & pau.
Ne Pepa Hoonani Na Pena o na Wai e pau
Na Kui mai ke Nui a ka Makalii, Na Ami
Puka, Na ami Puka Aniani, Na Ami
o na ano a pau, Na Aila Pena, o
kela me keia ano Na Aila Hoe-
maloo, he lehulehu wale,
Na Aila e ae o na
ano a pau.
NA WAI VANIKI
- A ME NA-
WAI HOOHINUHINU NANI!
O NA ANO A PAU LOA.
NA BALAKI AN NUE WALE.
A ke hai ia aku nei ka lono i na Makamaka a pau, ua makaukau keia mau makamaka o oukou e hoolawa aku me na mea a pau e pili ana ma ka laua oihana.
-NO KA-
UKU HAAHAA LOA .
E like me ka mea e holo ana mawaena o LAUA a me ka MEA KUAI.
E Hele mai! E na Makamaka
Law a no hoi koo@@@i makemake
a ka oluolu a me @@naikai.
HALEPAI O THOS. G. THRUM
O KA NUPEPA
SATURDAY PRESS me KUOKOA
ALANUI KALEPA, HONOLULU
Malaila e paiia ai na ano a pau o na
BUKE,
HOIKE O NA KULA,
HOIKE A NA KOMITE,
NA HAAWIINA KULA SABATI,
PAPA KUHIKUHI O NA ANO A PAU,
HOOLAHA NUNUI A LIILII,
“BALOTA, LIMPINE PAPALE,”
TIKETA, WAHI LETA,
BILA PAI HAKAHKA.
HOOLAMA KUDALA, &c., &c, &c.
Iloke o ka wa pokole a me ka ahhau haahaa.
A ma ka halekuai o THOS. G. THRUM
ma ALANUI PAPU, e loaa ai na
Kalana kakau o na ano a pau,
Wahi Leta “ “ “
Inika “ “ “
Penikala “ “ “
Mea Hoopipili, buke hoomanao,
Peni gulqa a me kumu gula,
Kii a me na laau,
Buke kii o ka ohana,
Buke kii a na keiki,
Na mea paani a na keiki,
Kaa a na keiki,
Kaa huila lua o na opio.
A he Agena no ke ana lole pepa o na
Keiki a me na wahine.
No ka hoailona ana i na lole me na inoa ponoi e hookoia na kauoha a pau no na papa inoa ke waihoia ma keia halekuai me ka uku pu o ka papa inoa i makemakeia. Uku no ka inoa hookahi me ka inika a me ka hulu $1,50 ina ma ka papa inoa keleawe, a ina ma ka papa inoa keleawe, a ina ma ka papa inoa dala, $2.
O na kauoha pau mai na mokupuni e hookoia ina e hoouna pu ia mai me ke kala a me ka moakaka pono o na hoakika ana.
THOS. G. THRUM
NA HOOLAHA KUMAU
KE KUAI HOEMI NUI
A WAIPAHE O NA
Waiwai Aiwaiwai
-o-
CHAS. J. FISHER
F.I.A I.A
NA PAPALE BIVA HOU LOA
PAPALE WAHINE KAE H@@
HULU O NA ANO A PAU @@
NA LIHILIHI HOU E HAA@@
PIHAPIHA, A E HAO AE A@@
LINOHAU LUA I NA KAIAK@A
HOU LOA A HEHEE OLE@@
A I NA GINIHAMA H@@@@
LILO AI OE I KA WAI A E
KU AI KAENA A NA IWA H@
HEHELO O UA KAONA N@@
KUAI MAI I NA HUI@@@@
E loaa no ma ka haleku@@
Chas. J. Fishel.
NA PAPALE PAHUA LAIK@
NA ANO A PAU
Na kakini hou a me @
MEA LIILII E QAE E PANIO AI N@@
LEDE ME NA KEONIMANA
Na Waiwai hou o ka hoea ana mai no@
no keia Halekuai.
Na Paikini hope loa hoi o ka ioaa @ mai nei no mai Europqa mai o na @@ kuuwelu hoa loa, a i kupono loa h@@ kris mau wahi.
NA KAMAA HAAHAA O NA LE@
O NA ANA A PAU.
Na lihilihi puka aniai nani hou loa, waipahe na auhau no ka l@a.
Ua loaa mai nei iloko o keia mai @ @ i o nei he 100 paa lole o na keiki,@ @ ka, lole wawae, puliki a e kuana aku @
Hapalua Dala
Wale no o ka Paa hookahi heaha la@
Na lole Lilina hou loa
MA KA HALEKUAI EM@@
CHAS. J.FISHEL.
Ina oukou e makemake e ike @ @ kulike ai hoi me ko oukou mai @@@ no a maloeloe a hele pololei mai @@@ hooiaio no oukou iho, oiai ke k@@@@@@ na waiwai a pau me ka emi loa @@@ kekahi mau wahi e ae o keia aina. E @@
MA KA HELEKUAIO
CHAS. J. FISHEL.
Kihi o alanui Papu me Hotele.