Ka Nupepa Kuokoa, Volume XXIV, Number 8, 21 Pepeluali 1885 — Na Leta a na Makamaka. [ARTICLE]

Na Leta a na Makamaka

[Na Nuhou o na Mokupuni.] KA MAKAI NUI O HAWAII MAKAI O PUNA. Haalele ia Hilo town i ka hola 1 P.M. Oo ka Poaha la 5 of kia malama, no ka hoaumoe ana no ka Paiaalaikahala; a ma ka hora 10 o ia po, moe ma kahi o D. Kapahee; he 21 a oi mile ka loihi o keia hele ana. Haalele i kahi o D. Kapahee ia kakahiaka ae no, no kahi o K. E. ELdarts; haalele ia wahi i ka hola 12 M., no kahi o Z. M. Naahumakua ma Opihikao. Haalele ia Opihikao no kahi o ka lunakanawai J. M. Naeole Esq. ma Kehena, haalele ia wahi no kahi o J. M. Kauwila Asq. ma Kaimu; mahope o ka pau ana o ka paina ana, ua malamaia he hui makai; ua ku mai o Hon. J. L. Kaulukou Esq. a kamailio mai la no ka oihana; a he ku i ka maemae a waipahe na mapuna leo. A ke ano nui o kana kamailio ana, o ka makaala i ka hana makai me ka malama pono. Ua pakui mai o Mr. Kauwila; a ma kana kamailio ana, he mahalo i na olelo ao a Mr. Kaulukou. A mahope iho o mr. Kekoa; o ke ano nui o kana kamailio ana, e hoolana ana i na makai, e hoopau i ka manao ana no ka hoopauia; a e aloha aku i ka Moi. Pau ia, na makai mai 3 o Puna, Kapukini, Hapai a me Kapahee; a mahope iho ka Lunakanawai K. M. Naeole, e hahai mai ana oia i ko Mr. Kaulukou kulana mai kona wa kamailii mai a hiki i keia wa. Haalele ia Kaimu a moe ma Kahaualea; a ma kakahiaka ae, haalele ia laila no Kaluaopele. J. L. AHIA.