Ka Nupepa Kuokoa, Volume XXIV, Number 8, 21 Pepeluali 1885 — Page 4

This text was transcribed by:	Szuki
This work is dedicated to:	ehulani lum

Ka Nupepa Kuokoa

KE KILOHANA POOKELA NO KA LAHUI HAWAII.

Ka Nupepa Kuokoa

No ka Makahiki, $2.00

No Eono Mahina, 1.00

KUIKE KA RULA

Poaono Feberuari, 21, 1885.

KUU HALE KIEKIE.

(MY HIGHT TOWER)

G. H. NO 171.

Kuu Hale Kiekie,

O ko Ziona puu,

Kuu wahi pee no ia,

A malu no a mau.

CHO. Kuu Puu no Iesu.

E o halelu.

Kuu Hilinai

E pili ai.

Kuu Puu no Iesu.

Pii mai na ale ino.

A uhi mai ka po

Iloko nae o Iesu,

Ua malu loa no au,

CHO Kuu Puu no Iesu, &c.

Kuu Puu ikaika Iesu,

A oni paa a mau.

A kue ko ka po la,

Aole o'u makau.

CHO Kuu Puu no Iesu, &c.

Kuu Puuhonua Iesu

E mele oli au.

O kuu Pohaku malu

A palekana no.

CHO Kuu Puu no Iesu, &c.

HAWAII.

Mar. 15, 1885. Kumuhana. Paulo imua o Ageripa. Pauku Baibala. Oih. 26: 1-18.

A LAILA olelo mai la o Ageripa ia Paulo, Ke aeia aku nei ia oe e olelo nou iho. Hohola ae la o Paulo i kona lima, olelo mai la nona iho;

2 Pomaikai au i ko'u manao,e ke alii,e Ageripa e, no ka mea, e hookaka ana au imua ou i keia la, no na mea a pau a'u i hoopiiia mai nei e na Iudaio:

3 No ka mea, ua ike no oe i na ao-ao,a me na hoopaapaa a pau o na Iudaio; nolaila, ke nonoi aku nei au ia oe, e hoolohe ahonui ia'u.

4 O ko'u noho ana. mai ko'u wauuku mai, aia @a mai kinohi mai ma Ierusalema iwaena o kou lahuiaina iho, ua ike na Iudaio a pau;

5 Ka poe i ike mai ia'u i kinohou, ina i ake lakou e hoike mai, noho Parisaio no wau ma ka aoao ikaika loa o ko makou hoomana.

6 Ke ku nei no wau, ua hookolokoloia mai nei no hoi, no ka manaolana o ka olelo hoopomaikai a ke Akua i olelo mai ai i ko makou mau kupuna.

7 Ke manaolana nei no hoi ko makou poe ohana, he umi a me kumamalua, e loaa ia mea, me ka malama mau aku i ka po a me ke ao; no ia manaolana o'u, e ke alii, @ Ageripa e, ua hoopiiia mai nei au e na Iudaio.

8 No ke aha la oukou i manao ai he mea hiki ole i ke Akua ke hoala mai i ka poe make?

9 Nolaila, manao no au iloko o'u iho, he mea pono ia'u ke hana i na mea he nui i ku e i ka inoa o Iesu no Nazare@a.

10 Hana no au ia mau mea ma Ierusalema; hana paa iho la au i na haipule he nui maloko o na halepaahao, ua loaa no ia'u ka mana no ka poe kahuna nui; a ia lakou i pepehiia, owau no kekahi i hoahewa pu aku la lakou.

11 Hoopai pinepine aku la au ia lakou maloko o na halehalawai a pau, a ko@ aku la au ia lakou e olelo hoino; a no ko'u ukiuki loa ia lakou, hoomaau aku la au ia lakou a hiki i na kulanakauhale o na aina e.

12 No ia mau mea i hele ai au i Damaseko, me ka mana a me ka aeia na na ka@una nui mai,

13 I ke awakea, e ke alii e, ike aku la au ma ke alanu@, he malamalama mai ka lani mai, he mea oi loa aku mamua o ka malamalama o ka la, ua puni au i ka malamalama, a me ka poe i hele pu me au.

14 A hina makou a pau i ka honua, lohe aku la au i ka leo, i ka @ ana mai ia'u, i mai la ma ka olelo Hebera, E Saulo, e Saulo, no keaha la oe e hoomaau mai nei ia'u? He mea eha nou ke keehi mai i na kui.

15 I aku la au, Owai oe, e ka Haku? I mai la kela, o Iesu no wau, o ka mea au e hoomaau mai nei.

16 Aka, e ala hoi oe, a e ku iluna ma na wawae ou; no ka mea, ua ikea au ia oe, no keia mea, e hool@lo ana au ia oe i lawehana, a i mea ho@ke aku i keia mea au i ike i@o nei, a me na mea a'u e hoike hou aku ai nau.

17 Na'u no oe e hoopakele i kanaka a me ko aina e ; hoouna aku ana no au ia @e io lakou la,

18 E hookaakaa'i i ko lakou m@u maka, a e hoohuli ia lakou, mai ka pouli mai i ka malamalama, a mai ka mana o Satana i ke Akua, i loaa ia lakou ke kala ana o ka hala, a me ka hooilina mawaena o ka poe i hoomaemae i a e ka manao@o mai ia'@.

Pauku Gula, I aku la au, Owai oe, e ka Haku? I mai la kela , O Iesu no wau, o ka mea au e hoomaau mai nei. Oih. 26:15.

Manao nui. Ua hoikeia ka oiaio o ka Euanel@o,ma ka mea ana i hana a@ no kanaka.

Poakahi, Oih. 25:13-27.

Poalua, Oih. 26: 1-18.

Poakolu, Oih. 9: 1-20 .

Poaha, Mat. 17:1-9

Poalima, Gal.1:11-24.

Poaono, Lu. 1:67-80.

Sabati, Is. 42: 1-12.

Mele,"Ka leo o Iesu" Hoku Ao Nani 203. Pule i weheia na maka o kanaka, a hoohuhia lakou mai ka pouli a i ka malamalama.

NA NINAU.

O Nero ka Empera o Roma. Peseto ke kiaaina o Iudea. Ageripa 11 ke 'lii o ka aina ma ka hikina o Ioredane. Pehea ka loihi o ko Paulo paa ana ma Kaisareia? Owai ke kiaaina hou o Iudea? Ihea kona hele ana? Oih. 25:1. Heaha ke noi o na Iudaio? p.2,3. Ae anei o Peseto? Ihea e hookolokolo ai iaia? p.5. Pehea ka Paulo olelo imua ona? p. 8. Ae ane@ e hele hou i Ierusalema e hookolokoloia? p.10,11. Ihea la.

Owai ka i hiki aku i Kaisareia? p. 13 Ke alii o hea? Owai pu me ia? Ua loaa anei ia Peseto ka hewa iloko o Paulo? Pehea kana i hai aku ai ia Ageripa nona? p.14-21. Ua makemake anei o Ageripa e hoolohe iaia?

No ka lahui hea keia alii? He Iudaio no, a i kona wa op@o ua noho ma Roma, nolaila, ua kamaaina ma na aoao elua. Owai ma ia aha hookolokolo? p.23. Pehea ka pane ana o Peseto ia Ageripa ilaila? p. 24-27. Ua hiki ane@ i na Roma e hoopii aku i ke alii ma Roma? Owai ka Emepera ia wa? No keaha ko Paulo makemake ole e hele hou i Ierusalema? Ua pau anei ka manao e pepehi iaia? Ma keia hoopii ana ia Kaisara, e hooko@a ana anei ka manao e hiki aku i Roma?

Heaha ka Ageripa olelo ia Paulo? 26:1 He wa kupono anei keia no ka ha@ ana aku no Iesu? Ua ko anei ka olelo ma Oih. 9:15? Oiai, e paa ana o Paulo me ke koa Roma me ke kaulahao, ua hohola ae i kona lima, a pehea kana kamailio mua? p.2,3. Ua pomaikai oia i ka hai ana imua o Ageripa no keaha? No hea na Kiaaina i hoolohe iaia mamua? Ua maopopo lea anei i na Roma, no na mea e pili ana i ka hoomana o na Iudaio? Heaha ka Paulo i hai aku ai no kona wa opio?

He loihi anei ko Paulo noho ana ma Ierusalema? Ua kamaaina loa an@i lakou me ia? Nawai i ao iaia ? Maka aoao hea? Oiai, ua noho pono o Paulo i kona wa opio,a ua malama i na kanawai o na Iudaio, e haalele anei oia ma ia hope iho? Ina ua paa pono ke kahua i ka wa opio, hiolo wale anei mahope? Ua hookolokoloia oia no keaha? p. 6. Heaha ia olelo hoopomai kai? Iob. 19:26. Dan. 12: 2,3. Luk. 20: 37,38. Hal. 72: 8-11. Is. 9: 7, 10: 1-22. Dan. 7: 9,10,14,27.

Ua hiki mai anei ka Mesia ia wa? Owai ia Mesia? Ua make a ala hou anei oia? Pomaikai anei kanaka ma ia mea? Pehea ka Iesu olelo ma Io. 11: 25,26. Ua manao anei na Iudaio e ko ana na olelo no ka Mesia? Ua malama mau ia anei na pili i ka hoomana ma ka luakini? Ua malama pono ia anei ma ka naau? Ua lawa anei ka hoomaemae i ko waho wale no? Ua hoomaopopo anei lakou i ka haawina i aoia ma ke kaumaha ana i na mohai &c. oia hoi, aole e kala ia na hala, ke ole hookaheia ke koko- ke ole make o Iesu? Heaha ka mea hiki ole i ke Akua ma ka manao o kekahi poe? p. 8. Aole anei i hoalaia kekahi mai ka maka mai? 1 Na Lii 17:22,23. 2 Na Lii 4: 32-35, 13: 21.

Heaha ka olelo ma Luka 20: 37, 38. Heaha ka hoike no ke ala hou ana ma 1 Cor. 15: 4-14? He polole@ anei na ao ana o ka Baibala? Aole anei hiki i ka mea nana i haawi mai i ke ola i kinohi, ke hoala i ka mea i make? E hai mai no ko Paulo hoohulliia ana? Heaha kona ano mamua? Ua kue anei ia Iesu? p. 9. Nawai i kauoha iaia e hana ino i na ha@pule? Ia wai ka hoahewa e make lakou? Ka Sanhedrim, oia ka aha lunakanawai me he la, he lala o Paulo no ia aha? p.10. Ua ike anei o Paulo ia Iesu? Oih. 9: 17. Heaha kana olelo iaia? p. 14.

Ma ka olelo hea? Pehea ka Paulo keehi ana i na ku@? Pela anei kakou i kekahi manawa? Ua ano hou anei o Paulo? He mea anei ia e maopopo ai no ke Akua ka euanel@o? Ma keaha ko ke Akua launa ana aku me Paulo? Heaha kana hana ma ia hope iho? p. 16. He nui anei na pilikia i hahai iaia? 2 Cor. 12: 23-27. 6. 4-10. Heaha ka mea i lana ai kona manao iloko o ia mau pilikia? p. 17. Heaha na anuu eha ma ka pauku 18? 1. E weheia na maka, a hoomalamalamaia ka naau. 2. Mai ka mana o Satana i ke Akua. 3. Ke kalaia ana o na hewa. 4. Hoomaemaeia.

Nawa@ i hoopouli @a lakou? Na lakou ma ka hana ana @ ka hewa? Nawai e hai i ke ola ia lakou? O ka euanel@o a Paulo e hai aku ai, oia ka mea e alakai ia lakou iloko o ke aupuni o ke Akua. Ma ka manaoio ana ia wai e loaa ai ka hooilina? Ua hiki anei e kuai i keia hooilina? Ma ka lilo ana i keiki no ke Akua wale no e loaa ka hooilina o ka noho ana iwaena o ka poe i hoomaemaeia@ Rom. 8:17. Wahi a Ioane ma Hoikeana 22: 11; O ka mea hewa, e mau no kona hewa &c. E imi ma keia haawina i 1. Ka manaolana o na haipule. 2. He hooano hou kupanaha. 3. Ka waiwai o ka euanelio. 4. Ka pomaikai o ka hahai ana @a Iesu. Mele, "E kuu Makua e" Hoku Ao Nani 205. Pule, @ lilo i poe hooilina me Kristo.

He Hooilina Alii kupanaha.

Leopold ke 'Lii o Belegiuma, n@i kona ikaika ma ka hana ana i na mea e pono ai Aferica ka aina pouli. Ninau kekahi luna iaia, Heaha la ke kumu o kou ikaika ma na hana e pono ai o Aferica? Pane mai oia, Ua ike oe ua lawe aku ke Akua i ka'u keiki hiwahiwa hookahi, ko'u hooilina. Alaila hooili mai oia ia Aferica maluna o ko'u naau. Oia ko'u hooilina. Ke haawi aku nei a@ aole i ka waiwai o ko'u aupuni, aka i ko'u waiwai ponoi no nona. A ua hana au i ka mea e pono ai, e naauao ai, a e Karistiano ai o Aferica mahope o kuu make ana. Ma keia manawa e haawi ana ke alii ke '@ii i 400,000 dala I kela a i keia makahiki noloko o kona waiwai ponoi i mea e pono ai o Aferica . Maikai wale ke@a Moi. Auhea, a owai na 'lii e hoohal@ke ana?

Mr. Dwight L. Moody, ka Euanelio, i nui na mea haiolelo kahuna ole, e hoala ana oia i kula haiolelo ma Kikako no ka poe e makemake ana i ka oihana haiolelo ano kahuna ole. Ua hoolimalima oia i wahi hale no ia hana. A ua loaa he 50 haumana. He mau kane kekahi, a he mau wahine kekahi. Ka olelo a ke Akua oia ka buke nui e aoia ana ma ia kula, ka waihona waiwai nui keia. O.D.L. Moody no ke kumu o keia kula no kekahi mau malama Makemake nui e hoomakaukau i kekahi poe no ka oihana misionari ma na kauhale naaupo e pili ana i na kulanakauhale, a no ka paipai ana ma na hale. Nui no ka poe hoahanau Hawaii e hele ana i kauhale e paipai. Aka uuku kahi hua no ka makaukau ole akamai ole i ka lawaia ana. Holo ka i-a, aole komo iloko o ka upena, Auhea na Moody e hoakoakoa i kekahi poe kane Hawaii ma kekahi hale kupono e hoomakaukau ia lakou no keia mau oihana?

Na hulawai aumoe.

Ma Ladana, ma Berelina, a ma na kulanakauhale e ae nui na paahana, na kauwa, na kuke i loaa ole ka manawa e hele ai i ka halawai ma ke ao. Noho naaupo lakou no ka pi@a loa i ka hana ma ke ao

Nolaila, he poe aloha kekahi ma Berelina. Ua kukulu i halawai aumoe no keia poe. Aloha io lakou.

A pehea na Paniolo, na kuke na kauwa, na kahu kaa ma Hawaii nei? Aole o lakou manawa e hele ai i na halawai ma ke ao. Owai ka poe aloha, a hoala i halawai aumoe no lakou? E hoao ea.

Owai ke makemake e hoohalike.?

He keonimana ma Ladana, he kanaka lilo i ke koroke, mea ano hoopahupahu. Ua hooiliia he waiwai nui loa maluna ona. A eia ka m@a kupanaha, ua haalele oia i kana hana lealea, a ua haawi i kona waiwai hooilina a pau i ka oihana misionari. A e hele ana oia ma ke ano misionari i Kina. Owai ka poe i malama i na hale hoopahupahu ma Hawaii nei e hoohalike ana me keia keonimana ma Ladana?

Aole o'u makemake e paaia malaila.

Aole o'u makemake e paaia malaila, aole o'u makemake e paaia malaila.

He keiki e uwe ana pela. Hele ka makuakane a ninau. Heaha kau e uwe nei? Aole o'u makemake, e kuu makuakane, e paaia malaila. E paa ke aha? Aole o'u makemake e kakau na anela ma ka buke o ke Akua i ko'u mau hana hewa i keia la. Aole o'u makemake, aole o'u makemake e paa kuu hewa malaila. Makemake au e holoi ke Akua i ko'u hewa. A mahuahua kona uwe ana.

He makuakane hoomaloka keia. Ua aoia nae e kona makuahine ma ka ke Akua olelo.

Hoao oia e hooluolu i kana keiki ma ka pane ana. Hiki no ke holoiia kou hewa ma ka minute hookahi ke makemake oe. Pehea la e hiki ai? e kuu makuakane. E kukuli oe ma kou mau kuli, a noi aku i ke Akua, e holoi @ kou hewa no ka pono o Iesu, a e holoi no oia ia.

Lele koke no oia iwaho o kona wahi moe, a noi i kona makua e kokua iaia. Aole @ pule ka makua mamua. Ikaika nae ke noi ana a ke keiki me ka uwe nui, e kokua ka makua i kona pule ana, Ka moe no ia o ka makua me ke keiki ilalo, a noi ka makua i ke Akua e holo@ i ka hewa o ke keiki.

Hoi ke keiki i kona wahi moe. Aole liuliu, a ninau, E ka makua, ua maopopo loa anei ua holoiia ko'u hewa a pau loa? Ae, pela ka baibala. Ina ua noi oe iaia me kou naau, a me ka mihi, a ma ka inoa o Iesu, @a holoiia no kou hewa.

A ninau ke keiki, Me ke aha i holoi ai na anela i kuu hewa? Me ka huahuakai anei? Aole, me ke koko makamae o Iesu. Heehee ka oolea o ka makuakane. Olelo oia i kana wahine. Ina makemake kaua e ao pona a alakai pono i ka kaua keiki, e lilo kaia i mau haipule io.

Mahope iki iho, hele mai ke keiki me he maka anela, a ninau @ ka makuakane, Pehea? He mau mea hewa anei olua me ka makuahine? Ae, ua hewa no maua. No ke aha? Aole anei he Iesu no olua? Aole anei olua i aloha ia Iesu? No ke aha olua e hana hewa ai? Ke kulou pu ana keia o laua ilalo, a pule ka makuakane, E ka Haku, Ke manaoio nei au, E kokua mai oe i ko'u manaoio ole.

Mahope iho lilo lakou ekolu i mau haipule io.

N.Y. Weekly Witness.

Na Leta a na Makamaka

[Na Nuhou o na Mokupuni]

KA MAKAI NUI O HAWAII MAKAI O PUNA.

Haalele ia Hilo town i ka hora 1 P.M. o ka Poaha la 5 o keia malama, no ka hoaumoe ana no ka Paiaalaikahala; a ma ka hora 10 o @a poe, moe ma kahi o D. Kapahee; he 21 a oi mile ka loihi o keia hele ana. Haalele i kahi o D. Kapahee ia kakahiaka ae no, no kahi o J.E. Eldarts; haalele ia wahi i ka hora 12 M., no kahi o Z.M. Naahumakua ma Opihikao. Haalele ia Opihikao no kahi o ka Lunakanawai J.M. Naeole Esq. ma Kehena; haalele ia wahi no kahi o J.M. Kauwila Esq. ma Kaimu; mahope o ka pau ana o ka paina ana, ua mala@aia he hui makai; ua ku mai o Hon. J. L. Kaulukou Esq. a kamailio mai la no ka oihana;a he ku i ka maemae a waipahe na mapuna leo A o ke ano nui o kana kamailio ana, o ka makaala i ka hana makai me kamalama pono. Ua pakui mai o Mr. Kauwila; a ma kana kamailio ana, he mahalo i na olelo ao a Mr. Kaulukou. A mahope iho o Mr. Kekoa; o ke ano nui o kana kama@lio ana, e hoolana ana i na makai, e hoopau i ka manao ana no ka hoopauia; a e aloha aku i ka Moi. Pau ia, na makai mai 3 o Puna, Kapukini, Hapai a me Kapahee; a mahope iho ka Lunakanawai J.M. Naeole, e hahai mai ana oia i ko Mr. Kaulukou kulana mai kona wa kamalii mai a hiki i keia wa.

Haalele ia Ka@mu a moe ma Kahaualea; a ma kakahiaka ae, haalele ia laila no Kaluaopele. J.L. Ahia.

KO HONOKOHAU MAU MEA HOU.

Ma ka Poaha ka la 5 o keia malama, ua loaa aku i na paniolo a Mr. Ku, kekahi elemakule o Keakahaulani kona @noa, ma na awawa o Honokohau nei; ia lakou e hele ana e hoohuli holoholona ma ke kula, kahea aku la lakou ia Keakahaulani e hoi i kauhale, oiai he kokoke loa no i kauhale, aole nae oia i hoi mai; a kahea aku la lakou i kana wahine e kii, aole nae i kii ka wahine ia manawa @ haiia aku ai; aka, mahope iho, kii aku la oia, aole i loaa a hiki i ka auina la Sabati a kahi no a loaa, ua make. O ke kumu i make ai i kaa i ka pali, ma o kona opulepule i hui pu me kona makapo; aka ua huliia ma ka Poalima a me ka Poaono, aole i loaa ia mau la elua; a i ka pau o ka pule kakahiaka o ka la Sabati, ua pau aku kanaka mai Honokohau aku e huli a loaa aku la ua make. O ke poo wale no kahi i eha, aole ma ka nui kino. O ka papale ua loaa aku iwaena pali a me koko pu, pela i manaoia'i ua kaa i ka pali SAM'L. L. KALAOLA.

EHUEHU KA ONA MA HILO.

Ma Onomea, Hilo, ua nui ka 'ona ma keia apana, oia hoi ka la 8 o Feb. He la Sabati ia. He ku maoli no i ka hilahila na hana ke ike aku; oiai kekahi kane a me kana wahine e hoopaapaa ana no kekahi mea, a mahope iho o ia manawa, ua wehe ae la kekahi o laua i ka aahu a ku olohelohe ana e like me ke kii. O ka wai eepa hoomalule kino, ka mea i hiki mai ai keia mau hana.

Ma ia la no, mawaina o Mua a me kana wahine, he wahi hoopaapaa no, a @ele loa i ka nui. O ka ona mai no ke kumu o keia. A no ia kumu hookahi no, i ulu ae ai he hakaka mawaena o na hoahanau; a ua kaa ka hanohano o ke kahua kaua i ka hanau mua Wahineai. Auwe! Ina pela e hoolilo mau ia ai ka la eehia o ka Haku i la ona ma keia apana, heaha la ka hopena? Ea, auhea hoi oukou e na lima o ke Aupuni? Eia ka ino la.

O ka bia a me ka lemuhao, oia na mea nui loa ma keia apana. Aole nae ma keia apana wale no, ua lawa like ma na apana a pau o Hilo.

Ma Kalaoa, Hilo, ua hoohuiia ma ka berita o ka mare, a Miss Kanele Keawahaulu me Babela Fipi, na Rev. E Kekoa ma Hilo Taona. Ua malamaia e kona mau makua, he wahi paina maka la i mareia'i , oia hoi ka la 29 o Ian. D. I. W. KAINOAKUPUNA.

NA MEA HOU O HILO.

Ke pii mau nei ka nani o Hilo Taona mao na hale la. A o kahi makemake kuai i-a keia, ua ano maloo i ahona i na wahi i-a @ ka Hon. J. Nawahi ma o Waiakea, a hala ai kahi manawa ai kamano. Ua lilo o Amauulu i ka Ona Miliona; a ke mamaia nei ko laila ko i Wainaku, a pela o Haaheo; a o Kaiwiki kakahi no keia maka@@ki ae. Hana io ua haole nei, o Hilo & Co. ka inoa o keia hui.

Ke haiki loa mai nei ka iliili o Honolii a koma ka waapa; a o ka waa, kaua@ko ke ama i ka maloo o ka iliili. O Honolii hea la ka D K Kauhi opio i hoike ai ma ka Hoku o ke Kai, he wahi uwapo mamua? He uwapo nui mamua a lilo i ka wai; a pa@ hou keia uwapo nani kokoke e piha ka makahiki. E hai i ka oiaio . Ke hana nei na wahine o Pueopaku i ka nu paikini o na wahine, oia hoi, na papale; nana aku oe, kau ka iwa he la makani; na lole hoikeia, i ka alu o mua oe ke nana aku, huhui; alawa ae hoi mahope, hanee ke ope i ka ua mea o ka pihapiha, a he poe kaikamahine oiaio no Nu Ioka a me Kaleponi, ke hele mai, heaha la ia, way up.

Ua hoi aku nei o @ Kaina a me kekahi poe e iho i ka uka o Piihau, e ohi mai i na opae mahiki o Opaelupalupa; na oopu ai lehua o Kapapa, a kipehi ae i na kaikamahine humu paikini lele pahu na hapalua dala; a eha mai la no hoi na pulu hapuu, nani kau no i ka bela nolu o Walikanahele. I ko maua hiki ana me ko'u hoa kaahele ma kekahi hale, e kamailio ana kekahi poe i ka olelo a ka poe ike hapa i ka olelo Hawaii. Penei kekahi mau olelo a maua i lohe ai: "Wau no hele kela mea konohi a kela pake." Olelo aku la hoi kekahi, "Kakou no hele nuinui kaukau kela laiki, kela meapau loa ma ka hale o Akai." Ua kuhihewa ko'u hoa he pake la kekahi me keia poe e kama ilio pu nei, a i ka ike maka ana, he mau Hawai oiaio keia, a ua ano hemahema ka olelo makuahine. Nui ka epa o ke taata Hawaii. Ua pau i ke ahi ka hale noho o S P Koko, ma ka la 3 o Feb. ma Pueopaku; a na nui ke poho ma keia pauahi ana; ua kohoia ka nui o ka waiwai i poho $350. Ua pau keia hale mamuli o ka hoohemahema i ke ahi, a loaa i na keiki. Ua lawa au maanei a loaa hou ona mau anoai, alaila telepo-ne hou aku au.

LULU LUAKINI

Na kokua no ka luakini o Kaumakapili mai Molokai mai ma o D. W. Luha la ke Komite;

Aikake Sameti " " " " $1.00

Kahalepohaku " " " " 1.00

Mr. Kekoowai " " " " .50

Mrs. Kekoowai " " " " .50

A.K. Laumauna " " " " .50

W. Laumauna " " " " .50

Kalaniholo " " " " .50

Kekino " " " " .50

Mose Ehu " " " " .50

D. Napela " " " " .50

Won Mina [pake] " " " .50

A Kukamana " " " .50

J W Leimakani " " " .50

Kuaole " " " .50

Amana " " " .50

Kahaleahai " " " .25

Makaokaina " " " .25

Nawahine " " " .25

Solomona " " " .25

Kaai " " " .25

Laikini " " " .25

Isaia " " " .25

Mrs. Sera Aikake " " " .25

Kamaka " " " .25

Hale " " " .25

Mose " " " .25

Mahina[pake] " " " .25

Kaohia " " " .25

Apo[pake] " " " .25

Mereana " " " .25

Kaolelo " " " .25

Won Kong " " " .25

Makeha " " " .25

Kaleiheana " " " .25

Kaihakoni " " " .25

Kalimahana " " " .25

Luha " " " .25

Painahele " " " .25

Niauhoe " " " .25

Kaulana " " " .25

Kina " " " .25

J Kahale " " " .25

Kamai " " " .25

Keaohana " " " .25

Kahea " " " .25

Lukela " " " .25

W P Kekino " " " .25

Kailiahi " " " .25

Hoopiinui " " " .25

Samu " " " .25

Ioane " " " .25

A E Hoopii " " " .25

Kahoa " " " .25

Kainea " " " .25

Pualani " " " .35

Haalelea " " " .10

Napela " " " .10

Kaulanaliilii " " " .10

Kaliko " " " .10

Aihaole " " " .10

Aberahama " " " .10

Molia " " " .10

Marie " " " .10

Loaa huikau " " " ____65__

Huina $20.00

O makou o ka Ekalesia a Kaumaka pili, ma o ko makou Kakauolelo la, ke haawi aku nei i ka hoomaikai i ka poe no lakou na inoa i hoikeia ae la maluna, no ko oukou hui pu ana ma@ me makou, i ka auamo ana i keia kaumaha no ke kokua ana i ka hale o ke Akua.

J ALAPAI,

HOOLAHA EUANELIO.

E halawai ana ka Ahahu@ Euanelio o Hawaii Hikina, ke hiki aku ma la 11 o Maraki, oia ka Poakolu elua. Nolaila e hoom@nao na lala o ia Aha a me na elhle; aia ma Kalapana ma Puna kahi e halawai ai, a e hoomakaukau i na haawina a me na hoike kihapai.

J S Kalana.

Mahope iho o ka pau ana o ka mo olelo o Keaomelemele, e puka aku ai ka moolelo o Tonerita, ka mea i olelo ia "Ka Anela o ke Aupuni o Mesiko." Ka lua o na moolelo Paniolo e like me Toneiahuanu i hoopukaia ma Ke Au Okoa. Mose Manu.

NA HOOLAHA KUMAU.

____________________________________

DILLINGHAM & CO.

Mau Mea Kuai Lako Hoo

Alanui Papu, Honolulu.

_______________________________________

FRANK PAHIA.

ANA AINA! ANA AINA!!

KEENA HANA: Aia ma alanui Moi, kokoke loa i ka Uwapo o Hoolili@manu. @@

_______________________________________

C C. COLEMAN.

Amara a he mea hana Mekina

Kapili Kapuai hao lio.

A ME KA

Hana Kaa Lio ana, etc.,

Hale Hana ma Alanui Alii,

905-tf E kokoke la i ke Alanui Pap u

______________________________________

PAPA! PAPA!

AIA MA KAHI O

LEWERS & COOKE,

[O LUI MA]

ma ke kahua kahiko ma alanui Papu a me Mol.

E loaa ai na

P A P A N O U A I K I .o

o kela a me keia ano.

Na Pani Puka, Na Puka Aniani, Na Olepelepe,

Na Pou, Na O-a, Na Papa Hele, Na Papu

Ku, A me na Papa Moe nui loa

Na Pili o na Hale o na Ano a Pa@

Na Pepa Hoonani, Na Pena o na Wai e pau

Na Kui mai ke Nui a ka Makalii, Na Ami

Puka, Na Ami Puka Aniani, NA Ami

o na ano a pau, Na Aila Pena, o

kela me keia ano Na Aila Ho@-

maloo, he lehulehu wale,

Na Aila e ae o na

ano a pau.

NA WAI VANIKI

A ME NA

WAI HOOHINUHINU NANI @

O NA ANO A PAU LOA.

NA BALAKI ANO NUI WALE.

A ke hai ia aku nei ka lono i na Makamaka a

pau, ua makaukau keia mau Makamaka

o oukou e hoolawa aku ma

na mea a pau e pili ana

ma ka laua oihana

NO KA

UKU HAAHAA LOA.

E like me ka mea e holo ana mawaenao

I. AUA a me ka MEA KUAI.

E HELE mai! E na Makamaka

lawa@@ hoiko@ @ makemake

ka @@@@ @ @@@ @aikai.

____________________________________

HALEPAI O THOS. G. THRUM

__________

__O KA NUPEPA___

SATURDAY PRESS me KUOKOA

_________

ALANUI KALEPA, HONOLULU

Malaila e paiia ai na ano a pau o na

BUKE,

HOIKE O NA KULA,

HOIKE A NA KOMITE,

NA HAAWINA KULA SABATI,

PAPA KUHIKUIII O NA ANO A PAU,

HOOLAHA NUNUI A LIILII,

BALOTA, LIPINE PAPALE,

TIKETA, WAHI LETA,

BILA PAI MAKAHKA.

HOOLAHA KUDALA,

@@@, @@@ , @@@.

Ilok@ o ka wa pokole a m@ ka aukau ha@ha@.

___________

A ma ka halekuai o THOS. G. THRUM

ma ALANUI PAPU. e loaa ai na

Kalana kakau o na ano a pau,

Wahi Leta " " "

Inika " " "

Penikala " " "

Mea Hoopipili, buke hoomanao,

Peni gula a me kuu gula,

Kii, a me na laau,

Buke kii o ka ohana,

Buke kii a na keiki,

Na mea paani a na keiki,

Kaa a na keiki,

Kaa huila @ua o na opio.

A he Agena no ke ana lole pepa o na

Keiki a me na wahine

_________

No ka hoailona ana i na lole me na inoa ponoi

e hookoia na kauoha a pau no na papa inoa

ke waihoia ma keia halekuai me ka uku

pu o ka papa inoa i makemakeia. Uku no

ka inoa hookahi me ka inika a me ka hulu,

$1,50 ina ma ka papa inoa keleawe, a ina

ma ka papa inoa dala, $2.

O na kauoha pau mai na mokupuni e

hookoia ina e hoouna pu ia mai me ke dala

a me ka moakaka pono o na hoakaka ana.

THOS. G. THRUM

NA HOOLAHA KUMAU.

KE KUAI HOEMI NUI

A WAIPAHE O NA

Waiwai Aiwaiwa

o CHAS. J. FISHEL

EIA LA

NA PAPALE BIVA HOU LOA,

PAPALE WAHINE KAE HULUHULU O NA ANO A PAU LOA

NA LIHILIHI HOU E HAA AI NA PIHAPIHA, A E HAO AE AI OE

LINOHAU LUA I NA KALAKOA HOU LOA A HEHEE OLE IHO,

A I NA GINIHAMA HOU IHO OE E LILO AI OE I KA WAI A E

KU AI KAENA A NA IWA HOOHEHELO O UA KAONA NEI KE KUAI MAI I NA HULUMANU E.

E loa no ma ka halekuai a

Chas. J.Fishel.

NA PAPALE PAHUA LAIKI O

NA ANO A PAU

Na kakini hou a me na

MEA LIILII E AE E PANIO AI NA LEDE ME NA KEONIMANA.

Na Waiwai hou o ka hoea ana mai nei no no keia Halekuai.

Na Paikini hope loa hoi o ka loaa ana mai nei no mai Europa mai o na lihilihi kuuwelu hou loa, a i kupono loa hoi no keia mau wahi.

NA KAMAA HAAHAA O NA LEDE O NA ANO A PAU.

Na lihilihi pua aniani nani hou loa he waipahe na auhau no ka I-a.

Ua loaa mai nei iloko o keia mau la iho i o nei he 100 paa lole o na keiki, oia ke oka, lole wawae, puliki, a e kuaiia aku ana no

Hapalua Dala

Wale no o ka Paa hookahi. Heaha la ia?

Na lole Lilina hou loa

MA KA HALEKUAI EMI O

CHAS. J. FISHEL.

Ina oukou e makemake e ike i ka oiaio a e kulike ai hoi me ko oukou mau iini, e ku mai no a maloeloe a hele pololei mai no ia nei, hooiaio no oukou iho, oiai ke kuai aku nei au i na waiwai a pau me ka emi loa i ike ole ia ma kekahi mau wahi e ae o keia aina. E naue mai

MA KA HALEKUAI O

Chas. J. Fishel

Kihi o alanui Papu me Hotele. 2