Ka Nupepa Kuokoa, Volume XXIV, Number 5, 31 January 1885 — I ko Makou Poe Heluhelu. [ARTICLE]

I ko Makou Poe Heluhelu.

Iloko o na pule hope o ka makahiki i hala, ua hoolaha mua aku makou i ka poe makemake i ke Kuokoa no 1885 e hoouna hakalia ole mai i ka lakou mau kauoha. Ua hoolohe mai kekahi hapa o ko makou mau makamaka, a ua loaa mai na kauoha i keia keena, ā ua hooko aku makou me ka pololei e like me na rula o keia pepa, aua loaa aku ia lakou na helu mua o ka pepa 0 ka makahiki hou. O kahi poe nae, ua hookaulua a hala ka pule elua a me ka pule ekolu o lanuan, a ua lawa kahi 0 m poe a lawa ole kahi, no ka mea ua pau ioa na helu mua, a ua minamina makou no keia; oiai o ko makou makemake o ka hooko aku i na iini a pau 0 na niakamaka o ke A ina i waiho mua ia mai na kauoha lehulehu mamua o ka pule niua 0 lanuari, ina ua hiki ke hooko aku a lawa p>ono ka makemake o na mea a pau. Ke iini nei no hoi makou ina na helu mua ma ka lima o na luna, a ina e loaa e hooili ia aku no i ka poe nele. A 1 na luna o makou mai 0 a o, ke kauoha hou aku nei makou, ina aia ma ko oukou mau lima kekahi mau pepa o na helu mua o keia makahiki, e pono e hoihoi koke mai i keia keena. A ina he poe ua lawe ika pepa, aole nae i hookaa i kahi hapa o ka uku a hala keia mahina, e hoihoi koke mai ia mau pepa i hiki ia makou ke haawi aku i ka poe e makemake nei, a i makaukau mua hoi me ke dala. Eia kekahi, ua hiki mai kekahi mau palapala e hoohalahala ana no ka hiki pololei ole aku o na pepa ma kahi mau apana kuaaina. Aia me ka oihana Hale LeU ia mea. Ua wa-hi pono makou i na pepa, a ua kakau pololei ia na inoa mawaho o kela ame keia wahi, a ua hookomoia iloko oka Hale Leta ma Honolulu, a o ka pau ae la no ia o ka makou hana, me ka oihana leta aku ka hana i koe. Ake manaolana nei makou e loaa pololei aku ana no na pepa i keia makahiki.