Ka Nupepa Kuokoa, Volume XXIV, Number 4, 24 January 1885 — He Ao ana e Pono ai. [ARTICLE]

He Ao ana e Pono ai.

Ua laweia ka oihana loio o Keliikoa mai ona aku, mamuli o ka pono ole o kana lawelawe ana ma ka oihana. Ua hoomaluia o J. Barenaba no ekolu mahina aole e lawelawe i ka oihana loio, mamuli no oka pono ole no o kana hana. Ua hookuuia o S. K. Mahoe me ka hoahewa ole ia ma ka mea i hoopii ia mai ai oia imua o ke poo o kona oihana. No ka hewa i hoopiiia mai ai o H. N, Kahulu, aole makou i lohe i ka mea i hooholoia, mahope aku paha e hoopuka ia al O keia mau hana, e nieniele ana, a e hookolokolo ana i na loio, na lunakanawai a me na luna aupuni e ae, mai na poo mai o ko lakou mau oihana, he hoike ana ia i ke ano kiekie o ka oihana i lawelaweia a me ka mak< eia o kona ano maemae. Aole keia he hana e hopohopo ai ka poe hana pololei. Aka, oka poe i makemake ma ka 'nana kekee, e hopo io no lakou no ka haloia o ka lakou mau hana. O ka manao o keia pepa i kona poe heluhelu a pau e lawelawe ana ma kekahi oihana aupuni, a oihana eae paha i pili i ka pono o ka lehulehu, e hooko aku i ka hana me ka pololei, a e malama maemae i ka inoa o ka oihana, alaila aohe mea e hopo ai. Ina he mea pohihihi kekahi e pili ana i ka oihana, e ninau i na poe maluna ae ana lakou e kahikuhi mai. Ua lohe ismepine keia pepa no na hana kolohe a kahi mau lunakanawai apana, ame kekahi poe makai, a pela no hoi no kekahi poe loio— ua ona, ua lawe ika uku kipe a pela aku. Ua oiaio no paha kekahi o keia mau lono, ahe oialo ole no kekahi. Aia iwaena eko makou poe heluhelu he lehulehu wale i hiki ke hilinai ia a mahaloia no ka pololei oka hana ana. Oka makemake maoli e hana i ka pono, a aole oka hoike akamai, oia kekahi kokua ikaika e pono ai ka lawelawe ana.