Ka Nupepa Kuokoa, Volume XXIV, Number 4, 24 Ianuali 1885 — Ke olai ma Hilo. [ARTICLE]
Ke olai ma Hilo.
O ka hoonaue olai ma Hilo ma kela pule aku nei, ua like no paha me ke olai 0 ka makahiki 1868. Ma keia hoonaue ana. ua hooneeia kekahi mau hale mai ko lakou mau kahua ae, a waiho aku la he wahi okoa. Ua olepe pu ia ke pani puka o kekahi mau hale a hamama; o ka halekula olelo Beritania kekahi o Hilo i hoohamamaia kona puka, hookahuliia na pakaukau, hanini na ipn inika, ahe nui na poino i hana ia. Ua holo pupule na holoholona i o a ianei, a ua loaa kekahi poe kanaka i ke poniuniu; ua pii ka-wai oka muliwai a halana maluna o ka aina. O ka lua keia o na olai nui i ikeia e ko Hilo poe iloko o keia mau makahiki, a ua ane like aku no hoi ia me ke olai o ka makahiki Ua hookohuia o S. L. Kawelo Esq. i lunakanawai no Laupahoehoe ma kahi o D. K. Pa i waiho mai. Ma ka Poaono nei i ku mai ai ka moku kalepa Dacca iloko o na la he 113, mai Madeira *.nai. Ua hali pu mai oia he 318 mau paahana hou, ua aneane e hapalua 0 keia huina he pcc keikL