Ka Nupepa Kuokoa, Volume XXIV, Number 3, 17 January 1885 — Na Pauahi. [ARTICLE]

Na Pauahi.

Ma ke kakahiaka nui Poaono nei i kani-ke mai ai ka hoailona pauahi, a eleu ae la na lala kinai ahi no ka lakou apana hana. O keia ahi i a ai, aia no ia mauka o Waipilopilo, Kapalama; a no ka loihi loa paha aole i hoea aku na kaa kinai ahi malaila, ua pio e no nae ke ahi mamua o ka palahalaha loa ana. | Ma ke ahiahi Poalua nei hoi, ua kani hou ae la no ua bele pauahi nei, e hoi-' ke ana aia ke ahi ma ka halekula kai--1 kamahine o Kawaiahao. Ua ike koke ia keia ahi e kekahi kanaka, a ma o kona hooikaika ana e kinai, ua pio e ke ahi mamua o ka palahalaha loa ana a puni ka hale. Ua holapu ae ke ahi maloko o ke kau wahi pahu. welu i waiho ia maloko o ka hale o luna o ka hale pohaku e huli pono la i ke alanui aupuni, a e pili pu la me ka pa o Kakela. O ka elua iho Ia keia o ka pau ana o keia halekula i ke ahi; oka mua, oia ka lalapaia ana o ka lole e kau ana ma ka paia, a he kupanaha no hoi keia wahi ahi, a o ka elua hoi keia iloko o ka pahu lole. Oke kolu aku auanei paha iloko o ka bela moe, a oka pau no ia o ke kino i ka ai ia e ke ahl