Ka Nupepa Kuokoa, Volume XXIV, Number 1, 3 Ianuali 1885 — Mai hookaheia paha ke koko. [ARTICLE]

Mai hookaheia paha ke koko.

Ma ka la 4 iho nei o keia mahina, ua loheia aku la na leo o na luna o ka mahiko o Mokae e kalahea ana no ka hookahe koko i nakanaka e hoomakaukau me na pu, pahi, koi, a me na mea eha a pau, e hele aku no kahi i makemake ia. Penei kahi kumu o keia hana: ' Aia no he apana aina ko nona na eka he 15 a oi aku a emi mai paha, ke waiho nei ma ka aoao komohana, he hookahi paha mile mai ke alanui aupuni aku, no ka hui o Mokae keia ko; aka, he 3 eka ke i komo iloko oka aina o A. Unna, a no keia mau eka ko keia kumu hoopaapaa. He mau la mamua ae, ua kahea aku oA. Unna i ka hui o Mokae e kii e oki i ke ko ma kahi i komo iloko o kona aina oiai ua makemake oia e hana a paa ika pa, aka, aole i kiiia a hiki i ka la i hoikeia ae la maluna; nolaila, hoouna aku nei o A. Unna i kona mau kanaka e kii e oki i ua ko la, a ma keia oki ana, oia ke kumu o ia manao ana e hookahe i ke koko. Ua nui ke aumeume ana ona ( mahiko a elua, a o ka hopena, oia ka lilo ana aku i ka hui o Mokae malalo o na hana hooweliweli a lima ikaika. O ka mea e kakau nei ua ike aku oia i na kanaka he nui e holomoku ana no kahi o ka haunaele, Mai hookaheia no paha ke koko ma ia la ina i like, ka manao o na aoao a elua, ina paha "aohe nao ai i ka papaa;" ma keia lilo hou ana 0 ke ko i Va hui o . Mokae malalo o ka lima ikaika, nolaila, waiho aku nei oA. Unna ika hoopii inuia o ka aha hookolokolo, a e koi pu aku ana i kona mau poho. Ua noho ka aha ma ka la 8 mai, a ma kona nana ana i ka hihia, ua ahewa ka aha i ka hui o Mokae, a ua waihoia i ke kau kiure o Wailuku e hiki mai ana me ka bela he $4,000. OJ. W. Kalua ka loio no ka mea hoopii. Aekai Hana, Maui.