Ka Nupepa Kuokoa, Volume XXIV, Number 1, 3 January 1885 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

 

Ka Nupepa Kuokoa

No ka Makahiki    $2.00

No Home Mahina       1.00

KUIKE KA RULA

Poaono      Ianuari, 3, 1885

 

HE HANA MAIKAI

Ma ka nana ana i na home o ka lahui Hawaii i ka la kulaia o ka poaha nui ma keia kulanakauhale, me he mea la ke komo nui aku nei ka lehulehu e hoomanao i ka ia mua o ka makahiki ma ke ano he la ahaaina no kela a me keia o na hake mea hale, no kona ohana iho a me na hoaʻloha i konoia. He hana maikai loa keia, a ua ku i ka nohoʻna naauao. He hoike keia o ka nee mua ana o ka lahui ma ke ano malamalama. Ua maa ka lahui nui a kaulana o Amerika Hui i ka malama ana i ka Poaha hope o Novemaba o kela a me keia makahiki, ma ke ano he la ahaaina ohana, a hauoli pu me ka hoomaikai no na pomaikai o ka makahikie kaahope ana, a ua kuahaua mau ia ua la nei e ka Peresidena o ia aupuni i kela a me keia makahiki. Aka, eia kahi poe o ko kakou lahui Hawaii ke hoomaka nei e malama i kekahi la o ia ano me ke kauoha mua ole ia, oia hoi ka la mua o ka makahiki. He oiaio he la kulaia aupuni keia, aole nae i kauoha ia na hana kupono no ia la.

 

Ma na makahiki pokole i hala ae nei, ua ike makou i ka hoomaka liilii ana o keia hana. Aka, i ka poaha nei, ua oi loa na hana o keia ano mamua o ko na makahiki i kaa hope ae. He lehulehuwale na ahaaina ohana a puni o Honolulu nei, mauka a makai, maloko a mawaho o ke kulanakauhale, ua haili ia na papakaukau maloko o na hale, a malalo o ka malu o na laau no hoi kekahi, a ua akoakoa ae na makua me na keiki, me na hoa'loha, a ua ai pu me ka maikai a me ka hauoli piha. Ma Manoa, ua malamaia na ahaaina liilii ma na home i ke awakea, a i ka aui ana ae o ka la, akoakoa ae la lakou a piha ko lakou wahi hale halawai a he mau olelo paipai a me na leo mele ka i hoolohe ia.

 

Ke mahalo  nei keia pepa i keia mau hana a pau a ke haawi nei i kona manao kokua e hooulu i keia mau hana a piha ka aina i na ahaaina ohana hauoli i kela me keia o na la kulaia makahiki hou a pau.

 

E ninau mai auanei paha kekahi mea, heaha ke kumu i mahalo ai ke KUOKOA i keia hana? Eia, ma keia hana, a me na hana ano like me keia e hookiekieia'i na home o ka lahui. Ina e maa kekahi haku mea hale i ka hoakoakoa mau ana i kona ohana, na pilikoko e launa ana, a me na hoa'loha, i kela a me keia makahiki e ai pu a e hauoli pu maloko o kona hale ponoi, me ka hoomakaukau ia o na mea a pau me ka maemae, alaila, ua hookiekie ia a ua hoohanohanoia ia home. A oia ka mea i makemakeia i keia wa ma Hawaii nei i ola ka lahui    o ka hookiekieia  a hoohanohanoia o na home o ka lehulehu. Aole me ka nui o ke dala e hiki ai, aole me ka oihana aupuni, a oihana e ae paha, aole loa pela e hiki ai. Aka, ma ka manao maikai a malamalama iloko o kela a me keia puuwai o na haku mea hale, a me na kokoolua pakahi o lakou, pela e hiki ai. A maloko o na ahaaina ohana a makou i ike hope iho nei i kala mua i keia makahiki, me he mea la ke hoakea ae nei ka malamalama i kana hana.

 

NA HALAWAI

E like me ka make i hoopuka mua ai, e hoomaka ana na halawai hui o na ekalesia Euanelio o keia kulanakauhale i ka la apopo, malalo o na alakai ana a Mrs. Hampson, ka wahine haiolelo mai Enelani mai. No Ladana oia a ua lawelawe nui oia i ka hana ma Auseteralia, a mai laila mai oia a hiki ia nei. E hoomaka ana na hana i ke awakea, hora 11, o ka la apopo ma ka luakini o Kawaiahai. Ma ka olelo haole na hana a pau, aka aole ia he mea e pale ai i kekahi hana nui o na hoa heluhelu o keia pepa no ke komo ana iloko o keia mau halawai hui. O ka poe nona ka luakini o Kawaiahao, ua haawi lakou i ka hale no keia mau halawai, aole me ka manao e pale aku i kekahi poe, a e hookipaia hoi ka poe o ke ano okoa, aole pela. Aka ua ikeia o keia hana, he hookahi kona ano me na hana pono a pau o kakou. Hookahi Haku, hookahi Pono, hookahi Ola, a o ka Inoa hookahi o ia Haku a me ia Pono e ola ai, oia ke hoikeia mai iloko o keia mau halawa. E weheia ana na puka a hamama, a ua kaawale no hoi na noho no ka poe hele ae, a e loaa ana no hoi na makamaka oluolu nana e hookipa

 

Ke kono aloha aku nei keia pepa i kona poe makamaka i lohe i ka olelo haole e hele ae i na halawai hui e hoomaka ana i ka la apopo.

 

Ma ka po nei i haawi hou ia ai he hoikeike o kela wai kinai ahi ma alanui Nuuanu.

 

Ua hooleia iho nei ka palapala hoopii i kakau inoa ia e na makaainana haole a me kekahi mau makaainana Hawaii pu no ka hoihoi hou ana ia Kauka Pika ma kona kulana mua.

 

Na Hoike

Ma ka la Sabati i hala i hoike ai na Kula Sabati o Kawaiahao a me Kaumakapili. Ma Kawaiahao ua akoakoa nui ae na haumana o na kula apana o Waikiki kai, Manoa, Maunakiekie, Kakaako a me ke kula o Kawaiahao. He mea hou no hoi ka ikea ana aku o kekahi papa kula no ka Halemai mai, a ua mahaloia ka lakou mau hana. Ua haawiia no hoi ka mahalo nui i na kula apana o Waikiki kai, Manoa me ko Kakaako, no ka maikai o na haawina a me na mele. He mau malihini makaikai kekahi no na aina e mai ka i ike i keia mau hana, me ka hoike pu mai i ko lakou hauoli no na mea i hanaia.

 

He nui no hoi ke anaina i akoakoa ae i Kaumakapili no na hoike o kolaila mau kula. Ua haawi nui ia ka mahalo i na kula o Maemae a me ko Iwilei me ko Kapuukolo. A he niu no hoi na makamaka i makaikai ae i na hana o laila. Ua waiwai ka poe i kipa ae iloko o ia mau hoike kula o ke Sabati i hala ae nei.

 

[KAKAUIA NO KE KUOKOA]

Oiai kekahi poe ke uhiuhi nei i ka oiaio o na loina e pili ana i ke ano o ke dala, a me na kumu o ka pilikia i ulu mai mamuli o na hookele a me na hooponpono ana a ke Aupuni, ua manao m akou he mea maikai e kamakamailio hou aku i ka lehulehu i hiki ai ke hoomaopopo a hoomanao iho lakou i ka oiaio maoli, a i mea hoi e alakai aku ai ia lakou ma na noonoo maikai ana, a e hiki ai ke ike iho i ke pahele a me ke apuhi a ka poe nana i hana na hana e lauwili nei a e hoopoino nei i ka noho ana o ka lehulehu mai Hawaii a Niihau. Ua hoike mua aku no keia nupepa i kona manao kanalua no ka aie, no ka poe nana e lawelawe ana ka aie, a me ko lakou maopopo pono ole i ka hookele ana i ka aie. Ua hoike mai na hopena o ka ke Aupuni hookele ana i ka aie, ua ike ole na luna aupuni i keia hana a me ke ku maoli no i ke kolohe. Ua hui aku ke Kuhina Kipikona me ka Ona Miliona, a na laua i hooponopono ka aie. Me he mea la, ia piele aku ke Kuhina i ka Ona Miliona, a ua kaana pu laua , eia kau a eia ka'u, a o ke dala keokeo emo o na keneta oia ka ka lehulehu, a o ke kii a me na hoialona aupuima na aoao a elua o ke dala oia ka ke 'Lii. Wahi a ka noonoo ana a keia mau kolohe, ua lawe ae la ko ke 'Lii makemake, ua kau Kona kii iluna o ke dala, a he mea nui loa ia Iaia, a ua punihei ka Lahui Hawaii ua loaa iho la, no ka wa mua, ke dala keokeo Hawaii, a o ko kaua makemake mailoko ae ia o na keneta poho o keia dala, he aneane hookahi haneri me kanaono tausani iloko ona dala he ewalu haneri tausani e aie ia. Mai hopohopo kauano keia, o kaua wale no ke ike ana, eia kau, o ko wahi aie no hoi he kanakolu tausani la, ua pau wale ia, a o ke koena iho o keia puke no ko'u luhi hoi ia a me a'u mau keiki a me oʻu mau hoa hui maKaleponi, a o ka pomaikai o na hoa Kuhina ou ma keia mea, o ko'u ku aku he koo no oukou, he mau ia ua lawa aku la lakou, oiai, aohe he mea iki mai ia kaua, hookahi no wahi kanaka a kaua e hopohopo ai, ua hemo aku la ka lua, o ka loio Kuhina, he kanaka ike ia, a ua maha ae la kaua i kona hemo ana, a hookahi i koe a hemo aku, (hemo io no) alaila mama kaua, no ka mea ea, na'u e hoouna mai i Loio Kuhina hou no kakou, a mai hopohopo oe iaia, a nau hoi e hoopiha iho i ka makalua o kekahi kanaka iho. Pela hoi la i loaa ai ka iini o ka Moi, i dala Hawaii, pela iho ia i hoohanohanoia ai o Hawaii, koe nae ka poe i ike maoli i ke ano o keia mau hana maalea a Kipikona a me ka Ona Miliona. E ka lehulehu , he kiekie maalea iho laua nei, a ina e mau keia mau kanaka maloko a mawaho, o ka Moi a me kona lahui no ka luahi.E olelo mai paha auanei kekahi poe pehea la e oiaio ai keia mau mea, penei:  Ua halawai ka Aha Kuhina i kekahi manawa, a ua noonoo ia ka Aie Miliona, e like me ke Kanawai. Ua ae ka Aha Kuhina i ka aie. O na kuhina i pau iho nei ka i kou i hookahi hapa gula, a ua hooholoia. Mahope mai pau ae la na Kuhina Gula , koe iho la na Kuhina Dala Keokeo.I ka hoaie ana aku he dala keokeo wale no ka i loaa mai. E like me ka makou i olelo ai, a e olelo nei, ua emi ke kumuwaiwai io o keia dala a ianei a me kona hoa piele, he Iwakalua Keneta. Ina keia dala e kuaiia ma na makeke hoopukapuka dala aole e loaa ana na keneta ae kanawalu , mawaho o Hawaii nei.

 

He aha ka pomaikai o ka ka Moi hookele ana i ke aupuni mamuli o ka ianei apuka nui me ke poho o ka lehulehu a me ia pu. O ka pono o ka lehulehu oia Kona pono, o ka poino o ka lehulehuhe poino ia Nona. Ua oi aku anei ka pomaikai o ka Moi a me Kona lahui ponoi i ke kau ana o Kona mau helehelena a me na hoailona aupuni maluna o keia dala Hawaii, me ka hiki ole i ka lehulehu ke lawe aku i kana mea i ae ai, e lawe ia mailoko o ka aina, a hookaa aku i na auhau o ke aupuni Kupanaha i Na ke 'Lii mai no ke dala  a na ke 'Lii no ka e hoole mai i kana mea i hoolaha ai ma o ka poe ana i hoonoho ai. He olelo keia o ka wa kahiko, i keia wa ua ano e ae, ake, o ka io maoli no, me ka Moi, aia no Iaia na mana a pau malalo o ke Kanawai. Ina keia poe Kuhina ke kalepa nei i ka pono o ka lehulehu malalo o na hana apuka, alaila, mamuli o Kona ano Moi e hoopau aku Oia o haukae pu auanei Oia i na ino a keia poe e hana nei, a ke lehulehu hoi e ike maka nei. He makua ka Moi no ka lehulehu, e kiai i ka pono o ka lehulehu,  aole o ka pono o ka aha Kuhina. A ina ua hoike mai na hana a keia poe Kuhina he hawawa a he hoopoino i ka pono o kona mau makaainana, he hana naauao Iaia e imi aku i poe e noonoo ana i ka pono o kona lahui, oiai o Kona pono maoli no ia. He mea maikai ole i ke 'Lii ka nana maka ana i keia mau hana a Kena Papa Kuhina. Ua ike ka lehulehu a pau i keia mau hana a Kona aha Kuhina, a ua ike no hoi Oia i ka pilikia o Kona mau makaainana, he @uku i keia wa, aka ina e hoomau ia aku, a laila e oi loa aku ana ka pilikia, a he kumu ia e mahae ai o ka pili aloha kanaka a me ka Haku, a he mokuahana ka hopena, he poino na aoao a elua. Owai ke aa e olelo mai he dala maikai, a he dala piha ke dala keokeo Hawaii, e hoole ia nei e ka poe no nana i lawe mai i Hawaii? Heaha ke kumu i hooleia ai o ka mea i hooholo, a i hoohana ole ia ai ka mea i ae ia e ka Aha Kuhina i hala i hookahi hapa ma ke  gula o keia aie? No ka emi anei o ke gula mamua o ke dala? Aole, no ka puka ole o ka poe nana e hookele ana i ka aie aupuni, ina ma ke gula e hoaie ai, aka, he puka ino nae ma ke dala keokeo. E manao aku auanei kakou ua komo po ko kakou Moi i keia mau hana kolohe a keia poe, he ike ole anei ka Moi? He puni wale anei? Heaha la? Aole paha kakou e manao aku pela, e oluolu kakou e manao aku aole pela. E hoomanawanui kakou i keia mau hana a kakou e ike nei he mea hoopilikia ia kakou, a e kali kakou a helelei mai ka unahi o ka maka o ka poe i uhiia e na nahenahe a me na olelo e hoopouli nei i ke ike o ka mea iaia ke kiai, oiai, he aloha ko na alakai o ka Moi e like me ko Iuda i kona Haku. He mau apana dala, a ua kumakaia ia hoi ka Haku, a pehea hoi keia hana, e hoohanaia nei? Ke hoolaha nei kekahi poe ua like ka waiwai io o ke dala Hawaii me ke dala gula o America. He poe pili kuhina keia, aka, i ke keiki hanau hou, e ka elemakule, e ka wahine, a ke poe a pau e ka poe uuku o ka ike, owai la ka hupo nui e olelo mai ana ua oi aku ka waiwai o ke dala keokeo mamua ae o ke gula o oukou no ke komo dala? Owai hoi, no laila, he makehew na ao ana i ke kanaka i na olelo o ia ano, o ike auanei i ka hewa o ke kumu, huli mai nanahu.

 

AUWE! AUWE!!

Ke Aloha e,

o

Kuu pua i hauoli ai

I mohala ae, a, ua mae;

Lilo nae i opuu nani mau,

No ko ka Haku home mao.

 

E ka Nupepa Kuokoa-Aloha oe-

E hai aku oe i na kini o maua i ka lono walohia. Ua hala ka maua Meriaka ma kela aoao o Ioredane. Ua lawe ke Koolauwahine i ka maua lei, hoa pili mai ke kai malino o Kona kai opua i ka lai, a i ka makani anu he kiuwalehua, ua hao aku la ka mikioi i ke kai o lalo, ua puia maua i ke aloha e noho nei.

Aloha wale ia e!

Ua hanauia oia ma Kahaluu, Kona Akau, Hawaii, i ka la 26 o Dek. 1883. A i ka eha i kona mau mahina, haalele i ke one hanau no Honolulu; a i ka eiwa, haalele i ka la welawela o Kokuluaeo no Kauai. A ma Kekahi nei kii mai la kona makua nana i haawi mai, a lawe aku la.

 

E hiki anei ia'u ke hoihoi mai iaia? Owau ke hele aku i ona la. 2 Sam. 12:-23 Ma ka la 20 o Dek. 1884, hookuu aku la oia i kona hanu hope ana. Eono wale no la i koa a puni ae na la o kona makahiki. O ke kanaka i hanauia e ka wahine, he hapa kona mau la. Ua moe kona kino lepo ma ka ilina o ka pa luakini kahiko ma Waimea. Ua haalele mai oia ia maua ma keia aoao o kona he e kanikau aku nona.

 

Kuu kaikamahine mai ka pohu lai o [Kona Mai ka wai huihui o Kahoalii e.

Kuu lei mae ole i ka la hulili mai i [ke kula.

Kuu hoapili o ke a makauliuli o Ka-[ualiilii hoi,

Kuu kaikamahine mai ka pii'na o [Puuhoomaha.

Kaumaha luuluu au i ko aloha e lei [nei.

Auwe! Kuu minamina hoi.

Kuu hoa pili i na ale kawahawaha o [Alenuihaha,

Ke haha wale nei au o kahi e loaa'i.

Kuu kaikamahine mai ka la welawela o Kalia.

Alia oe e kuu aloha e haalele mai.

Kuu hoa pili o ke kai o Kaieiewaho.

Kuu hoa hoomanawanui o ka ino,

Kuu lei hoi o ka aina makamaka ole.

Auwe kuu minamina hoi.

Kuu kaikamahine mai ka wai huihui o Waimea,

Mai ka la welawela hoi i Kekaha e,

Kuu hoa puupuu anu hoi o ka po la.

Elua hoi olua na keiki elua hoi maua,

No nonoho aku kakou o ia aina malihini.

I kamaaina i ka hana a ka Haku,

Auwe kuu minamina ia oe e.

Mrs. Julia K. Lono

 

Auwe kuu pokii

kuu hoa alo o ke kai,

O ka ua me ka makani,

O na ale huli lua,

Elua hoi kaua,

Hookahi o mama,

Pukui pu kakou,

I ka ino o ka moana

Wehe mai nei hoi oe,

I ka pili a kaua,

Auwe kuu pokii.

Miss Rose Lono.

O maua iho no

W.N. Lono

J.K. Lono

 

LULU DALA KOKUA

J. Kaialoa Komite

 

 

 G Castle $2, H Castle, G Robinson, Samila, Keaweamahi, Beke, pa hapalua, Iulia, Kahihikolo, Kalimakahi, Kuipaka, Akahi, Kiule, Maa Kahoaka, Leialoha, Ahia, Kale, Wahinealii, J Keau, Kaikainahaole, pa hapaha.

 

Mrs Pine Komite

Jas E K@@a jr., Kaka, Kaupaona Makehewahewa, pakahi dala. T Hina .50, Niolopua, Debora, hapaha pakahi.

 

Nahora Hipa Komite.

His. Ex. W. M. Gibson, His Ex. C. T. Gulick, His Ex. J.M. Kapena, palua dala pakahi, Col. Jas. H. Boyd hapalua.

 

Mrs. L. Paaluhi Komite.

Apana o Maemae, $11, Cash $5, W. Wond, J M Monsarrat, $2.50 pakahi; Mose, Iulia Tonson, Nakaa Meaono, J McKeague, Kina, pakahi dala; T Hina, Nawaa, Poe, Kaihumua, Kapu, J. U. Kuhia, M P Kaalawa, G W Keaweamahi, pa hapalua.

 

Kaimi Komite

L. Kamika $2, Samu $1, Pilipo, Paulo, Keaweamahi, pa hapalua pakahi; Keahi hapaha; Samuela Paniani. 10.

 

Napua Komite.

Wahineaea $1.50; Kaahiki, Kailianu, Iakobo, Kaimi, Kaena, pakahi dala; Nakolo, Kapuahiloa, Moeikauhane, Keawe, Kahikina, pa hapalua pakahi.

 

KA HAIOLELO A KAPIHE KAILIANU IMUA O KE ANAINA HOIKE KULA SABATI O KAUMAKAPILI, DEC. 28.

KE KULA SABATI KE KAHUA PAA O NA OPIO HAWAII

Imua o kuu mau hoa opio Hawaii, ka poe hoi nona na hana maikai e hanaia nei ma keia la, a me na makua hoi o kakou i hui pu mai ma keia hana maikai a pookela loa. Aole a'u mea e kamailio aku ai imua o keia anaina, o keia mea @@ hookahi wale no, a oia hoi keia :

 

I O ke Kula Sabati, oia ke kahua o na pomaikai o na opio Hawaii, kahi e ao ia ai na opio i ka naauao oi aku mamua o na mea a pau, aole e hiki i na akamai a naauao o kela a me keia ano ke manaoia ua oi aku imua o keia.

 

No ka mea, o ke ano o ke keiki i hoonaauao ia ma na Kula Sabati,he keiki maikai oi, akahai, oluolu, hoopono, hoopololei i kana mau hana, hana aloha oia i kona mau hoa i na manawa a pau; a he keiki hoolohe pono i na olelo a kona mau makua.

 

A ua puka mai ia mau hua ohaha mailoko mai o ke keiki i ao pono ia ma na Kula Sabati, a ua hookahuaia kona hoopono maluna o na Kanawai he umi o ke Akua i haawiia mai ma ka mauna hoano o Sinai.

 

A no ka mea, i ka manawa i ao ia ai na opiopio ma na Kula Sabati, he mea e kuhikuhi mau ana ia lakou ma ke alanui e pakele ai ko lakou mau uhane i ka popilikia ma ka hookolokolo hope loa o ke ao nei, a e kuhikuhi aku ana hoi ia lakou e ike i ko lakou Haku kaMea i kaulia ma ka laau Kea, a nona e pakele ai na keiki e hele auana ma keia popilikia.

 

Aia ma na aina puniole o ka honua nei, he mau tausani Kula Sabati i kukuluia, a he mau haneri tausani haumana e ao ia ana maloko o ua mau Kula Sabati la. No keia kumu wale no, no ka pomaikai o na uhane o na keiki e hele auwana ana mao a maanei o ka honua, a i lilo ole lakou i poe keiki kipi ole i ko lakou Mea nana i hana, elike me na mamo a ka Iseraela i kela wa.

 

Pela aku no hoi au ia oukou e o'u poe hoa Kula Sabati, e lilo ole kakou apau i keia la i poe keiki kipi ole i ko kakou Mea nana i hana, a e hoomau i ko kakou hele mau ana me ke Kula Sabati.

 

Pela pu aku no hoi au ia oukou e na makua e akoakoa nei ma keia anaina, e lilo oukou i poe paipai nui i ka oukou mau keiki e hele mau i ke Kula Sabati, mai aua ia lakou ma na home a hookuu wale ia lakou e hele auwana wale ma ka la Sabati; ina aole oukou e ao pono ia makou ka oukou mau keiki e hele i ke Kula Sabati, alaila, he poe kokua hewa oukou mamua o ka hana hewa ana o ka oukou mau keiki.

 

E hoolohe hoi oukou e na keiki i ka olelo ao a ko oukou mau makua a me ko oukou mau kumu ma na Haawina Kula Sabati. Ina hookuli kakou na keiki i na oleloao maikai, alaila, ua nonoi aku kakou i ke Akua e kau mai i Kona inaina wela maluna o kakou i na wa a pau. Aka e hana kakou i ka pono i pakele ai.

 

NA HOOLAHA HOU

HOOLAHA HOOKAPU- E ike auanei na mea a pau,  ma keia ke hookapu loa ia aku nei na aina a pau ma Kahua, Kohala, (Kahua Ranch) a e hoopii ia no ka poe e kue ana i keia. O ka poe a pau e makemake ana e hookaawale i ko kakou mau pipi mai ka aina aku, e loaa no na kauoha i na Poakahi o kela a me keia pule ke hele ae i ka mea nona ka inoa malalo iho, a i kona  Luna paha. Aole no hoi e ae ia kekahi mea e hele ma ia mau aina o Kahua me na I@@ Geo. F. Holmes Kahua, Kohala. Nov 7, 1884 1198 4ts

 

AHA HOOKOLOKOLO Kaapuni Apana Ekolu o ko Hawaii Pae Aina ma ka hooponopono Waiwai. Ma keia waiwai o KAEA (k) no Kohala Akau, Hawaii, i make kauoha ole, imua o ka Lunakanawai C.F. HART.

 

Ma ka heiuhelu a me ka waiho ana mai o ka palapala Noi a D.H. Hitchcock. o Hilo Hawaii, e haawiia ka palapala Hookohu Lunahooponopono Waiwai i kekahi mea kupono.

 

Ua kauohoaia o ka POAKAHI, oia ka la 15 o DEKEMABA, 1884, oia ka manawa i kohoia no ka hoolohe ana i ua noi la, imua o ua Luakanawai la ma ke Keena Hookolokolo o keia Aha ma Kapaau, Kohala Akau, Hawaii,ma ka hora 10 o kakahiaka; a ma ia manawa a ma ia wahi no e hele mai ai na mea a pau i pili e hoike mai i ke kumu ina he kumu oiaio ko  lakou, e ae ole ia ai ua noi la.

 

Kakauia ma Kohala Akau, Hawaii, ko Hawaii Pae Aina, Nov. 17, M.H. 1884.

CAS.F. HART.

Lunakanawai Kaapuni Apana Ekolu.              2000-3t

 

AHA HOOKOLOKOLO Apana Eha o ko Hawaii Pae Aina. Ma ka hooponopono Waiwai, ma ka hana o ka waiwai o LANIKAULA (k,) i make kauoha ole. Imua o ka lunakanawai Kaapuni, ma ke Keena.

 

Ma ka heluhelu a me ka waiho ana mai i ka Palapala Noi a PAKOLE (k,) e hoike ana o Lanikaula (k,) no Wailuakai, Kauai, ua make kauoha ole ma ua wahi ma ka la 10 o Mei, 1884. A e noi ana e haawiia ka Palapala hookohu Lunahooponopono Waiwai ia H.N. Pukalo, no Wailuakai, Kauai.

 

Ua kauohaia, o ka POAHA, ka 15 o IANUARI, 1885, ma ka hora 10 A.M. oia ka manawa i hooholoia no ka hoolohe ana i ua noi la, imua o ua Lunakanawai la, ma ke Keena hookolokolo o keia Aha, ma Koloa, a ma ia manawa a ma ia wahi no e hele mai ai na mea a pau e pili, e hoike mai i ke kumu, ina he kumu oiaio ko lakou e ae ole ia ai ua noi la. A o keia olelo kauoha e hoolaha ia ma ka olelo Hawaii, i ekolu pule ma ke KUOKOA he nupepa ma Honolulu.

 

Kakauia ma Koloa, Kauai, Dec. 5, 1884.

JACOB HARDY

Lunakanawai Kaapuni Apana Eha.      2002-3t.

 

HOOLAHA HOOKO MORAKI ME KE KUAI: Mamuli o kekahi mana Kuai i hoikeia maloko o kekahi Palapala Moraki i hanaia mawaena o HO CHIN a o H. AKANA kekahi inoa, no Hilo, Mokupuni o Hawaii, o ka aoao mua, a me KIN CHEW a o H. AIONA kekahi inoa, o ka aoao elua, ma ka la 17 o OKATOBA, 1883, i kakau kopeia me ke Keena o ka Luna kakau kope o ke Aupuni ma ka Bule 87 aoao 459-62, a mamuli o ka uhaiia ana o na kumu aelike o kela moraki, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kuda@a akea ana la i ka hoolimalima a me na waiwai e ae i ho@ keia ma ia moraki, e like me na hoakaka ana malalo iho, ma ka POAONO la 31 o IANUARI, 1885, ma ka hale kuai o HO CHIN i oleloia no Hilo, Mokupuni o Hawaii, ma ka hora 12 o ke awakea oia la.

 

No na mea i koe e ninau ai J. M. Monsarrat, Loio ma ke Kanawai.

KIN CHEW.

Honolulu, Dekemaba 31, 1884

 

Eia malalo iho na waiwai moraki e kudalaia ana. Ka Hoolimalima o kela Apana Aina e waiho la ma ke alanui Front, ma Hilo i oleloia, a me na hale e ku nei maluna o ua aina la i haawiia e Akau Awai ia H. Akana a o Ho Chin kekahi inoa ma ka la 27 o Aperila, 1884. 3 Pahu aniani waiho mea kuai o kela a me keia ano, me na ukana iloko oia mau pahu, 3 hale laau, 1 hale kuke a me 1 hale uwea waiho mea ai, a oia no na hale e ku ana maluna o ua aina la, i lilo mai ma ka hoolimalima iaai a Awai Akau mai.

 

4 pahu mea hoopahupahu, 1 p. mea ai anokapiki, 1 p Fuchow, 1 p raiki pake liilii loloa, 1 p aila pinaki 1 p ume waiho uakana, 300 p Laau Pake, 1 p waiho mea ai a ka Pake, 2 p poka. 1 p kaipaakai, 1 p kapiki Pake, 1 p sopa, 9 p waiho laau Pake, 10 tini waiho laau Pake, 12 owili moena Pake, 4 doz tini ula, 4 doz tini kamano, 20 tini waiho mea liilii, 1 mea kaupaona nui, 2 mea kaupaona liilii a ka Pake, 2 aniani nana nunui, 1 wati, 5 pakaukau, 1/2 doz buke Pake No. 1, 2 doz No. 2, 4 doz No. 3, 4 doz kamaa Pake, 3 apa leponalo, 16 apa kalakoa, 2 doz palule o na ano like ole, 1 doz paleili keokeo, 2 doz kawele, 4 wawae paina, 1 pahi okioki laau Pake, 1 mea kui laau Pake, 1 waapa hao, 1 doz palule Pake, 4 pale kaleponi, 4 ipu kukui, 3 ipu ti, 2 doz paa kakini keokeo, 4 pa waiho palaoa, 4 doz bola Pake, 1 kapuahi hao & na lako, 1 ipuhao Pake nui, 1 doz omole waiala, 1/2 doz noho maikai, 26 puolo laau Pake, 1/2 doz puolo awapuhi, 4 kukui. 1 poke, 1/2 doz hainaka, 1/2 paona lopi silika Pake, 1 doz pahu mea paani, 2 noho ohe Pake Chow chow.

 

Kuai Kudala Nui o Na Waiwai Paa -o- Leleiohoku

Ua kauohaia mai au e kuai aku ma ke kudala akea ma ka POAKAHI, IANUARI 19, 1885, ma ka hora 12 awakea, ma ko'u keena kudala na aina malalo ino o ka Mea Kiekie i make Leleiohoku penei:

-----------------

Ahupuaa o MOEANOA ma Kona Akau, Hawaii; Kuleana Helu 9971.

Ahupuaa o HONOKAHAU IKI ma Kona Akau, Hawaii; 480 eka; Sila Nui 6855.

Ahupuaa o HOOKENA me LAUHULU ma Kona Akau, Hawaii; Kuleana Helu 9970.

Ahupuaa o KEALIA ma Kona Akau, Hawaii; Kuleana 7716.

Kuleana o KEOPU 2d, ma Kona Akau, Hawaii; 32 3-19 eka; SIla Nui 3148.

Kuleana o LANIHAUIKI ma Kona Akau, Hawaii; 2 7-10 eka; SIla Nui 3148

Kuleana o LANIHAUIKI ma Kona Akau, Hawaii: 37 eka; Sila Nui 3148.

Kuleana o Honuaula ma Kona Akau, Hawaii; 34-100 eka; Sila Nui 3148.

Kuleana o Honuaula ma Kona Akau, Hawaii; 26 14-100 eka; Sila Nui 3148.

Ahupuaa o PUNA ma Puna Hawaii; Kuleana Helu 8452.

Ahupuaa o Kaala ma Hamakua, Hawaii; 24@2 eka; Kuleana Helu 9971.

Ili aina o PAU ma ke ahupuaa o Pololu, Kohala, Hawaii.

He pa hale ma KAHONU, Kailua, Hawaii, He pa hale ma PAPAULA, Kailua, Oahu.

Ahupuaa o PAEOHI ma Lahaina, Maui, he eha apana; Sila Nui 4388.

Apana 1, 3 90-100 eka;

Apana 2, 7 71 - 100 eka;

Apana 3,  2 7-100 eka;

Apana 4, 16@ roda

No na mea i koe, e ninau ia A. J. Cartwright Est., a i ole ia

E.P. ADAMU Luna Kudala

Honolulu, Dec. 8, 1884.

 

CHAS H PULAA

HE LOIO A HE KOKUA MA KA KANAWAI

A e loaa no au ma Honomakau, Kohala Akau, Hawaii.      2001-tf

 

JOHN MAHIAI KANEAKUA.

LOIO A HE KOKUA MA KE KANAWAI MA NA AHA HOOKOLOKOLO A PAU O KEIA AUPUNI.

keena Hana me Hon. E Presten (loio Pe@k@@@) ma Alanui Kaahumanu, Honolulu

 

J P. HANAAUMOE.

He Loio a he Kokua ma ke Kanawai ma na Aha Hoomalu a Apana o Keia Aupuni.

E loaa no au ma Puna, Hawaii.

 

E HAAWI IA HE MAKANA NUI i ka mea e loaa ai ka lio kane nona ka inoa Romeo o ka mea Kiekie ke Kama Aliiwahine Liliuokalani i nalowale, he keokeo ma kona wawae hope, a he wahi kiko keokeo iki ma ka lae. Ua hele pu me ia he lio kane eleele uuku huelo poomuku, me ke kuni (G.) ma ka uha akau hope he kiko keokeo ma ke kua. Ua hemo laua mai Waikahalulu aku ma ka la ao aku nei. E hoihoi ae ma Wasinetona.  tf.

 

HOOLAHA A KA LUNAHOOPONOPONO WAIWAI.      Ma keia hoolaha, ke hoike aku nei, na hookohuia ka mea nona ka inoa malalo iho i Lunahooponopono no ka Palapala Hooilina o ka waiwai paa o ROBERT P. KUIKAHI o Kukuihaele, Hamakua, Hawaii, i make. O ka poe a pau he mau koina ka lakou i ka waiwai paa i oleloia, ke konoia aku nei lakou e waiho mai i ka lakou mau koina me na hooiaio kupono ana i ka mea nona ka inoa malalo iho iloko o na mahina eono, mai ka la e puka aku nei kei hoolaha, a i ole pele, e hoole mau ia no lakou. A o ka poe hoi he aie ko lakou i ua waiwai la i oleloia, e hookaa koke mai lakou i ka mea nona ka inoa malalo.

R.A.LYMAN.

Luna hooponopono o ka Palapala Hooilina a me ka waiwai paa i huiia o R.P. Kuikahi.

Paauhau, Hamakua, Hawaii, Dec. 15, 1884.

2004-41.

 

I LOKO o ka Aha Hookolokolo Kaapuni o ka Apana Ekolu o ke Aupuni Hawaii. KALAKAUA, Ma ka lokomaikai o ke Akua, o ko Hawaii Pae Aina, Moi:

 

Ia Jno. H. Sopes Esq., Ilamuku o ke Aupuni, a i ole i kona Hope iloko o ka Aha Hookolokolo Kaapuni Apana Ekolu. Me ka Mahalo:

 

Ke kauohaia aku nei oe e kii ia T.S. PICKARD ka mea hoopiiia, in a e waiho mai ana oia i kana pane i kakau ia iloko o na la he iwakalua mahope iho o ka hooko ia ana o keia, e hele mai imua o ka Aha Hookolokolo Kaapuni Apana Ekolu ma ke Kau o Sepatemaba o ua Aha la e malama ia ana ma ke Keena Hookolokolo o ka Hale Hookolokolo ma Waiohinu Mokupuni o Hawaii, ma ka Poaha, ka la 4 o Sepatemaba e hiki mai ana, ma ka hora 9 A.M., e hoike mai, no ke aha la ka mea e ae ole ia ai ke noi a EMMA R. PICKARD ka mea hoopii e like me ka mea i hoakakaia iloko o ka Palapala Hoopii i pakuiia. A e hoihoi mai oe i keia palapala me ka hoike piha o kau mau hana mamuli o kei pa'apila.

 

Ikea e ka Mea Hanohano A. FRANCIS JUDD Lunakanawai Nui i ko makou Aha Hookolokolo Kiekie, i keia la 22 o Mei, A.D. 1884.

DANIEL PORTER

Kakauolelo Aha Kaapuni Apana Ekolu.

 

I keia Palapala Kii, ua pane ka Ilamiku penei: Oiai ua huli au ia T.S. Pickard i oleloia, aole oia i loaa ia'u iloko o keia Aupuni. A nolaila ke hoihoi aku nei au i ka Palapala Kii me ka hooko ole ia i keia la 8 o Dekemaba, 1884.

Kakauinoaia JNO.H.SOPER, Ilamuku

 

Mamuli o na hoike a ka Ilamuku ma o kona hoihoi ana mai i ka palapala Kii, nolaila, ke hoike nei au ma keia, o ka palapala maluna ae, he kope oiaio a pololei ia o ka Palapala Kii i hoopukaia ma ka hihia oki mare o Emma R. Pickard kue ia T.S. Pickard, a iloko o ia manawa e paiia i kope oiaio o ua Palapala Kii nei i oleloia, ma ke KUOKOA iloko o na pule eono e like me ka mea i hoakakaia ma ke kanawai, e kahea aku i ka mea i hoopiiia e pane ma ke Kau i oleloia. I hoike no keia, ke kau nei au i ko'u lima i keia la 11 o Dekemaba A.D. 1884.

DANIEL PORTER,

Kakauolelo o ka Aha Hookolokolo Kaapuni Apana Ekolu, Hawaii.     2004-6t.

 

AHA HOOKOLOKOLO KIEKIE O KO Hawaii Pae Aina. Ma ka hooponopono Waiwai ma ka hana o ka Waiwai o J. KAAUAPA, o Kaneohe, Koolaupoko, Oahu, i make. Ma ke keena imua o ka Lunakanawai Nui A.F. JUDD.

Ma ka heluhelu a me ka waihoia ana mai o ka Palapala Noi a me ka Papa Hoike a A. Rosa, Lunahooponopono o ka waiwai o J. Kaauapa no Kaneohe, i make e noi ana e apono ia na hoolilo he $207.20, a e hoike ana o na mea i loaa mai iaia he $132.00, a e noi ana e nana a apono ia kela mau mea, a e kauoha ia e mahele i na waiwai e waiho ana ma kona lima i na mea i kuleana malaila. a e hookuu ana iaia a me kona mau hope mai ko lakou noho ana mau ia ano.

Ua kauohaia, o ka POALUA, ka la 27 o IANUARI, 1885,  ma ka hora umi kakahiaka, imua o ua Lunakanawai Nui la, ma ke Keena ma ka Hale Hookolokolo, ma Honolulu, oia kahi e me ka manawa i kohoia no ka hoolohe ana i ua noi la, a me na Papa Hoiki i oleloia, a o ka poe a pau i pili malaila e hele mai a e hoike i ke kumu, ina he kumu io ko lakou, e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i oleloia. A o keia kauoha ma ka olelo Hawaii, e pai ia maloko o ke KUOKOA  ha nupepa i pai a hoolahaia ma Honolulu, i ekolu pule mamua ae o ka manawa i oleloia no ka hoolohe ana. Kakauia ma Honolulu, Ko Hawaii Paeaina, i keia la 15 o Dekemaba 1884.

A.F. JUDD. Lunakanawai Nui o ka Aha Kiekie, Ikea e Henry Smith, hope Kakauolelo o ka Aha Kiekie 2003-3t.

 

AHA KIEKIA O KO HAWAII PAEAINA:- No ka mea o ka la no keia mahina no ka noho ana o ka Aha Kaapuni o Oahu, oia no ka la Karisimaka ; nolaila, ua kauohaia e noho ia Aha ma ka Poalima aku ka la 26 o Dekemaba, 1884.

Na ka Aha

Wm. FOSTER Kakauolelo. Honolulu, Dec. 8, 1884.       2002-2t.

 

HOOLAHA;- E ike auanei na kanaka a pau, owau o Jose Espinda o Lahaina Maui, a ma keia, ke hoolaha aku nei au ma ke akea, aole e hoaie mai i kuu wahine mare, ia Kina Espinda, oiai, ua haalele mai oia ia'u, a me ka'u mau pono a me ko'u mau pomaikai, a ma keia, ke hai aku nei au aole e hoaie namea a pau iaia. Ina i lohe ole e ili aku no lakou pono a me ke poho maluna o lakou iho aole au e uku a hookaa i kona mau aie a pau mai keia la aku, ke holoi nei ai i ko'u mau lima a maemae.

JOSE ESPINDA. Makaolehua, Lahaina. 2003-3t.

 

HOOLAHA HALEKUAI: -  Ke konoia aku nei ko maua mau makamaka a pau e noho ana mai Hilo one aHilo pali-ku, e hele nui mai ma ko maua halekuai ma Mokuhonua, Hilo, Hawaii, oiai ua hui ae nei maua me Ahuna Pake ma ke kukula halekuai ana a ua lako pomo ko maua halekuai i na waiwai o kela a me keia ano, he mau waiwai e hoohiluhilu ai i ke kino o ke kane a me na lede o ua kaona lai nei o Hilo, a e weheia ana keia halekuai ma ka la 1 o Ianuari, nolaila e hele nui mai a pau loa. G W KAILULA & AHUNA.     2003-3T.

 

NA HOOLAHA HOU

NA MEA I LOAA NO KA PAPA HAWAII NO KA MAHINA E PAU ANA OKATOBA 31, 1884.

NO na Misiona Kuwaho.

Mai ka ekalesia o Heiani- S. W. Kaw@@@@@ S@@@ @@

Ekalasia o Kohala - E Bona                @@@

Ekalasia o Kaukeano - J.A. Cru@@@      @@@

Mai na Kihinui ma Kekaha Ka@@@ @@@

Mai ka @@@@@ hoolimalima ma Hilo       @@@

Mai a @ Kaa@@- Ve@@@@ Cal@ @@@

Mai P@@ape, Mor@@lock, Rukme Pai@@@@@@@

Rev. E. T. @@onae

Mai ka Paemoku Kiliba@@i - Rev E. A. W@@@@@      @@@

 

No Na BAIBALA AMERIKA

Na buke i kuaiia ma Pona@@- Doane      @@@

Na buke i kuaiia i ka Paeaina Kii@bar      @@@@@@@@

No ka pomaikai o ka Oihana Pai Palapala ma Kilibati

Na buke i kuai ia ma Kilibate       @@@

Huina @@@@

WW HALL-Kakauolelo

 

HOOLAHA A KA LUNAHOOPONOPONO WAIWAI:-  Ua h@@@@@@@ ka mea nona ka inoa malalo iho i Lunahooponopono Waiwai no ka waiwai o FRANK@@ H ENDERS M.D. i make, a ke k@@@@@ @@@ @@ ka poe a pau e aie i ka waiwai i oleloia @ @@ kaa koke mai lakou: i ua waiwai la @@ @@@ @@@ ina ma ka moraki a ma kekahi mau @@@@@@ paha, e waiho mai i ka lakou mau h@@@@@@@ pono ma ka Hale Hookolokolo ma Wailuku Maui, iloko o na mahina eono mai ka @@@@ka aku nei keia hoolaha, a i ole peia @@@@@@le mau loa ia lakou.

JNO. W. EVERETT

Lunahooponopono Waiwai o H. @. @@@@@@ M.D.      2000-3T.

 

KUAI KUDALA HOOLIMALIMA

O na aina a pau i hoikeia malalo @@@@@ hoi na waiwai paa PAHAU,  e kuaiia ana no ma ke kudala ma ka POAONO, IANUARI ma ka hora 12 awakea, ma ke keena @@@@

E.P. A@a@@

Alanui M@@@@@

 

Apana 1 - He pa hale me na hale @@@@@ ma Kamoiliilii, e kokoke ana i ke k@@@@@@ eliia nei o Goo Kim, 55-100 eka.

Apana 2 - Aia no ma Kamoil@@@@@ @@ @@ke alanui aupuni, a maanei iho ho@@ @@ @ @@@me hookahi hale maluna, 3 eka.

Apana 3- Mauka no o ke alanui @@@@@@@ mao iho o ka apana 3, 2 51-100 eka.

He elima makahiki hoolimalima @@@@ kaaia ka uku hoolimalima ma ka hapaha @@@@ hiki: ka mea hoolimalima m@@ @ @@@ na auhau a me na lilo o ka pepa : o na @@@@@ ana me ka mea hoolimalima aka: e hoolimalima no e like me ke kanawai.

S.B.@ Kahu malama o na keiki oo ole @ @@@  E.P. Adama Luna Kudala

 

I LOKO o ka Aha Hookolokolo Ka@@@@@ ka Apana Ekolu o ke Aupuni Hawaii KALAKAUA, Ma ka lokomaikai o ke Akua ko Hawaii Pae Aina, Moi.

Ia Jna. H. Soper Esquire, Hamuku o ke Aupuni, a i ole i kona Hope Hoku o ka Aha Hookolokolo Kaapuni Apana Ekolu Me ka Mahalo :

Ke kauohaia aku nei oe e kii aku ia @@@@ VALENTINE ka mea ia hoopii ia, ia@ e waiho mai ana oia i kana pane i kakauia iloko o na la he iwakalua mahope iho o ka hookoia ana o keia, e hele mai imua o ka Aha Hookolokolo Kaapuni Apana Ekolu, ma ke Kau o Novemaba o ua Aha la e malama ia ana ma ke keena Hookolokolo o ka Hale Hookolokolo ma Waimea mokupuni o Hawaii ma ka Poaha, ka la 6 o Novemaba e hiki mai ana, ma ka hora 9A.M., e hoike mai, no ke aha la e ae ole ia ai ke noi a AKANA VALENTINE  ka mea hoopii e like me ka mea i hoakakaia iloko o ka Palapala Hoopii i pakuiia. A e hoihoi mai oe i keia palapala me ka hoike piha i kau mau hana mamuli o keia palapala.

Ikea ka mea Hanohano A FRANCIS JUDD  Lunakanawai Kiekie i ko makou Aha Hookolokolo Kiekiei keia la 21 o Okatoba, A.D. 1884    DANIEL PORTER     Kakauolelo Aha Kaapuni Apana Ekolu.

 

I keia Palapala Kii, ua pane ka Hamuku penei : Oiai ua imi au ia Peter Valentine i oleloia, aka aole oia i loaa ia'u maloko o keia Aupuni. A nolaila ke hoihoi aku nei au i ka palapala Kii me ka hooko ole ia i keia la 29 o Okatoba, 1884.

J.H. Soper Hamuku

 

Mamuli o na hoike a ka Hamuku ma o kona hoihoi ana mai i ka Palapala Kii, no laila, ke hoike nei au ma keia, o ka palapala maluna ae, he kope oiaio a pololei ia o ka Palapala Kii i hoopukaia ma ka hihia oki mare o Akana Valentine kue ia Peter Valentine a @@@@@ ia manawa kowa e pai ia i kope oiaio o ua Palapala Kii nei i oleloia, ma ke KUOKOA a me Hawaiian Gazette i loko o eono pule e like me ka mea i hoakakaia ma ke kanawai, e kahea aku i ka mea i hoopii ia e pane mai ma ke Kau i oleloia. I hoike no keia, ke kau nei au i ko'u lima i keia la 12 o Novemaba A.D. 1884

DANIEL PORTER     Kakauolelo o ka Aha Hookolokolo Kaapuni Apana Ekolu, o Hawaii, 2001-@@.

 

AHA HOOKOLOKOLO KAAPUNI Apana Ekolu o ko Hawaii Pae Aina ma ka hooponopono waiwai, ma ka waiwai o KAEA k. o Kohala Akau, Hawaii, i make kauona ole imua o ka Lunakanawai Chas. T. Hart

Ma ka heluhelu a me ka waiho ana mai o ka palapala noi a D.H. Hikikoki o Hilo, Hawaii, e noi ana e haawi ia ka palapala hookohu Lunahooponopono Waiwai ia kekahi mea kupono.

Ua kauohaia o ka POAKAHI oia ka la 15 o DEKEMABA 1884, oia ka manawa i koho ia no ka hoolohe ana i ua noi la imua o ka Lunakanawai la ma ke keena hookolokolo @@@@ keia Aha ma Kapaau, Kohala Akau, Hawaii ma ka hora 10 o kakahiaka, a  ma ia manawa a ma ia wahi no e hele mai ai na mea a pau i pili e hoike mai ke kumu, in a he kumu @@@@ ko lakou e ae ole ia ua noi la.

Kakauia ma Kohala Akau, Hawaii, Ko Hawaii Pae Aina, Nov. 17 1884

CHAS. T. HART Lunakanawai Kaapuni Apana Ekolu 2001-@

 

AHA HOOKOLOKOLO KIEKIE O Ko Hawaii Pae Aina, ma ka hooponopono waiwai, ma ka hana o ka waiwai o KAMAKEE (k) o Waihee, Maui, i make kauoha ole. Ma ke keena imua o ka Lunakanawai L.McCully.

Ma ka heluhelu a me ka waihoia ana mai o ka Palapala Noi a Kalua Kamakee, o Waihee mokupuni o Maui e hoike ana ua make kauoha ole o Kamakee (k) no Waihee i oleloia ma Waihee i oleloia i ka la 1 o Sepatemaba1884 a e noi ana e hoopukaia ka Palapala Hookohu Lunahooponopono Waiwai ia H.A. W@@@mann

Ua kauohaia o ka POAKOLU KA LA @@ o IANUARU, 1885 ma ka hora 10 kakahiaka oia ka manawa i kohoia no ka hoolohe ana i ua noi la imua o ua Lunakanawai la ma ke keena, ma ka Hale Hookolokolo, ma Honolulu, a ma ia manawa a ma ia wahi no e @@@ mai na mea a pau i pili e hoike mai i ke kumu in a he kumu oiaio ko lakou, e ae ole ia ai ua noi la. A o keia kauoha e hoolaha ia ma ka olelo Hawaii i ekolu pule maloko o ke KUOKOA he nupepa ma Honolulu.

Kakauia ma Honolulu, Ko Hawaii Pae aina Dekemaba, 16, 1884. L. McCULLY,  Lunakanawai o ka Aha Kiekie.

Ikea : Henry Smith, Hope Kakauolelo.

 

OLELO HOOLAHA :- E ike auanei na kanaka a pau ma keia, owau o ka mea nona ka inoa malalo iho, ke hookapu aku nei au i na holoholona lio, pipi, kao, hoki, muila, puaa, kaka, a pela aku, aole e hele wale maluna o kuu mau apana aina e waiho la ma Palama, a ma Ohia, kekahi ma Waikapu, Maui; a ke hookohu aku nei au ia Mr. Niula i luna nana e hopu i na holoholona e hele wale ana maluna o ua mau apana aina la a oia no ka mana ma na mea a pau ma ke kanawai.

SAM'L KAPULE