Ka Nupepa Kuokoa, Volume XXIII, Number 52, 27 December 1884 — Page 4
| This text was transcribed by: | Christina Macias |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
No ka Makahiki ............. $2.00
No Eono Mahina ..............1.00
- KUIKE KA KULA. -
Poaono ....... Dekemaba 27 1884
Ua haule ka Haawina Kula Sabati ia makou i keia pule, ma o ka hiki ole ana mai o ke kope, mamuli paha o ka ino.
KA AHAHUI EUANELIO KUIWA MA EWA.
Halawai ka Ahahui Euanelio kuikawa ma Ewa i ka la 29 o Novemaba '84 J W Kaapu lunahoomalu. Na lala apau i hiki mai.
Ekalesia Kahu Elele
Kawaiahao - -
Kaumakapili Waiamau Iwa
Kalihi & M. Paaluhi Moolehua
Ewa - Puahiki
Waianae Kekahuna Naoho
Waialna Timoteo Kalamakee
Kahuku - S. Kai
Hauulu & K. Kaapu Naili
Waikane Paiklui Konaaihele
Kaneohe - -
Waimanalo Waiwaiole Naholowaa
Na lala mau C M Hai.
Hoakaka mai o Kaapu no ka palapala kahea o Ewa i ko lakou haiolelo. Ua heluhelu mai no hoi ke kakauoleleo i ka palapala hoopii o Ewa, a ua hooholoia a waihoia ma ka lima o kekeahi komite, Hai, Waiamau, a me Kekahuna.
Kumuhana @ No ka hoolaa ana i ka luakini o Ewa, a ua hooholo ka Aha e hoolaa ia ma ka hora i aunina la. Eia ka hoike a ke komite no ka palapala kahea o Ewa : "Ua nana akahele ko oukou komite i ka palapala kahea kahu, a ua ike lakou i keia mau hemahema nui."
1 - Aole i kulike ka manawa i kakau ia ai ka palapala kahea kahu, a me ka papa inoa o na hoahanau.
2 - He mau lima kakaikahi wale no ka i kakau inoa ma ka palapala inoa.
3 - Aole i hoopili pu ia ka palapala kahea me ka papa inoa o na hoahanau.
4 - Aole no i kulike ka manawa o ka palapala kahea kahu me ka palapala pane a ka Haiolelo.
5 - Ua kakauia me ka penikala, kahi hapa o ka palapala kahea.
O ka moolelo o ka halawai kahea kahu ua mamao ia mai ke komite aku, nolaila, aole i akaka i ke komite ua halawai ke ekalesia no ke kahea ana i ke kahu. - Hai, Waiamau, me Kekahuna.
Hooholo ka Aha, e lawe a noonoo i ka hoike a ke Komite. Mahope o ia nonoo ana. Ua haule ka oike a ke Komite.
O ka Olelo Hooholo a C. M. Hyde Ua haule.
Ua hooholo ka Aha e waiho ia ma ka lima o kahi Komite ke noonoo ana i ka wa kupono o keia Aha, e hookahuna ai ia S. P. K. Nawaa, ke pau pono na hemahema i ka hana ia. Hoopanee ka Aha me ka Pule a C. M. Hyde.
Halawai hou ka Aha i ka hora i hoopaneeia.
Malama ka Aha no ka hoolaa ana i ka luakini o Ewa.
Pule pokole, himeni 504. Kekahuna
Heluhelu Baibala, Is. 66. Timoteo.
Himeni 505 - S. Paaluhi.
Moolelo e pili ana i ka luakini, ia S. Waiwaiole.
Ka haiao, ia J Waiamau ma Hagai. 2; 9.
Pule hoolaa, ia Paikuli - Himeni 601 a me ka pule hookuu, ia Kaapu.
S. PAALUHI
Ka nui o ka poe i kokua aloha mai no ka pilikia o ka Ekalesia o Kalihi a me Moanalua, i ka hale kahu ole - ma ka lima o ke komite.
MRS. POIPE.
C R Bihopa $5, J I Dowsers $2 C Brown, C Hapakini, A Fernandez, J Keau, Kaluna, pakahi dala lakou; Cash, Kamihana, S Kahele, Kaliko, Ane, Kahawaii, Kapela, Kapela liilii, Pa, Pa hapalua lakou; H Kahawinui, S H Oni, Bipikane, Kaoaka, Maalea, Keliii kanakaole, Keaihapuu, Kamai, pa hapapa lakou.
SULAN AWIHI, KOMITE.
Kalolou, Lilia Kamoa, Iosepa, Keohokalani, S H Meekapu, Kahuakai, S Puakalehua, J Kaalekauila, pakahi dala lakou; Kaihawai Mele Hale, J N Koahou, pa hapalua lakou; Laea Haula Ekekela, Keluke, Huluhulu, J G Makalii, J Kaikainahaole, Mikala Maile, Pakiko, Moeikauhane, pa hapaha lakou.
HOIKE HAPAHA O NA KULA SABATI O HAMAKUA, HAWAII.
Ua malamaia ka hoike hapaha o na Kula Sabati o Hamakua ma ka la 28 o Novemaba i hala e like me ke kauoha a ke Kahukula Sabati Nui W A Mio, a ma ia la hoike, ua uuku no na Kula i hiki mai, a ua kakaikahi wale no na haumana.
He elua no mahele o na hana i malamaia ma ia la, o ka mua, oia no ka malamaia ana o no hoomanao ana o ka la i kuokoa ai ko kakou aupuni, a o ka lua, ka hoike o na Kula Sabati o Hamakua. Ua weheia na hana o ka la me ke mele ana o ke anaina i ka himeni "Kai i ko Iesu inoa," a me ka pule a Kaaekuahiwi a nana no i haiolelo mai no ke kumumanao e pili ana i ke kuokoa o ke aupuni Hawaii. He mau manao maikai no kana i paipai nui mai ai i ke anaina a me ke kauoha pu mai e malama njui ka lahui Hawaii i ka pono, i mau ai ke kuokoa.
Mahope o laila ua mele hou mai ke anaina i ka himeni "A maopopo lea ia'u," a wehe is na hana no ka hoike kula Sabati. Ua kahea pakahi ia aku na Kula Sabati a ua hoikeia hoi na haawina ma ke ano kaahele a kaapuni.
Mahope iho o na hana hoike, ua ku mai o Kaalawamaka a hai mai i ka hoike a ke komite hoike i ke kula a me kekahi mau manao paipai, a na Kalaiwaa a me Mio he mau manao paipai a hoolana i ka manao o na haumana me na kumukula. Ua hoolaha aku ke Kahukuia nui e hele aku ana oia iloko o na Kula Sabati a ma ke ano e hoeueu aku ia lakou.
Ua malamaia no hoi he lulu dala e na kula Sabati a pau i hiki mai, a ua hiki aku ka huina i ka ewalu dala, a ua oluolu no hoi na Kula Sabati e haawi manawalea aku ia mau dala a pau no ke Kahukula Sabati Nui W A Mio.
Hookuuia na hana me ka himeni a me ka pule a W M Kalaiwaa.
S. B. KAALAWAMAKA.
Na Loaa iloko o ka Waihona o ka Papa Hawaii no Novemaba a me Dekemaba
1884.
NO KA WAIHONA KUWAHO.
Ek. Haole o Kohala $ 84 05
Ek. " " Kaukeano 121 60
Haiolelo mak. a S. Kaili 19 55
Ek o Waimea Hawaii 50.00
______
$275 20
NO KA WAIHONA KULOKO.
Ek. o Kaala Hawaii $ 10 00
Ek. o Maunahoano 10 00
Ek. o Paia Maui 25 20
_______
$ 45 20
NO KA WAIHONA OKOA.
Ek. o Hana, Maui $ 17 00
Ek. o Paia, Maui 20 00
Ek. o Honokohau 4 35
Ek. o Waihee Maui 30 00
Ek. o Wailuku " 32 35
Ek. o Kahakuloa 4 35
Ek. o Kapaliuka, Hawaii 15 00
_______
$123 05
NO NA BUKE HAWAII I KUAIIA MAI APERILA I A OKATOBA I, $ 740 67
NO NA BUKE KILIBATI.
Mai Nonouti mai $ 10 00
Mai Tapiteuea mai 25 53
_______
$ 35 53
HE MAU WAIMAKA WALOHIA.
I ko'u oiaio Mr. J Haole.
Me ka waimaka, ua lohe iho nei au ia Mrs. A. Smith ua hala a ua haalele mai kou mama i keia noho ana a ua hele aku la ma ka aoao mau o ka honua.
Ea ! Nani ko ka Haku lalau ana mai la i ka mea i makaukau, ka mea i ahonui, a hoomanawanui i ka auamo i na hana a kona Kahu, i na wa a pau.
"Pomaikai ka poe make, ke make iloko o ka Haku." "Aole, e mau ana ko kakou kulanakauhale ma keia ao."
Ke hoomanao mau nei au nona, oiai kakou e noho pu ana. "He mea manao nui ia imua o Iehova, ka make ana o kona poe kanaka."
Ke manaoio nei no au, eia'ku la o Mrs. H. Haole me kona Haku. Auwe ! Mehameha ka home "Hiilei." Auwe ! Noho koolua ole kuu oiaio.
A oiai eia oe e haawe ana i na aweawe a ke kaumaha, ke kumakena, a me ka walohia no ko kaua mama, ke komo aku nei au a me ko'u ohana, e lei pu me oe ia mau haawina.
A oiai na keiki o ka home "Hiilei," ua hooele ia e mama, ke waimaka pu nei au a me ko'u ohana me lakou a pau.
Ea ! E kuu oiaio, ano la, ua hea ia mai kakou i na wa a pau e ko kakou Haku. "Aole oukou i ike i ka la a me ka hora e hiki mai ke keiki a ke kanaka." "E kiai oukou me ka malama loa &c."
A oiai au e hooki ana i ka'u kakau ana, ke kukuli iho nei au, a ke pule nei ma kuu naau, e hoomama ia kou mau kaumaha a pau.
Aloha oe a nui loa, me na keiki makua ole. SAM. P. K. NAWAA.
Joisah Haole. Alohe oe:-
Ua puiwa ia maua no ka lono i loaa mai, no ka make ana o mama Hainakolo, a ua ni hoi ko maua uwe ana nona; me he la kona mau helehelena oluolu, a me kona leo lokomaikai e ku mai ana imua o maua. Ua hele o Hainakolo me ka manao'ana no ka pomaikai nui mao. Nolaila, aole i make o Hainakolo, aka, ua ola hou me Kristo, Ke Lei mai la i ka Lei olinolino mai ka Haku mai; a he aahu aiai kona e aahu mai la, ua maha, ua kuu ka luhi. Ua hoi i ka maha maluna'e. Aka, eia ma ko kakou aoao ka ehaeha, ua nui ko maua aloha nou; oiai, ua mehameha io oe, aole me oe kou kokoolua, ina e haha aku oe iaia, aole ia e loaa aku, a ina hoi oe e kahea aku, aole ia e o mai. Ua hala he makuahine no Wailuku; ua hoonele ia na makamaka i ke kamaaina ole. Ehia la iwaena o ko kakou mau anaina i like aku me Hainakolo.
E Josiah Haole, na Iehova i haawi iaia nau, a nana no i lawe aku la mai ia oe aku; a nana auanei e haawi mai ia oe i pani hakahaka nona. A e hoonani aku kaua i ke Akua. Na ka Haku e lawe aku i na kaumaha a pau mai ia oe aku, a mai ia kakou pu.
No maua iho. Ke komo pu aku nei maua me oe iloko o kou mau la o ke kaumaha a me ke kanikau ana. E haawi i ko maua aloha i ka kakou kaikamahine i hoonele ia i ka makuahine ole. JOHN KALAMA.
J. Haole. - Aloha oe.
Ua halawai mai au me kau leta, a ua nui ko'u ehaeha no kou mama i hala aku, oiai oia ko'u makua o ia ana, nana e hooponopono i ko makou noho ana, he ike i ka hoomalu ana i ka ohana; kakaikahi na wahine ma Hawaii nei i like ko lakou ano me kau wahine, a ke komo pu aku nei au ilolo o ka ehaeha me oe. Aloha ka makua o ka wahine, o ka wa opio, wahi a ka olelo; e hai i ke aloha ia Lahela i hoonele ia i ka mama ole, ke aloha aku nei kuu ohana ia oe. J. K. IOSEPA.
J. Haole Esq. - Aloha oe.
Ua loaa mai kau leta o ka la 8 iho nei o keia mahina, me ke aloha nui ke komo pu aku nei maua e upu me oe mamuli o ka haawina a ke Akua i kau mai ai maluna o kou koolua a hoapili o ko olua ola ana a me na hana karistiano ana i hooluolu aku la. E kuu hoa, e nana aku kaua ia Karisto a nana e hoomaha mai. Owau no me ke aloha. JOS. NAWAHI.
Mr. J. Haole. - Aloha oe.
Ua loaa mai kau leta walehia o Dek. 8, no ka hala ana o kou hoapili, aole ia he hoapili, aka, he makua ia nou oiai na la koo-u o ko kakou ola ana, a ke hoomanao ae nei au i ko'u kipa malihini ana aku ma ko olua home aloha, a ua nana au nona, e hoike mai ana he umauma palahalaha no ka hookipa ana i na malihini; ano ma ka lawe ana aku o ko kakou Haku iaia, ke komo pu aku nei au a me ko'u ohana iloko o na u ana no kou ehaeha, a ke noi ae nei au i ka mana lani e hoomama mai ia oe, oiai kou mau la nani o ke ola ana. Kou oiaio. S. N. KAAI.
Ia J. Haole. - Aloha oe.
Mamuli o ko maua ike ana i kau mau mea i hahai mai nei, no ka laweia ana aku o kou kokoolua e ka lokomaikai o ke Akua nolaila, ua ike maua i ka nui o kou kaumaha a me ka luuluu a walohia no ke kaawale ana'ku o kou makuahine aloha nui Hainakolo, a no ia mea, ke komo pu aku nei maua me oe i ke kanikau a me kekumakena pu e hoomama aku ana ia oe, a e lilo kou mau kaumaha a pau i mea mama iloko o Karisto, a nana e haawi hou mai i kokoolua kupono nou. He nui ke aloha o kana mau haumana iaia. A no ia mea, e hoonani hui aku kakou i ka Haku, a nanae hoomama i ka ehaeha o ka naau o kona poe kanaka. O kou pokii o ka hale hoonui ike.
J. M. KEALOHA.
Nuhou o ka Aina Haaheao.
Ua waiho iho nei ka makua Rev. E. Bond i kona noho kahu ana a noho kiai ana no ka ekalesia o Kohala nei mamuli o kekahi mau kumu maopopo ana i manao ai he wa kupono keia no ka waiho ana i keia oihana nui a hanohano o ke ao nei. Nolaila, ua pani ia iho ma kona wahi o S W Kekuewa o na aina e i hoi mai nei a makou e nohopu nei, a ma ka lokomaikai ni o ka Makua lania me ka lokahi pu ana o na hoahanau, pela oia i kohoia ai i makua hou no keia ekalesia. E hoomaka ana kona noho kahu ma ka la mua o keia makahiki ae.
Ua miki ia ae nei e ke keiki pniu S G. Waila na halekuai waiwai nui o Jas. Wight o Kohala nei, oia na halekuai o Halawa a me Puehuehu. Ke wawaia nei e hookuu hou ana ko Jas. Wight, kino hapauea a me kona noonoo pauaho ole i keia mea he huli waiwai ana, a ma kona manao e hoala a kukulu hou i hale wiliko hou nona ma kona mau ainui a palahalaha e waiho nei ma Kukuipahu, a me na aina e ae i lilo mai iaia ma ke kuai a me ka hoolimalima.
I keia mau la aku nei i hala i ko mai ai ka moku lawe paipu o ua hapauea la a hooleleia mai iuka nei o Honoipu; o keia na paipu e laweia mai ai ka wai o uka lilo mai o na Kohala nei a hiki ma kahi i manao ia ai e kukulu ka wiliko.
Ke lalapa nei ke ahi o ka rama iwaena o kekahi mau kanaka Hawaii ponoi maloko nei o keia mau apana, Hawi a me Honomakau, ke ili mau mai nei na pahu rama ma kela a me keia holo ana mai o Kinau, e loaa mai na pahu rama i hoailonaia me na hua kumu oiaio ole a ua hene iki ka lakou nei aka, no ka mea ua pau iho nei ka makai kiu kaulana W White, ka mea nana e nowelo aku pau na lua huna kuai rama.
Ke lawelawe nei ka hope makai nui J W Moanauli i ka oihana ma haki o W White i hoopauia. Maluna nae o ka mea i hoopauia ko makou mahalo piha ma o kona hoike ana iaia iho he kauwa hana pololei no ke aupuni. Me ka mahalo no. J H KELIINOKAHA.
Ke pahola nui la ka mai korela maluna o na koa o na aumoku kaua Farani e hoopuni la ia Formosa.
LEO PAIPAI.
I ka lehulehu a pau e lawe ana i ko kakou "Kilohana Pookela," ke kukala ia aku nei ka lohe imua o ka poe e uleu mua ana i ka hookaa ana i ke ola pepa, e hiki mai ana o "keaomelemele" i keia paemoku a me kana mau hana kupanaha. A e puka aku ana ka moolelo o ke kaikamahine kaelaela o ka lae ino o Kepohoni ma ka helu mua o ka mahina o Ianuari ae nei, nolaila, e awiwi mai ka pono, o haule i ka hope waa; na ka oioi mua no ka loaa, a he moolelo lu ole hoi ma ke ao nei.
MOSE MANU JR.
Ia oukou e na hoa'loha e noho ana mai ka la hiki a ka welona a ka la, aloha Hapenuia oukou a pau loa. Eia ke oili haaheo aku nei na helu hope loa o ke KILOHANA a ka lahui no keia makahiki, a ke hele aku nei nakou iloko o ka naele a laula o ka moolelo kaulana, Kahanuopaineki, nona na moeuhane pahaohao i pahola iho maluna o na kini hoiainau moolelo, ka nanea nani a lua ole no hoi nana i uneune na puuwai palupalu o na Ihuanu o na aupuni nui o Europa, a aole no hoi e nele ke hoii koi o na puuwai palupalu hooia laai o ua moolelo nei. Nolaila, ke kono aku nei au i ko oukou oluolu, e lawe nui i ka nupepa KUOKOA, ke nupepa e poino ole ai ka oukou mau dala, a e poho ole ai hoi oukou oiai ke kupinai mai na leo hoohalahala o kekahi poe i ke poho o ka lakou mau dala i na nupepa hou i haule iho nei, Ka La a me Ke Ola. Nolaila eia ka manawa kupono e lawe nui ai i keia pepa, oiai e puka mau aku ana oia me ka paa mau o kona manawa, a pela no hoi oukou e ike mau ai i ka eueu Kahanuopaineki me kana mau hana hoonaue puuwai, a nolaila, e kauoha koke mai i mau nupepa, a mai hoopanee o hala auanei ka manawa, oiai ua makaukau mau makou me na kaao nanea ke pau ae keia mau moolelo. P. W. EWALIKO.
Mea kakau moolelo.
HOALOHALOHA.
Ia Mrs. Meleana M. Alekanedero:
O makou o ko olua mau pokii ma ka uhane o ka pono, na Kahukula Sabati Nui, na Kumukula Sabati o na ekalesia, na Elele Kula Sabati o na Hono a Piilani i akoakoa ma ka halepule o Kaahumanu, ma Wailuku.
O ka ka Haku hana keia i oleoia ai ma ka Baibala, o Kona lawe ana i kana kauwa i ka lua me ke ohohina a me ka minamina, me ka pau pono ole o kana hana i ke ao nei, no ka manawa pokole loa, me ka maopopo ole o kona manawa keia.
Nolaila, ke komo pu aku nei makou, ko olua mau pokii, uew pu ana me oe, me ka naau ehaeha i hoopulu-pe ia iho me na waimaka o ke aloha makua, no ka mea, ua helepu ia e olua naaekai o na moana nui oka honua, a ua pili pu ia e olua na kuahiwi me na moanakai uliuli, no ka lawe ana i ka lamaku o ke ola a me ka noeau a me ka lanakila oi kelakela o keia lahui, no na pono kino, a me na pono uhane. Me keia mau hoalohaloha ana ia oe, ke uwe aku nei na keiki a pau o ka Aha Kula Sabati, ma o ko lakou komite la. E oluolu ia kou aloha e lawe aku i ko makou alohanui, no ka makua Alekanedero, ka oluolu a me ka lokomaikai. E ae aku kakou no ke aloha i ko ka Makua, ka Haku Iesu Karisto, i kona lawe ana aku i ka makua Alekanedero, a noho ma kona poli nani i hoomakaukauia no kona poe ponoi, a poe hoi ana i wae mai ai noloko o ko ke ao nei. O kona inoa ke hoonani ia ia ao aku, ia ao aku. Ua olelo ia ma ka Bailbala, Pomaikai ka poe make ke maki iloko o ka Haku. E hahai ana ka lakou hana mahope o lakou. O keia ka uwe hope loa ana a ka olua mau Kamaiki me ka walohia nui.
Me ke aloha
KOMITE. { JOHN. W. KAHUE.
{ J. HAOLE.
Malama ia ka la Hanauo ka Moi ma Keanae.
E KA "NUPEPA KUOKOA," Aloha oe:-
Ma ka la 17 o Novemaba nei. Ua hoomanao ia na hana hoalohaloha ana i ke Akua no koa malama ana i ke ola o ko kakou Moi.
Ua hoomaka ia na hana me ka Himeni, "Ke'lii Mana mau," a me ka pula a Moses Ulunahele, Himeni "Mele e," a pau ia, haiolelo mai o Rev. S. Kamakahiki no na mea e pili ana i ko kakou Moi, a me ko ke Akua aloha; mahope iho, ua kokua ia mai e Peter N. Kahokuoluna. Himeni, "Ko makou Makua," a mahope iho; ua haiolelo mai o John Kumauu, V. N. Kahea, Jame P. Sunder a me M. K. Makaena; pau ia, Himeni, "Iesu ka Moku," pau ia, haiolelo mai o J. Kuluhiwa, D. W. Napihaa, a me ka pule a ka Haku i pualu pu ia e na keiki; no ke ola o kaMoi. Pau ia, Himeni, "Inoa maikai," a mahope iho he haiolelo na Mr. J. K. Kawaiaea. Himeni hookuu ia Rev.S. Kamakahiki.
O ka pau ana ia o na hana o keia la. He nui no na makaainana i hui pu mai ma keia hana ma ka luakini o Keanae nei ma ia la, me ka manaolana maikai. "E ola ka Moi David Kalakaua i keAkua." Aloha no.
P. N. KAHOKUOLUNA, }
D. W. NAPIHAA, } Komite
J. K. KAWAIAHA, }
Hoomakeaka.
Mahope ihoo na luana maikai ana o kekahi ohana maloko o ka rumi hookipa i kekahi po, ua ku like ae la lakoua pau iluna a haawi na muki lehelehe me na huaolelo aloha o ka 'maikai po,' oia ke (good-night) ma ka pakake ana, a ia manawa i hoi aku ai keia a me keia o laku no kahi moe no ka hooluolu ana.
Aia he elua mau keiki e moe ana ma ka moe hookahi, he mua a me ka muli. Hoi aku la laua no kahi moe me na hiona hauoli o ka manaolana no ka loaa mai o na makana ia laua maka la Karikimaka, oiai o na kukai olelo ana ia mawaena o lakou maloko o ka rumi iloko o na hora a lakou e luana ana; pane aku la ka muli i kona mua : Ea, ua maopopo anei ia oe ke ano o kela kii o ke kanaka elemakule a papa i hoikeike ae ai ia oe, e hele ana iloko o ka nahelehele, me ka huhui o kanaka liilii e hoolewalewaia ana, o kekahi poe iloko o ke kaa ahi, a o kahi hoi iloko o ka hale?
Ae, ua hoomaopopo no au, a no kuu makau loa i kona ano, nolaila aole au i nana pono loa ma kona mau maka, aka huli ko'u mau maka ilalo a ike iho la i kekahi mau kanaka liilii iloko o kona mau kamaa buti nui, o na wawae wale no ka'u e ike, no ka mea aia na poo a pau iloko o ke kamaa, a o na wawae wale no ke manamana ana iwaho.
Aole loa pela, wahi a kona muli, ma ka'u hoomaopopo aku, he koko kela e ulaula ana ma kona mau lehelehe a hapala loa ae ma kona ihu. He koko paha no kela poe kanaka liilii. Manao au ua pau loa kela poe i ka make, no ka mea, ua ike au i kekahi poe kanaka ua haihai na wawae, ua muumuu hoi na lima, a e waiho wale mai ana no hoi ke kino o kekahi poe aohe lole, - O ! ua hoomanao ae la aui kekahi mea i haiia mai ia'u. Heaha ia ? wahi a kekahi.
"O kela elmakule, oia no ka mea nana e holoi ka makahiki make me na pakaua, a ua manao au o kamalii no kela e himeni hele ana i kauhale i ka po e lele loa ai ka hanu o ua makahiki la, no ka mea, ua ike aku nei he huhui pila kekahi e paa ana, hegita he vaioline, banajo, a nui loa.
Ina pela he oiaio ia, no ka mea, ua ike au ma kekahi kii e puka ae ana ua elemakule la mailoko ae o ka puka-uwahi. Iloko paha o ke kapuahi kahi i koala ai a mo'a, no ka mea ua ike au i na kanaka liilii aohe lauoho, ua pau loa i ke ahi a aohe no hoi he lole.
I na opio e papa leo ana, lohe aku la laua i ka halulu o na kapuai wawae ma ko laua puka a komo mai la ko laua makuakane me ua mau kanaka liilii nei a hoakaka pono aku la i ko laua pohihihi, oiai ua lohe oia i ka laua mau kamailio. Haawi aku la oia i kona aloha Karikimaka ia laua, no kamea, o ka po ia o ka la Karikimaka.
Hoohialaai a Santa Claus.
Hu ka aka i kanakaliilii o ka la Karisimaka ma ke keena kudala o E. P. Adamu i ka po Poalua nei. Iluna no o ka lewa a haule i ka papahele, pau na wawae i ka muumuu - he la kanaka liilii ka hoi ia.
Ma ka mokuahi Lilinoe mai i ke kakahiaka Sabati nei ua lawe mai oia he poe paahao mai Niihau mai.
He wahi pauahi ma ke awawa o Pauoa i ka po Sabati nei, aka, ua pio koke no mamua o ke palahalaha loa ana
Ke liuliu la na moho heihei waapa, o kikane no ka hoopapa ana mai me ka moho hoehoe kaulana o Amerika, o Hanalana.
Ke hoohahani la no na pake i na puali koa Farani e noho la ma Tonakuina a ua waiho pu aku na pake i ka lakou mau koina no ia wahi.
Oiai ka moku kuna Malolo e huli hoi mai ana no Honolulu nei, ua haule aku la kekahi paele sela iloko o ke kai a nalowale loa, olai oia e hoao ana e pu-a i ka pea.
NA HOOLAHA KUMAU.
HALEPAI O THOS. G. THRUM
O KA NUPEPA
SATURDAY PRESS me KUOKOA
ALANUI KALEPA, HONOLULU
Malaila e palia ai na ano a pau o na
BUKE
HOIKE O NA KULA,
HOIKE A NA KOMITE,
NA HAAWINA KULA SABATI,
PAPA KUHIKUHI O NA ANO A PAU,
HOOLAHA NUNUI A LIILII,
BALOTA LIPINE PAPALE,
TIKETA WAHI LETA,
BILA PAI HAKAHEA-
HOOLAHA KUDALA
&c, &c, &c,
Iloko o ka wa pokole a me ka aukau haahea.
A ma ka halekuai o THOS. G. THRUM
me ALANUI PAPU, e loaa ai na @
Kalana kakau o na ano a pau,
Wahi Leta " " " " "
Inika " " " " "
Penikala " " " " "
Mea hoopipili, buke hoomanao,
Peni gula a me kumu gula,
Kii, a me na laau,
Buke kii o ka ohana,
Buke kii a na keiki,
Na mea paani a na keiki,
Kaa a na keiki,
Kaa huila lua o na opio.
A he Agena no ke ana lole pepa o na
Keiki a me na wahine
No ka hoailona ana i na lole me na inoa ponoi e hookoia na kauoha a pau no na papa inoa ke waihoia ma kela halekuai me ka uku pu o ka papa inoa i makemakeia. Uku no ka inoa hookahi me ka inika a me ka hulu, $1,50 ina ma ka papa inoa koleawe a ina ma ka papa inoa dala, $2.
THOS. G. THRUM
NU HOU ! NU HOU !
Na Waiwai Hou Loa !
NA PAIKINI O KEIA AU.
E Loaa no ma ka ha Halekuai a
DILLINGHAMA MA,
Ma Alanui Papu.
O@, na waiwa malalo iho nei:
Na Palau, Koa Hu@@palala, Kopala,
Piki, Oo, Koi, Koilipi, Na Hama-
@e Kamana o na ano a pau,
Na mea Hana a na Ka-
mana, Poe Hamo
Puna, na A@@
are a me
na mea
hana o ka
Poe Akeakamas
a pau. Pena Aila,
Vaniki a me na Palaki,
Pauda, Poka a me na Kukoe-
pele, Palaki Hamo Puna, Pulumi,
Pakeke, Kapu Holoi Lole a me na Papa
Holoi Lole, na Ipu@,
na Pa Palaia, na Ma
kau Lawaia, Na
Aho Lawaia o na
ano a pau, na Kaule
a na ano a pau, na
Paki, O, a me na
Puna, a he nui aku
no na mea i koe.
I KUPONO NO KA HOOHIWAHIWA ANA !
NA HALE
I hiki ole ia makou ke huai pau aku aka, na oukou no e hele mai a e hoonuuiho. O keia maluna ae, e loaa no ma ka halekuai o
Dilinahama Ma,
@13@ 3@ Mai ke helu 37, Alanui Papa,
NA HOOLAHA KUMAU,
W O. SWMITH.
LOIO, LOIO, LOIO.
KEENA HANA Helu 36 ahanui Kalepa@
tf.
W A. KINI.
LOIO, LOIO, LOIO.
KEENA HANA: Hela 15 Alanui Ka@@ manu, Honolulu
W R. KAKELA.
LOIO A HE KOKUA MA KE KANAWAI
He Luna Hooiaio Palapala
tf.
A ROSA. (AKONI.)
LOIO A HE KOKUA MA KE KANAWAI
He luna Hooiaio Palapala.
tf.
S B. DOLE
LOIO, LOIO, LOIO.
He Luna Hooiaio Palapala.
KEENA HANA: Ma Alanui Kaahumanu
tf.
CECIL BROWN.
LOIO A HE KOKUA MA KE KANAWAI
A he Agena Hooiaio Palapala no ka @@@
kupuni o Oahu
KEENA HANA: Helu 8 alanui Kaahuma@@
tf.
JAMES M. MONSARRAT. (MAUNAKEA.)
LOIO A HE KOKUA MA KE KANAWAI
He Luna Hooiaio Palapala.
KEENA HANA: alanui Kalepa.
RICHARD F. BI@@@@@ (PEKEK@@@)
LOIO A HE KOKUA MA KE KANAWAI
KEENA HANA: Helu 27 alanui Kalepa.
tf.
S N. EMERSON, (EMEKONA)
LUNA Hooiaio Palapala Kepa @@@ no ka apana o Waialua, Oahu @@ no ka Hooiaio ana i na Palapala @@ mokupuni o Oahu.
Ua makaukau no hoi ola @ ANA @@ ma na wahi a pau i makemake@@
Waialua, Oahu, Nov. 10, '83. @@@
WILLIAM AULD.
Luna Hooiaie Palapala Kepa Kepa @@@@ no ka Apana o Kona.
KEENA HANA: Ma ke Keena W@@ Honolulu.
S H. MEEKAPU.
Tela humuhumu lole.
HALE HANA: Helu 11 aianui Nue@@
C. BREWER & CO. (BURUA MA.)
Ua makemake ia ka poe mea ILI @@MALOLO a me na ILI BIRI a pela @@ na ILI MIKO o na ano a pau, e kuai @@ lakou mau ILI me makou, a e haawi @ @ kou i ke KUMUKUAI KIEKIE LOA @ kakou Makeke.
JNO. M. KEALOHA.
LUNA HOOIAIO PALAPALA KEPA P@@no ka apana o Kawaihau, Kauai. @ Agena no ka Hooiaio ana i na Palapala no ka apana o Kawaihau, Kauai. @ Komisina Palena Aina no ka @@@ Kawaihau, Kauai, a he luna @@ Mare no ka Pae Aina holookoa.
1103-1yr.
DILLINGHAM & CO.
Mau Mea Kuai Lako H@@
Alanui Papu, Honolulu
FRANK PAHIA.
ANA AINA! ANA AINA !!
KEENA HANA: Aia ma alanui Moi @@ ke loa i ka Uwapo o Hooliliamanu.
C C. COLEMAN.
Amara a he mea hana M@@
Kapili Kapuai hao H@.
A ME KA
Hana Kaa Lio ana, etc.
Hale Hana ma Alanui Alii.
905-tf E KOKOKE LA I KE A@@@
PAPA! PAPA!
AIA MA KAHI O
LEWERS & COOKE
(O LUI MA)
ma ke kahua kahiko ma alanai Papa a me m@@
@ loaa ai na
papa nou aiki
o kela a me keia ano.
Na Pani Puka, Na Puka Aniani, Na Ole@@@
Na Pou, Na O-a, Na Papa Hele, Na Papa
Ku, A me na Papa Moe nui loa
Na Pili o na Hale o na Ano a Pau
Na Pepa Hoonani, Na Pena o na Wai e @
Na Kui mai ke Nui a ka Makalii, Na Ami
Puka, Na Ami Puka Aniani, Na Ami
o na ano a pau, Na Aila Pena, @
kela me keia ano Na Aila Hoomaloo, he lehulehu wale,
Na Aila e ae o na ano a pau.
NA WAI VANIKI
A ME NA
WAI HOOHINUHINU NANI
O NA ANO A PAU LOA.
NA BALAKI ANO NUI WALE
A ke hai ia aku nei ka lono i na Make@@
pau, ua makaukau keia mau Makemake
o oukou e hoolawa aku ma
na mea a pau e pili ana
ma ka laua oihana
no ka
UKU HAAHAA LOA.
E like me ka mea e holo ana m@ @@@
LAUA a me ka MEA KUAI.
E Hele mai ! E na Makamak@@
lawa no hoi koo , makemaie
A ha ah@@ ana @@@@aikai.