Ka Nupepa Kuokoa, Volume XXIII, Number 50, 13 December 1884 — Pau ole ka Hoopunipuni [ARTICLE]

Pau ole ka Hoopunipuni

Eia ma Kapaka, Koolauloa nei, he { wahine, o Kaloa ka inoa, i mare ia Kalona kekahi kanaka kupono o keia aina a ua nohoia oia e ka uhane hoopnnipuni, ake wahahee nei oia imua o kekahi poe, a ke hele nei kekahi <nau kan«, wahine, a mc na keiki, i kona wahi ma ke ano he hoola mai no ka poe a pau i loaa i ka mai a me ka nawaliwaii, a o ka poe a pau i loaa me ia mau haawina, e hele aku 1 o na Ia a e lawe pu aku lakou i na makana, he awa a me ka omole kcniata, a i ka hana ana ua holo i Kapua—a eia ka mea apiki a'u i lohe mai ai, e noho mau ana kela akua o Wahineaua ka inoa iluna o Kaloa i na manawa a pau, i ka po a me ke ao, a ua loaa no hoi he mau keiki hookama na ua akua nei, oia o J Hale 0 Puheemiki a me L K Naone o Kaluanui, ka hope kumukula haole o Hauula mamua iho nei, a ua kapa aku oia 1 ka inoa o ua mau hanai nei ana o Waipuilani ]ohn Hale, me Lihau L K Naone, a ke wanana nei oia, e hoi mai ana kekahi hoola e ae, o Laka, he aikane nana, a hele loa ana oia aole hoi hou mai, a o keia Laka iho la kona hope, pela oia i olelo ai ma ka po o ka la i iho nei o keia mahina. Aka, aole ia i hooko i kana olelo, ke noho nei no ua lapuwale nui nei o ka wahahee, a he minamina nui ko'u no keia wahine ui maikai i ka lilo ma keia hana molowa a me ka palaualelo, aole' hoi o ia wale, o ke ao ole aku o kana kane e hoopau īa mau hana hoopunipunl He hoohalike no paha e hke me ke ano o ko lakou hoomana Moremona. Kaliuwaa.