Ka Nupepa Kuokoa, Volume XXIII, Number 50, 13 December 1884 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

No ka Makhiki,           82.00

No Eono Mahina,        1.00.

KUIKE KA BULA

 

Poaono            Dekemaba 13 1884.

 

Haawina Kuia Sabati.

            Helu @ Jan. 4, 1885. Kumuhana, Paulo ma T@oaoa. Pauku Baitala, Oih. 20; 2-16. KAAHELE ae la ia ma ia mau aina, a hooikaika aku la ia lakou me ka olelo nui, hele aku la I Helene.

            3 Noho iho la malaila ekolu malama a i kona kokoke ana e holo I Suria, hoohalua aku la na Iudaio iaia, nolaila, manao iho laia e hoi ma Makedonia aku.

            4 Hele pu aku la me ia a hiko I Asia o Sopatero, no Beroia, a me Arisetareko laua o Sekunedo no Tesalonike, a me Gaio laua o Timoteo no Derebe, a me Tukiko laua o Teropima no Asia.

            5 Hele mua aku la lakou nei, a ka kali  iho la ma Teroa no makou.

            6 A mahope iho o na la o ka berena hu ole, holo aku la makou mai Pilipi aku, poalima hiki aku makou I o lakou la ma Teroa, malaila makou I noho ai I na la ehiku.

            7 A I ka la mua o ka hebedoma, I ko na haumana akoakoa ana e wawahi I ka berena, kamailio mai la o Paulo ia lakou, ua makaukau hoi e holo ia kakahiaka ao. Hooloihi hoi I ka olelo ana a hiki I ke aumoe.

            8 Ua nui no hoi na kuku ma ke keena maluna, I kahi a makou I akoakoa ai.

            9 Noho iho la kekahi kanaka opiopio ma ka puka makani, o Eutuko kona inoa, ua kaumaha I ka hiamoe nui; a I ka Paulo kamailio loihi ana, pauhia iho la ia I ka hiamoe, a haule iho la ia ilalo, mai ke kolu o ka papa mai, a hapaiia ae la ia, ua make.

            10 Iho mai la o Paulo ilalo, moe iho la maluna ona, puliki aku la iaia, I mai la, Mai makau oukou, no ka mea, eia no kona ola maloko ona.

            11 Pii hou aku la ia, wawahi ae la I ka berena, ai iho la, kamailio loihi mai la, a wanaao ae, alaila, hele aku la ia.

            12 Lawe mai la lakou I ua kanaka opiopio la, ua ola, aole o kara mai ko lakou olioli.

            13 Hel@ mua aku la makou ma ka moku, a holo aku la I Aso, manao iho la malaila e hoee ia Paulo maloko, no ka mea, pela ia I kauoha mai ai, no kona makemake e hele wawae ilaila.

            14 A halawai mai la ia me makou ma Aso, hoee mai la makou iaia, a holo ma Mitulene.

            15 Holo aku la makou mailaila aku a ao ae hiki ma Kio, a ia la ae, hiji makou I Samo, a noho ma Terogulio; a ia la ae, hele mai makou a Mileto.

            16 Ua paa no ko Paulo manao, e holo ma Epeso ae, aole hoi e kali ma Asia, no ka mea, ua wikiwiki no ia, ina pono iaia ke hele I Ierusalema ma ka la Penetekota.

            Pauku Gula, A I ka la moa o ka hebedoma, I ko makou akoakoa ana e wawahi I ka berena, kamailio mai la o Paulo. Oih. 20; 7.

Poakahi, Oih. 19; 20—41.

Poalua, Oih. 20; 1—16.

Poakolu , Rom. 15; 25, 26. @ Cor. 8; 1—24.

Poaha, 2 Cor. 9; 1—15.

Poalima, 1 Cor. 16; 1—14.

Poaono 1 Cor. 10; 16—33.

Sabati, 1 Cor. 11; 20—34.

            Mele, “Makahiki Hou,” Hoku Ao Nani, p. 253.

            Pule hoomaikai I ke Akua no ka makahiki hou.

Na Ninau.

            Owai ke kulanakauhale kahi a Paulo I hele ai mamua? Oih. 19; 1. Heaha ke kumu o ka haunaele malaila? 19; 23—40.

            Ua maa anei o Paulo I ka hele anan ma na wahi hou e hana aku ai? No ke aha? Rom. 15. 20.

            Mai Epeso aku, ihea kona hele ana? Oih. 20. 1. Mahea na Ekalesia o Macedonia? Ma Pilipi a me Tesalonica.

            Owai ka mea ana I manao ai e loaa ana ma Teroa@ia? @ Cor. 2; 13. Mai Macedonia a I hea? p. 2

            Pehea ka loihi o ka noho ana ma Helene? p. 3. Owai na mea I hoouna eia I Macedonia? Oih. 19; 22.

            Ua hiki loa aku anei o Timoteo I Corineto? Mahea I noho aku ai o Eraseto? 1 Tim. 4; 20.

            Owai ka I hoouna hou ia? 2 Cor. 8; 16, 17. I ka haalele ana o Paulo ia Epeso, owai ka I hele pu ma ia? Tim.

            Mahea ka loaa ana o Tito iaia, I kona hoi ana mai, mai Corineto mai? 2 Cor. 7; 5,6.

            O ka episetole hea ka Paulo I kakau ia manawa? 2 Cor. Ma ka lima owai? 2 Cor. 8; 6. Owai pu me ia? 2 Cor. 8; 18. Nawai I wae ia laua no keia hana? p. 19.

            A pau ka noho ana ma Helene mahea kahi a Paulo I manao e holo aku ai? Oih. 19, 20. No ke aha? Rom. 15; 25, 26.

            Ia wai ko Paulo kakau ana ma Helene? Ko Roma. No ke aha kona haalele ana I kona manao e holo pololei I Suria?

            Owai ka poe hoohalua iaia? No ke aha? Mahea kona hele ana? Owai kona hoa hele? Luka.

            Owai I hele e mamua? NO hea o Sopateso? Mahea o Beroia? Owai no Tesalonica? Owai o lakou I hele pu me Paulo I Roma? Kol. 4; 10.

            Owai ka I hookopa ia Paulo I kahi wa? Rom. 16; 23. Heaha kana olelo no Tukiko? Ep. 6; 21. No hea o Teropima? Owai kona makuahine? 2 Tim. 1; 5. No hea o Teropima? Oih. 21; 29.

            Hele pu oia me Paulo I hea? Oih. 21; 17, 29; Mahea ke kali ana o ia poe no laua? p. 5.

            Mahea o Pilipi? Ma ka hikina o Macedonia. Nawai I hookopa ia Paulo ma Pilipi mamua? 16; 14. Na wai I kukulu I ka ekalesia malaila? Ua kokua anei ko Pilipi ia Paulo I kahi wa? Pilipi, 4; 16—18. 2; 25.

            Owai ka ahaaina I hoomanao ia iloko o ia mau la? p. 6.

            I nahea ka hookumu ia ana? Puk. 12; 26, 27, E kumu anei e hoomau ka malama ana I ka mohai ola, oiai ua hiki mai o Iesu, a u lilo oia I mohai no kanaka?

            Pehea ka Paulo I ko Korineto? 1 Cor. 5; 7, 8. Ehia la ma ka holo ana I Teroada? p. 6. Mahea ia wahi? Ma ke kai hea ka holo ana mai Pilipi aku a ilaila? Kai moku liilii. Heaha ka hihio a Paulo I ike ai I kona hele ana ilaila mamua? Oih. 16; 8—11.

            Ehia la o kona noho ana malaila I keia wa? I ka la hea ka akoakoa ana o na haumana e hoomana I ke Akua?

            Owai ka ahaaina I malama ia? Mai ka wa hea ka malama ana I ka la mua o ka hepedoma? Ua kapa I a la. Pehea ma Hoikeana? 1; 10.

            Nowai ke Sabati? Mar. 2; 27, 28. Owai ka Haku o ia la? Heaha ke kanawai o ia la? I ka wa hea ka hookumu ana I ka ahaaina a ka Haku? 1 Cor. 11; 23—26. Heaha ka mea hoomanao ma keia hana?

            Ua lawa anei ka hoomana ana o kela a me keia, I ka Haku ma kona home iho? Ua hui pinepine anei o Iesu me na haumana ma na hale halawai I ka la Sabati? Mat. 12; 19. Luk. 13; 10 Io. 20; 19, 26.

            Ua pono anei ka haalele wale ana I ka luakini, ke ole he kumu kupono?

O ka launa ana o ko ke Akua poe kanaka a haipule pu, he mea anei ia e mau ai ka pumehana o ke aloa iloko o ko lakou mau naau?

            Ina he uuku wale no kanaka launa mai anei o Iesu? Mat. 18; 20. A hea hoomaka ka hele ana I na halawai? I ka wa kamalii paha? Ua hiki anei I na mea a apu e hoomaopopo I keia olelo o ke ola? Isa 35; 8.

            Ia wai ka haiolelo ma keia haawina? p. 7.

            No ke aha kona hoomau ana a loihi ke kamailio ana? Mahea keia halawai ana? Ma ke aha ko ke Akua nana ana, I kahi I hui ai kona poe kanaka, I ke ano paha o lakou?

            He mea nui anei ka hai ana I ka euanelio? Heaha ia nu maikai? Ua paupauaho anei ia anaina? Ua pilikia anei kekahi ma keia haiolelo loihi ana? p. 9. Ua pono anei ka hiamoe wale ma ka halawai? Owai ka poe I pauhia I ka hiamoe I ka wa e kiai pu ana me Iesu?

Ua aha o Paulo I ka ike aha I ka pilikia o ua kanaka nei? Ua ola hou anei? p. 10.

            Ua hoomau o Paulo I ka haiolelo a hea? Mai Teroada a hea ko Paulo hele ana? Pehea ko Paulo hele ana? p. 13.

            Pehea na mea e ae? Ua imi anei o Paulo I kona pono iho ma ia hele ana? Pehea kana olelo ma Rom. 14; 7. Mahea ka hui ana me kona mau hoahele? p. 14.

            Alaila, holo lakou I hea? Aia mahea o Mitulene? Ma ka mokupuni o Lesbos ma ke komohana o Tureke. No ke aha ko Paulo kipa ole ma Epeso? p. 16.

            Paupauaho anei o Paulo I ka lawelawe ana I ka hana a ka Haku?

            Mele “Hamau e na hoa,” p. 122.

            Pule I holo imua na hana a ka Haku I keia makahiki hou.

 

KA MOOLELO O KA AHAHUI LUNAKAHIKO O NA MOKU O MAUI

 

LA HANA 1. Wailuku Nov. 5, 1884, hora 10. Halawai ka Ahahui Lunakahiko o Maui. Kohoia o Rev. J. K. Iosepa I lunahoomalu. Hoomaka ka Aha ma ka hoonani I ke Akua, me ka pule.

Hoomaopopoia na hoa o ka Aha.

Kihapai Kahu Lunakahiko.

1 Paia. Rev. Kuia

Haiku. “ Paaluhi Hao Kawaimaka

Huelo. “ Keaupuni.

Keanae.

Hana “Iosepa. Kauhini.

Waikapu. “ Kaili. Naonohilehua.

Wailuku.          J. Haole.

Waihee. “Nawahine Kanealii.

Honokohau.    B. Nakoaka.

Kaanapali. “Hihio.      Kaiaola.

Lahaina. “ Pali. Kamanonui.

Olowalu. “ Kamakahiki.

Kaluaaha. Reb. Man@@e. C. Kahai.

Halawa.           M. Kane.

            Rev. a. O. Polepe, Rev. W. P. Kahale, Rev. E Helekunihi, Rev. S. Kamakahiki, Rev. J. M. Alekanedero, E. Bele, na hoa mau. Kohoia Polepe Kahale, Pali, I komite I na hana a ka Aha.

1 Hapa hora haipule, ma ka mua o kela a me keia la hana.

2 Na hoike Kihapai.

3 Haiolelo a ka Luna Hoomalu mua.

4 Heluhelu Haawina.

5 Na palapala Hoopii.

6 Na Ekalesia kahu ole.

7 Na lulu Kuloko.

8 Na hana kuwaho.

9 Na hana hoomanao a keia Aha I ka makua Alexander.

10 Na Halawai a keia Aha ma keia mua aku.

11 Ka Oihana Luna Kahiko.

12 Ke ola o na Kahu.

13 Kula Kahunapule.

14 Hebedoma haipule, a I ka Poaha hope haipule no na kula.

15 Kahi e halawai ai keia Aha. A. O. Polepe, W. P. Kahale, A. Pahia, Komite. Aponoia.

            Lilo J.K. Kawaiea, Lutela I hoakuka.

            Kumuhana 2. na hoike Kihapai.

            Na Rev. Kuia, Rev. Paaluhi, Rev. Keaupuni, Rev. Iosepa, J. Haole, O. Nawahine, B. Nakoaka, Rev. J. K. Hihio, Reb. A. Pali, Rev. S. K. Kamakahiki, H. Manase, ke Kakauolelo I hoike mai no ka Kihapai.

            Noi mai o A. Pali, e lawe mai I ka hoike o Huelo, a me Kipahulu, e noonoo I ka wa o ke Kumuhana 6; a I ka hoike o Waihee, I ke Kumuhana 5. Hooholoia.

            Noi mai o Polepe, e lilo ka hora 7 ahiahi, ia wa haiolelo no ka Luna Hoomalu mua. Hooholoia.

            Noi ia mai e hoopanee keia halawai apopo hora 9, hoopanee me ka pule a W. P. Kahale.

 

            LA HANA 2. Noho hou mai ka Aha. Malamaia ka hapalua hora haipule. Heluheluia ka moolelo a ua aponoia. Ua waiho ia mai imua o ka Aha, he palapala hookuu ia Rev. J. M. Alexander mai kona noho ana, he hoa o ka Ahahui Lunakahiko o San Fransisco, a I ka Ahahui Lunakahiko o Maui, ma ke kuka ana, ua lilo o J. M. Alexander I hoa no keia Aha.

            Noi mai o W. P. Kahale, na ke Kakauolelo e pane aku I ka Aha I ko J. M. Alexander hopuia e keia Aha. Hooholoia.

            5. Na palapala Hoopii. Heluheluia ka palapala Hoopii o ka Ekalesia o Siloama, e noi mai ana I keia Aha, e haawi aku I $50,00 no ke ola Kahu o Reb. Hanaloa, a I $50,00 no ka pa Luakini; a I 3 Kahunapule e hele aku e hoolaa I ko lakou Luakini. Waiho ia I ke Komite, J. M. Alexander, H. Manase, a me Paaluhi.

            Waiho mai o Kahale he hoopii, a noi mai ana I ka Aha, e kokua keia Aha ia Rev. D. Puhi no kona ola; hooholoia, e waiho ma ka lima o ke Komite mua no. Waihoia mai ka hoike o Waihee, ma ke noi a ke Kahu o Waihee, e hookuu aku keia Aha iaia, mai kona noho Kau ana no ia Ekalesia. Waihoia ma ka lima o kekahi Komite. Rev. Kuia, Rev. Kamakahiki, Rev. Helekunihi.

            Waihoia mai he palapala kahea a ka Ekalesia o Koolau Maui, ia J. K. Kawaiaea, I haiolelo no lakou. Waiho ia I ke Komite, Polepe, Kahale, Keaupuni. Hoopanee ka Aha, a hui mai apopo hora 9, pule ka Luna Hoomalu.

            LA HANA 3. Halawai hou ka Aha. Malamaia ka hapalua hora haipule. Heluheluia ka moolelo, aponoia. Hoike a ke Komite mua o na palapala hoopii o Siloama a Kipahulu.

            1 E pono loa e noi aku keia Aha I ka Papa Hawaii e haawi ae I $50,00 ia Rev. J. Hanaloa Kahu o Siloama; a I $50,00 ia Rev. D. Puhi o Kipahulu, no ka makahiki 1885.

            2 He pono loa I keia Aha, e ae aku I ke noi a Siloama I dala no ko lakou Luakini, I $30,00 aole I $50,00, a e mahele ia no iwaena o na Ekalesia o keia Aha.

            3 He pono e ae aku keia Aha, e hele aku I 3 Kahu e hoolaa I ko lakou Luakini. J. M. Alexander, H. Manase, Paaluhi ke Komite, ua apono loa ia ka hoike.

            Kohoia o J. K. Hihio, P. Keaupuni a me M. Kane, I Komite nana e mahele pono I na dala he $30,00 e kokua ai I ka Luakini o Siloama,a ua hooholoia.

            Hoike a ke Komite no ka palapala kahea o ka Ekalesia o Keanae, ia J. K. Kawaiea I Kahu no lakou. Ua nana ko oukou Komite I keia palapala, ua maopopo loa kona oiaio, ua kupono I na loina o ka Buke Lawelima. A ua mahalo pu@ ka Ekalesia o Keanae, a ke apono nei makou I ko lakou kahea ana ia J. K. Kawaiea, I Kahu no lakou, no ka oihana laa a ka Haku.

            1 E ninaninau ka Aha ia J. K. Kawaiea no kona makaukau ma na mea o ka Baibala, ma na hana haipule; a me na hana hoopono Ekalesia; a ina ua a pono keia Aha; alaila, e haawi ia no ka palapala haiolelo no na mahina 6. a halawai hou mai ka Aha.

            2 E noho haiolelo oia malalo o keia Aha, no ka Ekalesia o Keanae, no keia mau malama I oleloia malua e: a na ua Ekalesia la e hanai, a malama pono iaia a hiki I ka halawai hou ana o keia Aha.

            3 O ka palapala kahea Kahu I waiho ia mai nei, e waiho ia ka hooholo loa a hiki I ka halawai hou ana o ka Aha, a ina ua ike ia he pono, alaila, e hooiaio loa ia keia palapala kahea, a e hookoloa ia e ka Aha. Polepe, Kahale, Keaupuni, ke Komite.

            Noi mai o Polepe, e ninaninau ia o J. K. Kawaiea mahope iho o ke awakea. Hooholoia.

            Hoike a ke Komite hookuu I ke Kahu o Waihee, mai ka noho Kahu Ekalesia ana no Waihee. Ua nana pono no ko oukou Komite, a ua ike no, oiai, ua noi pinepine mai oia I keia Aha, e hookuu aku iaia, a ke noi hou mai nei no, o ke kumu no kona mai no ma ke kino. Nolaila, ke ae nei makou, he pono e hookuu keia Aha iaia.

            Noi mai o Pali, e lawe keia Aha I ka hoike a noonoo hou: ua ae ia e noonoo. A ua kohoia I Komite e hele pu e kuka me ka Ekalesia o Waihee. A. Pali. J. K. Hihio, a me S. K. Kamakahiki, ke Komite.

            Hoike a ke Komite mahele o na dala o na Ekalesia, o ka Luakini o Siloama, he $30,00. No Paia $1,00. No Haiku $1,00 Huelo $1,00 Keanae $1,00 Hana $3,00 Kipahulu $1,00 Kaupo $1,00 Honuaula $1,00 Waikapu $2,00 Wailuku $3,00 Waihee $3,00 Honokohau $1,00 Kaanapali $2,00 Lahaina $3,00 Olowalu $1,00 Kaluaha $2,00 Halawa $2,00 Pelekunu a me Wailau $1,00. Kuka ka Aha I ka palapala noi a Rev. Helekunihi, e noi mai ana I keia mau hua e kau nei maluna ona, (Rev’d) e hoopau loa, no na kumu, 1. He oihana loio maopopo. 2. He oihana hope Lunakanawai. Ma ka noonoo ana o ka Aha, ua hooholo lakou e hoopau loa I ko Helekunihi Kahunapule ana, me ke aloa nui loa iaia, aole oia he Kahunapule ma keia hope aku.

            Waiho mai o Rev. P. Keaupuni he palapala hoopii, e noi mai ana I ka Aha e hookuu aku iaia, mai kona noho Kahu ana no ka Ekalesia o Huelo. Ua noonoo nui ka Aha no keia: a ua hooholo e koho ia O. Nawahine a me A. Pali, I Komite e hele aku e hui pu me ka Ekalesia, a me ke Kahu pu.

            Kumuhana 4, heluhelu haawina. Na Hihio I heluhelu I kona haawina. Ina e okiia kekahi hoahanau mai ka Ekalesia aku no kona hewa, a mihi io mai oia: pono anei e hoihoi hou mai iaia? Wahi a@@ Ae. Rev. S. K. Kamakahiji I kana. Ua make anei ke keiki I ka hewa o ka makua? Wahi ana. Ae.

            Hoomaha ka Aha a hui hou mai hora I me ka hapalua, me ka pule a H. Manase.

            Noho hou mai ka Aha, e like me ka hoomaha ana, hora I me ka hapalua. Ninaninau ia o J. K. Kawaiea I kona makaukau no oihana hoiolelo. Ia N. P. Kahale ka ninau ana; ma ke ano haipule, a me kumu makemake. Ia Rev. Pali, e ninau I na oihana hooponopono Ekalesia. Ia Rev. J. M. Alexander ka moolelo o ka Baipala, a moolelo Ekalesia. Ia A. O. Polepe ko ke Akua ano; pau ka ninau ana, hele iwaho ka haiolelo. Hooholo ka Aha e haawi I palapala haiolelo ia Kawaiea no na mahina eono, a hui hou ka Aha, hoi ka haiolelo iloko. Ao aku ka Luna Hoomalu iaia, e like me na rula o ka Buke lawelima.

            Hoopanee ka Aha apopo hora 9. me ka pule a Polepe.

            LA HANA 4. Halawai hou ka Aha hora 9. Malamaia hapalua hora haipule. Heluhelu Ia ka moolelo, aopnoia

            Kumuhana 6. Na Kihapai Kahu ole. Waiho mai o Polepe he olelo hooholo. Hooholoia. E lilo. o Rev. Iosepa I mea malama ia Kaupo, Rev. Kaili no Honuaula, Rev. Hihio no Honokohau, Rev. Kuia no Haiku a hiji I ka halawai hou ana o keia Aha.

            Na J. M. Alexander he olelo hooholo. Hooholoia. E noho o Rev. Z. S. K. Paaluhi I Kahu Ku-i-ka-wa, no ka Ekalesia o Wailuku, a hiki I ka wa e loaa ai ke Kahu noho paa no ia Ekalesia.

            Kumuhana 7. Na kokua kuloko. He olelo hooholo. Hooholoia. Ke paipai nei keia Aha I na Kahu Ekalesia, e wehewehe pono aku lakou I na hana kuloko, I manao ia no ke kokua imua o ko lakou mau Ekalesia; a e hooikaika aku I na lulu no keia waihona.

            Kumuhana 8. Hoike nui mai ke kakau leta no keia.

            Kumuhana 9. Na hana hoomanao a ka Aha I ka makua Alexander. Waihoia I ke Komite.

            Waiho mai o Polepe he olelo hooholo E malama keia Aha I halawai anaina haiolelo, no ka hoomanao ana I ka makua Alexandero I hala, ma ka Luakini Kaahumanyu ma Wailuku I ke Sabati ae nei, hora 11 kakahiaka, a e kono I a mai Waikapu a Waihee, e hui pu no keia hana. Ua hookoia iho nei me ka walohia.

            Kumuhana 10. Na halawai ana o keia Aha. Hoomauia ae.

            Kumuhana 11. Oihana I unakahiko. Wehewehe nui ia.

            Hoomaha ka Aha a hui hou hor 2. Pule o Rev. Kamahiki.

            Noho hou ka Aha hora 2. Na Kuia I pule.

            Kumuhana 12. Ke ola o na Kahu. Waiho ia I ke Komite hoeueu o na Ekalesia.

            Kumuhana 13. No ke Kula Kahunapule. Ua nele na Ekalesia o keia Aha, o Waihee wale no ka mea I loaa, oia o John Kalino me kana wahine.

            Kumuhana 14. Hebedoma haipule. O ka hebedoma mua o Ianuari I wa haipule no na hana e haawi ia mai ai, a o ka Poaha hope, I la haipule no na kula a pau.

            Hui keia Aha ma ka Luakini Kaahumanu, Wailuku I ka Poalua maua o Mei, hora to M. H. 1885.

            E hookomo ia ka moolelo o keia Aha I ka Nupepa KUOKOA. Hooholoia.

            Hookuu ana I ka halawai me ka himeni 598, a pule hookuu ia Rev. A. O. Polepe.   NAWAHINE. Kakauolelo o ka A. h. Lunakahiko, Maui.

 

HE WAIMAKA WALOHIA

Honolulu Dec. 1, 1884.

            I kuu hoa’loha oiao, a makua o maua me a’u mau keiki, a kaikuaana ponoi iloko o ka Haku Iesu.

E Josiah Haole e!

            Auwe hoi kaua e!! Auwe kuu mea minamina hoi e!!!

            Ke uwe kanikau nei maua, me ka kaua wahine, no kuu mama Hainakolo I hala aku ma kela aoao o Ioredane.

Auwe kaua e!

            Hemahema ka hale I noho ia e ka makaukau, a hemahema oe e kuu Josiah, ua hele ka mea e pumehana ai ko kaua noho’na.

Auwe hoi e!

            Hemahema ka rumi aina, aole kuu Hainakolo aloha, hemahema ka hale kuku, ua hele loa kuu Hainakolo, hemahema ka rumi hookipa, aole na lima noeau o kuu Hainakolo, hemahema na rumi moe, ua haalele iho o Hainakolo ka lima hana molowa ole I ka hana hemahema ka ipuka o ka hale me na malapua I na lima hana o ka Lede I anoi I ka pono o ka home, hemahema na lio me na kaa, aole kahu oia mau waiwai, hemahema o Lahela ka Lei hemo ole a Hainakolo, hemahema na opiopio wahine, aole ka leo o ka makua. Mehameha o Kaahumanu, aole o Hainakolo me kona mau hiohiona makuahine, mehameha na alanui o Wailuku I ka hehi ia e na kapuai o kuu Hainakolo, mehameha ke Kaha o Makawela I ka holo ia e kuu Hainakolo aloha.

Auwe hoi kaua e!

            Hemahema kaua la, aole ke kiai, hemahema na malihini kopa ae, aole ke kamaaina heahea o ka hale.

Auwe hoi kaua e!

            Ke hui pu nei makou me mama Lilia, ka kaua keiki Henry I ka u, paumako ana me oe, a na ka Haku o na Haku e hoomaha mai ia kakou.

            Eia maua ke uwe ku-o aku nei ma keia aoao o ke kai o Pailolo no ka kaua wahine aloha nui. Auwe hoi oe e Lahela e, kuu keiki aloha nui e, aloha ino o mama. Me olua ko maua u pu ana D. KEAWEMAHI

 

Ma Kiphulu, Maui, ua pau iho la ka hale o Makahio I ke ahi, no ka ino a ona I ka la pule, he puhi rama no hoi kekahi hana ana ma na Sabati a pau.

 

CHAS H PULAA

HE LOIO A HE KOKUA MA KE KANAWAI

A e loaa no au ma Honomakau, Kohala Akau, Hawaii.         2001-tf.

 

JOHN MAHIAI KANEAKUA

LOIO A HE KOKUA MA KE KANAWAI MA NA AHA HOOKOLOKOLO A PAU O KEIA AUPUNI.

Keena Hana me Hon@ E. Preston (Iolo Peekane) ma Alanui Kaahumanu, Honolulu1

 

J. P. HANAAUMOE.

He Loio a he Kokua ma ke Kanawai ma na Aha Hoomalu a A pana o keia Aupuni.

E loaa no au ina Puna, Hawaii

 

OLELO HOOLAHA: --E ike aunei na kanaka a pau, o maua o na mea nona na inoa malalo nei, ke hookohu aku nei maua ia KEKUAKOA I Luna nana e malama I ke Kai Lawaia o ELE, ma ke alo o Leahi, a meia ka hooponopono ana me na poe lawaia a pau oia Kaha, mai ka la I aku nei o NOVEMABA, 1884.

D. MANAKU.

MRS . M. MOANAULI.

            Na Luna Hooponopono Waiwai o J. Moanauli.

            Honolulu, Oct. 31, 1884         1197-1m.

 

OLELO HOOLAHA: --E ike auanei na mea a pau ma keia, owau o ka mea nona ka inoa malalo iho, ke hookapu aku nei au I na holoholona Lio, Bipi, Kao, Hoki, Miula, aole e hele wale maluna o kuu aina e waiho la ma Palama, Waikapu, Maui; a ke hookohu aku nei au ia Mr. Kuahui, I Luna nana e hopu I na holoholona e hele wale ana maluna o ua aina la a oia no ka mana ma na mea a pau ma ke kanawai.

WM. K. HAKALAAU.

Aala, Honolulu, Nov. 6 1884.

1197-2m

 

NA HOOLAHA KUMAU

 

HALEPAI O THOS. G. THRUM

O KA NUPEPA

SATURDAY PRESS KUOKOA

ALANUI KALEPA, HONOLULU

Malaila e pa@ia ai na ano a pau o na

BUKE,

HOIKE O NA KULA,

HOIKE A NA KOMITE

NA HAAWINA KULA SABATI,

PAPA KUHIKUHI O NA ANO A PAU,

HOOLAHA NUNUI A LIILII,

BALOTA, LIPINE PAPALE,

TIKETA, WAHI LETA,

BILA PAI HAKAHKA

HOOLAHA KUDALA,

Iloko o ka wa pokole a me ka auhau haahaa.

A ma ka halekuai o THOS. G. THRUM ma ALANUI PAPU, e loaa ai na

Kalana kakau o na ano a pau,

Wahi Leta  “  “  “

Inika  “  “  “

Penikala  “  “  “

Mea Hoopipili, buke hoomanao,

Peni gula a me kumu gula,

Kii, a me na laau,

Buke kii o ka ohana,

Buke kii a na keiki,

Na mea paani a na keiki,

Kaa a na keiki,

Kaa huila lua o na opio.

A he Agena no ke ana lole p@pa o na Keiki a me na wahine

            No ka hoailona ana I na lole me na inoa ponoi e hookoia na kauoha a pau no na papa inoa ke waihoia ma keia halekuai ma ka uku pu o ka papa inoa I makemakela. Uku no ka inoa hookahi me ka inika a me ka hulu, $1,50 ina ma ka papa inoa keleawe, a ina ma ka papa inoa dala, $2.

            O na kauoha pau mai na mokupuni e hookoia ina e hoouna pu ia mai me ke dala a me ka moakaka pono o na hoakaka ana.

THOS. G. THRUM

 

NU HOU! NU HOU!

Na Waiwai Hou Loa!

NA PAIKINI O KEIA AU.

E loaa no ma ka hu Hulekuai o

DILLINGHAMA MA,

Ma Alanui Papu.

Oia na waiwa malalo iho nei:

Na Palau, Kaa Huliapalala, Kopala,

            Piki, Oo, Koi, Kuilipi, Na Hama re Kamana o na ano a pau, Na mea Hana a na Kamana, Poe Hamo Puna, na Amera a me na mea hana o ka Poe Akoakamas @ pau. Pena Aila, Vaniks a me na Palaki, Pauda, Poka a me na Kukaepele, Palaki Hamo Puna, Pulumi, Pakoke, Kapu Holoi Lole a me na Papa

            Holoi Lole na Iputi, na Pa Palai, na Ma kau Lawaia, Na Aho Lawaia o na ano a pau, na Kaula na ano a pau, na Paki, O, a me na Puma, a he @@i aku no na mea I koe.

I KUPONO NO KA HOOHIWAHIWA ANA I NA HALE

I hiki ole ia makou ke huai pau aku aka, na oukou no e hele mai a e hoonuuiho. O keia maluna ae, e loaa no ma kahalekuai o

Dilinahama Ma,

 

NA HOOLAHA KUMAU

 

W. O. SMITH

LOIO, LOIO, LOIO

KEENA HANA Helu 36 alanui Ka l@@@ tf.

 

W. A. KINI

LOIO, LOIO, LOIO

KEENA HANA: Helu 15 Alanui K@@manu, Honolulu.

 

W. R. KAKELA.

LOIO A HE KOKUA MA KE KAN@

He Luna Hoolaio Palapala. tf.

 

A ROSA (AKONI.)

LOIO A HE KOKUA MA KE K@@@

He Luna Heelalo Palapala

KEENA HANA: Ma Ke Keena L@@o K@@ tf.

 

S. B. DOLE.

LOIO, LOIO, LOIO

He Luna H@@lalo Palapala

KEENA HANA: Ma Alanui Kaahumanu tf.

 

CECIL BROWN.

LOIO A HE KOKUA MA KE KAN@@

A he Aguna Hoolalo Palapala no ka @@ kupuni o Oahu

KEENA HANA: Helu S@alanui Kaahumanu tf.

 

JAMES M. MONSARRAI. (MAUNAKEA.)

LOIO A HE KOKUA MA KE KA@@

He Luna Hoolalo Palapala

KEENA HANA: alanui Kalepa

 

RICHARD F. BICKER@ON (PEKEKON@)

LOIO A HE KOKUA MA KA KA@@

KEENA HANA: Helu 27 alanui Kalepa tf.

 

S. N. EMERSON, (EMEKONA)

            LUNA Hoolalo Palapala Kepa P@@ no ka apana o Waialua, Oahu. A@@ no ka Hoolalo ana I na Palapala @@ mokupuni o Oahu.

            Ua makaukau no hoi ola o ANA A@ ma na wahi a pau I m@kem@k@@@

Waialua, Oahu, Nov. 10 ‘83

 

WILLIAM AULD.

Luna Hoolalo Palapala Kepa Pa@@@ no ha Apana o Kona.

KEENA HANA: Ma ke Keena W@@@ nolulu.

 

S. H. MEEKAPU.

Tela humuhumu lole.

HALE HANA: Helu 11 alanui N@@@@@

 

C BREWER & CO. (BURUA @@)

            Ua makemake ia ka poe mea ILI @@@@@ MALOO a me na ILI BIBI, a pela @@@@ na ILI MIKO o na ano a pau e kuai mai I @@ lakou mau ILI me makou, a e haawi no @@@ kou I ke KUMUKUAI KIEKIE LOA @@@ kakou Makeke.

 

J. NO. M. KEALOA.

            LUNA Hoolalo Palapala Kepa P@@@@ no ka apana o Kawaihae, Kauai @@ Agena no ka Hoolalo ana I na Palapala no ka apana o Kawaihae, Kauai @@@@@ Komisina Palena Aina no ka apana @@@ Kawaihae, Kauai, a he @@@@@@@@@ Mare no ka Pae Aina hol@okoa 1163-1yr.

 

DILLINGHAM & CO

Mau Mea Kuai Lako H@@@

Alanui Papu, Honolulu @@@

 

FRANK PAHIA.

ANA AINA! ANA AINA!@@@

KEENA HANA: Ala ma alanui M@@@@@@@ ke loa I ka Uwapo o Hooliliam@n@

 

C. C. COLEMAN

Amara a he mea hana Meki@@@

Kupili Kapuai hao lio.

A ME KA Hana Kaa Lio ana, etc.

Hale Hana ma Alanui Alii,

 

PAPA! PAPA!

AIA MA KAHI O

LEWERS & COOKE

(O LUI MA)

ma ke kahua kahiko ma alanui Papu a @@ Ma

E loaa ai na

PAPA NOUAIKI

o kela a me keia ano

Na Pani Puka, Na Puka Aniani, Na O@@peip@@, Na Pou, Na O@a, Na Papa Hele, Na Papa Ku, A me na Papa Moe nui loa

Na Pili o na Hale o na Ano a P@@@@

Na Pepa Hoonani, Na Pena o na Wai e p@@@, Na Kui mai ke Nui a ka Makalii, Na A@@ Puka, Na Ami Puka Aniani, Na Ami o na ano a pau, Na Aila Pena, o kela me keia ano Na Aila Pena, o kela me keia ano Na Aila No@maloo, he lehulehu wale, Na Aila e ae o na ano a pau.

NA WAI VANIKI a me na WAI HOOHINUHINU NANI@@@

O NA ANO A PAU LOA.

NA BALAKI ANO NUI WALE.

A ke hai ia aku nei ka lono I na Makamaka @@ pau, @e makaukau keia ma Makemkake o oukou e hoolawa aku ma na mea a pau e pili ana ma ka laua oihana

No Ka UKU HAAHAA LOA.

E like me ka mea e holo ana maw@@@@ @@ LAUA a me ka MEA KUAI.

E Hele mai! E na Makemake lawa no hoi ko@ @ makemake A ke oluolu ame @aikai