Ka Nupepa Kuokoa, Volume XXIII, Number 48, 29 November 1884 — Make i aloha nui ia. [ARTICLE]

Make i aloha nui ia.

I ka la 7 o keia mahina, oia ka Poalima i hala, ua kokoke mai la na lima menemene ole o ka make, e lawe aku i ke ola o ka mea i aloha nui ia, oia hoi o H. Kanoonoo, oiai hoi oia e waiho loihi ana ina hoomailo ana aka mai maluna iho o kona kinoj a me ke kaumaha nui i kona hoapili he wahine, e hoomanawanui ana i na pihkia o ke kane a me kona ohana no hoi a pau loa. A iloko o keia mau hoomanawanui ana me ka manao ia hoi o ke ahona, e hookaawale ia ae la hoi na hoomailo ana o ka mai maluna o kona kino, eia ka auanei aole pela ka manao o ke Akua Mana Loa, ka Mea nana i hana i ke kanaka. A oia kana i olelo mai ai, "nana no e haawi mai, a nana no e lawe aku; a, he wahi hoi ko na mea a pau."

Oiai hoi e hele aku ana i na hora o ke aumoe o ka la i olelo ia ae la maluna, oia ka hora 10.5 minute, ia wa i hookokoke loa mai ai ka Mea Mana i kona mau lima maluna iho o kana kauwa H. Kanoonoo, a o kona Wa hope loa ia i hui pu iho ai me kona hoapili he wahine, a he mau keiki a mau moopuna, a me ka ohana no a pau, a i kona mau sekona hope loa, a lele loa ae la kono hanu; haawi mai la ia i kona aloha ika ohana, a mahope iho oia wa pau loa ae la pane ana. O ka mea i make i oleloia, ua hanau ia oia ma Honuaula, Maui, March 4, 1824, a hooluolu aku la kona kino ma ke kae o ka luakupapau i ka la 7 o Novemaba nei, 1884,' He hoahanau oiaio oia no ka £kalesia o Honuaula, Mauai, aka, i kona haalele ana aku i ka aina hanau a noho mai i ka aina malihini, ua mau no ke kau ana o kela inoa maluna ona he hoahanau, ā -oia kekahi o na luna oka Ekalesia o Kaumakapili, a ua nui kona hooikaika ana e hana i ka hana a ka Haku, a ua hilinai nui ia oia e na hoahanau 0 Kaumakapili, no ka pono o kana mau hana.

He makua oluolu oia no ka lehulehu a pau, a eia ka ohana a pau ke uwe paiauma aku nei ma keia aoao o ka luakupapau, ame ka luuluu nona. E hoonaniia ke Akua Mana me kou ihiihi a me kou laahia; hooluolu aku la oia ma ka Lani kiekie loa, ike6o 0 kona mau makahiki. Oka mea e kakau nei, ua ike aua kamaaina ike kino oka mea i make; he kanaka oluolu oia, he heahea, he ike makamaka, a hc makua no hoi no ka noho ana. Ua haalele iho oia he wahine, he mau keiki, ahe mau moopuna, a hookaawale mai la uia i ka noho like ana, aia oia ma kela home. Aloha ino oe e kuu papa. C. A, KtNII.AU. Honolulu.