Ka Nupepa Kuokoa, Volume XXIII, Number 48, 29 Nowemapa 1884 — Page 4
| This text was transcribed by: | Nadine "alohatita" Samorano |
| This work is dedicated to: | Harry Kaiana Pali |
Ka Nupepa Kuokoa
KE KILOHANA POOKELA NO KA LAHUI HAWAII.
No ka Makahiki $2.00
No Eono Makina 1.00.
KUIKE KA RULA.
Poaono Noremaba 29, 1884.
Haawina Kula Sabati.
Hel@ XII. Dec. 21, 1884. Kumuhana, Kahoomanao ana i ke Akua. Pauka Baibaia, 12; 1- 14.
E HOOMANAO oe i kou Mea nana i hana,
1 na la o kou noho opiopio ana; Oi hiki ole mai na la ino, A hookokoke ole ia mai na makahiki, Au e olelo ai, Aole o'u oluolu i keia mau mea:
2 I ka wa i pouli ole ai ka la, a me ka malamalama, O ka mahina hoi a me na hoku; A hoi ole mai na ao mahope o ka ua:
3 I ka la i haalulu ai na kiai hale, A kulou ilalo na kanaka ikaika; A oki ka poe wili no ka hapa, A i pouli ai na mea nana ma na puka makani;
4 A paniia na puka ma ke alanui, I ka wa i uuku mai ai ka leo o ka wili ana; A e ala ae oia i ka leo o ka manu, A e hoohaahaaia na kaikamahine lea @ ke oli a pau.
5 A makau lakou i na mea kiekie; Aia hoi ma ke alanui na mea e weliweli ai, Ua hoopailua hoi ka laau alemona, A o ka uhini, he mea ia e kaumaha ai, A lilo no hoi ka hua kepa i mea mikomiko ole; No ka mea, hele ke kanaka i kona hale mau, A hele ka poe kanikau ma na alanui:
6 Oi moku ole ia ke kaula kala, Aole hoi i naha ke kiaha gula; Aole naha ka bakeke ma ka punawai. Aole hoi i naha ke kaa ma ka luawai.
7 Alaila, e hoe ka lepo i ka honua e like me ia mamua, A o ka uhane, e hoi ia i ke Akua nana ia i haawi mai.
8 Lapuale o na lapuwale, wahi a ke kahuna, pau na mea i ka lapuwale.
9 Eia hoi kekahi: I ko ke kahuna naauao ana, ua ao mau aku oia i na kanaka; ua noonoo oia, a imi, a hooponopono hoi i na olelo akamai he nui hoa.
10 Ua imi iho la ke kahuna e loaa mai na olelo oluolu, a o na mea i kakauia, he olelo pololei ia a me ka oiaio hoi.
11 O na olelo a ka poe naauao, ua like ia me na mea oi, a me na kui i makiaia a paa e ka poe luna o ka aha kanaka na mea i haawiia'ku ai e ke kahu hookahi.
12 Eia hoi kekahi: E aoia mai oe, e ka'u keiki, e keia mau mea; o ka hana ana i na buke he nui loa, he mea hope ole ia, a o ka imi nui ka palapala, he mea ia e luhi ai ke kino.
13 E hoolohe oe i ka hope o keia mau mea a pau. E makau i ke Akua, a e malama i kona mau kanawai, no ka mea, oia ka ke kanaka {pono} a pau.
14 No ka mea, e hookomo ana ke Akua i na hana a pau, a me na mea a pau i hunaia iloko o ka hookolokoloia, ina paha he pono, ina paha he hewa.
Pauku Gula, E hoomanao oe i kou Mea nana i hana, i na la o kou noho opiopio ana. Kek. 12; 1.
Manao nui. Ka wa opio, ka wa e hoomanao ai i ke Akua.
Na Heluhelu La.
Poakahi, Kek. 7; 1-29.
Poalua, Kek. 7; 1-17.
Poakolu, Kek. 9; 1-18.
Poaha, Kek. 10; 1-20.
Poalima, Kek. 11; 1-10
Poaono, Kek. 12; 1-14.
Sab. @, Mat. 25; 31-40.
Himeni, "Ka leo o Iesu," Hoku Ao Nani, p. 203.
Pule no ka poe opio.
Na Ninau.
Heaha ka olelo a ke kahuna naauao i na keiki ma ka Pauku Gula? Heaha ka hoomanao ana i kou Mea nana i hana? Ke aloha aku Iaia a me ka hana ana i Kona makemake; no ka mea, nana i hana ia kakou, a nona no hoi kakou. 1 Cor. 6; 20.
No ke aha ke kapa ana ia he Makua? Pehea e maopopo ai ina e aloha ana i ka Makua? Io. 14: 15, 23. No ke aha ke kapa ana Iaia he hoa'loha? Sol. 17; 17. 18; 24. Nawai i haawi mai i na pono a pau? Iak. 1; 17. Ma ke aha e ike ai ina he mau hoa'loha kakou nona? Io. 15; 14.
No ke aha ke kapa ana Iaia he Hoo'a? Mat. 20; 28. Oih. 5; 31. Io. 14; 6. E manaoio ia wai? Oih. 16; 31. Isa. 45; 21, 22.
Ua kapa Iaia he nAlii no ke aha? Na wai i kau mai i na kanawai? Ua pono anei e malama i na kauoha, a me na kanawai o ke Alii o na Alii? Owai ke alii i hoopai nia no kona kaena wale ana i knoa mau pono iho a hoopoina i ke Akua? Dan. 4; 30-34.
Ma ke kakauia ana o na kauoha a me na kanawai o ke Akua?
Owai ka Lunakanawai? Is. 33; 22. Hal. 96; 13. No ke aha ka makau ana Iaia? Jer. 10: 10. He pono anei Kona hoopai ana? Ez. 18; 4, 20. Io. 5; 30. Ro. 2; 2. O ka noonoo ana no ke Akua a me Kana mau hana lokomaikai, &c, no kakou, he mea ana ia e hoala i ka manao e hana i ka pono.
A hea hoomanao i ke Akua? No ke aha i ka wa opio? Oia ka wa palupalu ka naau. Aole akaka ka wa e make ai. Aole pilikia i ka hana, &c.
No ke aha ke kali ole a elemakule? Nawaliwali a eha paha ke kino, a hiki ole e noonoo pono. I loihi ka manawa e lawelawe no ke Akua. Ua oi ka maikai o ka noho kristiano ana. E hokolokolo ia ana na mea a pau. ua hoohalike ia ka wa elemakule me ke aha? Ka wa hooilo, ike ole ia ka la, &c.
Iloko o na la laelae o ka wa opioe imi i keia pono makamae. Ua hoohalike ia na kino me ke aha? He hale kahiko e helelei ana? Heaha na kiai hale? Na lima. Heaha na kanaka ikaika? Na oloolo wawae.
Heaha hoi ka poe wili? Na niho. A o na puka makani? Na maka. O na puka? Oia na pepeiao a me na lehelehe. Heaha ka ka elemakule e makau ia? P. 5.
Hakalia ka hele ana o okupe, a haule paha ma ke ala. Ua hoohalike ia ka poohina me ka aha? Ka laau Alemona i kona wa luuluu i na pua keokeo. Ina "ua hoopailua ka laau alemona," e hoike ana i ka ono ole ana o na ai momona, a maikai.
Ma ke aha i hoike ia ka nawaliwali loa? O ka lilo ana o ka mea mama loa, elike me ka uhini, i mea kaumaha nana. E hoi ana ke kanaka i hea? Ua maa anei na kanaka o ia aina e kahea i poe kumakena no ke kanikau ana no ka mea i make? Ier. 9; 17.
Heaha ke kaula kala? Oia ka lolo ma ka iwi kuamoo, e holo ana mai ka puniu a i na aa lolo a pau o ke kino. Heaha ke kiaha Gula? O ka lolo, ka hi e waiho ai ka ike a me ka noonoo.
Heaha ka bakeke ma ka punawai? O ka puuwai. Malaila ke ola o ke kanaka, oia ke koko. Kin. 17; 11.
Heaha ke kaa ma ka luawai? Na aa koko e holo ana ma na wahi a pau o ke kino, a e lawe ana i ke koko a puni ke kino iloko o na minute ekolu - a ewalu paha.
Aia make kakou, i hea e hoi ai ke kino? I hea hoi ka uhane?
Owai ka poe makau e ku imua o ke Akua? Heaha no ka poe e malama ana Iaia? 2 Tim; 4; 8.
Heaha ka olelo kupono no ko ke ao nei? P. 8.
No ke aha ko Kekahuna ao ana i kanaka? p. 9.
Ma na mea o ke kino wale no anei kona naauao ana? 1 Na 'Lii, 10; 1. Ua pono anei i ka poe naauao ke ao aku, a e kokua ia hai? Ua emi anei ko lakou ike ma ka haawi ana ia hai?
Ehia Olelo Noeau a Solomona? He aha kana i imi aku ai? p. 10.
Pehea na mea i kaku ia, he oiaio anei? Ua olelo hoopunipuni anei oia i mea e hooluolu i kanaka?
Ua hoohalike ia na olelo o ka mea naauao me ka aha? p. 11.
E paipai ana i kanaka, e ala, a imi i ka pono. Paa amei? Owai ia Kahuhipa? Nona mai anei ka pono a pau?
Heaha ka hope o keia mau mea a pau? p.13.
Heaha ka makau i ke Akua? No ke aha? p. 14.
Ina e malama ia ana keia kauoha e manao anei kekahi he lapuwale na mea a pau, a he luhi hewa kana?
Owai ka Lunakanawai? Haule anei kekahi mea Iaia? Rom. 2; 16.
Heaha ka olelo a Iesu no ka la hookolokolo? Mat. 25; 31-46.
Mele, "He Leo Kahea," p. 146.
Pule, i makia ia a paakeia mau olelo ma ka naau o na mea a pau.
MOOLELO O KA AHAHUI KULA SABATI O NA MOKUPUNI O MAUI.
Halawai keia Ahahui Kula Sabati o na mokupuni o Maui, ma ka halepule Kaahumanu, Wailuku, Nov. 5, 1884.
Kohoia o Rev. A. Pali, i Lunahoomalu.
Hoomaopopoia na hoa o ka Aha,
Kula Sabati Kahu. Elele.
Paia, J. P. Kuia.
Paihiihi, J. Kalima, J. Kalima.
Haliimaile,
Haiku, M. Koloa.
Huelo,
Keanae, M. Makaena.
Nahiku,
Hana, G. P. Kaui- [makaole.
Kipahulu & Kaupo,
Honuaula, L. Kaiwi, L Kaiwi.
Waikapu, S. Kaili,
Wailuku, M. P. Wai- [waiole.
Waihee, L. W. P. Kanealii, S. E. [Kaleikau.
Kahakuloa, S. L. Kalaola, W. Ka- (pele.
Honokohau, L. K. Kalama.
Kaanapali, S. L. Kalaola, J. K. Hihio.
Lahaina, A. Pali, L. Naauao.
Lahainaluna, Koa.
Olowalu, S. K. Kamakahiki, S. K. {Kamakahiki.
Kaluaaha, C. K. Kahai, C. K. Kahai.
Halawa, M. Kane.
Waialua,
Kaunakakai, S. N. Pahupu, S. N. Pa- [hupu.
Kawela, Kalaupapa, Kalawao, J. W. M. [Pohea.
Pelekunu,
Na hoa mau o ka Aha. J. W. Kalua, J@o. Kalama, J. W. M. Poohea.
Weheia na hana me ka himeni a me ka pule.
Noi mai o Poohea e lilo na hoa o ka Ahahui Opiopio Imi Pono Karistiano i mau hoa kuka. Hooholoia.
Komite Imi Hana. Kaneali, Poohea, Kahai.
Hoike mai o Kanealii, ke Komite Imi hana.
1 Hapaha hora haipule.
2 Hoike a na Kahu Kula Sabati apana.
3 Hoike a na Elele Kula Sabati
4 Hoike hui o na Kula Sabati o na mokupuni o Maui a me Molokai, ma kahi hookahi.
5 Lulu Dala keia Aha.
6 Hoike a ke Kakauolelo a me ka Puuku o keia Aha.
7 Kahi e hui hou ai keia Ahahui Kula Sabati.
8 E lilo ke Sabati elua o Ianuari, 1885, i Sabati Haipule no na Kula Sabati o na mokupuni o Maui.
9 E koho ia i Komite hoalohaloha ia Rev. W. P. Alexander i make.
Aponoia ka hoike a ke Komite Imi hana.
Kumuhana 2, a me 3, hoopaneeia a kekahi la ae.
Kumuhana 4, hooholo loa ia ma Wailuku e hui ai na Kula Sabati o na mokupuni o Maui, ma ka la 1 o Ianuari, 1885, oia ka Poaha.
Kumuhana 5, he $1000
Kumuhana 6, ua hoopaneeia a kekahi la ae.
Kumuhana 7, hooholoia ma kahi e hui ai ka Ahahui Luna Kahiko.
Kumuhana 8, hooholoia.
Kumuhaha 9, hooholoia Kalua, Haole, kela Komite hoalohaloha.
Hoopaneeia ka halawai me ka pule a Kanealii.
M. P. Waiwaole.
Kakauolelo.
La Hana 2, Nov. 6.
Halawai elike me ka hoopanee ana.
Wehia na hana me ka himeni a me ka pule. Heluhelula ka moolelo o ka Halawai i hala.
Kumuhana Elua (2.)
Na Kalima, K. K. S. o Paihiihi.
Na Kaiwi, K. K. S. o Honuaula.
Na Kanealii, K. K. S. o Waihee.
Na Kakauolelo i ko Kahakuloa & Kaanapali.
Na Kamakahiki, K. K. S. o Olowalu.
Na S. Kaili, K. K. S. o Waikapu.
Na Kahi, K. K. S. o Kaluaa- [ha.
Na Pahupu, K. K. S. o Kauna- [kakai.
Noi mai o Kalua, e laweia ka hoike a na Kahu Kula Sabati ma ka lima o kekahi Komite e hooponopono ai a hoike mai imua o keia Aha. Hooholoia Kalua, Kanealii, Poohea ke Komite.
Kumuhana Ekolu. Na Kuia, Kalima, Koloa, makaena, Kauimakaole, Waiwaiole, i ke kulana o ko lakou mau Kula Sabati.
\ Hoopanee ka halawai me ka pule a Poohea.
M. P. Waiwaiole.
Kakauolelo.
La Hana 3, Nov. 7.
Halawai elike ma ka hoopanee ana. Pule o Nawahine. Heluheluia ka moolelo o ka halawai elua i hala a apo noia.
Hoike a ke Komite hooponopono e pili ana no na hoike a na Kahu Kula Sabati apana, a penei ke ano nui : Mamuli o ka huikau o na hoike helu a na Kahu Kula Sabati apana nolaila, i mea e maopopolea ai ma keia hope 'ku ke hoike ia aku nei ke ano o ka Papa Helu o na Kahu Kula Sabati apana malalo :
Papa Hoike Helu o ke Kula Sabati
o-ma-. Mai-a
A. D. 1885.
Na Pokii kane.
Na Pokii wahine.
Na Keikikane.
Na Kaikamahine.
Na Makua kane.
Na Makua wahine.
Huinma nui o na haumana.
Avariga.
Huina Dala i luluia.
Ka nui o na haumana i lilo i hoahanau.
Kahu Kula Sabati o-
Aponoia ka hoike a ke Komite hooponopono, i na hoike a na Kahu Kula Sabati apana.
Kumuhana 6. Hoike a ka Puuku & Kakauolelo. Aponoia.
Koho hou ana i Puuku no keia Aha. J. M. Napulou, Puuku.
Koena hoike a na Elele : Na Kaleikau, Kapele, Hihio, Naauao, Koa, Kamakahiki, Kahai, Kane, i ke kulana o ko lakou mau Kula Sabati a na ke Kakauolelo i ko Honokohau.
Hoopanee ka Halawai me ka pule a ka Lunahoomalu.
M. P. Waiwaiole.
Kakauolelo.
La Hana 4, Nov. 8.
Halawai keia Aha i ka manawa i hoopaneeia. Pule o Haole.
Heluheluia ka moolelo o ka halawai ekolu i hala a aponoia.
Hoike a ka Puukun Dala no na mea ai. Aponoia. Waiho mai o Kanealii he olelo hooholo :
Olelo Hooholo, hooholoia : O kela a me keia Kula Sabati iloko o na Ekalesia o ka mokupuni o Maui a me Molokai, ne hoouna mai i Kahu Kula Sabati a me ke Elele pu, e noho a hana maloko o ka Ahahui Nui o na Kula Sabati, ma ka manawa a me kahi e noho ai keia Aha. Aole hoi e kohoia kekahi Kahu Ekaleia, a o kekahi Kahu Kula Sabati paha, i Elele no ke Kula Sabati, a e haawi aku na Kahu Kula Sabati i mau Palapala Hookohu no ka Elele.
Noi ia mai e hookomo i ka moolelo o keia Aha iloko o ka Nupepa Kuokoa. Hooholoia.
Hoopaneeia ka Halawai a hui hou ma ka Poakahi mua o Mei, 1885.
Paipai pokole ka Luna Hoomalu. Hookuuia na hana me ka himeni 603, a me ka pule a Rev. O. Nawahine.
M. P. Waiwaiole.
Kakauolelo.
Wailuku, Maui, Nov. 14, 1884.
MOOLELO O KA AHAHUI EKALESIA I NOHO MA KOLOA, KAUAI.
Ma ka hora 10 a. m. Oct. 15, i halawai ai ka Ahahui ekalesia ma Koloa. J W Smith kakauolelo mau ma ka noho, a ma ka balota ana, ua kohoia o Re. J H Mahoe i lunahoomalu, a ma ka o lima ana ua kohoia o S U Kapahi i kakauolelo.n Hoomaopopo ia na lala.
Ekalesia Kahu Elele
Waioli Poohea
Kilauea Mahoe
Koolau & Anahola - Kaiapa (Haiolelo) [Mose
Kapaa Kealoha I. Paniani
Lihue Hanaike Lapahilikona
Koloa Kapahi Alapai
Na lala mau, Rev. J W Smith, a me Rev. A O Polepe. Ma ka o lima ana ua kohoia o Mose, Kaluna, Kaipu, Hahaimee, Nakapaahu, Nika, Kuapuu i mau hoa kuka.
Koho ka lunahoomalu ia J W Smith Polope, Alapai, i komite imi Kumuhana. Eia ka lakou hoike :
1 Hapalua hora haipule.
2 Na hoike Kihapai.
3 Na heluhelu haawina.
4 Na palapala hoopii.
5 Na Ekalesia Kahu ole.
6 Kula Kahunapule.
7 Na oihana Kuloko a me Kuwaho.
8 Na Kula Sabati.
9 Ke ola o na Kahu.
Aponoia ka hoike a ke komite.
Kumuhana 1 Ua malamia ka hapalua hora haipule.
Kumuhana 2 Na ke kakauolelo i heluhelu mai i ka hoike o ka Ekalesia o Waioli, mai ia Rev. D Nuuhiwa a me R D Honuakau, (haiolelo) o ka manawa: na S Kaiapa (haiolelo), J B Hanaike, S U Kapahi i heluhelu mai no ko lakou mau kihapai iho.
Ma ke noi a J W Alapai, ua hoopaneeia ka halawai a hora 2.30 p. m.
Pule o S Kaiapa.
Ma ka manawa i hoopaneeia ua hoomaka hou na hana. J H Mahoe lunahoomalu ma ka noho, pule o Kaipu.
Na Mose Kaluna a me Hahaimee he mau elele mai na apana mai o Wahiawa a me Hanapepe kahi a E M Hanuna i haiolelo ai no na mahina ekolu, a na J M Kealoha i heluhelu mai no Kapaa.
Kumuhana 4 Na ke kakauolelo i heluhelu mai he mau palapala hoopii mai Koolau a me Anahola. 1 He palapala hoopii e noi ana e hookahuna ia S Kaiapa, ua noonoo akahele ka aha no keia palapala, ma ke noi a Kealoha ua hooholoia e waiho ma ka lima o kekahi komite. Koho ka lunahoomalu ia J W. Smith; Polepe, Hanaike, Kealoha, i komite.
Mai laila mai no he hoopii e noi ana i keia aha e ae ia aku ko lakou mau komite e hele ma na mokupunine ae e noi i dala no ko lakou luakini e kukulu nei ma Kealakaiole, Koolau. Ua kamailio mai ka aha no keia palapala a waihoia ma ka lima o kekahi komite. Koho ka lunahoomalu ia A O Polepe i komite.
Kumuhana 5 Na J B Hanaike i hoike mai no Anahola a me Waimea. Ma ka hoike a ke komite no Waimea, aole makemake o ia ekalesia i kahu no lakou. Hoopaneeia ka halawai a apopo hora 9 a. m. A ma ia manawa e malama ia ai A O Polepe ka haiolelo o ka Aha. Pule o J W Smith.
La hana elua, - No ka nui o ka ua ma keia la aole i hiki nui mai na lala, ua hoopaneeia ka halawai a hora 2.30 ina e malie.
Ma ka manawa i hoopaneeia, ua halawai hou ka Aha; Mahoe lunahoomalu ma ka noho, malamaia ka hapalua hora haipule.
No ka hala loa o ka manawa, ua hoopaneeia ka haiolelo a ka Aha. Heluheluia ka moolelo o ka halawai i hala a aponoia. Na J H Mahoe i heluhelu mai i ka hoike kihapai o ka ekalesia misionari o Kilauea; koho ka lunahoomalu ia Kealoha, Poohea, me Paniani i komite Imi Haawina.
Na J W Smith ka lunahoomalu o ke komite i heluhelu mai i ka hoike o ka palapala hoopii mai Anahola a me Koolau mai e hookahuna ia S Kaiapa.
"Ua nana akahele ko oukou komite i keia palapala hoopii, e noi ana e hookahuna ia S Kaiapa, a ua loaa he mau mea e kanalua ai; nolaila, ke manao nei ko oukou komite e waiho aku i kela noi a e ninaninau ia oia no kona makaukau ma ka oihana, a e haawi aku keia aha iaia i palapala haiolelo." Aponoia ka hoike a ke komite.
Koho ka lunahoomalu ia J W Smith A O Polepe, J B Hanaike, J M Kealoha i mau komite ninaninau ia S Kaiapa. Ma ka ninauia ana ua ikeia kona ano makaukau, a ua hooholo ka aha e naawi aku i palapala haiolelo iaia mai keia wa aku a hiki i ka wa e halawai hou ai keia aha iloko o Aperila, a na ka lunahoomalu i heluhelu aku imua o S Kaiapa i kekahi mau mea e pili ana i ka Hoike Manaoio.
A na Polepe ke komite i heluhelu mai i ka hoike o ka palapala hoopii o Koolau mai no ka ae ana aku ia ekalesia e hele e noi dala ma na mokupuni e ae penei:
1 He palapala keia e noi ana i keia aha, e hookuu aku i ke komite noi dala o ka ekalesia o Koolau e hele ma na mokupuni e ae o keia Paeaina e imi i na dala e lawa ai na lilo i kohoia e kekahi kamana i ke kukulu ana o ko lakou luakini hou ma Kealaka@ole.
2 Ua loaa iho nei i ua ekalesia nei na dala he 1035.15 e ahu nei no keia hana.
3 Aole no i hoikeia mai ma keia palapala hoopii ka nui o na dala i koe e lawa ai, aka ma ka hoike waha mai o ka Haiolelo a me ka Elele, he $800 i koe a lawa ke koho ana a ke kamana.
4 Ke mahalo nei ke komite i ka eleu o na hoahanau o Koolau ma keia hana a me ko lakou manao e kukulu i luakini i kuponoa maikai hoi.
5 I ka manao nae o ke komite, he mea hiki no i ka ekalesia o Koolau ke hoolawa i na dala i koe me ka hele ole i na mokupuni e ae e noi dala ai.
6 Nolaila, he pono e paipai aku keia Aha ia lakou e hooikaika hou aku iwaena o lakou iho, oiai he haneri dala wale no a lakou i lulu ai, noloko o ka huina nui i loaa iha nei, a e ae ia no hoi lakou e imi no hoi i na dala kokua a ke aloha iwaena o na ekalesia e ae o Kauai nei. Aponoia ka hoike a ke komite.
Ma ke noi a Kealoha, ua hoopanee ia ka halawai a apopo hora 9 a. m. Pule o Polepe.
La hana ekolu - Mahoe ka lunahoomalu ma ka noho, malamaia ka hapalua hora haipule, heluheluia ka moolelo o ka halawai i hala a aponoia me na hooponopono.
Kumuhana 2 Na Kealoha, Kapahi, Smith, Mahoe, Kaiapa i heluhely mai no ko lakou mau haawina pakahi.
Kumuhana 6 Na Polepe i hoakaka mai i keia kumuhana. O ka manao nui i mau haumana no keia kula, aole he mau haumana, nolaila ua paipai ia na kahu e huli i mau haumana kupono iwaena o ko lakou mau kihapai.
Kumuhana 7 Na Polepe no i hoakaka mai no keia kumuhana.
Kumuhana 8 Aohe mea i kamailio ia no keia, ua pau mua no ma ka hoike kihapai a na kahu.
Kumuhana 9 Na Smith i waiho mai he olelo hooholo oia keia.Olelo hooholoia - E noi aku keia aha i ka Papa Hawaii e kokua ia J H Mahoe 1 $100 no kana hana misionari iwaena o na Kilibati ma Kauai nei no ka makahiki hookahi e hiki mai ana. Aponoia.
Hoike a ke komite Imi HJaawina -
1 Heaha la ke kuleana o ka manoio iloko o ka hoapono ana? - Kaiapa.
2 Haiao Iob. 21; 7, - No ke aha la e ola ana ka poe hewa. - Kealoha.
3 O na la i oleloia ma Kinohi mokuna 1, he mau la maoli anei, he mau la loihi paha? E wehewehe. - Smith
4 Heaha la ke kumu nei kekahi mau ekalesia e nohoia nei e kekahi mau kahu ma keia Pae Aina? - Mahoe.
5 E wehewehe ia Heb. 6:18. Heaha na mea luli ole elua, haki hiki ole i ke Akua ke hoopunipuni? -n Hanaike.
6 E wehewehe ia Hoik. 11:2 - S. U. Kapahi.
7 E wehewehe ia Hal. 58:9 - Nuuhiwa.
Ka poe i koe ko lakou mau haawina mua.
Aponoia ka hoike a ke Komite.
Kumuhana 10 E malamaia ka hebedoma haipule 1884 i mau la haipule no na Ekalesia. A me ka Poaha hope o Ianuari i la haupule no na kula a pau.
Ma ke noi a J. W. Smith, e hoololi ka haiolelo o ka Ahahui ia S. Kaiapa ke halawai hou keia aha i Aperila 1885. Aponoia.
Ma ke noi ua hooholoia, e haawi aku keia Aha ma o ka Lunahoomalu a me ke Kakauolelo la i olelo hooalohaloha a keia Aha no ka makua Rev. W. P. Alexander i make. E hoounaia kekahi kope i ka wahine, a i ka Nupepa Kuokoa kekahi.
Hoopanee keia Aha a halawai hou i ka Poakolu elua o Aperila 1885, ma Koloa nei.
Heluheluia ka moolelo o ka halawai o ka la, a aponoia me na hooponopono.
Hookuuia me ka pule a ka Lunahoomalu. S. U. Kapahi.
Kakuolelo.
He anaina haipule nui ma Kaukeano inehinei; ua nui na makaainana haole i naue ae mal@@la e ike i na olelo noeau a Mrs. Leavitt.
NA HOOLAHA KUMAU.
HALEPAI O THOS. G. THRUM
-
-O KA NUPEPA-
SATURDAY PRESS @@ KUOKOA
ALANUI KALEPA, HONOLULU
Malaila e paiia ai na ano a pau o na
Buke,
Hoike o na Kula,
Hoike a na Komite,
Na Haawina Kula Sabati,
Papa Kuhikuhi o na ano a pau,
Hoolaha Nunui a Liilii,
Balota, Lipine Papale,
Tiketa, Wahi Leta
Bila Pa! Hakahea.
Hoolaha Kudala,
@ @ @
Iloko o ka wa pokole a me ka auhau haahaa.
A ma ka halekuai o THOS. G. THRUM
ma Alanui Papu, e loaa ai na
Kalana kakau o na ano a pau,
Wahi Leta o na ano a pau,
Inika o na ano a pau,
Penikala o na ano a pau
Mea Hoopipili, buke hoomanao,
Peni gula a me kumu gula,
Kii, a me na laau,
Buke kii o ka ohana,
Buke kii a na keiki,
Na mea paani a na keiki,
Kaa a na keiki,
Kaa huila lua o na opio.
A he Agena no ka ana lole pepa o na
Koiki a me na wahine
No ka hoailona ana i na lole me na inoa ponoi e hookoia na kauoha a pau no na papa inoa ke waihoia ma keia halekuai me ka uku pu o ka papa inoa i makemakeia. Uku no ka inoa hookahi me ka inika a me ka hulu, $1.50 ina ma ka papa inoa keleawe, a ina ma ka papa inoa dala, $2.
O na kauoha pau mai na mokupuni e hookoia ina e hoouna pu ia mai me ke dala a me ka moakaka pono o na hoakaka ana.
THOS. G. THRUM
NU HOU! NU HOU!
Na Waiwai Hou Loa!
NA PAIKINI O KEIA AU.
E loaa no ma ka ha Halekuai o
DILLINGHAMA MA,
Ma Alanui Papu.
Oia na wa@@@ malalo iho nei:
Na Palau, Kaa Huuapalala, Kopala,
Piki, Oo, Koi, Koilipi, Na Hamare Kamana o na ano a pau,
Na mea Hana a na Kamana, Poe Hamo Puna, na Amara a me na mea hana o ka Poe Akeakamai a pau. Pena Aila, Vaniki a me na Palaki, Pa@da, Poka a me na Kukaepele, Palaki Hamo Puna, Pulumi, Pakeke, Kapu Holoi Lole a me na Papa
Holoi Lole, na @pu@@,
na Pa Palai, na Ma
kau Lawaia, Na
Aho Lawaia o na
ano a pau, na Kaula
a na ano a pau, na
Paki, O, a me na
Puna, a he nui aku
no na mea i ko@.
! KUPONO NO KA HOOHIWAHIWA ANA !
NA HALE
I hiki ole ia makou ke huai pau aku aka, na oukou no e hele mai a e hoonuuiho. O keia maluna ae, e loaa no ma kahalekuai o
DILINAHAMA MA,
0136-3@@ Wai ka helu: 7. Alanui Papu.
NA HOOLAHA KUMAU.
W. O. SMITH.
LOIO. LOIO. LOIO.
Keena Hana Helu 36 alanui K@@@ tf.
W. R. KAKELA.
Loio a he Kokua ma ke K@@
He Luna Hooiano Palapala
tf.
A. ROSA
Loio a he Kokua ma ke K@n
He Luna Hoolaio Palapala
Keena Hana : Ma ke Keena L@@ K@
tf.
S. B. DOLE.
LOIO, LOIO, LOIO.
He Luna Hoolaio Palapala
Keena Hana: Ma Alanui K@@@@@@
tf.
CECIL BROWN.
Loio a he Kokua ma ke Kan@
A ho Agena Hoolaio Palapala no ka kupuni o Oahu
Keena Hana: Helu S alanui Kaa@@@
tf.
JAMES M. MONSARRAT.
(Maunakea.)
Loio a he Kokua ma ke Kana@
He Luna Hoolaio Palapala
Keena Hana: alanui Kalepa.
RICHARD F. BICKERTON.
(PEKEKONA.)
Loio a he Kokua ma ke Kana@
Keena Hana : Helu 27 alanui Kalepa
tf.
S N. EMERSON, (EMEKONA)
LUNA Hoolaio palapala kepa Pa@@ no ka apana o Waialua, Oahu. A @ no ka Hoolaio ana i n@ Palapala @ mokupuni o Oahu.
Ua makaukau no hoi oia e ANA A@ ma na wahi a pau i makemak@@
Waialua, Oahu, Nov. 10, '83. 114@
WILLIAM AULD.
@@@@ Hoolaio Palapala Kepa Pa@@ no ka Apana o Kona.
Keena Hana: Ma ke Keena Wa@ Honolulu.
S H. MEEKAPU.
Tela humuhumu lole.
Hale Hana: Helu 11 alanui N@@@@
C BREWER & CO. (B@@@@@@@@
Ua makemake ia ka poe mea ILI @MALOO a me na ILI BIRI, a @@@@ @@ na ILI MIKO o na ano a pau. @ k@@ @@@ lakou mau ILI me makou, a e @@@@@ @ kou i ke KUMUKUAI KIEKIE LOA @ makou Makeke.
J NO. M. KEALOHA.
LUNA Hoolaio Palapala Kepa P@@@@ no ka apana o Kawaihau, Kauai. Agena no ka Hoolaio ana i na Palapala no ka apana o Kawaihau, Kauai. @ Komisina Palena Aina no ka apana o Kawaihau, Kauai, a he Luna H@@ Mar@ no ka Pae Aina holook@@.
1163-1yr.
DILLINGHAM & CO.
Mau Mea Kuai Lako H@@
Alanui Papu, Honolulu
FRANK PAHIA.
ANA AINA ! ANA AINA !!
Keena Hana: Aia ma alanui Moi, @@ ke loa i ka Uwapo o Hooliliamanu.
C C. COLEMAN.
Amara a he mea hana Meki@
Kapili Kapuai hao lio.
A ME KA
Hana Kaa Lio Ana, etc.
Hale Hana ma Alanui Alii.
905-tf E kokoke la i ke Alanui P@@
PAPA! PAPA!
AIA MA KAHI O
LEWERS & COOKE
(O LUI MA)
ma ke kahua kahiko ma alanui Papu @ @@ @@
E loaa ai @a
PAPA NOU A IKI.
o kela a me keia ano.
Na Pani Puka, Na Puka Aniani, Na O@@@@@
Na Pou, Na O-a, Na Papa Hele, Na Papu
Ku, A me na Papa Moe nui @a
Na Pili o na Hale o na Ano a Pau
Na Pepa Hoonani, Na Pena o na Wai e p@@
Na Kui mai ke Nui a ka Makalii, Na Ami Puka, Na Ami Puka Aniani, Na Ami
@@@@ a pau, Na Aila Pena, @ keia me keia ano Na Aila
Hoomaloo, he lehulehu wale, Na Aila e ae o na ano a pau.
NA WAI VANIKI
-A ME NA-
WAI HOOHINUHINU NANI
O NA ANO A PAU LOA.
NA BALAKI ANO NUI WALE.
A ke hai ia aku nei ka lono i na Makamaka pau, ua makaukau kela mau Makamaka o oukou e hoolawa aku @a na mea a pau e pili ana ma ka laua oihana
-NO KA-
UKU HAAHAA LOA.
E like me ka mea e holo ana mawaena.
LAUA a me ka MEA KUAI.
E Hele mai ! E na Makamaka
lawa no hoi koo ! makemake
A @@@ oluolu @@@ @ai@@@.