Ka Nupepa Kuokoa, Volume XXIII, Number 48, 29 November 1884 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

                                      

BUTLER ENG.@

 

BUKE  XXIII,  HELU  48.         HONOLULU,  POAONO, NOVEMABA 29,1884.     NA  HELU  A  PAU,    2000.

 

NA  HOOLAHA  KUMAU.

 

MAIKAI  KA  HOI  KA  PAPA

- A  ME -

KA  LAAU  O  KOU  HALE !

- NOHEA  LA ? -

KA  I  NO  HOI  NO  KAHI  O

WAILA  MA !

 

NANA AKU NO MOI IA LA, OMI KA IO O KA LAAU O MAKAWAO I KA UA MEA O EA NANI.

NA PAPA!  NA PAPA!

- A ME -

NA PONO KUKULU HALE.

 

O na Ano no a Pau.

AIA MA KE KIHI O NA ALANUI

Papa me Moiwahine,

HONOLULU.

Malaila e loaa ai e like me ka makemake no ke

KUMUKUAI MAKEPONO LOA.

 

PAPA!  PAPA!  PAPA!

NA PAPA HULUHULU,

 NA PAPA MANOANOA.

 NA PAPA I KAHIIA,

 NA PAPA KEPA,

 PAPA HOLE KEOKEO,

 PAPA HOLE ULAULA.

 

Na Laau,  Na Laau,

NA KUA,
 NA KAOLA,

 NA AAHO,

 NA MOLINA,

 NA PEAPEA.

 *PINE HULUHULU,

   PINE I KAHIIA.

NA PAPA A ME NA LAAU ULAULA.

 PILI ULAULA

 PILI KEOKEO,

 PANI PUKA,

 PUKA ANIANI,

 PANI PUKA ANIANI,

 PUKA OLEPELEPE.

 

P E N A

O NA ANO A PAU.

Hulu Pena mai ka liilii a ke nui,

 Aila Pena,

 Aila Hoomaloo,

 Waniti, Pate,

NA LAKO O KELA A ME KEIA ANO.

NA AMI PUKA HALE,

 NA AMI PUKA PA,

 ANIANI

 

PEPA HALE A ME NA LIHILIHI,

 E loaa no malaila.

 

PAAKAI HELU I,

       - O -

KAKAAKO ME PUULOA.

 

 No ke Dala Kuike e loaa no na mea a pau i ai@a ae la no ke K@kuai Emi Loa.  O na h@ha mai Hawaii a Niihau, e loaa aku no K ka l@ hooko polo@.  'pa nui laila ike holaio.      905 tf. i

 

NA  HOOLAHA  KUMAU.

 

KE KUAI HOEMI NUI

A WAIPAHE O NA

Waiwai Aiwaiwa

- O -

CHAS. J. FISHEL.

 

    EIA  LA

NA PAPALE BIVA HOU LOA, PAPALE WAHINE KAE HULUHULU O NA ANO A PAU LOA, NA LIHILIHI HOU E HAA AI NA

 

PIHAPIHA, A E HAO AE AI OE LINOHAU LUA I NA KALAKOA HOU LOA A HEHEE OLE IHO, A I NA GINIHAMA HOU IHO OE E

 

LILO AI OE I KA WAI A E KU AI KAENA A NA IWI HOOHEHELO O UA KAONA NEI KE KUAI MAI I NA HULUMANU HOU.

 E loaa no ma ka halekuai o

 Chas. J. Fishel.

 

NA PAPALE PAHUA LAIKI, O

 NA ANO A PAU

 

Na kakini hou a me na

MEA LIILII E AE E PANIO AI NA

LEDE ME NA KEONIMANA.

 

Na Waiwai hou o ka hoea ana mai nai no no keia Halekuai.

 

Na Paikini hope loa hoi o ka loaa ana mai nei no mai Europa mai o na lihilihi kuuwelu hou loa, a i kupono loa hoi no keia mau wahi.

 

NA KAMAA HAAHAA O NA LEDE

 

 O NA ANO A PAU.

 

Na lihilihi puka aniani nani hou loa, he waipahe na auhau no ka I-a.

 

 Ua loaa mai nei iloko o keia mau la koke i o nei he 100 paa lole o na keiki, oia ke kuka, lole wawae, puliki, a e kuaiia aku ana no

Hapalua Dala

Wale no o ka Paa hookahi. Heaha la ia !

 

Na lole Lilina hou loa

MA KA HALEKUAI EMI O

 

CHAS. J. FISHEL.

 

Ina oukou e makemake e ike i ka oiaio, a e kulike ai hoi me ko oukou mau iini, e ku ae no a maloeloe a hele pololei mai no io'u nei a hooiaio no oukou iho, oia i ke kuai aku nei au i na waiwai a pau me ka emi loa i ike ole ia ma kekahi mau wahi e ae o keia aina.  E naue mai

 

- MA KA HALEKUAI O -

Chas. J. Fishel,

Kiai o @anui Papu me Hotale    1190-@

 

KA MOOLELO KAAO O

Kahanuopaineki,

Ke keiki alii o ke aupuni o Italia

Ka Olali o na Waoakua o Arabia.

 Ka Naita nana i kuekaa na i ua huna o na Powa.

 

 MAHOPE iho o ka pau ana o na leo hoomaikai o na koa o Kahanuopaineki, ua huli hoi mai la oia a ma kona rumi kahi hoi e noho ana kana lei aloha, pane aku la ia: E pono paha au e hele i kaa no olua? Ua ae mai la laua, a emoole ku ana ke kaa mawaho me ka makaukau no ka lawe aku i kana mau ukana makamae no ke kahua hoohakaka o na moho kaulana o kela a me keia aupuni, a nawai auanei la e haaheo ka hae o ka lanakila.

 

 Komo hou aku la oia iloko o kekahi rumi kahi e waiho ana kona paiki lole; wehe mai la ia i kona aahu kaua a ko mo iho la. Oiaia oia e komo ana, ua kikeke mai la kekahi mea ma kekahi aoao o ko ianei rumi e komo kapa ana, a i kona wehe ana aku i ka puka ma ia aoao, eia ka o kona haku hotele no. Holo mai la ia a kukuli mai la imua o Kahanuopaineki, a pane mai: Ano, e kuu haku, e kala mai i kau kauwa nei, oiai ke ike nei au i keia wa, aole oe i kupono loa ma keia rumi e komo ai i kou aahu, no ka mea, he mea oiaio ka'u e ike nei, he koko oe o na'lii kiekie loa, a oiai aole hoi oe i hoike mai i kou ano, aka, ua huna kele oe ia mea imua o kau kauwa nei. Hooki iho la ia i kana kamailio ana, oiai ua punia loa ia oia e ka makau a me ke pihoihoi. Ku ae la o Kahanuopaineki a hele aku la a me kona naau aloha, hopu iho la ia i ka haku hotele a me na olelo hoomalielie oia i hoomalimali ai iaia a ua hoopau ia hoi na manao pihoihoi iloko ona. Pane hou mai la ia: E kuu haku opio, o na kauoha a pau ua hooko ia e ke kauwa nei, oiai o ko kakou hale lole a'u i kukulu aku nei, aia no ia ma ka aoao hikina o ke kahua paio. Ia wa, pane aku la ka kakou koa: Ua pono. E komo oe i kou aahu a e huli hoi hou aku oe no ka hale lole, a e paa pu aku oe i keia hae; a i ko makou wa e hiki aku ai, e huki ae oe i keia hae, a oia ko makou wa e komo ai iloko o ka hale. A i kumu hoi e maopopo ai ia oe keia hae, o ka hae no keia o ko'u aupuni oia no ke aupuni o Arabia. Kunou mai la ia a holo aku la me ka awiwi maluna o kona lio, no ka hale lole ka pahu hopu.

 I ka hala ana aku o ka haku hotele, ku ae la o Kahanuopaineki a hele aku la i ka hale lio, a hoomaka iho la oia e wehe ae i na kui kolu e hoopaa ia ai o kona lio, a me he imo ana la na ka maka, ku ana o Lo Paina Huelo, a kau ae la keia, a hoomaka aku la ka huakai e nee. Ma ka hoonohoia ana o ka huakai, ua hoihoi ia ke kaa o na aliiwahine mamua, Kahanuopaineki aku, a o kona mau ukali aku no hoi mahope ona, a o ka poe makaikai aku no hoi mahope loa. I ko lakou kokoke loa ana aku i ke kahua, ua uhi iho la oia i kona koloka silika mawaho iho ona, i mea e nalo ai kona aahu. Aole i liuliu ko lakou hele ana aku, komo aku la lakou iloko o ke kahua a hele loa aku la ma ko lakou hale lole.

 

 I ka manawa i komo aku ai o ka kakou mau koa iloko o ko lakou hale lole, o ka wa no ia o ka hae alii o Arabia i pii ae ai me ka hiehie nui, a pulelo ae la i ke aheahe lau makani e pa kolonahe ana. A ma keia hae hoailona alii e pulelo haaheo nei i ke ahe makani i ike ia ai he keiki alii ka oia no ke aupuni o Arabia. A na keia mea i hoopau ae i ka manao hoohuoi o ka lehulehu.

 

 Aole i liuliu iho, kani mai la ka pu dala a ka haku puuku, e kauoha ana i kela a me keia mahele e hoomakaukau ia lakou iho.  A he hapaha hora mahope iho o keia, ike ia aku la ka Moi a me kana moho kaulana, ka mea hoi ana i hilinai ai a me kona mau naita he 21. I ka hiki ana mai ma ka puka pa, ua haawi mai la ke anaina i na leo huro me ka panai pu ana mai me kekahi mau olelo ku i ka hiwahiwa, i ka i ana mai: E ola mau ka Moi, a pela hoi me kana moho. I ka noho ana iho o ka Moi ma kona noho, ua huli ae la ia a ninau aku la i kona haku puuku: Ua hiki mai nei anei ka naita o Arabia me kona mau ukali? Ae aku la no hoi ka haku puuku. Pane hou mai la ia: O ia mau naita ke hakaka mua me ko'u mau naita kaulana; no ka mea ua lohe au i ka olelo a ua nai@a la, aole ka he mea nana e' hookuemi hope i kona puuwai: a ano, e kauoha aku oe ia lakou e puka mai a e makaukau lakou i keia wa a hiki i ka wa e kani aku ai o ka pu.

 

 Aole i liuliu, kani wawalo ae la ka leo o ka pu a ka haku puuku, a holo ae la ia leo ma na paia o ka Ewa. Ia wa, puka mai la ka moho kaulana a ka Moi oia hoi o Liona Bulu, a e hookahakaha ana i ke kahua kaua me na ukali he 21. Kani hou mai la ka pu, a oili mai la na kae'ae'a o na mauna hui me ka hiehie nui; hele like aku la lakou a ku ana imua o ka Moi, a lele iho la lakou ilalo a hoomaikai aku la imua o ka Moi a me ke anaina alii.

 

 I ka pau ana o ka lakou hoomaikai ana, ua ninau aku la ka kakou koa i ka Moi: E hakaka ana anei makou no ka make a me ke ola? Ae mai la ka Moi. Ia manawa kau ae la lakou maluna o ko lakou mau lio a hookahakaha  aku la ma ke kahua. I ko lakou kokoke ana aku i ke kahua, ua wehe ae la o Kahanuopaineki i kona koloka silika, a ike ia aku la kona kapa kila, me he mea la aia ka naita opio iloko o kekahi imu ahi enaena, a ua kau aku la ke ano eehia iluna o ke anaina; ia wa hooho mai la lakou me@ na leo huro: E ola mau na naita puuwai ahi o Arabia, a e mau ka pa-e ana o ko oukou mau inoa a kau aku i ka oukou mau mamo. I ko lakou hiki pono ana aku i ke kahua paio, ia wa kani hou mai la ka pu a ka haku puuku, o ka wa no ia i hookaawale like ae ai na puali. Hele aku la ka puali Sepania ma ke komohana, a o ka kakou koa hoi me kona mau ukali, ua hele lakou ma ka aoao hikina. A i ka hala ana he elua haneri@ anana ke kaawale o kekahi me kekahi puali, kani hou mai la ka pu; huli like @mai la na puali, a hookuoi pono iho la ko lakou noho ana maluna o ka hokua o ko lakou mau lio.

 

 Kani hou mai la ka pu a ka haku puuku, a ike ia aku la na moho o kela a me keia puali e kuupau mai ana i ka holo o ko lakou mau lio, aole no hoi i liuliu@ halawai ae la ua mau moho la. Hala'o'a ae la ka lakou mau pahikaua i ka lewa, e hoouna ana i na elele o ka make weliweli. Aole i hala he hapaha hora o keia hakaka ana, aia hoi he mea nana e hookau aku i ka weli maluna o na puali aku i  koe o kela a me keia aupuni, ka Moi, a me ke anaina holookoa, oiai, ua haule ka manaolana no na moho kaulana o Sepania, a ua pau wale nae ko lakou pihoihoi ana no ia mea, oiai o na ukali wale no o ua moho kaulana la ka i pau loa i ka make, a koe aku no ua Liona Bulu la.

 

Ia manawa, kuhao iho la ka kakou koa me kona mau ukali me ka loaa ole he wahi poino mai kela aoao mai. Kani mai la ka pu, he hoailona keia e kauoha ana i na kokua no ke kii ana aku i na koa i make o ka aoao o na Sepania, a e hookaawale aku ma kahi e. I ko lakou kaawale ana aku, ua kauoha ia mai la o na alakai a elua ke hakaka, oia hoi ka kakou koa a me ka Liona Bulu. Kani mai la ka pu hoailona no ka hakaka ana o na alakai a i elua, a ua. hookaulana mau ia hoi ka kakou koa e ka luhulehu holookoa. I keia hoomaka hou ana o ke kaua, ke imi mai nei ua moho kaulana nei i wahi e make koke ai ke koa opio, e haawi ana hoi i kona ike hahau pahikaua, aka, he makehewa wale nae ia manao ana pela, oiai ua halahu wale no kana mau hauna mawaho ae o ka kakou koa; a ke kilohi a ha-lo aku nei hoi ke koa opio me ka noii ana o kona naau i na hauna a kona hoa paio. I iho la ia iloko iho ona: Ka i no he ikaika a he akamai kou e kaulana nei, ina paha he ikaika haki hoi ka pahikaua a ka eueu o Arabia, eia mai ka hauna pahi. Ia wa i hoolele aku ai ka naita opio i kona lio imua o kona hoa paio, uhau aku la oia i kana pahikaua maluna o kona enemi, aka, ua loaa no nae he wa kupono e pale ai nona iho. No ka ikaika loa o keia hauna pahi a ka naita opio, ua lo aa pono aku la ka pahi a ka moho o Sepania, a @kaki pu ae la mawaenakonu a koe iho la ke okumukumu e paa ana ma kona lima. No keia poino i kau aku maluna o kona hoa, aole oia i pulale koke aku i ka make maluna ona.

 Ike iho la ua moho nei ua haki kana pahikaua, unuhi koke ae la ia i kana koikaua no ka lele aku maluna o ka kakou koa, aka ua unuhi ae la no hoi keia i kana koikaua, a ulele iho la no ka hakaka ana. He wahi manawa uuku wale no keia hooili kaua ana, ua pii mahuahua ae no hoi ka inaina wela o ka kakou koa, a e ike pu ia aku ana ka ula o kona mau papalina, a i kona aui ana ae ma kona aoao akau, aia hoi ke kokoke mai la ka hauna koi a ka Liona Bulu e halawai mai ma ka puhaka o ka kakou koa. Me ka hikiwawe a me ka eleu nui, ua hoolele mai la ka kakou koa i kona lio i hope no elua anana ke kaawale mai ka moho kaulana mai. I keia manawa u-pa ae la ia i kona lio me kona mau sepa gula, a lele hou aku la imua no ka halawai ana me ka Liona Bulu. Oniu ae la ka kakou koa i kana koikaua i ka lewa, a uhau aku la ma ke poo o ka lio o ka moho kaulana a haule pahu aku la he apahu kino lio aole nae ke poo, no ka mea ua kaawale ia mai kona kino ae.

 

 No keia loaa hou ana o ka lanakila i ka kakou koa no ka elua o ka manawa, ua piha ka lewa i na leo huro a me na mahalo ana o ke anaina makaikai i ka kakou koa. Eia hoi ka naita ke hookahakaha nei maluna o ke kahua kaua, oiai hoi ka Liona Bulu e ku lohaloha ana ma kahi i make ai o kona lio. Pane aku la o Kahanuopaineki i ka moho o Sepania: E ka mea i kaulana ma Sepania holookoa nei he moho, no kou nele ana i ka lio kaua ole i keia manawa, ke kauoha aku nei au ia oe, e kii hou aku oe i lio kaua a me na mea kaua a pau a e paio mai me ka naita opio e ku aku nei imua ou.

 

 Huli ae la ka kakou koa hoi no kahi a kona mau ukali e ku mai ana. I ko ianei hiki ana aku, ua haawi mai la lakou i na hoomaikai ana; a me na leo hooho o ka lehulehu holookoa e haawi ana i na mahalo kiekie maluna o ke koa opio, ka mea hoi i kapa iaia iho, "ka naita puuwai ahi o na mauna hui o Arabia." Pane aku la ua koa nei: Ina au e manao e lawe koke i kon@ oia i kinohi, ua hiki loa i ka manawa pokole; aka, no kuu makemake e ike i kona akamai hahau pahikaua, koikaua, no ka mea, he moho kaulana hoi oia; aka nae, o kona wahi ike ma na mea kaua, he hiki loa i kekahi o oukou ke hoohoka aku iaia. Aole ho- Aole i pau pono ae keia mau olelo a ka koa opio, puiwa ae la kona lio i ke kani pohapoha ana mai o ka pu dala a ka haku puuku, a he manawa keia no ka hakaka ana o na moho me na laau ihe. Puka mai la ua moho nei o Sepania mai kona haleole mai me kekahi ihe nui e paa ana ma kona lima. I iho la o Kahanuopaineki iaia iho: Akahi auanei au a hoike pau i ko'u ike ma ka pahu na ihe. Hele mai la oia a ku iho la i ke kahua, hoea pu mai la no hoi me ka moho o Sepania. He ne-i halulu ana no ka pahu, he kani ko'uko'u ana o ka o-le a ka puuku, a hoomaka iho la ka hakaka ana o ua mau moho nei.

 

 Ia manawa, oniu ae la ua moho la o Sepania i kana laau ihe, a pela no hoi ka kakou koa. Kuupau mai la laua i ka holo o ko laua mau lio, a halawai ae la i kahi hookahi. Hookui ae la na laau ihe a ua mau moho nei, a ike ia aku la ka moho o Sepania e ane haule iho ana mai kona lio, oiai ua loaa aku la i ka pahuna ihe a ke koa opio ma kona palekila, a na ia mea i onou aku iaia; a he ulia wale no kona laki ma o kona haule ole ana i ka honua, Ala hou mai la ia a hoopololei mai la i kana laau ihe ma ka poaeae hema o ka kakou koa, aka nae, ua haule ia manao ona. Oiai oia e hooko ana i kana mea i manao ai e ko, ua loaa e mai la kana laau ihe nui i ka lima hema o Kahanuopaineki a haki pu ae la. Ike iho ua Liona Bulu nei ua hooneleia oia i ka laau ihe ole, unuhi ae la oia i kana pahikaua a uhau mai la maluna o ka nai ta opio, ua alo koke ae la keia a hala ia hauna pahi; hoala hou ae la oia e hahau mai, poha koke aku la ka leo o ka kakou koa: E ka naita rula ole o Sepania, ka mea i kapa iaia iho o Liona Bulu, i keia manawa, ua makaukau au e hookau aku i ka make weliweli maluna ou. Unuhi ae la oia i kana pahikaua a olinolino ae la i ka la. Aia hoi ua oi paumi ae ka la inaina o Liona Bulu i ko ka wa mua, a uhau mai la ia i kana pahikaua. Me ka hikiwawe a me ka eleu, ua hala ae la ia puu make ma kona pale ana aku

 

 Pii ae la ka inaina wela o Kahanuopaineki, a hoolele pono mai la ia i kona lio imua o kona hoa, (L. B.) a  uhau mai la i kana pahikaua. Aia hoi, anuanu la ka pahi a ka eu ma kona aoao akau, a haule aku la i ka ili@ honua ua make loa. Pela hoi na paahana i puana ae ai:

 "Heaha no la kau.

 I hoouluulu mai ai;

 Ike pono iho la nae hoi,

 Hauna pahi a ka eueu;

 O ka hookele a ia eu.

 Anuanu i ko iwi aoao;

 Aole no paha i lohe mua.

 Ka naita Kahanuopaineki:

 He nioi ia he mea wela,

 Pa aku i ke kileo mahanahana."

 

Kii ia mai la ke kino make o Liona Bulu, a lawe ia aku la i kona halelole. Kani hou mai la ka o-le a ka puuku, a ike ia aku la ka puka ana mai he 22 naita, a ku ana imua o ke kahua kaua me na laau ihe ma ko lakou mau lima: a o keia poe naita a pau he poe Denemaka lakou, a he poe no hoi i paulehia ma na mea kaua. Hiki mai ka Elele imua o ka kakou koa, a pane mai la: I kauoha mai nei ka Moi ia oukou, o oukou na naita e paio ana me kela poe naita e ku mai la i ke kahua kaua, a ua makaukau lokou no ka paio ana. Ua ae aku la ka naita opio. Kani mai la ka pu, a puka aku la ka kakou koa me kona mau ukali, a ku ana i ke kahua kaua. Hele mai la ke alakai o na Denemaka, a halawai aloha iho la me ka kakou mau koa no ka manawa hope loa; a hoi aku la ma kona aoao me kona mau naita; kani hou mai la ka pu a ka puuku, a hoomaka iho la ka hakaka ana. Halawai ae la na laau ihe, e haawi ana kela a me keia i kona ike ma na mea kaua.

 

 Oiai na aoao a elua e hakaka ana, e lohe mau ia aku ana na leo paipai o ke alakai o na Denemaka, e haawi ana i na hoolanalana i kona mau naita, no ka hookau mai i ka make maluna o ka kakou koa a me kona mau naita, i lilo ai na makana ma ko lakou aoao. Na keia mau olelo hoi a ke alakai o na naita Denemaka, ua pii ae la ka inaina o ke koa opio, huli ae la ia a pane aku ia@ i kona mau ukali: E a @'mau keiki punahele o na laau ihe, na mea i kapaia, ke ahi enaena o ke kahua kaua, na Tiga omo koko o na kuahiwi aloha o Arabia, ka poe i kauia ka weli a puni ke ao holookoa; ano, ke kono aku nei au ia oukou, e hoike ia oukou iho imua o keia anaina, i ke aloha io no ka aina hanau. Na keia mau olelo ka ukau a hoalohaloha no hoi a ko lakou alii opio, ua hooi loa ia aku ka uilani o ua mau hiena nei. Hoike mai la ka inaina wela i ko lakou mau onohi maka, e hulili ana imua o ko lakou mau enemi, a, me he olapa ana a ka uwila, pela lakou i luku aku ai i na naita Denemaka a pau loa i ka make, a koe 'ku ko lakou alakai. No keia lanakila o ka kakou mau koa, ua haawi mai la ke anina i na leo huro hoomaikai, a ua ili aku hoi keia mau hana ana pela he mea kaumaha i ke alakai o na naita Denemaka oiai oia e ku lohaloha ana.

     (Aole i pau.)

 

HE MOOLELO KAAO NO

KEAOMELEMELE,

 

- KA PUA NANI IUIU O -

Kealohilani, Kahiapaiole Nuumealani a me Kuaihelani; ka mea nana i uneune ia Konahuanui a kaawale o Waolani ka aina o ka poe eepa a pau i noho ai.

 

Hoopukaia e ka Haku Moolelo kaulana Mose Manu, no ke Kuokoa.

 

IA Kukuluokahiki a me Poliahu ma e ku-ka ana no laua iho, ua hooholo iho la ko laua manao no ka hele ana ia manawa, a ua puka koke aku la laua me ka ike ole ae o Paliuli i keia mau hana ku ole i ke aloha a kona kaikunane, a ia laua no i kaawale aku ai mai ka hale aku, ua hao aku la ka mana o ke kaikamahine noho mauna. He manawa pokole loa, ua hiki aku la laua nei  maluna pono o ka piko o Maunakea, aia iloko o keia manawa i kahea iho ai o Poliahu i kona mau kaikaina oia hoi o Lilinoe a me Kalauakolea, a i ko laua lohe ana i keia leo e pa-e iho nei maluna, ua inaopopo no ia laua o ko laua kaikuaana no ia, a i ko laua nana ana'e he oiaio, nolaila ua piha laua i ka olioli a me ka laua mau ka@ Waiola me Kanukuokamanu no ka hiki kino ana aku o Poliahu me Kukuluokahiki me ka holopono o ko Poliahu manao, me ka loaa ole o kekahi mea nana e keakea. Aia iloko o keia manawa i pani paa loa ia'i ke kuahiwi holookoa o Maunakea e ka hau, a oia ka mea nana i huna iho ia Poliahu ma a pau loa a na ia mea no hoi i kaupale mai i ko Waka hiki hou ana aku malaila, oia hoi ka lua o kana huakai: nolaila, ua pahu.a ko Waka mana kupua i ko ka wahine Pohahu mana nui Ma keia lilo hou ana o Kukuluokahiki ia Poliahu, aole oia i hoi hou mai me Paliuli, a hiki wale i ka manawa i kii'na ia aku ai oia e ka leo hula o Keaomelemele; oia hoi kona hiki ana mai ma Oahu nei- a noho maluna o ke kuahiwi ae nei o Waolani me ka Anuenue; nolaila, he mea pono ia kakou ke waiho i ka olelo ana no Kukuluokahiki a me Poliahu a ua hiki hoi ia kakou ke huli ae a nana i ko Paliuli moolelo, a me kona poaipuni ana i keia Pae Aina.

 

 Ia Poliahu ma i hala aku ai me Kahanaiakeakua me ka ike ole o ka mea nona ia waiwai, a ia Paliuli hoi e ka ia ana e ka hiamoe nui: aia hoi, puoho ae ae la o Paliuli me kona manao no eia no la  kona kaikunane aloha hanamikololohua ke moe pu nei no la meia, aka, iaia nae i puoho ae ai - a haha ae la oia i kona hoa aia nae:

 "Ua lawe e ke au ua lilo, Aia Moi i Kahului."

 

 Ia manawa ua pau loa ae la na manao ana no ka hiamoe, huli ae la ia ma na wahi a pau o ko laua hale me ka ninau ae i na kiai o ko laua hale, ua hoole like mai la na kiai aole lakou i ike, a no keia mea ua kau hou iho la na manao aloha o ke kupilikii a me ke kaumaha maluna o Paliuli - a hoomaka ae la oia e uwe ku-o me ka leo nui e paiauma ana me ka naauaua, a na keia leo uwe o Paliuli i hoopuiwa aku ia Waka, a i kona lohe ana i ka leo uwe o kana hanai, ua hiki koke mai la oia imua o kana hanai me ka ninau aku, heaha e kuu lani e hookina nei o ka uwe? Pane mai la o Paliuli aole iho nei kuu kaikunane me he mea la, ua hele mua no paha i ke ahiahi okoa nolaila, ua pono ole kuu manao e noho aku la. I keia lohe ana no o ua Waka nei, o kona kahea koke aku la no ia i ka manu nui ke Maupuaumoana a he manawa ole ku ana ka manu mamua pono o ka puka o ka hale a o ko Waka kau koke aku la no ia maluna o ua manu nei. I loa no a hohola na eheu  o ua Kaupu nei, hele ana laua nei mawaena o na ululaau mauka pono o Hilo, i ka lua no o ka upai ana o na eheu, kau pono ana laua nei maluna pono o ka piko o Maunakea. I huli iho ka hana o ua o Waka a nana iho, he ole ka ike ia a aole he wahi e hiki ai ke ike ia kana mea e huli nei, no ka mea ua uhipaa loa ka hau i kela wa; nolaila, ua noho iho la laua nei ma kahi i kapaia o Waiau. Oia hoi kahi o kela kio wai e waiho la maluna pono o Maunakea a hiki i keia wa, na ka mea i hele e makaikai i kela kuahiwi o Maunakea e hoomaopopo i kela kio wai. Ua noho o Waka malaila no na la elua me ka lihi ike ole aku i na helehelena o ke kane a kana hanai a ua nui loa no hoi ka pilikia no ka nui loa o ke anu o ka hau i kela wa; a ua hiki ole ia Waka ke hoomanawanui, me he mea la, e i mai ana keia mau lalani mele himeni malalo iho nei penei:

  "Auhea wale oe

  E polianuanu,

 He lia kuu kino

 E noho aku nei,

 Na kui houhou a ke anu

A ka hu'i e lalawe nei la.

 Anu wau - e oia - a.

 

 A no ka hiki ole ia Waka ke hoomanawanui, nolaila, ua huli hoi mai la oia a hiki imua o Paliuli a hai aku la i ke ano o kana huakai i hele ai. A ma ia hope iho, ua nui wale ka Waka mau huakai o ka hele ana e imi ia Kukuluokahiki me Poliahu maluna o Maunakea aole nae he loaa iki iaia, ua hao ka mana o Poliahu. A ua lanakila kana mau hana me ka hooko ia o kona manao a pau loa, aole no hoi paha oe e ka mea heluhelu e poina ana i kela olelo kauoha a Kukuluokahiki i olelo aku ai ia Waiola ma, oia hoi kela kii ana aku o Waka mamua ae nei, aia ma ia olelo kauoha e maopopo ai, e hele hou ana no oia me Poliahu.

 

 Ia Paliuli e hoomau nei no ka uwe, ua hele hou mai la o Waka a hiki ma Waolani - a hai aku la ia ke Anuenue no na mea a pau e pili ana i na hanai a laua, a i kona lohe ana, ua lilo ia he mea kaumaha i kona manao me ka pono ole o kona mau noonoo ana; a ua makau oia i kona mau kaikunane ia Kane me Kanaloa; ina paha e lohe ana laua i ka haalele ana o ka lakou hanai ia Paliuli, a heaha la auanei ka mea e hana ia mai ana e kona mau kaikuuane@ nolaila, ua makau ae oia ia laua.