Ka Nupepa Kuokoa, Volume XXIII, Number 47, 22 November 1884 — Aloha i ke Kula Sabati o Paia. [ARTICLE]

Aloha i ke Kula Sabati o Paia.

E ka nupepa Kuokoa e, Aloha oe E olaolu oe e hookomo iho i kela mau hua e kau ae la maluna, ma kahi kaawale o kou mau kolamu. Ano, ua loaa ia'u a me ko'u hoa ka \va pono e haawi aku ai ike aloha a me ka mahalo i ke Kula Sabati o Paia: Aloha nui oukou. ' Mamuli o ke aloha oke Akua ia oukou na kamaaina a me maua na malihini, ka hoolauna mau ana ia kakou ma na hana pono iloko o na la pokole i hala, ua hoolauna mai ka Uhane oke Akua ia kakou iloko o hookahi pule a oi ma na halawai ahiahi a pau ma ka luakini o Paia, a mahope iho o ka pau ana o na halawai, he ao himeni no ke Kula Sabati o Paia. Nolaila, ua loaa no he manawa maikai no kakou ka hoomanawanui ana i ke anu me ke koekoe, ka ua me ka makani iloko o na po pouli ma na hana *pcno o ka Uhane. Nolaila, ke noi aku nei au l ko oukou lokomaikai, a me ke aloha o ka Uhane o kt Akua, e hoomau ia aa hana pono a haule mai na mana LanL Me ke aloha i ke Kula Sabaii o Paia. No ka oiaio o keia mau mea, ke kakau nei maua i ko maua mau inoa. G. P. K, Wailehua, Elele Kula Sabati o Hana Rev. J. K. losepa, Kahu Ekalesia o Hana. Makaalae, Hana. Ua make o T Kaehuaea iloko oko J na kaamai loihi ana ma ka hora 2 o ka aumala poalima nei, aloha wale ia hoa. '