Ka Nupepa Kuokoa, Volume XXIII, Number 47, 22 November 1884 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa.

 

Pana e THOS. G. THRUM ma ka Halepai o ka nupepa "Saturday Press."  Keena Hoopaa pono, ma na kihi o Alanui Moiwahine me Nuuanu.

E hoouna muai mai na Olelo Hoolaha ma Oe Keena Hooponopono mamua ae o ka hora 12 o ke awakea o na Poaha a pau.  Aole e @ na Olelo Hoolaha ke laweia mai ma hope o ka hora i hoikeia maluna.  E hooko piha aku ana makou i keia rula maluna.

            E ho@ mai i na leta a pau a me na kauoha a me ka uku pepa ia Ka Nupepa Kuokoa ma Honolulu.  Ina e loaa pono ole aku keia @ i kona poe lawe, e hai mai me ka hakalia @ keia Keena.

 

NUHOU KULOKO.

Ua hookohuia o F. Pahia i hope luna makai no Hilo ma kahi o Benj. Brown.

 

Makepono maoli ka io bipi o ka halekuai @ o Wala ma Kawaiahao ae nei.

 

Ua komo kolohe ai ka mea aihue i ka @ noho o Mrs Starbuck maka o ka uwapo o Peleala, aole i loaa ka aihue.

 

He nui na hihia ma ke Jiure o Waimea @ mai nei, aka ua pau wale no ka hapanui i ka hookuuia, pela na lono.

 

Ma ka Mariposa o kela pule i holo aku @ ka ona o ka nupepa "Saturday Press" @ ka hoolanalana mai ma Kapalakiko.

 

Maikai a maluhia pu na hana heihei o ia Poakahi nei, he kipu ma ke awakea a me ke ahiahi ma batari o Huehue, a me ike alii ma ka po ma ka halealii. 

 

Ma ke Kinau o ka Poalua nei i holo aia ai ka Moiwahine kanemake Emma no Hawaii.  Nui no hoi na ohua i holo.

 

U haawi kokua manawalea ae na kumu a me na haumana o ke kula o Kehehuna ia 21.50 dala no ka ohana o M. Guire i hooneleia i ka home ole. 

 

Ua hoohauoli ia ae ko Hilo poe e na keiki puhi ohe Potugala o ka hui o Paukaa ma ke ahiahi o ka la 1 o keia mahina ma ke kuea o ka hale hookolokolo. 

 

I keia la e wehe ia ai ka hale aina hou o J. W. Keaweamahi, oia ka haleaina mea iho nei o kna Hoahanau Haka ma ke kihi o alanui Moiwahine me Nuuanu.

 

Ua hawie hope ka moolelo o Keaomelemele i keia pule, a e oili aku ana oia ma keia pule ae.  He mau keakea ma ka aoao o ka mea kakau moolelo. 

 

Ma ka huakai elua aku nei a ka mokuahi Malulani no Hawaii, ua holo ia eia mai ka hoe hele aku a Lahaina iloko o na hora holo 5 me 50 minute.  Holo no.

 

Ua mahuka mai kekahi pake paahao o Kawa iloko iho nei o keia mau la, a ua loaa koke no oia iaia i maalo ae ai mamua o ka Halewai.  Nui loa mahuka.

 

E wehe ana ka Hooilina Moe Liliuokalani he aha mele maloko o ka luakini o Waikiki ke hiki aku i ke ahiahi a ka la 28 o keia mahina, oia Ka La Kuokoa.

 

Ma ka leta a J. R. Kalanikuai o Kau ia makou i loheia mai ai, ua hanau na J. K. Kapaau me kana wahine o C. Niau he kaikamahine a ke ola maikai la.

 

I keia la makou e puka aku nei, e lohe ia mai ai na lono no ke koho Peresidena o Amerika Huipuia; owai la ke puka mai ana?  O ka nuneia, o Blaine no.

 

Ma Waiohinu i ka 8 o keia mahina ua hookolokoloia he Pukiki no ka haawi waiona me ha laikini ole, a ua hoopaiia he $100.  Lealea ka Palahu, Palahu, Palahe, Pokeokeo, a pela wale aku.

 

Ma ka hoike a ka Polopeka o kahi nupepa iki i puka i kela pule aku nei, e p@uli hapa ana ka la me ka mahina iloko o keia mau la iho, o na hiona paha keia e ike nei a e wawaia mai nei hoi.

 

Ma ka aoao eha o ka pepa o keia la e ike iho ai e na makamaka i ka haiolelo a ka Lunakanawai Kiekie i haiia malo ko o Kaumakapili ma ka po Sabati la 16 i hala, imua o na anaina hui elua.

 

Ua poniia mai nei o S. L. Desha (Kiwini) i kahu o na ekalesia hui o Kona waena a me Kealakekua, ma ka la Sabati hala.  Maikai a maluhia na hana.  E ola kau hana nani e ka makamaka.

 

E weheia ana he aha mele nui maloko o ka luakini o Ka Hau o Heremona ma Kalihi-waena, ke hiki aku i ka po o ka la 25 o Dec., a o na pomaikai a pau e loaa ana, no ka hale kahu o ia ekalesia.  E naue ae i lohe i na leo lea olaila.

 

Ma ka po o ka la apopo e malama ia ana he halawai hoole waiona maloko o ka luakini o Kawaihao, malalo o na alakai ana Mr. H. Waterhouse, he mau haiolelo ke loheia a me na leo himeni i kupono no ia hana.  E naue nui ae.

 

No ka piha loa o ka pepa me na manao heluhelu a nuhou no hoi, nolaila, ke hookaulua nei makou i ka hoopuka aku i ka moolelo o ka Ahahui Euanelio o Koloa, Kauai, a me ko Maui moolelo Kula Sabati, a keia pule ae, puka.

 

Mai ka leta a ka makamaka K. Kapanui opio i hoike mai, ua haawi ae la na kanaka a me na pake o Kailua he anaina haipule hoalohaloha maloko o ka luakini o Mokuaikaua ma ka la Sabati i hala.  Ua hui pu ae na pake ma ka hosana pu ana i ke Akua.  Piha ka hale.

 

Ma na makahiki a pau i hala i malama ia ai na lealea heihei, ua kuhao ae keia makahiki ma na heihei, oia hoi ke kukuluia ana o na Hui Waapa a me na waapa maikai a holo no hoi mamua o na waapa heihei o na makahiki mua.  Malia nae paha o oi ae ko keia makahiki ae i keia.  He ku mai koe ua hui.

 

Ma ka Poalua nei i weheia ae ai ka halekuai pipi o Wala ma alanui Puowaina e like me ka makou i hoaiai aku ai ma kela pule aku nei.  He momona na io pipi, he kuhikuhinia hoi na iwi, a aole no e nele ko laila mau kamaaina i ka liliha a puua i ka moni o ka haae ke maalo ae malaila.  E naue ae i ikemaka.

 

Ma Honaupo ua kipu o Ekekela wahine a W. Kua iaia iho me ka pu pana pana, a ua make loa.  He wahine keia i hoonaauaoia ma Haleiwa, Waialua.  Ua haalele mai oia he kane a me ke keiki liilii.  He mai ma ka lolo ke kumu o kona hana ana i keia.  Aloha na haumana o ka halekula kaulana o ke ehukai o lalo.  Hala aku la keia hoa i ke ala hoi ole mai.  Maha aku la nae mao. 

 

Ma ke awakea o ka Poakahi, ua haiamu ae na kanaka ma ke alanui Papu mawaho iho o na hale hana o Luka me Hapa ma no ka makaikai ana i ka moho kukini o kela makahiki aku nei me kona hoa heihei J. Sims ma ke kahua heihei; a ia laua i holo ai no ka pahu hopu, ua lilo aku la ke eo a me ka makana o ke kahua heihei i ka mea nona ka inoa hope, a haule iho la ka moho.

 

Leo Paipai.

 

            I ka poe lawe i kou Kilohana e ke Kuokoa, no ko'u ike ke holokiki aku nei kakou i ka pahu hopu, a kaa hope ae keia makahiki, malia aia iloko o ko oukou mau puuwai ke kanalua ana me ka olelo iho:  Aole makou e lawe hou ana i keia nupepa, no ka mea aole he hoouna ia mai.  He oiaio ia, o ka mea e kakau nei kekahi iloko o ia haawina hookahi.  Ua paa ia ka'u nupepa i ka pule ekolu o Sepatemaba, a i ka pule mua o Okatoba, hoouna leta aku la au i ke Keena no ka hiki ole mai o ka nupepa, a hiki mai la ka pane, aia a loaa aku ka uku pepa.

            Nolaila, ma kuu noonoo ana, me neia wale no kakou e pono ai e ka poe lawe pepa.  Ina he Luna kau, a i hookaa oe i ke dala, e noi pu aku oe i ka bila oia hookaa ana, me kona hoopaa pu mai i kona inoa, me kou malama loa i kela bila; a i hiki ole mai kau nupepa, alai la, palapala pololei oe i ke Kuokoa elike me ka hoakaka ma ka Helu 41, ma kou hoouna pu aku i keia bila hookaa, a pela wale no e pono ai.  Nolaila, e na keiki lalawai o ka iliili ne-he o Nuu, eia ka leo o ke aloha, e lawe aku oe i hoa kuili nou no ke ano ahiahi, a mai nonohua a kapae ae iaia.  E na

lede maka onaona o Puuomaiai, a me na keiki o ka uka iuiu o Mana, e lawe aku iaia nei ma ko oe poli, i hoa kaunu no na po mahina lailai.  E ko Kumunui mau iwa, eia ke aloha la ke haalele mai nei ia kakou, aka, aole pela ka pono, e paa mai no kakou a paa, a komo hou iloko o keia makahiki hou e hoea mai ana.  No ka mea, ua lilo i mea aloha, ua lilo hoi i mau hoa kakele no ka naita Kahanuopaineki, a pela no kakou e ike ai i na mea hou o kela a me keia ano.  Aole no hoi oia wale, he mau olelo ao naauao kekahi a keia pepa.  Nolaila, mai manao iho oe, o ka hiki ole ana mai o ka nupepa i ke kahi pule, a oia ka mea nana e hookuia ai kou noonoo maikai ana.  Ano, e ka mea heluhelu, e hoomanao ae oe no na hoakaka maluna.

            E ko Mokulau mau keonimana, e pupukahi mai kakou e paa no a paa, mai hookuu ae iaia nei no keia makahiki ae.

            Nolaila, e o'u mau makamaka mai ka biki'na a ka la a ka welo'na i ka mole olu o Lehua, e kuni paa ia ka nupepa Kuokoa ma na home, he hoa i kupa a i kamaaina imua ou i Hawaii imi loa.              P. Puhalahua.

            Kumunui, Kaupo, Maui.

 

Ko Hilo mau anoai.

Mai poino ke ola o P. K. Kawaihae i ka mano, oiai lakou nei maluna o na waa kaulua no ka holo ana aku e ike i ka hoa paio o ka moana kai uli kai hohonu; a ia lakou i hiki aku ai i kahi a ka manao i ake nui ai, ua eleu koke ae la o Kawaihae i kana apana hana no kaa hoolakalaka ana i na i'a.  He manawa ole ua ike ia aku la na i'a e hele pu mai ana me na eepa hiena ahiu o ua moana kai uli nei, huli ae la no hoi na lawaia e hoohana i ka lakou kekee anapuu no ke kihele ana mai i na i'a Ahi, a ua nui no na i'a i loaa mai; ia manawa, i ike koke ia aku ai ua hiena nei o ke kai i ka hele ana mai a kokoke ma kahi o na waa, hoomaka aku la o Kawaihae e hoohei i ua hiena nei a paa ma ka hiu, o ke ala mai la no ia o ke poo a nahu mai la ma kona lima me ka manaonao, aole nae i moku a kaawale, oia kahi laki loa.  He ewalu paha a oi kapuai kona loa, a ua pau nae i ka lole ia ua mano nei.

            He kanaka nalowale: Ma kekahi la o keia pule aku nei, ua nalowale aku la o Manuia he kanaka oia ua ano aoo, nona na makahiki he 50 a oi; he kamaaina oia no Hilo nei, he hoahanau no ka Ekalesia o Haili, a hiki i kona nalowale ana aku la.  He kamaaina no Piihonua, a he maa no hoi i ka hele i ka nahelehele i ke kapili manu; a ma keia hele ana hoi, nalowale loa i ka nahele loku o Kapaukea.  Mai kona nalowale ana a hiki i keia la a'u e kakau nei, he kokoke e hookahi pule.  Ua pii nui aku kekahi poe e huli, aole nae he loaa iki.  Ke hoomau nei no kekahi poe i ka huli ana.  Aloha wale ia makamaka o ia wahi. 

            He mau ahiahi huihui keia o ua aina nei, ke hele la a li ka io i ke anu o Hauailiki.                 Wm. Nalima.

            Puepaku, Hilo.

 

He Hana Hilahila.

            E Kuokoa; Aloha oe.

            Ma kahakai o Kainaliu, Kona Akau, ua malama ae o Kaepa a me kana wahine Kahiamoe i wahi paina no ka la hanau o ka laua moopuna, oia ka la 14 o keia mahina; ua mahuahua ka poe i hiki ae me ka manao hoi he pono, eia ka he hana hoohilahila; oiai ua ulu ae ka hakaka mawaena o ka poe nana ua papaaina la, ua kailiia na mea ai a ahu iho la ka hoka i kapakai.  Malaila ae no he makai, a ua ike no i keia mau hana. Ua ikeia no kekahi poe ua ona, a oia no ke kumu o keia hakaka ana.

                        Makaikai

 

Ko Kekaha, Kauai, mau anoai.

 

                        E ke Kuokoa e. Aloha oe:

            He malihini au ia oe, aka, ua hai ia mai au, e wehe mai ana no kou ipuka ke maalo aku me kahi wahi paakai i ka lima: nolaila, e oluolu oe "maloko hale wale aku ou ke aloha," e lawe aku i keia mau wahi hunahuna paakai o Kekaha nei no kou poe heluhelu, a oia keia malalo nei.

            Ua hoomaha iho nei na niho nau ko o ka wiliko o Kekaha nei, pale hoi ka niniu poahi mai o na mikini.

            Ke hoomaka nei nae na niho nau o ka pono ma Kekaha nei, ke niniu poahi ae nei hoi na kaa lio e holo ana i ka halepule.  "Maikai kela, e aleale mai e ka wai liula o Mana."

            Ke pu-a mau mai no ka uwahi o na pauma huki wai e hooma-u ana i na mahi ko o ua Kaha nei.

            Pela no hoi.  Ke pipii nei ka wai puna o ke Ola ka Olelo maikai a ke Akua ma ka waha o kana kauwa lawe hana e hooma-u ana i na naau panoa o ko laila kini.

            Ma ke Sabati, Nov. 9, ua hoomoeia he alanui ao o ka pono karistiano (K. S. o na Pokli,) ma ka apana o Kekaha nei, ka mea i ike ole ia i na makahiki he nui wale i hala ae nei; a ma keia alanui e huki ia mai nei na makua, na keiki, a me ka poe a pau e ku mamao ana mai ka ipuka aku o ke Ola.  O ka hele ia o ka halehalawai a le-i Kohala i ka nuku na kanaka.  Ma ka lokahi like o ke anaina, ua kohoia o Mr. Palaile i Kahu Kula Sabati, D. Kua, i hope, a o Mrs. Debola, Mrs. Kaupali, Mr. Pahia a me Mr. Papu, i mau Kumu Kula Sabati; nolaila,

            E na Kenerala a me na Alihikaua i kohoia ae la no keia puali koa o ka Haku ma Kekaha nei, e liuliu, kulia nui iluna, hoolei na mea hihia e palaha ai, hopu like na lima i ke kaula, elike na umauma, imua na maka, hoolohe na pepeio i ka leo: "E holo imua mai nana i hope elike me ka wahine a Lota."  E eleu like hoi e kuu mau hoa koa opio ma keia hana maikai o ka hooulu i na hana karistiano iwaena o keia Apana.

            Ma ka Poakahi iho nei, Nov. 10, ka hoomaka ana e hana ke alanui hao e hana hou ia nei, e moe ana mai ka hale wili aku holo i ka akau, a malaila e lawe ia mai ai ke ko mai na wahi mamao aku a hiki i ka hale wili, nau iho hoi kona mau ku-i omolemole, paki wai ole kela o ka laina.

            Eia o Lono i Kekaha nei kahi i hai ai i ka olelo maikai a ke Akua i na kanaka Hawaii a me na Tilibati; namu no kela ma olelo Hawaii, a unuhi ae la no hoi ma ka olelo Tilibati i na Tilibati.  Pomaikai maoli makou i kona hiki ana mai nei.  Pehea ka wailoa a Makaweli e hui lokahi io me ka wai ula iliahi o Waimea e kahe like iloko o ka muliwai e pale aku i ka wai kai awaawa e komo mai la i ka nuku o ka muliwai.

            He malihini ka ua ma Kekaha nei, ke omamalu mai nei nae ka lewa i keia la, e ua ana paha.  O ko onei kamaaina no ka "La e alohi nei," iliki iho i na paahana mitomito tela.  I ahona no nae hoi i ka pa kolonahe a ke Kiu hoolale waianuhea, olu ai ka noho'na o ia Kaha.

            He mau iho la ia mau wahi hunahuna.

            Ke hooki nei au maanei, oiai ke ani peahi mai la ka lau niu o Pokii, ua pau ka hana ua po, ua lawe aku la o Lehua i ka la, a ke o mai nei ka huihui o ka makani anu he Waipao.

                        Me Ka mahalo.

                        C. S. Pauau.

            Kekaha, Kauai

 

Ka La Hanau

O KA

Moi Kalanikaulilua

Ke Kanahakumamawalu o na Makahiki,

Na hiona o ka La, - Na lealea

maluna o na ole o ka moana.

 

            O ka Paokahi iho nei ka la 17 o keia mahina, oia ka la i kuahaua ia e ke aupuni no ka hoomanao ana i ka la i hanauia ai ko kakou Lani Moi.  I ka la Sabati iho ka piha ana o Kona mau makahiki he 48, a no ka hoomanao ana i na lealea o ia la ka ke aupuni i kuahaua ai ma ka Poahahi ae.

            He la nani ia, ua kalae na lani, ua ahuwale na kualono, e pa kolonahe malie ana hoi ka makani, a o ka nani aku hoi ma ke kahua lealea o ka la.  Ua malino lai malie ke kai.

            M na hora poniponi o ke kakahiaka, ua hoonakulu ae na leo nunulu o ka batari pu o Huehue, a pela ma ke awakea a me ke ahiahi.  E luhiehu ana na kahakahana hae o na keena oihana aupuni ma ia la, a pela pu na huini kia o na moku e ku ana ma ke awa.  Maka hora 9 a. m. i ikeia aku ai na kanaka e kuoi ae ana ma ke alanui no ka hele ana ae e makaikai i na lealea o ke kahua heihei, a ma ka hora 10 a oi ua hoopihaia ae la na uwapo i na kanaka.  Ua hoomaka na lealea ma ka hora 9 ponoi elike me ia malalo iho:

            1-Heihei moku kiakahi.  He elua moku i komo ma keia heihei, Healani me Pauline; na ka inoa mua ke eo; manapa holo 1.53-56 1/2; makana mua $50 makana elua $25.

            2-Heihei waapa elua hoe, Alvina me Shoo Fly; na ka inoa mua ke eo manawa, 11.31 1/2; makana $20.

            3-Heihei waa, he a waa wale no i komo i keia heihei, Lapaiahoe me Puakauahi, na ka inoa mua ie eo; manawa 8.11 1/2; makana $10.

            4-Heihei waapa hueohoei, Kekaa me Talula, na Kekaa ke eo; manawa 19 34 makana mua $40, hoihoi hou ka uku komo o ka waapa elua.  Ma keia heihei, ua haule ka manawa holo o na waapa huelo hou o na makahiki mua i hala i ko keia.

            5-Heihei waapa e@; aole nae he waapa i komo.

            6-Heihei au; I, Kimo me Tom; na Kimo ke eo: manawa 2 2 3/4; makana $5.

            7-Heihei waapa pukahi; aole nae i holo.

            8-Heihei waapa eono hoe; he elima waapa i komo i keia heihei; Malihnini, Inoa ole, Kapuaiwa, Poaikelani, me Kapiolani; na ka inoa ma ke eo; manawa holo 22.29; makana mua $75, elua $25, ekolu hoihoi hooka uku hookomo.  O keia kekahi heihei i makahehi hui loa ia e ka poe makaikai, oiai he mau waapa hou wale no lakou a pau loa a he kilakila ke kulana o ka akahi paha keia o ke ikeia ano o na waapa holo a loloa no hoi mamua o na makahiki i hala a no lakou i holo e lihi launa ole aku ai na waapa heihei o kela mau au.  I ka wa i haawiia ai ka hoailona no ka holo oiai lakou e lana like ana, ua ikeia aku la ka waapa nona ka inoa mua e oili pulelo ua mamua o na waapa a pau me he ma nahi la, a iaia wale no ke alakai ana a hiki i ka pahu eo.

            Kani ka hora 12 awakea ua hoomaha na hana 1 hora a ua hoomaka hou ma ka hora 1.

            Mawaena o ka hora@ me 1, ua malama ia he heihei ku@i mawaena o Jacob Sims me King, eo i ka inoa mua.

            9-Heihei moku kia@hi, Lena, Pauline, me Addie; na ka inoa mua ke eo; makana mua $40. elua $20, ekolu hoihoi hou ka uku hookomo.

            10-Heihei pukahi; aole waapa i komo ma ia heihei.

            11-Heihei waapa eha hoe, Lilian me Alvina; na ka inoa mua ke eo, makana mua $40, elua $15.

            12-Heihei waa pea; Puakauwahi me Kala, na ka inoa mua ke eo; manawa 25.42 1/2; makana 10 dala.

            13-Heihei luu, Poi, me Mose; na Poi ke eo; manawa 40. 3/4 sec. makana 6 dala.

            14-Heihei tabu-I, Poepoe, me Tom, na Tom ke eo; makana $5.

            15-Heihei waapa 6 hoe, Puaala, Kapiolani, Kanoelani, me Lilian; ua nui nae ke hoopaapaa no keia mau waapa, a ua hoopaneeia ko lakou holo ana.

            16-Heihei waapa nunui, Pioleilehua me Hanaokeoki, na ka inoa mua ke eo; makana $50.

            O ka panina loa keia o na lealea heihei ma ia la; ua hanaia na lealea me ka maluhia.  Ma ka po ana iho, he ike alii maloko o ka pa alii.

 

POINO MA KA MOANA

NA UHANE OLA EHA MALUNA O KA

 WAAPA, - OLA I KA IO KANAKA.

 

            O keia mau hoaiai maluna ae, oia ka makou i unuhi mai ai mailoko mai o ka nupepa Weekly Scotrman, e pili ana no kekahi moolelo walohia a weliweli pu no hoi no kekahi mau luina a me ke kapena ma ka moana, a penei no ia:

            Ma ka la 17 o Iune, ua haalele aku la ka moku Mignonette i ka mokupuni o Madeira no Kikane, a e lawe pu ana ia 4 ola uhane ekolu o lakou he mau kanaka makua, a hookahi he keiki opiopio nona na makahiki he 19.  Ma ka po o ka la i hoikeia ae la maluna, ua loaa iho la ka moku i ka ino, a ma ka la 18 ae ua iakaika loa mai la.  Pii mai la na ale huhu o ka moana a uhi pu mai la maluna o ka moku, pa ikaika mai la ka makani a olepelepe ae la ia lakou nei me he wahi apana pepa la.  Ma ka la 20 mai ua oi loa ae ka ikaika o ka ino i ko na la mua, a na ia ino i lawe aku i kekahi mau mea o ka moku hoonahaehae pu i na pea.  Ua hoomau ka ino iloko o na la hope o ia mahina a hiki i ka la 2 o Iulai, akahi no a akakuu mai; a i ka mao loa ana ae o ka ino ike iho la lakou aia i ka moana loa kahi o lakou e paialewaia uei.  Me na manaolana pakaui iloko o lakou ma ia la a po no ka loaa ole hou he poino e like me na la i hala; aka, ua kuhihewa ia mau manaolana ana, oiai ma ka la 3 ae loaa hou iho la lakou i ka ino.  Ma hora 4 ahiahi o ia la oia ka wati a ke kapena, a e ku ana oia ma ka oneki oiai ka malama moku ma ka hoeuli.  Ia laua e kiai ana i ka moku me ka makaala, ua pii mai la kekahi ale nui a ulupa mai la i ka moku, a na keia ale i hoopoino loa mai i ka moku, oiai ua nana pu ae la kona aoao, a e komo ana ke kai me ka lanakila, a ua mokumoku pu me na rigini.

            He manawa kupilikii loa iho la ia no lakou, ke ku nei kela me keia maluna o ka oneki me ka pihoihoi, a ke emi nei ka moku ilalo.  Ia manawa no hoi i loheia aku ai na leo pule, e noi ana ka lokomaikai o na lani e hoopakele mai ia lakou mai keia make weliweli.  Holo aku la lakou no ka waapa a emoole lana aku la iloko o ke kai; hopu ae la ke kapena i ke panana a me kekahi mau uni huaai elua a kau aku la maluna o ka waapa, a iloko o na minute pokole nalowale aku la ka moku ilalo o ka hohonu o ka moana.  Iloko o na minute hope loa e piholo nei ka moku, aa haawi mai la kela a me keia mea pakahi o lakou i na mapuna leo aloha hope no ko lakou halelana mamua o ka nalo loa ana mai io lakou aku.  Lana iho la lakou ma ia la a po me na hiona o ke kaniuhu, e hiolo ana na waimaka no ka hoomanao hope loa ana i ka ohana oiai lakou e make ana me ka weliweli ma kahi mamao a waiho paha na iwi o kamahele aukai i ka opu o ka moana.  Ma ia po a ao ae ko lakou hoomanawanui ana i ke anu a me ka pololi, a ma ia kakahiaka, mahele iho la lakou i na wahi tini huaai no hookahi paona a kela me keia; aka hookahi o lakou pilikia i kela manawa o ka nele i kahi kulu wai e hooma-u ae ai i ka puu.  Ma kekahi la ae, hoopau loa ia ae la ka lua o na tini huaai a lakou nei, a noho nui iho la e noonoo no kahi mea ai o ka pololi e noho aku ai o kekahi mau la.  I ka hiku o ka la o ko lakou hooma@ ino, ua loaa iho la ia lakou kekahi honu e lana hele ana maluna o ke kai, a hala ae la kekahi mau la pololi o lakou.  Hoao ae la lakou e inu i ke koko i wai, aole nae iloko o ka launa.  Ma kekahi mau la mai haule iho la he mau paka ua, a hoao iho la lakou e hohola i na kapa hinuhinu o lakou i loaa ka wai; haawi na leo noi i na lani e haawi mai i wahi no lakou, aka, o keia mau hoao ana, ua poho, oiai ke kai e komo mai ana a hui pu me ka wai maoli, a awaawa ae la.

            Hala ae la he 15 la o ka weliweli a me ka poino me ka hoomau no o ka ino.  Kukulu ae la lakou i ka hoe i kia no ka waapa, a o na wahi palule i hookuikui ia i pea.  Hala hou ae la he 18 la weliweli o lakou i noho ai, a o ka 7 hoi o na la i noho wale ia aohe ai, a me 5 la i nele pu i ka wai, a ke nee mai la hoi ko lakou hopena weliweli.  Hooholo iho la ke kapena me ka malama moku e hailona no ka mea o lakou e make ana i loaa ka ai, aka, ua hoole ke kolu o na kanaka makua; aole hoi a kahi keiki, no ka mea ke waiho oni ole ia oia iloko o ka waapa.  I ke kakahiaka o ka 19 o na la, ua ikaika loa iho la ko lakou pololi a e hanu wale ana no i kela me keia mea e loaa ana ia lakou.  Hooholo hou iho la lakou e pepehi aku i ke keiki no ka hoolawa ana i ko lakou pololi, oiai he wahi keiki wale no ia wahi a ko lakou manao.  Nolaila, kukuli like iho la lakou ilalo a haawi ae la i na lani he mau leo pule e noi ana e kala mai ia lakou no ka hana ana i keia hana mainoino maluna o ke keiki, a no ke pale pu ana ae i ka make weliweli e ili mai ana maluna o lakou.  I ka pau ana o ka pule, hopu aku la ke kapena i ke keiki a paa iho la; pane iho la oia:  E Parker, eia kou wa e make ai; a ia wa i holo koke ae ai ka pahi ma kona aa-koko, a make aku la ke keiki iloko o ka ehaeha.  Lawe ae la lakou i ke koko a hooma-u aku la i ko lakou mau puu i hele a hae i ka makewai.

            Iloko o na la 4 aole he mea e ae i loaa ia lakou no ka paina ana, aka, o ka io wale no o ke keiki.  A oiai lakou e ai ana i ka io kanaka ma kekahi la, ua hoohauoli ia ae lakou ma o ko lakou ike ana aku i kekahi moku e hookokoke mai ana ia lakou, a nolaila ku ae la lakou iluna e haawi ana i na hoailona me na lepa i kumu e ike mai ai ka poe o ka moku.  A ma ke ahiahi o ia la ua pili aku la lakou nei ma ka aoao o ka moku me na manaolana no ka pakele.  Laweia aku la lakou iluna o ka moku, a hoike aku la lakou i ka poino ana o ka moku, ko lakou kau ana maluna o ka waapa, a me ka moolelo weliweli o ke keiki.  Ku lakou ma ke awa o Falmouth, a hele aku la keia poe imua o ko laila lunakanawai a hoike aku la i na poino i loaa ia lakou a me na hana mainoino i hanaia maluna o ke kino o ke keiki, me ka mihi pu aku.  Ua haawi ka aha i kona noonoo maikai ana a hoopuka aku i kana olelo hooholo e hookuu ana ia lakou.  Pela iho la ka moolelo weliweli o keia huakai moana. 

 

OLELO HOOLAHA:  E ike auanei na mea a pau ma keia, owau o ka mea nona ka inoa malalo iho, ke hookapu aku nei au i na holoholona Lio, Bipi, Kao, Hoki, Miula, aole e hele wale maluna o kuu aina e waiho la ma Palama, Waikapu, Maui; a ke hookohu aku nei au ia Mr. Kuahui, i Luna nana e hopu i na holoholona e hele wale ana maluna o ua aina la, a oia no ka mana ma na mea a pau ma ke kanawai.

                        Wm. K. Hakalaau.

Aala,Honolulu, Nov. 6 1884.                          1197 2m*

 

JOHN MAHIAI KANEAKUA.

Loio a he Kokua ma ke Kanawai ma na Aha Hookolokolo a pau o keia Aupuni.

Keena Hana me Hon. E. Preston (loio Pelekane) ma Alanui Kaahumanu, Hololulu.

 

J P. HANAAUMOE.

He Loio a ka Kokua ma ke Kanawai ma na Aha Hoomalu a Apana o keia Aupuni.

E loaa no au ma Puna, Hawaii.

 

NA HOOLAHA KUMAU

 

KAKELA & KUKE.

E laa na pahiolo, koi hole, hamale, koi nui a me liilii, kila, wili puaa, ula, apuapu, kui o na ano a pau, kala kaa, hao hoopaa puka,

 

pohaku hoana, kepa, lei ilio, kanala hao ilio, pahi, upa, pahu umiumi, kalapu, kope hulu, pulupulu, oepa kalakala, lima hao, ami, keehi, ame ke

KAULA OPU.

 

Palau o na ano a pau, Oo, ho kopala, pe, kipikua, hao kope, au ho a pela aku, kua bipi, lei bipi, kaula hao bipi, uwea @ pili piula, kaa palala, ipuhao, @.

 

PA-PALAI MAKAU ME KE AHO.

 

Ili wai, papa holoi, kopa ala, kaula kuaina, hu'akai, ehi wawae, hulu pena, a pela aku.

Pena wali, kini nui a me liilii o na ano a pau, me ka pepa kuhikuhi, pena keokeo, aila pena, aila hoomaloo, vaniki kaa, a me vaniki moe,

 

PENA HOOMALOO

a me aniani hale

AILA MAHU, AILA MIKINI, AILA HAMO ILI, AILA KAA, INIKA KAMAA.

 

PAUDA, KUKAEPELE, KIANA PAUDA, UIKI IPUKUKUI O NA ANO HE NUI A LEHULEHU.

 

LOLE MAKEPONO

E laa na

 

AHINAHINA, KALAKOA, KEOKEO, LEPONALO, HULUMANU, UWE-WAHINE, KUI HUMUHUMU, A ME KA LOPI.

 

Ke Kuike a loaa no ia ma kahi o

Kakela & Kuke!

 

NA MEA PIULA,

Mikini Humuhumu

Mokini a WHEELER a me WILSON

MIKINI A WILCOX ME GIBBS

NA MIKINI A

REMINGTON.

 

He nui loa na mea hao me na ukana e ae o na ano a pau, aole hiki ke hai pau ia aku, hewa i ka wai na maka ke ike.

 

Laau Lapaau Kaulana Loa

A DR. JAYNE,

LAAU HOOMAEMAE KOKO

LAAU HOOPAU NAIO, LAAU

KUNU, PENIKILA, HUAALE,

PAAKAI, LAAU HOOPAA HI, A

Me na Laau Hamo a Pela 'ku.

 

Kakela me Kuke.

 

NA HOOLAHA KUMAU.

 

J T. WATERHOUSE. (Walakalani)

 

HALEKUAI KUKAA NUI ME LIILII

 

            Ua piha pono me na waiwai makamae hewa ai na maka i ka nui o ka lehua.

Heaha no la hoi ia

MALAILA

Na Apa Kilika o na ano a pau,

Pahoehoe o na ano a pau,

Alapia o na ano a pau,

Huluhipa o na ano a pau,

Na Huluhulu holoku,

Na Keokeo Paina,

Lilina lau puu.

Watorta, Leponalo, Lainakini, Akina pelekane,

Na Kihei o na ano a pau,

Na Koloka o na wahine,

Na Kihei Huluhulu,

Na Koloka o na wahine,

Na uhi Kilika,

Na uhi Alapia,

Na Hainaka nunai a @!

 

Eia hou.

HE HELUNA NUI ONA PAA LOLE O NA KANE A ME NA KAMALII.

 

Na Apa paina maikai loa,

Polu manoanoa a lahilahi,

Huluhulu manoanoa a lahilahi,

Na Apa huluhulu a pahee,

Na paa lole huluhulu, kane, me kamalii,

Na Pililakeke loloa a pokopoko,

Na Palule kaula o na ano a pau,

Na Palule keokeo,.

Na Palule kalakoa,

Na Paleili.

Na Papale wahine i kinohinohila me na pua me na hulu nani, a he heluna nui o na kane a me na kamalii o na ano a pau

 

HE HELUNA NUI O NA KAMAA.

 

Na Kamaa buti,

Na Kamaa pihi,

Na Kamaa huka,

Na Kamaa loholo.

Na Kamaa weleweka.

 

He Heluna nui o na Noho Lio Maia.

 

Na Noho Italia, Noho pulu mamua, a mahope o kela a me keia ano.

Na Aila o kela a me keia ano.

Na Aila honua helu 1 he alai me he wai.  Aila pena, aila hoomaloo, aila Oliva, Aila inu, Aila lauoho, Waiala maikai.

 

Na Pena waihooluu like ole.

Keokeo, Eleele, Polu, Melemele, &c., &c., &c., &c.

 

Ina Iho Ina Iho.

Na ipuhao, na Ipu ti,

Na koi nui a liilii,

Na pahi nui a liilii,

Na pahi olo, pakani

Na pahi olo palua

 

Na labu nui a liilii,

Pakeke nui a liilii,

Na lako kamana,

Na lako amala,

Na kamaa Lio,

Na oe hao.

Na pela uwe

 

Na lako mao, ma ka aina a mne ka wai

 

Na lako pa,

Pa nui a liilii,

Na bola,

Na kiaha aulani,

Na aniani kilohi,

Na ipukukui o na ano a pau.

 

He Heluna   Na mea ai.

 

Palena poepoe,

Palena poipoe palupalu,

Palena huinaha,

Palaoa o na ano a pau,

Na kamano maikai loa ma ka pahu,

Na kamano tini,

Paakai o Livapulu,

Paakai inu,

Paakai hu,

Mauu Kaleponi,

Palani ai a ka @.

 

He heluna nui o keia mauwaiwai aiwaiwa ko'u mau halekuai aole i pau i ka huaiia aku na oukou no e hele mai a kilohi no oukou.  Ua waeia keia mau waiwai me ka maiao, ma Pelekane, Farani, a me Amerika, no ka pono a me ka pomaikai o na kanaka Hawaii, me na kauoha mai na mokupuni e hookoia me ka eleu loa.

                        J. T. WATERHOUSE (Walaka aukl.)