Ka Nupepa Kuokoa, Volume XXIII, Number 45, 8 November 1884 — Mrs. Lilia Kali Nahalepamia. [ARTICLE]
Mrs. Lilia Kali Nahalepainiu.
Ma Honoipu, Kohala, Oct 11, 1884. Ua oluolu i ka makua Mana Loa ka lawe ana aku i ka uhane o kuu mama aloha, a waiho iho la i ke kino e hoi aku i ka lua pa-u a ke aloha ole i noho ai, o Lilia Kali Nahalepainiu He mea na kuu puuwai e poina ole ai, oiai ua hooneleia au a me ko'u kai- kuahine i ka mama ole, a eia hoi maua he luahi na ke aloha makua.
He wahine heahea kuu mama, a he nui hoi na makamaka mai Hawaii o Keawe a Kauai o Mano, na lakou no e hooia mai. O Pili me Kalahikiola na puu haelelua i Kahua, kona one hanau, na Makalili (k.) a me Kekumano (w.) mareia me J. Nahalepainiu, ma ka makahiki 1866, make aku la oia, a koe mai maua na keiki a me ko maua mama i hala aku la. Ke hoomanao nei au i ka ka Baibala, o ka La o ka Haku, me he aihue la ia i ka po. Nana no i haawi mai a nana no i lawe aku, e hoonaiia ka inoa o ka Haku. J. K. L. MAKUAHINEHELELOA. Kamakela, Honolulu.