Ka Nupepa Kuokoa, Volume XXIII, Number 45, 8 November 1884 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa

No Ka Makahiki,        $2.00

Eono Mahina,  1.00.

--KUIKE KA RULA.—

 

Poaono            Novemaba 8, 1884.

 

Haawina Kula Sabati.

H@

 

AOLE @nei i kea mai ka naanao?  Aole anei i @ane mai ka ike i kona leo?

            2  Maluna o na wahi kiekie, ma ke ala, ma kahi o na alanui, ku ae la oia.

            3  Ma na ipuka, ma ke alo o ke kulanakauhale, ma na wahi e komo ai, kahea mai la oia.

            4  Ke hea aku nei au ia oukou, e na kanaka; o ko'u leo hoi i na keiki a kanaka.

            5  E na mea ike ole, e ike oukou ike akamai; e hoonaanao hoi oukou e ka poe naaupo.

            6  E hoolohe mai, no ka mea, e hai ana au i na mea maikai; o ka oaka ana hoi o ko'u mau lehelehe ma na mea pono ai.

            7  No ka mea, e hoike mai kuu waha i ka oiaio; he mea hoopailua ka hewa i ko'u mau lehelehe.

            8  Ma ka pono na olelo a pau a ko'u waha; aole wahehee, aohe mea kekee malaila.

            9  Pau loa no ia i ka pololei i ka mea naauao, ua kupono hoi i ka poe i loaa ka ike.

            10  E koho oukou i ke ao ia mai, aole ke kala, a me ka ike hoi mamua o ke gula maikai.

            11  No ka mea, ua maikai ka naauao mamua o na momi, a o na mea i makemake ia a pau, aole i like me ia.

            12  Owau hoi, o ka naauao, ke pili nei i ke akamai, ua loaa ia'u ka ike i na mea e naauao ai.

            13  O ka makau ia Iehova, oia ke inaina aku i ka hewa; o ka haaheo, o ka hookiekie, o ka aoao ino, o ka waha aaka, oia ka'u i hoowahawaha aku ai.

            14  Ia'u ka ike a me ke akamai; owau no ka noonoo, ia'u hoi ka ikaika.

            15  Ma o'u nei no e nohoalii ai na ahi, a e kau aku ai no hoi na kaukaualii i ke kanawai pono.

            16  Ma o'u nei no hoi e hoomalu ai na kiaaina, a me na 'lii, a me na lunakanawai a pau o ka honua.

            17  He aloha ko'u i ka poe e aloha mai ia'u; o ka poe imi pono mai, o lakou ke loaa ia'u.

            Pauku Gula, He aloha ko'u i ka poe aloha mai ia'u.  O ka poe imi pono mai, o lakou ke loaa ia'u.

            Manao nui, O ka naauao ka mea nui, nolaila e imi i ka naauao.

            Poakahi, Sol. 7; 1—17.

            Poalua, Ioba 28; 12—28.

            Poakolu, Sol. 9; 1—12.

            Poaha, Sol. 16; 1—33.

            Poalima, Hal. 139; 1—24.

            Poaono, Sol. 22; 1—29.

            Saba@, Ioa. 1; 1—14.

            Mele, "Ko makou Makua," Hoku Ao Nani, p. 284.

            Pule i ao mai ka Uhane Hemolele ma keia naauao oiaio.

NA NINAU.

            He leo kahea a wai ma ka mok. 7?  Owai ka mea e kahea ana ma ka mok. 8?  He nui anei na pauku ma Sol. no ka naauao?  Mahea kekahi?  Sol. 2; 6.  3;13.  10; 2.  14; 6.  14; 33.  16;16.  18; 8,  21; 30.  23; 9.

            Owai keia naauao e kahea ana?  Heaha na ninau ma ka pauku mua?  Ia wai ka ninau ana?  Heaha ka haina?  No ke aha ke kahea leo nui ana ka naauao?  Heaha kekahi o kona mau leo?  Ua pane mai anei ke Akua ma kana mau hana?  Hal. 104; 24.

            Heaha ka mea a ka Palapala Hemolele i ao mai ai?  a Tim. 3; 15.  Nawai e ao mai i maopopo lea keia mau olelo a pau?  Na ka Uhane Hemolele.  Hos. 6; 3.  Heaha ka mea @ koho ai?  p. 10

            Heaha ka mea e oi ana mamua o ke gula?  Heaha ka mole o na hewa a pau?  Tim. 6: 10.  Ua hiki anei ke kuai i ka naauao?  Heaha ke kumukuai?  Ioba 28: 13, 15—19.  Ua like anei kona waiwai me kekahi mea e ae?  E imi e i keaha?  Mat. 6: 33; 1 Cor. 3: 21—23.  Pehea ke akamai, ka naauao o keia ao?  1 Cor. 3: 19.

            Heaha ka e pili ana i ke akamai? p. 1@.  Owai ka i kokua ma na mea e naauao ai?  Heaha ka makau ia Iehova? p. 13.  Heaha ka mea a ka naauao oiaio i hoowahawaha ai?  p. 13

            Kokua anei @ia ma na mea e pono ai keia noho ana?  Me wai ka ike?  Me wai ka ikaiku?  Kek. 7:19.  Pehea ka Solomona olelo ma Kek. 9: 16—18.  Lanakila ka mea ma ko Iehova aoao.  Ma owai la i noho alii ai na alii?  Pehea ka Daniela olelo?  Dan. 2: 20, @1.  Pehea hoi ka Paulo?  Rom. 13: 1.  Ua hoomaopopo anei na alii a pau i keia?  Ua alakai ia anei lakou e keia naauao oiaio?

            Ua ae anei lakou, o Iehova ke Alii o na alii?  Owai ka Lunakanawai?  Hal.  7@ 7.  He kumu anei e kaena ai na lunakanawai a me na alii o ke ao nei?       

            Pehea na moolelo aupuni a pela aku e hoike ana i ke aha?  Hai. 107: 43.

            O ka lunamanao anei kekahi e ao mai ana?  Rom. 2; 15.  Pehea ka @ 20 ana?  1 Cor. 1: 17—24.  Ep. 3@ 10.  Ua  hoao anei kekahi e pee mai ke Akua aku?  Kin. 3@ 8.  Iona 1; 3.  Mat. 25; 25.  Ua hiki anei?  Hal. 139: 7—12.  Mahea ke kahea ana o @a naauao?  P. 2. 3.  No ke aha kona hele ana ma na huina alanui?  E @uhikuhi i ke ala pololei?  No ke aha kona noho ana ma na puka pa?  Malaila ka noho nui ana o kanaka.  Ia wai ke kahea ana?  P. 4, 5.  Hal. 49; 1, 2.  Ioa. 55; 1.

            Pehea ke kahea ma Hoik. 22; 17  Owai ka poe naaupo ma ka pauku 5?  He naaupo anei ka poe hana hewa a pau?  No ke aha?  No ka mea, o ka haalele i ka hewa, oia ka naauao.  Iob. 28; 18.  Heaha ka naauao oiaio?  He aha kekahi mau kumu no ka imi ana i ka naauao?  He waiwai, he pono, he oiaio, he hooowahawaha i ka hewa, he haahaa, e kumu no ka lanakila ma na mea a pau.  Heaha ka mea a ka naauao i ao mai ai?  He pohihihi anei kana ao ana?  Heaha ke ano o na olelo ana i hai mai?  He maikai, he oiaio, he pono.  Heaha ka mea i loaa ole me Ia?  Ka hewa, ka wahahee a me ka mea kekee.

Owai maluna o lakou a pau?  Ep. 1: 20, 21.  Col. 1: 16, 17.

            Heaha ka Solomona i koho ai mamua?  1 Na Lii 3: 9.  Heaha ka ke Akua i haawi pu mai nana?  1 Na Lii 3: 11—13.  Owai kana i aloha ai?  p. 17.  E hoole ia anei kekahi e imi ana ia Iesa?  Ioane 6: 37.  Owai ka poe e loaa ana Iaia?  Mat. 7: 7, 8.  Iak. 1: 5.  Hoik. 3: 20, 22: 17.  Ma keaha ka hoomaka ana o ka naauao oiaio?  Ka makau ia Iehova.

            Owai ke kumu o keia naauao?  Iesu Kristo.  Ua imi ke Akua ia kakou, a ua paipai ia e hele aku i o na la:  E koho i ka naauao mamua o ka waiwai Owai ka mea lanakila mau?  Ka mea e ku ana ma ko Iehova aoao.

            Heaha ke kauoha ma Kek. 12: 1.  Pehea hoi ma Ier. 3:4.  Kek. 12: 1.  Pehea hoi ma Ier. 3: 4.  Pehea ka Iesu i olelo ai no na pokii?  Mat. 18: 14.  O ka wa hea ka wa e imi iaia?  2 Cor. 6: 2.

            Himeni.  Ka leo o Iesu.  "Hoku Ao Nani." 203.  Pule.  I hoolohe ia ka leo o Iesu, ano.

 

No ka Luakini Hou o Ewa.

            Ina wau e oluolu ia mai e oe a me kou Luna Hooponopono, ma kou lawe ahonui ana aku i na mea nui e pili ana i ka Luakini Hou o Ewa nei, a e hoaiai ae iwaena o kou poe heluhelu a pau loa, alaila, o oe mau me a'u, a owau mau me oe.

            Eia iho na mahele nui a me na mea e pili ana no keia hana:

            1  KE au ia Rev. J. S. Kalana, ke Kahu.

            2  KE au ia J. W. P. Kahalewai, ka Haiolelo.

            3  KE au o ka Ekalesia wale no.

            4  KE au o ko'u noho Haiolelo ana.

            1.—I ka wa e noho Kahu ana o Rev. J. S. Kalana, ua hapaiia na noonoo ana me ka manao nui e kukulu hou i Luakini hou; a mamuli o na manao lokahi, ua hooholo loa ia.  Ua houluulu dala, a ua loaa na dala he $90.00, a oia mau dala, ua pau no i ka alapohoia e lakou ma, a ua neo.

            2.—I ka wa e noho ana o J. W. P. Kahalewai ka Haiolelo, ua hoomauia ka noonoo a me ka manao nui i keia au, a ua hooholoia i kumu e loaa ai ona dala, a oia keia:  E malama ia i ahaaina lulu dala, a e noi ia aku ka Moi Kalakaua, aia a hiki i kona La Hanau, e malamaia ma Ewa nei, a he Lulu dala Luakini ka hana.  Ma keia mea, ua hooholo loa ko Ewa nei, a ua ae pu mai hoi ka Moi no ke noi.

            I ka makaukau ana o na mea a pau, a i ka hiki io ana i ua la nei, ua hooko ia na mea pau, a ua loaa na dala he $300.  A mamuli o keia puu dala, ua kohoia i Puuku malama dala, a oia no ka Moiwahine Kapiolani.  O keia ke au i loaa'i ke dala no keia hana nui, a pela no i hoomauia mai ai.

            3—Ke au o ka Ekalesia wale no, aole he Haiolelo.  Elike me na hiki mua pela no i ukali aku ai keia ekolu, oiai o Mrs. A. K. Mahi ka Puuku Ekalesia, a o G. M. Keone ke Kakauolelo, ua lawe ae laua i ka mana hoolimalima i ka aina ekalesia, a ua hoolimalima; a mamuli o ia hoolimalimaia ana, ua loaa mai na dala he $140.00, a ua hoihoiia keia mau dala i ka Puuku Luakini.

            4—Ke ano o ko'u noho Haiolelo ana.  Ma keia mahele, e oluolu mai ka Luna Hooponopono a me ka poe heluhelu, e ahonui mai i na mahele liilii o koia mahele 4, a penei no ia:

            @.—Na Hoike Kula Sabati, na Lulu Dala, a me na Aha Mele noi dala.

            Mai na mahina hope mai o ka makahiki 1882, a hiki i na mahina mua o 1883, ua malama mau ia he mau Hoike Kula Sabati a me na Aha Mele, a, mailoko ae o keia hana, ua loaa na dala he $655.20, oia na dala i loaa mua i ko'u au.

            @.—Ka noonoo ana e wawahi i ka luakini kahiko, a me ka nui o ka hale hou.

            I ka noho ana o ka Ekalesia a noonoo no keia kumuhana, ua lokahi ka manao e wawahi i ka luakini kahiko, a e hana hou i luakini hou.  Ma ia la i noonoo ia ai keia hale hou, a ua hooholoia ka nui o ka hale penei:  Ka Loa he 60 kapuai, ka laula he 30 kap. ke kiekie o ka pae pou he 14, he 10 puka aniani, 1 puka komo, a me hale bele, a ua paa ia hooholo ana.

            i.—Ka noonoia ana i kumu e loaa ai ke dala a paa koke ka luakini.

            I ka mahina o Mei, 1883, ua noonoo nui ka Ekalesia i kumu e holomua ai ka loaa o ke dala, a ua loaa oia keia.  E hana ia i Palapala Komite noi dala.  Eia ua Palapala la.

            Lulu dala o ka luakini o Ewa, Waianae, Sabati,--M. H. 188--.

            O makou o ka Ekalesia me ko makou, ma o ko makou Luna Haiolelo, Sam. P. K. Nawaa.  O ka malu mai ka Haku Iesu Kristo mai; Amene.  Ke noi aku nei makou i ka oluolu a me ke aloha o na makamaka a me na hoa'loha e haawi i ko oukou mau kokua makana aloha ma ka lima o ko makou komite ohi dala i hilinaiia, oia no o—no ka luakini hou a makou e kukulu nei.  O ke aloha a me ka malu o ke Akua me kakou a pau."

            Malalo o keia kumu, ua holo mua ka loaa o ke dala, a ua pihoihoi ae ka manao no ka hana koke i ka luakini hou.

            o.—Ka imi ana i kamana a me ka loaa ana.

            Mamuli o ke koho ana o ka Ekalesia i ka Hon. A. F. Judd i Komite imi kamana, a me na luna pu no hoi o ka Ekalesia, a ua imi ia.  I ka hoi ana o ke Komite a hoike mai i ka lakou hoike, a penei:  Hon. A. F. Judd.  Koho a ka'u kamana a paa ka hale, $3,500.00 aole noho &c.  H. P. Haupu.  Koho a ka'u kamana a paa ka hale, me na nohole hale, bele &c., he $3,050.00; koe na lilo kauo laau ke hiki i Ewa nei.  Ma keia mau hoike, ua koho ka Ekalesia i ka mea koho haahaa, a e lilo ka hana iaia.

            u.—Ke Komite kukulu hale.

            Eia na lala o ke Komite kukulu hale, Hon. A. F. Judd, A. kauhi Esq., G. M. Keone.

            h.—Ka Palapala hoopaa a aelike, mawaena o ke Komite kukulu luakini a me ke kamana.

            I ka wa i hooholoia'i ka manao o ka mea koho haahaa oia ke kamana nanan e hana ka hana, ua hana koke ia he palapala hoopaa aelike mawaena o ke Komite a me ke kamana; a ua paa, a ua kakau inoa na aoao a elua, a ua hanaia ka hana malalo o ka aelike me ka ewaewa ole.

            k.—Ke kukulu ia ana o ka hale.

            O Mr. Jas. Armstrong, (Limaikaika) oia ka inoa o ke kamana nana i hana ka hana.  Novemaba 21 M. H. 1883, ua hoomaka ia ka hana, e like ka nui me ka mea i oleloia maluna'@; a, mai Novemaba 1883, a hiki i Mar. 1884 nei, ua paa ka hale.  Ma ka la 25 o Mar. 1884 nei, ua hookuu aku ka Ekalesia i ke kamana me ke kakau inoa ana o ka Papa Kahu Waiwai a me ke Komite kukulu luakini malalo o ka Palapala hoopaa; a, aole mea i koe mawaena o na aoao a elua no ka hana, koe wale no ka hookaa dala mai ka aoao mua'ku (Ekalesia).

            l.—Ke anaina haipule mua loa iloko o ka hale a me ka lulu luakini.

            Oiai, ua nele maoli makou i kahi e hoomana'i i ke Akua, no na anaina haipule nui, nolaila, ua lokahi no makou e malama ia no na anaina hoomana me ka hoolaa ole ia o ka hale a hiki i ka wa e kaa ai ka aie, a ua hooholo ia pela.

            A ma ka la 30 o Mar. 1884, ua hooko ia ka makemake, a ua malama pu ia ka lulu dala, a ua loaa na dala he $20.00.

            m.—Ka Palapala noi a ka Ekalesia o Ewa nei imua o ka Ahahui Euanelio o Oahu nei, e koi ana e wehe ia ka puka no na noi dala luakini i na Ekalesia a puni o Hawaii nei

            Mamuli o ka olelo aelike mawaena o ke kamana a me ka Papa Kahu Waiwai a me ke Komite kukulu luakini, ua olelo ia, ekolu wale no wa e hookaa'i.

            1.  Ka wa e ohi ia'i ka laau.

            2.  Ka mahina o Maraki.

            3.  Eono mahina mahope iho o ka hookaa elua.  A oiai keia mau hookaa ekolu imua o makou, a ua hala ka hookaa mua me kana auwe oia he $1,100, a i ka hookaa elua me kana auwe he $900.00.  A i ka hookaa ekolu, ua pili pu ke kua me ke alo, ua paupauaho a naenae, ua haiki ka manawa, ua hele a lelele ka oili i ka ua mea o ka uhai ia e ka $1,050.00 i koe.  A mamuli o na noonoo kupilikii no keia uhaiaholo ia mai, ua hana makou i palapala noi imua o ka Ahahui Euanelio.  Mamuli o ka noonoo ana o kela Aha, ua hooholo io ia, me ka ae mai i ka Ekalesia o Ewa nei iloko wale iho no o Oahu nei e hele ai e noi dala, ma o keia Komite Rev. S. Waiwaiole, S. P. K. Nawaa, Mrs. M. K. K. Nawaa, Mrs. Kawaimaka Kupa, Mrs. Rebeca Kiwaha.

            @.—Ke Komite noi dala ia Oahu nei.

            Mamuli o ka ae ana mai o ka Ahahui Euanelio o Oahu nei, a me ke ake nui e hoopau ae i ko makou haawe kaumaha a ka aie, ua pulale ae la makou e hooko i ka olelo hooholo a ka A. E. o Oahu nei.  Mamuli o ka ae oluolu a me ke koa wiwo ole ana o Mrs. Mary Kelupaina K. Nawaa a me Mrs. Kawaimaka Ku@a he hapa uuku o ke Komite, ua ae laua e hana a e lawe i keia haawe kaumaha maluna o ko laua mau poohiwi palupalu, a e hooko i ka Iesu "E amo oukou i ka'u auamo maluna iho o oukou &c"  Ma ka pule mua o July 1884 nei, ua kamoe ka laua huakai mai Ewa aku nei no Waianae, a pela a puni o Oahu nei me ka hoomanawanui i na inea.  A mamuli o ka lokomaikai o na Ekalesia a me ka ikaika hana o ke Komite iloko o na makamaka a me na ho'aloha no elua mahina, aia la, ua loaa na dala he $449.65.  Nui kela!

            p.—Pau ka aie a kau ka hae o ka lanakila.

            Ua hoikeia ae nei mamua he $1,050 dala oia ka aie i koe, a o ka hookaa hope hoi ia a pau ka aie iloko o ka mahina o Sepatemaba.  Mai Mei, 1884 aku a hiki i Augate, ua nui ko makou hooikaika ma na hana e loaa ai ke dala oia hoi na lulu Palapala komite mau, na Aha Mele no makou iho a no Manoa mai, na lulu Kula Sabati i na wa Hoike Kula Sabati, i hui puia mai me $66.25 o ka lulu o ke anaina haipule hoolewa o J. S. Kaanaana Esq., maloko no o na luakini nei, i malamaia e Mrs. Marie Kaanaana, ka wahine kane make.  A ina i huiia na dala loaa mai Mei a hiki i Augate, ua hiki ka nui o na dala i ka $1,447 me na keneta oi.  I ka laweia ana o ka $1,050 a me kekahi mau hoolilo e ae no na mea pili i ka luakini, ua koe ke koena oiaio he $366.50.  A no na hemahema i koe o ka luakini a me ka pa luakini, ua manaoia e lawe ae i kekahi mau dala no ia mau hemahema, a ina e koe ke koena e lilo ia koena no ke kukulu hale Kahu, &c.  Nolaila, ke hoike aku nei makou me ka oiaio, ma ka la 150 Sepatemaba o keia makahiki, mamuli o na bila hooiaio mawaena o ke kamana a me Hon. A. F. Judd, ka Puuku luakini o ka lunahoomalu o ke komite kukulu luakini, ua hooiaio ia mai ua kaa pau loa ko makou aie iloko o ka aelike.  Nolaila, ua kau hae o ka lanikila, a ua pau ko makou auwe ana no ka aie.  Ke hoike pu ia aku nei, i ka wa no o ka hookaa hope ma ka aelike, aia hoi ua lanakila makou maluna o ka aie.

            w.—Na hoomaikai ana

            Ke haawi aku nei makou i k@ makou hoomaikai nui loa i na mea a pau i haawi mai i ko lakou mau i na mea a pau i haawi mai i ko lakou mau makana kokua aloha no ka makou hana nui i hana iho nei, mai na Moi, na 'lii, na luna Aupuni, ka pe hanohano a waiwai, a hiki loa i ka poe ilihune.

            No oukou e na komite a pau loa, ke hoolei aku nei makou i na papahi lei o ka hoomaikai i lei no oukou, no ko oukou ahonui paupauaho ole, e hoomanawanui pu ana i na leo lokoino a ke pakik@ a me ka hoohenehene.  O ko makou mau lima akau a me na lima hema, no oukou ia a mau.

            Ke pahola pu aku nei makou i ko makou mau hoomaikai kiekie maluna ou e ka Ahahui Euanelio o Oahu nei, no kou komo pu ana mai ma o kou komite la, e hui pu me makou ma keia hana n@i koikoi, a e hoopau ae i ko makou mau palapu o ka aie.

            Ke haawi pu ae nei makou i na hoomaikai nui imua o ka noho Alii o ka Mea Kiekie loa, no kona ae ana mai e noho pu Kona Ahahe me makou, a e kokua ma ka makou hana nui i hana iho nei.  Oiai hoi na leo hooiloilo e pae ana, "aole e paa kena hale a hala ne 50 makahiki.

            O ke aloha no ko kakou a pau.

S. P. K. NAWAA.

            Luna Hai Euanelio o ka Ekalesia o Ewa.

            Waipio, Ewa.

 

Kaula Wahahee.

            Eia ma Hawi nei kekahi kaula wahahee kahi i kanu ai i kana anoano kakalaioa, a penei kekahi o kana mau apana hana:  Ka mana hiki e hoike mai i ke ano a me ka inoa o ka mea nana i aihue kekahi waiwai makamae.

            Ma kana mau lawelawe ana a pau i ka pilikia o kanaka, e mohai i hookahi dala a me hookahi puawa, a mahope aku elima dala a oi aku a emi mai paha  O kekahi mea i hanaia ma keia wahi he wahine; a o ka mea nana i lawe o Weu, wahi ana, "eiala! he wahi kanaka eleele poupou ke ku mai nei, &c."  Ua kapiliia aku la ka mea hala ole e keia wahi alopeka i@o.

            Ka mana e hookomo ai i ke "aloha" iloko o ka wahine a ke kanaka i manao i hele aku imua o Keola (ka inoa o ua kahuna la) he hana aloha ke ano.  Me na mohai no e pono ai, i puawa, hookahi dala &c.

            Eia kekahi o kana mau pule hana aloha:--

"O makanikeoe

O huananai

E lawe oe i ke aloha--&c

            H@ ka aka i keia wahi taata.  He nui wale aku kana mau hana epa.

G. PALAIMOEANU.

 

Ku hou ka Ahahui Opiopio Imi Pono Karistiano o Kaunakakai

            Ma ke ahiahi o ka la 1 o Nov. nei, ua hoomaka hou ka Ahahui Opiopio Imi Pono Karistiano o Kaunakakai e kukulu hou, no ka hoomaha ana iho nei hookahi mahina; a ma keia noho hou ana, ua hoopau ia na Luna mua ekolu, a ua koho hou keia Ahahui Opiopio Imi Pono Karistiano i mau Luna Nui hou oia keia:  S. K. Kuapuu Peresidena, Jos. N. Uahinui Kakauolelo, Jas. Nawaahelu Puuku.

            Nolaila, ua hoopuka ka Perisedena hou i ka olelo hooholo e waiho ke kakau inoa o na lala e makemake ana i ka Hui Opiopio a ke ahiahi o ka la 2 o Nov. Sabati.

            Nolalia, ma ke ahiahi o ua la la, ua noho hou ka Ahahui no ke kakau inoa o ka poe a pau e makemake ana i mau lala no ka Ahahui Opiopio hou.  Nolaila o ka nui o na lala o keia Hui e ku nei i keia wa he 38, me na Luna nui 3, 41.  He keu a ka holo pono o na haua ma keia apana, aole pela na apana e ae a puni o Molokai nei; no ka mea, o keia Ahahui Opiopio, ua hoouna lakou i elele kuokoa no keia apana; a e hele aku ana oia i Wailuku e hoike ai i na hana pono a ka Hak@ ma kela apana, mai ke Kula S. a ka Ekalesia.

            Eia kekahi, ma ka hora 8½ p. m. o ka la a o Nov. nei, ua malama ka Ahahui Kula Sabati o Kaunakakai i manawa e like me ka hoolaha a ka Peresidena Henry Walahauki; nolaila, o na hana Kula Sabati he oia mau ka ka holo imua, a ua hoopiha ia ka luakini o Mokuola e na haumana Kula Sabati, no lakou ka huina he 71 haumana Kula Sabati.

JOS. N. UAHINUI.

            Kaunakakai, Molokai.

 

Mrs. Lilia Kali Nahalepainiu.

            Ma Honoipu, Kohala, Oct 11, 1884.  Ua oluolu i ka Makua Mana Loa ka lawe ana aku i ka uhane o kuu mama aloha, a waiho iho la i ke kino e hoi aku i ka lua pa-u a ke aloha ole i noho ai, o Lilia Kali. Nahalepainiu.

            He mea na kuu puuwai e poina ole ai, oiai ua hooneleia au a me ko'u kaikuahine i ka mama ole, a eia hoi maua he luahi na ke aloha makua.

            He wahine heahea kuu mama, a he nui hoi na makamaka mai Hawaii o Keawe a Kauai o Mano, na lakou no e hooia mai.

            O Pili me Kalahikiola na puu haelelua i Kahua, kona one hanau, na Makalili (k.) a me Kekumano (w.) mareia me J. Nahalepainiu, ma ka makahiki 1866, make aku la oia, a koe mai maua na keiki a me ko maua mama i hala aku la.

            Ke hoomanao nei au i ka ka Baibala, o ka I a o ka Haku, me he aihue la ia i ka po.  Nana no i haawi mai a nana no i lawe aku, e hoonaniia ka inoa o ka Haku.

J. K. L. MAKUAHINEHELELOA.

            Kamakela, Honolulu.

 

Na anoai o N. Kona.

            Eia ma Kahaluu, N. Kona mei, kekahi elemakuie palupalu, oia o Mr. Kaaikaula, he elemakule i hooneleia i ka ai ole a me kekahi mau pono e ae o keia noho hapauea ana.  Ua ninau aku au iaia, owai ka mea nana e malama nei i kou ola?  Ua hai mai kela, aohe mea nana e malama iaia.  Nolaila, ke ninau nei keia maka peni, auhea la ka ohana o Kaaikaula?  Aia no ke hoekepue mai la i Kakaako ma Honolulu; he mau keiki, he mau moopun, he ka ikuahine; aia kekahi ma Kainaliu, S. Kona.  O ka makemake o ka mea kakau, ano ka manawa e malama oukou iaia, i kulike ai me ke kanawai o ke Akua, i hoike ia ma Puk. 20; 12.  A na ka mea kakau e malama nei i keia mau mahina.

            No ke Kula Beritania e ku nei ma Kahaluu, N. Kona.  Ke pii mahuahua ae nei ka makaukau o na keiki ma ke kahua o ka naauao, malalo o ke ala kai ana a Mr. Muller.  O ka nui o na haumana o keia kuia, he 83; a o ka mea pilikia nae aohe hale kula.

            Ua make kekahi Ahahui Opiopio o ka aekai o Pahoehoe.  Ma ke kahua one paha kahi i kukuluia ai @

            Ma ka la 28 o Okatoba, make o Mrs. Kaila Kamuku, ma Keauhou, he omaimai mau no.  Aloha wale,

            Me ka Lunahooponopono ko'u welina.

J. R. KAHUAMU.

            Kahaluu, N. Kona.

 

Moku Kaua Geremania Adalbert.

            Ma ka la Sabati nei, i ku mai ai ka man@wa Geremania Adalbert; he 28 la mai Iokahama mai.  He maikai wale no kona ala holo moana i holo mai nei a hiki ianei.  He moku laau nona ma tona 3980; a e lawe ana he 11 pu a Krupp, a he 2 pu pananaiki iho no ka waapa; a pela no hoi he eha pu Hotschkiss, a me eono topido.  He 4800 lio ka ikaika o kona enegini.  Ianei no oia i ka 1879 me ke Keiki Alii Heinrich.  He bana no hoi he 16 ka nui o na lala; a he 380 ka nui o kona mau kanaka.

 

            Ma Halehaku, Hamakualoa, Maui, ua hanau mai na Mr. a me Mrs. Kahaikupuna, he kaikamahine mohaha maikai.

            Ma ia wahi hookahi no, ua ma hanau mai na Mr. a me Mrs. Leialoha, he kaikamahine no.  E Mrs. Leialoha, he kaikamahine no.  E mahaloia ke au hooulu lahui o ka Moi Kalakaua.

            Ma Kupahua, Puna, Hawaii, ua hanau o Ino. Pele, na Mr. a me Mrs. Pele.

 

NA HOOLAHA KUMAU.

 

HALEPAI O THOS. G. THRUM

--O KA NUPEPA—

SATURDAY PRESS me KUOKOA

ALANUI KALEPA, HONOLULU

Malaila e paiia ai na ano a pau o na

BUKE,

            HOIKE O NA KULA,

                        HOIKE A NA KOMITE,

                                    NA HAAWINA KULA SABATI,

PAPA KUHIKUHI O NA ANO A PAU,

            HOOLAHA NUNUI A LIILII,

                        BALOTA, LIPINI PAPALE,

                                    TIK@TA, WAHI LETA,

                                                BILA PAI HAKAHKA@

                                                            HOOLAHA KUDALA,

&c.      &c.      &c.

I loke o ka wa pokole a me ka au@au haahaa.

 

A ma ka halekuai o THOS. G. THRUM

ma ALANUI PAPU, e loaa ai na

Kalana kakau o na ano a pau,

Wahi Leta       "           "           "

Inika    "           "           "

Penikala           "           "           "

Mea Hoopipili, buke hoomanao,

Peni gula a me kumu gula,

Kii, a me na laau,

Buke kii o ka ohana,

Buke kii a na keiki,

Na mea paani a na keiki,

Kaa a na keiki,

Kaa huila lua o na opio.

A he Agena no ke ana lole pepa o na Keiki a me na wahine

 

No ka hoailona ana i na lole me na inoa ponoi e hookoia na kauoha a pau no na papa inoa ke waihoia ma keia halekuai me ka uku pu o ka papa inoa i makemakeia.  Uku no ka inoa hookahi me ka inika a me ka hulu, $1,50 ina ma ka papa inoa keleawe, a ina ma ka papa inoa dala, $2.

            O na kauoha pau mai na mokupuni e hookooia ina e hoouna pu ia mai me ke dala a me ka moakaka pono o na hoakaka ana.

THOS. G. THRUM

 

NU HOU!  NU HOU!

Na Waiwai Hou Loa!

NA PAIKINI O KEIA AU.

E Loaa no ma ka ha Halekuai o

DILLINGHAMA MA,

Ma Alanui Papu.

Oia na waiwai malalo iho nei:

Na Palau, Kaa Huilapalala, Kepala, Piki, Oo, Koi, Koilipi, Na Hamare Kamana o na ano a pau, Na mea Hana a na Kamana, Poe Hamo Puna, na Amara a me na mea hana o ka Poe Akeakamai a pau.  Pena Aila, Vaniki a me na Palaki, Pauda, Poka a me na Kukaepele, Palaki Hamo Puna, Pulumi, Pakeke, Kapu Holoi Lole a me na Papa

Holoi Lole, na Iputi, na Pa Palai, na Ma kau Lawaia, Na Aho Lawaia o na ano a pau, na Kaula o na ano a pau, na Pahi, O, a me na Puna, a he nui aku no na mea i koe.

I KUPONO NO KA HOOHIWAHIWA ANA!

NA HALE

I hiki ole ia makou ke huai pau aku aka, na oukou no e hele mai a e hoonuu iho.  O keia maluna ae, e loaa no ma ka halekuai o

Dilinahama Ma,

0136-3m]Mai ka helu 37, Alanui Papu

 

NA HOOLAHA KUMAU.

 

W O. SMITH.

LOIO, LOIO, LOIO.

KEENA HANA         Helu 36 @ K@

tf.

 

W A. KINI.

LOIO, LOIO, LOIO.

KEENA HANA         Helu 15 A@ K@manu, Honolulu.

 

W R. KAKELA.

LOIO A HE KOKUA MA N@ KA@

He luna Hooiaio Palapala.

tf.

 

A ROSA. (AK@)

LOIO A HE KOKUA MA KE K@

He luna Hooiaio Palapala.

KEENA HANA: Ma ke Keena @

tf.

 

S B DOLE.

LOIO, LOIO, LOIO.

He luna Hooiaio Palapala.

KEENA HANA: Ma Ala@ K@

tf.

 

CECIL BROWN.

LOIO A HE KOKUA MA KE K@

A he Agena Hooiaio Palapala @

Aupuni o Oahu

KEENA HANA: Heiu Sa@an@ Ka@

tf.

 

JAMES M. MONSARRAT.

(MAUNAKEA.)

LOIO A HE KOKUA MA KE KANA@A.

He Luna Hooiaio Palapala.

            KEENA HALA: alanui Kalepa.

 

RICHARD F. BICKERTON,

(PEKEKONA.)

LOIO A HE KOKUA MA KE KANA@

KEENA HANA: Helu 27 alanui Kalepa.

tf.

 

S N. EMERSON, (@MEKONA

LUNA hooialo Palapala Kepa P@ no ka apana o Mauilua, Oahu.  A@ no ka Hooiaio ana i na Palapaia no ka mokupuni o Oahu.

Ua makaukau no hoi oine ANA AI@ ma na wahi a pau i makemakeia.

Wailua, Oahu, Nov. 10, '83.  11@

 

WILLIAM AULD.

Luna Hooiaio Palapala Kepa Paaha@a no ka Apana o Kona.

            KEENA HANA: Ma ke Keena W@ Honolulu.

 

S H. MEEKAPU.

Tela humuhumu lole.

HALE HANA: Helu 11 aianai N@

 

C BREWER & CO. (BOKUA M@

            Ua makemake ia ka poe me H@ KA@MALOO  a me na ILI BIBI, a peia @ na ILI MIKO o na ano a pau, e @ lakou mau ILI me makou, a e haawi no makou i ke KUMUKUAI KIEKIE LOA o ka kakou Makeke.

 

JNO. M. KEALOHA.

LUNA hoolalo Palapala Kepa Paokana no ka apana o Kawaihau, K@ Agna no ka Hoolalo ana i na Palapala no ka apana o Kuwaihau, K@ Komisina Palena Aina no ka ap@ Kawaihau, Kauai, a he Luna @ Mare no ka Pae Aina holooko@.

1163-1yr.

 

DILLINGHAM & CO.

Mau Mea Kuai Lako hao

Alanui Papu, Honolulu.

 

FRANK PAHIA.

ANA AINA !  ANA AINA!!

KEENA HANA:  Aia ma alanui Moi, k@ ke loa i ka Uwapo o Hooliliamana

 

C C. COLEMAN.

Amara a he mea hana Mekina

Kapili Kupuai hao lio.

A ME KA

Hana Kaa Lio ana, etc.,

Hale Hana ma Alanui Alii.

905-tf  E kokoke la i ke Alanui Papa

 

PAPA, PAPA

AIA MA KAHI O

LEWERS & COOKE!

(O LUI MA.)

ma ke kahua kahiko ma alanui Papu a me Moi

E loaa ai na

PAPA NOUAIKI

o kela a me keia ano.

 

Na Pani Puka, Na Puka Aniani, Na Olepelepe, Na Pou, Na O-a, Na Papa Hele, Na Papa Ku,

                                    A me na Papa Moe nui l@.

Na Pili o na Hale o na Ano a Pau.

Na Pepa Hoonani, Na Pena o na Wai a pau.   Na Kui mai ke Nui a ka Makalii,  Na Ami Puka, Na Ami Puka Aniani,  Na Ami o na ano a pau, Na Aila Pena, o kela me keia ano Na Aila Hoomaloo, he lehulehu wale, Na Aila e ae o na ano a pau.

NA WAI VANIKI

--A ME NA—

WAI HOOHINUHINU NANI!

O NA ANO A PAU LOA

NA BALAKI ANO NUI WALE.

A ke hai ia aku nei ka lono i na makamaka pau, ua makaukau keia mau Makamaka o oukou e hoolawa aku ma na mea a pau e pili ana ma ka laua oihana

--NO KA—

UKU HAAHAA LOA.

E like me ka mea e holo ana mawaena o

LAUA a me ka MEA KUAI.

E Hele mai!  E na Makamaka!!

A e lawa no hoi ko oukou makemake me ka oluolu a me ka maikai