Ka Nupepa Kuokoa, Volume XXIII, Number 44, 1 November 1884 — Pono ole kahana. [ARTICLE]

Pono ole kahana.

E ke Kuokoa e, Aloha ot : — Iloko o kekahi mau la o keia mahina iho nei i hoea mai ai ko makou Lunakanawai Kaapuni no kana mau apana hana, a ma ka noho ana oka Aha e nana i na hihia hoopii mai ka Aha Apana aku, ua kaliia kekahi mau makai oiai o laua kekahi mau hoike no kekahi mau hihia ma ka aoao 0 ke Au-

puni; ua hoopaiia iho nei ua mau makai nei no ka hiki ole ana mai i ka manawa i kauohaia'i ma ke ano he hoowahawaha i ka' Aha, a ua lohe pu ia e hoopauia ana ko laua mau hookohu makai, -

Iloko aku nei o kekahi mau manawa i hala, i ikoia aku ai ka hana pono ole a kekahi mau makai oiai ko makou Luna Makai ika Ahaolelo. O kekahi o keia mau makai ua hoonohoia ma ke ano he hope luna makai, a o kekahi kanaka oia o P. Kauimakaole, he hope aku la hoi ia no ka hope luna makai i hookohu mua ia. Hopu aku nei keia poe i na Pake malama opiuma ma Kuihao, Aleamai, ua hookolokoloia a ua hoopaiia ua mau pake la a hoopaaia ma ka halepaahao, a i ka Wiliki hoi keia hookuuia ua mau pake nei a hiki i keia la Pehea iho la hoi keia mau hana pono ole, aolt anei i poho ke aupuni ?

Ma keia wahi no hoi na hana aloha ole a keia poe, Oka Palapala hopu o kela mau pake aku la, oia no ka palapala hopu i hopuia.ai na pake rna Makaalaea, kokoke i ka hale wili i kapaia Mokaimi. Ua hopuia keia mau pake no ka malama i ka opiuma, a o ka opiuma hoi, oia no ka opiuma i loaa i kela mau pake mua, a ua hoopaiia kekahl pake he $So; aloha wale ka mea hala ole. Aole anei i ukuia keia mau hana aloha ole ? Ua hoopaiia ]aua a ua akaka loa ko laua hoopauia mai ka oihana aku. O keia kanaka oP. Kauimak#ole, oia ke alakai nana i hana keia mau hana hoopilikia wale, a ma keia mau la iho la ua hoopii ia oia no ka hana apakee i ke dala a Kahelekua, ama ka apua nae kona pakele; ina afcu no nae no kahi wa, no ka mea he au ko ka manawa. ' Owau no me ke aloha. JOHN. Hamoa, Hana.