Ka Nupepa Kuokoa, Volume XXIII, Number 40, 4 October 1884 — No anoai o Kauanihipali. [ARTICLE]

No anoai o Kauanihipali.

E ka nupepa Kuokoa e, Aloha oe: — E oluolu oe a me kou hookele, e hoaiai ae imua o na kini makamaka puni mea hou e noho mai ia ma ka la hiki a ka la komo. ■ Ma ka la 18 o keia mahina e nee nei, ua hanau mai la na Mr. a me Mrs. Kalawaianui, he keikikane mohaha maikai, o ke au Hooulu Lahui o D.

Kalakaua: o ka piha ana keia o ka eha o ka laua inau hua Maanei no, ma ka la 21, ua hanau mai la na Mr. ame Mrs. Joseph Kea we, he keikikane no: o kaʻu e noi nei i na Mana Lani, e hoomauia aku ke ola o ia mau opuu pua nani o Hawaii. Ke pii mau nei na hana pono ma ka apana o Kahakuloa nei, ke ike ia aku nei na kane, na wahine, a me na opio e nana ae ana ma na halawai Hui Opiopio. He mau la welawela keia o ua mau pali huli lua nei, aohe hoi elike me na la mamua aku ke puanuanu. | "He nui iho ia ahe mau ia, Ua lawa no na hoa makamaka." Me ka Lunahooponopono ko'u welina pau ole. S. W. P. Kepani Opio. Kahakuloa, Sept 22, 1884.