Ka Nupepa Kuokoa, Volume XXIII, Number 40, 4 October 1884 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

@@@ THOS. G. THRUM ma ka Halepai o @@@@@@ Keena @@@, ma na kihi o Alanui Moiwahine me Nuuanu.

            @@@@@@@ mai na Olelo Hoolaha ma @@@@ Hooponopono mamua ae o ka hora @@@ awakea o na Poaha a pau. Aole e @@@ Hoolaha ke laweia mai @@@ ka hora i hoikeia maluna. E hooko @@@ makou i keia rula maluna.

            @@@@ a pau me na kauoha @@@ pepa ia KA NUPEPA KUOKOA @@@@. Ina e loaa pono ole aku keia @@@2, e hai mai me ka hakalia @@.

 

NUHOU KULOKO.

 

            @@@ Ulakoheo ka moku kuna po@@ kahi i hana hou ia ai.

 

            Ua make ke kaikamahine elua a @@ ma ka Poakahi iho nei Sepatemaba 12.

 

            @@@@ aku ka Ilamuku W.C. @@@ a me J.H. Smithies mai ko @@@ mai.

 

            Ua hookohuia o Mr. George Maka@@@ i Kiai Awa ma kahi o J.R. @@@ i hoopauia.

 

            O ka hoopauia ana o ka Ilamkuku @ C. P@@ke, ua hookohuia ma kona hakahaka o Mr. J. H. Soper.

 

            @ keia noa iho e noho ai ka Aha Hookolokolo Kiekie malalo o ka Lunakanawai Makule.

 

            He @@ nui ka i holapu ae i na manu @@ lailaau o ke awawa o Makiki, @@@ ahi ma kahi o kela ahi mua i @@.

 

            @@@ o Thos. K. Nathaniel i @@@, ua hookohuia aku o H.F. @@@ ma ke ano he kakauolelo no ka Aha Kiekie.

 

            @@ o ke awawa o Palolo ka Moiwahine Kapiolani, ka Hooilina Alii @@@, ke kama alii wahine Likelike @@ i hanu ai i na kipona ea kupa@@ o ka palai.

 

            Ua hoi mai o Madame Cora mai i huakai hana mana hoopahaohao i ke kiaaina, a e wehe hou oia he hoikeike hope o ia hana kupua maloko o ka Hale Mele Hou i keia po.

 

            Ma ka Lilinoe i ku mai ai i ka Poakolu nei, ua lawe hou ia mai he heluna mahuahua o na dala Mekiko. E kala ana keia mau dala o ka waiho loihi ana @@ na kuaaina, a ike paha i ka pilikia @@ lele mai nei.

 

            Ma ka hapaha hoike o ke Kula Sabati o Kaumakapili, ua lilo ka helu 1 ko Maemae Kula Sabati, helu elua Honolulu waena, helu ekolu, no Kaa@@ Maikai na hana hoike ma ia @@ ua maluhia a holomua no hoi.

 

            Ua ike iho makou maloko o kekahi @@ mai Kikane mai ma ka Poakahi nei e hoike mai ana, ke liuliu hou la o Hanalaka e heihei me kekahi haole Kikane ma ka inoa Clifford. He manawa wale no koe a ulele mai.

 

            UA makana mai ka Hui Hooulu mea @@ o Wailuku, Maui, i ke KUOKOA he maia i kaulaiia a maloo, a i hui puia me ke ko, a i ko makou hoao ana, he mea ono loa. A ke haawi aku nei ke KUOKOA i kona mahalo i ua hui la.

 

            Ma ka Poaono kela pule i lawe kolohe ia aku ai he wahi pahu dala uuku mai kahi aku o Hapakela alanui Hotele a ma ke kakahiaka nui Sabati, ua loaa ua wahi pahu dala la i kekahi Pukiki malalo mai o Puowaina, ua wawahiia, a ua pau na wahi mea oloko i ka laweia.

 

            Hu'i anu keia mau po o ke taona e nee nei, ke hele 'la a maeele ka iwi@@ o ko makou hoa hoonoho-hua i ka ka noke haalo'ulo'u a ke kunu; eha @@ ka @@si o kahi, i ka ua mea o ka @@ o ka hu'i anu, a ia laua e lo'u ana pela, pa-e aku la ka leo o ke kauwahi @@@ penei: Whirl-gig nunui!

 

            Koloa Sept. 27, 1884.

            E halawai ana ka Ahahui Euanelio o ka mokupuni o Kauai ke hiki aku i ka Poakolu ekolu o Oct. 15, 1884 ma ka luakini o Koloa.

            Nolaila, ke kauoha ia aku nei na lala oia Aha e uleu ae me ka makaukau.

            S.U. Kapahi.

            Hope Kakauolelo.

 

            Ua loaa ia E. Bona me kona kaikamahine he ulia poino i ka Poakolu o kela pule aku nei. E hele pu ana laua ia halawai po, me ka ike ole ua hoopaa ia he bipi hae ma kekahi kumu laau e kii ana ma ke alanui; ua eleele ka po, @@@ nanea wale nae ka hele ana, no ka mea, he alanui kamaaina. Alualu mai la ka holoholona, a hina laua ilalo i hehiia e na wawae o ka bipi. O ke kaikamahine kai eha loa.

 

            Ma ka Poalua la 23. Sep. Ua hale aku la o Kamahana (w) ma kela aoao o ka muliwai eleele o ka make, a haalele iho la i ke kane, na keiki, a me kona ohana e paiaumu aku ana mahope ona. He 60 a oi ona makahiki o kona ola ana ma keia aoao, a haalele mai la ia i keia ola ana. A ua make oia ma Kawaiahao, a ua manele ia aku kona kino make ma ka la 24, ma ka ilina ma Kawaiahao.

            "O ka mkou ia e kalokalo ae nei i na Mana Lani, e hoomamaia ko lakou mau manao kaumaha.

 

Ka huakai i ka Aina Gula o Kaleponi.

[Kakauia no ke Kuokoa.]

HELU 3.

            July 10 ua kau au maluna o ke Cable car he kaa na ka waea e huki, o ka uwea ua hoomoe ia malalo o ka honua, a he mahu ka mea nana e huki ka uwea, a he kaa oluolu keia o ka holo ana. @@@ no keneta @@@, ua holo aku la au i ka uwapo @@@ na mokuahi muliwai e holo mau ana i Oakland a me Alameda, ua kau aku la au maluna o ka moku a holo aku la i Oakland he 15 minute ka loihi o keia holo ana, he 15 keneta ka uku, a i ka wa e kau ai ma kela aoao, e kali ana na kaa ahi no ka holo ana i ke kulanakauhale, oiai he mamao kahi e hele aku ai he 4 a 5 paha mlie mai ke kulanakauhale mai, ua kau au maluna o ke kaa ahi a holo aku la no Oakland me ka uku hou ole aku, oiai o ka uku mua no ke kau ana mai i ka mokuahi no ka mokuahi a me ke kaa ahi.

            I ka hiki ana i ke kulanakauhale, ua lele aku la au a nana ae la, ua hu mai la ke aloha i ke Kulanakauhale Alii o Honolulu, ma ka ike ana aku i kekahi mau alanui i ano like me kekahi mau alanui o Honolulu nei, aole hoi i like me ko Kapalakiko mau alanui ke kipapa ia i ka uinihapa a me ka pohaku. He wahi kulanakauhale nani a maikai o Oakland, ua nui iki ae ia maluna o Honolulu, he kanakolu a kanaha paha tausani kanaka a he ano maluhia a maikai ka noho ana a he maikai na hale noho o na haole hanohano, ua hai ia mai ia'u, he nui ka poe waiwai, o ko lakou mau hale oihana ma ke kulanakauhale o Kapalakiko, a o ko lakou mau home ma Oakland, ua hele aku la au e imi i ka hale o ka Makuahine o kekahi o na kumu o ke kula kaikamahine o Kawaiahao, oia o Mrs. Brewer oiai he leta hoolauna ka'u mai kana kaikamahine mai, ua hookipa ia au me ka oluolu, a ua kamailio maua me ka maikai no na mea e pili ana no Hawaii a no na kaikamahine Hawaii a me na mea e pili ana no ko lakou hoonaauao ia ana. He wahine Kristiano keia a he waipahe maoli a oluolu kona mau kamailio ana, a he pomaikai nui no'u ka launa ana me keia ohana maikai, o ka pono ke kahua o ka home o keia ohana a ua alakai ia ka ohana e ka makuahine Kristiano, he mea no'u i iini ai ina e piha o Hawaii me na home i like me keia home a'u i ike ai, pomaikai ka aina a pomaikai ka lahui kanaka. I ko'u makaukau ana e hoi ua noi aku la au i ka oluolu o keia Lede maikai e kuhikuhi mai ia'u i kahi i noho ai o Alekanedero makua, a ua kuhikuhi mai la oia ia'u, a hele aku la au me ko'u haawi aku i ko'u mau hoomaikai no kona lokomaikai ia'u i ka malihini ua aloha mai la oia ia'u a kono hou mai la ia'u e hele hou aku e ike iaia.

            KA HALAWAI ANA ME KA MAKUA ALEKANEDERO.

            Ia'u i hiki aku ai i ka hale o Samuela Anekanedero he haole nani maoli keia a oia kekahi o na hale nani loa ma Oakland, ua hookani aku la i ka bele a hoea mai la ke kauwa, ua ninau aku la au ina eia no o Alekanedero makua i ka hale, ua ae mai la oia, noi mai la ia'u e komo iloko o ka rumi hookipa a kii aku la ia Alekanekero. I kona hiki ana mai ua lulu lima pu iho la maua me kona hoopuka mai i ka olelo o ka lahui kanaka ana i aloha ai "Aloha oe." Ua noho iho la maua a hoomaka iho la maua e kamailio no na mea e pili ana no Hawaii nei, hoike mai la oia ia'u i ka moolelo o kona noho ana i Waioli kauai, a me kana mau huakai moana mai Kauai a i Oahu me ka nui o na pilikia o ka holo moana ana ia manawa, a hoike mai la ia'u i kona hoi ana i Lahailuna a me Wailuku, a hoike pu mai la ia'u i ka hiki mua ana o Kipikona i Wailuku, a me kana mau hana malaila, a me ko Alekanedero ao ana i kanaka e makaala, aole e puni wale aku i ke kanaka i maopopo ole kona ano maikai, a me ka poino ana o ka poe i malama ole i kana mau ole ao mamuli o ka puni ana i na olelo apuhi a kipi i kona aina, aole e makaala ka mai i keia kanaka e ukali mai ana kela mau hana maewaewa maluna o ka Lahui Hawaii, a no hookahi hora a me hapa ko maua kamailio pu ana me ia ma ka olelo Hawaii, a i ko'u makemake ana e hoi ua ninau mai la oia ia'u i ko'u manawa e hoi ai i Hawaii ua hai aku la au i ka pule elua paha o Augate, ua olelo mai la oia ia'u e kali a hoi pu makou i ka la ekahi o Sepatemaba me kona manao no e hoi i Hawaii nei ka aina ana i noho ai no ka hapa nui o kona mau la ma keia honua a e waiho no kona mau iwi i ka aina ana i aloha ai, a e moe pu hoi me ka Lahui ana i aloha nui ai, aka, aole i ko ia manao; oiai, ua kii e mai la ka Haku ana i aloha nui ai, a hookipa aku la i kana kauwa iloko o ka nani mae ole, ua pau ka lohe ia ana o kona leo aloha e ko Wailuku a me na keiki ana i hanai ai i ka naauao uhane, ua pau ka ike ia ana o kona mau helehelena aloha e ko Hawaii nei, aka, o kana mau hana ke ku nei ia i kia hoomanao nona aole hoi e hoopoina ia kana mau olelo ao e ka poe i aloha io iaia. Aloha ino makoua o ka pono. Ua pomaikai au i ka ike hope ana iaia a me ka lohe ana i kana mau olelo hope.

            Ia'u i haalele aku ai iaia me ka lulu lima alina ana, ua olelo mai la oia ia'u e hele hou aku e ike iaia, a ua hele hou no au mahope iho aka, aole i ike hou iaia a hiki wale i ka la i moe ai oia me ka maluhia iloko o ka manaolana no ke ola mau loa, aka, aole loa e poina ia'u kela halawai hope ana a me ka lohe ana i kana mau olelo ao @@@@.

            Ia'u i haalele ai i ka hale o kana keiki ua kau aku la au maluna o ke kaa ahi a holo aku la no kahi o ka mokuahi a hoi loa aku la no ke kulanakauhale o Kapalakiko.

            I kekahi la ae July 11 ua hele ak la au i ka hale o ka Ahahui Imipono Kristiano e noi i kekahi kanaka opio e hele pu me a'u e hoomakaikai i kekahi mau wahi o ke kulanakauhale ua loaa ia'u he kanaka opio hoopono, ua kau la maua ma ke kaa na ka uwea e huki a holo aku la no Golden Gate Park, he paka nui keia a ua kanu ia i kela ano laau keia ano laau a malaila oe e ike ai i na ano pua o kela a me keia ano a ua hana ia na noho malalo o ka malumalu o na laau, a he nui na haole kane a me na wahine a'u i ike ai e hooluana ana malalo o ka malumalu o na laau paina a na kahi poe e makaikai ana i na mala pua nani. Ua hele aku la au me ko'u kokoolua e makaikai i ka hale aniani kahi i malama ia ai o na mea kanu o kela a me keia ano i kupono ole ke ulu mawaho i ka manawa anu, malaila au i ike ai i kekahi mau mea ulu o Hawaii nei, oia ka maia, ke ama'u, ka palapalai, a me kekahi mau mea e iho. Ua piha keia hale aniani i na wahine haole e makaikai ana i na pua nani a paoa oloko i ke ala o na pua. I ka pau ana o ko maua makaikai ana i keia hale ua lawe aku la ko'u kokoolua e hoomakaikai i na alanui a he nani maoli no, e holo kaa ana kahi poe, oiai, o na alanui o keia Paka aole i like me ko ke kulanakauhale ke kipapa ia i ka pohaku a he wahi puhi ohe no keia i kekahi mau ahiahi, i ko'u kokoolua e alakai ana ia'u ma kekahi mau alanui mehameha ua olelo aku la au he makau wau o powa ia maua ua akaaka maila kela, a olelo mai la aole hopohopo i ke ao he nui kanaka ina he po, alaila pilikia. O ke anapuni o keia Paka he 5 a eono paha mile. I ka pau ana o ko maua makaikai ana ua kau aku la maua ma ke kaaahi o halo aku la no ke Cliff Havese a'u i hoike mua aku nei oia kela hale e ku ana ma ka pali kahakai he 8 paha mile ma Kapalakiko aku, he nui na haole e hele ana ilaila e hooluana ai e paa ana kahi poe me na ie mea paina a o ko maua lilo ma keia huakai ma ka holo ana a me ka hoi ana mai he 20 keneta wale no no maua elua makepono.

 

HUNAHUNA O NA AINA E.

            Ua kaena ae ka poe Berakile i ko lakou moku kaua Riachuaulo oia ka moku ikaika loa a nani no hoi i hoolanaia malaila.

            Ma kauwahi o ka mokuaina o Nu Ioka, ke hanau la na moa i na hua nunui i kela a me keia la ma ka 5x7 iniha ke anawawaena.

            I loko ae o keia makahiki e hoomaka aku ai ke keiki makahiapo a ke keiki alii o Wale e unu mai i kona eke dala uku hoomau a ke Aupuni o Enelani i hooholo ai nona.

            Aia he 3,000 hua o kela a me keia ano ma kahi o ka Prof. Haeckel, ma Geremania, oiai oia no kekeahi o na kanaka naauao ma ke kilo ana i na mea paa a palahe wale o ka honua.

            Ke uku nei ke aupuni o Farani he 1,600 dala uku hoomau no ka makahiki ia eono wahine kanemake, a me iwakalua kumamaono keiki.

            Maloko o kekahi hale keaka, oiai kekahi hui keaka e hoomakaukau ana no ka lakou hana ma kekahi po, ua ulu ae la he wahi hoopaapaa mawaena o kahi wahine hana keaka me ko lakou kumu ma o kona uku pono ole ia. Ua lele aku keia wahine e hakaka pu me ua kumu la, aka nae ua loaa iaia ka eha kukonukonu. Ua mau ka haunaele maloko o kahi hale keaka a hiki wale i ka hoea ana aku o na makai. Aole i hana ia na hana.

            Ma ke kulanakauhale o Roma, he nui loa na kanaka e loaa mau ana i kela me keia la i ka mai korela, Ua hoomanawanui aku na kauka i ka lapaau ana me ke kupono a hiki i ko lakou weliweli ana i ka hana a ka mai maluna o na kino me ka mainoino. Nolaila ua haawi malu aku lakou i na laau make i ka poe mai i make koke ai.

            I ka manawa a kekahi kauka i hoike aku ai i kekahi kanaka kalepa ma Enelani ua loaa oia i ka mai korela, ua ulupuni loa ae la ia i ka ukiuki a olalau ae la kona noonoo. He pupule oia i keia manawa e noho ia maloko o kahi paa oia ano mai.

            I kekahi poe kanaka e hele ana no ka hale o kekahi negero e hopu ai iaia no ka aihue puaa, ua kue mai la kana wahine ma kona ki ana mai me kana pu panapana. Ike iho la na kanaka e poino auanei lakou ina e hoao ole lakou no kekahi pale e pakele, aka ike iho la lakou aole e pakele ana; nolaila, ki aku la lakou i ua wahine la a me ke kane pu, a ma hikeo la laua.

            Ma ka mokuaina o Hapalana, Menedocine, A. ke hoopapau nui la na Ilikini i ka inu waina; oiai lakou e inu nui ana kekahi la Sabati, ua ulu ae la he haunaele a hooukaia iho la he wahi kaua pokole mawaena o lakou poe ona no, me na mea kaua e halakau ana ma o a maanei. Ma ka hopena o keia wahi kaua, ua ikeia iho la he nui ka poe i eha a mainoino.

 

Hala ia Kamaaina.

            Ma ka Poakolu iho nei i make ai o Henry May kekahi o na haole kalepa kahiko a kamaaina hoi no keia kulanakauhale, ma o kona kaa pokole loa ana i ka mai ano fiva. Ua hanauia oia ma Nuwaka, Enelani, a ua hiki mai oia i keia paeaina i ka makahiki 1854 ma ke ano he hoa hui o S. Savidge e lawelawe ana i ka hana kuai mea ai. I ka 1858, ua holo oia no Enelani, a waiho la i ka hana i kona kokoolua, a ma kona hoi ana mai, ua lawe oia i ka hana me kona iima. I kona make ana aku la, ua manaoia oia kekahi o na haole kuonoono; he mau hoahanau no kona e noho nei, aia ma Hawaii, a ma Maui. Ua paniia ae na ipuka o kekahi mau hale oihana kalepa me ka banako; a ua hoohapaia na hae ma ua Poakolu la, no ka hoomanao ana iaia.

 

E Kalani aloha, ua hala.

            Ma ka la 16 iho nei o Sept, ua haalele mai la o E. Kalanikauleleaiwi ia'u a me ka maua mau keiki, kona mau makua, na kaikunane, kona pokii, a me ka ohana no a pau, a hele aku la oia ma ka hemibere okoa, ma ka lokahi o ka latitu. Ua hanauia oia ma Kamaole i Kula, March 21, 1853, nolaila, o ka nui o kona mau makahiki ma keia ola ana, he 31 makahiki, 5 malama, a me 25 la. A ua hoohuiia maua ma ka materemonio maemae o ka mare imua o ka Makua, Rev. F. Leonoro, ma ka la 20 o Novemaba, 1870, nolaila ua piha na makahiki he 13, 8 malama, a me 26 la, o ko maua noho ana ma ka berita mare, a ua hoohua mai i na hua he 11, a he 5 i hala e aku mamua ona, a he 6 e ola maikai nei. A oia ka'u e ulupuni nei me ka waimaka nona, a no na keiki a maua, oiai ua hooneleia mai la lakou i ka Mama ole.

            O ka mea nona keia walohia, he wahine aloha oiaio oia i kana kane, a he hoopono hoi me ka malama pono i ka maemae o ka noho ana me na keiki, a he heahea a he hookipa i na malihini a me ka hoa'loha, a he mala i ka berita mare. A e kala mai ia'u ke olelo ae, "he kakaikahi paha wahine i like pu me keia ma na hana pono i kona wa e ola maikai ana.

            Mamua o ka hooipo ikaika ana o ka mai maluna ona, oiai oia ma ke Kapitala o Honolulu, ua awiwi mai la oia no ka hoi ana mai me kona mau makua ma Olowalu nei, me ka lana o ka manao e loaa ana ka oluolu, aka, aohe nae pela ka manao o ka Mea Nana i hana, nolaila au i hoomanao ae ai i ka olelo a Ioba: "Na ke Akua i haawi mai, a nana no e lawe aku, e hoomaikaiia oia."

            O kuu E. Kalanikauleleaiwi aloha, ua hanauia mai oia mai ka puhaka mai o R. Kanuiokalani (k.) me R. Keanu (w.) A no ka mea hoi, aia ma kahi e kahi i noho ai o kekahi mau ohana, nolaila au e panee aku nei keia walohia imua ou a nau ia e hai aku imua o lakou, o E. Kalani ua hala, aloha wale. "Pomaikai kakou ke make iloko o ka Haku."

Me ka welina i na makamaka.

P.K. KALANILEHUA.

Kuekue, Olowalu, Sept. 22, 1884.

 

Hoopaaia ma ke apo Gula o ka mare.

            Ma ka po Poaha o ka ka pule i hala, Sept. 25, ua hoohuiia ma ka mare laahia ko makou makamaka opio William McGurn a me Miss Mary Davies, e ka Makua Rev. H.H. Paleka. Ua konoia na hoa'loha e naue ae ma ia aha mare, ua paholaia mai imua o ke anaina he papaaina i luluu me na ono e hoohihi ai na maka, a ua hoopihaia ka lua o ka inaina, a ua hoohala pu ia he mau luana hauoli e na leo waimeli honehone o ke Gita me na leoleo kikiko'u o ka Violina. Ma ka aoao o ke KUOKOA a me kona mau limahana, ke haawi'ku nei makou i na kipona a ke aloha, me na lulu lima ana me ka paa mare o na opio, na mahalo kiekie hoi e hiki ai ia makou ke hoomanao ma o ko laua pahola ana mai i o makou nei i ka hapa o ko laua wahi paina laulima me ka "meaono mare," a ua ai makou me ke kalokalo pu ana ae e hooloihiia ko olua noho olluolu ana, a ke komo pu aku nei makou iloko o na hauoli pumehana. Ke makou leo uwalo, e kanu, a ulu, a lau, a hua, a lilo hoi i mau koo no ka makia a ko kakou Lani Moi, ka "Hooulu Lahui."

 

No anoai o Kauanihipali.

            E ka nupepa KUOKOA e, Aloha oe: -

            E oluolu oe a me kou hookele, e hoalai ae imua o na kini makamaka puni mea hou e noho mai la ma ka la hiki a ka la komo.

            Ma ka la 18 o keia malama e nee nei, ua hanau mai la na Mr. a me Mrs. Kalawaianui, he keikikane mohaha maikai, o ke au Hooulu Lahui o D. Kalakaua; o ka piha ana keia o ka eha o ka laua mau hua.

            Maanei no, ma ka la 21, ua hanau mai la na Mr. a me Mrs. Joseph. Keawe, he keikikane no; o ka'u e noi nei i na Mana Lani, e hoomauia aku ke ola o ia mau opuu pua nani o Hawaii.

            Ke pii mau nei na hana pono ma ka apana o Kahakuloa nei, ke ike ia aku nei na kane, na wahine, a me na opio e nana ae ana ma na halawai Hui Opiopio.

            He mau la welawela keia o ua mau pali huli lua nei, aohe hoi elike me na la mamua aku ke puanuanu.

            "He nui iho ia a he ma-u ia,

            Ua lawa no na hoa makamaka."

            Me ka Lunahooponopono ko'u welina pau ole. S.W.P. KEPANI OPIO.

            Kahakuloa, Sept. 22, 1884.

 

Na anoai o Pueopaku.

            I ke Kilohana Pookela ka nupepa KUOKOA, Aloha oe: -

            Eia ma Pueopaku nei kekahi wahine lawelawe ana i ka oihana lapaau, o Mrs. Hattie Hilea kona inoa, a mamuli o keia hana, ua huli nui mai na kane na wahine mamuli o na manao kuhihewa, me ka hookaumaha aku i ko lakou noonoo pepe wale a keia eepa o ka waoakua; piha ku'i ka hale me ka hoolako mau ana i ka awa i kela a me keia la.

            Ua ikeia kekahi mau lima-akau o ka Ekalesia o Papaikou nei iloko o ia puulu hookahi me ka lawelawe ana o na lima i ka hana a keia wahine e kauhinuhinu kuhi e aku ai ia lakou, aole e hoole keia poe, me he la ua kikoia na lae i na kiko ekaeka o ka paumaele, me he la ua kepaia.

            Nui na hana hoomanamana. Ina e kukulu ana keia poe i Ekalesia, a hoomana e ae, alaila, he mea maopopo, ua ku koke me ka hakalia ole.

            Eia i hea o James K. Makamaka e noho nei? He lohe ole paha? Heaha ka lakou e kakali nei? Ke noho nei lakou ma ka aina Euanelio i keia wa, ua lohe lakou no ke ola, ua makaukau ke Akua, ua makaukau o Kristo, no ke aha la lakou e huli ole nei a hahai ia Kristo?

            Nui ka pepa piliwaiwai ma Paukaa, ma na po Poaono ka oi loa aku o ia hana.

            Nui ka i'a Hahalalu ma ke taona o Hilo nei i keia mau la. Nui no hoi ka ua a me ka wai o na kahawai, ke hele la a ku ka lena i ka moana kai uli kai hohonu.

            Ona ka bia o Honolii ea? U, ke hele la a kaanini kahi uhane iluna o ka puu lepo. "Nui kela!"

            Me ka ilihia i kou ahonui.

            M.K. MALULU.

            Pueopaku, Hilo, Sept. 27, 1884

 

NA EKALESIA KUWAHO A ME NA KULA.

            Malalo o keia poo e ike iho ai na makamaka heluhelu i ka hana a ka Haku ma na Ekalesia kuwaho, a me na mea e pili ana i ka noho'na maemae a karistiano iwaena o na Ekalsia. E panee ia aku no malalo o keia poo hookahi na hana hoonaauao o na kula kuwaho.

            E hoopuka mau ia aku no ke loaa he kowa kaawale o ka pepa ma ka aoao eha.

            Ma ke kula hoonaauao o na kaikamahine e pili ana no ka noho'na karistiano a Mude ma Northfield, Masakuseta, he heluna nui o na haumana o ka papa ekahi i hoopuka ia aku mahope iho o ka lawa ana o ko lakou manawa a me ka ike pu ia o ko lakou makaukau.

            O ka bihopa H.M. Turner, ua oleloia, oia ke kahunapule paele mua loa i loaa na hoohanohano me keia mau hua D.D. a me L.L.D. Ua hoonaauaoia keia paele i ka po mawaena o na kihapai pulupulu ma Karolina Hema, a o keia no ka paele mua i hookohuia i kahunapule no kekahi puali koa o Amerika iloko o kela kaua hookauwa nika; oia ka puali koa e noho hoomalu ia ana e ka Peresidena Linekona.

 

            O ka nui o na wahi e hoonaauaoia ai na opio ma Amerika, aole no ia i emi iho malalo o ekolu tausani a me ka heluna nui o na kumu. Ma ka averige ana i na haumana no kela a me keia kula pakahi, aia ma ke kanaono ka haahaa loa a pii aku. Ua hoike hou ia ke pii mahuahua la na hana hoonaauao ma ia aina.

            O ka nui o na opio i hoonaauaoia ma Enelani iloko o na makahiki he 10 i hala, ua hiki no ia i ka heluna o 1,600,000 haumana, he heluna uuku loa ia i na opio haumana e hoonaauaoia nei iloko o keia mau makahiki, oiai, ua pii mahuahua ae ka heluna o na haumana i ka 4,300,000 a oi wale aku.

            Ua pii mahuahua mau ae ka heluna o na haumana ma kekahi kula nui o Bosetona, oia o "Boston Universitey" iloko o na makahiki pakahi ekolu i hala a hiki i keia makahiki penei. Ka mua, 505, ka lua, 555, ke kolu; 591, a hiki i keia makahiki, he 610 ka nui o na haumana.

            Ke pii mahuahua la na kula ao limahana a hoonaauao o na opio ma Mekiko iloko o keia mau makahiki; ke holomua la no hoi na hana kalepa a me na hana a ka Haku ma ia wahi.

 

            Ua luhe na paahana i ka fiva Sini Puzi ke kumu ulolohi o ka pepa. Fiva Pake.

 

NA HOOLAHA KUMAU

 

KE KUAI HOEMI NUI A WAIPAHE O NA

Waiwai Aiwaiwa

O

CHAS. J. FISHEL.

EIA LA

            NA PAPALE BIVA HOU LOA,

PAPALE WAHINE KAE HULUHULU O NA ANO A PAU LOA,

NA LIHILIHI HOU E HAA AI NA

            PIHAPIHA, A E HAO AI OE

LINOHAU LUA I NA KALAKOA

HOU LOA A HEHEE OLE IHO, A I NA GINIHAMA HOU IHO OE F.

            LILO AI OE I KA WAI A E

KU AI KAENA A NA IWA HOOHEHELO

O UA KAONA NEI KE

KUAI MAI I NA HULUMANU HOU.

E loaa no ma ka halekuai o

Chas. J. Fishel.

NA PAPALE PAHUA LAIKI, O NA ANO A APAU.

Na kakini hou a me na

MEA LIILII E AE E PANIO AI NA LEDE ME NA KEONIMANA.

Na Waiwai hou o ka hoea ana mai nei no no keia Halekuai.

Na Paikini hope loa hoi o ka loaa ana mai nei no mai Europa mai o na lihilihi kuuwelu hou loa, a i kupono loa hoi no keia mau wahi.

NA KAMAA HAAHAA O NA LEDE O NA ANO A PAU.

Na lihilihi puka aniani nani hou loa, he waipahe na auhau no ka I-a.

Ua loaa mai nei iloko o keia mau la koke i o nei he 100 paa lole o na keiki, oia ke kuka, lole wawae, puliki, a e kuaiia aku ana no Hapalua Dala Wale no ka Paa hookaha. Heaha la la!

Na lole Lilina hou loa

MA NA HALEKUAI EMI O CHAS. J. FISHEL.

            Ina oukou e makemake e ike i ka oiaio, a e kulike ai hoi me ko oukou mau iini, e ku ae no a maloeloe a hele pololei mai no io'u nei a hooiaio no oukou iho, oiai i ke kuai aku nei au i na waiwai a pau me ka emi loa i ike ole ia ma kekahi mau wahi e ae o keia aina. E naua mai

MA KA HALEKUAI

O

Chas. J. Fishel,

Kihi o Alanui Papu me Hotele. 1190-ft.

 

NA HOOLAHA KUMAU.

 

J.T. WATERHOUSE (Walakahaui.)

HALEKUAI KUKAA NUI ME LIIL.

Ua piha pono me na waiwai makamae hewa ai na maka i ka nui o ka lehua.

He aha no la hoi ia?

MA LAILA

Na Apa Kilika o na ano a pau,

Pahoehoe o na ano a pau,

Alapia o na ano a pau,

Huluhipa o na ano a pau,

Na Huluhulu holoku,

Na Keokeo Paina,

Lilina lau puu,

Wetoria,

Leponalo,

Lainakini,

Ahina pelekane,

Na Kihei o na ano a pau,

Na Koloka o na wahine,

Na Kihei Huluhulu,

Na Kalakoa o na ano a pau,

Na Kihei uhi moe,

Na Koloka o na wahine,

Na uhi Kilika,

Na uhi Alapia,

Na Hainaka nunui a liilii

Eia hou.

HE HELUNA NUI O NA PAA LOLE O NA KANE A ME NA KAMALII.

Na Apa paina maikai loa,

Polu manoanoa a lahilahi,

Huluhulu a manoanoa a lahihi,

Na Apa huluhulu a pahee,

Na paa lole huluhulu, kane me kamalii,

Na Pililakeke loloa a pokopoko,

Na Palule kaula o na ano a pau,

Na Palule keokeo,

Na Palule kalakoa,

Na Paleili.

Na Papale wahine i kinohinohiia me na pua me na hulu nani, a he heluna nui o na kane a me na alii o na ano a pau.

HE HELUNA NUI O NA KAMAA.

Na Kamaa buti,

Na Kamaa pihi,

Na Kamaa Huka,

Na Kamaa laholio,

Na Kamaa weleweka.

HE HELUNA NUI O NA NOHO LIO MAIEA.

Na Noho Italia,

Noho pulu mamua,

a mahope o kela a me keia ano.

NA AILA O KELA A ME KEIA ANO.

Na Aila honua helu 1 he aiai me he wai.

Aila pena, aila hoomaloo, aila Oliva, Aila inu, Aila lauoho, Waiala maikai.

NA PENA WAIHOOLUU LIKE OLE.

Keokeo,

Eleele,

Polu,

Melemele.

&c., &c., &c., &c.,

Ina iho Ina iho.

Na ipuhao, na ipu ti,

Na koi nui a liilii,

Na pahi nui a liilii,

Na pahi olo, pakahi

Na pahi olo palua

Na tabu nui a liilii,

Pakeke nui a liilii,

Na leko kamena,

Na lako amala,

Na kamaa lio,

Na moe hao.

Na pela uwea

A LAKO HAO, MA KA AINA A ME KA WAI

Na lako pa,

Pa nui a liilii,

Na bola,

Na kiaha aniani,

Na aniani kilohi,

Na ipukukui o na ano a pau.

HE HELUNA NA MEA AI.

Palena poepoe,

Palena poepoe palupalu,

Palena huinaha,

Palaoa o na ano a pau.

Na kamano maikai loa ma ka pahu,

Na kamano tini,

Paakai o Livapulu,

Paakai inu,

Paakai hu,

Manu Kaleponi,

Palani ai a ka lio.

He heluna nui o keia mau waiwai aiwaiwa, ko'u mau halekuai aole i pau i ka hualia aku na oukou no e hele mai a kilohi no oukou. Ua waeia keia mau waiwai me ka maiau, ma Pelekane, Farani, a me Amerika, no ka pono a me ka pomaikai o na kanaka Hawaii, me na kauoha mai na mokupuni e hoohoia ka eleu loa.

J.T. WATERHOUSE.

(WALAKAHUKI.)