Ka Nupepa Kuokoa, Volume XXIII, Number 39, 27 September 1884 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

@UKE XXIII, HELU 39.  HONOLULU, POAONO, SEPATEMABA 27, 1884.  NA HELU A PAU, 1191.

 

NA HOOLAMA KUMAU.

@AIKAI KA HOI KA PAPA

A ME

@A LAAU O KOU HALE!

 

 

NOHEA LA!

 

KA I NO HOI NO KAHI O

 

WAILA MA!

 

@na aku no hoi ia la, ohi ka io o @ka laau o Makawao i ka ua mea o @ka nani.

 

@A PAPA!  NA PAPA!

A ME

@NA PONO KUKULU HALE.

 

O na Ano no a Pau.

AIA MA KE KIHI O NA ALANUI

 

@apu me Moiwahine,

HONOLULU.

@laila e loaa ai e like me ka makemake no ke

KUMUKUAI MAKEPONO LOA.

 

 

PAPA! PAPA! PAPA!

 

@A PAPA HULUHULU,

            NA PAPA MANOANOA,

                        NA PAPA I KAHIIA,

                                    NA PAPA KEPA,

                                                PAPA HOLE KEOKEO,

                                                            PAPA HOLE ULAULA.

 

Na Laau, Na Laau,

@A KUA,

            NA KAOLA,

                        NA AAHO,

                                    NA MOLINA,

                                                NA PEAPEA.

PINE HULUHULU,

PINE I KAHIIA.

 

@A PAPA A ME NA LAAU ULAULA,

pili ulaula,

pili keokeo,

pani puka,

puka aniani,

pani puka aniani,

puka olepelepe.

 

PENA

O NA ANO A PAU.

@@lu Pena mai ka liilii a ke nui,

            Aila Pena,

                        Aila Hoomaloo,

                                    Waniti, Pate,

 

@NA LAKO O KELA A ME KEIA ANO.

 

@NA AMI PUKA HALE,

            NA AMI PUKA PA,

                        ANIANI.

 

PEPE HALE A ME NA LIHILIHI,

E loaa no malaila.

 

PAAKAI HELU I,

-O-

ka@aako me puuloa.

 

N@ ke Dala Kuike e loaa no na mea a pau i hal@@ ae la no ke Kumukuai Emi Loa.  O na Kauoha mai Hawaii a Niihau, e loaa aku no @ kaka @ooko pololeila.  @pa nui laila ike @@@io.  905 w.i

 

NA HOOLAHA KUMAU.

Dillingham & Co.

Mau Mea Kuai Lako Hao

Alanui Papu, Honolulu.

 

Frank Pahia.

ANA AINA! ANA AINA!!

Keena Hana: Aia ma lalnui Moi, kokoke loa I ka Uwapo O Hooliliamanu.         tf.

 

E wehe ana o A.

M. Meleki.

 

No ka Hookahakaha nui,

na lole nani

O NA LOLE KAU MAKALII, &C.

oia na

PAPALE KANE,

PAPALE WAHINE,

HULU, PUA LAU.

 

E HOOMAKA ANA,

 

POAKAHI, LA 21,

                                                                                    POALUA, LA 22,

                                                                                                POAKODU, LA 23.

@   Ma ka halekuai helu 104 alanni Papu.

 

 

1884! KAU AHAOLELO 1884!!

KUOI MAI NA MEA A PAU!

O ka Poakahi, Poalua, a me ka Poakolu, o keia pule ae, e hoomakaukau ana au e hoikeike aku imua o ko’u mau makamaka a hoa’loha Hawaii, he heluna piha o na papale kinohinohi o na wahine mai ka $2.00 o ka papale a pii aku i ke $6.000.  He hiki no ia makou ke kinohinohi i na papale ma na kumukuai a pau. Aole o makou malama i na opala puehu wale i ka makani iloko o ko makou mau halekuai.  He hiki no ia makou ke hooiaio he mau waiwai o ke ano maikai wale no ka makou e kuai aku.  Aole o makou kuai i na waiwai ma na halekuai ku@ala ma Kapalakiko, aka, na makou iho no e kinohi a hana ko makou mau papale iho.  A ma na lole aahu, aole e hiki i kekahi mau halekuai e ae ke hoopapa mai ia makou, a ke olelo nei maanei, he oi aku ka emi o na kumukuai o ka’u mau lole.  He elima o makou halekuai, a ma o ko makou kuai emi ana i na waiwai, ke holopono nei ka makou mau hana.  Ua oluolu pu makou i na puka uuku e loaa ana.  O na papale piva, $3.00 wale no.    CHAS. J. FISHEL.

Halekuai kihi o alanui Hotele me Papu, a me kihi o alanui Nuuanu me Kalepa.

LOLE MAKEPONO

 

Ke kuike @ loaa no ia ma kahi o

 

Kakela me Kuke.

-E laa na-

AHINAHINA, KALAKOA. KEOKEO, LEPONALO. PENA, AILA, AILA HONUA, ANIANI.

NA MEA PIULA,

Kopa, Aila Hoomaloo, Kui Kakia, Pa keke, Tabu Kaula, Noho Lio, Hulu Palahi, na Palumi, ahe agena no na mokupuni o Hawaii neino la Lainakini-nao

Lainakini Maoli, Ki-lika, Palule Kalakoa, Alapia, Kelepa, Na Lole Kupono i ka Wawae, Palule Huluhulu, Na Lole Huluhulu, Na ka hoohelo ana, Li Lole no pini, Lihilihi, etc.

A ME NA

 

Mikini Humuhumu

MAKEPONO LOA,

he mau

 

MEA AI KAHI:

KA PALAOA, KOPAA

RAIKI, PIA, HOOHU

PAAKAI, HUAALA,

PIA KULINA, KOPE,

-a he-

 

Laau Lapaau Kaulana Loa

A DR. JAYNE.

LAAU HOOMAEMAE KOKO

LAAU HOOPAU NAIO,

PENIKILI, HUAALE,

LAAU KUNU

Me na Laau Hamo, a Pela ‘@@

840-gf.

 

KA MOOLELO KAAO O

Kahanuopaineki.

Ke keiki alii o ke aupuni o Italia

Ka Olali o no Waoakua o Arabia

Ka Naita nana i Koukoa na i ua

huna o na Powa.

 

Ua hala kona manaolana, ne ka mea, ua haki pu ae la kana pahikaua, ka pahi punahele loa hoi iaia, a i manao ai hoi he pahi ia e hooilina ‘ku ana la hoi i kana mau mamo, eia ka hoi e haki ana i keia opio eueu.  I kona ike ana ua hiki ole iaia ke ku aku imua o kana keiki, o kona manawa no ia i hoohuli ae ai i kona lio a holo aku la ma kona alanui i hele mai a@, a o ka kakou olali hoi, ku iho la oia ma kona wahi a kamailio aku la mahope me kona ike ole o kona makuakane lokoino keia, a pane aku la: He naita wiwo ole no oe, a he makaukau no hoi oe ma na mea kaua, aka hoi, ina e hala hou aku he mau minute au i paio wiwo ole mai ai me a’u, ina la ua ike pono oe i ke anuanu o ko puuwai i ka maka huini o ka pahikaua a ka eueu o na mauna hui o Arabia, a o ka olali hoi o ia waokele; aka, ina e halawai hou kaua ma keia mua aku, alaila, e kakele hou ana paha kaua ma ka oi o na pahikaua iloko o keia lua pouliuli a ka launa ole, a e ike auanei oe i ka hauna pahi a ua keiki la, ke hele la a lalapa na huna ahi o kuu makakila  (E na hoa hoinainau o keia nanea, e hoalu iki iho kakou i ke kamailio ana no ka kakou eu, a e huli ae kakou i ka hiki ana aku o ka makuakane i kona wahi.)

            I ka hiki ana aku o ke alii powa i ka hale, ua ninau koke mai la kona luaui; Pehea, ua make aku nei ua keiki la a ko kaikaina?  I ka lohe ana o ke keiki i ka ninau a kona luaui, ua pane koke aku la oia me keia mau huaolelo:  E kuu makua e, aole i make aku nei ua keiki la, no ka mea, o ko’u ike a me ko’u ikaika, aole loa ia i helu ia i ka hapakolu o kona ikaika; a ma ko’u ike, ina e mau loa ana keia keiki iloko nei o keia lua huna, ke hai aku nei au ia oe, e pau loa ana kakou i ka make, a e lilo ana kela i alii no keia lua huna, a ehia ka hoi mea aloha o ka waiwai a kaua i huli ai a nui.   Ninau hou aku la ka makuakane: Pehea kou manao, aole anei e hiki ia oe ke lawe i kona ola?  Hoole mai la kana keiki, a no ka mea hoi ua manao au, ua haawi pau no ka makuakane ona i ka ike a pau i ke keiki, a nolaila, ua ano kanalua loa au, no ka mea, o ka’u mau hauna pahi a pau i manao ai e make, eia nae ua loaa mai la no i ka iala mau pale ana; oi hakaka mai nei maua a hiki ole ia’u ke pale, a o ka malama wale iho no ka pono i ko’u ola, nolaila au i manao ai aole au e ae ana e ku aku imua o kuu keiki, aole no paha he naita malalo iho o ka malamalama o ka la, a ma ka lewanuu hoi e hiki ai ke  hoopio i keia keiki, oiai o kona ikaika ua oi paumi aku ia imua o ko’u.

Ia wa i pane hou mai ai kona makuakane: A pehea la auanei oia e make ai? Pane mai la kana keiki:  Eia wale no ka mea e hooko ia ai ko kaua mau iini, e haawi i laau make iloko o ke kiaha waina, o ko’u manao ia.  Ia wa kulou iho la kona poo ilalo me ka noonoo nui ana a ea ae la, a pane mai la:  E kuu keiki, ua pono ua ae aku la au e hanaia pela; a o ka manawa hea la auanei ka wa kupono e hooko ia ai o ko kaua makemake?  Pane mai la ke keiki:  O ko’u manao, o ka hora eono o ke kakahiaka ka manawa e hooko ia ai o keia mea, ua ae aku la ka makuakane, a ua holo iho la keia manao ia laua.

            I ka hiki ana mai o ke ano ahiahi, a uhi mai la hoi ka malu o ka po maluna o ka honua a puni, ua haawiia mai la he papaaina hanohano no ia ahiahi; i ka pau ana o ka paina ana, ua hoonanea iho la na hoa naita a hala na hora ku-hu o ka kulu-aumoe, ua kani mai la ka pu a ka makuakane o ianei; o keia o-le i hookani ia mai, he hoailona ia e kalahea ana i kela a me keia hoa naita e moe ma ko lakou mau rumi, aole i emo, ua haolii iho la ka meha anoano maloko o ua lua huna nei a o ka hoomanao wale no iloko o kela a me keia, o ka hiki mai o ke kakahiaka, o ko lakou makemake o ka ike hou i ka paio ana o ka naita opio, me ko lakou alakai.

E hoomaha iki kak@@ i ke kamailio ana no ka mea nona k@pa moolelo, a e huli ae kakou a e halo pono aku i kana wahi aikane ike k@oki o e noho mai la iloko o kona ma’i nui.  O keia ma’i o kahi aikane, aole ia h@@@@ai ana ka pilikia maluna o kana @a@@ane  puna a ke onaona, “nolaila kona @@m@ i hooma’ima’i ai; o@ai, iloko o k@  @akou wa e noho ana iwaho, aole ho i komo iloko o ka lua huna, ua ike m@a oia e ili mai ana  aluna o kekahi o @@@   E ninau mai @@anei paha oukou @ o’u mau hoa hooipo o keia nanea i ke kumu o kona ike ana@e hai aku au.  I ka wa o laua e noho ana iwaho o ka lua huna, oiai laua e holoholo ana i ke ano-ahiahi o kekahi la, ua huli ae la kela a nana i na opua, a ike aku la oia i kekahi mau ao opua e ku mai ana imua o lauau, a kilohi aku la oia a nana aku la, ua like wale no na ao a pau, aka, eia ka mea haohao loa iaia, i kona nana pono loa ana aku, ike aku la oia he elua mau ao e huli aku ana a huli mai me he mea la e aoao ana paha laua.  Aole no i liuliu mahope iho, ike hou aku la no keia he elua ao opua ano kino kanaka e ku mai ana, o ke ao mua e ku ana, a o ke ao elua e pili mai ana mahope; aole i liu, ike hou aku la oia i ke ao mua ua kaawale ke poo i kahi e.  Me he aha ana la hoi, ike hou aku la keia i ke ao mahope i ka lalau ana iho i ke poo o ka mua a hoopili iho la i kahi o ke kino mua, aka, aole hoi i u iho ike hou aku la no keia i ka lele ana ae o ke ao hope a huli ana ke alo iluna, a haupu e wale e mai la no oia, i kona ike ana akui ke ao, e waiho ana iluna ke alo, me na kahiko ano alii, a hoohalike aku la ia me kana aikane, i kona wa i poniia ai i Hoolina Moi no kona aupuni powa. (Ua lawa paha ko kakou kamailio ana no keia mau ouli e hoike ia @@ai nei imua o ianei, a’ e wehewehe kakou i ke ano.)

            Mamuli o keia mau ouli i hoike ia mai imua o kana aikane, hauoli loa iho la ia no keia mau kuhikuhi mai na ao mai, no ka mea, ina aole i hoike ia mai keia mau mea huna pohihihi, ina no paha ua komo kekahi o laua iloko o ka pilikia a he make loa no paha. Aka nae, ua i iho la oia iloko : Nani ke aloha o ka Mauka Lani i kana mau kauwa opio ma ka honua, ma kona hoike ana mai i na mea huna i ike ole ia iloko o ke kanaka.  I kona ike ana i keia mau hoailona, aole oia i awiwi e hai koke aku i kana aikane, malia o lilo ia i mea e inoino ai kona manao, ua waiho iho la no pela iloko ona e nu ai, a oia ke kumu o kona hooma’ima’i ana.  A i ko ianei wa e moe ana, e noi mau ana oia i kona mau aumakua kilokilo e hoike mai i na ouli e hiki mai ana.

            A i keia po a laua e moe nei, a ao ae oia ka wa e hooinu ia ai kana aikane i ka laau make, oia no ka po i hoike mai ai na uhane hoopahaohao imua o kona alo, penei na hoike ana:

            Iaia i hihio iho ai e moe, ku ana na uhane ehiku imua ona, a kamailio mai la: E, auhea oe e ke Kama Alii a na Akua i aloha ai, i hoouna ia mai nei makou e ko makou haku, e hele mai a e hoike aku imua ou elike me ka@ noi, iloko o na la elua a me na po elua, oia neia: Ua poniia mai nei oe e ko makou haku, elike me kau nonoi pela oia i ai mai nei i kau.  I hoouna pu ia mai nei makou e ha@ aku ia oe, oia neia: A ke kakahiaka o ka la apopo, e ili aku ana he pilikia nui maluna o kau aikane, a haku hoi maluna ou, oia keia, o ka hora 6 o keia kakahiaka nui, oia ka hora e make ai kou Haku, (Kahanuopaineki,) a he hora kaumaha loa ia nou, no ka mea, e haawi ia mai ana he elua kiaha waina; no ka makuakane o olua kekahi, a no kou haku kekahi: aia nae iloko o ke kiaha o ka makuakane, ua hookomo ia ka laau make, a i ka wa e  inu ai, e olelo koke mai no ka makuakane o olua penei:  O kona kiaha, e lilo ia no Kahanuopaineki, oia hoi ke

kiaha i hui pu ia me ka laau make; a o kona hiaha hoi aole i hui ia me ka laau make, e lilo ia i ka makuakane, me ka olelo mai, he mau kiaha aloha ia no laua; a i ko laua wa e inu ai, o ka wa no ia e make koke ai kou haku, a nolaila, ua hoololo ko makou haku, o oe ke inu, a ina oe e make, e ola no oe iloko o na la ewalu, ke hiki nae kou kino kupapau i ka ilina o kou mau kupuna a me kou mau makua a na lakou o hoola hou ia oe.  Mai makau no ka make, no ka mea he ka@a oe na na akua i aloha nui ia.   Aia he moku ke ku la makai o ka u@apo, a ke kali mai la o ka hiki aku o kou kino kupapau, a e lawe a hiki i ka ilina, a e ola hou oe o ka lohe kou a malama, a ke haawi nei makou i ko makou aloha hope ia oe, Aloha oe, eia makou ke hoi nei.

            I keia manawa i nalowale ano e aku la ua poe eepa la o ka po, puiwa koke ae la keia a puoho ino ae  la, eia ka he hikio, ua lilo keia mea i mea nana e noonoo nui ai, a kukuli iho la kona mau kuli i ka honua a hoomaikai aku la i ka Mea Mana Loa no kona hoike ana mai @na @@@ huna pohihihi o ka pilikia @@@iki mai @na i@@a o laua ne@ A pau ka ianei hoomaikai ana, ua hoaaku la keia i kana aikane, a puoho ae la kana aikane, a ninau mai la: Heakau e hoala nei? Pane aku la kea. he @@@@

“I hihio iho au e moe,

Ku ana na kupua o ka po;

E hai mai ana k ka lono.

No ka eu o Arabia;

Lono pilikia hiki ole ke alo,

Mai na kiaha waina o ka lokoino,

Aia ilaila ko make,

E ka li’a a nei puuwai;

E maliu i ka leo o ke ola,

A na uhane e hai nei;

A na ka Mana Lani e kokua mai,

E ola mau loa oe.”

(Aole i pau.)

 

HE MOOLELO KAAO NO

KEAOMELEMELE

Ka Pua Nani Iuiu O

Kealohilani, Kahiapaiole Nuumealani a me

Kuaihekani; ka mea nana i uneune ia

Konahuanui a kaawale o Waolani

ka aina o ka poe eepa a pau i noho ai.

 

Hoopukaia e ka Haku Moolelo kaulana Mose Manu, no ke Koukoa.

HELU I.

E ka mea e heluhelu ana i keia moolelo, ma keia wahi e waiho iki kakou i ka olelo ana no ka hanai a Kane me Kanaloa, ka mea a ke anuenue e malama la me ka ihi kapu, a e hoomaka kakou i ke kamailio ana no ka hanau ana mai o kona muli pokii kaikuahine, ka mea nana i noho ka na hele iuiu anoano mehameha kanaka ole mawaena o Puna a me Hilo, kahi e kokoke ana mauka o Olaa.

            Ia Hina a me Ku i noho ai a hala kekahi mau mahina, aia hoi, ua ikeia ua hapai hou o Hina, a no keia mea ua kuka laua no ke ano o keia hapai hou ana, a ua maopopo ia laua ke ano o ke keiki e hapai nei he kaikamahine, aia nae iloko o kala manawa i, ua puka ae la ka Hina olelo imua o Ku.

            Ina no paha auanei e hanau hou ae keia keiki a’u e hapai nei, e lilo aku no paha auanei ia hai ka hanai, ae aku @a o Ku i keia olelo a kana wahine. Ae e lilo hou io aku ana no ia hai ka hanai.  Aia ma ia hope mai, i ke kokoke ana mai o ka mamawa e hanau ai o Hina, ua ike hou ia na ouli o ka lani a me ka lewanuu, a ke hoiloli nei ka honua a hala kekahi mau la o ka hoike ana o keia mau hoailona, ma ka lani a me ka honua, aia hoi, ua hiki loa mai la keia mau ano ma ka Pae Aina o Hawaii nei.

            Ia ka manawa i ike ia ai o keia mau mea, aia hoi, ua ike hou no o Kane a me Kanaloa ma ko laua ano akua, a mana hoi, e hanau hou ana o Hina i i ke keiki hou, nolaila, ua hoouna hou aku o Kane ma ia Lanihuli a me Waipuhia, he mau kaikamahine na laua i noho i ka weleau pali o Waolani a me Nuuanu ae nei, aia i ko laua lohe ana e hoouna ia ana laua mamuli o ka makemake o Kane ma, nolaila, ua ninau pono aku la o Laninuli a me wapuhia i ko laua wahi e hele ai, a no keia mea ua hai pono mai la o Kane ma ia laua e hoouna ia ana laua i ka aina o Kuaihelana, he mau aina mamao keia mai ka Pae aina aku o Hawaii nei: i ko laua lohe pono ana i ka mea a laua e hele ai; hai mai la o Kane, e kii olua i ke keiki a Hina, ua aneane la e hanau i keia mau la, a ina olua e hiki ana i laila, a i ninau ia mai olua i ka olua huakai i hiki aku ai, alaila, e hai aku olua, he huakai kii keiki, a ina i ninau hou io mai olua i ka mea nana i hoouna aku, alaila, e hai aku olua ma ko maua inoa, a ina i kuhikuhi ma o ka Mooinanea la alaila, ua keiki olua.

            I ka pau ana o keia mau olelo, ua makaukau laua nei no ka hele ana i ka aina i malihini ia laua, a ia laua no hoi e noonoo ana no kahi e hiki ai, aka, lohe aku la nae laua nei i ka leo o Kane i ka pane ana mai, E puka mai olua iwaho nei, a e nana i ko olua alanui e hiki ai i Kuaihelani.  I ka lohe ana o laua nei i keia leo, a i puka io aku ka hana iwaho, aia hoi, ike aku la laua nei i keia manu nui e noho mai ana, o ke ano o keia manu he Iwa no ia, a i loa no ia laua nei a kau iho, ua hoomaka koke ae la ua Iwa nei e hoeu a mio pono aku la kona poo iloko o ka lewanuu no ka manawa pokole loa, a ia laua nei e nana ana i na ea oluolu maikai o ka lewa, a huli iho nana ilalo nei o ka honua, aia hoi, ua ike ko@iu ia kei mau paemoku malalo pono o laua. Aia nae i alua e nana ana i na paia lewa o ka lewanuu, kahi e hiki ole ai ia laua ke lalama ae, ua hoomaka koke ae la ua @anu nei e ka@@, a pa@@ i @@@@@ ke kani ana a ua manu nei, aia hoi, haohao iho la na kaikamahine o ka welelau pali o Nuuanu, no ke kani pinepine a ko laua @aluna nana e lawe nei i ka hapalua like o ka lewa, aka, ia laua nae i haliu hou iho ai malalo a ike iho la laua i ka anapanapa o ke one alohilohi o Kuaihiani, e hoopuni ana hoi i kona mau kapak@, ma keia mea ua kupu ae la ka manao iloko o laua, o ka aina no paha keia la laua e laweia nei, a ia laua no e nalu ana no keia mea, ua hookaa koke ae la ua manu nei e iho pololei me ka hikiwawe loa a ku ana lakou nei ma ka puka o ka hale o Hina ma, a ia lakou nei i hiki aku ai, oiai o ke kuakoko hope loa ia, emoole, hemo ana ke keiki iwaho.

            Ia Ku a me Hina e lawelawe ana i ke keiki, ike iho la laua he kaikamahine ne maikai o ka helehelena, a ia laua no e nanea ana i kela wa, huli mai la laua a ike mai la i keia mau kaikamahine e noho aku ana mawaho o ka puka o ko laua hale, haawi mai la laua i ke aloha me ka ninau mai ia laua nei; alaila ua hoike pau aku laua nei i ke ano o ka laua huakai i hiki aku ai e like me na mea i hoike mua ia ae nei. A ia laua e kamailio ana me Ku ma, aia iloko no o kela manawa i pa e aku ai kekahi leo maluna pono iho o kaupaku o ka hale, a i ke Hin@ ma hoomaopopo @na i ke ano o ka leo i pane iho ai, ua lohe laua aole he leo e ae, o ka leo no ia o ka Mooinanea ka mea nona ka mana nui ma na kukulu o Kahiki.

            Ia Ku ma i lohe ae ai i ka leo, nimau pono ae la laua i ka Mooinanea, a hai iho la kela, Ano, e haawi koke olua i ke kaikamahine ma ka lima o laua nei aole hoi olua e kali ia’mea. A no keia olelo, ua haawi koke ia mai la ua kaikamahine nei ma ka lima o na malihini a makepono hoi ka laua nei huakai o ka hoounaia ana.

            A ia Lanihuli ma i ka makaukau ai no ka huli hoi mai ma ko laua alanui lewa ua waiho mai la ka Mooinanea he olelo kauoha ia laua e lawe loa i ke kaikamahine na Waka e hanai ma ka mokupuni o Hawaii, mawaena o na Ohialoloa, a e kapaia kona inoa o Paliuli, he wahi e ike ole ia e ka maka o ka lehu lehu, a e hai pu mai no hoi i keia olelo imua o Kane a me Kanaloa, a ina e nui ana o Paliuli, alaila, o kona hanau mua i oleloia ae nei mamua, ka mea e hanai ia la e ke Anuenue ma Waolani, oia no kana kane, pela ka mea i hoike mua ia ma na helu mua o keia moolelo.

            I ka pau ana o keia mau olelo a ka Mooinanea, ua kau ae la laua nei maluna o ka Iwa a lele mai la no ke alanui lewa, a ua hiki hoi ia oe e ka mea heluhelu ke puana ana i keia mau lalani mele:      

“O ke kau a ka mau o Kaula,

Hai i ka ino o ka makani,

Kikaha ka Iwa iluna lilo,

Hoolai malie i ka lewa.”

            Ia laua nei i hiki mai ai imua o Kane ma mauka o Waolani, ua ike ia mai la ke kaikamahine e paa aku ana ma ko laua nei lima, a hai aku la laua nei i na olelo kauoha a pau a ka Mooinanea mai ka mua a ka hope, a ma keia mea, ua ae no a Kane ma me ke kanalua ole, a nolaila, ua hoouna loa ia o Lanihuli a me Waipuhia e hoihoi loa ia ke kaikamahine ia Waka ma Hawaii, a ua ae na elele i keia mea me ka hooko pono ia o ka leo, a liuliu iki, ua makaukau no ka lele aku no ka aina nui ma ka hikina a ka la o keia Pa@aina.

            Ia laua nei i lele aku ai a hiki mauka o na laau ohia loloa mawaena o Hilo a me Puna oiai o Waka e noho mau ana maloko o kona naheie, a he kamaaina oia ma ia uka iuiu, a he lilo nui kona manawa ma ka malama ana i no manu o na ano a pau maluna o na laau, a ua hiki loa iaia ke olelo ae imua o na manu, a he mea hoolohe loa iaia, elike me kona makemake, aka, aia nae, i ka wa i hiki aku ai ke kaikamahine o Kuaihelani, a lilo a Waka ka hanai ana i kela wa, aia hoi ua kauoha koke ae la ua Waka nei i na manu e hana koke a kukulu ia i hale no kana hanai, a ike o Waka ua paa koke ka hale i kela wa, ua wae pono oia i kekahi mau manu i mea lawelawe no kana hanai, a ma ia hope iho, ua hauoha koke o Waka i ka manu Iwa e lele hou i Nuumealani, oia ka aina maluna’e o ka lewa o Kuaihelani, kahi o ka Mooinanea e noho ana.

            Aia maluna o ka aina i oleloia, ua ike mua aku nae o Waka ma kona ano maka aia maluna o Nuumealani, he @@na @@@aau i malama pono ia me @o laua mau lako i na mea a pau i make make ia no ka manawa pokole loa oia hoi ka inoa o keia mau laau i kamaaina i ka olelo mau ia e keia lahai, (akahi) o “Makalei ka laau ona ia e ka i’a,” (alua) o “Kalalaikawai, oia ka laau iaia ka mo’a o na mea ai a pau.”  A no ia laau hoi ka olelo ia ana, “o Kalaikawai la kuua mai.” O keia mau laau na mea a Waka i manao nui ai ia ka Mooinanea e hoouna mai iaia ma Hawaii, a i ano like paha ke ano o keia mau laau ma kahi olelo o kekahi mau kaao, “ka anai ae no i ke komo diamana ku ana elua kanaka.”  He mea oiaio, i ka h@ki io ana aku o keia manu ma kahi i hoounaia ia,ua ike mai la nae o ka Moomanea i kana huakai i hiki aku ai, n@laila, ua haawi io mai la o ka Mooinanea i ua mau laau nei elua ma o ka manu la a huli hoi mai la keia no Hawaii, a iaia nei i hiki hou aku ai imua o Waka me ka haawi aku i kana mea i hoounaia’i, aia hoi, ua piha o Waka i ka olioli nui me ka malama i ua mau laau nei, a ma ia hope iho, ua huli hou mai la ua manu nei me kona mau hoa hele no Waolani. La lakou i hiki ai a hai i na mea a pau loa no ka lakou huakai i hele ai i Hawaii imua o Kana ma, mai ka mua a ka hope, ua lilo ia he mea maikai i ko laua manao ana.  A pau na olelo ana, akahi no a @@k@@ @a @@ kaikamahine o na welelau pali e hooluolu i ko laua luhi. Ma keia wahi e na poe heluhelu, e hoi hou kakou a olelo hou no Waka me kana hanai a pela hoi me ka ke anuenue hanai, i mea e ike ai oukou i na mea e pili ana i ke ano o ko laua mau la oi kelakela.

            Ia Waka e hanai ana ia Paliuli, ua ike ia e kona kahu hanai ua pii mau mai i ka po a me ke ao kona ui a me kona nani i likeme he po mahina konane la o Mahealani, aia ma ia ano, aole i makemake iki o Waka e hoikeike wale iai imua o kanaka. O na laau elua o Makalei, na ia laau i hoolaka na i-a a pau o ka moana mauka o kela wahi a Waka e noho nei, a ua kukuluia ke@a laau mawaenakonu o kekahi kiowai, aia ma na lala a me na lau a me na wahi a pau o Makalei, ua pii mau ka i-a i luna o keia laau i na wa a pau, a e haluku mau ana i ka po a me ke ao, a he hiki ke lohe ia ka haluku o na i a e ko Waolani poe.  A o ka lua hoi o ka laau i oleloia, ka laau hoi iaia ka ai a me ka mo’a na ia laau i hanai ia Paliuli.  Aia ma keia inoa i kapaia ai kela wahi kaulana o Paliuli, eia ke ano o keia inoa.  “He aina huna.”

            E like ma Mana ma Kauai a me ke Kula o Kamaomao ma Maui, kahi a ka Ona miliona e huai nei i ka lepo Dala nui o keia au holomua.

            I ka ike ana o Waka i ka nani oi kelakela o kana hanai, ua manao nui oia i kane na kana hanai, a no ia mea ua kuka pu oia me Paliuli a holo k@ laua manao no ia mea, nolaila; ua hele koke mai la o Waka a hiki maluna o Waolani, a halawai pu me Kane ma, a me ke Anuenue Pipi@ iluna, a iaia i hiki mai ai, ua hoike aku la oia he huakai imi kane kana, a no ia mea, ua hoikeike ia mai la imua ona o  Kahanaiakekua, a i ko Waka ike ana i na helehelena o ka mea i hoike ia mai i mua ona, ua ae koke kona manao oia ke kane a kana hanai, nolaila; ua hoi oia a hai aku la imua o Paliuli, a ua ae no hoi kona manao.

“E ake no au e ho-------ui,

Nae aala o Ke@omelemele;

Ke moani huihui mai nei,

Kahi----Hanuopaineki.”

(Aole i pau

 

            Holoholo ae la kekahi makuahine a me kana wahi keiki ma kekahi Paka hoikeike o na mea ulu, ike aku la kana wahi keiki i kekahi keiki i hele a poneko, a pane ae la i ka makuahine: Hoonaukiuki no hoi au i kamalii poneko, ke nana aku oe i kela wahi keiki, aai lua ke keokeo o na wahi maka iloko o ka lepo; ka! hoonaukiuki aku la hoi au. “Mai huhu oe iaia,” wahi a kona mama, “no ka mea ua hanaia kakou a pau noloko o ka lepo.”  A ina ua hanaia kakou noloko mai o ka lepo, wahi a ke keiki, alaila he lepo keokeo paha ia; a o kela wahi keiki hoi he lepo nanahu paha kona o ka hanaia ana.

P@aka@a o na Hookial@@i