Ka Nupepa Kuokoa, Volume XXIII, Number 38, 20 September 1884 — Rev. W. M. Kalaiwaa. [ARTICLE]

Rev. W. M. Kalaiwaa.

I keia Sabati iho nei, Sept. 7, hookaawaleia o Kalaiwaa no ka oihana Ka hunapule. Ma lole, Kohala Akau, kahi i poniia ai; mamuli wale no o ka manao o ka Aha Euanelio o Hawaii Komohana, a o ke kumu i hooliloia'i oia ma ia wahi, aole ma Hamakua Hikina koni kihapai ponoi, oia ka pilikia oia Ekalesia, no ka mea ole nana e malama na oihana euanelio pili i ke kahunapule. 0 ke komite ninaninau a ka Aha i hoonoho ai oia keia malalo nei : E. Bond. S. C. Luhiau. S. Kekuew/. D. Kapai.i. He hora me ka hapalua ka i lilo ia hana; a.pau, hooholoia e hookahuna ia Kalaiwaa, no ka maopopo i na komhe kona makaukau ma na mea a pau a lakou i hoike ai iaia. Pau ia, hana hou ia aku penei : 1 O ka pule wehe me ka himeni mua, ia Kuia, no Paia, Maui. 2 Oka heluhelu ika Palapala Hemolele me na ninau Kumukanawai, ia Waiau, no S. Kona. 3 Pule elua, himeni elua. a me ka Haiao, ia E. Bond. 4 Pule hoolilo, ia Kekuewa, no Maikonisia. 5 Kauoha, ia Luhiau, no Kohala Komohana. 6 0 ka lima Akau, ia Kapali, no Kohala. 7 Himeni me ka 1 ule hookuu, ia Kalaiwaa. He nui ke anaina a he maikai na hana a pau, a ke lana nei ka manao ma o lesu la ke poo o kona ekalesia holookoa e hoike mai ana, o ka Hoa lawe hana hou ma keia oihana koikoi iaia iho i mea makaukau ika makaala, a me ka hoomanawanui i na hana a ka Haku iwaena o kona kihapai. Kohala Akau, Sept. 10, 1884.