Ka Nupepa Kuokoa, Volume XXIII, Number 38, 20 September 1884 — Na Olelo Noeau. [ARTICLE]

Na Olelo Noeau.

O ka paa mau o ka manawa o ke kanaka i ka hana, oia ka pale kaua ku- i pono no ke pale ana aku i na hoowale-1 wale sl ke Diabalo. j | Oka hilinai o ke kanaka maluna o ! kona lako, oia ka mea e poina ai na | hana pono iaia, e like auanei ia me ke kahawai i hooneleia i ka wai ole. O ka ilihune o ke kanaka, oia ke kumu ao maikai nana e paipai īaia e imi ikaika ma na hana kupono, i haulele niai ai ka nele iaia, alaila, e lako auanei. O ka maiama i ka olelo ao, ua like ia me ka hua manu i malama pono ia • e ka manu nana i hanau ia mau hua, a hala he manawa, e hoea mai ana he mau manu maikai loa. O ke kaulana o ke kanaka ma ka : naauao, ua like īa me ka inauna kiekie ioa e ku ana iwaena o na lalani mauna. < Ina aole e hookahe ia ka wai mailoko aku o ka luawai ma kahi kupono, e lilo ana ia wai i :nea ino. Pela no ke kanaka i aua i kona noonoo ma na • hana kupono, e li'o ana kona noonoo i i mea alunu i ko hai pomaikai. O ke kanaka hilinai ole ia e kona' mau hoa'loha, ua. like ia me ka hale : meh i hooneleia i ka hone ole, a o kona mau la a pau, he piha i ka poino. 0 ke kiaha laau make, ua like ia me' ka waha o ka wahine hoowalewale, a o kona mau liina ua hoopaa ia me na kupee hao o ka lua po. ~~ i O ka haule pinepine ana o ke kana- ] ka iloko o na hewa he nui, ua paipai pinepine ia oia e hoomakaukau no ka huakai hele i ka Home lani. Ina i hoopokoleia na Ia e ola ai, he mau la ia o ka pomaikai, a ina e loihi na la e ola'i, he mau la poino loa ia. •