Ka Nupepa Kuokoa, Volume XXIII, Number 38, 20 September 1884 — Hoao e huna. [ARTICLE]

Hoao e huna.

Ma na lono ame na hooiaio pu ia ana mai imua o makou, ua loaa mai keia nu hou malaio iho penei : Ma ke ahiahi o ka Poakahi nei,.ua iho mai !a ka wahine a kekahi haoie e noho ana ma ke alanui Ema ma' kahi e pili kokoke la i ka Halekula o Kahehuna, makai mai no oia wahi. Mahope o keia wahine haole e hahai ana he wahi ilio uuku nana ponoi no, a i kona hiki ana ma ka ipuka pa o ke Kanikela Berita nia, huli ae la oia i hope e nana i kahi ilio, aka, he mea haohao loa iaia ka nalowale koke ana o ua wahi ilio la, oiai, aole i hala he mau sekona loihi mahope iho o kona huli mua ana e nana a hiki i kona huli hou ana mai no ka lua oka manawa. Hoi hou aku la oia i hope e huii hele ana; hiki oia ma kekahi mau pa mauka koke iho o kona wahi i ku ai a ninau aku la i kekahi poe e noho ana malaila, ina piha ua ike lakou i ke kauwahi ilio uuku e maalo ana ma ia wahi. Kuhikuhi mai la ua

poe nei i ka mea nana i apo iho ua wahi ilio nei, a lakou i ike inaka ai, he wahine no ia, ua hopu iho keia wahine i keia wahi ilio a holo aku la malalo o ka moe e huna ai. No ka nui haohao loa oka wahine nana ka ilio a me kona hoonuinui pu aku, ua holo mai la keia wahine iwaho a hoike mai la ika ilio me kona olelo pu mai, ua loaa iaia mahope aku o ka hale, aka, ma ka hoike a ka poe i ike maka i kona hopu ana, ua hooia aku lakou, nana maoli no i hopu iho a hoao iho la e huna malalo o ka moe. Ina pela io ka manao ana o keia wahine, alaila, he mea hilahila loa ia iwaena o ka lahui i pukaamaka iwaho o ka malamalama mailoko mai oka pouli, ka hoao hou ana e komo iloko o ua pouli la i kapae loa ia E kapae loa ae i keia mau hana lapuwale, oiai aole i napoo kou ln.