Ka Nupepa Kuokoa, Volume XXIII, Number 37, 13 Kepakemapa 1884 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

@ Nupepa Kuokoa

No ka Makahiki, $2.00.  No Eono Mahina, $1.00.  KUIKE KA RULA.

Poaono, Sepatemaba 13, 1884.

Haawina Kula Sabati.

Helu 13, Sabati, Sept. 28.  Kumuhana, Ka hoi hope ana. Pauku Baibala.  Ka mokuna i kula ia iloko o keia hapaiia.

Pauku Gula, Hal. 19;7.  Hoopaa.  Manao nui, Hooko ke Akua i kana olelo i kona poe kanaka.

Na heluhelu la @ Sam. mok. 1, 2,3,4,5.

2. Sam. na mok. 6,7,8,9,10.

3. e Sam. na mok. 11,12,13,14,15.

4. e Sam na mok. 16,17,18,19,20.

5. e Sam na mok. 21,22,23,24.

Oih. 'Lii, mok 21.

6. Na Hal. 40 & 51.

7. Na Hal. 19 & 103.

Ka manawa, B.C. mai 1056 a 1017, ane 40 makahiki.

            Kahi i hanaia i, Zikeiaka o Pelisetia, Heberona o Iuda, Iabesag@eada, Mahanaima, Gibeona, Bahurima, Iebusa, oia o Ierusalema, Baala Pera@, Geba, Ga@, Baale, Gibea, Perezu@, Moaba, Euperate, Zoba, Edoma, Suria, Amona, Raba, Gesura, Tekoa, Gilo, Oliveta, E@, Ka ululaau o Eperaima, Abelah@, Cata, Bet@, Aroera, @, Beereseba, Kaliihehi paiaoa o Arauna, oia ka puu o Moria.  Na alii, na luna, na kanaka kaulana, Sauia, Ionetana, Iseboseta, Mehiboseta, Abenera, Davida, Ioaba, Abe@, Natana, Gada, Arauna, &c.

            Mele, "Aloha i na hoa,"  Hoku Ao Nani, p.218.

            Pule hoomaikai no ka hapaha e pau ae ana.

            KA NINAU ANA ME NA PANE.

            (Na na Kahu e hoopuka i na ninau ma ka puunae ana iwaena o na papa.

NA MAHELE.

            I Na mokuna 1,2,3,4,5, 2 Samuela.

            Heaha ke kanikau ma ka mokuna i?  Mahea Saula a me Ionatana i make ai?  Owai ka i aloha nui ia e Davida a noho kuikahi pu?  Owai ka oukou i aloha nui ai?  Olelo Iesu e uwe oukou no wai?

            Mok. 2.  Ua make Saula ke alii, owai kona pani ma ko ke Akua koho e ana?

            Nawai i poni mua ia Davida?  1Sam 16; 12,13.

            Owai kona makuakane, a nohea hoi?  Heaha ka Davida oihana. 

            Owai ka mamo a Davida i kapaia ke Kahuhipa maikai? Io. 10;11.

            Mahea ka peniia ana o Davida?  Na wai i poni?

            Owai ka luna o Saula i kue ia Davida a hoolilo ia Isobeta ke keiki a Saula i alii no ka Iseraela?

            Mok. 3. No ke aha i haalele ai Abenera ia Isobeta, a huli mamuli o Davida?

            Owai ka luna nui o Davida?  Owai hoi Ioaba?

            Ia wai i make ai Abenera?  No ke aha?

            Oluolu anei Davida ia Ioaba?

            Heaha ka Davida kauoha no Ioaba ma?  I Na Lii 2; 5,6.

            Mok. 4. Nawai i pepehi ia Isobeta?  No ke aha?

            Oluolu anei Davida? Heaha ka hpe o na mea i pepehi ia Isobeta?

            Mok. 5. Ua make Isobeta, ua hiki ka manawa e alii ai Davida maluna o ka Iseraeh a pau.

            Nawai i popi hou iaia?  Mahea hoi?  Ka poni ehia keia?  Owai ka mamo a Davida i paniia i alii no ke ao nei a pau loa?

            Ehia makahiki i noho alii ai o Davida ma heberoma?

            Kaua oia ia @ oia hoi Ierusalema, a lilo ia iaia.  A lilo ia i Kapitala o kona aupuni no na makahiki ehia?

            Owai ke alii i aloha a kokua ia Davida i ke kukulu ana i kona hale alii?

            Heaha kekahi kaua ma keia mokuna?  Ka aoaoa @ ka i lanakila?

            Owai ka mamo a Davida e lanakila ana maluna o na enemi a pau?

Mele.   @ Mahele.  Na mokuna 6, 7,8,9,10, @ Sam.

            Mok. 6.  Heaha ka Davida i hana'i me ka pahu o ke Akua?  Heaha ka pilikia ma ke alanui?

            No ia make ua waiho ia ka pahu mahea?

            Mahope ua kii ia ka pahu a lawe ia i hea?

            Pehea Davida me na kanaka?

            Heaha maloko o ka pahu?  He mea aha ka baibala i ka poe hookuli?  He mea aha i ka poe malama?

            Mok. 7.  Heaha ka Davida i manao ai e hana o Iehova?

            Ua ae anei ke Akua i keia manao?

            Nawai i hai aku i ka ae oie?  No keaha ka ae ole?

            Nawai e hana i luakini no Iehova? 

            Pehea ke Akua i hooluolu ai i ka manao o Davida?

            Nui anei ko oukou manao i ka hale Mok. 8.  He mokuna aha keia?  Lanakila anei Davida?

            Owai na luna o Davida?

            Mok. 9.  Heaha ka hana lokomaikai a Davida ma keia mokuna?

            Pehea *2 @ ia kakou?

            Mok. @. Heaha ka hana ino a @ Amana i na @ a Davida?

            Heaha ka hoped o keia hana ino ana?

Mele.   III Mahela.  Na mokuna 11, 12,13, 14,15, 0 2 Sam.

            Mok. 11,12, ka hewa, ka mihi, ka hoopai o Davida.

            Owai ke kaula nana i ao ia Davida?

            Ae, a mihi koke anei oia?  Kala ia anei?

            Ae, aka, ua hoopai ia ma keia ao.  A hana hewa kekahiheaha ka pono?     

            Mok. 13,14.  He mau mokuna aha keia?  He mau mokuna e hoike ana i na hewa o kanaka, me ka hope.

            Mok. 15.  Ke kipi ana o Abesaloma.

Mele.   IV.  Mahela.  Na mokuna 16,17, 18,19,20, o 2 Sam.

            Mok. 16.  ia Davida e mahuka ana, aha na hana?

            Aha na olelo ao a Ahitopela?

            Mok. 17.  Heaha na olelo ao a Husai?

            Ka wai ao ana ka i hooloheia?

            Heaha ka hope o Ahitopela?

            Owai ko kakou uwao?

            Mok. 18.  Heaha ka hope o keia kipi ana?

            Heana ka hewa o na kini hewa a pau?

            Aha Davida no ka make ana o Abesaloma?

            Mok. 19.  Heaha ka mea i oki ai ko Davida kanikau ana?

            Heaha ke kanikau kupono?  Pehea ka hoihoi ana ia Davida i Ierusalema? 

            Mok. 20.  Heaha ke kipi hou me kona hope?  E makau i ke kipi.

            V Mahele.  Na mokuna 21,22,23,24 o 2 Sam.

            Mok. 21.  Heaha ke kumu o ia wi nui?  Me ka mea i pau ai?  E makau i ka haihai i ka berita hooliiki.

            Mok. 22.  He halelu aha keia?  A pili anei ia ia kakou?

            Mok. 23.  Nawai keia mau olelo ao hope?  A pili ia ia wai?  I na kahu ekalesia me na ekalesia.  E makau me ka malama ia Iehova, na ekalesia, me na kula Sabati.

            Mok. 24.  Heaha ka hewa o Daviba me ka hope?   A pili ia ia wai?  E makau i na hele hewa.

            VI.  Na Halelu 51 me 40.  Heaha ke ano o ia mau Halelu?  Ia wai ka pili mua?  Ia wai ka pili hope?  E pau kakou i ka mihi.

            VII.  Na Halelu 19 me 103.  Heaha ke ano o ia mau Halelu?

Mele,   "Ina he home ko'u ma o Hoku Ao Nani, p. 268.

            Pule i makaukau no ka home ma o Haawiina no Oct. 5, i Na Lii 1;22-31.

KAU AHAOLELO O 1884.  (Keena@ ha aoao akahi @.)

            Noi o Rikini e heluhelu ia ka hoike a ke komite wae no ka hoomaemae ana o na hale paahao a me na hale hookolokolo, a ma ka heluheiuia ana, eia na haawina i hooholoia e ke komite

            Hawaii 6,200, Maui 500, Kauai 500, Oahu 500.

            I ka ninau ia ana ua hooholo loa ia.

            Noi o Kamika e hookomoia maanei no ka hoomaemae hoi ana i ka Halepaahao o Oahu 10,000.  No ka pau e o na hora 2, nolaila, ua hoopauia ke komite, aponoia ka hoike.  Koho ka noho i ke komite wae no ka hoowina 18,000 no ka hale lio o ke alii ka Moi Kuhina Kalaiaina, Rikikini, Keau, Nahinu a me Bush.

            Noi ke Kuhina Waiwai, e hapai hou ia ka noonoo ana no ka olelo hooholo e kauoha ana i ke kuhina waiwai, e hooloihi aku i ka manawa o ka ohi ana i na dute maluna o na waiwai komo mai ma ke dala gula America wale no.  Hooholoia.

            Waihoia ka olelo hooholo ma ka papa.

            Ma ke kapaeia ana o na rula, ua heluhelu mai o Dole he olelo hoohoio, e kauoha ana i ke kuhina noho o America maanei, no ka hooloihi ana aku i ka manawa e ohi ai na dute o na waimai komo mai ma ke dala gula America wale no, a hiki i ka la 1 o Dekemaba 884.  Hooleia.

            Ma ke kapaeia ana o na rula, ua hoike mai ke komite pai.  Ua paiia ka hoike a ke Kuhina Kalaiaina e pili ana no na dala auhau alanui i hoolilo ole ia a ma ka hoike a ka loio kuhina no na lilo kataima.

            Heluhelu alua ana i ka bila e hooponopono ana no ka poe aie kaa ole ma ke poo wale no.  A waihoia i ke komit hookolokolo.

            Heluhelu alua ana o ka bila e pili ana no ka hooponopono ana i ka mea e loaa mai ai ka waiwai i aihueia.  Waihoia i ke komite hookolokolo.

            Heluhelu alua ana o ka bila e hoomahuahua ana i 5 lunakanawai o ka aha kiekie imua o ke komite o ka Hale Noho ke alii Ake ma ka noho, a mahope o ka @ ane, ua hoopanee loa ia ka bila.  Hoopauia ke komite a aponoia ka hoike.

            Hoopanee ka hale.

LA HANA 72, Poaono, Aug. @, 1884.

NA HANA O KA LA.

            Noonoo ana i ka Bila Haawina iloko o ke komite o ka hale.  Noho o Bush ma ka noho Luna Hoomalu.

            Kela a me keia @.

Keena waiwai $3,000.  Hookoloia, Pai ana i na Papa, Dala Aupuni.  1,200 hookoloia, Na @ ana pai a me, na mea hooluu 300 hookoloia, Na @ Ilio 600 hookoloia, Elele no ke Keena waiwai 1,000.

            Noi o G. Brown e hookomo maanei no na auhea i ohi hewa ia $78.25.  Hooholoia.

OLAANA LOIO KUHINA.

            Uku o ka Loio Kuhina11,000. hooholoia, Hope Loio kuhina 6,000 hooholoia, Kakauolelo 6,000 hooholoia, Hamuku 8,000 hooholoia, Kakauolelo mua a ka Hamuku 3,600, Kakauolelo alua a ka Hamuku 1,800, Luna makai o Maui 5,000 hooholoia, Luna makai o Hawaii 5,000, Luna makai Kauai 4,000 hooholoia.

            Hora 12 awakea, hoopauia ke komite a hoopanee ka Hale.

            LA HANA 73, Poakahi Aug, 4, 1884.

            NA OLELO HOOMOLO ME NA BILA.

            Ma ke noi, ua ae ia aku o Kaulukou e heluhelu mua mai he bila e pili ana i ka oihana koa o ke aupuni.  Waihoia no ka heluoeiu alua.

            Ma ke kapae ia ana o na rula, ua hoike mai ke komite kalepa, no ka bila e papa loa ana i na mea hoopahupahu a me na ahi kaolele.  Ua noi mai ke komite, e waiho i ka bila ma ka papa.  Aponoia.

            Ma ke noi ua haawi hou ia aku i manawa no ka noonoo ana o ke komite kalepa i ka bila e pili ana i ka hoomoe ana i na alanui hao ma na alanui o ke kulanakauhale o Honolulu nei.

NA HANA O KA LA.

            Heluhelu akolu ana o ka bila e pili ana i ka hope a me ke kokua hope kakauolelo o ka aha kiekie a me ko laua mana, a hooholo loa ia.

            Heluhelu akolu ana o ka bila e papa ana i ka hele wale ana o na keiki oo ole ma na alanui o Honolulu, a hooholo loa ia.

            Heluhelu akolu ana o ka bila e hoakea ana i ka mana o na Lunakanawai Hoomalu ma na hihia hoiha i kekahi luna aupuni, a hooholo loa ia.

            Hoomaha ka hale ma ka hora 12 a ua noho hou ma ka hora 1:30 p.m.

            Ma ke kapaeia ana o na rula, ua hoike mai ke komite hoonaauao, no ka noonoo ana i na bila i pili i ke kokua ana i na kula hanai kaikamahine ma ka mokupuni o Hawaii, a me na kula hanai kaikamahine e ae.  Ua nonoi mai ke komite, e waiho ma ka papa.  Aponoia.

            Heluhelu akoluia ka bila e pili ana i ke kukulu ana i na Banako Lahui, ma na hoololi wale no i hooponoponoia ma ke kakau poepoe ana.  Hooholo loa ia.  mahope iho o kekahi mau hooponopono ana.

            Noonoo ana i ka bila haawina imua o ke komite o ka hale.  Ke alii Smith ma ka noho.  Kakauolelo a ka Makai Nui o Maui $1,800.  Hooholoia.  Kakauolelo a ka Makai Nui o Hawaii.  $2.800.  Hooholoia.  kakauolelo a ka Makai Nui o Kaua.  $1,600.  Noi o Aholo e kapaeia keia haawina.  Hooholoia.  Noi o Hikikoki e hookomoia maanei.  Na lilo kaahele o ka makai nui o ka mokupuni o Hawaii $300; hooleia.  Uku o na makai o Maui.  $34,800.  Noi o Likikini e haawiia aku keia haawina, a me na makai o Hawaii Oahu a me Kauai a me na Makai kiu ma ka lima o kekahi komite wae.  HooNa lilo o na aha Nieniele. $2,000, hooholoia.  Kela me keia lilo no na hihia karaima a kivila.  $30,000.  Noi ka Loio Kuhina e hoemi iho i $12,000, hooholoia.

OIHANA HOONAAUAO.

            Ua Kahukula Nui 6,000 hooholoia Uku kaahale o ke Kabukula Nui 1,000 hooholoia.  Uku kakauolelo o ka Papa Hoonaauao 6,000, hooholoia.  Kokua i na kula Hawaii a me Beritania 70,000, noi o Kipikona e hoomahuahua ae i keia haawina i 100,000.  hooholoia, Kokua i na kuia aupuni 10,000 hooholoia, Kula hana a hoopololei ma Keoneula 12,500, hooholoia.  Noi o Kalua, e hookomoia maanei.  Kokua i ke kula Kaikamahine o Makawao 2,000, hooholoia-Noi o Kaulukou e hookomoia maanei.  Kokua i ke kula nui o Sana Lui 10,000, hooholoia.  Noi o Hikikoki e hookomoia maanei. Kokua i ke kula hanai ma Hilo 5,000, hooholoia.  Kukulu a hoomaemae hou ana i na kula 15,000.  Noi o Pilipo e hoomahuahua ae i 25,000, hooleia.  Hooholoia no e like me ka bila.  No ka pau e o na hora elua, nolaila, ua hoopa @ keia komite, a aponoia ka hoike a ka Luna Hoomalu.

Koho ka Peresidena i ke komite wae no na haawina o na makai e like me keia:  Dole, Kamika, Loio Kuhiua, Likikni a me Kauhane.

            Ma ke noi a ke alii Isenberg, ua noho hou ke komite o ka hale e noonoo i ka Bila haawina, ke alii Ake ma ka noho.  Noi o Hikikoki e hookomo ia maanei.  Uku kokua i na kula nui, no ke ao ana i kekahi mau hana ike maloko o ia mau kula 10,000, hooleia.  Noi o Kaulukou i 50,000, hooleia.  Noi o Kauhane i 2,500, hooholoia.  Keia me keia lilo Soo, hooholoia.  Noi o Pilipo e hookomoia maanei, kokua i ke kula kaikamahine o Kawaiahao, 2,500 hooleia.  Uku o ka Elele a me ka mea kokua o ke keena, 1,800 hooholoia.  Noi ke Kuhina waiwai. e hookomoia maanei, no ke pai ana i ka buke @ na mea ulu (P@) o Hawaii nei, 2,500, hoohoioia.  Noi o @ e hookomoia maanei.  Uku o ke @ nana e ao i na hana ike ma ke kula nui o Kapenahou, 2,400, hooholoia.  Hoopa@ ke komite, a aponoia ka hoike a ka luna hoomalu.

            Hoopanee ka hale.

            LA HANA 75, Au. 6, 1884.

            NA OLELO HOOHOLO ME NA BILA.

            Na Pilipo he olelo hooholo e hookomoia i $2,500 no ke kokua ana i ke Kula Kaikamahine o Kawaiahao.  Hooholoia.

NA HANA O KA LA.

            Ka noonoo ana o ka bila Haawina imua o ke komite o ka Hale.  Ke alii ake ma ka noho.

            Noi o F. Brown, e hookomoia ka haawina o ka Puali Koa Kiai o ka Moi, i haawiia i kekahi komite i $40,000.  Hooholoia.

            Puali Puhi Ohe, na hae a me na ki pu aloha, $38,000.  Hooholoia.

            Noi o F. Brown e hookomoia maanei keia mau haawina e pili ana i ka hoomaemae hou ana i na Hale Aupuni a me Hale hoalu aila mahu, elike penei.

            Hale Hookolokolo hou no ka Aha Hoomalu, $19,000.

            Hoomaemae hou ana i ka Hale Leta, $5,000.

            Hoomaemae hou ana i ka hale Dute, $3,000.

            Hale Aupuni hou ma Aliiolani Hale, $2,000.

            Hale hoahu aila mahu, $8,000.

            Kela a me keia lilo, $5,000.

            O ka huina pau o keia mau hoolilo, $42,000.

            Noi o F. Brown, e hookomoia no ke kao lawe ohua ma Puuloa $800, hooholoia.

            Noi o Kanealii, e hookomoia maanei, no na uwapo ma Waihee $1,500.  Hooholoia.

            Noi o Hikikoki, e hookomoia no ka hana hou ana i ke awa pae o Laupahoehoe $1,000.  Hooholoia.

            Noi o Aholo e hookomoia ke koena uku o na Mea Hanohano H. Kuihelani $700, no ke kue ana i na rula ua hoopau waleia ka noonoo ana o ke komite no ia nei.

            Noi o Kamika, e hookomia ma ka Bila Haawina no ka hoomaemae hou ana i ka Halepaahao o Oahu, $10,000.

            Hoololi mai o Richardson i 25,000, hooholoia.

            Hoomaha ke komite ma ka hora 12 awakea.

            Halawai hou ke komite i ka hora 1:30 auina la.  Heluhelu na Pauku 2,3,4,5.  Aponoia.

            Noi o Dole, mahope iho o keia pauku, e hookomoia ka pauku 6 penei:  Pauku 6.  O na aelike a pau no na hana hou o ke aupuni a me na hana e ae e hanaia ana, e hana ia ia mau aelike mahope iho o ka hoolahaia ana ma na nupepa, no ke kohoia mai.  Oiai e hoopaapaaia ana, ua pau e na hora elua nolaila ua hoopauia ke komite, a ua aponoia ka hoike a ka Luna Hoomalu. 

            Ma ke kapaeia ana o na rula, ua hoike mai ke Komite Wae no ka noonoo ana i ka bila e pili ana i ka hoala ana i ka Banako Hale Leta no ka lehulehu, e noi ana e hooholo loa aku i ka lakou bila hou i hooponopono ai, a e waihoia ka bila mua ma ka papa.  Aponoia ka hoike.

            Ma ke kapaeia ana o na rula, ua heluhelu alua ia ka bila ma ke poo, a waihoia no ke kakau poepoe, a e heluhelu akoluia ma ka Poakahi.

            Ma ke kapaeia ana o ka rula, ua hoike mai ke Komite Hookolokolo no na bila malalo iho nei:

            1. Bila e pili ana i na hoolaha alanui aole e pai wale ma na hale, pa, a wahi e ae paha, me ka ae ole o ka mea nona ia waiwai.  ua hoololi iki lakou i ka bila a noi mai e hooholo aku i ka bila elike me ka lakou hoololi ana.  Aponoia.  Waihoia ka bila no ke kakau poepoe ana, a e heluhelu akoluia ma ka Poakahi.

            2. Bila e pili ana i na lua wai eli o ka mokupuni o Oahu.  Ua hooponopono ke Komite a ua noi mai e hooholo aku i ka bila elike me ka lakou hooponopono ana.  Aponoia.  Waihoia no ke kakau poepoe a e heluhelu akoluia ma ka Poaha.

            Ma ke kapaeia ana o na rula, ua heluhelu mai o Dole he olelo hooholo e kauoha ana i ka Peresidena o ka Papa Ola, e hoike mai no na mea e pili ana no na keiki opiopio Hawaii mai ole, e noho la me na mai lepera o Kalawao.  Hooholoia.

            Hoike mai ke Kuhina Kipikona, aole i ae aku ka Papa Ola e hookuu i na keiki mai lepera ole e hele i Kalawao.

            Heluhelu alua ana o ka bila e hooponopono ai i ke kuai ana i ka waiona imua o ke Komite o ka Hale.  Nakaleka ma ka noho.  Mahope o ka noonooia ana, ua hooholo loa ia ka bila me na hoololi.  Hoopauia ke Komite o ka Hale, a aponoia ka hoike a ka Luna Hoomalu.

            Hoopanee ka Hale.

            La Hana 76, Poaha, Aug. 7, 1884.

HOIKE A NA KOMITE.

            Hoike mai ke Komite o ka oihana kalepa, no ka noonoo ana i ka bila e kokua ai i ka hoomau i ka @ ana i ka @ mea keia aupuni.  Ua hoololia ka bila, a noi mai e hooholo loa i ka bila no ke kakau poepoe.  Waihoia a noonoo pu me ka bila.

            Hoike mai ke Kuhina o ko na aina e, no na dula i @ ia aku no ke Kia Hoomanao o Kamehameha I.  Waihoia a noonoo pu me ka Bila Haawina.

            Hoike mai ke Komite Wae no ka noonoo ana i ka haawina kokua i ka Ahahoi hooulu mea kana o Kapiolani Paka, a me na kahua lealea a me na kuea.  ua noi mai ke Komite e hooholia na haawina elike me keia malalo iho nei.

            Kokua i ka ahahui hooulu mea kanu, $12,000.  Kapiolani Paka, $5,000, Tamaki @, $300.  Ema kuea, $700 Hui mahiai alii, $5,000.  Waihoia a noonoo pu me ka Bila Haawina.

            Hoike mai ke komite no ka haawina no ka oihana makai e hooholo ia ka haawina eliked me keia malalo iho nei:

            Huina nui no na makai, $183,560, a he $10,000 no na kukui hoomalamala.  Ua like me $193, 560 ka lilo no ka oihana makai o ke aupuni.

            Ma ke kapaeia ana o na rula, ua hoike mai ke komite hookolokolo, no ka bila e pili ana i ka hoihoi ana mai i ka waiwai i aihueia, e noi mai ana ke komite, e waihoia ka bila ma ka papa.  Aponoia.

            Na ia komite mai no, no ka bila e kauoha ana e malamaia ka pono o ka poe aia kaa ole; a e kauoha ana i na pake e malama i na buke kalepa, ma ka olelo Hawaii a me ka olelo Beritania.  E noi mai ana ke komite e hoole i ka bila.  Aponoia.

            No Olelo Hooholo me na Bila.

            Na Nakaleka he olelo hooholo e kauoha ana i ka Loio Kuhina, e hui puaku me ka Hope Hamuku, e ninau aku ia Sam. Me, Kague, he makai haole e noho ana ma ka Halewai, no keia ninau kumu malalo iho nei.

            1 Ua hoopuka oia i kekahi mau huaolelo kupono ole i kekahi wahine Hawaii, ma ke kapa ana iaia he 'miula, 'i kona wa i hoopii aku ai i kekahi haole i hoeha iaia.

            2 Ua paipai oia i kekahi lawehala e hookolokoloia ana, e hoopii hou, ina e hoopuka mai ka Lunakanawai hoomalu i kana olelo hooholo, e hoahewa ana iaia.

            Ma ke noi a Kaulukou, ua waihola i ka Loio Kuhina.

            Na Kaunamano he olelo hooholo e lilo ka bila opiuma, oia kekahi hana o ka la apopo.  Hooleia.

            No ka hiki ana i ka hora 12 o ke awakea, nolaila ua hoomaha ka hale a halawai hou ma ka hora i auina la.

            Noi o Kaulukou e hapai hou ia ka noonoo ana no ka bila waiona i hooholoia i nehinei, Hooholoia.

            Noi hou no oia e lilo keia bila oia kekahi hana o ka la apopo.  Hooholoia.

MA HANA O KA LA.

            Ka noonoo ana o ka Bila Haawina imua o ke Komite o ka haie, ke alii Ake ma ka noho.  Noonoo ia ka Pauku 7 o ka Bila Haawina, a hoohololoa ia.

            Noonoo ia ka hoike a ke Komite wae no ka haawina e pili ana o Kapiolani Paka, a me na kahua lealea e ae.  A eia na mea i hooholoia.

            Kokua i ka ahahui hooulu mea kanu $12,000.  Uku kokua ia Kapiolani Paka, $5,00.  Uku kokua no ka malama ana ia Tamaki kuea, $3,000.  No ka pau e ana o na hora elua, ua hoopauia ke Komite, a aponoia ka hoike a ka luna hoomalu.

            Noi o Kamika e noho hou ke Komite o ka hale a noonoo i ka bila haawina no hookahi hora me ka hapa.  Hooholoia.

            Noho ke alii.  Walker ma ka noho Luna hoomalu no ke Komite o ka hale.  Eia na mea i hooholo ia.

            Kokua no ka malama ana ia Emma kuea $700.  Kokua i ka ahahui mahiai Alii, $1,000.

            Hoopanee ka Hale.

LA HANA 77 Poalima Aug. 8, 1884.

            Ma ke kapaeia ana o na rula, ua heluhelu mai o Pilipo he palapala hoopii mai na kahu mai o ke kula kaikamahine o Kawaiahao, e noi mai ana i $2,500 no ke kokua ana i ke kukulu ana o kekahi mau hale hou.  Waihola i ke komite hoonaauao.

            Ma ke kapaeia ana o na rula, ua waiho pu ia aku na olelo hooholo e pili ana i keia haawina.

            Hoike mai ke komit o na aina aupuni me na hana hou, no ka noonoo ana i ka bila e kokua ana i ke kukulu ana i ka hoomoe ana i ka uwea Tele garape a Telepona paha.  Ua hooponoponoia ka bila, a noi mai e hooholo aku i ka bila meia hooponopono ana.  Heluhelu muaia ka bila, aponoia ka hoike.  Heluhelu aluaia ka bila ma ke poo a waihona i ke komite hookolokolo.

            NA OLELO HOOHOLO ME NA BILA.

            Ma ke noi a Rowell, ua haawiia aku ka bila no ke kokua ana i ka hoouluia ana o ka "Ramie" ma Hawaii nei, i ke komite wae.  Koho ka noho ia Hikikoki, G Brown, Ke'lii Waila, Keau, Kupihea, ke komite wae.

(E nana ae i ke koena o keia la hana ma ka aoao maloko o ka pepa.)

NA HOOLAHA KUMAU.

HALEPAI O THOS. G THRUM O KA NUPEPA SATURDAY PRESS no KUOKOA ALANUI KALEPA, HONOLULU malaila e pana ai na ano a pau o na

BUKE, HOIKE O NA KULA, HOIKE A NA KOMITE, NA HAAWINA KULA SABATI, PAPA KUHIKUHI O NA ANO A PAU, HOOLAHA NUNUI A LIILII, BALOTA, LIPINE PAPALE, TIKETA, WAHI LETA, BILA PAI @. &c., &c., &c., Iloko o ka wa pokole a me ka auhau haahaa.

A ma ka halekuai o THOS. G. THRUM ma ALANUI PAPU, e loaa ai na Kalena kakau o na ano a pau,

Wahi Leta o na ano a pau, Inika o na ano a pau, Penikala o na ano a pau,

            Mea Hoopilipili, buke hoomanao, peni gula a me kumu gula, Kii, a me na laau, Buke kii o ka ohana, Buke kii ana keiki, Na mea paani a na keiki, Kaa a na keiki, Kaa huila lua o na opio.

            A he Agena no ke ana lole pepa o na Keiki a me na wahine.

No ka hoailona ana i na lole me na inoa pono i e hookoia na kauoha a pau no na papa inoa ke waihoia ma keia halekuai me ka uku pu o ka papa inoa i makemakeia.  Uku no ka inoa hookahi me ka inika a me ka hulu, $1,50 ina ma ka papa inoa kuleana, a ina ma ka papa inoa dala, $2.

            O na kauoha pau mai na mokupuni e hookoia ina e hoouna pu ia mai me ka dala a me ka moakaka pono o na hoakaka ana.

THOS G. THRUM.

NU HOU! NU HOU!

Na Waiwai Hou Loa!  NA PAIKINI O KEIA AU.

E Loaa no ma ka ha Halekuai o:  DILLINGHAMA MA, Ma Alanui Papu.

Oia na @ malalo iho nei:

Na Palau, Kaa H@, Kopala, Piki, Oo, Koi, Koilipi, Nu Hamare Kumana o na ano a pau, Na mea Hana a na Kamana, Poe Hamo Puna, no Amara a me na mea hana o ka Poe Akeakamai a pau.  Pena Aila, Vaniki a me na Palaki, Paulo, Puka a me na Kukaepele, Pulaki Hamo Puna, Pulumi, Pakeke, Kapu Holoi Lole a me na Papa.

Holoi Lole, na @, na Pa Palai, na Makau Lawaia, Na Aho Lawaia o na ano a pau, na Kaula o na ano a pau, na Pahi, O, a me na Puna, a he nui aku no na mea i koe.

I KUPONO NOKA HOOHIWAHIWA ANA I NA HALE

I hiki ole ia makou ke huai pau aku aka, na oukou no e hele mai a e hoonuuiho.  O keia maluna ae, e loaa no ma kauhalekuai o Dilinahama Ma, [0130-3m] Mai ka helu 37, Alanui Papu.

NA HOOLAHA KUMAU.

W.O. SMITH,

LOIO, LOIO, LOIO

Keena Hana Helu 36 alanui Kalepa

W.A. KINI,

LOIO, LOIO, LOIO.

Keena Hana:  Helu 15 Alanui Kalepa @ Honolulu.

W.R. KAKELA.

LOIO A HE KOKUA MA KE KANAWAI

He Luna Hooiaio Palapala.

A ROSA. (Akoni.)

LOIO A HE KOKUA MA KE KANAWAI.

He Luna Hooiaio Palapala.

KEENA HANA:  Ma ke Keena @

S.B. DOLE.

LOIO, LOIO, LOIO.

He Luna Hooiaio Palapala.

KEENA HANA:  Ma Alanui Kaa@.

CECIL BROWN.

LOIO A HE KOKUA MA KE KANAWAI.

A he Agena Hooiaio Palapala no ia Mokupuni o Oahu.

KEENA HANA:  Helu 8 alanui Kaahumanu.

JAMES M. MONSARRAT. (MAUNAKEA.)

LOIO A HE KOKUA MA KE KANAWAI

He Luna Hooiaio Palapala.

KEENA HANA:  alanui Kalepa.

RICHARD F. BICKERTON. (PEKEKONA.)

LOIO A HE KOKUA MA KE KANAWAI.

KEENA HANA:  Helu 27, alanui kalepa.

S.N. EMERSON, (EMEKONA)

LUNA Hooiaio Palapala Kepa @ no ka apana o Waialua, Oahu.  A @ mokupuni o Oahu.

Ua makaukau no hoa oia e ANA AINA no ua wahi a pau i makemakeia.

Waialua, Oahu, Nov. 10, '83. 

WILLIAM AULD.

Luna Hooiaio Palapala Kepa Paahana no ke Apana o Kona.

KEENA HANA:  Ma ke Keena Wai o Honolulu.

S.H. MEEKAPU.

Tela humuhumu lole.

HALE HANA:  Helu 11 alanui Nuuanu.

C BREWER & CO. (@)

            Ua makemake ia ka poe mea MA KAU MALOO  ame na ILI BIB@, A @ na ILI MIKO o na ano a pau, e kuai @ lakou mau ILI me makou, a e haawi no makou i ke KUMUKUAI KIEKIE LOA @ kakou Makeke.

J NO. M. KEALOHA.

LUNA Hooiaio Palapala Kepa Paakaua no ka apana o Kawaihau, @ Agena no ka Hooiaio ana i na @ no ka apana o Kawaihau, @ Komisina Palena Aina no ka @ Kawaihau, Kauai, a he Luna @ Mare no ka Pae Aina holookoa.

C C. COLEMAN.

Amara a he mea hana Makina Kapili Kapuai hao lio. A ME KA Hana Kaa Lio ana, etc., Hale Hana ma Alanui Alii, E kokoke la i ka Alanui @

HE NUI ANEI KOU MAKEMAKE I NA MIKINI HUMUHUMU LOLE Ina pela, e kipa mai no ma ka Halekuai Kakela & Kuke!  A malaila oukou e ike ai a makaikai i na @ Makini a WHEELER a me WILSON mai he 840 a hiki i ke 350 ke @ ka mea hookahi NA MIKINI A SINGER, ma ke $50 pakahi me ke ano MIKINI A WILCOX ME GIBBS ma ke $30 a hiki i ke $50 ke kumukuai, mea e pau ai ko oukou kanalua e ina makamaka @ kupono o keia mau Mekini, e naue mai no me ke kuihe ole, a e ike no oukou iho.

PAPA! PAPA! AIA MA KAHI O LEWERS & COOKE, (O LUI MA)ma ke kahua kahiko ma alanui Papu a me M@.  E loaa ai na PAPA NOUAIKI, o kela a me keia ano.

Na Pani Puka, Na Puka Aniani, Na Olepelepe, Na Pou, Na )-a, Na Papa Hele, Na Papu ku, A me na Papa Moe nui  loa, Na Pili o na Hale o na Ano a Paa.

Na Pepa Hoonani, Na Pena o na Wai e pa Na Kui, mai ke Nui a ka Makahi, Na A@ Puka, Na Ami Puka Aniani, Na Ami o na ano a pau, Na Aiia Pena, o kela me keia ano Na Aila Hoomaloo, he lehulehu wale, Na Aila e ae o na ano a pau.

NA WAI VANIKI AME NA WAI HOOHINUHINU NANI O NA ANO A PAU LOA.  NA BALAKI ANO NUI WALE.

A ke hai ia aku nei ka lono i na Makamaka pau, ua makaukau keia mau Makamaka o oukou e hoolawa aku ma na mea a pau e pili ana ma ka laua oihana.  NO KA UKU HAAHAA LOA.  me ka mea e holo ana mawaena o LAUA a me ka MEA KUAI.

E Hele mai!  E na Makamaka o lawa no hoi koo@ makemake.  A me ka oluolu ame @ maikai.