Ka Nupepa Kuokoa, Volume XXIII, Number 37, 13 September 1884 — Page 2
| This text was transcribed by: | Cyndi Defenbaugh |
| This work is dedicated to: | Kumu hula Shawna Alapa'i |
Ka Nupepa Kuokoa
KE KILOHANA POOKELA NO KA LAHUI HAWAII.
No ka Makahiki. $2.00
No Eono Mahina. 1.00.
KUIKI KA RULA
Poaono...... Sepatemaba 13, 1884.
Pakele mai na ako’ako’a
Ma ka huakai huia hoi mai a ka mokuahi Makee no Honolulu nei, ua kipa mua ae la oia ma Waialua kona ana mua e ku ai a hoohiki loa mai i Honolulu nei, a oiai oia e ku ana malaila ua uka ia ae la oia a anai pu ia kona iwikaele e na ako’ako’ ai keleawe o Maeana a paa loa iho la. He mau hora kona hoao ana e palekana mai ia poino mai a mamula o na hooikaika ana e kona mau paahana a me na kokua kuikawa, ua palekana io no. Ma ka Poakolu oia i hoohiki loa mai ai i Honolulu nei, a huki ia iluna o ke Alahukimoku, a ma ka nana pono ia ana, ua ikeia ua hemo kona kaakaa kapilipili. Ma ka auina la Paaha, ua pau loa na wahi i poino i ka hana hou ia a paa, a hookaa ia ilalo a ma ka Poalima ae kona hoopiha ia ana i ka ukana.
Ma ka Poaono, Sept. 6, holo aku la no kana huakai hou i Kauai, a olike me kona Paoa Kuhikuhi holo a me na awa e ku ai pela no oia i holo ai. Kipa hou no oia ma Waialua, a ma o kekahi mau ulia, ua kau hou no iluna o na ako’ako’a a o ka lua iho la ia o kona ia ana. Ua hooomaka kona paa ana mai ka hora 6 o ke ahiahi Poaono a hemo ma ka hora 3 o ka wanaao Sabao. He laki wale no keia mau ili ana i ka paa ole a puhi ke oka i kapakai.
I ka mokuahi Makee e pulikiia la e na ako’ako’a o ua ehukai nei, ua hoea mai la he moku Kalepa ma ia ahiahi no ma ka nuku o Mamala, a hoohuli pono mai la kona ihu iuka nei no ka hookomo ana mai, a emoole no hoi, @e ia aku la ua moku nei, e hookomo m@@ ana, aole he pailata oluna nana e hea kele, aka, ua lawe ae la no ke kapena i kona ike hookele moku a hoao mai la e kia pololei no ka uwapo. A i ka moku e hookomo mai ana a kaa maluna o ka Boe Pele, ia wa lohe ia ka owe o lalo a moku ana i kahi hookahi: hoomanao iho la ke kapena ua paa ka moku, hooana mai la oia i ka lohe iuka nei no na kokua. Emoole, maila ae la ke ahi o na mokuahi Pele a me Kapiolani, a holokake ae la na mea paahana mahu. Niau aku la laua no ka moku poino, a a-lo mai la i kekahi mau wahi ukana kakaikahi ua pili aku la ka waapa o ke pailata ma ka aoao o ka moku a lilo aku la iaia na hooponopono ana. Eia kahi Pele ke huki nei i o a ianei, imua a i hope, a no eha manawa o kona hoao ana, akahi no a hemo mai na moku la. Ua hoomaka ka paa ana o keia moku mai ka hora 6 a oi o ke ahiahi, a hemo ma ka hora i o ka wanaao. He poino iki no ka i loaa i keia moku mai poino loa nae ina he wa okaikai ia manawa, na pakele nae mai ia poino mai. O El Dorada ka inoa o keia moku, a he lanahu kona ukana no ko kakou awa nei, no na na tona he 1,634. a i noho Ona ia e W. G. Irwin & Co. He 1,139 tona kona kaumaha, a o ka 10 makahiki keia o kona holoholo ana ma ke ano he moku hali ukana.
Ka Mana Io
“O ka naaupo nui o ke au i hala ma na mea kalaiaina, oia no ka manao ia he mana akua ko na Moi.” wahi a Herbert Spencer, kekahi haole kaulana loa o keia au e noho nei. He haole keia no Enelani, a aia no ilaila e noho nei he haole akamai i ka noonoo, a ua hoouka pinepine i kona mau manao ma na kumuhana pili aupuni a me ka poho ana o na lahui kanaka, he akeakamai kona kulana noonoo, a ua nana nei ia no hoi kana mau olelo e ka poe noonoo o na lahui naauao. “O ka manaoia ana he mana akua ko na Moi, oia ka naaupo nui o ke au i hala” wahi a ua kanaka akamai nei.
He oiaio, i ka wa kahiko ua oleloia “ua like ka Moi me ke akua,” “o ka Moi ke akua o ka honua nei,” “a he hope ka Moi ma ka honua no ke akua ma ka lani.” A ua ao maoli aku no hoi kekahi poe kumu pela i ka wa kahiko. I keia wa nae ua pau ia manao naaupo. He poe kanaka no na Moi o na aupuni o keia ao e ku nei a he mana kanaka ko lakou e noho nei a e lawelawe nei. A o ko lakou mana e noho nei aia no maloko aku o na lima o na lahui o ko lakou mau aupuni. O ke aupuni Moi kaulana loa o keia au no ka maikai a me ka maluhia oia no ko ka Moiwahine o Enelani kahi noho o ka mea nona ka manao o ku nei ma ke poo o keia kukulu manao ana. Aole na ia Moiwahine e lawe kaawale iaia iho ma ke ano he mana akua kona, a nana ole hoi i na manao o ka hapa nui o ka poe malamalama o kona aupuni no ka mea ua hala ia manao naaupo o ka wa kahiko, a ua lilo i mea ole.
Alaila, mahea la ka mana o na lii o ka honua nei i keia wa? Aia ma ka pono a me ka naauao i awili pu ia iloko o ka lahui mai ke lii iluna a hiki i na makaainana ilalo. Oia ka puuhonua ikaika o na pomaikai lahui. Oia wale no ka pakaua ikaika nana e hoomau aku na pomaikai lahui ka pono me ka naauao i hoehuiia. I ka wa o Kauikeaouli e noho opiopio ana a waihoa@a mai imua ona e koho i Kuhina nui no kona aupuni o Luiha a me Kinau nainoa elua i manao nui ia. Mahope i kona noonoo akahele ana hoopuka mai ia oia i ka inoa o Kinau, a o ka lilo no ia o Kinau i Kuhina Nui. Mahope iho ninauia ua Moi opio nei, no ke aha ia olia i koho ai ia Kinau a waiho ia Liliha. Eia kana pane. “Ua ikaika loa ka pono.”
Ina e lawe keia aupuni i ka pono a me ka naauao a hookauwa pu me ke aloha lahui e ola auanei ka aina a e ikaika auanei ke aupuni. O ka mana nui o ke alii ka Moi oia ka mana o ka hoopono, a ke ole keia aohe he mana e ae e mau ai ke ea a me ka maluhia o ka aina.
He Kuhihewa
“Ua make kua keiki eono pule o ka waiho ana i ka mai, ekolu kauka Pake, ehiku kahuna a eha kauka haole o ka lapaau ana, aohe nae he ola a hala aku la i keia pule aku nei.
O keia iho la ka leo walohia o kekahi makuahine i lohe maopopoia mai e keia makapeni. He makuahine Hawaii opio keia a o ke keiki make, he maka hiki wale no me na mahina keu kona ola ana. O ka manao mua i loaa i keia pepa i kona lohe ana i na olelo kaniuhu o keia makauahine he manao kahaha no ka nui o ka poe nana i lapaau ua keiki nei. He umikumamaha poe nana i lapaau keia wahi keiki uuku, nona ka makahiki hookahi o ke ola ana. aloha wale ke keiki ua make aku la paha i ka nui o ka laau i hookomoia iloko o kona wahi kino nawaliwali.
He naaupo e koe nei iloko o kahi poe, oia hoi keia: O ka manao ana ina e ai nui i ka laau a ke apoe lapaau, he mea kokua nui ia i ke ola. Nolaila, aia no ka pono a nui ka laau, a ikaika ka laau, a nui no hoi ka poe lapaau. He manao kuhihewa loa keia. O ke kumu hoola o ke kanaka, aia no iloko o kona kino kahi i waiho ai; o ka mea nana kakou i hana, ua waiho oia i ke kumu hoola iloko o kela a me keia kino, a o ka hana a ka laau o ke kauka, he ko kua wale no i ka waihona o loko ma ka hoohana ana i ke ola e waiho nei, i pii ae kona ikaika, a i maikai na hana a pau o na lala a pau o ke kino.
Nolaila, aole o ka lehulehu o na kauka a me ka nui o ka laau ka mea e ola ai, aole loa pela. Ina no e hoomahuahuaia na poe lapaau a piha la lahui me na ano laau he lehulehu wale, aohe ia he mea e ola ai. Eia ka mea e ola ai o ka malama pono i kahi ola i haawi mua ia mai, a ina e loohia i ka mai, e ui aku i kekahi kauka hookahi i ikeia a i hilinaiia. Aole o ka holo wale i o a ianei a hou hewa i kela kahuna a i keia kahuna; o ka hana ana pela, he naaupo a he mea hoopilikia.
E pono e naauao ka lahui ma keia mea, a o ka mea e naauao ai, oia ka ninau i ka poe i ike. Eia i Oahu nei ka Hale Lapaau o ka Moaiwahine a aia no ma na mokupuni e ae na poe haole lokomaikai a me na kauka ma na apana e hiki no ke hoolawaia ka ike e pono ai ka lehulehu. Aka, he makehewa ka ike ke hookuli ka lehulehu. Mai hoolohe aku i ka wahahee kahuna.
Ua Kahahaia.
He nui ke kahaha mawaena o ko ke kulanakauhale o Honolulu no ke koho ia o ka Hon. L. Aholo i Komisina i ka ahaolelo hooholo meridiana i Wasinetona. Aohe pomaikai i manaoia e loaa mai ana i ka lahui a i ke aupuni hoi mamuli o kona hele ana: aka nae na ke aupuni no a me ka lahui e uku i ko na mau lilo o ka hele ana. He kiola wale ana keia o ke dala o ke aupuni, he uhauha wale i ka waiwai o ka lahui; no ka mea, he hoolilo wale ana me ka hoihoi ole ia mai ma kekahi ano maopopo e pomaikai ai ka lehulehu. Aole no hoi i aie ka lehulehu i ka lokomaikai a me ka ikaika o Aholo e nanaoia ai he mea pono keia hoouna ana iaia i na aina e e hoomaha ai ma ke ano makaikai. Ma na ninau ano nui a pau i hoea ae imua o ka ahaolelo i pau iho nei, a e pili ana i ka pono a me ka poomaikai o ka lahui Hawaii, ua ku o Aholo ma ka aoao e kue ana i ka pono o kona lahui. Aole oia i kokua i ka pono o na makaainana nana oia i hoohanohano. Me he mea la, he kauwa oia iloko o ka ahaolelo, aole na ka apana nana ia i koho, aka na kahi poe e ae.
Mea hou
Ma ka wanaao Poakahi iho nei, ua loaa aku la elua haole me elua wahine Hawaii, i kekahi poe o Waikiki, e waiho ino ana i ka aeone, hoala ia a ala na wahine a e ole e poi ia kekahi haole e ke kai, o kona mea ia ia ala ai: mai ka la Sabati mai keia ma ka hale (casino) ma Kapiolani Paka.
Nui na hana ino e hanaia nei malaila i ka la Sabati.
A ma ko’u hoomaopopo a ike ana no hoi, he mau hana wale no i hauhai i ke kanawai o ka aina.
He oi ke ino malaila i ka la Sabati, mamua o na la e ae. Auhea la na lima o ke aupuni?
He pono e hoihoi kahi poe kiu o ke aupuni ilaila e nana’i.
S. K. K. ADIEU.
Aekai o W.
Aihueia a loaa hou
Ma ka paaahi i hala o ka hale puhi palaka o F. Hone ma alanui Hotele a iloko hoi o na uluaea o na kanaka ua lawe aihueia aku la he mikini humuhumu lole mai kahi aku o ka poino me ka ike ole ia o ka mea nana i lawe. Ua hulua a ka mea a mau mea paha nana i lawe kolohe aku i ka mikini oaiai he waiwai pio ia no ke kahua panahi a iloko o na hoomanawanui ana ma ka ukaii ana i ka meheu o ka mea aihue ua loaa aku a hopu ia iho la ua mea aihue la a eia ke paa nei ma ka halepaahao. He Pake ka mea nana i aihae a iloko o keia mau mahina loihi i kaa hope aku ua noho ua mea aihue ia me ka nanea pa a oiai ma ka pule hope o Aug. i hala aku ua hopuia iho ia ua Pake la ma o ke kuhikuhi ana a kekahi mea kamaaina. I kona kii ia ana aku e hopu ua nee aku la oia i ka holo a i kora ike ana kuke hahani loa aku nei na makai mahope ona nolaila unuhi ae ia oia i kana pa panapana a hoao mai la e kue i kananka o ke aupuni ma ke ki ana i hookahi poka , aka, ua halahu ae la, a hoolei aku la ia i kana pu a holo hou aku la. Ma keia holo hou ana o ka Pake, ua ukali hou no na makai mahope ona, a ma o na kokua a kekahi poe, na paa iho la na Pake la.
Lokomaikai Oiaio.
Ua wehe ae ka Ekalesia o Waioli, Kauai, he lulu dala no ka haiolelo a lakou a me kekahi malihini, oia o J. N. Kamoku, ma ka la Sabati. Aug. 31, a ua loaa na pohaku he $25.10 mahope iho o ka pule kakahiaka. Ua noho ka Aha Makua o ia Ekalesia e puunaue i na dala i lulu ia mawaena o na mea i hoikeia maluna. Aka ma ka lokomaikai o ka Aha Makua, ua hookomo pu mai lakou i ka inoa o kekahi malihini e noho ana malaila e kokua ana i na hana e pili ana i ka Haku. Nolaila, o keia hana ana a ia Aha, he hana lokomaikai maoli no ia, oia hoi ka ka Haku i olelo mai ai. “E aloha aku oe i kou hoalauna elike me kou aloha ia oe iho.” Imua e Qaioli ma na hana pono, aole hoi e ike i ke kanaka hanohano a waiwai wale no a haaele wale i ka poe haahaa i lokahi like ke aloha mai na kamaaina a na malihini. Ke haawi aku nei au i ko’u mahalo nui i ka Ekalesia Waioli. D. A. KAIOLE.
Waikiki-waena.
He Hoalohaaloha no Mrs Ane K.
Nathaniel.
I ko makou Hoaloha oiaio
Mr. Thos. K. Nathaniel
O makou o ka Ahahui Opiopio Imi Pono Karistiano o Kaiahamauleo o Ewa, ma o ko makou komite la, a o na Luna Nui hoi o ko makou Ahahui
Me ka welina nui.
Oiai, ua oluolu i ka Makua Lani, ke kii ana mai i ka uhane okou mama i aloha nui ia, ka pua nani o kou Home; a ua lawe ia ‘ku la me ia, a aia iloko o ka nani ihiihi o ka Paredaiso o kona Haku aloha. He mea manao nui ia imua o Iehova, ka make ana o kona poe haipule.
A oiai, ua noho mehameha oe a me ka olua Lei Nani, ka hiapo mai ko olua mau puhaka iku, a ua ili iho ka ukana nui koikoi maluna ou he kanikau kumakena, a he kaumaha luuluu. “Pomaikai ka poe make, ke make iloko o ka Haku.”
A no ka mea hoi, mamuli o kou noho kanikau ana no kau wahine, kou hoapili, a ua hala ‘ku la ia me ke aloha nuiia. Nolaila, e ike oe i ko makou manao kumakena pu me oe ka olua Lei kou lehulehu a me na kini o ka mea i hala, malalo nei:
Oiai, ua oluolu i ka Makua Lani ka lawe ana ‘ku i kana kauwa wahine e noho pu me ia, a ua ili iho maluna ou e ko makou hoa uhai a holo o ka pono Karistiano, na kipona koikoi a ke kanikau kumakena, kaumaha pilihua ka naau mokumokuahua no ka mea i hala. A ma ka inoa o ko makou A. O. I. P. K. ma o ko makou komite la, ua oluolu makou a pau loa, e komo pu me oe i kou mau kaumaha a pau.
A oiai, ke kaikamahine makuahine ole Miss------Kapuahou Thos. Nathaniel e noho u a e paiauma ana no kou mama i hala, ke lawe pu nei makou i kou mau ehaeha a e lei pu me oe no kou mama i hala aku la.
Ua oluolu pu makou e komo pu aku me kou makuakane, kou mama a me na kini a pau o ka mea i hoohemahema ia e uwe a e kanikau pu me oukou. Me ka lihaliha a me ke kanikau nui me ka manaonao, ke komo pu aku nei makou me na kini, na lehulehu a me na hoaloha a pau loa o ka mea i hala.
Ke uwalo ae nei ka leo o ka makou pule i ka Makua Lani, e lawe ia’ku na luhi, na ehaeha a me na kaumaha, maluna o ko kakou Hoola nui Iesu Kristo.
O makou iho no
SAM’L P. K. NAWAA.
J. P. KANAHELE.
J. E. KAHOA.
Komite o ka A. O. I. P. K. o Ewa
He muliwai kahe malie ka wahine olelo akahai, o kona kumu no ka naauao mai no
O na keiki naauao, he poe ipu kukui uila ia no ka hale o ko lakou makuakane.
HOOLAHA HOOKOMOKAKI ME KE KUAI. Mamua a kekahi mana kuai a hookeia maloko o kekahi moraki i hanaia mawaena o PAHUPIULA o ka @@ @@@ a me CHAS. R BISHOP o ka @@ elua ma ka la @@ SEPATEMABA 1878 a kakaa me ia ma ka Buke 57 @@@ 60 a ma @@ o ka uhana ana o na kumu aelike o keia moraki a laila kehookahuai aku nei e ka mea pono ka @@@ elua o na @@@ nei e @@@ ana @@ mana kuai a ma ia hooko ana e k@@@ aka@@ ana ia i ka aina i h@ keia ma ia@@@@@@ ma ka POAKAHI, la 25 o SEPATEMABA 1884 ma ke Keena Kadkala o E. P. Adams. Honolulu, ma ka hoea @@ ia ma kahi o W. R. Kakela no oleleo @@@@@@ no keia mea.
Hawaii i keia la 23 o Augate, 1884
CHAS. BISHOP
Mea moraki mai.
Penei na aina e kukaluia ana; O kela apana aina ma Waikele, Ewa, Oahu he @@100 eia aina kalu maikai a he Punawai @@ ua @@@@keia ma ke Sila Nui Helu 863 ma ka @@@ o Kalamao. 1187-41
HOOLAHA HOOKO MORAKI ME KE KUAI. Mamala o kekahi mana kuai i hoikeia maloko o kekahi palapala moraki i hanaia mawaena o KALE KEKAHILI o ka aoao mua, a me F. C. Lowrey o ka aoao elua ma ka la 3 Feberuary 1882, i kakou kope ia ma ka buke 79 aoao 229 a mauli o ka uhai ia ana o na kumu aelike o kela moraki nolaila ke hoolahaia @@@ nei e ka mea nona ka aoao elua o ea moraki nei, e hooke ana oia ia mana kuai a ma ia hooko ana e kudala akea ana ia i ka aina i hoikeia ma ia moraki ma ka POAKAHI la ao o SEPATEMABA 1884 ma ke Keena Kudala o E. P. Adams, ma Honolulu ma ka hora 10 o ia la.
Aia ma kahi o W. R. Kakela na olelo hoakaka no keia mea. Hanaia i keia la 28 o Augate, 1884. FRED C. LOWREY,
Mea Moraki Mai
Penei na aina e kukaluia ana:
O kela apana aina ma Waikele, Ewa, Oahu ua hoakakaia ma ka Sila Nui Helu 4148 kuleana 1614 ma ka inoa o Kekualiilii he a 77-100 eka. 1188-41
HOOLAHA HOOKO MORAKI ME KE KUAI. Mamuli o kekahi mana kuai i hoikeia maloko kekahi palapala moraki i hanaia mawaena o NAPUA o ka aoao mua, a me AUGUSTUS NERMON o ka aoao elua ma ka la 15 o AUGATE 1883 i kakau kope ia ma ka buke 81 aoao 388 a mamuli o ka uhai ia ana o na kumu aelike o kela moraki nolaila ke hoolahaia aku nei e ka mea nona ka aoao elua o ua moraki nei e hooko ana oia ia mana kuai a ma ia hooko ana e kudala akea ana ia ia ka aina i hoikeia ma ia moraki, ma ka POAKAHI la 29 o SEPATEMABA 1884 ma ke Keena Kudala o E. P. Adams, ma Honolulu ma ka hora 12 o ia la.
Aia ma kahi o Kakela na olelo hoakaka no keia mea. Hanaia i keia la 29 o Augate 1884.
AUGUSTUS NERMON,
Mea Moraki Mai.
Penei na aina e kudalaia ana:
O kela apana aina ma Kalihi, Oahu, ua hoakakaia ma ka Palapala Sila Nui Helu 667 a kuleana Helu 1524 me 1524 B., ma ka inoa o Luaiki, he 3.831 eka he apana kalo a he apana hale, ua mahi maikai ia ka aina kalo.
1188-4t.
HOOLAHA HOOKO MORAKI ME KE KUAI. Mamuli o kekahi mana i hoikeia maloko o kekahi palapala moraki i hanaia mawaena o J. K. KAWAINUI o ka aoao mua a me ELIA GORDON o ka aoao elua, ma ka la 19 o SEPATEMABA, 1882, i kakau kopeia ma ka Buke 75 aoao 428, a mamuli o ka uhaiia ana o na kumu aelike o kela moraki, nolaila, ke hoolahaia aku nei e ka mea nona ka aoao elua o na moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoikeia ma ia moraki, ma ka POAKAHI, la 29 o SEPATEMABA, 1884, ma ke Keena Kudala o E. P. Adams, ma Honolulu, ma ka hora 12 o ia la. Aia ma kahi o W. R. Kakela na olelo hoakaka no keia mea.
Hanaia i keia la 28 o Augate, 1884.
ELI GORDON,
Mea Moraki Mai.
Penei na aina e kudalaia ana: O kela apana aina e waiho la ma Manoa, Oahu, ua hoa kakaia na palena ma ka Sila Nui Helu 3471, Kuleana 1769 ma ka inoa o Malaihi he 80-100 eka, he aina mahi kalo a mahi raiki. 1188-4t
HOOKAPU AINA:---E ike auauei na kanaka a pau ke nana mai i keia, o makou o ka poe no lakou na inoa malalo, ke hookapu a papa loa aku nei makou i ka poe i kuleana ole e noho la maluna o ka apana aina o Kapau k. ma Wailuku, Maui, a i hoakakaia ma ka Sila Nui Helu 4588, a nona ka inoa o Waikani-kalo, a o ka aina hoi a makou e hooponopono nei i keia wa, a me ko makou hope e noho la ma Puuohala, Wailuku, Maui, oia o D. Kalani, oia ka mea kuleana e hana ai i ko makou pono ma ke kanawai. A ma keia, ke papa loa ia aku nei na mea a pau aole e kii i na mea o luna o ua apana aina la, aole hoi e hookuu wale i na holoholona o na ano a pau a makii paha maluna o ka aina i oleloia, a ke hookapu ia aku nei na kanak a pau aole e lawelawe, a mahi, a hana paha i na mea ino maluna o ka aina i oleloia, o ka poe a pau e kue aua i keia, e hoopii ia no lakou ma ke kanawai. Ko makou oiaio loa.
D. W. Ku, C. W. Kaauwai, Mrs. Kaheina.
D. Kaiani---Hope.
Halaula, Kohala. 1188-41*
HOOKO MORAKI ME KUAI:---Ke hoalaha aku nei ka mea nona ka inoa malalo, i kulike ai me ka mana kuai i hoikeia maloko o kekahi moraki i haawiia iaia e MAGGIE PUKUI MALTERRE, a me LEON E. MALTERRE kana kane mare, i kakauia ma ka la 20 o SEPATEMABA, 1883, a i kopeia ia hoi ma ke Keena kope o ke Aupuni ma ka Buke 81 aoao 481-484, a ua manao oia e hooko aku ia mana kuai ma ka moraki i oleloia mamuli o ka uhaiia ana o na kumu aelike a me ka hookaa ole ia ana o ka aie i hoopaaia ma ua moraki nei, a mahope o ka hala ana o ka manawa i hoakakaia ma ke kanawai, e kuai kudala ia aku ana ma ke akea ma ke Keena kudala o Levey& Lyons, ma Honolulu, oia na aina a pau i hoakakaia ma ia moraki i oleloi: O kela apana aina a pau e waiho la ma ke Alanui Puowaina, Honolulu, ua hoakakaia na palena ma ia moraki i oleloia no 31-100 eka, a he hapa hoi ia no ka Apana 3, R. P. 602, L. C. A. 2285 B ia Kuanaoa no Kanohai i hooliloia—ia Maggie P. Malterre, a i kakaui ma ka la 22 o IUNE, 1882, a kapaeia ma ka Buke 75, aoao 167.
JOHN BURROW.
Ma o kona Loio i hooiaioia, W. C. Peocock.
Honolulu, Sept. 8, 1884. 1189-4ts
HOOLAHA HOOKO MORAKI ME KE KUAI. O ka mea nona ka inoa malalo, luna hooko o kekahi palapala moraki i kakauia ma ka la 24 o Iulai 1879, a i kopeia maloko o ka buke 60 aoao 413 a hiki i ka aoao 417, ma ke Keena Aina i haawiia e T. Akanaliilii o Makawao a me Wong Song o Huelo mokupuni o Maui, F. C. Achong a me F. Asee o Honolulu, Oahu, ko Hawaii Pae Aina o ka aoao mua o ka moraki, ia H. A. P. Carter, P. C. Jones Jr., a me J. Brewer o Honolulu i oleloia, na lala hui o “C. Brewer&co” o ka aoao elua o ka moraki, no ka hoopaa ana i ka uku ana i ka huina dala o Kanaha ia u@ani i kulike ai me na nota aelike eha i kakau ia ma ka la maluna i oleloia no Umi tausani dala no ka nota hookahi, a e uku ia i na mea moraki o ka aoao elua iloko o na makahiki elua mai ka la i oleloia maluna, me ka uku pu ana i ka uku kuala i kela a me keia hapaha makahiki ma ka umi pa-keneta, ma keia ke hoelaha aku ka poe o ka aoao elua o ua moraki nei, e hooko ana lakou i ka mana o ua moraki la no na kumu ua uhaiia na kumu aelike a me ka uku ole ia ana o na nota aelike mahope o ka hala ana o ka manawa i oleloia, a mamuli o ka hala ana o na pule ekolu mahope iho o ka puka ana o keia hoolaha e kuai ia aku ana na aina a me na pono a puu maluna o ua mau aina nei a me na waiwai e ae i hoiukeia maloko o na moraki nei, oia ka “Huelo Sugar Plantaion.” ma ke kudala akea,-ma ke keena kudala o Lyons &Levey ma Honolulu i oleloia ma hooliloia aku i ka mea nona ka inoa malalo ma kekahi palapala hooko i kakauia ma ka la 19 o Augate 1882. W. RENNY WATSON, ma o kona loioi i hooiaioia.
G. W. MACFARLANE.
Honolulu, Iulai 24, 1884 1188-3ts
NA HOOLAHA HOU HOOLAHA HOOKO MORAKI . O ka mea @@@@ ka inoa malalo luna @@ @@ o kekahi palapala moraki i kakauia ma ka ia o o Iulai 1886 a i kupei maloko o ka buke 63 aoao 227 a @@@@ aoao @@@ ma ke Keena aina i haawaa o F. Akanaliilii o Makawao, Maui me Wong Song o Huelo, Maui, a me F. C. Achong me F. Asee o Honolulu, Oahu, ko Hawaii Pae Aina o ka aoao mea o ka moraki G. H. A. Carter me H. C. Jones Jr. a Honolulu i oleloia na lala hui malalo o ka inoa “C. Brewer & Co.” a me Andrew Welch o Kaualakike, mkuaina o Kaleponi e lawelawe @@hina kalepa ana malalo o ka inoa hui o Welch & Co. o ka aoao elua o ka moraki no ka hoopaa ana i ka aka ana i ka @@@@ dala o Kamaha @au@ani i kulike ai me na n@@@ aelike a i kakauia ma ka ia maluna i oleloiaa e ukuia i ka la i o Okatoba 1883, me ka uku pu ana i ka uku kuaia a umi pa-hn@@a no ka makahiki a e ukaia i keia a me kona hapaha makahiki ma keia ke hoolahaia aku nei ua manao ka aoao elua i ka moraki e hooko i ka mana keoi o ua moraki la no na kumu na uhaiia na kumu aelike a me ka uku ole ia ana o ka ha@@@ dala i oleloia mahope iho o ka hala ana o ka manawa i oleloia a mamuli o ka hala ana o na pule ekolu mahope iho o ka puka ana o keia hoolaha e kuai ia aku na aina a me na pono an pau maluna o ia mau aina a me kekahi mau waiwai e ae i hoikeia maloko o ia moraki oia ka “Haelo Sugar Plantation.” ma ke kudala akea oia ke keena kudala o Lyons & Levey ma Honolulu i oleloia.
O ka palapaia moraki i oleoloia na hooliloia aku ia i ka mea nona ka inoa malao e C. Brewer & Co. me Andrew Welch i oleloia ma kekahi palapala hooko i kakauia ma ka la 19 o Augate 1882. W. KENNY WATSON ma o kona loio i hooleloia. G. W. MACFARLANE
Honolulu, Iulai, 24, 1884 1188 @@@
HOOLAHA HOOKO MORAKI ME KE KUAI. Mamuli o kekahi mana kuai i hoikeia maloko o kekahi palapala moraki i hanaia mawaena o LIUKUA ka aoao @@@@ a me F. Moss o ka aoao elua, ma ka la 24 o Okatoba 1882 i kakaa kopeia ma ka buke-6 aoao 448 a mamuli o ka uhaiia ana o na kumu aelike o kela moraki, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai, a ma hooko ana, e kudala akea ana ia i ka aina i hoie ia ma ia moraki ma ka POAKAHI la 29 SEPATEMABA 1884 ma ke keena kudala o E. P. Adams, ma Honolulu ma ka hora 12 o ia la. Aia ma kahi o W. R. Kakela na olelo hoakaka no keia mea.
Hanaia i keia la 28 o Augate 1884.
F. MOSS
Mea Moraki Mai.
Penei na aina e kudalaia ana : O ka hapalua i mahele ole ia ma kela apana aina ma Wainaku, Hilo, Hawaii, ua hoakakaia ma ke Sila Nui Helu 1873 ma ka inoa o Kamauhili. Malo he aina kanu ko maikai loa. 1188-4t
HOOLAHA HOOKO MORAKI ME KE KUAI :- Mamuli o kekahi mana kuai i hoikeia maloko o kekahi palapala moraki i hanaia mawaena o K. KAHANU o ka aoao mua, a me Eli Gordon o ka aoao elua ma ka la 12 o Ianuari 1882 i kakau kopeia ma ka buke 72 aoao 146 a mamuli o ka uhaiia ana o na kumu aelike o kela moraki, nolaila, ke hoolahaia aku nei e ka mea nona ka aoao elua o ua moraki nei, e hoooko ana oia ia mana kuai, a ma ia hooko ana e kudala akea ana ia ia ka aina i hoikeia ma ia moraki ma ka POAKAHI la 29 o SEPATEMABA 1884 ma ke keena kudala o E. P. Adams, ma Honolulu, ma ka hora 12 o ia la. Aia ma kahi o W. R. Kakela na olelo hoakaka no keia mea.
Hanaia i keia la 28 o Agate 1884
ELI GORDON.
Mea Moraki Mai
Penei na aina e kudalaia ana:
O kela mau apana aina ma Kalihi i hoakakaia ma ke Sila Nui 2853 ma ka inoa o Naihe he 4 loi kalo, ahe wahi apana hale. 1188-4t
HOOLAHA HOOKO MORAKI ME KE KUAI. Mamuli o kekahi mana kuai i hoikeia maloko o kekahi palapala moraki i hanaia mawaena o W. S. KIOULA o ka aoao mua, a me A. J. Cartwright Kahu Waiwai o Holt o ka aoao elua, ma ka la 20 o Aperila, 1882 i kakau kopeia ma ka buke 73 aoao 448 a mamuli o ka uhaiia ana e na kumu aelike o kela moraki, nolaila, ke hoolahaia aku nei e ka mea nona ka aoao elua o ua moraki la, e hooko ana oia ia mana kuai, a ma ia hooko ana, e kudala akea ana ia i ka aina i hoikeia ma ia moraki, ma ka POAKAHI la 22 o SEPATEMABA 1884, ma ke keena kudala o E. P. Adams, ma Honolulu, ma ka hora 12 o ia la. aia ma kahi o W. R. Kakela na olelo hoakaka no keia mea.
Hanaia i keia la 25 o Augate, 1884.
A. J. CARTWRIGHT,
Kahu Waiwai o ka mea moraki mai.
Penei na aina e kudala ia ana: O kela mau apana aina ma Waikiki.
Apana 1.---O ka hapalua i mahele ole ia iloko o kela mau eka he 31 ma Kaluaolohe, he apana kalo a he apana kula; ua hoakakaia ma ke Sila Nui Helu 2576.
2.---He 45-100 eka ma Kauamoa, Waikiki; he apana kalo, ua hoakakaia ma ke Sila Nui Helu 3473.
3.---He 17 eka ma Kalama 4, ma Kona, Hwaii, sila Nui Helu 1188, ma ka inoa o Kahikina.
4.---He ekolu eka ma Kona, Hawaii, he apana aina o ke Sila Nui Hela 6914, ma ka inoa o Kahikina. 1187-4t
HOOLAHA HOOKO MORAKI ME KE KUAI. Mamuli o kekahi mana kuai i hoikeia maloko o kekahi palapala moraki i hanaia mawaena o J. KAAUKAI HANUPA o ka aoao mua a me MRS. MARIE FARNSWORTH o ka aoao elua, ma ka la 11 o APERILA 1881 i kakau kope ia ma ka Buke 71, aoao 66, a mamuli o ka uhaiia ana o na kumu aelike o kela moraki, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoikeia ma ia moraki, ma ka la 2 o SEPATEMABA, 1884, ma ke Keena Kudala o E. P. Adams, ma Honolulu ma ka hora 12 o ia la. Aia ma kahi o W. R. Kakela na olelo hoakaka no keia mea.
Hanaia i keia la 26 o AUGATE, 1884.
MRS. MARIE FARNSWORTH
Mea moraki mai.
Penei na aina e kudalaia ana : O kela mau apana aina ma Hamakua, Hawaii.
1.—91/4 eka ma Papuaa; ua hoakakaia ma ke Sila Nui Helu 7352.
2.---3 9-10 eka ma Nienie, na hoakakaia ma ke Sila Nui Helu 6920. 1187-4t
HOOLAHA HUI. O makou o ka poe no lakou na inoa malalo iho, ua hoohui makou ia makou iho ma ke ano kalepa Halekuai a e lawelawe ia ana na hana ma Kohala Akau, Hawaii.
Pilipo Paniani---Peresidena------------------------------------------Kawaihae-uka
Wm. Kalani---hope “ “ “
S. La@aro------Puuku-------------------------------------------------Kohala Akau.
D. W. Pae------hope “ “ “
Robert Amalu----Kakauolelo----------------------------------------Kona Hema.
Mrs. M. Nawahie------------------------------------------------------Kawaihae-uka
Meleana Kahookano “ “
Akahi Liilii “ “
M. Mose “ “
Uliena Pele “ “
Petero Kaauhaukane “ “
Pepe Akahi “ “
Mrs. H. Paniani “ “
Maleka Kanehailua “ “
Maria “ “ “
Kapeka Kekahili “ “
Kaleohano “ “
Kelapa Kekoi “ “
D. W. Kekoi “ “
Kekipi Kekoi “ “
Kaoeno opio--------------------------------------------------------------Kawaihae-kai.
Maria Kale------------------------------------------------------------Kehea, N. Kohala
Iwiula------------------------------------------------------------------Niulii, “ “
Halauwai Malo “ “
Mrs. M. Pae “ “
Akala Pae “ “
Emele Pae “ “
Mrs. Moonauli “ “
Kanikahoe “ “
Kaiakaumaka “ “
Piikea Manoa “ “
Kailikawaikahau---------------------------------------------------Puako, S. Kohala.
Kauhane “ “ “
M. Kahaikupuna “ “ “
Meleana Ahuni “ “ “
Keola Pakini “ “ “
Kahuli Pakini “ “ “
Kahukula---------------------------------------------------------Kapaloa N. Kohala.
Kamahana “ “ “
Mua----------------------------------------------------------------Puako S. Kohala.
Kuaana Kaaukahi---------------------------------------------------------Kawaihae-uka.
NA HOOLAHA HOU.
O KA poe no lakou na mea malalo iho ma ka inoa hui o C. Brewer & Co., na luna hooko o kekahi moraki i haawiia e AH Fat, a i Keila ma ka inoa o APA ia M. Rose ma ka la 19 o Augate A. D. 1879. i kakau kopeia ma ka buke 61 aoao 124—126 a i kulike ai hoi me kekahi mana kuai i hoikeia ma ia moraki i oleloia, nolaila, ua manao lakou e hooko aku ia mana kuai no na kumu ua uhaiia na kumu aelike a mamuli o ka hala ana o ka manawa i hoakakaia ma ke kanawai, nolaila, e kuai @ aku ana ia moraki i oleloia a me na pono a pau e pili ana me=a ke kudala akea ma Honolulu: a ma ia moraki no hoi he 100 eka aina hoolamalima ma Lohiku, Kaneohe, Oahu. I hooliloia o Chas. C. Harris ia Apa i oleloia no 10 makahiki ma ka la 1 o Iune 1879 a i kopeia ma ka buke 61 aoao @@@@ na mea ulu, ma hale a me na mea paahana a pau. A o na paahana pau o ka moraki i oleloia, na hooliloia ma ke kuu e Ah Pai ia Ah Sing a nana e uku na mea a pau e pili anaano a moraki.
C. BREWER & CO.
Ma o P. C. Jones Jr. Peresidena.
Honolulu, Sept 3, 1884. 1188-4t
KUAI A KA HAMUKU---Mamuli o ka mana o kekahi palapala hoomalu i hoopukaia@ e ka Aha Kiekie ua hoomalu aku wau a e kuai kudala aku ana ke hiki aku i ka la 16 o SEPATEMABA 1884 no ka pomaikai o A. C. Kai no na dala he 222.20 i kela apana aina a pau e wiho la ma Waikele, Ewa, i ikeia ma ka mea o Kuheleloa, nona ka paiapaia Sila Nui Helu 843, Kuleana Helu 1013 ke ole e hookaa maa ia mai na iaia i oleloia ae la a me ko’u mau lilo a pau e pili ana i ka hoomalu ana. W. C. PARKE.
Hamuku 1187-2t
HOOLAHA NO KA POE HOOKAA AUHAU O KA APANA HOOKOLOKOLO ELUA O KO HAWAII PAE AINA.----E ike ananei na mea a pau i ku i ka Auhau e noho ana ma ka Apana Hookolokolo elua, oia hor@ o Maui, Molokai, Lanai: e noho ana na PAPA HOOPU AUHAU ma na wahi a me na manawa hoikeia malalo nei:
Wailuku, Hale Hookolokolo, Okatoba 1 & 2
Molokai, “ “ Pukoo “ 6
Hana. “ “ “ 8 & 9
Makawao “ “ “ 18 & 20
Lahaina, “ “ “ 28 & 29
A ua makemake pu ia no hoi na Laia o na Papa Hoopii auhau o na Apana i hoikeia maluna, e halawai pu me a’u ma na wahi a me na manawa i hoikeia maluna no keia hana, mai ka hora 9 A. M. a hiki i ka hora 3 P. M. o na la pakahi i hoikeia maluna.
A. FORNANDER
Peresidena o na Papa Hoopii Auhau Apana Elua Hookolokolo o @o Hawaii Pae Aina.
Lahaina, Aug. 22, 1884 1187-3t
HOOLAHA HOOKO MORAKI MU KE KUAI. Mamuli o kekahi mana kuai hoikeia maloko o kekahi palapala moraki i ha naia mawaena o SAM. KANAE o ka aoao mua, a me A. J. CARTWRIGHT o ka aoao elua, ma ka la 2 o DEKEMABA, 1882, i kakau kope ia ma ka Buke 77 aoao 138 a mamuli o ka uhaiia ana o na kumu aelike o ua moraki nei, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea aku ana i ka aina i hoikeia ma ia moraki, ma ka POAKAHI, la 22 o SEPATEMABA, 1884, ma ke Keena Kudala o E. P. Adams, ma Honolulu, ma ka hora 12 o ia la. Aia ma kahi o W. R. Kakela na olelo hoakaka no keia mea.
Hanaia i keia la 25 o Augate, 1884.
A. J. CARTWRIGHT.
Kahu Waiwai o ka mea moraki mai.
Penei na aina e kudalaia ana : He apana aina maikai ma Ewa, Oahu, he kahua hale a me ka aina kalo, ua hoakakaia ma ke Sila Nui Helu 6675 ma ka inoa o Kanae, he 1 28-100 eka. a me ka Sila Nui Helu 6662 ma ka inoa o Kini, he 1 15-100 eka. 1187-4t
HOOLAHA HOOKO MORAKI ME KE KUAI. Mamuli o kekahi mana kuai i hoikeia maloko o kekahi palapala moraki i hanaia mawaena o OO, o ka aoao mua, a me Alex. J. kCartwright o ka aoao elua, ma ka la 20 o Dekemaba 1882 i kakau kopeia ma ka buke 77 aoao 141 a mamuli o ka uhaiia ana o na kumu aelike o kela moraki, nolaila, ke hoolahia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoikeia ma ia moraki, ma ka POAKAHI, la 22, o SEPATEMABA 1884, ma ke keena kudala o E. P. Adams, ma Honolulu ma ka hora 12 o ia la. Aia ma kahi o W. R. Kakela na o;lelo hoakaka no keia mea.
Hanaia i keia la 25 o Augate, 1884.
A. J. CARTWRIGHT.
Kahu Waiwai o ka Mea Moraki Mai.
Penei na aina e kudalaia ana : He apana aina ma Pelekane, Honolulu, e kokoke ana i ke alanui Ema, a he apana o ka aina i hoakakaia ma ka Palapala Sila Nui Helu 1709 ma ka moa o MAKALAWELAWE he 3-20 eka; he aina pa hale maikai loa. 1187-4t.
HOOLAHA HOOKO MORAKI ME KE KUAI. Mamuli o kekahi mana kuai i hoikeia maloko o kekahi palapala moraki i hanaia mawaena o KAOOLOA me H.J. KAOOLOA o ka aoao mua, a me o ka aoao elua, ma ka la 18 o Okatoba, 1882, i kakau kopeia ma ka buke 76 aoao 451 a mamuli o ka uhaiia ana o na kumu aelike o kela moraki, nolaila, ke hoolahaia aku nei e ke mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoikeia ma ia moraki ma ka POAKAHI, la 29 o SEPATEMABA 188@ ma ke keena kudala o E. P. Adams, ma Honolulu, ma ka hora 12 o ia la.
Aia ma kahi o W. R. Kakela na olelo hoakaka no keia mea. Hanaia i keia la 29 o Aug. 1884. F. MOSS
Mea Moraki Mai.
Penei na aina o kudalaia ana : O kela apana aina ma Kaalaea, Oahu, ua hoakakaia na palena ma ka Palapala Sila Nui Helu 3050 kuleana 6961 ma ka inoa o Keahiolalo, he 1 me 94-100 eka.
O kela mau apana aina i hoakakaia ma ka Palapala Sila Nui Helu 3058 kuleana 6157 ma ka inoa o Pahea he 1 55-100 eka. 1188-4t
HOOLAHA HOOKO MORAKI ME KE KUAI. Mamuli o kekahi mana kuai i hoikeia malalo o kekahi palapala moraki i hanaia mawena o W. S. KIOULA o ka aoao mua, a me M. M. SCOTT o ka aoao elua, ma ka la 3 o OKATOBA, 1882, i kakau kope ia ma ka Buke74 aoao 481, a mamuli o ka uhaiia ana o na kumu aelike o kela moraki, nolaila, ke hooiahaia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana e kudala akea aku ana ia i ka aina i hoikeia ma ia moraki, ma ka POAKAHI la 22 o SEPATEMABA, 1884, ma ke Keena Kudala o E. P. Adams, Honolulu, ma ka hora 12 o ia la. Aia ma kahi o W. R. Kakela na olelo hoakaka no keia mea.
Hanaia i keia la 26 o Augate, 1884.
M. M. SCOTT.
Mea moraki mai.
Penei na aina e kudalaia ana : O kela apana na aina ma Waikiki, he 88-100 eka, he aina kalo, he nui ka wai, a ua mahi ponoia; ua hoakakaia ma ka Palapala Sila Nui Helu 4155, ma ka inoa o Kumahea. 1187-4t
HOOLAHA HOOKO MORAKI ME KE KUAI. Mamuli o kekahi mana kuai i hoikeia maloko o kekahi palapala moraki i hanaia mawaena o MAKEA a me HAPAI o ka aoao mua, a me W. DEAN o ka aoao elua i ka la 22 o DEKEMABA 1881, i kakau kope ia ma ka Buke 70 aoao 415, a mamuli o ka uhaiia ana o na kumu aelike o kela moraki, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoikeia ma ia moraki, ma ka PAKAHI, la 29 o SEPATEMABA, 1884, ma ke Keena Kudala o E. P. Adams, ma Honolulu, ma ka hora 12 oia la. Aia ma kahi o W. R. Kakela na olelo hoakaka no keia mea.
Hanaia i keia la 29 o Augate, 1884.
WM. DEAN
Mea Moraki Mai.
Penei na aina o kudalaia ana : O kela apana aina ma Mahinui, Kaneohe, Oahu, ua hoakakaia ma ke Sila Nui Helu 2533, a Kuleana Helu 4490, a oia na apana @ me @ ma ka inoa o Kane. 1188-4t
MA KE KAUOHA
I KULIKE, ai me ka pauku 3840 ke Kanawai Kivila, ma keia ke hhoolaia aku no@@@ @@@ kai lawaia o ke Aupuni o Hilo Bay, a me ke awa kumoku, a i ikeia ma ka inoa a @@@@ Bay, ma ka mokupuni o Hawaii, e kapa@@@ keia mua aku iloko o na mahina o Novemaba, Dekemaba, Ianuari, Feberuari, Maruke, Aperila, a me Mei, no ka hoomalu ana i n@@
C. T. GULIK
Kuhina Kalaiaina
Keena Kaaiaina, Honolulu. 11@@
MA KE KAUOHA
Keena Waiwai, Aug. 1, 188@
I ku like ai me ke Kanawai e hoopono ai i na Moni i aponoia la ia 17 o Iulai, 1884, nolaila, ke h@@@ aku nei ka lohe i na mea a pau, @@@ ke Kanaono la mai keia la aku, @@@ ia no na ano dala e ae a pau @@@@ Keena Waiwai, koe na dala Hawaii a me ko Amerika Huipuia, a e uku a @ na dala Hawaii no ia mau ano dala e hoihoiia mai ana.
Ma ka Pauku e o ke kanaka e hooponopono ai i na Moni ua ke @ kaawale ia, mai ka la 1 aku o @@@ 1884, a mahope aku, e laweia @@ ua ano dala e ae mawaho aku o na @@@ Hawaii a me ko Amerika Huipuia, ma ke Keena Waiwai, no ka waiwai a @@ e oi aku i ka waiwai ma ka auka, no ka uku ana i na aie, na dute a me na auhau.
Jno. M. KAPENA,
Kuhina W@@@
Aug. 1 1884 @@
$5.00 MAKANA
E ike auanai na kanak a pau, @@@@ T. AKANA (Pake) ke hoike aku nei a@@@@@
mea e loaa ai kuu lio wahine ulaula i k@@@ ka hao ano e ma kekahi uha hope, he @@@ keokeo ma ke poo. he eleele na waewae, @@ le ka huelo. Ua nalowale ma Kapaa, K@@ poko, elaa ae nei mahina, a o ka mea e @@@ e hoihoi mai ia u ma Honolulu. A @@@@@@ ma Kanekina hale inu rama.
C. T. AKANA Pake
Honolulu 118@@@
OLELO HOOLAHA :-----E ike na @@@ pau ma keia. Ua lilo mai @@@@@ hoolimalima ke kahawai o WE. ma Kalihiwai me na pomaikai malalo iho: @@@@ @@ Lomi; nolaila, ke papa a ke hookapu aku nei au i na mea a pau loa, mai hele a ka wale@ kekahi o keia mau mea apau i hoikeia ae @@ ka mea a mau mea e hoolohe ole ana i ka @@@ loaa aku ia u a i ko’u mau hope paha. e @@ ku ia no oia he $10. SOLOMONA
Hanapai, Kalihiwai, Aug. 20, 1884. 1187-4t
HOOLAHA LUNAHOOPONOPONO WAIWAI O HALALOA (W@@@@@ hookohuia mai ka mea nona ka inoa malalo iho nei e ka Mea Hanohano A. P. JUDD, Lunakanawai Nui o ko Hawaii Pae Aina i Lunahooponopono ma ka Waiwai o HANA LOA, i make kauoha ole.
Ke kauoha ia aku nei ka poe a pau i aie i ka waiwai o ka mea i make, e hookaa koke mai ia’u a me ka poe a ka mea make i aie aku ai, e hoike mai ia’u i na Bila Aie iloko o na mahina eono. A o ka poe i kuleana i ka waiwai o ka mea i make, e hele mai lakou me na hooiaio kupono iloko o na mahina eono i olelo ia maluna, o hoole mau ia aku lakou.
PAU (K)
Lunahooponopono Waiwai o Hanaloa.
Waikiki, Honolulu, Oahu. July 18, 1884. 1183-@@@
OLELO HOOLAHA:---Ke hoolaha aku nei au, o ka la kapu o ke Konolaki ma ke kai o Waiakea, Hilo, Hawaii, oia ka M@@@let, Pua Amaama, a me ka Anae, a ke papa ia aku nei aole e lawaia kekahi o ia la me ka ae ole o ka mea a’u i hookohu aku ai, e ho@@@@ auanei lakou a hoopii ia malalo o na kanawai.
C. H. JUDD
Komisina o na Aina Leialii a Akena
Honolulu, Aug 12, 1884 118@@
OLELO HOOLAHA:---- E ike auanei na kanaka a pau ma keia, owau o MANUAHI w. ka wahine mare a Kuawa o Waipio, Hamakua, Hawaii, ke hoike aku nei au oia ke akea o ka Palapala Kuai aina a kuukane i ka na ai a hoolilo i ka hapalua o ka aina o @@@ ia Polino w. o ia wahi hookahi no, aole au i kakau malalo o ia Palapala Hoolilo, aka a kakau apuka ia kuu inoa a kaha pea ia mamua o kua inoa, he hana apuka kela a kuu kane, no ka mea he ike no au i ke kakau.
O keia apana aina no Nakoko k. i make ia wahi no a hooiliia ia Kamakaia w., a make ia, hooiliia i kuu kane, a oia ka’u e hoike aku nei i ke akea. MANUAHI w.
Waipio, Hamakua, Hawaii. 1186 4@
AHA HOOKOLOKOLO Apana Eha o ko Hawaii Pae Aina. Ma ka hooponopono Waiwai, ma ka hana o ka ua wai o PUHAUHAU (k) o Kalalau, Kauai. Imua o ka Lunakanawai Kaapuni ma ke keena.
Ma ka heluhelu a me ka waiho ana mai o ka Palapala Noi a Kapiioho o------e hoike @@@ ana o Puhauhau k. no Kalalau, Kauai, ua ma ke kauoha ole ma Kalalau, ma ka la Aperila, 1884, a e noi ana e haaviia ka Palapala Hookohu Luna Hooponopono Waiwai ia S. Kaiu.
Ua kauohaia, o k a POAKOLU, ka la 15 OKATOBA 1884, ma ka hora 10 kakahiaka oia ka manawa i kohoia no ka hoo’ohe ma i ua noi la, imua o ua Lunakanawai la, ma ke Keena Hookolokolo o keia Aha, ma Hanalei, a ma ia manawa a ma ia wahi no e hele mai ai na mea a pau i pili e hoike @@@@@ kumu, ina he kumu oiaio ko lakou, e ae @@@ ai ua Noi la. A o keia olelo kauoha ma ka olelo Hawaii, e pai ia ma ke KUOKOA he nupepa i pai ia a hoolaha ia ma Honolulu, i ek@@@@.
Kakauia ma Koloa, ko Hawaii Pae @@@ keia la 30 o Augate, 1884. J. HARDY
Lunakanawai Kaapuni apana Eha. 1188 @@
HOOLAHA HOOKO MORAKI ME KE KUAI. Mamuli o kekahi mana kau i hoikeia maloko o kekahi palapala moraki i hanaia mawaena o J. KUPAU o ka aoao m@@ a me Mrs. L. B. Coan o ka aoao elua, ma ka la 2 o Iulai 1881 i kakau kopeia ma ka buke 71 aoao 76 a mamuli o ka uhaila ana o na @@ mu7 aelike o kela moraki, nolaila, ke hoolahaia aku nei e ka mea nona ka aoao elua o ua me raki nei, e hooko ana oia ia mana kuai a ma ia hooko ana e kudala akea ana ia i ka aea i hoikeia ma ia moraki ma ke POAKAHI la 29 o SEPATEMABA 1884 ma ke keena kudala o E. P. Adams, ma Honolulu, ma ka hora 12 o ia la. Aia ma kahi o W. R. Kakela na olelo hoakaka no ia mea.
Hanaia i keia la 28 o Augate, 1884.
Mrs. L.B. COAN
Mea Moraki Mai.
Penei na aina e kudala ia ana : O kela mau apana aina ma Kamananui, i hoakakaia ma ke Sila Nui Helu 857 ma ka inoa o Piowa, he 1 75-100 eka.
O kela apana aina ma Kawailoa, Waialua, Oahu, ua hoakakaia ma ke Sila Nui Helu 1460 kuleana 2907 ma ka inoa o Keawe, he 3 4 10 eka. 1188-4t
OLELO HOOLAHA :----e ike auanei na kanaka a pau ma keia a pau ma keia, owau o KAHELE MAKALALAU, ke papa a hookapu loa aku nei au i kuu Kuleana Aina e waiho la ma Niumalu, Kauai, oia ko Kuleana ma ka inoa o Makalalau kuu makuakane ponoi i make, aole kleana o kekahi mea e kuai, moraki, hoolimalima, 1 ua apana aina la, ina makemake kekahi e hoolimalima, owau wale no ka mea kuleana. No ka oiaio o keia, ke kau nei au i kk’u inoa.
KAHELE MAKALALAU.
Auwaiolimu, Honolulu. 1186-4t