Ka Nupepa Kuokoa, Volume XXIII, Number 33, 16 August 1884 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa.

 

@ THOS. G. THRUM ma ka Halepai o ka nupepa "SATURDAY PRESS."  Keena @@@@ @@@, ma na kihi o Alanui Moi @@@@ me Nuuanu.

I @@@@ @@@ mai na Olelo Hoolaha ma @@@@@@ Hoo@@@@@@@ mamua ae o ka hora @@@@@@@@@ Poaha a pau.  Aole e @@@@@@ @@ Olelo Hoolaha ke laweia mai @@@@ @@@@@@@ keia maluna.  E hooko @@ @@@ @@@@ makou i keia rula maluna. 

E@@@ @ mai i na leta a pau a me na kauoha i @@ @@@ pepa ia KA NUPEPA KUOKOA @@ @@@@.  Ina e loaa pono ole aku keia @ @@ @@@@ poe la@, e hai mai me ka ha@alia @@@@@ Keena.

 

NUHOU KULOKO.

He pele pauahi ka i kani hewa ae @ @ @@ ke ahiahi o ka Poalua nei, a ua ho@@@ mai ka @@@@ aohe hale pauahi.

K@ ike hou ia aku nei ka ia hahalalu @@@@ ma@ la.  a ke hoohei ia mai nei e @ @@ lawaia Aole nae o ke ano pui@@ aka, o ka omaka hou wale no.

He @@@kila na kulana o ke kii o ka @@@ @anak@ hou o ka Ona miliona e @ @@@@ ma ka aoao ma waikiki o ke ala @ P@@@.

Ma ke ahiahi Poaha nei i kau aku ai @@@ka Makipine laua o Kakalaika @@@@@ o ka mokuahi Likelike, no ka @@@ @@@ i Kohala no ka mai o ka Moiwahine @@@@.

Ua hookohu ia keia mau hoa hanohano @@@ @@@ @@@@ no ko ke Alii Ahakuka @@@ oia @@@@ Aholo, J. Kaunamano @@ Baker.  R.H. Baker, S.N. Da@@@ a me A.N. Tripp.

@@@ iho a hoea mai i o kakou nei he @@@ mau moku e lawe mai nei i keka@@ he@ena nui o na Pukiki.  Ua holo mai laua mai na awa like ole.

Na ka Hui kinipopo Ocianica ka eo o kela hookuku kinipopo ma ka Poaono o kela pule aku nei me Hui Hono@@@ O ke kolu iho la keia o ka eo ana ia lakou, a ke hoike mai nei na lono, @e hookahi hookuku ana i koe.

Ma ka po Poaono o kela pule i ku mai ai ka mokuahi Kulanakauhale o @@@@@ i ko kakou awa nei, a ma ka @ora i ae no o ia po kona holo ana aku.

Ma ka hora 7 o ke ahiahi Poakolu nei ua ahai ia mai kekahi wahine haole e ka lio ma ke alanui Beritania mai a hiki i ka h@ina o Kaopuaua, malaila @@hi i paa ai ka lio i ka hopu ia a pal@ie ke ola.

Ma ke kakahiaka Poaha nei, ua loaa mai he lono kaumaha ia makou maluna mai o ka mokuahi Likelike, he omaimai ko ka Moiwahine Emma.  a ua lohe pu ia mai no hoi e lawe hou aku ana oia i kauka.

He ano paonioni mawaena o ka @@@@ hooponopono o ka nupepa Ka @a o Hawaii me kekahi o na limahana a hope kokua paha ma ka hana, ma o kekahi mau k@mu, he lono keia i loaa mai ia makou, aole nae i maopoopo loa ka oiaio.

Ua wehe mua ae ka haole hookani vaiolina i kana mau hana maloko o ka Hale Mele hou i ka po Poakahi iho nei, a mai ka poe i ike maka i kana mau hana ua mahalo loa ia.  Wahi a lakou o keia kekahi o na haole akamai ma ka hookani vaiolina i hiki mai ma Hawaii nei.

He hookuku kipu pololei mawaena o Unger me Rising ma Kapiolani Paka i keia Poaono ae.  He manu ka laua mea e ki ai, a e lawe ana kela me keia i ke kowa no a@ anana mai ka manu mai.  He ao manu a ka mea hookahi e ki ai.

Na P. Kaaekuahiwi i hai mai malalo iho nei penei.  E halawai ana ka Ahahui Euanelio o Hawaii komohana ma ka hiakini o Iole, Kohala Akau, @e hiki aku i ka Poaha mua o Sepatemaba e hiki mai ana.  E makaukau ae na lala a pau.

Ma ka Poalima nei i holo aku ai ka mokuahi Maliposa no Kapalakiko; maluna ona i holo aku ai he heluna nui o na ohua mai ko kakou awa aku nei, ua holo aku ma keia huakai o Mr. me Mrs. J. T. Waterhouse, a me Henry Waterhouse, a me kekahi poe kamaaina o ke Kulanakauhale nei.

Ua hopuia kekahi haole ma kainoa o A. Hunt e noho hana ana ma ka hoohee hao o Ulakoheo, ma o kona pepehi ana i kana wahine a naha kona papa auwae, oiai oia iloko o ka ona kuli polipo o ka @ama.  Ua hookolokoloia oia a hoopai ia no na dala e 7 me $3.50 ke koina.

Ua hala ko kakou Lunakanawai Kiekie ma na apana kua aku nei no ka hooluola ana me kona ohana, aia oia ke luakaha pu la me na welelau makani o na pali hauliuli o Keolau, ke Ulono ae nei makou, e hahai pu ia ma kana huakai na pomaikai.

Ma ka hora 5 o ke ahiahi Poalua nei, ua pakele o Makanani a me kana wahine oiai laua e ku ana me ko laua kaa ma ka huina o Kaopuana e kuai palaoa ana, ua holo mai la kekahi kaa ma ke alanui Beritania mai, a hookui mai la, ke kumu ua ona ke kahu kaa a me na ohua pu no, he mea pono e laweia kona laikini i poino ole ka lehulehu ma keia ano hana.

 

Ma ke awakea o ka Poaono i hala ua noho ka Aha kahu Waiwai o ka Ekalekia o Kaumakapili, no ka hoolo he ana i ka hoike a Henry Waterhouse ma kona ano puuku no ia Ekalekia.  A ua waiho mai oia i kona noho puuku ana.  A ua kohoia o A. L. Smth opio i puuku.

Ma ke awakea Poakahi nei, ua hoomaka ia e uhau ka hale pele o Kaumakapili.  o keia ka hale pele a ka Apana o Kohala Akau i koho ai, a e hoomakaukau e Kohola i ke koena dala i koe no ko oukou hale pele, no ka mea, ua eo no ia oukou, ke lohi nei no ko Kaumakapili hale pele.

Ma ka po Poalua nei i wehe ae ai na Hoahanau Deaves i ka lakou mau hana lealea hoomakeaka maloko o ka Hale Mele hou, he anaina nui kai hoohialaai ia e keia mau hana hoomakeaka.  A ma ka hoike mai a kekahi poe makaikai.  he poe pepehi keia i na wahi hapalua umeke poi.

He heluna nui o na Pake ka i kai huakai ae ma ke alanui ma ka Poakahi iho nei, a i alakaiia e ka puali Puhi ohe o ke ano iho la o keia kai huakai ana.  oia no ka hoolaa ana i kela hale hou i kukuluia iho ma Ewa iho o ka luakini o Kaumakapili, a he komo hale paha ma kekahi ano.

Ma kekahi huakai aku nei a ka mokuahi Waimanalo i holo ai i kela pule aku nei, ua loheia mai ua anai ia ae kona iwikaele e na pohaku.  A ma ka Poalua nei ka luu ia ana e nana kona wahi i poino, a ua ike ia he mau wahi papaa keleawe wale no kai akaa pu ia, a he mahinu wale no ma kauwahi aole he nui o ka poino. 

Ua haawi ae ka hui "Honolulu Rifles" he ahaaina mauka o Pauoa ma ka po Poakolu nei, ua hoohanohano ia ae keia ahaaina e ka Moi, ke Kiaaina Dominis, P. Neumann, a me kekahi mau hoa o ka Ahaolelo.  malaila pu ae na koa a me ka puali Puhi ohe, ua hoomau ia na lealea a hiki i na hora liu o ke aumoe Ilaila i hewa ai na waha o na Lunamakaainana.

 

Ke Au kahika o Arabia.

HE MOOLELO NO KEKAHI MAU ALII MAHOPE  MAI O MAHOMETA.

 

Ua kapaia ka poe Arabia i huli mahope o ka hoomana Mahometa, he poe Sarasena (Saracens.)  Mahope iho o ka make ana o Mahometa ko lakou alakai, ua kaua aku lakou maluna o ka lahui Tureke ma Asia, a me kekahi mau apana aina a ua lanakila.  O Bagadada ke kulanakauhale Alii o Arabia, a ua kukuluia ma na kapa muliwai o Tigarisa.

Ma o ka make ana o Mahometa, ua lilo ka noho alii a me na hooponopono aupuni ana ia Ali kona kaikoeke.  Ua kaua kue ia mai la oia e Ayesha, ka Mahometa wahine mare; o keia ka wahine i manao waleia nana no i pepehi aku i kana kane oiai oia e noho alii ana no ka aina.

Ua hoala ae la oia he pualikaua nui, a alakai aku la no ke kaua kue ana aku ia Ali; i ka wa e kaua ana, aia no keia aliiwahine maloko o ke kau wahi hale i hoopaaia maluna o ke kau wahi hale i hoopaaia maluna o ke kua o ke Kamelo, a he koa ka mea nana e paa ke kaulawaha o ke Kamelo, a nana e ala kai ma kahi i makemakeia.  Ua oleloia he kanahiku ka nui o na koa i make oiai lakou e alakai ana i ke kamelo o keia aliiwahine e kau ana.  Aole no i liuliu loa keia kaua ana, ua lanakila keia alii Ali maluna o na puali koa o keia aliiwahine ma ke kahua kaua, a pahola ae la kona kaulana a me kona mana maluna o ka aina a lakou i kaua aku ai, a maluna hoi o na haumana a Mahometa, oia hoi ka poe i hahai mamuli o kana alakai hewa ana.

Ma o ka lilo loa ana o ke aupuni iaia, ua hoano e hou ia ka noho ana o ka lahui a me na lawelawe ana.  Ua kapaia keia mau alii he mau Califa, ua nohoalii lakou ma ke kulanakauhale o Bagadada iloko o na makahiki he 620.  O ka hiki mua o na alii ma ke kaua, oia no o Mahmoud Gazui; oia no kekahi o na alii olali a iwikani ma ke kahua kaua.  Ua lanakila mau oia ma kana mau kaua a pau e hele ai, a ua lilo mai no hoi iaia kekahi hapa o Inia ma ke kaua ana, a hoolilo iho la no kona aupuni.

I kekahi la, hoea aku la kekahi wahi elemakule i kona halealii a hai aku la iaia no ka hiki ana aku o kekahi koa ma kona wahi hale i kekahi po a hola pu ae la i kona ohana me ka hao pu ana i kona mau wahi waiwai, a noi aku la i ke alii e haawi mai i @@u kokua nona a me kona ohana.  I ka lohe ana o ke alii i keia mau mea, hoomaopopo koke iho la oia o kana keiki ponoi no keia koa; nolaila, pane aku la oia: "Ina e hoopoino houia oe a me kou ohana, e hoike hou mai."

Ma kekahi po hiki hou no ua wahi elemakule nei imua o ke alii a hai aku la i na mea i hanaia ma ia po elike me kona hoopuiwa mua ia ana; nolaila, hoomakaukau iho la ke alii iaia iho, lalau aku la i kana pahi, a hahai aku la i kahi elemakule i kona hale; aka, mamua o kona komo ana iloko, kauoha aku la ia i kahi elemakule e kinaiia na kukui a pau o ka hale, i ole ai oia e ike aku i kana keiki a lilo ia i mea nana e hookuemi hope mai i kona mau noonoo uilani o ka inaina no keia mau hana.

I ka holopono ana o keia mau kauoha a ke alii, komo aku la oia iloko a ike aku la iloko o ka pouli i ua koa la; nolaila, hapai ae la oia i kana pahi a hahau aku la a make loa iho la.  Kahea aku la oia i kukui, a i ka loaa ana mai, ku ae la ia maluna o ke kino make, a hooiaio iho la i kana mea i manao mua ai, o kana keiki ponoi no keia, a ua make i kona makuakane.

O ka hope loa o na Califa, oia no o Mostasem.  He alii piha loa keia i ka hookano, a ua hoao oia e hoomakahehi aku i kona mau hoa lawelawe e nana mau mai iaia ma o kona kahiko ana iaia iho me kekahi uhi maka nani loa i kinohinohiia me ke gula.  Aole oia e hiki ke hele wale imua o ka lehulehu ke ole e uhi mua ia kona mau maka me keia uhi.  A i kona manawa e hele ai i ka holoholo ma na alanni.  e hele pu ana no ia me keia uhi, a ua nui loa na kanaka e hahai hele ana mahope no ke ake e ike aku i keia uhi gula.

Aole no i huhu loa keia noho haaheo ana o Mostasem, ua lele kaua ia mai la oia e Hulaki ke alii o ka lahui Kaka, (Tartars) a lawe pio ae la i ke kulanakauhale o Bagadada.  Nana no i kaili ae i keia uhi maka mai ke Califa Mostasem ae, a hookomo ola ia iho la iloko o kekahi eke ili, a kauohaia aku la kekahi kanaka e kauo hele iaia ma na alanui i maa mau iaia i ka holoholo.  Aole i hookaulua ia keia kauoha, a ua make keia alii hookano maluna o na pohaku.

 

KAU AHAOLELO O 1884.

LA HANA 50, Poalua, Iulai 8, 1884.

Halawai ka Hale elike me ka mau.

HOIKE A NA KOMITE.

Mai ke Komite Wae mai he hoike e pili ana i ka Bila kanawai e kokua ai no ka Lawe Leta ana mawaena o keia aupuni a me Amerika, maluna o na mokuahi o ka Hui Ocianic.  Ua hooholo ke Komite e waiho i ka bila ma ka papa.  Ma ke noi ua kauohaia na hoike a elua e Paiia, a e noonoo ia imua o ka Hale i ka Poaono.

Hoike mai ka Peresidena, ua loaa mai iaia he Poloai mai ka Moiwahine Kanemake Emma mai, e noi mai ana i na Hoa o keia Hale e hele aku ma kona wahi ma Waikiki, no ka hoohanohano ana aku i kana papaaina.  Ma ke noi, ua kauoha aku ke Kakauolelo e pane no ka leta Poloai.

 

NA OLELO HOOHOLO ME NA BILA.

Hoolaha mai o Dole e lawe mai ana oia i keia mau bila malalo iho:

1 He bila kanawai e hoololi ai i na Pauku 38, 39, a me 40, o na kanawai o 1882.

2 He bila kanawai e papa loa ana i ka hoolele ia ana o na ahikao.

Ma ke noi ua heluhelu mua mai o Dole he bila kanawai e kokua ai i ka ohi Auhau.  Kapaeia na rula, a heluhelu alua ia ka bila ma ke poo wale no a waihoia i hana no ka Poaha.

Ma ke noi, ua heluhelu mua mai ka Loio Kuhina he bila kanawai e papa loa ana i ke puhi ana i ka opiuma iloko o keia aupuni.  Ma ke kapaeia ana o na rula, ua heluhelu alua ia ka bila ma ke poo wale no, a haawiia i ke Komite Hookolokolo.

Hoolaha mai o Hikikoki, e lawe mai ana oia he bila kanawai e hoololi ai i ka Pauku 72 o na kanawai kivila, e pili ana i na Haleaina.

Heluhelu mai o Kamika, he olelo hooholo e noi ana, e kauohaia ke Kuhina Kalaiaina e hoike mai i na loaa o na Auhau Alanui o ka Apana o Hanalei, Kauai, iloko o na makahiki elua i hala; a e hoike pu mai no hoi i kahi i hooliloia ai ia ma@ dala.  Hooholoia.

Heluhelu mai o Nawahi he olelo hooholo e noi ana, e kauoha ia ke Kuhina Kalaiaina, e hoihoi aku ia Claus Spreckles i na dala a pau i ohiia mai e ke Aupuni, mamuli o ka hoolimalima lapuwale ia ana o na pono wai o kekahi mau aina waiwai oloko o keia Aupuni; a e kauoha pu ia no hoi oia e hoolaha ma na Nupepa ma ua makemakeia e hoolimalima.

Hoololi mai o Kaunamano i ka ninauia ana ua hooholoia elike me ka hoololi.

Ma ke noi, ua heluhelu mua mai o Keau, he bila kanawai e hiki ai ke hookaawaleia ma ka Bila Haawina uku makahiki no Niagara i $100 no ka mahina, oiai oia e noho hana ana ma ka Halemai ma Kikihale.  Kapaeia na rula, a heluhelu alua ia ka bila ma ke poo, a kapae loa ia.

Heluhelu mai o Lilikalani he olelo hooholo e kauohaia ka Makai o ka Hale e hoolako mai i mau kaa no ka hele ana aku e launa pu me ka Moiwahine Kanemake Emma, ma Waikiki i ka hora 2 P.M. o keia la.  Hooleia.

Noi mai o Rowell e hookuuia oia mai keia la aku a hiki i ka Poakahi o keia pule ae.  Hooholoia.

Ma ke noi, ua heluhelu mai ka Loio Kuhina no ka manawa mua loa, he bila kanawai e papa ana i ka Lunakanawai Hoomalu o Honolulu, aole e lawe i kekahi oihana Loio imua o na Aha Hookolokolo o keia Aupuni.  Kapaeia na rula, a heluhelu alua ia ka bila ma ke poo, a haawiia i ke Komite Hookolokolo.

Hoolaha mai ka Loio Kuhina, e lawe mai ana oia he bila kanawai e holooli ai i na Pauku 1 a me 2 o ka Mokuna 61 o na kanawai o 1880, a me na Pauku 27 a me 28 o ka Mokuna 19 o na kanawai 1878.

Ma ke noi a Kalua, ua hoopanee ka Hale a hora 10 kakahiaka o ka la apopo.

 

LA HANA 51, Poakolu, Iulai 6, 1884.

Halawai ka Hale ma ka hora 10 A.M. elike me ka hoopanee ia ana.

HOIKE A KA KOMITE.

 

Mai a Dole mai, he hoike mai ke Komite Hookoloko mai no ka bila kanawai e pili ana no ka uku o na paahana malalo o kekahi aelike.  Ua hooholo ke Komite e kapae loa i ka bila mua a ua makaukau oia e lawe mai i bila hou.  Aponoia ka hoike a ke Komite, a heluheluia ka bila hou no ka manawa mua, a waiho ia no ka heluhelu alua ana malalo o na rula.

Mai a Pilipo mai he hoike na ke Komite Pai, e pili ana i ka bila kanawai no ka ili ana aku o na waiwai i na mamo.  Aponoia.

Mai ia Komite hookahi mai no, he hoike e pili ana no ka bila kanawai e hoomana ana i ka hoolilo ana aku i na aina aupuni, no ka poe noho aina liilii.  Aponoia.

Mai a Kaulia mai he hoike na ka hapa uuku o na Komite Kalepa, e pili ana no ka bila kanawai mawaena o na Haku me na Kauwa.  Ua hooholo ka hapa uuku o ke Komite e hooholo loa i ka bila kanawai.  Waihoia ka hoike a ka hapa uuku o ke Komite ma ka papa, a noonoo pu ia me ka hoike a ka hapa nui o ke Komite.

Mai a Hikikoki mai he hoike na ke Komite Wae mai, no ka haawina o na Luna Alanui.  Ua hooholo ke Komite e hooholo i keia haawina elike me ka mea i hoikeia ma ka Bila Haawina.  Waihoia ma ka papa a noonoo pu me ka Bila Haawina.

Mai a Rikeke mai he hoike na ke Komite Wae, no ka bila kanawai e hoololi ai i ka Pauku @68 o ke Kanawai Kivila.  Ua hooholo ke Komite e kapae loa i ka bila mua, a ua makaukau ke Komite he bila hou.  Aponoia ka hoike a ke Komite, a heluheluia ka bila hou no ka manawa mua, a waihoia no ka heluhelu alua ana malalo o na rula.

Ma ke kapaeia ana o na rula, ua waiho mai o Kalua he hoike na ka hapa nui o ke Komite o na Palapala Hoopii Huikau, e pili ana no ka palapala hoopii a Nakaleka o Lanai, no keia mau kumu malalo iho:

(1)  O ke noi no ka Lawe Leta, mawaena o Lanai a me Lahaina, ua hooholo ke Komite e waiho ma ka papa.  Aponoia.

(2)  O ke noi no ka hookohu ana i Kumu Kula haole no Lanai, ua hooholo ke Komite e waiho aku i keia hoopii ma ka lima o ka Papa Hoonaauao.  Aponoia ka hoike a @hapa nui o ke Komite.

 

NA OLELO HOOHOLO ME NA BILA.

Heluhelu mai o G. Brown, he olelo hooholo e noi ana, e kauohaia ke Kuhina Kalaiaina e hoihoi aku i na loaa a pau ma kona Keena i ke Keena o ke Kuhina Waiwai.  Hooholoia.

Heluhelu mai o Kamika, he olelo hooholo, e noi ana e kauohaia ka Loio Kuhina e waiho mai imua o keia Hale i kekahi hoike e pili ana no na lilo hoopii Karaima iloko o na makahiki elua i hala.  Hooholoia.

Ma ke noi, ua heluhelu mai o Hikikoki no ka manawa mua loa he bila kanawai e hoololi ai i ka Pauku 72 o ke Kanawai Kivila e pili ana i na Haleaina.

Hoolaha mai o Dole, e lawe mai ana oia he bila kanawai e hoihoi ai a me ke kokua ana no ka hooulu ana i ka Ramie.

Hoolaha mai o Aholo, e lawe mai ana oia he bila kanawai e hoohui a e kokua ai i ka Ahahui Hoahu kokua Hawaii.

Hoolaha mai o Nahl@u, e lawe mai ana oia he bila kanawai e hooponopono hou ai i ka oihana Loio.

Ma ke kapaeia ana o na rula, ua heluhelu alua ia ka bila, a hooleia.

Hoolaha mai ke 'Lii Bihopa, e lawe mai ana oia he bila kanawai e hooponopono ai i ka auhau o na makua no ka lakou mau keiki e hele ana i ke Kula haole.

Hoolaha mai o Dole, e lawe mai ana oia he bila kanawai e hoololi ai i ka Pauku 61 o ke Kumukanawai.

Hoolaha mai o Pilipo, e lawe mai ana oia he bila kanawai e hoololi ai i ka Pauku 20 o ke Kumukanawai.  A he bila kanawai no noi no ke kohoia o na Luna Alanui.

Heluhelu mai o Nahinu he olelo hooholo, e noi ana e lawe ia mai na bila kanawai e pila ana i ka oihana mare, a me na Kai konohiki mai ka papa mai, a e lilo i hana no ka la ma ka Poaono ae.  Waihoia ma ka papa.

Ma ke noi a Kalua, ua hapaiia na hana o ka la.

 

NA @ANA O KA LA.

Ka noonoo ana no ka Bila Haawina imua o ke Komite o ka Hale, ma ka heluhelu alua ana a ke alii Walker, ma ka noho Luna Hoomalu.  A oiai e noonoo ia ana kekahi Haawina, a ma ke noi, ua hoomaha ke Komite a hui hou ma ka hora 1:30 P.M.

Hoomaka hora 1:30.  Ka noonoo hou ana i ka Bila Haawina imua o ke Komite.

Ninau mai o Kalua:  No ke aha la ka mea i hookomo ole ai na Kuhina iloko o ka Bila Haawina i ka Haawina no na Alahaka Uwapo, a me na pono Alanui.

Ua pane mai ke Kuhina Kalaiaina i ke kumu i hookaawaleia ai kela mau haawina mai ka Bila Haawina mai.  a me ke noi ana mai e kohoia i Komite Wae, a na lakou e noonoo pu me ua Kuhina la no ia mau mea.

 

Noi mai o Kalua e hoomaka ka noonoo ana ma ka haawina o ke Kiai o na Ilina Alii.  Ua pane hou mai ke Kuhina Kalaiaina i ke kumu i hookaawaleia ai kela haawina.  ua manao oia e haawi ia ma ka lima o kekahi Komite Wae.  o ka makemake maoli no o ka Aha Kuhina he mea pono e kuka mua ia me ke akahele me na hoa o keia Hale, oia ke kumu i hookomo ole ia ai iloko o ka Bila Haawina.  Ua haohao ke Kuhina Kalaiaina no ka hoopuka mai o kekahi mau hoa malalo o ke kumu hookahi.  Ina makemake ka Hale no keia wa; ua makaukau no ma ko ʻ u Keena.

 

Kokua mai o Dole i ke noi a Kalua, me ka hoakaka piha mai i kona mau manao.

 

Kamailio mai o Aholo ma na mea e pili ana i ke noi a Kalea, me ka hoike mai i kona manao i kue ai i ke noi.  Ua hoike mai la oia o na haawina i noiia mai e Kalua e hoopanee ka noonoo ia ana, ua hookomoia lakou iloko o ka Bila Haawiea.  a he mea makehewa ka hoopanee ia ana aku no na kumu e hoakakaia mai nei.  Hoike mai no hoi oia i kona haohao i ke kulana o ka lawelawe ana o na hana o keia Ahaolelo; oia hoi ke ku mau mai o kekahi mau hoa, a hoomaka mai la e kamailio oiai ua lilo ka papa i kekahi mea e ae; aole no hoi oia wale, aka o ka hoike maoli mai no o kekahi mau hoa e noho ma ka oihana Kuhina.  He mea haohao loa ia i kona manao, oiai aole i ike ia ia mea iloko o na Kau i hala ae, aka akahi wale no: he manao okoa, oia ke kumu.

Kamailio mai o Keau ma ka aoao e kue ana i ke noi a Kalua, a e kokua ana i ke Kuhina Kalaiaina,  a he nui aku kana mau kamailio ana.

Kamailio mai ke Kuhina o ko na Aina e, ina ua oiaio na mea i hoakaka ia mai nei.

A i ka ninuaia ana, ua hooholoia e hoihoi hou ia ia hoike a Kuhina Kalaiaina.

Ma ke noi, ua hoopauia ke Komite me ka hoikeia aku i ka Hale, aohe mea i hooholoia o ka Bila Haawina.

Ma ke noi ua hoopaneeia apopo, hora 10 kakahiaka.

 

LA HANA 52, Poaha, Iulai 10, 1884.

Halawai ka Hale ma ka hora 10 kakahiaka elike me ka hoopaneeia ana.

Ma ke kapaeia ana o na rula, ua waiho mai la o Kalua he olelo hooholo mai Honolulu mai, 77 inoa, e noi mai ana hooholo ka Ahaolelo i kanawai i hiki ai ke hookaawale aku ka Hale Keaka Pake mai kona kahua aku e ku nei i keia wa.  Haawiia i ke Komite Hookolokolo.

 

HOIKE A NA KOMITE.

Mai a Kalua mai he hoike na ke Komite o na Palapala Hoopii Huikau no na Palapala Hoopii mai a Nahinu, elike me keia malalo iho nei:

(1) O ke noi e hookaawaleia ma ka Bila Haawina i $10,000, no ka hana i ke alanui mawaena o Kapua a me Papa, ua hooholo ke Komite e waiho i keia hoopii ma ka papa, a noonoo pu me ka Bila Haawina.  Aponoia.

(2) O ke noi no ke kukulu ana i kula haole ma ka apana o Kona Hema, ua hooholo ke Komite e waiho aku ka noonoo ana i ke Komite Hoonaauao.  Aponoia.

(3) O ke noi e kukulu ia i Pa Aupuni no ia Apana, ua manao ke Komite e kapae loa i keia noi.  Aponoia.

 

NA OLELO HOOHOLO ME NA BILA.

Hoolaha mai o Palohau e lawe mai ana oia he bila kanawai e hoololi ai i ka Pauku 4 o ka Mokuna 62 o ke kanawai hoopai Karaima.

Heluhelu mai o Amara he olelo hooholo, e noi ana e laweia mai ka bila kanawai e hoololi ai i ka Pauku 458 o ke kanawai Kivila, a e lilo i hana no ka la.  Hooholoia.

Ma ke noi, ua heluhelu mai la o Pilipo no ka manawa mua. he bila kanawai e hoololi ai i ka Pauku 20 o ke Kumukanawai.  Kapaeia na rula, a heluhelu alua i a ka bila ma ke poo, a haawiia i ke Komite Hookolokolo.

Heluhelu mai o Palohau he olelo hooholo e noi ana, e hoomahuahua ae i ka uku o ka Maheleolelo o ka Ahaolelo i $15, no ka la.

Hoololi mai F. Brown, e hoomahuahua pu ia me ke Kakauolelo.  I ka ninauia ana, ua hoole loa ia na noi.

Hoolaha mai o C. Brown, e lawe mai ana oia he bila kanawai e hoololi ai i ka Pauku 56 o na kanawai Kivila.

Ma ke noi a Kalua, ua hapaiia na hana.

(Aole i pau.)

 

Ua paa a ua maemae loa ae nei ka hale kelepone hou e ku nei ma ke kihi o alanui Kalepa me alanui Alakea, aia maia hale e ike ai ka lehulehu ua hooia iloko o ke paipu he kanakolu uwea liilii

 

NA HOOLAHA KUMAU.

HALEPAI O THOS. G. THRUM

-O KA NUPEPA-

SATURDAY PRESS @ KUOKOA

ALANUI KALEPA, HONOLULU

Malaila e paiia ai na ano a pau o @a

 

BUKE,

HOIKE O NA KULA,

HOIKE A NA KOMITE,

NA HAAWINA KULA SABATI,

PAPA KUHIKUHI O NA ANO A PAU.

 

HOOLAHA NUNUI A LIILII,

BALOTA, LIPINE PAPALE.

TIK@TA, WAHI LETA,

BILA PAI @AKA@KA.

HOOLAHA KU@ALA,

@@, @@, @@

Iloko o ka wa pokole a me ka auhau haahaa.

 

A ma ka halekuai o THOS. G. THRUM

ma ALANUI PAPU, e loaa ai na

 

Kalana kakau o na ano a pau,

Wahi Leta       "           "           "

Inika                "           "           "

Penikala                       "           "           "

 

Mea Hoopipili, buke hoomanao,

Peni gula a me kumu gula,

Kii, a me na laau,

Buke kii o ka ohana,

Buke kii a na keiki,

Na mea paani a na keiki,

Kaa a na keiki,

Kua huila lua o na opio.

A he Agena no ke ana lole pepa o na

Keiki a me na wahine

 

No ka hoailona ana i na lole me na inoa ponoi e hookoia na kauoha a pau no na papa inoa ke waihoia ma keia halekuai me ka uku pu o ka papa inoa i makemakeia.  Uku no ka inoa hookahi me ka iaika a me ka hulu, $1.50 ina ma ka papa inoa keleawe, a ina ma ka papa inoa dala, $2.

O na kauoha @oau mai na mokupuni e hookoia ina e hoouna pu ia mai me ke dala a me ka moakaka pono o na hoakaka ana.  THOS G. THRUM

 

 

NU HOU!  NU HOU!

Na Waiwai Hou Loa!

NA PAIKINI O KEIA AU.

E loaa no ma ka @a Halekuai o:

DILLINGHAMA MA,

Ma Alanui Papa.

Oia na waiwai malalo iho nei:

Na Palau, Kaa Huilapalala, Kopala,

 

Piki, Oo, Koi, Koilipi, Na Hamare Kamana o na ano a pau,  Na mea Hana a na Kamana, Poe Hamo Puna, na Amara a me na mea hana o ku Poe Akeakamai a pau.  Pena Aila, Vaniki a me na Palaki, Pauda, Poka a me na Kukaepele, Palaki Hamo Puna, Pulumi, Pakeke, Kapu Holoi Lole a me na Papa Holoi Lole, na Iputi, na Pa Palai, na Makau Lawaia, Na Aho Lawaia o na ano a pau, na Kaula o na ano a pau, na Pahi, O, a me na Puna, a he nui aku no na mea i koe.

 

I KUPONO NO KA EOOHIWAHIWA ANA I  NA HALE

 

I hiki ole ia makou ke huai pau aku aka, na oukou no e hele mai a e hoonuuiho.  O keia maluna ae, e loaa no ma ka halekuai o Dilinahama Ma,

[o@36 3@] Mai ka helu 37, Alanui Papa

J.T. WATERHOUSE. (Walakaha@i.)

 

HALEKUAI KUKAA NUI ME LIIL.

Ua piha pono me na waiwai makamae hewa ai na maka i ka nui o ka lehua.

He aha no la hoi ia:

-MALAILA-

Na Apa Kilika o na ano a pau,

Pahoehoe o na ano a pau,

Alapia o na ano a pau,

Huluhipa o na ano a pau,

Na Huluhulu @oloka,

Na Keokeo Paina,

Lilina lau p@u.

Wetoria,

Lepo@alo,

Lainakini,

Ahina pelekane,

Na kihei o na ano a pau,

Na Koloka o na wahine,

Na Kihei Huluhulu,

Na Kalakoa o na ano a pau,

Na Kihei uhi moe,

Na Koloka o na wahine,

Na uhi Kilika,

Na uhi Alapia,

Na Hainaka @unui a liilii

-Eia hou.-

HE HELUNA NUI ONA PAA LOLE O NA KANE A ME NA KAMALII.

 

Na Apa paina maikai loa,

Pulu manoanoa a lahilahi,

Huluhulu manoanoa a lahilahi,

Na Apa huluhulu a pahee,

Na paa lole huluhulu, kane, me kamalii,

Na Pililakeke loloa a pokopoko,

Na Palule kaula o na ano a pau,

Na Palule keokeo,

Na Palule kalakoa,

Na Paleili.

Na Papale wahine i kinohiuohila me na pua me na hulu nani, a he heluna nui o na kane a me na kamalii o na ano a pau!

 

HE HELUNA NUI O NA KAMAA.

Na Kamaa buti,

Na Kamaa pihi,

Na Kamaa huka,

Na Kamaa laho@o,

Na Kamaa weleweka.

 

HE HELUNA NUI O NA NOHO LIO MAIKA!

Na Noho Italia,

Noho pulu mamua;

a mahope o kela a

me keia ano.

 

NA AILA O KELA A ME KEIA ANO.

Na Aila honua helu i he aiai me he wai,

Aila pena, aila hoomaloo, aila Oliva,

Aila inu, Aila lauoho,

Waiala maikai.

 

NA PENA WAIHOOLUU LIKE OLE.

Keokeo,

Eleele,

Polu

Melemele.

@&C., &C., &C., &C.@

 

Ina iho Ina iho.

 

Na ipuhao, na ipu ti,

Na koi nui a liilii,

Na pahi nui a liilii,

Na pahi olo, pakani

Na pahi olo palua

Na tabu nui a liilii,

Pakeke nui a liilii,

Na lako kamana,

Na lako amala,

Na kamaa lio,

Na moe hao.

Na pela uwea

 

NA LAKO HAO, MA KA AINA A ME KA WAI

Na lako pa,

Pa nui a liilii,

Na bola,

Na kiaha aniani,

Na aniani kilohi,

Na ipukukui o na ano a pau.

 

HE HELUNA NA MEA AI.

Palena poepoe,

Palena poepoe palupalu,

Palena huinaha,

Palaoa o na ano a pau.

 

Na kamano maikai loa ma ka pahu,

Na kamano tini,

Paakai o Livapulu,

Paakai inu

Paakai hu,

Mauu Kaleponi,

Palani ai a ka lio.

 

He heluna nui o keia mau waiwai aiwaiwa ko ʻ u mau halekuai aole i pau i ka huaiia aku na oukou no e hele mai a kilohi no oukou  Ua waeia keia mau waiwai me ka maia@, ma Pelekane, Farani, a me Amerika, no ka pono a me ka pomaikai o na kanaka Hawaii me na kauoha mai na mokupuni e hookuia ka eleu loa.

 

J.T. WATERHOUSE

(WALAKA AUKI.)