Ka Nupepa Kuokoa, Volume XXIII, Number 30, 26 July 1884 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa

Ka Makahiki.......$2.00.

NO eono Mahina....1.00.

KUIKE KA RULA.

Poaono.........Iualai 26, 1884.

 

KA AINA LANI.

(The Heavenly Land.)

Gospel Hymn, No. 152.

 

Kau kuu manao i ka aina ao,

Na aha nani e,

Na hoahanau aloha o'u

I hala mamua'e

Ref.     Ka aina lani,

            Ka aina lani,

            Ka aina lani,

            Ka aina ao a mau.

 

Kau kuu manao i ka aina ao.

Ka hoene o kakou,

Luii na pama, kau na lei

A oli like no.

Ref.     Ka aina lani, &c.

 

Kau kuu manao i ka aina ao,

I kahi hui maikai,

Kaa ma na ala gula e,

A o na lira lai.

Ref.     Ka aina lani, &c.

 

Kau kuu manao i ka aina ao,

Ke Kanaana hou.

Iini kuu uhane nei

E noho mau io.

Ref.     Ka aina lani, &c.

                        Hawaii.

 

Haawina Kula Sabati.

Helu 6. Aug. 10. Kumuhana.  Ke kipi ana o Abesaloma.  Pauku baibala. 2 Sam. 15;1-14.

            MA HOPE iho o ia mea la, hoomakaukau ae la o Abesaloma i na hale kaa a me na lio nona, a me na kanaka he kanalima e holo imua ona.

            2 Ala ae la o Abesaloma i kakahiaka, a ku mai la ma kapa alanui ma ka ipuka: a hele aku kekahi kanaka i ke alii iaia ka mea hakaka e hooponoponoia'i ma ke kanawai, alaila hea aku la o Abesaloma iaia, i aku la.  No ke kulanakauhale hea oe?  I mai la kela, No kekahi ohana a Iseraela kau kauwa.

            3 I aku la o Abesaloma, Aia, he mai kai, a he pono kau mau mea; aka, aohe kanaka o ke alii nana e hooponopono i kau.

            4 I aku la hoi o Abesaloma, Ina paha e hoonohoia au he lunakanawai o ka aina, alaila o kela kanaka o keia kanaka iaia ka mea e hookolokoloia'i, e hele mai ia io'u nei, a e hooponopono aku au nona.

            5 A i ka wa i hele mai ai kekahi kanaka e uwe aloha iaia, o aku la ia i kona lima, lalau aku la iaia, a honi ae la.

            6 Pela no i hana aku ai o Abesaloma i ka Isaraele-a pau i hele mai i ke alii no ka hooponoponoia.  A aihui ae la o Abesaloma i na naau o ka Isaraela.

            7 Mahope iho o na makahiki hookahi kanaha, i aku la o Abesaloma i ke alii, Ke noi aku nei au ia oe, e ae mai oe e hele au i Heberona e hooko aku i kuu hoohiki ana a'u i hoohiki ai ia Iehova.

            8 No ka mea, hoohiki aku la au i kuu wa i noho ai ma Gesura i Suria, i aku la, Ina paha e hoihoi 10 aku o Iehova ia'u ma Ierusalema, alaila au e malama aku ai ia Iehova.

            9 I mai la ke alii ia ia, O hele oe me ke aloha.  Ku ae la ia, a hele aku la i Heberona.

            10 Hoouna aku la o Abesaloma i na kiu iwaena o na ohana a pau o ka Iseraela, i aku la.  A lohe oukou i ke kani ana o ka pu, alaila, e olelo oukou, E alii ana o Abesaloma ma Heberona.

            11 Hele pu aku la me Abesaloma mai Ierusalema aku elua haneri kanaka i waeia; a hele naaupo wale no lakou, aole i ike i kekahi mea.

            12 Hoouna aku la o Abesaloma e kii ia Ahitopela no Gilo, he kakaolelo no Davida, e hele mai mai kona kulanakauhale, mai Gilo mai, i ka wa ana i mahai aku ai.  Ua ikaika no ka poe kipi; no ka mea, ua mahuahua mau mai a nui ae na kanaka me Abesaloma.

            13 Hele mai la kekahi kanaka io Davida la, i mai la, Aia mamuli o Abesaloma no naau o na kanaka o ka Isaraela.

            14 I mai la o Davida i na kanaka ona a pau ma Ierusalema.  E ku ae, a e holo aku kakou; no ka mea, pela wale no e pakele ai kakou mai o Abesaloma aku: e wikiwiki ka hele aku, o hiki koke mai oia io kakou nei, a hooili mai oia i ka ino maluna o kakou, a pepehi mai i ke kulanakauhale nei me ka maka o ka pahikaua.

            Pauku gula, Puk. 20; 12.  Hoopaa.

            Manao nui.  O ke keiki naaupo, he mea ia e poino ai kona makuakane.

            Na heluhelu la. 1 2 Sam. 13; 19-39. 2 Sam. 14; 1-24. 3 2 Sam. 14; 25-53.  4 2 Sam. 15; 1-23, 5 2 Sam. 15; 24-37.  6 Hal. 41; 1-13.  7 Hal. 55; 1-13.

            Ka manawa. B. C. 1027-1023.

            Mele, "Eu na koa iki."  Hoku Ao Nani. p. 209.

            Pule no na koa iki.

 

Ka Wehewehe me ka Ninau ana.

Haalele kakou ia Davida e mihi ana i kona hewa.  Ua kala no ke Akua i kona hewa: aka, ua heeha oia ia ia me he hoopai la ma Kona lawe ana aku i ke keiki i hanauia ma ka moekolohe.  Hooluolu nae Oia ia ia ma Kona haawi ana i keiki na ia wahine a kapaia kona inoa, Solomona.  Mahope iho, kana kanaka ia kota me Aupuni a lanakile.  2 Sam. 1 15-31.

            2 Sam. 13: 1-39.  Heaha ho@@ ke Akua ia Davida.  Hana kana kekahi keiki, a make no ia keiki ia Abesaloma, kekahi keiki a Davida.  Mahuka oia no ka huhu o Davida.  Laulea noe Davida mahope a makemake e ike ia ia.  Mok. 14. Ka hana maalea i mea e hoihoiia mai ai Abesaloma, a ua hoihoiia mai no, me ka mihi ole nae.  Ma ka mok. 15, ka haawina o keia la.

Na Mahele.

            I ka hoomakaukau ana o Abesaloma e kipi. P. 1-6.

            1 Mahope iho o ka hoihooia ana o Abesaloma ia Davida la i Ierusalema, heaha kana mau hana?  I aha i mea e hanohano ai oia imua o ka lehulehu?  He keiki alii oia, he hooilina no ka noho alii ma ka hanau mua ana.  Ua lohe paha oia, ua hai e mai ke Akua o Solomona kona kaikaina, oia ke Alii ke make Davida.  E manao ana oia e hookahuli i ka ke Akua olelo.  A he manao enemi paha kona i kona makuakane no ka hana maikai ole ia ia, ia ia i wailanaia'i.

            2 Ma ka ipuka, kahi hookolokolo ia, aole he haie hookolokolo ia wa.  Ma ka puka pa o ka hale alii, i akoakoa ai na kanaka me ke alii no ka hookolokolo ana i na hihia.  A pehea i hanaia ai o Abesaloma?  A ninau aku pehea?  A hanaia mai pehea?

            3 A pane aku Abesaloma pehea?  E loaa ana paha ka maikai, ka pono ia oe.  Kuu makemake ia e loaa ka maikai ia oe; aka, aohe mea a ke alii e hooponopono ai kau.  Aole ke alii i aloha a imi i ka pono o na kanaka.

            4 A pehea kona kaena ana?  Ina oia ka lunakanawai pehea?  Hookano ea; e hoala ana i ka manao ino i kona makuakane.  E hookonokono ana i kanaka e aha?

            5 6 A aho oia i ka poe e hele mai ana?  Aloha, uwe, aloha ino, ina-owau-.  E hoomalimali ana.  A aha oia i na naau o kanaka?  E hoohuli ana ia lakou mamuli ona.  Maikai anei?

            II Ke kipi ana o Abesaloma. P 7-12.

            7 8 Mahope o na makahiki he 40.  He lalau paha ia, 4 makahiki ka pono.  Iloko o ia mau makahiki 4 kona hoomakaukau ana no ke kipi, a ma kana hana, ua manao oia, ua makaukau no kanaka e huli mamuli ona.  Nolaila, heaha kana noi ana i ke alii ia Davida?  Hookamani, wahahee loa.  He keiki oe na ke diabolo.

            9 A pane aku ke alii pehea?  Aole paha i lohe iki Davida i ka ohumu ana o kana keiki, ua lohe, aole oia i hoike, hana no.  Hele Abesaloma i hea?  He berona, oia kona wahi i nanau ai.  Ke kapitala hoi ia o ke aupuni mamua, Ierusalema ke kapitala hou.

            10 Hoouna Abesaloma i poe aha?  Mahea?  He ka olelo pehea?  Kai no e hele ana oe i Heberona, e hooko i kou hoohiki ia Iehowa, eia ka e hele ana oe ilaila e kukulu i kou noho alii.  He kipi oe, a e hookonokono ana i na kanaka e pepehi i kou makuakane, ka mea a ke, Akua i poni ai i alii no ka Iseraela.

            11 Owai kai hele pu me Abesaloma?  Lakou paha ka poe i ike i ke kumu o ka hele ana.  Aole nae i ike ka lehulehu, hele wale aku no e hoomaikai.  He hele pono paha, he hele aha la?

            12 Owai kai kii ia aku e hele a hui pu me Abesaloma?  Ahitopela, no Gilo ma ka hema ia o Heberona.  He kakaolelo no Davida.  He hoakaka no na mea e pili ana i ke aupuni, Nana Hal. 55; 12-14.  He kupunakane oia no Basebeta, ua komo oia iloko o keia kipi, ua kokua ia Abesaloma, ma ona la ua ikaika a mahuahua ka poe kipi.

            13 24 I ka lohe ana o Davida i ke kipi ana o na kanaka, heaha kana olelo paipai?  E ku ae a holo aku.  No ke aha?  Aole paha ona makemake e kaua aku i kana keikikane.  Aole makemake e hoopuni ia Ierusalema e ka poe kipi, a e hoopihaia i ke koko o na kanaka, a o ka holo aku ka mea hoohakalia i ka hana a Abesaloma ma.

Ka hoopili ana.

            1 E hana maikai na makua ke makemake lakou e hana maikai na keiki. 

            2 Nui ka pilikia ma ka ohana o Davida, no ke aha?  No kona hewa no.  Ua moe kolohe, ua nui kana mau wahine, ua mihi no oia, aka ua hoopilikia mai ke Akua ia ia.  Mai olelo kekahi he kanaka maikai Davida, he alii maikai i kohoia e ke Akua.  Ua mare lehulehu nae: aka, ua oluolu anei ke Akua ia ia no ia mea?  Aole nui na pilikia a ke Akua i hooili ai maluna iho ona.  Pela no ke Akua e hana ino ai i ka poe hehi i kona mau kanawai.  Poino no ma keia ao; a i ole maanei, makela ao, ke mihi ole.

            3 Nui ka poe hoomalimali, hookamani, hoowalewale, i mea e waiwai ai a hanohano lakou.

            4 Huli kue na hoa i kekahi manawa.

            5 E maka'u na alii, e huli kue na luna, na Kuhina, ia lakou me Ahitopela.

            6 Ke Akua ka makua maikai, ke 'lii maikai, aole ona hewa iki, kipi nae na kanaka ia ia.  Kipi na anela mamua ia ia, mahope na kanaka.  Poino mau na ana la kipi, pela no na kanaka ke mihiole a holo ole ia Iesu ia ka mea @@ a kala a @@@.

            Mele. "Nani, nani, Hoku Ao Nani. p. 210.

            Pule i hoomamua ke Akua.

            H@@ no aug 17. 2 Sam. ie. 21-33.

 

E wehe au i ka puka, i komo mai na manu

 

            He wahine kanemake @@@ ma Holani, he mau keiki kaua, pololi loa lakou i kekahi manawa, aole nae he ai Uwe nui na keiki, a nonoi i ko lakou makuahine e haawi mai i ai, i berena, makehewa nae ke noi ana.  He wahine haipule ola, aloha oia i ka Haku, akaka hoi iaia ua alohaia oia e ka Haku.

            Ma ia po, hoiliili oia i kana mau keiki, a kukuli iho, a nonoi aku i ka Haku e haawi mai i berena na lakou.  I ka pau ana ae o ka pule, ala ae la kekahi keiki, nona na makahiki ewalu paha, a olelo:  E mama, ua haiia ma ka Buke Hemolele, ua hanai ke Akua i kekahi Kaula i ka berena i laweia mai e na koraka.  Ae, pela no e kuu keiki, aka, ma ka wa kahiko loa.  Pane ke keiki.  O ka mea a ke Akua i hanai ai mamua, hiki no iaia ke hana hou mai.  E hele au a wehe i ka puka, i komo mai na manu.

            Wehe oia i ka puka a waiho e hamama ana, kau ka malamalama o ke kukui ma ke alanui mawaho.  I ka maalo ana ae o ka luna hoomalu, ike oia i ka malamalama ano e.  Komo oia iloko o ka hale a ninau.  Heaha ke ano o keia waiho hamama ana o ka puka ma ka po?  Pane ka wahinekanemake.  Ua hana kekahi keiki a'u pela i komo mai na manu koraka, me ka berena no na keiki pololi a'u.  Auhea ia keiki?  Eia no, o Dake kona inoa, pela anei e kuu keiki?  Ina pela, owau no ke koraka, e hele pu oe me a'u, wahi a ka luna hoomalu, a e ike oe i kahi e loaa ai ka berena.  Ka hele no ia o Dake 1 ka hale o ka luna hoomalu, a hoi koke mai me ka berena, ai lakou a pau a maona, hele Dake i ka puka a nana iluna a hoomaikai aku i ke Akua ka mea nana i haawi mai i ka berena ia lakou ma ia po.         Unuhiia e Hawaii.

 

Ke aia hea e hele ai.

            Ua hoomaka Iakoba ke kupunakane me Iosepa ka moopuna e hele i kekahi taona, o Keletona ka inoa.  Hele no laua a hiki ma ka huina alanui, ke ku no ia o Iosepa a ninau.  E ke kupunakane, ma ke ala hea kaua e hele ai?  Pane oia, ma ke ala au i makemake ai.

                        Ma ke ala a'u i makemake ai?  ninau Iosepa.  Ke makemake nei au e hele ma ke ala e hiki aku ai i Keletona.  Ae, pela io no, makemake no oe e hiki aku i Keletona e ike i kou mau mau makamaka olaila, a makemake no hoi lakou e ike ia oe e paani a e olioli pu.  A eia na ala elua imua o kaua, he ala laula a maikai, a laumania kekahi, a he ala apuupuu kekahi, iluna, ilalo, a awawa me ke kahawai.  E koho oe Iosepa, i ke aia laumania, i ke ala apuupuu.

            Makemake au ma ke ala e hiki aku ai i Keletona, ua poina anei ia oe kuu kupunakane ia ala e hele ai?

            Aole, ua hele au ma na ala elua, ua akaka lea ia'u ko laua ano a me ke ala e lawe ana ia kaua i Keletona, aka, ke waiho nei au ia oe ma ke koho ana i ke ala au i makemake ai.

            Pohihihi! e kuu kupunakane.  Ane pupule oe.  Kainoa o ke ala e hiki ai i Keletona oia ka'u i koho ai.l

            Well, e wikiwiki oe e Iosepa e koho, ke ala ma ka hema, ke ala ma ka akau.

            Aole au i makemake i ke ala hoolalau a hiki aku i kahi e, aole i Keletona.

            Ae, ua makemake oe e hiki aku i Keletona, a ua ike au i ke ala, a eia no keia mau ala elua, e noonoo oe.

            Noonoo iki Iosepa a olelo, e aho e hoao i ke ala laumania, hiki ke holo ina ia ala, ina ma ke ala apuupuu, iluna ilalo iloko o ka wai, lolohi ke hele, oopa, mauluulu, aole hiki koke aku.

            Pane ke kupunakane, e kuu moopuna ina hele oe ma ia ala laumania, e hiki aku ana oe i kahi nenelu, aole i Keletona, a poholo oe ilalo hiki ole ke uhuki ae.  E hoolohe oe i ka'u olelo ao.  He ui oe, ke hoomaka nei e hele i kahi e hele ai, o kou makemake paha e hele aku i kahi maikai.  Nui na aia e waiho ana imua ou, nui na mea e olelo ana eia ke ala maikai, he ala laumania a paiahalaha, e alakai ana iloko o na pomaikai he nui, e hui mai a hele pu.  Nani na lealea e loaa ana, ka hulahula me ka pili waiwai, ka pomaikai o ka ona, ka waiwai, ka hanohano.

            Mai ae oe, mai holo oe ma ia ala, he ala e kai aku ana iloko o ka poino.  Ke makemake nei anei oe e hele i ka lani kahi o ke ola mau?  Ua haiia mai ke ala e hele ai, he aia oluli, he ala apuupuu, iluna ilalo, iloko o ka wai, a iloko o na pilikia.  He mau kiai maikai nae ko laila, he mau pua maikai he hua ono ma kapa, e kau ana hoi na kukui malamalama e auhea ai ka pouli.  Iesu ke kukui mai ka mua a ka hope.

                        Hawaii

Na hale elua.

            E ka malihini, e oluolu oe e lawe ia'u ma kou kaa lio, ua hele au he ao mile, a ua oopa au, 6 mile koe a hiki au i ko'u home.  Ae, oe, e pii mai oe iluna nei.  No hea mai oe?  A heaha ke kumu o kou hele ana ma keia ala apuupuu, a ma keia la makani nui?

            I o aku nei au i kahi o kuu haku aina, ua pau ka manawa e hoho ai au iloko o kekahi hale, ua hele au e imi i hale hou, ua loaa anei kou hale hou?  Ae, he hale pohaku.  E haalele ana au i ka hale mua a e komo ana au i ka hale hou, maikai ia.  A pehea kekahi hale ou?  Hale hea?  Aohe o'u hale e.  Aiia, he hale e ae no kekahi ou, a e kokoke mai ana paha ka manawa, e kauohaia aku ana oe e hele ia hale.  He oiaio hookahi wale no hale au i hooiimalima ai, aole au e noho iloko o na hale elua.  E akahele oe, mai kuhihe wa oe, ke hai aku nei au, ke noho nei oe iloko o na hale elua, he hale pohaku kekahi, a he hale io kekahi, oia kou kino, he hale ia.  Aia a haalele oe i keia hale kino, hele aku oe i hea?  He hale anei kou na ke Akua e mau ai ma ka lani?  Ko'u makemake nui no ia, aka, ua hala paha ka manawa.  Alia, aole paha i hala ka manawa, ka manawa maikai no nei, ano ka wa e ola ai.

            Aka, no ke aha kou manao ua hala ka manawa?  Eia ke kumu, mamua aku, 18 makahiki, e make ana kuu makuahine, paipai mai oia ia'u e huli ma ka pono, a e halawai pu me ia ma ka lani.  A ua hoohiki au e malama i keia olelo paipai.  Aka, aole au i malama, akahi no a kamailio mai kekahi me a'u no ka hale ma ka lani.  Ua hala paha ka mana e hiki ai ia'u ke imi ia hale.

            Aole i hala, ano ka manawa e hoolohe ai i ko ke Akua leo, makemake ke Akua e ola oe, e komo oe iloko o ka hale ma ka lani.  Ina pela, olioli au, aka, akaka ole ia'u ke ae ke Akua ia'u e komo iloko o ka hale lani.

            He hale hou kou, a e komo ana oe iloko.  Pehea i maopopo ai ia?  Ua kakau kuu haku aina i kona inoa e ae ana e komo au iloko.  Oia wale no anei?  Aole, ua kakau hoi au i ko'u inoa e ae ana e hana i kekahi mau mea.  Pela hoi keia; ua kakau ke Akua i kona inoa i ka palapala e ae aka e komo oe i ka hale lani.  E kali ana oia ia oe e kakau i kou inoa e ae ana e hana i kekahi mea e hiki ai, oia kou manao ana ia Iesu me kou hoopili mau iaia.

            Oia wale no anei?  Ae, ae, ke ae nei au.  E ke Akua, ke manaoio nei au ia Iesu kau keiki, oia no kuu kalahala, kuu Hoola.  E hoomaikaiia ke Akua a mau loa aku, ua pau kuu makau, aia a kauohaia au e haalele i keia hale kino, e haalele no au a e hele a komo 'ku iloko o kuu hale lani.  Ua kakauia ka inoa o kuu haku a me ko'u no hoi.

            Unuhiia e Hawaii.

 

E aa e hana.

            1 E aa oe e hookaa i kou aie, oiai he dala iloko o kou pakeke e hiki ai.

            2 E aa oe e hoole i ke kuai ana i kekahi mea a kou maka i makemake ai oiai, aole oe e hemehema ke nele ia mea.

            3 E aa oe e hai ikou manao i ka wa e pono ai ke hai; a e noho malie i ka wa e pono ai ke noho malie.

            4 E aa oe e aloha i ka mea i kahiko ia me ka lole weluwelu, oiai e ku pu ana ka mea i kahikoia i ka lole nani.

            5 E aa oe e ae he kanaka ilihune oe ina he oiaio, ua ilihune oe.

            6 E aa oe e aahu i ka lole kupono i kou kulana, a i kou waihona dala.  Mai aie oe i ka lole hinuhinu, oiai aole ou dala, aole ike i kahi e loaa'i ke dala e hookaa aku ai.

            7 E aa oe e hai aku i ke kumu e ae ole ai oe e haawi aie aku i kau edala i kou hoa.

            8 E aa oe e hooki i kou launa ana me ka mea au i launa pinepino pu ai mamua, ke ike oe ua ano e oia, ua lilo i ka hewa, i ka hoopunipuni a hiki ole ke hilinaiia.

            9 E aa oe e aahu i kou lole kahiko, a loaa ke dala e kuai ai i ka lole hou.

            10 E aa oe e ae ole aku i na fashions pono ole, kohu ole, kue i ke ola kino, na kamaa lahilahi, lole lahilahi, pokopoko, hiki ole ke pale i ka wai me ke anu.  Pulu na wawae, opili, haukeke i ka ua, i ke anu i ka makani, loaa ke kunu, ka mai, ka hui, a pela aku.

            11 E aa oe e ae i kou ike ole. @@ hoakamai: kaena, me he la ua oe, oiai aole oe i ike, a ua hilahila e oe i kou ike ole.

            12 E aa oe e hookipa i na makamaka ou, na makamaka kamaaina, na ma kamaka malihini, e like me ka mea kupono i kou waiwai.  Ina ua ililune oe, e hookipa ia lakou me kou ano ilihune, aole me he kanaka waiwai, oiai aole ou waiwai.

            13 E aa oe e hoole aku ke hoowalewale kekahi ia oe e inu rama, e inu bia e hele i na hale lealea, a e hana i ka hana apuka, ka aihue, ka piliwaiwai, ka hana hoomanamana kahiko.

            14 E aa oe e hoole ia oe iho, a e hapai i ke kea, a hahai mamuli o Iesu Kristo iwaena o na mea maikai me na mea ino.  Kakauia e Hawaii.

 

            He 700 dala a oi ka loaa o ka fea i malamaia ma Hamakua i Hawaii i kela mahina aku nei.

            Ua hookohuia o Tripp i Luna Nui no Kawa.  E nana i ka hoolaha e puka aku nei.

            Ua ku mai ka mokuah Alameda i ka Poalua nei.  Mawaena o kona mau ohua i hoi mai, o E. P. Adams, Chas. Gay, D. B. Peterson, a me Mrs Janes Hayselden.

 

HE WAHI MOOLELO KAAO NO

ME

Kanaka ako lauoho

A ME KA

HANAPILO.

KUHIHEWA 2.

 

            Hala ae la keia mau manao kuhihewa mua o ke kanaka ako lauoho, aui ae la noi keia mau kupilikii o ke kau haule-lau, a hoea mai la ka hooilo mua o ka makahiki me ka poino i oi aku i ko ka mua; nee mai la ka ua, pa mai la na makani huihui ano e , helelei mai la na hunu hau me he hulu la e hoopoino ana i na kumulaau a lilo lakou i mea omolemole e ku wale ana ma o a maanei o ka ilihonua i nele i ka lau, a maluna o na kaupaku a me ka honua e ku paila ana ka hau hee, a e uhi paa ana ia mau la.

            Oiai na hiona laki o ke kulana mua o ke kanaka ako lauoho, pela no oia i hoomau ai no kekahi mau la he lehulehu e hoohala ana i ka hapanui o kona manawa maloko o kona keena hana, me ka loaa ole o na kuia e like me ka wa i hala.  Aka, ua like ole na ea o keia manawa ana e noho nei me ko ka manawa mua, ua pa lauwili ae na makani malihini a ano e i huipuia me ke anu, nolaila, ua loaa iho la iaia kekahi mai ikaika ma kona puu, a ua lilo ia i mea kaumaha i ka manao a ke kanaka ako lauoho.  Waiho aku la oia i na lawelawe ana no kana oihana, a ma o ke kauoha a ke kanaka iaia e hoohala i kekahi manawa ma ka hooluolu a hoolana ana i kona mai i na kuaaina, nolaila, ua hooko koke iho la oia.  Haalele iho la ia i kona wahi home me ke aloha, a hele aku la i kahi e loaa ai iaia na ea maikai no ke ola kupono.

            Ma kahi o kona mau makamaka oia i noho ai no kekahi mau mahina loihi, a ua loaa mai iaia ka oluolu kupono e lawelawe hou ai i kana oihana, aka, ua ano e ae la kona leo, ua hanapilo, a me ka leo palale oia e kamailio aku ai i na hoa'loha ke makemake ia no kekahi mea.

            Me na manaolana oia i huli hoi aku ai i kona wahi home no ka loaa iaia o ka leo moakaka, aka, oia mau manaolana ana, ua poho, oiai, ua mau ka hanapilo o kona leo, a he pilikia maoli keia i ke kanaka ako lauoho.

            Hoea hou mai la ma kona wahi keena hana kekahi kanaka loihi i palua iho i ke kiekie o ka mea nona ka home, a he mau helehelena hohoma kona.  E luhe iho ana mai kona poo a hiki i kona poohiwi ka lauoho, a ma kona auwae e lewalewa iho ana na umiumi loloa a hinawenawe i hele a halii ma kona mau uha, a o kona mau helehelena, e hoike mai ana, he kanaka ia i komo kukonukonu i ka mai ikaika loa a i noho hoomanawanui ma kahi hookahi no kekahi wa loihi loa, oiai e hoike mai ana kona mau nanaina nanakea i ka oiaio, kona mau maka hoi ua poopoo, kona ihu ua kikiwi, a ua opaha hoi kona waha ma o ka helelei ana o na niho.  He mau nanaina hoomaka'uka'u kona, a aole nae i oi aku ka weli i ko ka pilikua.

            He oiaio, ua loaa keia kanaka i ka mai ikaika ma kona umauma, a he ano hano paha ia; a o na haawina a pau i loaa i keia kanaka, oia no na haawina i loaa i ke kanaka ako lauoho i kona wa e noho ana ma ke kuaaina.  Ua oleloia ua loaa keia kanaka i keia mai i oleloia maluna ae no kekahi wa loihi, ma o kona kaahele mau ana ma na waoakua a me na waonahele, a i ka manawa i loaa ai oia i keia mai, ua noho oia me ka hoomanawanui maloko o kekahi ana mehameha ma ke kuahiwi me ka ike ole o kekahi poe, a ma kona nalowale ana no kekahi wa loihi, ua haohao ia oia a ua manaoia, ua pau oia i ka ai ia e na holoholona hihiu o ka nahelehele.

            E like me ke ano mau o ke kanaka ako lauoho ke kali no na kauoha e haawi ia mai ana, pela no oia i hana ai i keia kanaka.  Ku iho la ke kanaka malihini ma ka aoao o ka noho a kuhi ae la kona manamana i ka lauoho me ka hoopuka ana mai i keia wahi huaolelo wale no, (short) (pokopoko) me ka palale a hanapilo o kona leo.

            Hoomaopopo iho la ke kanaka ako lauoho i kana mea i pane ami ai he hanapilo oia; a no ka palale loa, aole e hiki ia ia ke hoomaopopo pono iho i na huaolelo i paneia mai, a ninau aku a ia me ka hanapilo no hoi o kona leo: "Short!"  Huli hou ae la ka malihini i ke kanaka ako lauoho me na nanaina hulili o ka inaina iloko o kona mau maka oiai oia e makaukau ana no ka noho iho, a pane aku la me ka leo nui hanapilo: E ka lapuwale!  Ke hoohenehene mai nei anei oe ia'u?  Aole, wahi a ka pane me ka leo hanapilo, i nanau aku nei au ia oe, e ako pokopoko anei?

            Lilo ae la keia wa i manawa uluaoa no laua, e kuhi aku ana kahi i kekahi i ka hoohenehene a hiki wale i ke komo loa ana aku o na manao weia o ka inaina iloko o ke kanaka malihini a oi loa aku mamua o ka palena kupono: nolaila, hapai ae la oia i ka noho e ku ana ma kona aoao a hahau aku la maluna o ke kanaka ako lauono.

            No keia mea, puka aku la ke kanaka ako lauoho iwaho a holo pololei aku la no ka hale hookolokolo e hoopii ai i ka malihini no na kumu hoopii elua.  O ka mua, oia ka hoohenehene o keia kanaka iaia; a o ka lua hoi, oia kona hoehaia ana.

            Ma ka noho ana o ka aha kanawai e nana pono i keia mau mea a pau i hanaia, ua loaa i ka aha na hoike pololei ana no keia mea ma o ko laua kuhihewa like ana no ia, a ma ia ano i loaa aku ai na palapu o ka eha maluna o ke kanaka ako lauoho, nolaila ua hookuu waleia ka malihini.

            He kuhihewa nui keia, wahi a ke kanaka ako lauoho.  Hei hou ae la laua a lulu lima iho la.

 

NA HOOLAHA KUMAU.

HALEPAI O THOS. G. THRUM

O KA NUPEPA

SATURDAY PRESS me KUOKOA

ALANUI KALEPA. HONOLULU

Malaila e poiia ai na ano a pau o na

 

Buke,

Hoike o na Kula,

Hoike a na Komite,

Na Haawina Kula Sabati,

 

Papa Kuhikuhi o na ano a pau,

Hoolaha Nunui a Liilii,

Balota, Lipine Papale,

Tiketa, Wahi Leta,

 

Bila pai hakahaka,

Hoolaha Kudala,

 

&c., &c., &c.

Iloko o ka wa pokole a me ka auhau haahaa.

 

A ma ka halekuai o THOS. G. THRUM

ma Alanui Papu, e loaa ai na

Kalana kakau o na ano a pau,

Wahi Leta      "   "    "

Inika                   "   "    "

Penikala                          "   "    "

Mea Hoopipili, buke hoomanao,

Peni gula a me kuinu gula,

Kii, a me na laau,

Buke kii o ka ohana,

Buke kii a na keiki,

Na mea paani a na keiki,

Kaa a na keiki,

Kaa huila lua o na opio.

 

A he Agena no ke ana lole pepa o na

Keiki a me na wahine

 

No ka hoailona ana i na lole me na inoa ponoi e hookoia na kauoha a pau no na papa inoa ke waihoia ma keia halekuai me ka uku pu o ka papa inoa i makemakeia.  Uku no ka inoa hookahi me ka inika a me ka hulu, $1,50 ina ma ka papa inoa keleawe, a ina ma ka papa inoa dala, $2.

            O na kauoha apau mai na mokupuni e hookoia ina e hoouna pu ia mai me ke dala a me ka moakaka pono o na hoekaka ana.

                        THOS. G. THRUM

 

NU HOU!  NU HOU!

Na Waiwai Hou Loa!

NA PAIKINI O KEIA AU.

E Loaa no ma ka ha Halekuai o:

DILLINGHAMA MA,

Ma Alanui Papu.

Oia na waiwai malalo iho nei:

 

Na Palau, Kaa Huilapalala, Kopala,

Piki, Oo, Koi, Koilipi, Na Hama-

na Kamana o na ano a pau,

Na mea Hana a na Ka-

mana, Poe Hamo

Puna, na Ani

 

ana a me

na mea

hana o ka

Poe Akeakamai

a pau.  Pena Aila,

Vaniki a me na Palaki,

Pauda, Poka a me na Kukae-

pele, Palaki Humo Puna, Pulumi,

Pakeke, Kapu Holoi Lole a me na Papa

Holoi Lole, na Iputi,

na Pa Palai, na Ma

kau Lawaia, Na

Aho Lawaia o na

ano a pau, na Kaula

o na ano a pau, na

Pahi, O, a me na

Puna, a he nui aku

no na mea i koe.

 

I KUPONO NO KA HOOHIWAHIWA ANA I

NA HALE!

 

I hiki ole ia makou ke huai pau aku aka, na oukou no e hele mai a e hoonuuiho.  O keia maluna ae, e loaa no ma ka halekuai o

Dilinahama Ma,

0136-3m\Ma ka helu 37, Alanui Papu

 

NA HOOLAHA EUMAU,

 

W O. SMITH.

LOIO, LOIO, LOIO

            Keena Hana Helu 30 alanui Kalepa

tf

 

W A. KINI.

LOIO, LOIO, LOIO

            Keena Hana: Helu 15 Alanui Kaahumanu, Honolulu.

 

W R. KAKELA.

Loio a he Kokua ma ke Kanawai

He Luna Hooiaio Palapala

tf

 

A ROSA (Akoni)

Loio a he Kokua ma ke Kanawai.

He Luna Hooiaio Palapala

Keena Hana: Ma ke Keena L@@@.

tf

 

S B. DOLE.

LOIO, LOIO, LOIO

He Luna Hooiaio Palapala

Keena Hana: Ma Alanui Kaahumanu.

tf.

 

CECIL BROWN.

Loio a he Kokua ma ke Kanawai.

A he Agena Hooiaio Palapala no ka Mokupuni o Oahu

Keena Hana: Helu 8 alanui Kaahumanu.

tf.

 

JAMES M. MONSARRAT. (Maunakea.)

Loio a he Kokua ma ke Kanawai

He luna Hooiaio Palapala.

                        Keena Hana: alanui Kalepa

 

RICHARD F. BICKERTON (Pekekona.)

Loio a he Kokua ma ke Kanawai.

            Keena Hana: Helu 27 alanui Kalepa.

tf.

 

S N. EMERSON, (EMEKONA)

LUNA Hooiaio Palapala Kepa Paahana no ka apana o Waialua, Oahu.  Agena no ka Hooiaio ana i na Palapala no ka mokupuni o Oahu.

Ua makaukau no hoi oia e ANA AINA ma na wahi a pau i makemakeia.

Waialua, Oahu, Nov. 10, '83.              1148 3ihs.

 

WILLIAM AULD.

Luna Hooiaio Palapala Kepa Paahana no ka Apana o Kona.

            Keena Hana: Ma ke Keena Wai o Honolulu.              tf.

 

S H. MEEKAPU.

            Tela humuhumu lole.

            Hale Hana: Helu 11 alanui Nuuanu.   tf.

 

C BREWER & CO. (Buri a Ma)

            Ua makemake ia ka poe mea ILI KAO MALOO  a me na ILI BIBI, a pela hoi me na ILI MIKO o na ano a pau, e kuai mai i ko lakou mau ILI me makou, a e haawi no makou i ke KUMUKUAI KIEKIE LOA o ko kakou Makeke.

 

JNO. M. KEALOHA.

LUNA Hooiaio Palapala Kepa Paahana no ka apana o Kawaihau, Kauai.  Agena no ka Hooiaio ana i na Palapala no ka apana o Kawaihau, Kauai.  Komisina Palena Alaa no ka apana o Kawaihau, Kauai, a he luna E Mare no ka Pae Aina h@@@a.

1168-1yr.

 

C C. COLEMAN

Amara a he mea hana Mekina

Kapili Kapuai hao lio

A ME KA

Hana Kaa Lio ana, etc.,

Hale Hana ma Alanui alii

905 tf E kokoke la i ke Alanui Papu

 

HE NUI ANEI KOU MAKI @

MIKINI HUMUHUMU @

INA PELA, E KIPA MAI NO @

Kakela & Kuke

            A malaila oukou e ike ai @

Mekini a WHEELER a @

            ma ka $40 a hiki i ke $50 @

ka mea hoolaha

NA MIKINI A @

ma ke $50 pa@

MIKINI A WILCOX ME @

Ma ke $30 a hiki i ke $ @

mea e pau ai ko oukou kanaia @ kupono o keia mau Mekini @ me ke kuihe ole, a e ike @

615 tf

 

PAPA! PAPA!

AIA MA KAHI O

LEWERS & COOKE

(O LUI MA)

ma ke kahua kahiko ma alanui kapiolani

E loaa ai na

PAPA NOUAIKI

o kela a me keia ano.

Na Pani Puka, Na puka Aniani,

Na Pou, Na Oia, Na kapa @

Ku, A me na Papa Me @i

 

Na Pili o na Hale o na Ana @

 

Na Pepa Hoonani, Na Pepa @

Na Kui mai ke Nui a ka M @

Puka, Na Ami Puka A@

o na ano a pau, Na Ai @

kela me keia ano Na A @

maloo, he lehulehu @

ano a pau.

 

NA WAI VANIKI

A ME NA

WAI HOOHINUHINU @

O NA ANO A PAU @

NA BALAKI ANO NUI WALE

A ke hai ia aku nei ka @

pau, ua makaukau keia @

o oukou e hoo@

ua mea a pau @

aia ka laua @

 

NO KA

UKU HAAHAA LOA.

E like me ka mea e hohe ana @

Laua a me ka Mea Kua.

E Hele mai! E na Makamaka

A e lawa no hoi koo @

me ka oluolu a me ka maikai.