Ka Nupepa Kuokoa, Volume XXIII, Number 25, 21 June 1884 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

ka Mahahiki, ...........................$2.00

No Eono Mahina, ............................1.00

 

-KUIKE KA RULA.-

 

Poaono,……………Iune 21, 1884.

 

MAKANA KAMAHAO.

( The wondrous Gift. )

Gospel Hymn, No. 49.

 

1

Aloha ! leo lai

Oli ka pepeiao,

A eko ia mailuna mai,

A pa ma keia ao.

Ref.  Aloha e ola’i !

Lana kuu manao,

Make Iesu no ke ao,

Ua make oia no’u.

2

Imi ke aloha e

Ia ala kamahao,

Ina anuu e loaa ai

Ke ola ma ke ao.

Ref.  Aloha e ola’i, &c.

3

Ao mai ke aloha ia’u

Ia ala ola e,

A nana i kokua mau

Kuu naue iluna’e.

Ref.  Aloha e ola’i, &c.

4

Aloha! nana no

Ka hana ola a pau,

Mainua, ano, a mau a mau,

A hiki i ke ao.

Ref.  Aloha e ola’i, &c.

                     Hawaii.

 

Haawina Kuia Sabati.

HAPAHA EKOLU.

Mai Iulai i a Sepatemaba 30, 1884.

Helu i, Sabati, Iulai 6.

Kamohana, Davida ke al i maluna o ka Iseraela a pau.  Pauku Baibala, 2 Sam. 5; 1-12

ALAILA hele mai la na ohana a pau o ka Iseraela io Davida la 1 Heberona, a olelo mai la lakou, Eia hoi, hookahi no ko kakou iwi a me ka io.

  2  I ka wa no hoi mamua, ia Saula i ai maluna o kakou, o oe no ka mea nana i alakai aku a i alakai mai i ka Iseraela; a i mai la hoi o Iehova ia oe, E hanai oe i ko’u poe kanaka i ka Iseraela, a e lilo oe i luna no ka Iseraela.

  3  Pela na lunakahiko a pau o ka Iseraela i hele mai ai ke alii ma Heberona; a hoopaa iho la ke alii o Davida i berita me lakou ma Heberona imua o Iehova, a poni iho lakou ia Davida i alii no ka Iseraela.

  4  He kanakolu na makahiki o Davida i kona wa i lilo ai i alii, a nohoalii iho la i na makahiki he kanaha.

  5  Ehiku makahiki me na malama keu eono i nohoalii ai ma Heberona maluna o ka Iuda; a ma Ierusalema i nohoalii iho ai oia maluna o ka Iseraela a pau a me ka Iuda i na makahiki he kanakolu a me kumamakolu.

  6  Hele aku la ke alii a me na kanaka ona i Ierusalema i ka poe Iebusi, na ka maaina o ia wahi.  Olelo mai la lakou ia Davida, i ka i ana mai, Ina aole oe e lawe aku i ka poe makapo a me ka poe oopa, aole no eo e komo mai ianei; e manao ana lakou aole e komo o Davida ilaila.

  7  Aka, hoopio ae la o Davida i ka pakaua o Ziona, oia hoi ke kulanakau hale o Davida.

  8  I aku la Davida ia la, O na mea pepehi i ka Iebusi, e hele lakou i ke kahawai e luku i ka poe oopa a me ka poe makapo, i ka poe i inainaia e ko Davida naau; no ka mea o na mea oo pa a me na mea makapo, Aole ia e hiki maloko o ka hale.

  9  Noho iho la o Davida iloko o ka pakaua, a kapa iho la ia wahi, O ka kulanakauhale o Davida; a kukulu iho la o Davida i na hale ma Milo mawaho a maloko.

 10  Mahuahua ae la o Davida a nui loa, me ia pu no hoi o Iehova ke Akua o na kaua.

 11  A o Hirama ke alii o Turo, hoouna mai la ia i na elele 10 Davida la, ma ne la@u kedera a me na kamana, a me na kalaipohaku; a hana iho la lakou i hale no Davida.

 12  Ike pono iho la o Davida, ua hookupaa iho no o Iehova iaia i alii maluna o ka Iseraela, a ua hookiekie ae ia i kona aupuni no kona poe kanaka no ka Iseraela.

  Pauku Gula, Hal. 89; 20 hoopaanaau.

  Manao nui, Paa mau loa ka olelo a ke Akua.

  Na heluhelu la.  1,2 Sam. 1; 1-16 2, 2 Sam. 2; 1-11, 3, 2 Sam. 3; 17-30, 4, 2 Sam. 4; 1-12, 5, 2 Sam. 5; 1-12, 6, 1 Oih. Lii, 11; 1-9, 7, Hal. 30; 1-12.

  Ka manawa, B. C. 1048, 7½ makahiki mahope o ka make ana o Saula; alii Davida 7½ makahiki ma Heberona B. C. 1055-1048, alaila alii oia maluna o ka Iseraela a pau.

  Kahi i hanaia ai, (1) Heberona, 20 mile ma ka hema o Ierusalema. (2) Ierusalema ke kapitala o ke aupuni o ka Iseraela.

  Mele, “Ao Sabati,” Hoku Ao Nani, p. 188.

  Pule no na hana o keia hapaha, 1 ala a hana mau.

 

KA WEHEWEHE ME KA NINAU ANA.

  Ma Dek.  1883 ko kakou kula hope ana ma ke Kauoha Kahiko, ma 1 Sam. 13; 1-13, ia kula ana no ka make ana o Saula a me Ionatana.  Mai Ian. 1 a Iune 30, ’84, ua kula kakou ma ke Kauoha Hou, ma Oihana a ma kekahi mau episetole.  Ua haalele kakou i ke Kauoha Hou no ke koena o ka makahiki ’84, a ke hoi hou nei i ke Kauoha Kahiko.

  Ka haawina o keia la, aia mahea ia? Ua pau Samuela I, ma Dek. ’83, ke hoomaka nei kakou ma Samuela II.

  Mok. I Heaha ka mea nui malaila? Ke kanikau a Davida nowai? He enemi Davida no Saula, e imi ana e pepe hi iaia, make e nae Saula, hauoli anei Davida no ka make ana o kona enemi?  Aole loa, kaumaha loa, a kanikau nui nona a no kana keiki no Ionatana.  Heaha ka Iesu kauoha no na enemi?  Aloha aku, hana maikai aku.  Pela anei ka oukou hana?

  Mok. II Heaha na mea nui malaila?

  2  Haoliiia Davida e kekahi poe ma Heberona.

  2  Ke kaua ana a Abenesa ka luna koa nui o Saula no Iseboseta i paa ke aupuni iaia ka hooilina o Saula.

  3  Ka make ana o Arahela ma ka aoao o Davida, ua akaka no ia Abenesa o Davida no ke alii a ke Akua i koho e ai i pani no Saula.  No ke aha kona kue ana i ko ke Akua manao?

  Mok. III Heaha na mea nui malaila?

  1  Mau ke kaua no Davida kekahi, a no Iseboseta kekahi.

  2  Ka huhu o Abenesa ia Isaboseta a huli mamuli o Davida.

  3  Ka make ana o Abenesa ia Ioaba me ke kanikau ana o Davida nona.  Heaha ka hewa o laua a elua, Abenesa me Ioaba?

  Mok. IV Heaha na mea nui ma keia mokuna?

  1  Ka pepehi ino ia ana o Iseboseta.  No ke aha?

  2  Ka huhu loa o Davida a kena e pepehi ia na mea elua i pepehi ia Iseboseta, mau no de aloha o Davida i na enemi ona.

  Mok. V Ma keia mokuna ka haawina o keia la.

 

NA MAHELE.

  1 Ka poniia ana o Davida maluna o ka Iseraela a pau. p. 1-5.

  1, 2.  Ua pau na mea keakea, aohe inea i koe o ka ohana a Saula i hiki ke hooponopono i ke aupuni, ua hiki i ka wa pono e lawe ai Davida i ka oihana alii. Owai ka 1 hele mai io Davida la? Na ohana a pau o ka Iseraela, oia hoi na ohana he 12, na koa paha me na luna o na ohana, me ka poe makemake e nele e hoalii ia Davida, ma Oih. Lii, 12 23-38.  339,600 kanaka. 1224 luna, oia ka nui. Weliweli ka nui. Heaha ke kumu o ko lakou hele ana? E hoalii ia Davida.  No na kumu ehia?  Ekolu.  1 Pilikino, hookahi iwi, hookahi io.  2 O oe no ke Alakai mamua ma na kaua.  3 Ua kohoia oe e ke Akua i alii no makou.

  3 Pehaa i hanaia ia na lunakahiko?  Ua hanaia he berita mawaena o lakou a me Davida, ua Davida e hana elike me na kanawai, ua ae hoi no kanaka e malama a hoolohe i ka ke alii.  He wahi kumukanawai paha manua, nana 1 Sam 10; 25.  Imua o Iehova, heaha ke ano o ia?  Eia paha, Imua o ke kauhu i kukuluia no ka hoomana ia Iehova me ke kokua ia mai e na kahuna nui, Abiatara me Zadoka.  A aha lakou ia Davida?  Ka poni ehia keia?  Ka poni ekolu ana.

  4  Ehia o Davida makahiki ia wa?  Ebia mak. o kona nohoalii ana?

  5  Ehia mak. ma Heberona? Mahea ke koena? 7½ hui 37 like me 40½.  Owai kona makua?  No ka ohana hea?  Mahea i noho ai?  Owai ka mamo nui i hanauia ma Betelehema?  He alii ia nowai?  Mahea Betelehema?  Mehea Heberona me Ierusalema? II Ka lawe pio ana ia Ierusalema. p. 6-10.

  6  Hele Davida ma ihea?  Iebusi ka inoa ia wa o Ierusalema, no Iebusi, he lahui kamaaina ia no Kanaana, ua kaua aku ka poe Iseraela ia laou mamua a lilo Ierusalema ia lakou, ma ke kaua hou ana nae, ua hoi hon ia i na Iebusi.  Hele Davida me ona mau koa e lawe pio ia Iebusi, oia Ierusalema, pane nae na Kamaaina pehea?  Aia a lawe aku oe i na makapo me na oopa, alaila hiki ia oe ke komo iloko.  He poe kiai paha keia poe makapo me na oopa, Manao lakou he wahi paa loa Ierusalema, e ku ana ia ma kahi kiekie loa, ua puni i na awawa hohonu, aole paha hiki i na enemi ke lawe pio ia.  Hiki i na makapo me na oopa ke pale aku i na enemi, ia Davida ma, kuhihewa ea.

  7  Pehea nae Davida ma?  Hoopio no, ea.  He mau inoa hou ia, Ziona a me ke Kulanakauhale o Davida, na Davida i kapa ia mau inoa.

  8  Heaha ka Davida i olelo ai?  He kahawai keakea ikaika keia, ua hohonu loa paha, kuhi na makapo me na oopa aole hiki ia Davida ke a’e ia kahawai, kuhihewa nae, ua a’e no.

  9  Aha Davida ma ma keia pauku?  He papu Milo.

 10  Pehea Davida mahope iho?  owai pu me ia?  O Iehova pu me kekahi poe e ae manua, Owai lakou? Pehea hoi lakou?

  III Ko Davida helealii me kona pomaikai.  p.11-12.

 11 Owai kai i hoouna i mau elele io Davida la?  Heaha ka lakou i hana’i no Davida?  Aloha lakou, hana wale anei lakou me ka uku ole ia?  Pela paha, makemake iakou e kuikahi me Davida ma ke pale ana aku i na enemi.

12  Heaha ka Davida i ike pono ai?  Nawai oia i hoalii me na alii a pau?  Rom. 13; 1.

 

KA HOOPILI ANA.

  1 E ko ana ka manao o ke Akua, ua koho ke Akua ia Davida i alii no ka Iseraela, keakea na enemi, imi e pepehi iaia, wakehewa nae, ua lanakila no Davida.

  2  Pela ka poe a ke Akua i koho ai nona, nui na mea keakea; aka e lanakila no lakou ma ko ke Akua kokua ana mai.

  3  E hoohalike me Davida, e kali me ka hoomanawanui iwaena o na mea keakea, e loaa auanei ka pomaikai.

  4  Mai hoonoho i ka poe makapo a oopa i poe kiai no na pakaua o Iehova, no ke pale aku i na enemi, o lanakila na enemi, i poe ike, naauao, akamai, ikaika ka pono.

  5  E hui kuikahi na aoao pono elua ma ke pale ana i na enemi.

  6  Iesu ka mano nui a Davida oia ka mea i kohoia i alii no keia ao a pau, e ko ana ia, e pau ana na mea keakea a pau, a e lanakila loa ana no oia.

  Mele, “ Mele lai, ” Hoku Ao Nani, p. 196.  Pule i lanakita Ieu.

 

KAU AILAOLELO O 1884.

LA HANA 30, Poalua, Iune 10, 1884.

Halawai ka Hale elike me ka mau.

NA PALAPALA HOOPII.

  Na Kamakele he hoopii mai Makawao mai 55 inoa, e weheia ke alanui aupuni i paniia mai – a hiki i Kula.  Waihoia i ke Koniite o na Aina Aupuni me na Hana Hou.

Ma ke kapaeia ana o na rula, ua heluhelu mai no oia he hoopii no mai Makawao mai he 138 inoa, no na kumu lehulehu penei:

  1  Aole pono ka hana a ka Luna Helu o ia apana ma ka makahiki 1883 i hala.

  2  E waihoia no ka hoopii no ka hoohalahala ana i na auhau a hiki mai ka wa e ohi ai na auhau.

  3  E haawi aku ka Luna Auhau i na palapala hooia no ka hoopii ana i ka mea hoopii huikau.

Na Kaulukou he hoopii mai Honolulu mai 235 inoa, aole e hooholoia ke kanawai no ka hoomoe ana i ke alanui hoa ma ke kulanakauhale o Honolulu nei.  Waihoia a noonoo pu me ka bila.

HOIKE A NA KOMITE.

  Na ke Komite Hookolokolo i hoike mai no ka bila e hoala hou ai i Lunakanawai Kaapuni no ka mokupuni o Oahu.  Ua kapae ke Komite i ka bila mau, a waiho mai he bila hou.  Wai hoia ma ka papa, a o ka bila hou e waiho ia no ka heluhelu alua malalo o na rula a e paiia.  A me ka hoike no na hoopii malalo iho nei.

  1  Ka hoopii mai Koolauloa mai e noi ana aole e ohiia ka uku maluna o na keiki e hele ana i na Kula olelo Beritania.

  2  Ka hoopii mai Wailuku mai no ke kumu hookahi e like me ko Koolauloa.

  3  He bila e hoopau ana i ka ohi ana o na Kumu Kula i na auhau hapawalu maluna o na haumana i ukuia.  Ua manao ke Komite e waiho aku no i keia mau hoopii i ka Papa Hoonaaua.

  4  Ka olelo hooholo e hookaawaie ana i $5,000 no ke kokua ana i ke Kula Hanai o Hilo.  Ua manao ke Komite e waiho ma ka papa a noonoo pu me ka bile haawina.  Waihoia ma ka papa a laweia mai i bila.

  Na ia Komite no i hoike mai no ke ia mau hoopii malalo iho:

  1  Ka hoopii mai Kona Akau mai, e kukuluia i Kula olelo Beritania ma Keouhou a me Kailua, a e kuai pu ia i kahua, me ke kukulu pu i hale no ke Kumu.  Ua manao ke Komite e waiho aku i keia hoopii i ka Papa Hoonaauao.

  2  Palapala hoopii mai Kau mai, e kukuluia 1 Kula Hanai Keikikane a Kaikamahine ma no apana.  Ua manao ke Komite e waiho ma ka papa a laweia mai i bila.

  3  Ka hoopii mai Hana mai e kukuluia i Kula Hanai no ka apana o Hana.  Ua manao ke Komite e waiho aku i keia hoopii i ka Papa Hoonaauao.

  4  Ka hoopii mai Kona Akau mai, e hoopau i ka Papa Kuauhau Alii.  Ua manao ke Komite e waiho ma ka papa a lawe mai i bila.  Aponoia.

  Na Dole i hoike mai i ka hoike a ka hapa uuku o ke komite wae no ka noonoo ana i bila e hooponopono ana i na Moni, ua waiho mai i bila hou.  Waihoia ka bila me ka hoike no ke pai, mahope iho o ka pau ana o ka bila i ka unuhiia.

  Ma ke noi a Hikikoki, ua hoomaha ka hale a noho hou i ka hoia 1 auina la.

  Halawai hou ka Hale hora 1 auina la.

  Hoike mai ka Peresidena, ua noi ia mai na hoa o keia hale e ka hui Kapiolani, e kipa aku ma Kapiolani Paka ma ka la apopo, Iune 11, a e hookaawaleia ana he wahi no na hoa o keia hale e noho ai.

  Waiho mai o C. Brown i ka hooponopono no ka bila e pili ana i ka hoomalamalama ana i ke kulanakauhale o Honolulu nei me ke gas.  Waihoia i ke Komite o ka Hale ma ka Paoha.

NA OLELO HOOHOLO ME NA BILA

  Na Hikikoki i heluhelu mai he bila e ae ana i ka hoomoe ana i na waea telefone a me telegalapa ma ka mokupuni o Hawaii.  Ma ke kapaeia ana o na rula, ua heluhelu alua ia ka bila ma ke poo, a waihoia i ke Komite o no Aina Aupuni me Hana Hou.

  Heluhelu mai a Kaanamano he bila e hoololi ai i ke kanawai e pili ana i ka oihana Loio i aponoia i 1880.

  Ma ke kapaeia ana o na rula ua heluheluhelu mua mai oia i ka bila, a ka pae hou ia na rula, a heluhelu aluaia ma ke poo.  Waihola no ke kakau poepoe, a e heluhelu akoluia ma ka Poaha.

  Ma ke kapac ana o na rula, ua heluhelu mai o Kalua he palapala hoopii mai Lahaina mai, e noi ana, e hoomau ia ke Kiure ma Lahaina.  Waihoia ma ka papa a noonoo pu ia me ka bila.

  Noi o Dole, e hoike mai ke alii C. H. Judd, i na inoa o na Aina Lei Alii, Kauka ina paha he hoike kana no na loaa o na Aina Lei Alii.  Hoike mai ke alii Kale Kauka, aole ana hoike e waiho aku ana.

  Heluhelu mai o Dole he olelo hooholo e ninau aku ana i na lunakanawai o ka Aha Kiekie e hoike mai he mana anei ko ka Ahaolelo e kauoha aku i ke Komisina o na Aina Lei.  Alii, e hoike mai i na loaa o na Aina Lei Alii.  Ma hope o na hoopaapaa loihi ana, ua hoopaneeia ka olelo hooholo.  Eia ka poe ma ka hoole aole e ninau 1 ka Aha Kiekie.  Na lunamakaainana Kaulukou, Lilikalani, Keau, Beka, F. Brown, C. Brown, Amara, Kaulia, Aholo, Kamakele, Nahinu, Kaunamano, hui me na Kuhina 4, a me na alii 6, ua like me 22 ma ka aoao o na Kuhina.  Eia ka poe ma ka aoao kuokoa e makemake ana e maopopo keia mea.  Na alii Bishop, Isenberg, Ake, Kalua, Richardson, Kanealii, Smith, Hikikoki, Kauila, Kauhane, Dole, Rowell, a me Palohau, ua like me @3 wale no, nolaiola ua hooleia ka olelo hooholo.

  Waiho mai ke alii Dominis he olelo hooholo e noiia aku ke komisina o na aina Lei Alii e noi aku i ka Moi, e aemai e hoikeia ka lakou hana imua o keia hale.  Hooleia, he 25 inoa ma ka hoole, a he umi wale no ma ka ae.

NA HANA O KA LA.

  Heluhelu alua ana o ka bila e hoololi ana i ka mokuna 32 o na kanawai o 1882, e pili ana i ka lawe ana i na ohua maluna o na kaa ukana a me na kaa hoolimalima.  Waihoia no ke kakau poepoe a e heluhelu akoluia ma ka Poakahi.

  Heluhelu alua ana i ka bila e hoopau ana i na pauku 6, 7, a me 8 o ke kanawai e pili ana i ka lawe ana i na ohua eemoku mawaena o keia Paeaina i aponoia i Ianuari 10, 1865.  Waihoia no ke kakau poepoe a e heluhelu akoluia i ka Poakahi e hiki mai ana.

Ma ke kapaeia ana o na rula, ua heluhelu mai o Aholo he palapala hoopii mai Lahaina mai, e noi mai ana e pa na haku mahiko o Lahaina i ko lakou aina mahiko.  Waihoia i ke Komite o na aina aupuni me na hana hou.

  Ma ke noi a Kaunamano, au kapae ia na rula a heluhelu mai la oia he olelo hooholo e kauoha ana i ka makai o ka Hale e hoolako mai i mau kaa no na hoa e holo ai i Kapiolani Paka i ka la apopo, Iune II, La o Kamehameha.  Hooholoia.  17 ae 12 hoole.

  Hoopanee ka hale a halawai hou i ka hora 10 o ke kakahiaka Poaha.

 

  LA HANA 31, Paoho, Iune 12, 1884.

Ma ke noi, ua haawi hou ia aku i manawa no ke Komite wae e noonoo ai i ka bila e hoololi ai i ka pauku 186 o ke kanawai kivila.

NA OLELO HOOHOLO ME NA BILA.

  Na Hikikoki i heluhelu mai he olelo hooholo i $10,000 no ka hoomakauakau ana i mau kula kahi e ao ia ai na hana ike ma na wahi a puni keia Paeina.  Waihoia i ke Komite Hoonaauao.

  Ma ke noi, ua hoike mai o Kalua i ka hoike a ke Komite o na hoopii huikau, no keia mau hoopii malalo iho:

  1  Ka hoopii mai Wailuku mai, e hookaawaleia i lawe leta okoa mawaena o Wailuku a me Waikapu.

  2  I haawina no ka uku ana ia lawe leta.

  Ua noi mai ke Komite e waiho i keia hoike ma ka lima o ke Kuhina Kalaiaina.  Aponoia.

  Ninau o Kalua, heaha ka inoa kupono no ke Komite o na hoopii huikau he Komite o na hoopii huikau he Komite Wae paha, a i ole, he Komite mau paha?  Pane mai ka noho he Komite mau kona inoa.

  Hoalo mai o Kamakele he bila e hoemi ana i ka auhau kino i 75 keneta wale ne.

  Na Kauhane i heluhelu mai he olelo hooholo no keia mau kumu:

  1  I $6,000 no ka hana ana i ke alanui mai Hilea a Pahala.

  2  I $5,000 no ka hana ana i uwapo no Kaalualu.

  3  I $1,000 no ka hana ana i kiowai no Waiohinu.  Waiheia i ke Komite o na aina Aupuni me na Hana Hou.

  Na Kanealii mai he olelo hooholo, e hookaawaleia i $120 ka uku makihiki no ka lawe leta mawaena o Waikapu me Wailuku.  Waihoia i ke Kuhina Kalaiaina.

NA HANA O KA LA.

  Heluhelu alua ana o ka bila e haawiana i ka, mana i kekahi poe i hoohui ia lakou iho no ka hoomalamalama ana i ke kulanakauhale o Honolulu nei me ke kukui gas imua o ke Komite o ka Hale.  Ma ke kapaeia ana o na rula, ua kauohaia aku ke Komite o ka Hale e heluhelu a noonoo pono i na pauku o ka bila.

  Koho ka hale i ke alii Walker in lunahoomalu.

  Oiai  e hoopaapaa ana ke Komite, ua hoomaha ke Komite o ka hale i ka hora 12.

  Halawai hou ke Komite o ka hale ma ka hora 1 p. m.

  Mahope o ka noonoo ana, ua hoopauia ke Komite me ka hoike aku i ka hale, ua hooholoia ka pauku i me ka hoololi.  Aponoia.

  Ma ke noi, ua waihoia ke koena o na pauku ma ka papa, a ua kauohaia ka hoike a ke Komite wae no ka noonoo ana i ka bila e paiia.

  Ma ke kapaeia ana o na rula, ua heluhelu mai a Kalua he olelo hooholo e kauoha ana i ke Komite 13 o na makai e imi pono i ka oiaio ma kekahi hunahuna ma ka Paeaina Puka La o Iune 11, e pili ana no kekahi mau wahine i hoopaa ia ma Kawa a ua hapai nae i keia manawa.  Ua kauoha pu ia no ke Komite 12 e hoolimalima aku i mau Kauka i mea e kokua ai ia, lakou.

  Pakui mai o Palohau, a ina ua ikeia ua hapai lakou, alaila, e pono e hookuu ia lakou.

  Kamaiho mai ke alii Wilimama, ua hiki no ia kakou ke hookuu aku ia lakou, no ka mea he mau iini no kela mau wahine, a ina no ka loihi o ko lakou hoopaaia ana, o ko lakou hookoana ia i ko lakou inau iini, aole ia he mea hewa, oiai he mea hiki ole ia kakou ke uumi iho.

  Ma ke kapaeia ana o na rula, ua heluhelu mai o Isenberg i ka hoike a ke Komite o ka Oihana Kalepa a me Mahiai, penei:  1 Hoopii mai Makewao mai, e hoohuihui ana i na Aina Lei Ahi me na Aina Aupuni ma kahi hookahi.  2 Ka hoopii e haawiia i laikiki kuai rama ma na apana no $100.  Ua manao ke Komite e waiho i keia mau hoopii ma ka papa.  3 Ka hoopii mai Hilo mai, e laweia mai na limahana mai Inia mai.  Ua manao ke Komite e waiho aku i keia hoopii i ka Papa Hoopae Limahana.  4 Ka hoopii mai Hilo mai, no ka uku ole ia o kekahi mau laikini hale hotele a me hale ai i $100.  Ua manao ke Komite e waiho aku i keia hoopii i na luna kupono o ke aupuni i na hoopii o keia mea.  5 Ka hoopii mai Kona Hema mai, e hoomau ia ’ ku ke Kuikahi Panailike.  Ua manao ke Komite ke noonoo mai ke aupuni no keia mea.  Aponoia ka hoike a ke Komite.

  Na Isenberg no, i ka hoike a ke Komite o ka Oihana Kalepa penei:  1 Ka bila e hookuu ana i na kauwa ma na Poaono.  2 Bila e kauoha ana i na haku e haawi i na hookaa auhau o na kauwa ia lakou i ka wa e hookaa ia ai na auhau.  3 Bila e hoemi ana i 10 hora hana o ka la.  Ua manao ke Komite e hoololi ma ka Poaono wale no e hoemiia ai, a e waiho i keia mau bila ma ka papa.  Waihoia ka hoike ma ka papa.

  Ma ke kapaeia ana o na rula, ua hoolaha mai o Dole i keia mau bila.

  1  He bila a haawi ana i ka mana no ka hana ana i na alanui hao a me na kaa mahu ma kekahi mau wahi kokoke i ke kulanakauhale o Honolulu nei.

  2  He bila a haawi ai i kekahi mau apana aina, i wahi e noho ai no kekahi poe.

  Hoopanee ka Hale hora 10 apopo.

 

  Ua make hikiwawe i ke kakahiaka o ka Poakahi nei, o Henry Lyan, kekahi o na haole kapili waapa o ke kulanaka uhale nei.  Ua hoolewaia kona kino kapapau i ke ahiahi Poalua nei.

Ma ka hookuku kinipopo Cricket mawaena o umikumamakahi poe kinipopo o ka moku kaua Beritania Swiftsure, a me ia heluna like o ko uka nei poe, i ka Poaono i hala, ua lilo ke eo o ke kahua kinipooo i ko uka nei poe; a haule aku la ka aoao o na keiki o ke kai.  Ke oleloia nei, e hookuku nui hou ana.

  He elua moku kaua e manaoia nei e ku mai nana i o kakou nei.  Ka mua, ka moku manuwa Amerika Iroquois, ka lua, ka moku manuwa Italia Vettor Pisani.  He mau la ku wale no, pela ka hoike a ka lono.

  Ua holo aku i ka Poakahi nei ka mokuahi Mariposa.

  O ka Poalua o keia pule ae e holo aku ai ka moku kaua Beritania Swiftsure no Columebia Beritania.  O ku moku kaua Beritania Mutine e ku loihi iki ana oia ianei.

  Ua hoea ae ma ko makou halepai nei, i ke kakahiaka Poaha nei o kahi Li-Fis, e ha ' uha ' u ana no ka lilo i Hoa no ka Ahaolelo.  U-hu!

 

NA HOOLAHA KUMAU.

 

J T. WATERHOUSE.

              (Walakaihaui.)

 

HALEKUAI KUKAA NUI ME LIIL.

 

  Ua piha pono me na waiwai makamae hewa ai na maka i ka nui o ka lehua.

 

Heaha no la hoi ia

 

-MALAILA-

 

Na Apa Kilika o na ano a pau,

    Pahoehoe o na ano a pau,

       Alapia o na ano a pau,

          Huluhipa o na ano a pau,

             Na Huluhulu holoku,

                  Na Keokeo Paina,

                      Lilina iau puu,

                                     Wetoria,

                                 Leponalo,

                              Lainakini,

                      Ahina pelekane,

        Na Kihei o na ana o pau,

     Na Koloka o na wahine.

  Na Kihei Huluhulu,

Na Kalakoa o na ano a pau,

        Na Kihei uhi moe,

          Na Koloka o na wahine,

             Na uhi Kilika,

                Na uhi Alapia,

                   Na Hainaka nunui a liilii

 

-Eia Hou.-

 

HE HELUNA NUI ONA PAA LOLE

 

O NA KANE A ME NA KAMALIL

 

Na Apa paina maikai loa,

    Polu manoanaoa a lahilahi,

    Huluhulu manoanaoa a lahilahi.

    Na Apa huluhulu a pahee,

    Na paa lole huluhulu, kane, me kamalii,

    Na Pililakeke loloa a pokopoko,

    Na Palule kaula o na ano a pau,

    Na Palule keokeo,

    Na Palule kalakoa,

    Na Paleili.

 

Na Papale wahine i kinohinohila me na pua me na hulu nani, a he heluna nui o na kane a me na kamalii o na ano a pau

 

HE HELUNA NUI O NA KAMAA.

 

    Na Kamaa buti,

    Na Kamaa pihi,

    Na Kamaa huka,

    Na Kamaa laholio,

    Na Kamaa weleweka.

 

HE HELUNA NUI O NA NOHO LIO MAIKAI

 

    Na Noho Italia,

    Noho pulu mamea

    a mahope o kela a

    me keia ano.

 

NA AILA O KELA A ME KEIA ANO.

 

Na Aila honua helu 1 he aiai me he waai,

Aila pena, aila hoomaioo, aila Oliva,

Aila inu, Aila lauoho,

Waiala maikai.

 

NA PENA WAIHOOLUU LIKE OLE.

 

    Keokeo,

           Eleele,

                Polu

                     Melemele,

&c.,  &c.,  &c.,  &c.,

 

Ina iho Ina iho.

 

    Na ipuhao, na ipu ti,

           Na koi nui a liilii,

               Na pahi nui a liilii,

                      Na pahi olo, pakahi

                          Na pahi olo palua

    Na tabu nui a liilii,

         Pakeke nui a liilii,

              Na lako kamana,

                   Na kamaa lio,

                        Na moe hao.

 

                            Na peia uwea

 

NA LAKO HAO, MA KA AINA A ME KA WAI

 

 

    Na lako pa,

    Pa nui a illii,

    Na bola,

    Na kiaha aniani,

    Na aniani kilohi,

    N ipukukui o na ano a pau.

 

HE HELUNA  NA MEA AI.

 

    Palena poepoe,

    Palena poepoe palupalu,

    Palena huinaha,

    Palaoa o na ano a pau.

 

  Na kamano maikai loa me ka pahu,

  Na kamano tini,

  Paakai o Livapulu,

  Paakai inu,

  Paakai hu,

  Mauu Kaleponi,

  Palani ai a ka lio.

 

 

He heluna nui o keia mauwaiwai aiwaiwa . ko ’ u mau halehuai aole i pau i ka huaiia aku no oukou no e hele mai a kilohi no oukou

Ua waeia keia mau waiwai me ka maiau. ma

Pelekane, Farani, a me Amerika, no ka pono a me ka pomaikai o na kanaka Hawaii.me na kauoha mai ua mokupuni e hookoia ke eleu loa.

J. T. WATERHOUSE

(WALAKAHAUKI.)

 

NA HOOLAHA KUMAU.

 

W O. SMITH

LOIO, LOIO, LOIO

KEENA HANA  Helu 36 alanui Kalepa

@.

 

W A. KINI

LOIO, LOIO, LOIO

KEENA HANA  Helu 15 alanui Kaahu

manu, Honolulu.

 

W R. KAKELA.

LOIO A HE KOKUA MA KE KANAWAI

He luna Hooiaio  Palapala

@.

 

A ROSA (AKONI.)

LOIO A HE KOKUA MA KE KANAWAI

He Luna Hooiaio Palpala

KEENA HANA: Ma ke Keena !

 

S B. DOLE.

LOIO, LOIO, LOIO

He Luna Hooiaio Palapala

KEENA HANA:  Ma Alanui Kaahumanu

@.

 

CECIL BROWN

LOIO A HE KOKUA MA KE KANAWAI

A he Agena Hooiaio Palapala no ka Mo

kupuni o Oahu

KEENA HANA:  Helu 8 alanui Kaahumanu

@.

 

JAMES M. MONSARRAT

(MAUNAKEA.)

LOIO A HE KOKUA MA KE KANAWAI

He Luna Hooiaio Palapala

KEENA HANA:  alanui Kalepa.

 

RICHARD F. BICKERTON

(PEKEKONA)

LOIO A HE KOKUA MA KE KAWAWA

KEENA HANA:  Helu 27 alanui Kalepa

 

S N. EMERSON.  (EMEKONA)

LUNA Hooiaio Palapala Kepa Paahana no ka apana o Waialua, Oahu.  Agena no ka Hooiaio ana i na Palapala o ka mokupuni o Oahu.

Ua makaukau no hoi oia e ANA AINA ma na wahi a pau i makemakeia

Waialua, Oahu, Nov. 10, ’ 83.   @

 

WILLIAM AULD

Luna Hooiaio Palapala Kepa Paahana

no ka Apana o Kona.

KEENA HANA:  Ma keena Wai o Honolulu

 

S H. MEEKAPU

Tela humuhumu lole.

Hale Hana:  Helu 11 alanui Nuuanu

 

C BREWER & CO.  (BUKUA MA)

Ua makemake ia ka poe mea ILI KAO MALOO a me na ILI BIBI, a pela aku   @ na ILI MIKO o na ano a pau, e kuai @ lakou mau ILI me makou, a e haawi ao makou i ke KUMUKAUI KEIKEI LOA o ko kakou Makeke.

 

J NO. M. KEALOHA.LUNA

Hooiaio Palpala Kepa Puahana

no ka apana o Kawaihau, Kauai.  He

Agena no ka Hooiaio ana i na palpala

no ka apana o Kawaihau, Kauai. He

Komisina Palena Aina no ka apana o

Kawaihau, Kauai, a he LUna Hooia

Mare no ka Pae Aina holookoa1163-1yr.

 

 

C C. COLEMAN.

Amara a he mea hana Mekina

Kapili Kapuai hao lio.

A ME KA

Hana Kaa Lio ana, etc.

Hale hana ma Alanui Alii.

E kokoke la i ke Alanui Papu.

He Nui Anei Kou Makemake i naMEKINI HUMUHUMU LOLE!Ina pela, alaila, e kipa mai no ma ka Halekuai oKAKELA & KUKE,A malaila oukou e ike ai a makaikai i na anoMEKINI a WHEELER a me WILSONmai ke 440 a hiki i ke $50 ke kumukuai oka mea hookahi.NA MEINI A SINGER,ma ke $50 pakahi, me ke anoMEKINI A WILCOX me GIBBS,ma ke $30 hiki i ke $50 ke kumukuai.mea e pau ai ko oukou kanalua e na Makamaka no e kpono o keia mau Mekini, e naue mai no me ke kuihe ole, a e ike no oukou iho

 

PAPA!  PAPA!

AIA MA KAHI O

LEWERS & COOKE,

(O LUI MA)

ma ke kahua kahiko ma alanui Papu a me Moi.

E loaa ai na

PAPA NOUAIKI

o kela a me keia ano.

 

Na Pani Puka, Na Puka Aniaui, Na Olepelepe,

Na Pou, Na O-a, Na Papa Hele, Na Papa

Ku, A me na Papa Moe nui loa

Na Pili o na Hale o na Ano a Pau.

 

Na Pepa Hoonani, Na Pena o na Wai a pau,

Na Kui mai ke Nui a ka Makalii, Na Ami

Puka, An Ami Puka Aniani, Na Ami

o na ano a pau, Na Aiia Pena, o

kela me keia ano Na Aila Hoo

maloo, helehulehu wale,

Na Aila e ne a na

ano a pau.

NA WAI VANIKI

-A ME NA-

WAI HOOHINUHINU NANI!

O NA ANO A PAU LOA.

NA BALAKI ANO NUI WALE.

A ke hai ia aku nei ka lono ia no Makemake a

pau, ua makaukau keia mau Makamaka

o oukou e hoolawa aku ma

na mea a pau e pili ana

ma ka kaua oihana

-NO KA-

UKU HAAHAA LOA.

E like me ka mea e holo ana mawaena o

LAUA a me ka MEA KUAI.

E Hele mai! E na Makamaka !!

A e lawa no hoi koo ukou makemake

me ka oluolu ame ka maikai.