Ka Nupepa Kuokoa, Volume XXIII, Number 24, 14 June 1884 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa

 

ka Makahiki    $2.00

No Eono Mahina         1.00

KUIKE KA RULA.

Poaono,           Iune 14, 1884.

 

E puliki ia'u la.

(Draw ne nearer.)

Gospel Hymn, No. 138.

            1

Nou no au Iesu, a ua lohe no

I ke aloha oe la ia'u.

Ake no nae au e puliki ia'e

A pipili i ou la au a mau.

Ref. A pipili, pili, e Iesu,

I kou kea kamahao,

A pipili, pili, e Iesu,

I ka aoao eha ou.

            2

E hoolaa mai ia'u i paahana nau

Ma ka mana lani ou,

E paulele au i kuu Haku mau,

A e ae i kou mauao.

Ref. A pipili, &c.

            3

Oli e no au i ka launa pu

Me Iesu kuu Haku e;

A e kukuli no ma ka wawae ou

A nonoi a loaa mai.

Ref. A pipili, &c.

4

Kiekie e, lua ole no

Ke aloha Ou, Iesu.

Lua ole hoi o ka oli o'u

Me kuu malu ma ke ao.

Ref. A pipili, &c,        HAWAII.

Haawina Kuia Sabati.

Helu 13, Sabati, Iune 19.

Kumuhana, Ka hoi hope ana.

Pauku Baibala:

            Oih. 18-20, Rom. 3; 8; 13; 1 Kor. 1; 8; 13; 15; 2 Kor. 9; Gal. 4

            Pauka Gula, 1 Kor. 1; 30.

            Na heluhelu la, 1, Oih. 19; 1-27, 2, 1 Kor. 1; 1-31, 3, 1 Kor. 13; 1-13, 4, 1 Kor. 15; 1-58, 5; 2 Kor. 9; 1-15 6, Gal. 4; 1-16, 7, Rom. 8; 28-39, 13. 1-10.

            Ka manawa, eha makahiki mai 54 a hiki i 58.

            Kahi i hanaia ai, Asia Uuku, Makedonia, Helene.

            Na 'Iii, Nero ka Emepera o Roma Pelika, ke kiaaina o Iudea.

            Paulo, na mak. ona, mai 52-56.

            Ke kaahele misionari ekolu, lilo keia hapa a pau i ko Paulo kaahele misionari ekolu no na mak. eha.

            Na buke, nana i na pauku maluna.

            Mele, "Inoa maikai," Hoku Ao Nani,

p. 181.

            Pule hoomaikai i ke Akua no na pono, na pomaikai i loaa mai iloko o keia hapaha.

NA NINAU ME NA HAINA.

            (Na ke kahu e hoopuka aku i na ninau.) 1 Papa kane, helu 1. Oih. 18; 23-28, 19; 1-7. Ke kaahele misionari ehia a Paulo i hoomaka ai ma keia helu? Mahea ka hele mua ana? Heaha hoi kana hana? Owai ke Iudaio i akamai ma ka olelo a ikaika ma ka Palapala Hemolele? Ua like anei oukou me Apolo? Ehia haumana i loaa ia Paulo ma Epeso no ko Ioane bapetizo ana? Aha Paulo ia lakou? Aha lakou mahope? Ua bapetizoia anei oukou i ka Uhane Hemolele? Pehea i maopopo ai?

            2 Papa wahine, helu 2, Oin. 19; 8-22. Heaha ka hana mana a Paulo ma Epeso? Nohea ka mana? Heaha ka poino i loaa i kekahi mau keiki i hoao e hoohalike me Paulo? Owai ka poe ano like? Na kahuna hooma namana kilokilo, e makau ea. Pehea i hanaia ai ka poe i huli ma ko Paulo aoao i na buke kilokilo? Pela anei oukou i hana ai, hoopau aku i na mea lapuwale a pau a hahai mamuli o Iesu?

            3 Papa ui, helu 7, Oih. 19; 23-41, 20; 1, 2,. He haunaele nui ma Epeso, heaha ke kumu? Owai ka i huhu loa? Hai mai i ka hana a Demeterio? Pela anei i keia wa, huhu ka poe kuai ke haalele i ko lakou mau mea kuai elike me na mea ona, na mea pili waiwai? Owai ko Epeso akua nui? Hai mai i na mea a oukou i lohe ai no Diana. Nawai i hoopau ia haunaele? Owai ko oukou Akua nui? E aha ana na akua kii, na hoomanakii a pau. Mahope o keia haunaele, aha Paulo a hele

ihea?

            Mele, "Hoku Loa," Holu Ao Nani, p. 187.

            4 Papa keiki, helu 10, Rom. 3; 19-31. Ehia kanawai i haawiia ia Mose ma Sinai? 10 Ua paanaau anei ia oukou? Ua malaniaia anei e oukou? Aole, ua pau i ka haihaiia, ua hewa makou

a pau me na kanaka a pau. Heaha ka hope? Ka make ke loaa ole ka mea e hoapono ia ai. Ua loaa anei ia mea? Ae. Heaha? Ka manaoio ia Iesu. Hai mai Ioa. 3; 16. Manaoio anei oukou ia Iesu? Ma ke aha e maopopo ai? Ma ka mihi, a haalele i ka

hewa, a malama ia Iesu. Iak. 1; 32, 2, x 6.

            5 Papa kane, helu 11, Rom. 8; 28-39. Ka pomaikai o ka poe hea? Heaha ka pomaikai akahi? Ka hooliloia ana o na mea a pau i mea e pono ai. Pela anei na mea ino, na mai, na pilikia,

na hune, na kaua? Ae, nolaila pono anei ke ohumu, ke hoohalahala ke pihoihoi, ke hana ino ia? Aole. Hai mai i kekahi mau pomaikai e ae @ @@ like @@@ me ke Keiki a ke Akua, @@@ @oho @@ @@@ me @@ a @e mea ole @@ @@@ @@@ @ @@@@, ma ke Akua e @@@@ aku. @ @@@@ @@@ @@@@@ e @@@ @ @@@ @ @@@ @@@ @@@ @@ @@@@ 5 Aole hiki ke hoahewa ia. 6 Ka mau ana o ke aloha ia mai e ke Akua. 7 Aole hiki ke hookaawaieia mai ke Akua aku. 8 Loaa na pono a pau o ka lani.

            6 Papa wahine, helu 12. Rom. 13;1-10. Heaha ke kauoha i na kanaka no na 'lii? Nohea mai ka oihana alii? Ina kue na kauoha a na alii i ka ke Akua, heaha ka pono? Pela anei oukou? Pehea na auhau me na dute?No ke aha? Pehea ka ke Akua? E hookaa aku no. Heaha ka aie hiki ole ke hookaa ia?

            Mele, "Ka waiwai Gula," Hoku Ao Nani, p. 197. 7 Papa ui, helu 3, 1 Kor. 1,17-31. Ka Paulo haiolelo ana. Nawai i hoouna ia Paulo e haiolelo? Heaha ia olelo? Ka olelo a Iesu. He mea aha ia i na Iudaio? He mea aha i na Helene? He mea aha nae i ka poe i heaia? Owai ia poe? Ua hea ia anei oukou? Ua heaia no, aka, pehea ke hookuli? Pehea ka poe akamai a naauao loa ke hookuli lakou? E lilo ana ko lakou naauao i mea ole. Ma ke aha e huli ai a e ola ai kanaka naauao, na 'lii, ka poe waiwai, ka poe hanohano?

            8 Papa hoahanau, helu 4, 1 Kor. 8; 1-13. Na mea hoohihia. Ina he mea hoohihia a hoohina i kekahi, heaha ka pono? E waiho aku. Hai mai p. 13. Pehea ka inu waina. ke hele ma ka la Sabati, ke puhi paka, me kekahi mau lealea. Hai mai p. 11, 12.

            9 Ke kula a pau, helu 5, 1 Kor. 13; 1-13. Ku a pualu like mai i keia mokuna. Ehia mea nui? Owai ka i oi? Ua loaa anei ia kakou keia aloha?  A loaa ole, pehea?

            10 Ke kula a pau, helu 6, 1 Kor. 15; 50-58. Ku a hai like mai i keia mau pauku. Heaha ka i hooleia aole e komo iloko o ke aupuni o ke Akua? Heaha keia mea pohihihi? Ahea lanakila na haipule? Pehea ka poe hewa? Ioa. 5; 28, 29. Heaha ke kauoha ma ka pauku 58?

            11 Papa ekalesia, helu 8, 2 Kor. 9; 1-15. No ka manawalea. Heaha ka manawalea? Ka haawi ana i na mea e pono ai ka poe pilikia, ka poe mai, ilihune, nele i na mea e pono ai ke kino ma ka uhane, ke kokua i ko na aina e, me na aina kamaaina. Hai mai i na rula ekolu no ke kokua ana, Hai paanaau mai i ka pauku 6, 7, 8.

            12 Ke kula a pau, helu 9, Gal. 4; 1-16. Na pono o ka poe malalo ae o ka aoao o Iesu. Heaha ia mau pono? He poe kuokoa lakou, aole lakou he poe kauwa i hooluhiia e na kanawai, na

kanawai Iudaio, kanawai mohai, aole mana maluna o lakou, ua kuuia. Hai mai i ka pauku 4, 5, 6, 7. Na kanawai he 10, oia na kanawai paa aole i hoopau ia. E malama ia. Aka, na kanawai no ke okipoepoe ana, no ma la kapu, (koe ka la Sabati), no na la hookeai, ua pau ia ia Iesu, mai hoi hou i na @@ @@@@ @@@ @@.

            Na manao paipai.

            Mele, "Haleluia ia Iesu," Hoku Ao Nani, p. 182.

            Pule no ka hapaha e hiki mai ana.

            Haawina no Iulai, 2 Sam. 5; 1-12.

 

KAU AHAOLELO O 1884.

            LA HANA 28, Poaono, Mei 31, 1884.

NA PALAPALA HOOPII.

            Na Kamakele, he palapala hoopii mai Makawao mai, 137 inoa e noi mai ana, ina e hoohana na Haku i na kauwa a oi aku mamua o na hora hana i hoakakaia ma ka aelike, alaila, e hoopauia ia olelo aelike. Waihoia ma ka papa a laweia mai i bila.

            Ma ke kapaeia ana o na rula, ua helehelu pau loa mai o Kaulukou he palapala hoopii mai Kalihi mai, e noi ana e hookaawaleia kela hale lole bipi o Waller e ku nei ma ka aoao ma kai o ke alanui Kalihi, no ka nui o ka pilau. Waihoia i ka Loio Kuhina.

HOIKE A NA KOMITE.

            Hoike mai ke Komite hookolokolo, no ka bila e hoololi ana i ke kanawai no ka ili ana aku o na waiwai i na hooilina. Ua waiho mai ke komite he bila hou, a noi mai e hooholo loa aku i ka bila elike me ka lakou i waiho mai ai, aponoia. Waihoia ka bila no ka heluhelu alua, malalo o na rula.

            Waiho mai ka Peresidena o ka Papa Ola, i ka hoike a ka Papa Ola no na makahiki elua i hal i paiia.

            NA OLELO HOOHOLO ME NA BILA.

            Hooalha mai ke Kuhina Kalaiaina i keia mau bila malalo iho nei.

            1 Bila e hooponopono ai no na kuleana aina i hooliloia iloko o keia aupuni.

            2 Bila e hoonoho ai i banako malama dala ma na Hale Leta.

            3 Bila e hooponopono ai no ka lawe ana i na leta mawaena o keia aupuni.

            4 Bila e hooponopono ai nonu alanuui nui, a me na alanui helewawae iloko o ke kulanakauhale o Honolulu nei.

            5 Bila kanawai e hooponopono ai no ka ho-a ia ana o na ahi ma Honolulu nei a me na wahi e pili kokoke ana.

            6 Bila kanawai e hooponopono ai no ke koho ana i na lunamakaainana.

            7 Bila kanawai e hooponopono ai no ke kukulu ana i na hale ma ke kulanakauhale o Honolulu.

            Na Kalua he olelo hooholo, e hoomaha ka Ahaolelo i hookahi pule, e hoomaka ana mai keia Poakahi ae, Iune 8, a hiki i ka Poakahi Iune 9.

            Hoololi mai o Nakaleka e hoomaha a hiki Poalima Iune 13. Hooleia.

            Hoololi mai o Kaunamano e hoomaha ka Ahaolelo i hookahi malama, hoihoi hou ia.

            I ka ninauia ana, ua hoopanee ka Hale no hookahi pule a halawai hou i ka Poakahi, Iune 9.

NA HANA O KA LA.

            Heluhelu aluaia ka bila e papa ana i ka hookomo ana mai o na mea hoopahu maloko o keia aupuni ma ke poo, a waihoiu i ke komite kalepa.

            Heluhelu alua ana o ka bila e hoolilo ana i i ka Aha apana o Lihue, Kauai, 1 Aha Hoomalu, waihoia no ke kakau poepoe a e heluhelu akolu ia ma ka Poakahi Iune 9,

            Ma ke kapaeia ana o na rula, ua heluhelu mai o Kaulukou he palapala hoopii mai Honolulu mai no 70 inoa, e hookaawale ia i $10,000 no ka hoomaikai a me ka hooloihi ana aku i ke alanui Beritania. Waihoia i ke komite o na aina aupuni a me na hana hou.

            Ma ke kapaeia ana o na rula, ua heluhelu mai ke alii Kimo Pelekane he olelo hooholo e kauoha ana i ke Kuhina Kalaiaina e hoike mai i keia malalo iho:

            1 Papa inoa o na aina aupuni i kuai ia aku mahope mai o ka la 11 o Ianuari 1882.

            2 Ke kumukuai o kela a me keia apana pakahi

            3 Ke papa inoa o ka poe na lakou i kuai mai ia mau aina aupuni.

            4 Ka nui o na dala i ukuia mai me ka nui o na dala e noho aieia nei.

            5 Ka papa inoa o ka poe e noho aie nei no ia mau aina i ke aupuni.

            6 Papa inoa o na aina aupuni i hoolimalima mahope mai o Ianuari 1, 1882.

            7 Ka inoa o ka poe nana i hoolimalima mai.

            8 Ka uku hoolimalima o ka makahiki no ia mau aina.

            9 Ka loihi o ka manawa i hoolimalimaia ai.

            10 Ka nui o na dala i hookaaia no ia mau hoolimalima a me ka nui o na dala i aieia. Hooholoia.

            Heluhelu aluaia ka bila e haawi ana i ka uku hoomau no Hanakeola, Kinimaka, a no ka hiki ole mai o Keau ka mea nana ka bila, nolaila ua hoopaneeia a hoi mai oia.

            Hoopanee ka Hale a halawai hou i ka Poakahi, Iune 9.

 

"Na pomaikai i loaa mai ka Baibala mai."

            O ke kumuhana a'u kamailio aku ai imua o oukou i keia po, oia no na pomaikai i loaa mai ia kakou mai ka Baibala mai. He kumuhana ano nui keia, a he nui wale hoi na pomaikai i loaa mai i na kanaka mai keia Buke kamahao mai ka mea a Daniela Webster i olelo ai, oiai oia e haiolelo ana @@@@ @ @@ Aha Senate O Amerika, penei kana: "Ina e hoohui ia kakou, a e alakai ia e na mea i ao ia e ka Baibala, alaila, e holomua no ko kakou aina, ma ka hanohano a me ka pomaikai, aka, ina kakou a me ko kakou lahuikanaka, e haalele i na ao ana a me na kuhikuhi

ana a keia Buke kamahao, e like me na peelua e hoonalo ana i na mea uliuli, pela no e hoonalo ia ai ka hanohano a me ka pomaikai mai ko kakou aina aloha aku."

            Ina kakou e ku iho a noonoo, a e hoolei aku i ko kakou mau noonoo ma na mea a ke Akua i hana ai, e nana aku i ka la nani, oiai oia e hoolei mai ana i kona malamalama kamahao maluna

o ka Honua, a e kilohi ae i ka mahina oiai kona malamalama  oluolu e alakai ana i na kapuai o ka mea kuewa ma ka po, a i na hoku e imoimo mai ana me he maka la no na anela a me na mea aloha i hala e mamua e hoolana mai ana i ka uhane o ka mea luuluu a kaumaha, a e nana aku hoi i na ao nani e kahiko ana maluna o ka piko o na mauna, a e holo aku ma na awawa uliuli, a e hoolono aku i ke kolili o na wai owe malie, me he leo la mai o mai, e paipai mai ana i ke kamahele ma keia ao, e hoomanao i kona mea nana i hana; aka nae, e na makamaka a me na hoaloha, pehea la kakou e hoomaopopo ai he mea nana i hana keia mau mea, a e alakai mamuli o na kanawai paa ana i kau ai. Ina nele kakou i kekahi mea nana e hoike maopopo, alala, e koho kuhihewa ana kakou i ka mea nana i hana keia mau mea, e like me ke kuhihewa o na kupuna o kakou, ma ko lakou olelo ana. "Ua hanau maoli ia keia mau paeaina e Wakea laua o Papa."

            Nolaila, mamuli o ko ke Akua lokomaikai a me kona aloha, ua haawi mai la Oia i hoike nana e hoike mai i Kona mana, Kona Hemolele, a me manomano o Kona aloha i na kanaka, a o ua hoike la, oia no ka kakou kumuhana. Ka Baibala a me kekahi mau pomaikai mai laila mai, a oiai ke nee nei ka manawa, he mea pono ia kakou e lawe mai i kekahi mau pomaikai mai keia kumukanawai mai o na pomaikai.

            1 O ka Baibala wale no ka Buke oiaio e hoike maopopo mai ana no ka ke Akua Oiaio.

            Iwaena o na lahui naauao a kaulana o ke au kahiko, e like me Aigupita, Helene, a me Roma, he nui a lehulehu na kanaka i kaulana loa no ko lakou naauao loa, e like me Ciciro, Pilato, Seneca, aka, iloko o na Buke a lakou i kakau ai, a i mahaloia hoi e ka poe akamai o keia wa, aole loa e hiki ke loaa keahi mau mea e pili ana no ke Akua oiaio, he poe hoomana kii keia poe; a he nui ko lakou mau kuhihewa, no ke aha keia kuhihewa? no ka mea, aole i loaa ia lakou ka Baibala, aole no hoi lakou i lohe i kahi mea e pili ana no Iehova ke Akua mau loa. Aole no hoi i loaa ia lakou ka homaopopo ana no ka nui o ke aloha o ke Akua i na kanaka, nolaila, ua nele lakou i keia pomaikai.

            I ke au no hoi o na kupuna o kakou, mamua aku o ka hiki ana mai o na makua misionari, e noho ana ko kakou mau kupuna iloko o na hana kohu ole o ka pouli, e hoomana ana lakou i na pohaku, na Ia o ke kai, na manu o ka lewa, a me na mea a ko lakou mau lima i hana ai, me ko lakou mau manao kuhihewa he mau akua keia, a he mana iloko o keia mau mea. No ke aha keia

kuhihewa o lakou? No ka mea, aole i hiki mai keia olelo maikai ia manawa, aole no hoi lakou i lohe no Iehova, ke Akua hookumu, nana i hana na mea a pau, a i kuleana hoi e hoomana ia, a e hoonani ia e kana mau mea i hana'i.

            Aka, ia ka wa i hiki mai ai na makua misionari, me keia nuhou maikai, a hoolaha ia keia olelo iwaena o keia Paeaina, ua ike na kanaka a me na alii i ke Akua, a ua hoomaopopo i ke ano maoli o Kona mana ma Kana mau hana i noonoo pono ia, a ua heluhelu i ka olelo e pili ana i Kona hemolele, a ua hoomaopopo maoli i ka manomano o Kona aloha i na kanaka, ma Kona haawi ana mai i Kana Keiki punahele e make maluna o ka laau Kea no ka hewa o keia ao, i loaa ai i ka mea manaoio ke kuleana ma ka Edena ma ka lani. Heaha na hua i ike ia ma keia ike ana o na alii a me na makaainana i keia olelo maikai, a me ko lakou hoomaopopo ana, hookahi no Akua oiaio nana i hana na mea a pau?

            Ua hoopau ia ka mana hookaumaha o na kahuna hoomana kii, ua pau ke kau ia ana o na kanaka maluna o na lele i mau mohai na na akua wahahee, a ua kipaku ia na hana o ka pouli, a kanu ia na anoano o na oiaio uhane ma na one o Hawaii, a ua ulu mai, a mohala kona mau pua nani, a ua hua mai na hua ono e hoopomaikai ana i keia aina aloha o kakou, ka aina a Kaahumanu i aloha ai, a no ka ike o Kaahumanu i ka pomaikai mai keia Buke mai, ua puana ae oia i kekahi mau olelo hoolana mamua o kona make ana. I ka wa i lawe ia mai ai ke Kauoha Hou ua hopu ae la oia a honi ae la a hoopili mai la i kona umauma, a puana ae la: "Ka olelo maikai e! Ka olelo maikai e!" a kuu aku la i kona uhane.

            2 Na ka Baibala i hoike maopopo mai no ka ma@ e pili ana i ke kanaka.

            I keia au a kakou e nee nei, ke ku mai nei kekahi poe a kue i ka Baibala, ma kona hoike ana no ke ano o ke kanaka, a me kona hanaia ana i kinohi, ma ko lakou manao ua puka mai ke kanaka mai na holoholona mai. "He keko ka ke kupuna o Adamu i kinohi, a mamuli ka o ka hui ana o kekahi mau holoholona like ole o ko lakou ano, ua puka mai la he kanaka." He oiaio anei keia mau manao o keia poe, a mai hea mai keia mau manao kuhihewa, a maluna o ke kahua hea i hookahuaia ai keia mau manao lapuwale, a ua pololei anei keia mau manao ma ko kakou hoomaopopo ana i ke ano kanaka? Aole, aole loa no, he mau manao keia i nele i ke kahua ole, aka, mai lilo no paha kakou mamuli o keia mau manao lalau, ina i hoike ole mai ka Baibala me kona leo moakaka. Ua hanaia ke kanaka e ke Akua he mea kina ole, a maemae, a i ano like me ke Akua ma ka hemolele, a ua haule ola iloko o ka hewa no kona hookuli ana i ka leo aloha o kona makua, a puni oia i ke akamai hoowalewale a Satana, a ua kau mai maluna o ke ano kanaka ka hewa, a ua pili iaia a me kona mau manao keia ano a hiki loa mai i keia manawa, aole anei kakou

i hoomaopopo i ka hookoia o keia ano maluna o ke kanaka, a aole anei kakou i ike o ke ano ia o ke kanaka a hiki i keia wa, aole anei i pololei na hoike ana a ka Baibala? Ae, ua pololei, nolaila,

ua loaa i na kanaka ka pomaikai mai keia buke mai ma kona hoike ana i ko lakou ano. Ua hoike pu mai no keia buke no ka mea i oi e noho ana iloko o ke kanaka, oia ka uhane makamae, ka mea a ke Akua i minamina loa ai a hoouna mai la i kana keiki ponoi e hele e imi a e hoihoi i na uhane

o kanaka iloko o ka Paredaiso ma ka lani.

            A na keia buke no i hoike maopopo mai me kona leo akaka no kahi e hele ai ka uhane mahope o kona make ana. I ka wa aole i hiki mai keia olelo ma Hawaii nei, ua manao na kupuna o kakou o ka lua o Pele kahi e noho ai na uhane a o ke kula o Kamaomao kekahi wahi e noho ai, a e auwana ana, e poipoi ana i na pulelehua i ai na lakou. Oia ke kuhihewa o na kupuna o kakou no ko lakou ike ole i ka Palapala Hemolele, a i ka hiki ana o keia olelo ua hoomaopopo lakou he elua wale no wahi e noho ai na uhane, ina he uhane pono io i keia ao luhi ole kahi i kuapapanui na pomaikai ma ia aupuni pomaikai, a ina i hewa, ilalo, ilalo i ka pouli mau loa ma Gehena kahi o na ehaeha a me na kanikau ana, a wahi a kekahi Peresidena o Amerika, "O ke kanaka e hoololo ana i ka Baibala, a me kana mau alakai ana i rula alakai nona ma keia ao, e lilo ana ia i kanaka maikai no kona aina, a i Makuakane aloha no kana mau keiki, a i kane oluolu a lokomaikai no kana wahine."

            3 Na ka Bailbala i hoike mai no Iesu Kristo ka Hoola o keia ao holookoa.

            Ua ike iho nei kakou ma ka pomaikai elua, ua hoikeia ke ano kanaka, kona mau popilikia e ukali mau ana mahope ona, a mai pomaikai ole no kakou ina i pau ko ka Baibala hoike ana malaila, me kona hoike ole mai i kahi e palekana ai oia mai ka hoopai mai o ke Akua Hemolele, no kona kue i kona mau kanawai hemolele, aka, e na makamaka, ua pomaikai kakou i ko ka Baibala hoike ana mai no Iesu, ka mea i haalele i ka nani kona Makua a me ka hanohano o ke aupuni lani, a iho mai la i keia ao luhi, ao inea i piha i na poino me na pipilikia, a lawe i ko kakou

ano, a hana i na mea e oluolu ai na puuwai luuluu, a auamo aku i na hewa o ko keia ao maluna o kona hokua hemolele me ka hoomanawanui i na hoinoia, a maluna o ka puu ehaeha o Kalevari kahi i kakiaia ai kona mau lima aloha, a hanimi mai la kona koko no ka hewa o ko keia ao nei, a o ka mea e huli aku ana a nana i kela mau maka aloha a e manaoio aku i kona make ana i kalahala a i uwao mawaena o ke Akua Hemolele a me ke kanaka hewa, a e paulele ana i kona mana hoola, e loaa ana iaia ka pomaikai lani ma kela aupuni mau loa. E na makamaka aloha, nani ka nui o keia pomaikai i loaa mai ia kakou mai keia buke kamahao mai. O ka hoonaauao ia o na lahuikanaka, o ka pii mau o na kanaka ma ke kuonoono ma na aina kahi i hoolahaia ai ka Baibala. A mamua o ko'u hooki ana no na mea e pili ana no keia kumuhana ke puana ae nei au i kekahi mau lalani olelo a kekahi haku mele kaulana iwaena o na haole: "E ka buke nani kamahao, ka Ipukukui aa mau loa o ko ke Akua lokomaikai, ka Hoku o ka mau loa, ka Hoku hookahi wale no, nana e hookele aku i ka moku uhane o ke kanaka, maluna o na kai hanupanupa o keia ola ana, a pae aku ma kela kapa kahakai olino ma Kanaana ma ka lani."

NA OLELO HOPE.

            E na makamaka aloha a me na hoa paahuna pu iloko o ke kihapai o Kristo ua hiki mai nei kakou i ka panina o na hana o keia po, ua pau ko makou noho ana ma ke kula a e lawe aku ana makou i keia pomaikai iwaena o na hoa kanaka, a e haalele ana makou i ka home a makou i aloha ai, e pau ana ka ike'na i kona mau paia eehia, aole hoi e noho hou malalo o ka malumalu o kona mau kumulaau, aloha, aloha oe e ka puuwai o na ekalesia Hawaii. E ka makou mau kumu aloha, eia makou ke haalele nei ia olua me ka naau i piha i ke aloha a me ka puuwai i hoopihaia i ka walohia, e haalele ana makou ia olua, aka o ka olua mau alakai a me na olelo ao aloha ana, aole loa e poina ana, a ma ka aoao o na haumana e puka ana, ke haawi aku nei makou i ke aloha pumehana, aloha, aloha. E na Kahu ekalesia, eia makou he mau pokii a keiki no oukou, e wehe mai i ko oukou mau lima a e hookipa aku ia makou, e haawi mai i ko oukou mau lima akau o ke aloha oiaio a e kokua pu mai ia makou ma ka lawelawe pu ana i ka hana a ko kakou Haku aloha a hiki mai ka wa e pau ai keia luhi a me na inea o keia ao, e hui pu kakou me ko kakou Haku aloha ma kona aupuni nani, a e lohe aku i kona leo aloha e olelo mai ana, "Pono e ke kauwa malama pono, e komo ai oe iloko o ke aupuuni hoomakaukauia e ko'u Makua mai ka hookumu ana mai o ke ao nei. A mamua o ko'u hoopau i ka'u kamailio ana, ke haawi aku nei au i ko'u aloha

GOOD-NIGNT.

            S. L. DESHA

NO NA EKALESIA.

            Ua akoakoa mai nei na kahu a me na elele no ka Ahahui Kula Sabati, a me ka Ahahui Euanelio nui o ka Paeaina ma ke kulanakauhale nei i keia mau la.

            Ma Kawaiahao i ka la Sabati nei, ua haiolelo ka Hon. L. Aholo, aia kana poolelo ma 1 Pet. 4; 8. "Eia ka mea oi mamua i na mea a pau, o ka pumehana o ke aloha iwaena o oukou; no ka mea, o ke aloha ka mea nana e uhi i na hewa he nui."

            Ma ia po iho, ua haiolelo o Rev. S. Kaili no ke kumuhana i waihoia e ka Papa Hawaii elike me ka mea mau, (oia hoi ka haiolelo no ka Oihana Ku loko.) kana poolelo, ma Oih. 12: 24. Ulu ae la ka olelo a ke Akua a mahuahua aku la.

            Ma Kamakapili, ua haiolelo o Rev. A. Pali, Kahu o Lahaina. Kana poolelo, ma Mat. 19: 16. Hapa hope: Heaha la ka'u e hana'i i ola au.

            Ke noho nei ka Ahahui Euanelio o ka Paeaina Hawaii ma Kawaiahao, a mama no hoi na hana o keia Kau, ma mua o na Kau e ae.

            Maikai na hana a ka Haku ma ka Ekalesia o Waikapu, a pela no kahi mau Ekalesia e ae.

 

            Nokenose lua ko matou Pisiman i ka piti apa i na hua thoan. Fuana ae la oia. Mi no sa ise! Cita no fi mai!

 

NA HOOLAHA KUMAU.

 

J. T. WATERHOUSE. (Waiakahaui)

 

HALE KUAI KUKAA NUI ME LIILII     

Ua piha pono me na waiwai makamae hewa ai ma maka i ka nui o ka lehua.

Heaha  no la hoi ia!

MALAILA

Na Apa Kilika o na ano a pau,

Pahoehoe o na ano a pau,

Alapia o na ano a pau,

Huluhipa o na ano a pau,

Na Huluhulu holoku,

Na Keokeo Paina,

Lilina lau puu.

Wetoria,

Leponalo,

Lainakini,

Ahiua pelekane,

Na Kihei o na ano pau,

Na Koloka o na wahine,

Na Kihei Huluhulu,

Na Kalakoa o na ano a pau,

Na Kihei uhi moe,

Na Koloka o na wahine,

Na uhi Kilika,

Na uhi Alapia,

Na Hainaka nunai liilii

Eia hou.

HE HELUNA NUI ONA PAA LOLE

O NA KANE A ME NA KAMALII.

Na Apa paina maikai loa,

            Polu manoanoa a lahilahi,

            Huluhulu manoanoa a lahilahi,

            Na Apa huluhulu a pahee

            Na paa lole huluhulu, kane, me kamalii,

            Na Pililakeke loloa a pokopoko,

            Na Palule kaula o na ano a pau,

            Na Palule  keokeo,

            Na Palule kalakoa,

            Na Paleili.

Na Papale wahine i kinohinohiia me na pua me na hulu nani, a he heluna nui o na kane a me na kamalii o na ano a pau

HE HELUNA NUI O NA KAMAA.

Na Kamaa buti,

Na Kamaa pihi,

Na Kamaa huka,

Na Kamaa laholio,

Na Kamaa weleweka.

HE HELUNA NUI O NA NOHO LIO @AI@@

Na Noho Italia,

Noho pulu mamua

a mahope po kela a

me keia ano.

NA AILA O KELA A ME KEIA ANO.

Na Aila honua helu i he aiai me he wai.

Aila pena, aila hoomaloo, aila Oliva,

Aila inu, Aila lauoho,

Waiala maikai.

NA PENA WAIHOOLUU LIKE OLE.

Keokeo,

Eleele,

Polu

Melemele,

&c.,     &c.,     &c.,     &c.,    

 

Ina iho Ina ilio.

 

Na ipuhao, na ipu ti,

Na koi nui a liilii,

Na pahi nui a liilii,

Na pahi olo, pakahi

Na pahi olo palua

Na tabu nui a liilii,

Pakeke nui a liilii,

Na lako kamana,

Na lako amala,

Na kamaa lio,

Na moe hao,

Ne peie uwea

NA LAKO HAO, MA KA AINA A ME KA WAI

Na lako pa,

Pa nui a liilii,

Na bola,

Na kiaha aniani,

Na aniani kilohi;

N ipukukui o na ano a pau.

HE HELUNA MA MEA AI.

Palen poepoe,

Palena poepoe palupalu,

Palena huinaha,

Paolaoa o na ano a pau.

 

Na kamano maikai loa ma ka pahu,

Na kamano tini,

Puakai o Livapulu,

Paakai inu,

Paakai hu,

Manu Kaleponi,

Palani ai a ka lio.

 

He heluna nui o keia mau waiwai aiwaiwa ko'u mau halekuai aole i pau i ka huaiia aku na oukou no e hele mai a kilohi no oukou. Ua waeia keia mau waiwai me ka @@i@@, ma Pelekane, Farani, a me Amerika, no ka pono a me ka pomaikai o na kanaka  @@@@@ na kauoha mai na mokupuni e hookola me ka eleu loa.

            J. T. WATERHOUSE.(WAIAKAHAUKI)

 

NA HOOLAHA KUMAU.

W O. Smith.

LOIO, LOIO, LOIO.

KEENA HANA         Helu 36 alanui Kalepa.

tf.

 

W A. KINI

LOIO, LOIO, LOIO.

KEENA HANA         Helu 15 Alanui Kaahumanu, Honolulu.         tf.

 

W R. KAKELA.

LOIO A HE KOKUA MA KE KANAWAI.

He Luna Hooiaio Palapala.

tf.

 

A ROSA. (AKONI.)

LOIO A HE KOKUA MA KE KANAWAI.

He Luna Hooiaio Palapala.

KEENA HANA         Ma ke Keena Loio Kahina.

tf.

 

S B. DOLE.

LOIO, LOIO, LOIO.

He Luna Hooiaio Palapala.

KEENA HANA         Ma Alanui Kaahumana.

tf.

 

CECIL BROWN.

LOIO A HE KOKUA MA KE KANAWAI.

A he Apana Hooiaio Palapala no ka Mokupuni o Oahu

KEENA HANA         Helu 8 alanui Kaahumana.

tf.

 

JAMES M MONSARRAT. (MAUNAKEA.)

LOIO A HE KOKUA MA KE KANAWAI.

He Luna Hooiaio Palapala.

KEENA HANA:alanui Kalepa.         tf.

 

RICHARD F. BICKERTON. (PEKEKONA.)

LOIO A HE KOKUA MA KE KANAWAI.

KEENA HANA         Helu 27 alanui Kalepa.

tf.

 

S N. EMERSON, (EMEKONA)

LUNA Hooiaio Palapala Kepa Puahona no ka apana a Waialua, Oahu. Agena no ka Hooiaio ana i na Palapala no ka mokupuni o Oahu.

Ua makaukau no hoi oia O ANA AINA ma @@ @ahi a pau i makemakeia.

Waialua, Oahu, Nov. 10, '83   1148-@@@

 

WILLIAM AULD.

Luna Hooiaio Palapala Kepa Paahono no ka Apana o Kona.

KEENA HANA: Ma ke Keena Wai o Honolulu.      tf

 

S. H. MEEKAPU.

Tela humuhumu lole.

HALE HANA: Helu 11 aianui Nuuanu.

 

C BREWER & CO. (BURUA MA.)

            Ua makemake ia ka poe mea ILI KAO MALOO a me na ILI BIBI, a pela hoi ,me na ILI MIKO o na ano a pau, e kuai mai i ko lakou mau ILI me makou, a e haawi no makou i ke KUMUKUAI KIEKIE LOA o ko kakou Makeke.          tf.

 

J NO. M. KEALOHA.

LUNA Palapala Kepa Paahana no ka apana a Kawaihau, Kauai. He Agena no ka Hooiaio ana i na Palapala  no ka apana o Kawaihau, Kauai. He Komisina Palena Aina no ka apana o Kawaihau, Kauai, a he Luna Hooho Mare no ka Pae Aina holookoa.

1163-1yr.

 

C C. COLEMAN.

Amara a he mea hana Mekina

Kapili Kapuai hao lio.

A ME KA

Hana Kaa Lio ana, etc.,

Hale Hana ma Alanui Alii.

905-tf  E kokoke ia i ke Alanui Papa.

 

HE NUI ANEI KOU MAKEMAKE I NA

MIKINI HUMUHUMU LOLE!

Ina pela, a kipa mai no ma ka Halekuai

Kakela & Kuke!

A malaila oukou e ike ai a makaikai i na ano

Makini a WHEELER a me WILSON

mai ke $40 a hiki i ke $50 ke kumukuai ka mea hookahu.

NA MIKINI A SINGER!

me ke $50 pakahi me ke ano

MIKINI A WILCOX ME GIBBS

ma ke $30 a hiki i ke $50 ke kumukuai, mea e pau ai ko oukou kanalua e na makamaka no he kupono o keia mau Mekini, e naue mai nome ke kuiho ole, a e ike no oukou iho.

6@8 tf

 

PAPA! PAPA!

AIA MA KAHI O

LEWERS & COOKE,

(O LUI MA)

me ke kahana kahiko ma alnui Papu a me Noi.

E loaa ai na

PAPA NOUAIKI.

o kela a me keia ano.

 

Na Pani Puka, Na Puka Aniani, Na Olepolepe,

Na Pou, Na Oia, No Papa Hele, Na Papu

Ku, A me na Papa Moe nui loa

Na Pili o na Hale o na Ano a Pau.

Na Pepa Hoonani, Na Pena o na Wai e pau,

Na Kui mai ke Nui a ka Makaili, Na Ana

Puka, Na Ami Puka Aniani, Na Ami

o na ano a pau, Na Aila Pena, o

kela me keia ano Na Aila Hoomaloo,

he lehulehu wale,

Na Aila e ae o na

ano a pau.

NA WAI VANIKI

A ME NA

WAI HOOHINUHINU NANI!

O NA ANO A PAU LOA.

NA BALAKI ANO NUI WALE.

A ke hai ia aku nei ka lono i na Makamaka a

pau, ua makaukau keia mau Makamaka

o oukou e hoolawa aku ma

na mea a pau e pili ana

ma ka laua oihana

NO KA

UKU HAAHAA LOA.

E like me ka mea e hoio ana mawaena a

LAUA a me ka MEA KUAI.

E Hele mai! E na Makamaka!

A e lawa no hoi ko@ @@@ makemake me ha oluolu @@@ ka maikai.