Ka Nupepa Kuokoa, Volume XXIII, Number 23, 7 June 1884 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka  Nupepa  Kuokoa.

 

Paha e THOS. G. THRUM ma ka Halepai o ka nupepa "SATURDAY PRESS. "  Keena Hooponopono, ma na kihi o Alanui Moiwahine me Nuuanu.

            E hoouna muai mai na Olelo Hoolaha ma ke Keena Hooponopono mamua ae o ka hora 12 o ke awakea ona Poaha a pau.  Aole e hoopukaia na Olelo Hoolaha kela weia mai mahope o ka hora i hoikeia maluna.  E hooko piha aku ana makou i keia rula maluna.

            E hooili mai i na leta a pau a me na kauoha a me ka uku pepa ia KA NUPEPA KUOKOA ma Honolulu.  Ina e loaa pono ole aku keia pepa, kona poe lawe, e hai mai me ka hakalia @ i keia Keena.

 

NUHOU  KULOKO.

 

            He ahi nui kai ikeia ma ke kahawai Makiki, i ka Poakahi nei.

            I ka Poakahi o keia pule ae e ku mai ai ka mokuahi Mariposa.

            Ua oleloia, na kekahi wahine i ho-a i ke ahi i a iho nei ma ke kahawai o Pauoa.

            Ma ke kulanakauhale nei i ka la 30 o Mei, ua hanau mai he kaikamahine na Mr. a me Mrs. Kahikina Kelekona.

            Ua aahu iho ke taona o Hilo i kona koloka la kulaia, no ka hoomanao ana i ka la hanau o ka Moiwahine Victoria.

            Ua hoike mai nei ke Kula Hanai o Hilo i ka Poalua la 27, a me ka Poakolu la 28 o kela mahina aku nei.

            Ma Koloa, Kauai, i ka la 10 o Mei, ua hanau mai na Mr. a me Mrs. Kini Kapo he kaikamahine.

            He mau la ku wale mai no keia o ka mokuahi Kulanakauhale o Parisa me na paahana Pukiki no na mahiko o kakou nei.

            O ka hale hou e kukuluia nei ilo o ke kai makai o ke alahuki moku, he hale waapa ia no ka Hui kakelekele waapa Myrtle Club.

            O ka heihei kaa kiauau mawaena o a lio "Joe Dake" a me "Geo.  Treat" i ka Poaono i hala, ua lilo ke eo i ka lio nona ka inoa mua.

            Ua hala aku nei i Wailuku ka Lunakanawai Kiekie Aukina i ka Poakahi nei, no ka malama ana i ke Kau Kiure hookolokolo.

            E houkuku kinipopo ana ka Hui kinipopo o Honolulu me ka Hui kinipopo Ocianica ma ke kahua kinipopo ma Makiki i ka auina la o keia la.

            Eia i ke taona nei ka Luna alanui o Hilo, Hawaii, a me he mea la, o keia hiki ana mai nei ona, no kela kuhiia ana i ka hoopalaleha i kana hana.       

            Maluna mai o ka mokuahi lawe leta Zealandia a ku mai i ka la apopo a i ole ia la aku, e lohe ai kakou i na lono o ka heihei moho o ke ao hoolookoa mawaena o Hanalana me Laycock.

            I ka Poakolu o keia pule ae e holo ai ka mokuahi Kinau no kona mau awa o Maui me Hawaii, a e ku mai ana oia i Honolulu nei i ka la Sabati.

            Ke manaolanaia aku nei, ka Hon. Mr. a me Mrs. C. R. Bishop na ohua kamaaina mawaena o na ohua o ka mokuahi Mariposa i ka Poakahi o keia pule ae.

            Ua make hikiwawe mai nei kekahi makai o Wailuku maka inoa o Napela, i ka la 25 o kela mahina.  Ua haiia mai ia makou, he hoahanau keia makai i oleloia maluna no kekahi o ko makou luna lawe nupepa oia o Kainoa.

            Ua hoohuiia ma ke apo gula o ka mare e ke Rev. H. H. Paleka o D. K. Beka me E. Kalaukoa ma ka hora 7 o ke ahiahi Poakolu nei, maloko o ka hale halawai o Maemae.  E hahai ia ko laua noho mare ana e na pomaikai he nui.

            Ina o na opio e kaukolo nui nei i ka paani koloke i keia mau la, a hoala lakou i Hui koloke maoli, elike me na Hui kinipopo e hoalaia mai nei, alaila, ua ahona ia, mamua o ka lakou e paani koloke mau nei mai kakahiaka a po ma ke ano palaualelo.

            Iloko o keia mau la aole he ike nuiia na dala Amerika mawaena o ko kakou poai, me he mea la, ua loaa eheu nui a ua pau i ka lele.  A ina e holo ae ana ka bila kanawai hoohui baneko lahui, e laha ana na pepa dala a ua Hui la, alaila e pau aku ana paha na dala Hawaii i ka lele.

            Aole no paha e poinaia ko W. Sheldon ike a makaukau makeia ea o ka hopu kinipopo mahope pono o ka mea e hahau ana i ke kinipopo.  Mahope iho o kona hoohala ana i kekahi manawa loihi ma na mokupuni aku nei o kakou, ua huli hoi mai nei oia i ke laona nei, a ua komo aku oia he lala no ka Hui kinipopo o na "Kanakamare."

            Ke maumau mai nei na komo hale powa i keia na maloko o ke kulanakauhale nei.  I kela pule aku nei, ua komo aihueia ka hale hana pu o Mrs. Jack, ma ke alanui Papu, a o na pu panapana a me na pu poka e waiho ana iloko o ka pahu aniani, ua pau i ka aihueia.  Iloko no o ia pule, a komo aihueia ka hale inu ti me kope o Haka ma ke alanui Nuuanu, a he mau ipuka na waiwai i laweia.  I ke aumoe o ka po la Sabati nei, ua hoao iho la kekahi mea kolohe e komo iloko o ka hale noho o Kapena Pieka, ma ke alanui Kula, aole nae i holopono ka manao kolohe o ua mea la, no ka mea, ua ike e ia oia a mama ana i ka holo.  O keia poe a pau i hoao e komo kolohe iloko o keia mau hale i oleloia, aole lakou i loaa iki a hiki i keia la.

            Ua kauohaia mai makou e hoike aku e Mr. S. P. K. Nawaa, Kahu Kula Sabati o Ewa, e malama ana na Kula Sabati o Ewa i ko lakou hoike hapaha i ka la apopo ka la 8 o keia mahina, maloko o ko lakou luakini hou; a-e malama pu ia ana he lulu dala, a o na kenikeni e loaa ana e hoohanaia ana no na hemahema i koe o ko lakou luakini hou.  Maanei, ke paipai nei makou i ko Ewa poe e naue ae malaila.

 

KAU  AHAOLELO  O  1884.

 

            LA  HANA  24, Poalua, Mei 27 1884.

            Noho ka Hale elike me ka mau

NA  PALAPALA  HOOPII.

 

            Na Kamakele he palapala hoopii no Makawao mai he 129 inoa, aole e hoolimalima ia na aina Lei Alii me na kanaka o kona aina e a me kekahi poe e ae, aia wale no a me ka poe e noho ana maluna iho.  Waihoia i ke Komite hookolokolo.

            Na Pilipo he palapala hoopii no Kona Akau mai he 142 inoa, e nana ponoia na aelike e pili ana no ka hanaia ana o na dala Kalakaua, me ka poe hana dala Amerika, ina ua kulike me ka manao o ke kanawai ale $2,000,000.  Waiohoia i ke Komite Waiwai.

            Nana no mailaila mai, 141 inoa, e nana ponoia na koi poho a pau a ka poe o waho i keia aupuni.  Waihoia i ke komite hookolokolo.

            Nana no mailaila mai, 146 inoa, e noi mai ana i keia mau kumu.  1  $2,500 no ka hana hou ana i ke alanui mai Huehue a i Kailua.  2  $2,500 no ka hana hou ana i ke alanui mai Kiholo a i Huehue.  O na dala auhau alanui o Kona Akau, e hooliloia no ka hana hou ana i ke alanui mai Kailua a i Kainaliu. Waihoia i ke Komite o na aina aupuni me na Hana Hou.

            Na Palohau he palapala hoopii no Waimea Kauai mai, 118 inoa, aole e laweia na lepera i keia manawa, aia a pau ka noho ana o keia Kau Ahaolelo.  Waihoia i ke komite malama Ola.

            Na Kaunamano he palapala hoopii no Hamakua mai, 90 inoa, no keia mau kumu malalo iho ei.  1  $75,000 no ka lawe ana mai i ka wai o Ulu ma Hamakua ma ka wai eli.  2  $150,000 no ka lawe ana mai ia wai ma na paipu wai.  Waihoia i ke Komite o na Hana Hou.

            Na Pilipo he palapala hoopii no Kona Akau mai he 164 inoa, e hoemiia ka uku o na luna aupuni kiekie e hoomaka ana mai ka Moi, Ohana Alii, Lunakanawai Kiekie, na Kuhina, a pela pela aku.  Waihoia ma ka papa.

            Na Nahinu he palapala hoopii no Kona Hema mai, 82 inoa, e hookuu akeaia no kahuna lapaau e lapaau laikini ole.  Waihoia i ke Komite malama Ola.

            Na Pilipo he palapala hoopii no Kona Akau mai, aole e kuaiia na aina Lei Alii.  Aole e kauaiia na aina aupuni me na haole, aka, me Hawaii wale no.  Waihoia ma ka papa.

            HOIKE  A  NA  KOMITE.

            Hoike mai ke Komite pai, ua paiia ka bila, no ka hoomoe ana i ke alahao mawaena o ke kulanakauhale o Honolulu nei.

NA  OLELO  HOOHOLO  ME  NA  BILA.

            Na F. Brown he olelo hooholo e kauoha ana i ke Kuhina Kalaiaina e waiho mai i kana hoike o na makahiki elua i hala.  Hooleia.

            Ma ke kapaeia ana o na rula, ua hoike mai ke Kuhina o ko na aina e, no na mea e pili ana i ka hana ia ana o ke dala Hawaii, a me na palapala e pili ana, o Spreckles ka agena hana ma ka aoao o ke aupuni Hawaii.

            Ninau o Dole, heaha la ko Spreckles uku o kona lawelawe ana i keia hana ma ke ano agena no ke aupuni Hawaii ?  Pane mai ke kuhina o ko na aina e, aole he uku maopopo, aka, ua noonoo ia aia ma na keneta puka o ka hooheehee ana i na auka dala nona ka waiwai i kinohi he $1,000,000.

            Hoolaha mai o Kaulukou he bila e ae ana i laikini no ke kuai ana i na bia mama ma Kapiolani Paka, no H. J. Nolte.  Ma ke kapaeia ana o na rula, ua heluhelu mua ia ka bila, a ua heluhelu alua ia ka bila ma ke poo a waihoia i ke komite no ka waiona.

            Hoolaha mai o Martin he bila e hooponopono ai i ka mokuna 41 o na kanawai o 1878 e pili ana no ka mare.

            Na C. Brown he bila e hooponopono hou ai i ke kanawai e pili ana i na kaa hoolimalima a lawe ohua o Honolulu nei.  Waihoia no ka heluhelu alua malalo o na rula.

            Noi mai o J. S. Walker, oiai ua ike iho ei au ma keia nupepa, mahope iho o ka ʻ u pane ana aku i ka olelo hooholo a ka Luna o Kohala, ua olelo mai ka Luna o Kohala, eia ma kona lima na hoike e hooiaio ana i ka oiaio ole o ka ʻ u mea i olelo ai, a nolaila, ke noi aku nei au i ka Peresidena e kauoha aku ia komite e hoike mai i ka oiaio o ia olelo imua o keia hale.

            Hoike mai o G. Brown, he oiaio no ua kamailio au pela, no ka mea, ua hoikeia mai imua o ke Komite kekahi mau hoike i hoohikiia.

            Hoololi mai ka Loio Kuhina e kauoha ia aku ke Komite Waiwai e lawe mai i ua mau hoike la imua o ka Hale i keia wa.  Hooholoia.

            Noi mai o G. Baraunu, ina e hookuu aku ka Hale iaia no kekahi mau minute, alaila e hiki aa no ia mau hoike imua o keia Hale i keia wa, nolaila ua hookuu ia aku oia no kekahi mau minute pokole.

            Mahope o ke kali ana no kekahi mau minute, ua heluhelu mai o G. Baraunu i kekahi mau palapala.

            Kamailio mai ke alii Walker, ua ninau au i kekahi mea ike kanawai no ko ʻ u kupono e lawe i ka Oihana Luna Hooia me ka Hooko Kauoha pu no Hayselden, a ua hoaponoia mai no au a nui aku.

            Mahope o ka noonoo ia ana, ua noi ka Loio Kuhina, e aponoia ka hoike a ke alii Walker.  Hooholoia.

            HOIKE  A  NA  KOMITE.

            Waiho mai ke Kuhina Kalaiaina i kana hoike o na makahiki elua i hala.

            NA  OLELO  HOOHOLO  ME  NA  BILA.

            Na Aholo i hoolaha mai he bila e hooponopono ana i ka uku o na paahana malalo o na olelo aelike.

            Na C. Baraunu i heluhelu mua mai ka bila e hoopau ana i na pauku 17 a me 18 o ka mokuna o ke kanawai karaima  Waihoia no ka heluhelu alua ana malalo o na rula.

            Nana no i heluhelu mua mai i ka bila e hoopau ana i na pauku 6, 7 a me 8 o ke kanawai e pili ana i na ohua eemoku mawaena o keia aupuni.  Waihoia no ka heluhelu alua malalo o na rula.

            Na Nahinu i heluhelu mua mai he bila e hoololi ana i na Pauku 387, 389, 390, 394, 395 a me 396 a e hoopau ana i na pauku, 388, 391 a me 392 o ke kanawai kivila, e hookuu akea ana i na kai lawaia konohiki a pau iloko o keia aupuni.  Waihoia no ka heluhelu alua malalo o na rula.

            Hoike mai ka Peresidena, ua hiki mai ka palapala kono a ke kahunapule J. A. Cruzan, e kono mai ana i na Hoa e hele aku i ke anaina hoomanao o ka poe i make ma na kahua kaua O Amerika, ma Kaukeano, Maemae, a ma ka Music Hall.

            Ma ke noi a Kamika, ua kauohaia ke kakauolelo e pane aku i ka ae o keia Hale.      

            Ma ke kapaeia ana o na rula, ua hoike mai ke komite pai, ua pai ia ka bila no ka hoala ana i banako Lahui.

            Na Nakaleka he olelo hooholo i $7,000 no na alanui o Molokai.  Waihoia ma ka Papa.

            Na Kaulukou he olelo hooholo i 10,000 dala no ka hooloihi loa ana aku i ke alanui Beritania a hiki i Waialae.  Waihoia i ke komite o na aina aupuni a me hana hou.

            Hoolaha mai o Kupihea he bila e hololi ai i ka pauku 782 o ke kanawai Kivila, e pili ana no na wahi koho balota.

            Na Nakaleka he olelo hooholo i 10,000 dala no ke alanui o Lanai.  Waihoia a noonoo pu me ka bila haawina.

            Ma ke kapaeia ana o na rula, ua heluhelu mua mai o Kupihea i ka bila e hoololi ana i ka pauku 982 o ke kanawai Kivila.  Waihoia no ka heluhelu alua malalo o na rula.

            Heluhelu mua mai o Amara he bila e hoololi ana i ka pauku 1477 o ke kanawai Kivila.  Waihoia no ka heluhelu alua malalo o na rula.

            NA  HANA  O  KA  LA.

            Heluhelu alua ia ka bila, e hoomaopopo ana i 10 hora hana wale no o na kumakahiki.  Waihoia i ke komite o na hana mahiai a me kalepa.

            Heluhelu aluaia ka bila e hoomaopopo ai no ke kakau ia ana o na moolelo o ka poe hanau, mare a me ka poe make.  Waihoia i ke komite hookolokolo.

            Heluhelu aluaia ana o ka bila e hoololi ai i ka Pauku 12 mokuna 86 o ke kanawai Karaima.  Waihoia i ke komite hookolokolo.

            Heluhelu aluaia ka bila e kauoha ana-i ka haku hana, aole e aua i na hookaa auhau ma ka la koho.  Waihoia i ke komite kalepa a me mahiai.

            Hoopanee ka Hale a hora 10 A. M. apopo.

---

LA  HANA  27  POALIMA  MEI 30, 1884.

Halawai ka Hale e like me ka mau.

NA  PALAPALA  HOOPII.

            Na Kamakele he palapala hoopii no ka apana mai o Makawao he 141 inoa, e noi mai ana, e hoemiia ka auhau ilio i 75 keneta, a ina e hui ia me ka uku medala alaila, 85 keneta.  Waihoia ma ka papa, a lawe mai oia i bila e hoololi ana i ke kanawai no ka auhau.

            NA  OLELO  HOOMOLO  ME  NA  BILA.

            Ma ke kapae ana o na rula, ua hoike mai ke komite pai, ua paiia ka bila e pili ana no ka hooponopono ana i ka Moni.

NA  HANA  O  KA  LA.

Heluhelu alua ana o ka bila e hoololi ai i ka pauku 186 o ke kanawai kivila, e hoonoho ana i luna alanui no kela a me keia apana.  A e hoopau ana i na luna alanui nui o na mokupuni.  Waihoia i ke komite wae Richardson Kuhina Kalaiaina, Hikikoki, Kauwila, Isenberg, Kaunamano me C. Baraunu.

            Heluhelu alua ana o ka bila e pili ana no ka hoopiha ana i na hakahaka o na oihana aupuni.  Waihoia i ke komite hookolokolo.

            Heluhelu alua ana o ka bila, e haawi ana i ke mana i ke Kuhina Waiwai, e uku aku i ke Kuhina Kalaiaina no na lilo o ke kuai ana mai i na aina o Honolulu Hale a me ka puu o Leahi, no ka pomaikai o ke aupuni Hawaii.  Waihoia no ke kakau poepoe a e heluhelu akoluia ma ka la apopo.

            Hoopanee ka Hale a hora 10 A. M. apopo.

---

LA  HANA  25,  Poakolu, Mei 28, 1884

NA  PALAPALA  HOOPII

            Na Kamakele he palapala hoopii mai Makawao mai 149 inoa e hoopau loa i ka inoa kauwa iloko o na palapala aelike hana iloko o keia aupuni.  Waihoia a laweia mai ka bila.        

            Na Kauila he palapala hoopii mai Puna mai, aole e hoolimalima i na aina Lei Alii i na kanaka o na wahi e, me na kanaka wale no e noho ana maluna iho.  Waihoia ma ka Papa.

            Nana no mai Hanalei Kauai mai he palapala hoopii i $4,000 no Kauka Hamana.  Waihoia i ke Komite malama Ola.

            Na Kamakele mai Kalawao mai he palapala hoopii 151 inoa.  I lunamakaainana no Kalawao.

            1  Aole nana ponoiana hihia mawaena o ka lepere me na luna.

            2  Ke hoopaaia nei kekahi mau mai ma ka halepaahao.  Waiohoia i ke Komite malama Ola.

            Na Kaulukou he palapala hoopii mai Honolulu mai 27 inoa, e hoonohoia i hookahi no Komisina no na pono wai, i $500 kona uku.  Waihoia i ke Komite hookolokolo.

            HOIKE  A  NA  KOMITE.

            Hoike ka Luna Hoomalu o ke komite wae no ka noonoo ana i ka bila e pili ana i na mea mawaena ona holoholona, ua waiho mai lakou he bila hou.  Waihoia ma ka papa.

            NA  OLELO  HOOHOLO  ME  NA  BILA.

            Heluhelu mua mai ka Loio Kuhina he bila e hoololi ai i na pauku 1006 a me 1007 o ke kanawai kivila, i hoololi ia i ka 1872.  Ma ke kapae ia ana o na rula, ua heluhelu alua ia ka bila ma ke poo, a ua waihoia aku i ke komite hookolokolo.

            Na ka Loio Kuhina no, he bila e hoonoho ai i na mea ao hana akamai ma ke Kula o Kapunahou, ma ka haawi ana i $1,200 no ka uku ana i ke kumuao ma ia hana.  Ma ke kapaeia ana o na rula, ua heluhelu alua ia ka bila ma ke poo, a waihoia aku i ke komite hoonaauao.

            Heluhelu mua mai o Beka he bila, no ka hoohui ana i kekahi Hui no ka hoomalamalama ana i ke kulanakauhale o Honolulu nei me ke kukui Gas.

            Ma ke kapaeia ana o na rula, ua heluhelu alua ia ka bila kukui Gas ma ke poo, a waihoia i ke komite wae Kikila Baraunu, Keoni Beka, Waila, Kuhina Kalaiaina a me Kalua.

            Waiho mai o Palohau he olelo hooholo, e laweia mai ka Luna Hooponopono o ka nupepa Pae Aina imua o keia hale e hookolokolo ai no kona hoolaha hoinoino ana i na hoa o keia hale, ma kona kapa ana mai he "makilo" a he "puhikole."

            Mahope o ka hoopaapaa loihi ana, a i komo ai o Kipikona, Dole a me W. O. Smith ma ka aoao kue, ua hoopanee loa ia ka olelo hooholo.

            Waiho mai ke alii Kamika he olelo hooholo e papa ana i na Kuhina aole e hooko i ka ohi ana i na dute o na waiwai komo mai ma na dala gula Amerika a pau i noonoo ia na bila kanawai no ke dala.  Hooholoia.

            Hoolaha mai o Kikila Barunu, e lawe mai ana oia he mau bila e hoopau ai i ka mokuna 55 o na kanawai karaima a me ke kanawai e pili ana i ka hookuu ana i na auhau o na koa.

            Na Kaulukou i heluhelu mai no ka manawa mua he bila e hoopau ai i ka Pauku I o ka mokuna 60 o ke karaima.

            Na Aholo i heluhelu mai no ka manawa mua he bila e haawi kokua ai ke aupuni i ka laina mokuahi lawe leta a waihoia no ka heluhelu alua.

            Noi mai o Aholo e waiho mai ke Kakauolelo imua o ka hale i ka bila hoomoe alanui hao huki lio o 1882.  Hooholoia.

            Na Kaulia no ka manawa mua he bila e hookaawale ai i haawina hoomau no Kahuhu.  Hoopanee loa ia.

            Noi mai ke Kuhina Waiwai ia Mr. Waila i na mea e pili ana i ke alanui hao o Hamakua e manao ia nei e hoomoe aku.

            Wehewehe mai o Waila, o ka loihi o kahi a ke alanui hao e manao ia nei e hoomoe mai Hilo a Kukuihaele, he 70 mile, a o ka lilo no ka mile he $20,000 a pela aku.  Waihoia ma ka papa.

NA  HANA O  KA  LA.

            Heluheluia ka bila no ke kakau ana i na Pake, a waihoia i ke komite wae Loio Kuhina, C. Brown, Dominis, Kanoa a me Pilipo.

            Heluhelu alua ia ka bila e hookuu ai i na paahana i na Poaono a waihoia i ke komite kalepa.

            Hoopanee apopo hora 1 p. m.

            ---

            Ua aeia no anei na makai ku huina e inu i ka rama a ona alaila hooulu hakaka, ke huli ka uwati ku huina ?  Heaha auanei la ka haina o keia ninau maluna a na Poo o ka oihana ke pane mai, aka, o ka mea i maopopo ia makou ua hana he makai i na hana elike me ka mea i hoikeia maluna, a ma ka apana o Kakaako kahi i hanaia ai keia mea.  Eia hou keia hana a oukou e na Poo o ka oihana makai e noli ai.

 

He  mana  ka  naauao.

 

            Aole paha i like loa ka manao o ka poe naauao a pau loa ma keia honua no keia huaolelo e kau ae la maluna oia hoi,  "He mana ka naauao. "  Ke olelo nei kekahi poe, o ka naauao he mea lapuwale loa ia, he lohi ka huli ana i ke dala, no ka mea, hele i ke kula eha a elima paha makahiki, puka mai, alaila huli aku ka waiwai, alaila ua hala ka wa pono wahi a lakou, e aho no ka hele e huli i wahi hana i mea e loaa koke mai ai o ke dala, pau ka ilihune, ola ka noho ana; a pau ia olelo hou ae la kekahi poe : Auhea hoi ua poe naauao, i ka hoka wale mai no hoi o mea ma,--a pau e ke au i ka helelei, lapuwaleno hoi ua naauao, a pela wale aku.

 

            A ke olelo nei hoi kekahi poe, he mana ka naauao, aole paha i like keia maea me ka mana o ke Akua, he okoa keia mana i haawiia mai e ke Akua i ke kanaka, oia hoi ko ke kanaka hoano e ana i kekahi mau mea maoli i mau mea okoa, a lilo ae la ua mau mea okoa la i hoano e ia ai i mau mea i makemake loa ia, a nui loa aku la ka waiwai elike me ka laau e ku ana ma ke kuahiwi.  Ulu mai kela laau a nui, a kiekie, a kuono paha oia no ke oki ia, a i ka wa i okiia ai alaila ua oloia i papa, o kela a me keia ano, a i laau nunui a liilii paha i kupono no ke kukulu hale, a me ke kapili moku paha, nolaila, i ka lilo ana o kela laau i mau hale laau a i mau moku nui a liilii, ua lilo ua mau mea la i mea makemake nui ia a i mea waiwai nui hoi mamuli o ka hoano e ia ana, e ka mana o ka naauao, a pela no, ina hele aku ke kanaka ma ke kahakai, e ike ana oia i ke one e waiho wale ana a e hehi wale ia ana e na kanaka ; aole ona waiwai, aka ina e hoopili ana ka mea naauao i kona mau lima me ua one la, alaila ua hoano e ia ma ka hana ia ana i pohaku, a i kekahi manawa ua hana ia i aniani o na ano a pau, oia hoi i aniani puka hale, aniani ipukukui, a i aniani kilohi a nui wale aku na ano aniani i hanaia noloko mai o ke one, a ma ia mea ua ike hou kakou i ka mana o ka naauao ma kona hoano e ia ana.  E naua hou aku i ka uwea olelo, ua hanaia keia mea me ka imi ahonui ana a kekahi kanaka i na kanawai o ka uwila, no ka mea o ka uwila he mea ahiu ia, aole e hiki i ke kanaka ke hopu a milimili ia mea, ua lilo nae ia i mea milmiliia e ka lima o ke kanaka naauao a ua lilo pu no hoi i kauwa na ke kanaka.

 

            No ke aha la ka mea i lilo ai i kauwa hoolohe na ke kanaka ?  Eia, mamuli no o keia mea, he mana ka naauao.  Ua noonoo e ka mea naauao i kona kumu i hoea mai ai, a maopopo iaia, alaila hoopili aku oia i kona mau lima ilaila, alaila ua lilo ia i mea ano e loa, a lilo ia i kauwa hoounauna na ke kanaka, a ua nui loa ka waiwai i loaa malaila.  A pela no ke kanaka nana i imi a loaa ke kanawai o ka mahu, o keia mea o ka mahu, he mea kiola wale ia e ka mea uaaupo, aka, i ka manao o ka mea naauao, ua hoano e ia a lilo i kauwa hoolohe na ke kanaka, ua hoopili ae ke kanaka naauao i kekahi mea paahana me ka mahu, a ua lilo ka mahu i kauwa na ke kanaka, nolaila, ua lilo na mea nui kaumaha loa i mau mea mama loa, i ka mahu, ua hiki iaia ke hoonee, ke hapai iluna, a ke hookuu ilalo a hoohuli i kekahi mea kaumaha i hiki ole i na kanaka he mau haneri ke ae, elike me na moku mahu, a me na kaa mahu, na mea hapai moku, a ina e helu ia ka nui o na mea a ka mana e kokua ai i ke kanaka, aole pau no ka nui loa, nolaila ua hanaia keia mau mea e ka mana o ka naauao.  Ina pela heaha la ka waiwai a me ka manao o ka mea nana e haku nei keia kumumanao ?  He olelo paipai keia i ka poe opio a pau e haalele nei i ka imi naauao, a me na makua e pauaho wale nei i na keiki a lakou, aole he mau i ka hoouna ana i ka lakou mau keiki i ke kula, eia ka mea nui i na makua, ina e hala na makahiki he 15, kii aku na makua e noi i na kumukula e hele na keiki i ke kumakahiki, no ka manao o na makua e hele e huli i ke dala i mea kuai awa no na makua, pela iho la ka manao hupo o na makua e hina ai i ka lakou mau keiki a lilo loa i poe kauwa na kekahi, a pela no na kaikamahine, ke olelo aku nei na makua he lapuwale ka naauao o na kaikamahine, aole ka he waiwai, kupanaha na makua.  Aka, i ka manao o ka poe makee lahui, he mea eha nui kela no ka naau, a he poe aloha hoi i na kawowo e hoomaka ana e ulu, ua manaoia aia ma o lakou la e ola ai a e ulu ai ke koena o keia lahui.  Aka, pehea la e ulu ai, eia paha kekahi kumu e ulu ai keia lahui a e lilo ai hoi i lahui naauao.  E hana ia na kula o keia au ma, ke ano okoa e ae i kekahi manawa, elike me keia, i mau kula kaikamahine, a i mau kula keikikane, mai Hawaii a Kauai, i wahi e ao ia ai lakou ma ke ano o ka noho ohana ana, a hiki i ka wa e hoohui ia ai lakou, alaila nui keia lahui, ua manao au na ka Papa Hoonaauao e noonoo nui i ka imi ana i ala nui o ka noho ana maluhia me ka naauao maikai, a e ao ia hoi na keikikane ma na mea ike hohonu a pau i hiki ai ia lakou ke hana i kekahi mau lala okoa o ka hana akeakamai, no ka mea na ka naauao e hoohana i na mea waiwai ole i mea waiwai nui, a me na mea makemake ole ia i mau mea makemake nui ia, oia hoi ka mea e pau ai na keiki a ka poe ilihune i ka hele like ma ia alanui hookahi o ka naauao, malia paha aia iloko o na keiki a ka poe ilihune kekahi mau keiki kupono i ka hookele aupuni, aka, no ka nana pono ole ia o keia apana hana, nolaila ua ulu hopipi ka manao o na makua i ka hoouna ana i na keiki a lakou i kahi o ka naauao nui ae, no ka mea, aole he dala e kokua ai ia lakou oiai lakou e noho ana iloko o ke kula, aka, aole no ka nele o ko kakou mau oihana hoonaauao a me ka waihona lahui i ke dala ole, aka, he nui loa ke dala iloko o na waihona aupuni, aole nae noonoo nui o ke aupuni i keia lala nui o ke aupuni, aia na mea ano ole malaila e hoonui ai i na lilo.

            Ina e nana kakou i kekahi mau keiki i hoounaia aku nei iloko o Amerika e ao ia ai i ka naauao oi ae, o kela mau keiki he mau makua waiwai o lakou, a ua hiki no i ke dala a ko lakou mau makua ke uku ia lakou, aka hookaa wale iho nei nae ka Ahaolelo i puu dala na ia mau keiki; ina he mau keiki na ka poe ilihune kela puu dala i hookaawaleia ai no ka hoonaauao hou ana ae ina ua oi loa ia mamua o kela.  Eia kekahi, i hoounaia aku nei lakou e ao i ke kula ao kaua, a i ka hoi ana mai o lakou me ia mau ike, me wai lakou e kaua ai ?  Me Milu ea, akamai ka noonoo ana o ke aupuni iwaho e kiolaia ai ke dala, aole ka e kiola ia iluna o ka poe ilihune, ina aole e hiki i keia aupuni ke ike i keia mau hoakaka, alaila eia kekahi mea maopopo :

            E nana ia Lunalilo Home; mamua o ko Lunalilo make ana, ua hana malu oia i kekahi palapala kauoha o na waiwai puka a pau ona e kukulu ia i hale no ka poe ilihune, i home no lakou.  He home maikai a nani kela i ka nana aku, he halealii maopopo, aka, aia ilaila ka poe ilihune pelapela kahi i malamaia ai me ka maemae auwe ke alii aloha lahui e !  Aloha ino ka hoi oe a me kau mau hana, ina i ola loihi oe, ina no ua ola keia lahui ia oe.  A heaha ka nui o kana dala i ka nui o ke dala a keia aupuni i hoahu ai i mea kokua i ke aupuni, he uuku ia.  Eia hoi keia, aole i haawi iki ke aupuni i kekahi makana na ka poe ilihune o kakou i keia wa, nolaila eia ka makana maikai, e kukulu i mau kula hoonaauao no na keiki o ka poe ilihune, i ao ia lakou ma na mea naauao a pau, i loaa i ke aupuni ka waiwai puka ma o lakou la, na ke aupuni e uku i na kumu, mai hiamoe, mai makau ke aupuni i keia mea, e kukulu i kia hoomano nou e Hawaii.  Ia oe e ka Ahaolelo hanohano, e nana pono ia keia lala ou e Hawaii,  e imi i kumu e holo nui ai ka naauao iwaena o kou lahui ponoi, o kou io a me kou koko ponoi, kou home ponoi, mamua o kou hoopokeokeo ana aku ia hai a pehea la ko oukou manao, o na keiki a ka ahaolelo i hoouna aku nei iloko e ao ia ai ma na ike i kauohaia ia lakou, pehea e lilo ana anei lakou i mau alakai maikal no keia aupuni, i makepono ai ke dala a ka lahui i hoolilo ai ia lakou ?  Aole paha, ea, eia ka mea maopopo loa malaila, e lilo ana lakou i poe keiki hookano a me ka hookiekie ke hoi mai lakou i Hawaii nei, no ka mea he mau keiki punahele lakou i na makua, a ua hoohiluhiluia mai ka wa kamalii mai, ke manao nei au ina he mau keiki ilihune, a ua maa i ka noho haahaa me na makua ilihune ano maikai, alaila aia iloko o lakou na kulana maikai a e hoohua nui mai ana lakou he pa-haneri, pa-kanaono, a pa-kanalima ka kekahi, alaila, ua puka ui ke aupuni i keia poe keiki, aole no i huli pono ke aupuni i na keiki kupono ke hoouna ia ma na kula ike kiekie a he mea minamina nui keia.

            Ina e nana aku kakou i ka moolelo o Linekona, he keiki haahaa ia a he mau makua ilihune kona, a o ka hana a keia wahi keiki he oki wahie a he hoehoe waapa, aka, ua hoonaauao mai kai ia oia a hiki i kona kanaka makua ana, a heaha ka ke aupuni o Amerika i hana ai iaia ? Eia, lilo oia i mea kiekie, i mea alakai i ka lahui o Amerika, aole au i ike ua kii ia kekahi poe ano e hele ia e hoonaauao, a o ia poe ka mea nana e alakai i ka lahui, aole loa pela, a pehea o Kenela Kalani ?  He wahi oihana ka kona mau makua, a he hapai pu ka hana a ua Kalani nei, aka no kona akamai a me ka naauao ua lilo oia i alakai no na miliona kanaka o Amerika, aole ia he keiki ano koikoi, aka noloko mai o kekahi ohana ilihune nolaila ma ka nana ana i na kanaka a pau i noho Peresidena a Amerika i mea alakai i ka lahu, he poe keia noloko mai o ke kulana ilihune a ua hoonaauao kupono ia me ka maikai; nolaila ua lilo ia lakou ke alakai ana o ka lahui Amerika.  Aʻina hoi pela ke aupuni Hawaii i noonoo ai elike me kaʻu hoakaka ana maluna ae nei, alaila aole e poho ana ko kakou luhi, aka i keia manawa ke hopohopo nei au i keia poe keiki o poho auanei ke aupuni ia lakou nolaila o ka naauao ke alanui hele o ke kanaka e manao ana e pii aku ma na anuu kiekie, a e launa pu aku ai me na aupuni naauao a pau o ka honua, a na keia naauao no hoi e hoano e i na mea i na mea i makemake ole ia i mea makemake nui ia, nolaila oia kekahi mea i makemake ia e loaa ia oe e Hawaii, alaila na@ @ @      kai ?  Ke @ @ @              Hoonaauao @ @ @ nawai o ke @ @ @       wa ke kali a @ @ @ ikeia.  Eia @ @ @     imi loa, eia ih@ @ @ @    loaa, a i ko ai ho@ @ @ @    kahiko, nolaila aole @ @ @   oukou ka ike ana i k@ @ @ @          lahui iloko o ka make a@ @ @ @           no kela mau makalua e ho@ @ @ @ nei, aka na kakou no e imi i @ @ ani malaila; ua hoakaka au i kekahi alanui kupono a ua ike au i ke noi a kekahi lunamakaaina no ia manao hookahi no, he noi kapakahi nae, o ka pono loa i koʻu manao e haawi ia pono ma na mokupuni eha, i like ka hana ana a me ka huki ana imua.               J. HAOLE.

            Wailuku, Maui.

            ----

He  noi oluolu.

            I ka auina la Poaono i hala.  Mei 31, ua heluhelu ia keia manao malalo iho i mua o ka Papa Kalepa o kekahi keonimana mai kona noonoo ae ana i haku ai penei:

            He heluna o na keonimana, kai akoakoa mai nei, o ko lakou mau inoa apau ua ikeia no na makahiki lehulehu, ua hooikaika no ka pomaikai a me ka holomua o keia aupuni, ke waiho aku nei i ke noi malalo iho imua o ka Moi a me ka Ahaolelo.

            1  E ae ia keia poe e hoohui nei ia lakou iho malalo iho o ka Hui Banako Hawaii, e lawelawe i na ano hana apau e like me na halekuai laikini kukaa a kuai liilii, mahiko, mikanika a me holoholo moku pili aina me ka uku ole i ona laikini a auhau paha maluna o na waiwai lewa.

            2  E loaa ia lakou ka mana ( me ka ae o ka Moi iloko o ka Ahakukamalu ) e malama i na dala o ka lahui, me ka waiwai hoopaa ole, aia wale no a kuhikuhi mai ke Kuhina Waiwai ma kekahi ino e ae.

            3  E aeia lakou e hoopuka i na nota ue me ke dala maoli ole e hoopaa ai no ka uku ana ia mau nota, a hiki i ka hookahi miliona.

            4  Aole e hiki i ka poe e paa ana ia nau nota aie ke koi aku e ukuia mai na ke dala gula.

            5  Ua hiki no ke hooleia ka uku ana a mau nota ma na ano a pau iloko o kolu malama, me ka hiki ole e koi aku i ka Hui a poho.

            6  Ua hiki no i ka mea e paa ana la pau nota aie ke kali a pau na malama eiwa mamua o ka loaa ana mai o ke kumupaa, aole e hiki ke koi aku i ka aku panee no ia manawa i waiho loihi nai la eiwa malama.

            7  Ona lilo o ka hoopuka ana i kela nau nota aie, malalo no ia o na lilo o ke aupuni Hawaii.

            8  Aole loa e kau ke kaumaha maluia o keia hui no ka uku ana aku i keia nau nota aie, i na manawa e ae, aia wale no ma ka manawa o ka bona aupuni i hoahuia ai ma ka Waihona o ka ahui: aka o ua poe bona aupuni la, aole no e kuai ia aku ia hai malalo o ka waiwai io o ka bona.

            9  E loaa no ia lakou ka mea e hoaie aku i ko lakou kumuwaiwai, a dala e ae paha a lakou i manao ai e aie aku @ke kanaka aupuni paha maloko o keia aupuni a mawaho aku paha, me ka waiwai ole e hoopaa aku ai.

            10  He mana ko lakou ke hoololi aku i ko lakou mana a pau ma keia hui i noi mai ai i ka lahui i kekahi kanaka e noho ana ma ka aina e, me ka aie ole nai o ka Moi; ke aupuni a o ka lahui paha.

            Aole he mau olelo e ae mawaho o keia e hoonui aku ai, aka aia he mau inoa iloko o keia poe hui e hiki ole ai a lakou ke komo ina i maopopo ia lakou ke ano, a i ole ia o ke kumukuai @ @ @ ka mea make a lakou e kokua ia e paa i ka puana-i o ka lahui a me ke anaina a lakou i hilinai ia ai mamua.

            Ua hooholo lokahi ia ka manao maluna ae e ka Papa, a ua kauohaia e hoopaa ma ka moolelo a e hoolaha ma na nupepa.       W. W. Hall.

                        Kokua Kakauolelo.

            ---

            Elua hanai ahuhu o ke aupuni i kupele ai, ua a ke ahi i ka waha.

           

            Ma ka la 23 o Mei i hala, ua ike ia aku ke ahi a diabalo e a mai ana i ka waha o na hanai ahuhu a ke aupuni i kupele ai o N. $20, no ka mahina, o K. hoi $2.50, no ka la, a ma ka la i hai ia maluna ua ike ia aku e hau ana ka waha i ka makani me hoki hihiu la, ua hele a luhe i ka wai a ka rama okolehao me ke gini e noi ana ma ka waha auhea ka omole o ke akua, o keia mau hanai ahuhu a ke aupuni, he makai o N. he luna hana alanui o K. mawaena o Waihee me Hakipuu kahi noho o keia mau kupalu a ke aupuni.  Ua @ au maanei nana aku o ka oala mai, alaila, kuu pau aku wau i ka loa me ka laula, e ku makaukau au no ka pane ia mai.                 AKEMALUHIA.       Koolaupoko, Oahu.

            ---

            He mea oiaio anei he ai kanaka kekahi hana a kekahi makai ku huina o kulanakauhale nei ?  a i ole, oia hana no anei a ua makai la ka inu a ona i ka rama, alaila hoopuka i na olelo ino a hooululu hakaka ?  He mau hoakaka oiaio loa keia i hoikeia maluna,, a ma ka apana o Kakaako kahi i hanaia ai keia hana i ka po Poaono i hala.  E nana koke na Poo o ka oihana makai i keia mea, a e hoopololei, no ka mea, ke hoaoia nei e hoolapuwale ka hana o ka oihana.