Ka Nupepa Kuokoa, Volume XXIII, Number 18, 3 May 1884 — Page 2
| This text was transcribed by: | Lawrence Gersaba |
| This work is dedicated to: | Judith Nalani Kahoano Gersaba |
Ka Nupepa Kuokoa
KE KILOHANA POOKELA NO KA LAHUI HAWAII.
E Hoolohe .
A e hoouna mai na makamaka a pau i na palapala e pili ana no ka nupepa ma ka inoa o ka.
NUPEPA KUOKOA.
Ka Nupepa Kuokoa
No ka Makahiki........................$2.00
No Eono Mahina....................... 1.00
- KUIKE KA RULA. -
Poaono.............................Mei 3, 1884.
Palapala a Paalua.
Mahope o ka palapala a Paalua o Koolauloa i puka iloko o keia pepa i ka Poaono i hala, ua huikau na hoakaka ana o ua Paalua nei no kekahi mau ahaanina elua i haoaiia ma ia apana. O ka ahaanina i huipu ai ko laila Lunamakaainana me ka lehulehu nana ia i koho, he ahaaina waluhia ia, aohe i ae ia na waiona, ua piha pono ke anaina a ua houoli na mea a pau: aohe ona ilaila.
Ma kahi la nae mamua iho he ahaaina okoa ka i malamaia, a ilaila kahi i ona ai pahi poe; aole ka Lunamakaainana o ka apana ma keia ahaaina; ina ilaila oia, ina ua hoahewaia ka poe ona. Ua hoikeia mai keia mau mea ia makou e ka poe i ike maka i na mea i hanaia.
Ma ka Paalua palapala o ka Poaono i hala, na hoohuikau oia i keia mau ahaaina elua, me he mea la hookahi wale no. O ke kumu o kona hana ana pela, aole makou i ike: malia paha ua kuhikewa maoli no oia; a i ole he kumu okoa paha. E pono i ka poe kakau manao no na nupepa e akahele i na mea a lakou i haku ai. a e kapae aku i na olelo oiaio ole a pau.
Kau Ahaolelo o 1884.
Elike me ka mea i kuahaua akeaia ai no ka la e weheia ai ka Ahaolelo Kau Kanawai o keia makahiki, pela no i hookoia ai, a ua wehe ka Ahaolelo i ka hora 12 o ka Poaono nei; a ma ke kahi wahi e ae o ka pepa o keia la e ike ana ko makou poe heluhelu i ka moolelo piha o na hana o ua la nei a me ka Haiolelo Alii, a me ka moolelo o ka Poakahi nei a hiki i ka Poaha. Ma ko makou nana ana i na hana koho luna nui o ka Ahaolelo, ua ike makou o ka hapanui o na luna nui o kela Kau aku nei oia no na luna nui o keia Kau, koe ka Makai nui o ka Hale oia o Samuel Nowlein, a me ka mea malama a pulumi Hale oia o Samuel Kuula. A ma ko makou nana ana i na hiona ano hooholomua i na hana ma o kekahi mau Hoala, a ano pupu a hookuanui na hana a kekahi mau Hoa. A elike me kela Kau aku aku nei ka Hon. Kamakele ka mua loa ma na Palapala Hoopii, pela no oia i keia Kau, e "moe ko kolo ana" kana mau Palapala Hoopii elike me ka @monioe o ka "uwahi" o kona apana@ A ma ko makou manao e kau mau ana imua o kona mau noonoo ana keia mau huaolelo "na k@oioi mua kadosa," pela paha oia i ae mau ai e lilo i maka mua mana Pala Hoopii mai na apana.
Ka Peresidena o ka ahaolelo.
O ke kohoia ana o ke 'lii Kapena Loke i Peresidena no ka Ahaolelo o keia makahiki, he hoike ia no kona kohoia ana me ka manao lokahi kupono a hilinai o kekahi hapa o na Hoa o ia Hale. Ma aahi malu a me na poopoo paia o ka Aale Aupuni kahi i ohumuhumu maluaia ai na hoolala ana no ke koho ana ke alii Kiaaino Keoni Kamaki i Peresidena. O ka manao o na Kuhina e kohoia o Keoni Kamaki i i Peresidena aole nae i Peresidena no ke kau holookoa aka. no ka manawa wale no a i lilo hou iaia ka hoonohonoho ana na Komite mau o ka Hale. a pau ia, alaila, i kanaka akea ae no ka hoonoia aku i Peresidena. He wahi hana ano maalea keia a ke Kuhina o ko na Aina e i hana ai a ina i ko kana mea i manao ai ina ua kani iki kana hene aka
I ka Poaono o kela pule ko makou hoikeia ana mai, ua hoouluulu ae oia he umikumamalima Hoa o ka Hale mu kona home, a noke iho la i ka okomo i ua manao iloko o lakou me ka olelo ana he kanaka mai no o Kapena Loke, aka, he mau pilikana ekolu iho iho kaho ona a he mau pilikana o ke kulana weliweli, a pela aku na olelo ana. Ma ko Kapena Loke kohoia aua, ua manao makou ua loaa he Peresidena kupono no keia kau Ahaolelo. aoai ee kulana kona o ka hoopilimeai ole i kahi a me kahi ina he Kuhina a alii aaha o ka Hale, a i ole he Hoa Lunamakaainana.
Ka moku kana Kapiolani.
Ma ke ahiahi Poaha o kela pule aku nei i lawe aihueia ai ka moku luna Kapiolani ka waiwai o Mr. J. Colbun, e ke kapena o ka moku kuna i oleloia a me ekolu luina. I ka manao o keia poe elike me na hoike ana, oia no ko lakou holo ana a hiki i kekahi mau mokupuni liilii o ka hema aku nei; ua ike koke ka ona o ka moku Luna i oleloia, a ua hele oia imua o ka Aha Kiekie e hoohiki ai i ka palapala hoopii a huli no ka poe na lakou i lawe aihue ka moku kuna, ua loaa ka palapala a ua hoolimalimaia ka mokuahi Bihopa e holo e huli i ka moku kuna, a ma ka Poaono o ia pule no i holo aku ai oia me Mr. D. Dayton umi koa me hookahi alii koa, a me hookahi pukuniahi. a malalo aku o Kauai loaa aku la ka moku kona a ua koloia mai a hiki i ke awa nei. Ua hookolokolo ua poe lawe malu la i ka moku kuna imua o ka Lunakanawai Hoomalu.
Aha Kiekiema ka Baneko.
KAU O APERILA 1884.
Ka Moi Kue ia C. Y. Aiona.
Judd C. J. Mc. Cully & Austin J. J.
Olelo Hooholo i hoopukaia o Mc. Cully J. J.
O keia kekahi o na hihia ma ka papa hihia no keia kau e noho nei, a ke noi mai nei ka Loio Kuhina e hoopau wale i ka hoohalahala ana imua o keia Aha no ka mana ole o keia aha. Ua waiho ka Lunakanawai Kiekie e malama nei i keia kau a na ka Aha piha e hooholo. He hoohlahala keia mai ka hoahewa ia ana imua o kekahi o na Lunakanawai Kaapuni ma ke keena o ka apana hookolokolo ekolu, no ke kue i ke kanawai e pili ana i ke kuai ana i na waiona. He hoohalahala laula keia ma na olelo hoike. a me ke kanawai no hoi, malalo o na hoakaka ana o ka pauku 1007 o ke Kanawai Kivila penei:
E hiki no i ka mea hoohalahala no ka olelo hooholo a ka Lunakanawai Kaapuni ma ke keena ma ka hihia kivila a karaima paha ke hoopii hou ae i ka Aha Kaapuni a i ka Aha Kiekie paha ma ka hoakaka ana i kona manao, a pela aku. Aka hoi, ina i kona manao, a pela aku. Aka hoi, ina no ka hoohalahala ana ma ka olelo hooholo a ua Lunakanawai Kaapuni nei no ke ano o ke kanawai ka hoopii hou ana, alaila, e hoolohe ia a e hooholo ia iloko o ka Aha maluna ma ka baneko. Ma ka pauku 1006 ua hoakakaia no ka hoohalahala ana mai na Lunakanawai Hoomalu a Apana paha a imua o ka Aha Kaapuni a me ka Aha Kiekie.
Ma ka nana ana i keia mau hoakaka ana e ku nei me ka hoopili ole me na kanawai e ae me he mea la aole e loaa kekahi manao e ae o keia wale no he mana no e hoohalahala ma na hihia a pau i hookolokoloia e na Lunakanawai Kaapuni me na Lunakanawai Hoomalu a Apana imua o ka Aha Kiekie a i ole ia imua o ka Aha Kaapuni elike me ka manao o ka mea hoohalahala. Oia maoli no ke ano o ma huaolelo. Aka, o ka mea i hana mau ia iloko o na makahiki he iwakalua kumamalima mai ka hana ia ana o ke Kanawai Kivila ma na hoohalahala hou ae, ma na hihia hewa ma na mea e pili ana i na olelo hoike, a nolaila, imua o ke kiure e hoolohe ia ai, ua hoohalahala ia no imua o ka Aha Kaapuni o na Apana Ekolu i na he Aha o ia ano, a imua o ka Aha Kiekie wale no ma na hihia i ulu ae Imua o na Aha Apana a Hoomalu o ka Mokupuni o Oahu, aka ua ikeia no aole i hanaia elike me keia mea mau i na wa a pau, aole nae i hoalaia ka ninau no ka mana o ka Aha mamua aku nei.
Ma ke Kanawai Kivila i kona hooholo ia ana ma ka makahi 1859 ua maheleia ke Aupuni iloko o eha apana hookolokolo, a o ka Mokupuni o Oahu ka mua, a ua hoakakaia he Aha Kaapuni no kela a me keia Apana, a me ke kau a mau kau paha o ia mau Aha. E malamai ke kau o ka Aha Kaapuni o ka Apana ekahi ma Honolulu ma ka Poalua mua o Augate o kela a me keia makahiki. Ma kekahi kanawai i apono ia ma ka la umi o Ianuali 1865 ua hoo@auia ka Aha Kaapuni o ka apana ekahi no na kumu i hoakakaia ma ke poo o ia kanawai penei: "No ka mea, no ka noho mau ana a me ka halawai pinepine o ka Aha hookolokolo Kiekie ma ka Mokupuni o Oahu, nolaila ua haule na kau o ka Aha hookolokolo Kaapuni o ka Apana ekahi a ua manaoia ua ma kehewa ia Aha Kaapuni." Ua hoakaka nae ia kanawai no na hoopii hou elike me na apana a ae ma ka hana ana i Lunakanawai Kaapuni. Ua hookahua ka aoao hoopii i ke noi mamuli o ka pauku 88 i o ke kanawai kivila, a penei ka heluhelu ana o ia pauku: "O ka mana o na Aha Kaapuni ma na hihia karainia, aia iloko o ko lakou ma i apana wale no. Ua pili no ia i na mea a pau i hoopii hou ia mailoko ae on na Aha hookolokolo apana a me na Aha Hoomalu, a i na mea hoopii mua ma na hihia e ae a pau." Ua hoole ka Aha Kiekie ma ka hihia o ka Moi kue ia Pahukoa, Oct. 1866, aole ona mana ma ka palapala hoopii (indictment) e olelo ana ua hana ka mea i hoopii'a i kekahi feloni maloko o ka apana hookolokolo eha, aole nae i lawe ia mai ia palapala hoopii imua o ka Aha mamuli o ka hoololi ia ana o kahi e hookolokolo ai. Ke oleloia mai nei o na huaolelo "imua o ka Aha Kiekie" aole i haawi ia ka pono e hoopii hou ae imua o kekahi o ia mau Aha a i ole ia imua o kekahi elike me ka manao o ka mea hoopii aka, e hoakaka ia ana kekahi mau mea kaawale elua iloko o ia pauku hookahi me na olelo ano maopopo loa ole, a e pono e manao ia o ka manao maoli o ia pauku e hoopii hou ae na hihia hoohalahala imua o ka Aha Kaapuni o ka apana kahi i ulu ae ai o ia hihia, a imua hoi o ka Aha Kiekie ina ma ka apana hookolokolo ekahi. Aka, ke olelo ia mai nei ma ke ano kue i keia manao i ka manawa i hanaia ai ke kanawai kivila he Aha Kaapuni no ma ka apana hookolokolo ekahi. Aole mau olelo e hoopololei ana i na hoopii hou a imua o ka Aha Kiekie ma ka apana ekahi wale no. Ma ka pauku 999. ua hoakaka ia na hoopii hou mai na komikina o na ala liili "a imua o ka Aha Kaapuni o ia Mokupuni, a ina ma ka Mokupuni o Oahu ka hihia, imua o ka Aha Kiekie a mahope loa mai ka hana ia ana o kekahi hoololi e ae ana e hoopii hou ae elike me ka manao o ka mea hoohalahala "imua o ka Aha Kaapuni o ia apana. a i ole ia imua o ka Aha Kiekie." Nolaila he mea maopopo i kinohi ua hoakaka maopopoia o na hoopii hou ae mai na Komikina Palena Aina a imua o na Aha Kaapuni ma na apana hookolokolo a pau, koe ka apana ekahi, a ma ia apana ua hoakaka maopopo imua o ka Aha Kiekie e hoopii hou ae. He mau mea keia e hoomaopopo ai i ka manao o ka Ahaolelo no kahi e hoopii hou aku ai, a ua hoakaka pono ia ma na huaolelo maopopo, me ka loaa ole o kekahi kanalua no ka mea i oleloia. Mamuli o ka Pauku 829 he mana ko ka Aha Kiekie ma na hihia a pau ma ke kanawai, a me ke kaulike, na hihia Kivila, a me na hihia Karaima. * * * ke lawe ia imua ona ma ka Palapala Kena mua, ma ka hoopii hou ana paha, a ma ke ano e ae paha.
Ma ko makou manao ana aole i hoohaiki ia keia mau huaolelo e na olelo o ka Pauku 881 i hoikeia maluna i haawi'a ai kekahi mana i na Aha Kaapuni no ka mea, aole i haawiia i kela mau Aha wale no. E nana likeia na pauku 829 me 881 a na ia mau pauku i haawi i ka mana ma na hihia hoopii hou i na Aha Kaapuni ma ko lakou mau apana, a i ka Aha Kiekie hoi i ka mana ma na hihia hoopii hou ma ke Aupuni holookoa.
Ua ae no ka Loio Kuhina naauao ma kona kamailio ana ua loaa no ka mana ma na pauku 1006 a me 1007 e hoopii hou mai na Aha malalo a imua o ka Aha Kaapuni me ka Aha Kiekie ma na ninau kanawai ma ka banako. Oia maoli i ike he ano o na olelo, aole nae makou i ike he ano e ae na olelo, aole nae makou i ike he ano e ae olelo, aole nae makou i ike he ano e ae na olelo e pili ana i na hoohalahala a ae.
O ka mana e hoopii hou ai, aia no ia ma ke kanawai. Ina ua haawi ke kanawai i ka mana e hoopii hou ae imua o ka Aha Kiekie, ina no ma na hihia a pau i hookolokoloia e na Iunakanawai Kaapuni, aole e hiki ia makou ke hoole ia mana ma ka nana ana i na pilikia e ulu mai ana paha ma ka mahuahua ana o na hana imua o ka Aha Kiekie, a me la lawe ana i na hoike me na mea hoopii hou imua o kekahi Aha manao ma kahi e. Aole e ae ka Aha Kiekie loa o kekahi aina i kekahi hoomaopopo kanawai ana (ina no paha ma ka hoohalike) e hoohaiki ana i kona mana.
Eia no hoi keia, ua hiki ke pane ia ka olelo no ka nui o na pilikia e ulu mai ana ma ka noonoo ana i kekahi manawa, i mea e hookoia ai ka pono ma kekahi mau ninau nui i ulu ae iloko o na hihia imua o na Aha malalo he mea pono e lawe loa ia a imua o ka Aha Kiekie loa a malaila e hooholoia ai ma ke kanawai. He nui wale na hihia i hanaia pela maloko o na buke olelo hooholo o kakou, a ua kuhikuhi mai ke kokua o ka mea i hoopiiia ia makou i kekahi o ia mau hihia. Aole makou i ike ua hoalaia ka ninau no ka mana o ka Aha ma ia mau hoopii hou ae. Ua nana no ka Aha i ka manao maoli o na pauku 1006 me 1007 me ke kanalua ole. Ma ka noonoo pono ana i keia mau mea a pau ke manao nei makou aole i ae ia kekahi manao e ae mamuli o na pauku i hoikeia mai nei ma ka aoao kue, aka, o ke ano moakaka a pohihihi ole wale no i hoakaka mua ia.
O ko makou manao ua pololei no keia hoopii hou ana mai ma keia hihia imua o makou a ke hoole ia aku nei ke noi e hoopau wale.
Popo Ono Mama (Sponge Cake.)
E wahi i na hua moa ekolu pakahi a hookaawale i ke kauo iloko o kekahi bola a kowale ikaika me akahi kiaha ti o ke ko paa. Ma ke pa nui e kowali hou me ke a i keokeo o na hua a mama loa. Ina kupono keia hoowali e hiki ke hoohuli iloko o ke pa, aka, aole e haule ke keokeo o na hua; e kowale mau ma ke ano wili maloko. E hoohui i keia mau mea iloko o ke bola a kowali me ka kahunahuna ana i akahi kiaha ti o ka palao huna. (A wela loa ka oma - e malama pono i keia rula - alaila e hookomo i keia mea.) E kau i keia mea i kowaliia a pau pono iloko o kekahi pakini oma paha, (Paking pan) pa manamana bao paha (ginepau) i kahinuia me ka aila puaa. E mao ia i ka hapalua hora ma ka pakini oma, i ka hapalua hora ma ke po manamana.
Ua nui ko makou inainaia a nukuia no hoi e kekahi kahu o na ekalesia a makou i hoolaha ai i kela pule e pili ana no ko lakou holo kahunapala no ka Hale Ahaolelo, no ko makou hoolaha ana i ko lakou mau inoa; o ka pololei pela ke ao ana mai ia makou, " na kahu mai ka Hikina, Komohana, Akau, a me ka Hema; ma ko makou nana ana i ka makou mea i hoolaha ai, aole he anapuu a aanakee o na olelo ana, aka, maluna o ke kahu pololei. Elike me ko makou noonao ana na ka hona e imi a loaa ka paahana, pela makou i manao ai na ka hana a kulana kahunapule o ka Hale Ahaolelo o imi aku i kona kahunapule: aole i like ke koho ana o ke kahunapule me ka luna nui e ae o ka Hale Ahaolelo, a aole no hoi i like na kulana me ka oihana a ma e makahehi ana na kahu ekalesia o na apana mawaho i keia hana kahuna pule no ka Ahaolelo no na mahina elua a ekolu paha. alaila pehea ana la na kihapai? Nolaila ma ko makou noonoo ana, aole no i hewa ka makou i hoolaha ai i kela pule.
Nuhou a Koolauloa.
I KE KUOKOA.
Ma ka Poaono Apr. 19, 1884. Ma ka hale noho o W. C. Lane, ua hoohui ia ma ka Berita mare o Kalaka kekahi haole o ka Lai a Ehu me Miss Kakaline Lane, kekahi o na kaikamahine a Laine ma ka home noho o kona makuakane Lane ma Makao Koolau nei e Rev. Makia. O keia ka mare maemae i malama ia ma keia Pali Koolau a malaila pu ae kekahi mau mea hanohano mai Honolulu mai, ua piha loa ke kahua i na pili makua a makamaka, a me ka poe makaikai he nui loa.
Ma ke awakea hora 12 oia la, ua malama pu ia he paina na ke anaina i akoakoa aku ilaila ua luluu launa ole i na mea ai o kela ano keia ano, ua ai a ono ka puu, ua inu a kena.
Ma ka pau ana o ka paina, ua malama ia he aha hula Hawaii.
Ma ia la no, ua mareia e Rev. Makia ke keiki Kauila me ke kaikamahine Elikapeka Keawe o Waiono. Uhene no kela Tapahiru.
Ma ke ahiahi Poalua, Apr 22, ua haule nui mai la he ku-aua koikoi no ka hapaha hora, oia hoi mawaena o ka hora 5 a me hora 6. No ka ikaika o ka ua i haule mai, ua nui na waikahe mai na pali mai, a mai lilo ka uwapo o Waiono hookahi a emi mai kapuai koe ka hohonu o na pou malalo o ke one, alaila o ka liio no ia e ole ka emi koke ana o ka wai, ua hiolo nae na aoao; ua eleu koke poe paahana ua hoopau kokeia ka pilikia; nui ka ua ma keia mau la ma Koolauloa nei, ua pau na paipu i ka nahaha, na kahawai liilii ua inoino loa, o Waimea ke kahawai oi loa aku o ke akea i keia waikahe, lealea wale ka hee puewai o ia aina.
Ma ke kakahiaka Poalua la 22, ma ka naha ana o ka muliwai o Kaluanui, ua nui na ia (ulua) i pii maloko o ia muliwai, a ua hoopuniia i ka upena e Aarona me Kamai, ua hei he elima ia (ulua) he muku ka nui, iloko o ka Aarona a me kona kokoolua upena, a no ko laua ikaika ua paa ia mau iaia laua; pela no hoi me Kamai a me kona kokoolua ua hei he ekolu mau ulua, a no ko laua ikaika ole ua lilo aku ka nui, e ole ia mau ia ola na maka pehu oia mau la ua.
NO NA EKALESIA.
Ia Wililaiki ka haiolelo ma Kawaiahao i ka la Sabati nei, ke poolelo, ma Mar. 3; 16, 17. 16 Alaila o ka poe makau ia Iehova, kamailio pu lakou kahi i kekahi, a haliu mai la o Iehova a hoolohe mai la, a ua kakauia ka buke hoomanao imua ona no lakou, no ka poe makau Iaia a me ka hoolohe i kona inoa. 17 No'u no lakou, wahi a Iehova o na kaua, I ka la au e ahu iho ai i kuu waiwai. A e lokomaikai au ia lakou elike me ka makua i ke keiki nana ia a malama.
Ia Waiamau ma Kaumakapili, ke poolelo, ma Is 48; 10. Aia hoi ua hoohee hoomaikai aku au ia oe, aole nae me ke kala, ua hoao aku au ia oe ma ka umu o ka popilikia. A ma i Pet. 1; 7. I lilo hoi ka hoao ana o ka oukou manaoio ka mea i oi aku ka maikai i ke gula pau wale, i hoaoia i ke ahi i mea e mahalo ia ai a hoomaikai ia, no ka mea, ua kokoke mai ka hiki ana mai o ka Haku.
Ma ka po iho, na Wililaiki i hai ka olelo ma Hal. 92; 12. E ulu no ka poe pono elike me ka laau pama e mahuahua no hoi elike me ka laau kedera ma Lebanona.
E halawai ana ka halawai makahiki o ka Ahahui Opiopio o Kaneohe ma ka luakini i ka la 3 o Mei.
Ma ka Poaha nei, ua waihoia he olelo hooholo imua o ka Hale e ka Hon. J. Nawahi, e kauoha ana i ka makai o ka Hale e hoolako i na Hoa mema kope o na nuaepa puka pule me puka ia o ke kulanakauhale nei, a me ka nupepa puka mahina. Ua nui na kamailioia ana maluna a keia ololo hooholo, a ua kamailioia maluna o na kumuhana e hoapono a e kue ane i ka olhlo heohelo, a no ka hope ua hoihoi hou o Nawahi i ka olelo hooholo Aole a makou olelo pane no keia mea aia wale no ia lakou.
O William Taylor kekahi o na haole i komo kolohe ka halekuai rama Keystone, a i hoopaahaoia iho nei, ua holo mahuka oia mailoko aku o ka haina paahao ma kahi hana. A i ka huliia ana ua loaa aku la iloko o ka lua lanahu maluna o ka moku kalepa Birmak.
NA HOOLAHA HOU.
(@ @)
ILOKO o ka Aha Hookolikolo Kiekie o ke Aupuni Hawaii.
KALAKAUA, ma ka lokomaikai o ke Akua, o ko Hawaii Pae Aina. Moi. Ia William C. Parke Esquire. Ilamaku o ke Aupuni a i ole i kona Hope. Me ka mahalo:
Ke kauohaia aku nei oe e kii aku ia LOUISA GRACE BROWN ka mea i hoopuiia, ina e waiho mai ana oia i kana pane i kakauia iloko o na ia he iwakalua mahope iho o ka hookoia ana o keia palapala kii e hele mai imua o ka Aha Hookolokolo Kiekie, ma ke Kau o APERILA o ua Aha la e malamaia ana ma ke Keena Hookolokolo o ka Hale Hookolokolo ma Honolulu mokupuni o Oahu. ma ka POAKAHI la 7 o APERILA e hiki mai ana. ma ka hora 10 kakahiaka, e hoike mai i ke kumu e ae ole ia ai ke nou a Robert Brown ka mea hoopii. e like me ka mea i hoakakaia maloko o ka palapala hoopii i pakuiia me keia. A e hoihoi mai oe i keia palapala kii me ka hoike piha o kau mau hana ma ia mea.
Ikea ka mea Hanohano A. FRANCIS JUDD. Lunakanawai Nui o ko Makou Aha Sila Hookolokolo Kiekie. ma Honolulu, i keia la 15 o Maraki M. H. 1884.
(Inoa) HENRY SMITH. Hope Kakauolelo.
Ua imi pono no aa ia LOUISA GRACE BROWN ka mea i oleloia maloko o keia palapala kii a oiai aole oia i loaa maloko o keia Aupuni nolaila, ke hoihoi aku nei au i keia palapala kii me ka palapala hoopii i pakuiia me ko hooko ole ia.
(Inoa) W. C. PARKE. Ilamuku.
Honolulu, March 19, 1884.
KO HAWAII PAE AINA. ) SS
Oahu. )
Ke hoike nei au ma keia. o ka palapala maluna ae, he kope oiaio ia o ka palapala kii i hoopukaia ma ka hihia oki mare o Robert Brown kue ia Louisa Grace Brown, a me ka hoike a ka Hamuku no ia mea, a ua kauoha ka Aha Kiekie ma ka la 12 o Aperila M. H. 1884 e hoopanee i ka hihia a ke Kau o Iulai M. H. 1884 o ka Aha Kiekie, a e hoolahaia ka palapala kii oleloia e like me ka mea i hoakakaia ma ke kanawai.
I hoike no keia ke kau nei au ko'u lima a me ke Sila o ka Aha Kiekie ma Honolulu i keia la 12 o Aperila, M. H. 1884.
Sila
WILLIAM FOSTER. kakauolelo, Aha Kiekie 1160 6t
(POO AUPUNI.
ILOKO o ka Aha Hookolokolo Kiekie o ke Aupuni Hawaii.
KALAKAUA, ma ka lokomaikai o ke Akua. o ko Hawaii Pae Aina, Moi.
Ia William C. Parke Esquire, Ilamuku o ke Aupuni, a i ole i kona Hope. Me ka mahalo:
Ke kauohaia aku nei oe e kii aku ia EMELIA WISEMAN ka mea i hoopiiia, ina e waiho mai ana oia i kana pane i kakauia iloko o na la he iwakalua mahope iho o ka hookoia ana o keia palapala kii e hele mai imua o ka Aha Hookolokolo Kiekie, ma ke Kau o Ianuari o ua Aha la e malamaia ana ma ke Keena Hookolokolo o ka Hale Hookolokolo ma Honolulu mokupuni o Oahu, ma ka POAKAHI, la 7 o IANUARI e hiki mai ana, ma ka hora 10 kakahiaka, e hoike mai i ke kumu e ae ole ia ai ke noi a Jos. E. Wiseman ka mea hoopii, e like me ka mea i hoakakaia maloko o ka palapala hoopii i pakuiia me keia. A e hoihoi mai oe i keia palapala kii me ka hoike piha o kau mau hana ma ia mea.
Ikea ka Mea Hanohano A. FRANCIS JUDD, Lunakanawai Nui o ko Makou Aha Hookolokolo Kiekie, ma Honolulu, i keia la 5 o Dekemaba M. H. 1883.
Sila
(Inoa) WILLIAM FOSTER. Kakauolelo.
Ua imi au ia EMELIA WISEMAN ka mea i oleloia maloko o keia Palapala Kii, a ho kona loaa ole maloko o keia Aupuni nolaila, ke hoihoi aku nei au i keia palapala kii me ka hooko ole ia.
(Inoa) W. C. PARKE, Ilamuku.
Honolulu, Dekemaba 28, 1883.
KO HAWAII PAE AINA, ) SS
Oahu. )
Ke hoike nei au ma keia, o ka palapala maluna ae, he kope oiaio ia o ka palapala kii i hoopukaia ma ka hihia oki mare o J. E. Wiseman kue ia Emelia Wiseman, a me ka hoike a ka Ilamuku no ia mea, a ua kauoha ka Aha Kiekie ma ka la 12 o Aperila, M. H. 1884, e hoopanee i ka hihia a ke Kau o Iulai M. H. 1884 o ka Aha Kiekie, a e hoolahaia ka palapala kii i oleloia e like me ka mea i hoakakaia ma ke kanawai.
I hoike no keia ke kau nei au i ko'u lima a me ke Sila o ka Aha Kiekie ma Honolulu i keia la 12 o Aperila M. H. 1884.
Sila
WILLIAM FOSTER, Kakauolelo, Aha Kiekie. 1169 6t.
[POO AUPUNI.]
ILOKO o ka Aha Hookolokolo Kiekie o ke Aupuni Hawaii.
KALAKAUA, ma ka lokomaikai o ke Akua, o ko Hawaii Pae Aina, Moi. Ia William C. Parke Esquire, Ilamuku o ke aupuni, a i ole i kona Hope. Me ka mahalo:
Ke kauohaia aku nei oe e kii aku ia ALINA (P.) ka mea i hoopiiia, ina e waiho mai ana oia i kana pane i kakauia iloko o na la he iwakalua mahope iho o ka hookoia ana o keia palapala kii e hele mai imua o ka Aha Hookolokolo Kiekie, ma ke Kau o Ianuari o ua Aha la e malamaia ana ma ke Keena Hookolokolo o ka Hale Hookolokolo ma Honolulu Mokupuni o Oahu, ma ka POAKAHI la 7 o IANUARI e hiki mai ana, ma ka hora 10 kakahiaka, e hoike mai i k kumu e ae ole ia ai ke noi a Maria Kamohai ka mea hoopii, e like me ka mea i hoakakaia maloko o ka palapala hoopii i pakuiia me keia. A e hoihoi mai oe i keia palapala kii me ka hoike piha o kau mau hana ma ia mea.
Ikea ka Mea Hanohano A. FRANCIS JUDD. Lunakanawai Nui o ko Makou Aha Hookolokolo Kiekie, ma Honolulu, i keia la 15 o Maraki M. H. 1884.
Sila
(Inoa) HENRY SMITH, Hope Kakauolelo.
Mahope o ka imi pono ana ia ALINA (P.) ka mea i oleloia ma keia palapala aole poa i loaa iki, oiai aia oia mawaho aku o keia Aupuni elike me ka mea i hoikeia ma ka leta.
(Inoa) W. C. PARKE. Ilamuku.
Honolulu, Feberuari 9, 1884.
KO HAWAII PAE AINA, } SS
Oahu. }
Ke hoike noi au ma kela, o ka palapala maluna ae, he kope oiaio ia o ka palapala kii i hoopukaia ma ka hihia oki mare o Maria Kamohai kue ia Alina (Pake.) a me ka hoike a ka Ilamuku no ia mea, a na kauoha ka Aha Kiekie ma ka la 12 o Aperila M. H. 1884 e hoopanee i ka hihia a ke Kau o Iulai M. H. 1884 o ka Aha Kiekie, a e hoolahaia ka palapala Lii i oleloia e like ma ka mea i hoalakaia ma ke kanawai.
I hoike no keia ke kau nei au i ko'u lima a me ke Sila o ka Aha Kiekie ma Honolulu i keia la 12 o Aperila M. H. 1884.
Sila
WILLIAM FOSTER. Kakauolelo Aha Kiekie. 1169 6t
OLELO HOOLAHA.
E ike auanei na kanaka a nou ke nana mai keia Olelo Hoolaha, owau o Apoe (Pake) kai kaina ponoi o lakoka (Pale) ua hookohu ponoia mai au i hope malama a hooponopono no Lona mau waiwai a pau, oiai na hoi aku nei oia i Kina. Ma keia ke hoolahaia aku nei, o ka poe a pau i aie oaoa, e hookaa koke mai la kou i ko lakou mau aie ia'u iloko o na mahina elua mai ka la e puka aku nei keia Olelo Hoolaha, a i ole, e hoopilia no lakou ma ke kanawai. Haa kekahi. aole loa au e ae e hookau i kekahi aie i hoaie ia ma ko'u inoa, ke ole e lo ai aku ae hoapono ana mai ia'u aku. E lilo keiai kanawai mai keia la aku.
Hanalei, Kauai, Iune 11, '83. 1124 1.
NO HOOLAHA HOU.
[POO AUPUNI.]
ILOKO o ka Aha Hookolokolo Kiekie o ke Aupuni Hawaii.
KALAKAUA. ma ka lokomaikai o ke Akua. o ko Hawaii Pae Aina. Moi. Ia William C. Parke Esquire, Ilanuku o ke Aupuni, a i ole i kona Hope. Me ka mahalo.
Ke kauohaia aku nei oe e kii aku ia ARTHUR A. B. ELLIOTT ka mea i hoopiiia, ina e waiho mai ana oia a kana pane i kakauia iloko o na la he iwakalua mahope iho o ka hookoia ana o keia palapala kii e hele mai imua o ka Aha Hookolokolo Kiekie ma ke Kau o Ianuari o ua Aha la e maiamaia ana ma ke Keena Hookolokolo o ka Hale Hookolokolo ma Honolulu Mokupuni o Oahu. ma ka POAKAHI la elike o IANUARI e hiki mai ana, ma ka hora io kakahiaka. e hoike mai i ke kumu e ae oie ia ai ke noi a Kipola (w.) ka mea hoopii, elike me ka mea i hoakakaia maloko o ka palapala hoopii i pakuiia me keia. A e hoihoi mai ae i keia palapala kii me ka hoike o kau mau hana ma ia mea.
Ikea ka Mea Hanohano A. FRANCIS JUDD. Lunakanawai Nui o ko Makou Aha Hookolokolo Kiekie. ma Honolulu. i keia la 15 o Maraki M. H. 1884.
Sila
(Inoa) HENRY SMITH. Hope Kakauolelo.
Ua hoi pono ia o Arthur A. B. Elliott ka mea i oleloia ma keia palapala. a no kona loaa ole maloko o keia Aupuni. ke hoihoi aku nei au i keia palapala kii me ka hooko ole ia.
(Inoa) W. C. PARKE. Ilamuku.
Honolulu, Novemaba 23, 1883.
KO HAWAII PAE AINA, } SS
Oahu, }
Ke hoike nei au ma keia. o ka palapala maluna ae. he kope oiaio ia o ka palapala kii i hoopukaia ma ka hihia oki mare o Kipola kue ia Arthur A. B. Elliott, a me ka hoike a ka Ilamuku no ia mea, a ua kauoha ka Aha Kiekie ma ka la 12 o Aperila M. H. 1884 e hoopanee i ka hihia a ke Kau o Iulai M. H. 1884 o ka Aha Kiekie, a e hoolahaia ka Palapala Kii i oleloia e like me ka mea i hoakakaia ma ke kanawai.
I hoike no keia ke kau nei au i ko'u lima a me ke Sila o ka Aha Kiekie ma Honolulu i keia la 12 o Aperila M. H. 1884.
Sila WILLIAM FOSTER.
1160 6t Kakauolelo Aha Kiekie
HOOLAHA WAAPA KUAI: - E loaa no o A. LAUTON PAKE ma Waikiki iho o ka pa Halepule o Kaumakapili. ma na HELU 11 me 12, Alanui Beritania. Honolulu, i na hoa kanaka a pau i makemake e kuai Waapa Huelopoko nui, maikai. a paa kupono i na keiki aukai o Lahaina, Maui, Molokai, Lanai, a me na wahi a puni ka Paeaina. Kumukuai, 90 dala wale no. He loko i na mea e pono ai ka holoholo ana, oia hoi keia: Pea, kaula, na pine, me na hoe, wau la, oluolu ke aila mai oukou. 1169 2t.
HOOLAHA HOOKAPU: - Ke papaia aku nei na ano lahui kanaka a pau i kuleana ole maluna o na kai lawaia o Waialae-nui a me Waialae-iki aole e hele a hehi wale maluna o ua mau Kai lawaia la, ke loaa ole aku ka aeia mai ko makou Hui aku. Ina o ka poe i kue i ko makou pono, e hoopii no makou elike me ke kanawai o ka aina.
AKIMA, no ka Hui o TONG WO & Co. 1169 4t.
MA KE KEENA O KA LUNAKANAWAI KAAPUNI Apana Elua o ko Hawaii Pae Aina. Ma ka Waiwai o KALEI MAKALII (k.) no Kipahulu, Maui. i make.
Ua heluheluia a ua waihoia ka palapala noi a J. E. Lyons, e noi ana e hoonoho ia i Luna Hooponopono no ka Waiwai o Kaleimakalii (k.) no Kipahulu, Maui i make.
Nolaila ke kauohaia 'ku nei na kanaka a pau ke pili, o ka POAHA, oia ka la 22 o MEI 1884 ma ka hora 1 ahiahi, ma ka hale hookolokolo ma Wailuku, oia ka la a me kahi i kohoia no ka hoolohe ana i ua nonoi la a me na mea kue ke hoikeia.
ABR. FORNANDER.
Lunakanawai Kaapuni Apana Elua H. P. A.
Hana, Aperila 12, 1884. 1169 3t.
MA KE KEENA O KA LUNAKANAWAI KAAPUNI Apana Elua o ko Hawaii Pae Aina. Ma ka Waiwai o KAUMANA (k.) no Hamakua-poko, Maui i make.
Ua heluheluia a ua waihoia ka palapala noi a Kaleikini e noi ana e hooponoponoia ka waiwai o Kaumana (k.) no Hamakua-polo, Maui, i make kauoha ole a e hooholoia i na hooilina.
Nolaila ke kauohaia ku nei na kanaka a pau ke pili, o ka POAKAHI, oia ka la 26 o MEI 1884, ma ka hora 1 ahiahi ma ka hale hookolokolo ma Makawao, oia ka la a me kahi i kohoia no ka hoolohe ana i ua nonoi la a nie na mea kue ke hoikeia.
ABR. FORNANDER.
Lunakanawai Kaapuni Apana Elua H. P. A.
Hana, Aperila 12, 1884. 1169 3t.
MA KE KEENA O KA LUNAKANAWAI KAAPUNI Apana Elua o ko Hawaii Pae Aina. Ma ka waiwai o WM. CLAUDE JONES no Wailuku, Maui. i make.
Ua heluheluia a ua waihoia ka palapala noi a Th. W. Everett e noi ana e hoonohoia i Luna Hooponopono no ka waiwai o William Claude Jones no Wailuku, Maui i make.
Nolaila ke kauohaia ku nei na kanaka a pau ke pili, o ka POAHA, oia ka la 22 o MEI 1884, ma ka hora 10 kakahiaka, ma ka hale hookolokolo ma Wailuku, oia ka la a me kahi i kohoia no ka hoolohe ana i ua nonoi la a me na mea kue ke hoikeia.
ABR. FORNANDER.
Lunakanawai Kaapuni Apana Elua H. P. A.
Lahaina, Aperila 5, 1884. 1169 3t.
MA KE KEENA O KA LUNAKANAWAI KAAPUNI Apana Elua o ko Hawaii Pae Aina. Ma ka Waiwai o PAAOAO (k.) no Kipahulu, Maui, i make.
Ua heluheluia a ua waihoia ka palapala noi a Kamai, e noi ana e koho ia i mau Komisina nana e mahele ka waiwai paa o Paaoao (k.) no Kipahulu, Maui, i make iwaena o na hooilina.
Nolaila ke kauohaia 'ku nei na kanaka a pau ke pili, o ka POALUA, oia ka la 27 o MEI 1884, ma ka hora 9 kakahiaka, ma ka hale hookolokolo ma Makawao, oia ka la a me kahi i kohoia no ka hoolohe ana i ua nonoi la a me na mea kue ke hoike ia.
ABR. FORNANDER.
Lunakanawai Kaapuni Apana Elua H. P. A.
Hana, Apr. 15, 1884. 1169 3t.
MA KE KEENA O KA LUNAKANAWAI KAAPUNI Apana Elua o ko Hawaii Pae Aina. Ma ka Waiwai o na keiki oo ole a ISALAELA (k.) no Pauwela, Hamakualoa, Maui, i make.
Ua heluheluia a ua waihoia ka palapala noi a S. N. Kealawai opio (k.), ke Kahu o na keiki oo ole a Isalaela (k.) no Pauwela, Hamakua-loa, Maui, i make, e noi ana e hoapono ia kana Moo-Waiwai, a e nookuu ia, a e hooholo ia ka waiwai i na hooilina.
Nolaila ke kauohaia 'ku nei na kanaka a pau ke pili, o ka POAKAHI oia ka la 26 o MEI 1884, ma ka hora 10 kakahiaka, ma ke hale hookolokolo ma Makawao, oia ka la a me kahi i kohoia no ka hoolohe ana i ua nonoi la a me na mea kue ke hoike ia.
ABR. FORNANDER.
Lunakanawai Kaapuni Apana Elua H. P. A.
Hana, Apr. 12, 1884. 1169 3t.
MA KE KEENA O KA LUNAKANAWAI KAAPUNI Apana Elua o ko Hawaii Pae Aina. Ma ka Waiwai o I. M. CROWELL no Paia, Makawao, Maui, i make.
Ua heluheluia a ua waihoia ka palapala noi a S. E. Chillingworth e noi ana e hoonoho ia i Luna Hooponopono no ka waiwai o o I. M. Crowell no Paia, Makawao, Maui i make kauoha ole.
Nolaila ke kauohaia 'ku nei na kanaka a pau ke pili, o ka POALIMA, oia ka la 23 o MEI 1884, ma ka hora 9 kakahiaka. ma ka hale hookolokolo ma Wailuku, oia ka la me kahi i kohoia no ka hoolohe ana i ua nonoi ia a me na mea kue ke hoikeia.
ABR. FORNANDER.
Lunakanawai Kaapuni Apana Elua H. P. A.
Hana, Apr. 12, 1884. 1169 3t.
NA HOOLAHA HOU.
OLELO HOOLAHA: - E ike ana@ kanaka a pau ua papaia aole e @ wale na kanaka ma na kula o Kealia. K @ malo. a me Anahola. ke ae ole ia @ mea nona ka inoa malalo iho. a o ko@ paha. A e hopuia auanei a e hoop@ kanawai na mea a pau i loaa ma keia @ me ke kuleana ole.
WM. BLAISDELL.
Luna No @
Kealia, Maraki 10, 1884. 11@
MA KE KEENA O KA LUNA@ WAI KAAPUNI Apana @ Hawaii Pae Aina. Ma ka waiwai @ TENNENT o Hilo, Hawaii, i make.
Ua heluhelu a na waihoia ka @ ma ka hoike hope a C. N. A@ Richardson na Luna hooko no ka p@ noha hope a Hugh Tennent. na H @ i make, e noi ana e ae ia he $@ a he $ @ i loaa mai. a e nana ia @ pono ia ko laua hoike, a e hoa @ wai i koe i na hooilina. a e hook@ na hope ma ka oihana.
Nolaila na kauohaia i na mea a p@ ka POAKOLU oia ka la 14 o MEI @ hora umi o kakahiaka, ma ka Hale @ kola ma Hilo, oia kahi a me ka @ hoia no ka hoolohe ana i ua @ kue ke hoikeia. F. S. LYMAN.
Lunakanawai Ka@
Hilo, Hawaii. Apr. 10, 1884. 1@
MA KE KEENA O KA LUNAKANAWAI KAAPUNI Apana @ Hawaii Pae Aina. Ma ka @ THOMAS SPENCER opio, no Hilo, Hawaii.
Ua heluheluoa a ma waihoia ka @ a Thomas Spencer ke Kahu Malana W@ o Thomas Spencer opio, he keiki @ Hilo, Hawaii, e noi ana e haawi ia @ iaia e kuai lilo ka aku ka aina o ua @ oia hoi ka aina i kapaia o Haa@ Hawaii.
Nolaila, ua kauohaia i na mea a pau @ ka POAKOLU, oia ka la 14 o MEI, 1884 ka hora umi o kakahiaka, ma ka Hale @ kohoia no ka hoolohe ana i ua noi ia @ mea kue ke hoike ia.
F. S. LYMAN.
Lunakanawai Kaapuni.
Hilo, Hawaii. Apr. 9, 1884. 1108 @
OLELO HOOLAHA: - E ike mai @ mea a pau, owau o MEHEKULU@ no Kailua, Koolaupoko, mokupuni Oahu @ lilo iho nei ia 'u ka aina o Kailaka@ ka hoolimalima iloko o na makahiki el@ he $150 o ka makahiki hookahi. e hoo@ ana ma ka la mua o Mei ka hoolimalima. Nolaila, aole o oukou kuleana i koe e ka H@ ina he mau lio hoolimalima ka oukou @ nei, alaila. e lawe oukou ia mau lio ma ka@ Ua koho aku au ia Keoni Pawa i luna p@ no ka aina. A no ka oiaio, ke kau @ ko'u inoa i keia la 14 o Aperila, 1884.
H. C. MEHEKULE
Kawaiahao, Honolulu. Apr. 14, 1884. 1168 3t.
.
HOOLAHA HOOKAPU AINA: @ ka mea nona ka inoa malalo, ke @ kapu a ke papa aku nei i ka poe a pa@ ka lakou mau holoholona, aole e h@ hele hewa maluna o na kuleana ania o K@ (w.) oia ke kuleana pa hale oia Kauhak@ ke kuleana mahiai o Hookena. Ua hook@ pu ia aku no hoi o J. Nahinu i luna n@ hopu a e hoouku i na holoholona hele hewa a pau, a he mana kona e hoopii ma ka kanaw@ ma ka inoa o ka mea nona ka inoa malalo. O na apana kuleana aina i hoikeia maluna. ua lilo ia i ka mea nona ka inoa malalo.
KAMIKI AEA.
Honolulu, Apr. 7, 1884. 1107 4t.
$25 MAKANA!
E uku ia no ka makana i haiia maluna i @ mea a mau mea paha, a e hopa ana paha @ KAONA he Paahao i mahuka mailoko a@ ka laina o na Paahao e hana nei ma Ainah@ ma ka la 8 o Apr. a penei kona ano: Ua @nauia o Kaona ma Hawaii, he lauoho ul@ puhuluhulu, he mau maka uliuli. he 5 kap@ me 7 iniha kona kiekie, a he 28 ona mau @ kahiki aole no hoi i mare wahine. W. C. PARKE@
Ilamuku.
Keena Ilamuku. Apr. 9, 1884. 1107 4t.
KUAI A KE KAHU MALAMA WAIWAI.
@
@ HE WAIWAI PAA
@ MA KE ALAHUI NUUANU.
@
Ma ka kauoha a A. J. Cartwright @ Kahu Malama Waiwai o na Keiki @ S. Ellio@ malalo o ke kailoha a @ka @ha Kiekie @ mai ana ka mea nona ka inoa @ lo wa@ kuai kudala akea ma ka
POAONO, MEI 7, 1884.
ma ka hora 12 o ke awakea ma ko'u @ dala o keia apana aina e waiho la ma k@ nui @ nuami. a e pili pu la me ka aina h@ aupuni. a ma keia aoao mai, o ka aina a @ wai hoi o E. B. Friel @ oia no ka apana au@ hoakaka pihaia ma ka Palapala Sila Niu @ 1817, Kuleana Helu 1607 elike me kela @ lo iho @
E hoomaka ana ma ke kihi Komite pili@ me ke alanui Nuuanu a me ka aina o k@ hea i lilo i ke aupuni a e holo ana Hem@ Hik. 195 pauku e pili ana me Kumuhea@ aupuni, a hiki i ke kihi Hem. o keia aina @ la Akau 59 Hik. 240 pauku e pili ana @ Hoopauia no ke aupuni a hiki i ke kihi H@ keia aina, alika Akau 48 Kom. 309 pau@ pili ana me ko Umiumi no ke aupuni a h@ ke alanui Nuuanu alaila Hem. 31 Kom@ pauku e pili ana me ka lihi Hema o ke @ a hiki i ka hoomaka ana, nona ua ek@ 60 - 100. He aina keia e waiho pono nei @ ka puu maluna aku o ka Uwapo Elua @ wahi kupono no ke kukulu hale. Dala K @ I ka mea kuai na lilo no ka ka palapala.
E. P. ADAMU.
Lana Kudala. 1168 4t.
HOOLAHA HOOKAPU KAI LAWAIA : - E ike auanei na kanaka a @ ke nana mai i keia. O makou o na mea @ na inoa malalo iho nei. Ke papa a ke h@ okap@ loa aku nei makou i na kanaka a me @ wahine a me na mea a pau, aole e hele wa@ a lawaia i ko makou mau kai-kohola i hoolimalimaia e makou. Oia na kai o Punuo@ me Kamaemae a me Kaohoie, ma Koolau, Kauai nei.
O ka mea kue i keia hookapu ana a hele @ lawaia, e hopu uo ko makou Luna a makou @ hookohu aku ai, oia o Kaukaul@ a na ke kanawai ka hana. A e lilo keia i kanawai @ rula no ko makou mau kai lawaia mai ka @ puka ai ma ka NUPEPA KUOKOA.
Hanaia i keia la 7 o Aperila, 1884.
KAHULA.
KAUHAAHAA.
REBEKA. 1168 3t.
OLELO HOOLAHA: - E ike auanei na kanaka a pau ua papaia aole e h@ wale na kanaka ma na kula a me na kuahiwi o Kapaa, Waipouli, a me Olohena, ke ae ole a mai e ka mea nona ka inoa malalo iho, a o ke na hope paha. A e hopuia auanei a e hoopa ma ke kanawai na mea a pau i loaa ma keia mau aina me ke kuleana ole.
GEO. H. DOLE.
Luna Nui o Kapaa
Kapaa, Maraki 19, 1884. 1104 @
MA KE KEENA O KA LUNAKANA KAAPUNI Apana Elua o ko Hawaii Pae Aina. Ma ka Waiwai o NAHEANA (k.) no Kula, Maui, i make kauoha ole.
Ua heluheluia a ua waihoia ka palapala noi a M. Keanu, e noi ana e hooponopono ia la waiwai o Naheana (k.) no Aapueo, Kula, Maui, i make kauoha ole, a e hooholo ia i ma hooilina.
Nolaila ke kauohaia 'ku nei na kanaka a pau ke pili, o ka POAKAHI, oia ka la 20 o MEI 1884, ma ka hora 9 kakahiaka, ma ke hale hookolokolo ma Makawao, oia ka la a me kahi i kohoia no ka hoolohe ana i na nonoi la a me na mea kue ke hoikeia.
ABR. FORNANDER,
Lunakanawai Kaapuni Apana Elua H. P. A.
Hana, Apr. 12, 1884. 1169 3t.