Ka Nupepa Kuokoa, Volume XXIII, Number 17, 26 April 1884 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

@UKE XXIII, HELU 17.     HONOLULU, POAONO, APERILA 26, 1884.      NA HELU A PAU, 1169.

 

NA HOOLAHA KUMAU.

AIKAI KA HOI KA PAPA

 

A ME

A LAAU O KOU HALE!

 

NOHEA LA?

 

KA I NO HOI NO KAHI O

 

WAILA MA!

 

NA @ @O HOI IA IA, OHI KA IO O @KA IO O KA MAU O MAKAWAO I KA UA MEA O @

 

A PAPA! NA PAPA!

 

A ME

NA PONO KUKULUL HALE

 

O na Ano no a Pau.

 

AIA MA KE KIHI O NA ALANUI

 

@apu me Moiwahine,

 

HONOLULU

 

Iune loaa ai e like me kamakeinake no ke

 

KUMUKUAI MAKEPONO LOA.

 

PAPA! PAPA! PAPA!

 

NA PAPA HULUHULU,

NA PAPA MANOANOA,

NA PAPA I KAHIIA,

NA PAPA KEPA.

PAPA HOLE KEOKEO,

PAPA HOLE ULAULA.

 

Na Laau,Na Laau,

 

NA KUA,

NA KAOLA,

NA AAHO,

NA MOLINA,

NA PEAPEA.

 

PINE HULUHULU

PINE I KAHIIA.

 

NA PAPA A ME NA LAAU ULAULA.

 

PILI ULAULA,

PILI KEOKEO,

PANI PUKA,

PUKA ANIANI,

PANI PUKA ANAI,

PUAK OLEPELEPE,

 

PENA

 

ONA ANO A PAU.

 

Iulu Pena mai ka liilii a ke nui,

Aila Pena,

Aila Hoomaloo,

Waniti, Pate,

 

NA LAKO O KELA A ME KEIA ANO.

 

NA AMI PUKA HALE,

NA AMI PUKA PA,

ANIANI

 

PEPA HALE A ME NA LIHILIHI,

 

E loaa no malaila.

 

PAAKAI HELU I,

 

-0-

 

KAKAAKO ME PUULOA.

 

            No ke Dala Kuike e loaa no na mea a pau i @aina ae la mo ke Kamukuai Emi Loa.  O na Kauoha mai Hawaii a Niihau, e loaa aku no pikaka hooko pololeila.  E kipa nui laila i ike @ oiaio.                                                                     903 tf.

 

NA HOOLAHA KUMAU.

 

PAPA! PAPA!

 

--NO—

 

ALLEN & ROBINSON

 

Ua wehe ae n@ maua

 

PA KUAI PAPA,

 

--NA—

 

Ka U@apo o Pakaka.

 

Na Papa Ulaula o na ano a pau,

Na Papa Paina o na ano a pau,

Na Pili Hale Ulaula,

Na Pili Hale Keokeo,

Na Pepa Molina,

Na Pepa Hoonani Hale.

 

Nu Pena a me na Aila Pena!

 

Na kui o na ano a pau.

 

Na Pani Puka a me

 

Na Pani Puka Aniani,

 

Na Pani Puka a me

 

Na Olepelepe.

 

NA LAKO KUKULU HALE

 

O NA ANO A PAU!

 

E kuaiia ma

 

KE KUMUKUAI HAAHAA LOA

 

O keia Makeke,

 

PAPA! PAPA!

 

AIA MA KAHI O

 

LEWERS & COOKE,

 

(O LUI MA)

 

ma ke kahua kahiko ma alanui Papu a me Moi.

 

E loaa ai na

 

PAPA NOUAIKI.

 

o kela a me keia ano.

 

Na Pani Puka, Na Puka Aniani, Na Olepelepe,

Na Po@, Na O a, Na Papa Hele, Na Papu

Ku, A me na Papa Moe nui loa

 

Na Pili o na Hale o na Ano a Pau.

 

Na Pepa Hoonani, Na Pena o na Wai e pau,

Na Kui mai ke Nui a ka Makalii, Na Ami

Puka, Na Ami Puka Aniani, Na Ami

o na ano a pau, Na Aila Pena, o

kela me keia ano Na Aila Hoomaloo, he lehulehu wale,

Na Aila e ae o na ano a pau.

 

NA WAI VANIKI

 

A ME NA

 

WAI HOOHINUHINU NANI!

 

O NA ANO A PAU LOA.

 

WAI BALAKI ANO NUI WALE.

 

A ke hai ia aku nei ka lono i na Makamaka a pau, ua makaukau keia mau Makamaka o oukou e hoolawa aku ma na mea a pau e pili ana ma ka laua oihana

 

--NO KA—

 

UKU HAAHAA LOA.

 

E like me ka mea e holo ana mawaena o

Laua a me ka MEA KUAI.

 

E Hele mai!  E na Makamaka!!

 

A e lawa no hoi ko oukou makemake

me ka oluolu a me ka maikai.

 

LOLE MAKEPONO

 

Ke Kuike e loaa no ia ma kahi o

 

Kakela me Kuke.

 

--E laa na—

 

AHINAHINA, KALAKOA.  KEOKEO, LEPONALO, ENA, AILA, AILA HONUA, ANIANI.

 

NA MEA PIULA,

 

Kopa, Aila Hoomaloo, Kui Kakia, Pa keke, Tabu Kaula, Noho Lio, Hulu Palahi, na Palumi, ahe agena no na mokupuni o Hawaii neino na Lainakini-nao

 

Lainakini Maoli, Ki-lika, Palule Kalakoa, Alapia, Kelepa, Na Lole kupono i ka wawae, Palule Huluhulu, Na Lole Huluhulu, Na ka hoohelo ana, Li Lole no pini, Lihilihi, etc.

 

A ME NA

 

Mikini Humuhumu

 

MAKEPONO LOA.

 

A he mau

 

MEA AI KAHI:

 

KAPALAOA, KOPAA RAIKI, PIA, HOOHU PAAKAI, HUAALA, PIA KULINA, KOPE,

 

--A HE—

 

Laau Lapaau Kaulana Loa

 

A DR. JAYNE,

 

LAAU HOOMAEMAE KOKO

LAAU HOOPAU NAIO,

PENIKILA, HUAALE,

LAAU KUNU

 

@ @ Laau Hamo, a Pela ‘ku

                                                                                    @ tf

 

OWAU A ME IA;

 

--A I OLE,--

 

OIA NO ANEI?

 

HE MOOLELO KAMAHAO!

 

            MAHOPE iho o kekahi mau la mai ka nalo ana aku o Adelaide, huli hoi aku la kona makuakane no kona aina ma Nu Ioka, a owau hoi, noho iho la no au i kahi a makou i noho ai, me ka hele mau ana i kela la a i keia la e nana i ka luakupapau o kuu kaikuahine.

 

            No kona makuakane ua hala aku oia no’u iho, eia no oia me a’u, koe wale no ko’u ike ole aku iaia.  E like me ko’u noho pu ana me ia iloko o kona mau ehaeha a pau, pela no au i noho iho ai e kiai iaia, oiai ua pau kona mau ehaeha ana.

 

            Ia’u e hele mau ana ma ka luakupapau o Adelaide i kela la a i keia la e makaikai ai, he nui wale ka poe i nana mai mahope o’u me na helehelena hoalohaloha, no ko lakou ike mai ua luuluu ko’u mau nanaina.  No kekahi mau manawa lehulehu wale ua loaa aku ia’u e waiho mokaki ana na pua a me na lei maluna o ka luakupapau, me he la o ka waiho ia ana iho no ia mamua o ko’u hiki ana aku, a i ko’u manao iho, no ke aloha o na kamaaina i ko’u mau helehelena ke kumu o keia hoonani mau ia ana o ka luakupapau o kuu kaikuahine.

 

            I kekahi ahiahi, mahope iho o ka haule ana o kekahi kuaua nui nana i kipaku ia’u e hoi la okoa ma ko’u walu noho, ua haawi ia mai la ia’i kekahi pepa inoa, meka hahai pu ia mai ke kali nei kekahi keonimana ma kekahi rumi okoa aku o ua hale nei no ka makemake ana e ike ia’u.  Mamua aku o keia manawa ua hoao mau wau e pale aku i ka halawai ana me na mea a pau e makemake ana e ike ia’u—a o ka hapanui o lakou he poe Amerika a’u i kamaaina mua ai, i hele mai no ka hoolanalana ana i ko’u mau manao luuluu—a nolaila, iloko o keia manawa i haawi ia mai ai keia pepa inoa ia’u, ua ukiuki loa iho la au no keia poe makaikai; aka, i ko’u manawa i ike iho ai maluna o ua pepa nei i ka inoa o kuu aikane aloha, oia hoi o Tairela, ke kanaka kaahele, he mea e ko’u hauoli me ka hikiele no ka manao ana iho e halawai hou ana ka au me ia.  Hoomakaukau iho la au ia’u iho, a iloko o ka manawa pokole noho ana au imua o ke alo o Tairela. Iloko o ka maua mau kamakamaiho ana aole oia i hoopuka iki mai i kekahi mea e pili ana no ka make o Adelaide, aka, mamuli o ke ano e o kana kamailio ana a me ke akakuu o kona leo wau i hoomaopopo iho ai ua lohe oia ia mea.  No ko’u pili mau loa me Adelaide mai kinohi mai a hiki i kona make ana, nolaila, ua nui wale na kamailio wale ia ana mao a maanei o ko’u inoa, a o ka mea ka i manao wale ia aole wau i hookaumaha ia ma kona make ana no ko’u lilo ana i pilikoko nona, aka, no ko’u makemake ana e lilo na kaikuahine hanauna nei o’u i wahine na’u, a nolaila, o Tairela, no kona lohe ana paha i keia mau mea, aole oia i hoopuka iki mai i kekahi mea e pili ana no Adelaide a me a’u.

 

            No ko Tairela ike ana iho paha i ke ano o ko’u noho ana i keia manawa, nolaila, mihi mai la oia no kona hele ana mai e ike ia’u.  Hahai mai la oia i lawe mai oia i kekahi leta na’u i waiho ia ma ka poho o kona lima ma Damasekusa iloko o kekahi mau mahina i hala ae nei, a i haawi ia aku hoi iaia e kela kanaka a’u i hoolauna aku ai iaia ma ke Alanui Broadway ma Nu Ioka, mahope iho o ko maua oili ana mai kahi noho mai o D’Everina.

 

            I kona manawa i haawi mai ai i ka leta ia’u, hoomaka koke iho la au e manao he kahea ana mai keia o Salatela ia’u e hele aku imua ona.  Iloko pu no hoi o ia manawa ua hoopau ia ae la ko’u mau luuluu a pau, a me he la ua kaikai ia ae au mailoko ae o ka pohina o ka walohia a i’looko o ko’u mau la o ka hauoli mamua ae o ko’u halawai mua ana me Salatela.  Wehe ae la au i ua leta nei, a oishi o Tairela e nana @na i na kii pena ma ka paia, heluhelu iho la au, a me keia na h@aolelo o ua leta nei:

 

            “E kuu keiki.” wahi a @alatela maloko o ua leta nei, “oiai au@ haalele aku ai ia oe, me ka hoole pu a@a aku i kou hele pu ana me a’u, ua h@ au peia e like me ka mea i maa a@au ia’u a i kekahi poe e ae paha.  A hiki mai i keia wa, aole au e like me au mea i ike mau ai, ua loli a ano e a@ o loko a me waho o’u, a ke kau nai nei ko’’u manao ana nou—ka mea hoolilo iaia iho e komo iloko ka wa@hia me ke kaumaha no ko’u pono—e@ ke me ka makuakane e kau nui ana no kana keiki ponoi.  Ke ike mua nei au e noho aku ana oe ma keia mua aku iloko o kekahi noho’na mehameha loa, a nolaila, i kou manawa e noho hookahi iho ai, e hele mai io’u nei, ka mea nona ke ola au i hoola ae ai i na manaolana hauoli o ka make.  E kali no au a hiki mai i kou manawa.  Owau, ka mea e kau nui loa nei no ka make, he hiki ia’u ke kuemi hope mai ke kae mai o ka luakupapau i hamama e , a e kaohi iki iho i ke ola iloko ou a hiki i kuu ike hou ana ia oe.  Ina no he mau mahina kakaikahi a i ole he mau makahiki okoa aku paha koe a’u e kali ai ia oe, aole no ia e hoouka mai ana i mau luuluu hou maluna o ko’u mau la i hooluuluu mua ia.  E hiki mai auanei oe imua o’u ma o Arabi Sheika El Iosepa la, a e lohe a ike no oe iaia ma o Beni Saadi la o Damasekusa.  Ke hiki oe malaila, e hahai aku oe i ka mea nona ka moa hope o oe ka mea i hele mai ke Komohana mai no ka halawai ana me ka Haku o na Lahuikanaka, a e hoike aku oe iaia i ka signeta a’u e haawi aku nei i ke kanaka kaahele no ka lawe ana imua ou.”

 

            Hoomau aku la @o @a i ka @a@a A@ i ua leta nei, me ka poina pu ana iho ia Tairela a me na mea e ae e hoopuni ana ia’u, a i ko’u manawa i ike hou iho ai i ka huaolelo “siganeta,” akahi no au a hoomanao hou ae no Tairela.  Huli ae la au a ike aku la ia Tairela e ku kokoke mai ana mahope o’u, e paa ana ma kona lima i ua siganeta nei.  I kona haawi ana mai i ua siganeta nei, ike iho la au, he pohaku nani oa keia i kakau kahakahaia, a he kumukuai nui loa hoi kona.  A i ko’u hoomaikai ana aku iaia no kona ahonui i ka lawe ana mai i ua siganeta nei a loaa au, pane mai la oia:

 

            “Ina ua hauoli oe no ka loaa ana o keia makana, ke hai aku nei au, ua hoomama loa ia ko’u manao no ka loaa ana aku ia oe ua makana nei me ka palekana.  He mea waiwai nui loa keia o ka haawiia ana mai ia’u e lawe, a i ko’u manao ana iho aia wale no ka pono a na’u maoli no e lawe mai, ua nui loa ko’u noonoo nui ana no ka lawe maoli ana mai no imua ou a ike aku au ua loaa io ia oe.  Aka, mai hoihoi hou ia e a’u keia mea mai kahi i loaa mai ai ia’u, no ka mea, mahope iho o ko’u hoea ana i Nu Ioka aole oe i loaa ia’u, a lohe iho la au eia oe i Italia nei, a no ko’u ike ana iho he loaa no ia’u ka manawa e huli ai ia oe mamua o ka manawa o’u i makemakeia ai e hoi hou aku i ka Hikina, nolaila au i hoe mai nei.”

 

            “A ina pela,” wahi a’u, “ua hele oe mawaho ae o kou alahele no ka lawe wale ana mai no ia’u i keia mea!  Ua aie au ia oe no keia hoolauwiliia ana ou.”

 

            “Aole loa,” wahi hou a Tairela, “he mea ole loa keia tausani mile a’u i hele mai nei i ke kanaka elike me a’u.  Eia kekahi, ua hoopakele o Salatela i ko’u ola ma ka hoea ana mai mawaena o ka lahui Deruse o@ai i ka manawa a lakou e kokoke ana e lawe i ko’u ola no ko’u hoea ana aku iwaena o lakou.  A e ole ia pakele ai au, a ua hauoli loa au no ka hana i kekahi mea ana e makemake ai ia’u e hana i panina no kona hoopakele ana i ko’u ola.  Ke hai aku nei au ia oe, ina aole oia i hoike maoli mai iaia iho ia’u, ina la aole au e manao oia no ke kanaka au i hoolauna ai ia’u ma Nu Ioka.  Ua elemakule loa oia i keia manawa a’u i ike hou aku nei, a ke noonoo ae au nona, ua hoopahaohao loa ia au i ke ano maoli i keia kanaka, ua kulou haahaa mai la keia poe Deruse i hoao ai e pepehi ia’u imua ona mamuli o kana kauoha, a he wiwo loa lakou iaia, a ma keia mau mea ke manao nei au oia no kela kanaka hookahi a’u i ike mua loa ai ma Inia, a i hoopakele mua ia hoi i ko’u ola mailoko mai o ka make ma ka moana Iniana!”

 

            Mahope iho o ka’u mau ninaninau hou ana aku ia Tairela no ko Salatela ano ana i ike hope aku nei pane aku la au:

 

            “E hele ana au i ona la ma ka Hikina, a ina o kou alahele aku ia, e ae anei oe o kaua pu ke hele?  He nui loa na mea o hoopunini nei i ko’u mau noonoo, a aole paha au e liko ana i hoahele kupono nou, aka, ina oe e kala mai ana ia’u malalo o keia mau kumua’u i hai ae la, e lawe no au a hiipoi iho ia oluolu ana ou no ka ae ana mai ia’u e hele pu me oe.”

 

            Ae mai la o Tairela i keia noi a’u me ka hauoli, a pane hou mai la:  “E hoi hou ana au no Damasekusa, a mai laila au e hoomaka aku ai no ka hele ana iloko o na wahi i hele mua ole ia, a e hele hou ana au mawaena o ka poe Deruse.  O keia wale no ka lahuikanaka a’u i ike ole ai mamua, a aole au e kuemi hope ana i ko’u hoao hou ana e hele hou aku mawaena o lakou.”

 

            Holo iho la keia manao o maua, a me kona oluolu nui oia i hoomakaukau mai ai i ko maua mau wahi ukana, me ka waiho ana mai ia’u e noho malie iloko o ia mau wahi la kakaikahi, a i ka molehlehu kakaniaka nui o kekahi la hele aku la au a ako mai la i mau pua rose me na lau maile mai ka luakupapau mai o Adelaide, a haalele aku la au ia wahi makamae no ke ao pau ole, me ka huli ana o ko’u alo no Salatela a me ka waoak@a.              (Aole i pau.)

 

K MOOLELO KAAO O

 

Kahanuopoineki,

 

Ke keiki alii o ke aupuni o Italia.

 

Ka Olali o na Waoakua o Arabia.

Ka Nai@a nana i @ekaa na @a huna o na Powa.

 

MOKUNA I.

 

            OPULUKA ka Moi o Italia o kana wahine oia no o Goseana.  I ka noho ana o keia mau alii me ka oluolu a me ke akahai, ua nui ka mahalo o na makaainana o ke aupuni ia laua, a nui pu no hoi ke aloha o na Moi i ko laua mau makaainana, a ua ai alii laua i ke aupuni me ka lele ole o ka oili Aka, he wa e hiki mai ana e lele ai ko laua oili, a e pau a i ko laua noho alii ana.

 

            I ko laua wa e noho ana i ke aupun no na makahiki he iwakalua kumamalima, ua hapai iho la ka Moiwahine, ua hanau mai la na laua he ekolu mau keiki o ka mua, o Kale, he keiki kane ia, o ka lua he keiki kane no o Momiana, a o ke kolu o ke keiki, he kaikamahine ia o Mele; ua noho keia mau keiki a nunui, o ke kaikamahine nae, oia ka mea i kaulana no ka ui a me ka maikai ma k@ aupuni o Italia.  Ua kaulana kona ui a puni o Europa.

 

            A mahope, ua hapai hou iho la ka mea nona keia moolelo a kakou e kuili pu aku ai o keia mua aku.  I ka hoomaka ana e hapai, ua komohia iho la ka aupuni o Italia i ke kaua, ua hiki mai la ka powa kaulana o ke aupuni o Sepania, oia o Sila Huka me kona mau mahele koa he kanawalu tausani, a luku aku la i ko ke aupuni o Italia, a ua hoeu ae la ka Moi i kona puali koa nui a kaua aku la; eia nae he mea ole wale no ia i na keiki powa, no ka mea, o ka lakou hana ia i hele a paulehia, ua like ka ihe, ka pahi, ke koi kaua, a me ke kakaka he wai auau no ia mau kaeaea o na mauna o ke aupuni o Sepania,

 

            Iloko o keia kaua ana, ua liko mua ka hae o ka lanakila i ua alii powa la, a o ka Moi hoi ua ili iho la ke kaumaha maluna ona.  I ke kaua hope loa ana a ia po iho=, hanau iho la ka mea nona keia moolelo, a ao ae oia ka manawa e lawe ia ai ka noho alii o Italia e ua powa nei.  O ka po no ia i hemo ai o Kahanuopoineki, ua ku ae la ka Moi a lalau iho la i ke keiki a hoomaemae iho la a pau, alaila, kauoha aku la oia i kana mau keiki mua e hele mai imua ona a me kana wahine, a hoomaka iho la oia e honi pakahi i kana mau keiki me ke kulu ana o na waimaka he nui, a hoopuka aku la i keia mau olelo me ka welenia o ka puuwai i ke aloha keiki.  Eia kana mau olelo:

 

            E a’u mau keiki aloha o ko maua mau la opiopio a heu ole hoi, no oukou ko’u aloha nui.  Eia au ke haalele nei ia oukou, a imi aku hoi i wahi e pakele ai no ko’u ola, a me ke ola o kooukou pokii.  Ia oe hoi e kuu wahine, e haalele ana au ia oe e noho mahopenei me na keiki nunui a kaua, o oe e kuu wahine ka mea nana @ hoowelenia i ko’u puuwai, ka lei haule ole hai i kuu manao e noho ne@ aloha kaua eia au ke haalele nei ia oe a e noho iho @e me na keiki mua a kaua, a hele aku au i ke alanui a’u i ike mua ole ai i kahi hoi o na holoholona hihiu he nui.  Ina e puka ka’u huakai, alaila ua pomaikai ko maua ola.

 

            Iloko o keia olelo a ka Moi ua noho iho la ka ohana iloko o ke kauniaha a me ka ehaeha o ka naau no ka haalele ana mai o ko lakou makua ia lakou.

 

            Ia manawa haawi aku la oia i kona aloha hope i kand wahine, me ke apo ana iho i ka poohiwi o kana lei alohahe wahine, o ka manawa no ia i haalele iho ai i ka Hale Alii, a me kana wahi olelo hope loa.  “He au ko ka manawa e hiki mai ana e loaa auanei i ka mea pakaha wale i ko’u aupuni ka hoopai maino ino.—Aloha oukou.

 

            Ia manawa ku ae la oia iluna, lalau iho la i ke keiki opiopio, a lei ae la i ka ai.  Hopu iho la i kekahi pila gita, a hele aku la no ka ululaau o kona auuni.

 

            E wehewehe iki au i ke ano o keia pila gita.  O keia pila mai kona mau kupuna mai, he pila kauoha hoi keia, aole e lilo ia hai, a ua kaulana no hoi ke akamai o keia Moi a puni ke ao, aole ona mea nana e hoohoka ma na mea kani, a oia kona mea i lawe ai keia pila.

 

            E huli ae kakou a nana akui i ke ala kuahiwi o ka Moi e hele la.  Iaia i puka aku ai mai ka hale alii aku, a hoonee aku la oia i kona motio ana no ka ululaau a kapoo aku la ka Moi iloko me ka naau luuluu e hana malie and iloko o kona pu@wai.  Pela oia i hoomau aku ai i ka nee ana imua a hiki i ka wehena o kaiao, ua hoomaka ae la kana keiki e lei nei i ka a- i e uwe no ka potoli.  Ua hoomaka iho la ka Moi Puluka e kaukau iho i kana keiki.  “O ka uwe ae kau e ke keiki a he waiu ko’u e hanai iho ia oe.  E waiho au ia oe maanei a e hele ae au e huli i ai nau e kuu keiki.”  Hele aku la ia a lawe mai la i na pua nunui o kela a me keia ano laau a hookulukulu iho la i ka wai o ka pua iloko o ka waha o ke keiki, a pela keia i hana ai a ma ona ke keiki ku ae la no keia hele.  A pela mau ka ia nei hanai ana i ke keiki me ka wai o na pua a hiki i ka nui ana.  Ua hoomanawanui laua nei i ke anuanu o ka nahele mai ka wa uuku a hiki i ka nui ana o ke keiki.  Oi aahu aku laua nei i na wahi kapa a pau i ka nahaehae ua hoomaka aku la keia e luku i na holoholona hihiu, a o ka ili o ka holoholona ko laua nei kapa e aahu ai:  20 ka hua hoi o na laah mimona a me ka ili o na laau ka laua nei ai.

 

            A hala na makahiki ehiku o ko laua nei hele ana i ke kuahiwi, ua pii mai la ka nui o ua keiki nei a ua pii pu mai la no hoi ka nani kilakila o ua keiki nei. a ke nana aku iaia, pali ke kua mahina ke alo i ke ku a ke kanaka maikai.  A nolaila i hoomanao ae ai ka mea kakau i keia mau wahi lalani mele:

 

            Ahuhea wale oe e i ala

            E ka maoli pua o ka uka,

            Noho mai nei oe i ka iu

            Hooipo me lau ka ieie.

 

            I ka piha ana o na makahiki ehiku, ua puka aku la laua nei ma kekahi aoao kuaaina o ke aupuni o Arbaia e like paha me Koolau ae nei.  I ka laua hiki ana aku ilaila ua hoomaka iho la laua nei e pa i pa pohaku a kiekie maikai, o ke kiekie o ka pa a laua nei i hana ai he umikumamalua kapuai, a ua hele aku la ka luai makuakane e oki i o’a a hoi mai la hoomaka iho la laua nei e kukulu a ako mai ka lau laau maluna iho.

 

            O keia ano hale, ua like me kekahi mau hale pohaku o Puna i Hawaii i ka wa mamua.  A paa ka hale o laua nei ua hoomaka iho la ka makuakane e ohi i ka wahie a lawe hele aku la e maau auwa makai o kahi kauhale a loaa mai la na wahi kenikeni, kuai aku la i pala oa a me na mea e pono ai o ko laua noho ana, a pela iho la i loaa ai ko laua wahi ola o ka noho ana ma ia aina malihini.

 

            O ka hana mau a ka makuakane o ke ao i ke keiki i na ano olelo a pau i loaa iaia, a ua ao pu aku la kona makuakane i na rula o ka noho ana o ke alo alii, a o ka hana hope a ka Moi Puluka i ao ai i kana keiki oia no ka hookani pila gita  Me he mea la ua hele keia keiki i na kula kiekie loa o ka naauao.  Ua oleloia no hoi ma keia moolelo, aole he haumana nana e uhai kona akamai ma ka hookani gita a me ka himeni, ua like kona leo me ke kahuli leo nahenahe a oi aku no paha, o ka hana mau a Hanuopoineki i na kakahiaka a me na ahiahi a pau o ka hookani gita me ka himeni.

 

            Ua noho laua nei me ka hookaika a hala kekahi mau makahiki loihi, eia nae ka mea apiki loa o ka ili no o na holoholona k@ laua nei mau aahu.

 

            E huli ae hoi kakoa a nana aku @ ke kaikamahine alii o ke aupuni o Arabia a hooilina Moi hoi o ke aupuni.  O ka inoa o keia kaikamahine o Puarose, ka mea i hoohalikeia kona nani elike me ka pua rose a o ke kumu no hoi ia i kapaia ai kona inoa o Puarose—ka mea i kapaia ka “Haku wahine nai o ka hale alii o Araboa.”

 

            I ka wa e noho ana ua kaikani hine nei maloko o ka halealii me kona mau makua Moi.  Ua nonoi aku la oia i kona mau makua e ae aku laua iaia e hele makaikaii kona aupuni; ua ae aku la kona mau makua iaia e hele e hoolanalana i kona kino, a ua hoolahaia aku la iloko o na nupepa a pau o ke aupuni o Arab ia, ka huakai kaahele a ke kaikamahine alii i kona aupuni.  A hiki mai ka manawa e hele ai ke kaika mahine, ua hoouna pu ia mai la me na puali koa a me koi a mau haia wahine he kanalima, e hele e malama i kona maluhia.  I ke kakahiaka ana ae, puka mai la ka la me ka maikai, hoike mai la hoi na kuahiwi i ko lakou mahalo, no ka mea aole ka hau ma kona wahi mau, a ke nana aku oe, he uliuli lipolipo kanahele, e hoike mai ana lakou i ko lakou mahalo i ke kaikamahine alii nana ka huakai makaikai.  I kona hoomaka ana e hele, ua hele oia ma ka aoao hikina me kona manao e puni ana kona aina iaia:  aole nae ia i ike mua he mea kekahi nana e hoano e i kona manao a huli hoi hou oia i kona halealii.  Ua hele mai la oia ma kekahi aoao o ke aupuni nie ka hauoli nui, a hala na mahina elua me ka hapa o kona hele ana, i kekahi kakahiaka, hele mai la oia a moe ma kahi o ke kiaaina, a he elua la ko lakou hoomaha ana malaila, a i ke kolu o ka la hoomaka ka hele ana o ka huakai, a i ka hiki ana o ka huakai alii mawaho pono o kahi pupupu hale o ka mea nona keia moolelo oia hoi o Hanuopoineki, he mea e ka lele o kona oili a me ka haalulu o kona kino, a kahea aku la oia i kona puali koa a me na haiawahine e ku iho, a @a hookoia keia kauoha a ke kaikamahine alii, a ua ku iho la ka huakai.

 

            I keia manawa e huli ae kakou a kamailio no ke kaikamahine alii a me Kahanuopoineki ka maoli pua o ke kua hiwi o Italia.  I ka manawa i ku ai ka huakai, ua kauoha aku la ke kaikamahine alii aole e nee hou i hookahi kapuai mai kahi a lakou e ku ana a hiki i kona hoi ana mai.

 

            E ninau mai paha auanei o’u mau hoa puni moolelo, i ke kumu o ke ku ana o ka huakai a ke kaikamahine ‘lii ma ia wahi.

 

            E hai aku au ia oukou i ke kumu i ku ai oia keia:  Ua lohe aku la keia i ke kani mai o ke gita, me ka pii pu ana mai o ka leo o ka Hanuopoineki, a ua like pu no hoi ia leo me ka leo o na manu leo lea o ka uka anoano o Paliuli aole he hookahi o ke aupuni o Arabia elike aku ai me ka leo o Hanuopoineki.

 

            Ku ae la ke kaikamahine Alii iluna a komo aku la iloko o kahi pupupu hale, a Hanuopoineki e noho mai ana.  I ua kaikamahine i nei komo aku ai, ua halawai aku la ka ike a kona mau maka me kekahi kanaka e noho ana ma kae o kapuahi, e kuke ana i ka laua mea ai no ka aina kakahiaka.  “Aloha kakahiaka oe e ka elemakule, i kauia e ke oho hina.

 

            I ua elemakule nei a nana mai ai i keia kaikamahine e ku aku ana, me na hoailona Alii, aloha kakahiaka oe e ke kaikamahine alii.”  E ninau aku ana au ia oe e ka elemakule, na wai keia mea kani e kani mai nei?  Pane mai la ka elemakule.  Na kuu wahi keiki.  Ninau hou aku la ke kaikamahine alii.  Aia mahea kahi i noho ai?  Aia ma kela mau rumi aku ma-o.  Nonoi aku la ke kaikamahine alii, “e ae mai kou oluolu, e lawe aku ia’i malaila, e hoikeike ai ia’u i ka rumi o kau keiki i noho ai; ke oluolu nae ia i kou manao.  Ae mai la ka elemakule, a o ko laua wa no ia i hele aku ai e hoohalawai me ka mea nona keia moolelo.

 

            I ka hiki ana aku o ke kaikamahine Alii i ka rumi o ua o Hanuopoineki e mele ana, o ka manawa no ia i lele ae mele ana, o ka manawa no ia i lele ae ai kona hauli, a haule pahu aku la oia i ka honua, a maule aku la.  O ka manawa no hoi ia i lele aku ai ka elemakule e lomilomi i ke kaikamahine alii, me ke kahea pu ana aku no hoi i kana kaiki, e hele mai e kokua i ke kaikamahine alii; aka, pane mai la kana keiki.  (Aole i pau)